རྔ་བ་ཀིརྟི་དགོན་གྱི་གླིང་མདོའི་སྒོ་ཆེན་འགྲམ་དུ་བོད་རིགས་བུ་མོ་གཉིས་ཀྱིས་༧རྒྱལ་བ་རིན་པོ་ཆེ་ཁྲི་ལོར་ཤོག་ཅེས་ཞི་འབོད་ཁྲོམ་སྐོར་གནང་ཡོད་འདུག
རྔ་བ་ཀིརྟི་དགོན་གྱི་གླིང་མདོའི་སྒོ་ཆེན་འགྲམ་དུ། བོད་རིགས་བུ་མོ་གཉིས་ཀྱིས་ལག་ཏུ་༧་གོང་ས་མཆོག་གི་སྐུ་པར་ཆེན་པོ་གཉིས་བཟུང་སྟེ་ཞི་འབོད་ཁྲོམ་སྐོར་གནང་ཡོད་པ་དང་། ཕྱི་ཕྱོགས་སུ་བསླེབས་པའི་བརྙན་ཐུང་ཞིག་གི་ནང་མི་མང་པོ་འགྲོ་འོང་བྱེད་བཞིན་ཡོད་པའི་ཁྲོམ་གཞུང་དུ། ལུས་ལ་བོད་ཆས་གཙང་མ་གྱོན་པའི་བུ་མོ་གཉིས་ཀྱིས་༧གོང་ས་མཆོག་གི་སྐུ་པར་ཆེན་པོ་གཉིས་གནམ་ལ་མཐོན་པོར་བསྒྲེངས་ཏེ། ༧རྒྱལ་བ་བསྟན་འཛིན་རྒྱ་མཚོ་ཁྲི་ལོ་ནས་ཁྲི་ལོར་ཤོག་ཅེས་འབོད་ཚིག་སྒྲོག་གིན་ཁྲོམ་སྐོར་གནང་བཞིན་འདུག
བོད་ནས་གནས་ཚུལ་གཏོང་མཁན་གྱིས་ཞི་རྒོལ་ཁྲོམ་སྐོར་དེ་དེ་རིང་བྱུང་བ་ཡིན་སྐོར་བརྗོད་སོང་ལ། ད་ལྟའི་ཆར་བུ་མོ་དེ་གཉིས་ཀྱི་གནས་སྟངས་ག་འདྲ་ཆགས་ཡོད་མེད་དང་། ཁོང་གཉིས་ཀྱི་མིང་དང་ཁྱིམ་ཚང་གི་གནས་སྟངས་སྐོར་སོགས་ཅི་ཡང་ཤེས་རྟོགས་ཐུབ་ཀྱི་མི་འདུག
ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་གྲྭ་ཀ་ཉག་ཚེ་རིང་ལགས་སུ་ཁ་པར་བརྒྱུད་གནས་ཚུལ་དེའི་སྐོར་སྐད་ཆ་དྲིས་པར། གནས་ཚུལ་དེ་རྩད་གཅོད་གནང་བཞིན་ཡོད་ནའང་ད་ལྟའི་ཆར་གསལ་པོ་ཞིག་ཤེས་ཐུབ་ཀྱི་མི་འདུག་ཀྱང་། ཞི་རྒོལ་གནང་ས་དེ་ཀིརྟི་དགོན་གྱི་གླིང་མདོའི་སྒོ་ཆེན་ཉེ་འགྲམ་ཡིན་པ་བརྙན་ཐུང་ལས་གསལ་པོ་མཐོང་ཐུབ་སྐོར་བརྗོད་བྱུང་།
ཕྱི་ལོ་ ༢༠༡༥ ལོ་ནས་བཟུང་རྔ་བ་རྫོང་ཁོངས་ཀྱི་གཙོས་བོད་ཁུལ་གྱི་ས་གནས་ཁག་ཅིག་ཏུ། བོད་མི་རྣམས་འཛེམས་ཟོན་མེད་པར་ཁེར་རྐྱང་གིས་ཁྲོམ་གཞུང་དུ་ཐོན་ཏེ་ཞི་རྒོལ་སྐད་འབོད་ཀྱི་ལས་འགུལ་རིམ་པར་སྤེལ་ཡོད་པ་དང་། གནས་ཚུལ་བྱུང་མ་ཐག་ཉེན་རྟོག་པ་མང་པོས་རུབ་རྡུང་བྱས་ཏེ་ཞི་རྒོལ་བ་རྣམས་བཙན་འཁྲིད་བྱས་ཡོད་ལ། ཕྱི་ནས་ཤེས་རྟོགས་བྱུང་བའི་གྲངས་འབོར་ལྟར་ན། ད་ལྟའི་བར་དུ་རྔ་བ་རྫོང་ཁོངས་ཏུ་ཁྲོམ་གཞུང་ལ་ཐོན་ཏེ་ཞི་རྒོལ་སྐད་འབོད་གནང་མཁན་བུད་མེད་བཞི་ཙམ་བྱུང་འདུག
གསར་འགོད་པ། པདྨ་མཚོ།
སྐད་འབོད་རེ་རེའི་རྒྱབ་ན་སྡུག་སྔལ་བཟོད་ཐབས་མེད་པ་རེ་ཡོད་པ་བཤད་མ་དགོས་པར་རེད། ཆེས་གདུག་རྩུབ་ཆེ་བའི་རྒྱ་འདྲེ་ཚང་གི་མནར་གཅོད་མྱོང་བཞིན་པའི་མི་རིགས་ཀྱི་དཔའ་བོ་དཔའ་མོ་ཚོ་དྲན་ན་སེམས་ལ་བཟོད་ཐབས་མེད་པའི་སྡུག་སྔལ་གྱི་གང་བཞིན་འདུག
བོུ་ཁྱེ་ང་གཉིས་ལ་ངས་སྨོན་ལམ་ཡོད ང་རང་བོད་རིགས་གཅིག་ཡིན་པའི་ཆ་ནས་ག་འདུས་ཡིན་ན་བོད་མི་མཚོ་ལ་རྒྱབས་བཅོར་ཡོད སྔོན་མ་ནས་བོད་རང་བརྩན་རེད
༅༅། ཁྲེད་གངས་ཅན་ལྗོངས་ཀྱི་དཔའ་མོ་གཉིས་ནས་༧གོང་ས་མཆོག་གི་སྐུ་པར་འཁྱེར་ནས་༧གོང་ས་མཆོག་སྐུ་ཚེ་བརྟན་ད
པར་ཤོག་ཅེས་ཞི་བའི་སྐད་འབོད་གནང་བར་ཤིན་ཏུ་ནས་སེམས་འགུལ་ཐེབས་སོང།
ཁྱེད་གཉིས་ཀྱི་སྐུ་གཟུགས་ལ་བདག་པོ་ཡག་པོ་རྒྱོབས། ང་ཚོ་ཕྱི་ལ་བསྡད་མཁན་ཚོ་ཁྱེད་གཉིས་ལ་ཧང་ཅང་དགའ་བ་དང།
སེམས་ཁྲལ་ཡང་ཆེན་པོ་འདུག་ ང་ཚོའི་ལས་དབང་གཅིག་རེད།
བཀྲིས་བདེ་ལེགས་ཡོད།
བོད་ཀྱི་ནང་བསྟན་དང་རང་དབང་གི་དོན་དུ་༧རྒྱལ་བའི་སྐུ་པར་བསྣམས་ནས་ཁྲོམ་བསྐོར་གནང་མཁན་རྒྱལ་གཅེས་ལྷག་བསམ་ཅན་ཁྱེད་གཉིས་ཀྱི་བསམ་དོན་འགྲུབ་པའི་སྨོན་ལམ་ཡོད། དཔའ་མོ་ཁྱེད་གཉིས་རྒྱལ་གྱུར་ཅིག རྒྱལ་བའི་ཐུགས་རྗེས་གཟིགས་ངེས་ཡིན་པས་ཡིད་ལ་དགའ་བ་སྒོམ་དགོས། ཐུགས་རྗེ་ཆེ།