༈ ལྡི་ལི་ཤེས་རིག་དཔར་ཁང་དབུས་ཡིག་ཚང་དུ་ཞུ་དག་པ་གཅིག་དང་བྱུས་འགོད་པ་གཅིག་བཅས་ཀྱི་ས་མིག་གཉིས་སྟོང་པ་ཡོད་པས་ཆ་རྐྱེན་ཚང་ཞིང་ཞུགས་བློ་ཡོད་རིགས་སོ་སོའི་ལག་འཁྱེར་ཡིག་ཆ་ཁག་དང་སྦྲགས་གཤམ་གསལ་ཁ་བྱང་ཐོག་ཕྱི་ལོ་ ༢༠༡༦ ཟླ་ ༡༡ ཚེས་ ༢༧ འགྱངས་མེད་འཚང་སྙན་འབུལ་དགོས་རྒྱུ། འཚང་སྙན་ནང་སོ་སོའི་ཁ་བྱང༌། ཞལ་པར་ཨང༌། གློག་འཕྲིན་ཨང་བཅས་ཁ་གསལ་བཀོད་དགོས་རྒྱུ། གོང་གསལ་དུས་བཀག་རྗེས་འཚང་སྙན་འབུལ་འབྱོར་རིགས་རང་བཞིན་གྱིས་རྩིས་མེད་གཏོང་རྒྱུ། ལག་འཁྱེར་ངོ་མ་ཞིབ་བཤེར་ཆེད་དངོས་གཞིའི་རྒྱུགས་སྤྲོད་སྐབས་མཉམ་འཁྱེར་དགོས། ཆ་རྐྱེན་ཚང་བའི་སྙན་འབུལ་ཁག་ལ་ཡིག་རྒྱུགས་དང་ངག་རྒྱུགས་ཀམ་སྤུ་ཌར་བཅས་འདེམས་རྒྱུགས་ཀྱི་ལམ་ནས་གདམ་རྒྱུ་ཡིན། འདེམས་རྒྱུགས་བྱ་ཡུལ་དང་ཚེས་གྲངས་འཚང་སྙན་དུས་གཙང་རྗེས་དོ་བདག་སོ་སོར་བརྡ་ལན་སྤྲོད་རྒྱུ་ཡིན། རྒྱུགས་སྤྲོད་དུ་ཕེབས་སྐབས་ཀྱི་འགྲོ་གྲོན་རྣམས་དོ་བདག་རང་ཉིད་ནས་གཏོང་དགོས་པ་ཡིན།
ཞུ་དག་པའི་དགོས་མཁོ་དང་ཆ་རྐྱེན།
༡༽ Acharya- ལག་འཁྱེར་འམ་བོད་ཀྱི་ནང་དོན་རིག་པའི་གཞུང་ཆེན་ལ་ཉུང་མཐར་ལོ་ལྔ་སློབ་གཉེར་འགྲིམས་མྱོང་བའི་ལག་འཁྱེར་དགོས་རྒྱུ།
༢༽ ཡིག་རྒྱུགས་ཐད། བོད་ཡིག་འབྲི་རྒྱུགས་དང༌། ངག་རྒྱུགས། ཀམ་སྤུ་ཌར་བཅས་ཡོད། བསྡོམས་བརྒྱ་ཆ་ ༡༠༠། ནས་ངེས་པར་བརྒྱ་ཆ་ ༦༥། ལེན་དགོས་ཡོད། དེ་མིན་རྩིས་མེད་ཡིན།
༣༽ དོ་བདག་ལ་ཕོགས་རིམ་བཞི་པ། ཟླ་རེར་ཧིན་སྒོར། ༡༩༥༦༢།༠༠ དང་ལས་ཤག་གོ་སྒྲིག་ཡོད། ཟླ་དྲུག་ཚོད་བལྟའི་དུས་ཡུན་རྫོགས་མཚམས་ལས་བྱེད་ངོ་མར་བསྐོ་གཞག་འོས་མཚམས་ཤེས་དཔར་སྒྲིག་གཞི་ནང་གསལ་སྤྱི་མཚུངས་ལྟར་ཐོབ་རྒྱུ།
༤༽ ཕྱི་ལོ་ ༢༠༡༥།༡༢།༣༡ བར་དྭངས་བླངས་དཔྱ་དངུལ་ཆ་ཚང་འབུལ་ཟིན་པའི་ཤོག་ངོས་དང་པོ་དང་མཐའ་མའི་འདྲ་བཤུས།
༥༽ རྒྱ་གར་སྐྱབས་བཅོལ་ལག་དེབ་དུས་འགྱངས་ཞུས་པའི་ཤོག་ངོས་དང་པོ་དང་མཐའ་མའི་འདྲ་ཤུས།
༦༽ རང་ལོ་ ༡༨ ནས་ ༤༠ མ་བརྒལ་བ་དགོས་རྒྱུ།
༧༽ ངོས་འཛིན་ཡོད་པའི་སྨན་ཁང་ཞིག་ནས་གཟུགས་ཐང་ལས་འཕེར་ཡིན་པའི་སྨན་པའི་ངོས་སྦྱོར།
༨༽ ལས་ཀ་བྱེད་བཞིན་པ་ཡིན་ན་ལས་ཡུལ་ནས་དགག་བྱ་མེད་པའི་ངོ་སྦྱོར་དགོས།
༩༽ གོང་གསལ་ལག་འཁྱེར་དང་ཡིག་ཆའི་ཐོག་དབུས་བོད་མིའི་སྒྲིག་འཛུགས་ཁག་གི་ཟུང་དྲུང་ཡན་ཡང་ན་ས་གནས་འགན་འཛིན་གང་རུང་གི་དག་མཆན་ངེས་པར་འཁོད་དགོས།
བྱུས་འགོད་པའི་དགོས་མཁོ་དང་ཆ་རྐྱེན།
༡༽ འཛིན་གྲྭ་བཅུ་གཉིས་ཡན་ཐོན་པའི་ལག་འཁྱེར་ཡིག་ཆ་དགོས་རྒྱུ།
༢༽ གློག་ཀླད་དཔར་བསྐྲུན་ནམ། དེ་དང་མཉམ་པའི་གློག་ཀླད་བཟོ་བཀོད་ཀྱི་ལག་འཁྱེར་ཡོད་པ།
ཁ༽ དྲྭ་རྒྱ་བཟོ་བཀོད་དང་རྒྱ་བསྐྱེད་བྱ་ཐུབ་པའི་ཤེས་ཚད་རང་རྐྱ་ཐུབ་པ།
A- Desktop Publishing ( D.T.P.) or equivalent degree in Designing.
B- Must have knowledge of web designing and development.
༣༽ ཡིག་རྒྱུགས་ཐད། དབྱིན་ཡིག་ཐོག་བྱུས་འགོད་འབྲི་རྒྱུགས་དང༌། ངག་རྒྱུགས༌། དཔར་བསྐྲུན་ཉམས་མྱོང་བཅས་ལ་བརྒྱ་ཆ་ ༡༠༠ ནས་རྒྱབ་ཆ་ ༦༠ ངེས་པར་ལེན་དགོས་ཡོད། དེ་མིན་རྩིས་མེད་ཡིན།
༤༽ འཛིན་གྲྭ་བཅུ་གཉིས་ཐོན་པ་ལ་ཕོགས་རིམ་བདུན་པ༌།ཟླ་རེར་ཧིན་སྒོར། ༡༩༡༡༦།༠༠ དང་ལས་ཤག་གོ་སྒྲིག་ཡོད། ཆོད་གན་ཐོག་ལོ་གསུམ་རིང་བསྐོ་གཞག་གནང་རྒྱུ་ཡིན།
ཁ༽ མཐོ་སློབ་ཡན་ཐོན་པ་ལ་ཕོགས་རིམ་དྲུག་པ། ཟླ་རེར་སྒོར། ༡༩༤༩༤།༠༠ དང་ལས་ཤག་གོ་སྒྲིག་ཡོད། ཆོད་གན་ཐོག་ལོ་གསུམ་རིང་བསྐོ་གཞག་གནང་རྒྱུ་ཡིན།
༥༽ དེ་འཕྲོས་གོང་གསལ་ཞུ་དག་པའི་ཨང་བཞི་པ་ནས་དགུ་བར་གཅིག་མཚུངས་དགོས་གལ་བཅས་ལྡི་ལི་ཤེས་རིག་
དཔར་ཁང་དབུས་ཡིག་ཚང་ནས་ཕྱི་ལོ་ ༢༠༡༦ ཟླ་ ༡༠ ཚེས་ ༢༩ ལ།།
The Director
Tibetan Cultural & Religious Publication Centre
R- 28 & 27, Ramesh Park, Laxmi Nagar, Delhi- 110092
Tele Fax:- 011-22455634 & 011-22453672 (O) 011-22013260(R)
E-mail- tcrpc@rediffmail.com & shepardelhi@gmail.com
