བལ་ཡུལ་ཉེན་རྟོག་པས་འཛིན་བཟུང་བྱས་པའི་བོད་མི་ ༤༡ ལས་ཕྱི་སྐྱོད་ལག་ཁྱེར་ཡོད་མཁན་ ༣༩ ཀློད་གྲོལ་བཏང་ཡོད་འདུག
ཟླ་འདིའི་ཕྱི་ཚེས་ ༡༤ ཉིན་བལ་ཡུལ་གྱི་ཀེ་ལཱ་ལི་རྫོང་ས་གནས་ཉེན་རྟོག་པས་བཀག་ཉར་བྱས་པའི་བོད་མི་ ༣༩ ཀློད་གྲོལ་བཏང་ཡོད་ཀྱང་། རྒྱ་གར་གྱི་ལག་ཁྱེར་ཡོད་པའི་བོད་མི་གཉིས་མུ་མཐུད་བཀག་ཉར་འོག་ཡོད་འདུག
འབྲེལ་ཡོད་བོད་མི་ཞིག་གིས། ཁོང་ཚོ་འཛིན་བཟུང་བྱེད་སྐབས་ཉེན་རྟོག་པ་རྣམས་ཀྱིས་ཉེན་རྟོག་ལྭ་བ་གྱོན་མེད་པ་དང་། ཕན་ཚུན་གོ་བརྡ་མ་འཕྲོད་པའི་རྐྱེན་གྱིས་བོད་མི་རྣམས་འཛིན་བཟུང་བྱས་ཏེ་ཕྱིར་འཁྲིད་ཡོང་ཡོད་ཀྱང་། བོད་ནས་ཡོང་མཁན་ཚང་མར་བལ་ཡུལ་ནང་ཡོང་ཆོག་པའི་ཡིག་ཆ་ཆ་ཚང་ཡོད་སྟབས། མཚན་གཅིག་རིང་བཀག་ཉར་བྱས་རྗེས་རྒྱ་གར་གྱི་ལག་ཁྱེར་ཡོད་མཁན་མི་གཉིས་མ་གཏོགས་གཞན་ཚང་མ་ཀློད་གྲོལ་བཏང་ཡོད་སྐོར་བརྗོད་བྱུང་།
ཡང་ཁོང་གིས། དེ་རིང་རྒྱ་གར་གཞུང་ཚབ་ཁང་ནས་རྒྱ་གར་གྱི་ལག་ཁྱེར་ཡོད་པའི་བོད་མི་གཉིས་ལ་ངོས་བཞེས་ཀྱི་ཡིག་ཆ་གནང་ཡོད་པ་དང་། བལ་ཡུལ་གཞུང་གིས་ཀྱང་དེ་རིང་ཁོང་གཉིས་གཏོང་རྒྱུ་ཡིན་ལུགས་བརྗོད་ཡོད་ཀྱང་། ད་རུང་ཀློད་གྲོལ་ཐོབ་མེད་སྐོར་བརྗོད་བྱུང་།
གསར་འགོད་པ། པདྨ་མཚོ།
རྒྱ་གར་གཞུང་ཚབ་ཁང་ནས་རྒྱ་གར་གྱི་ལག་ཁྱེར་ཡོད་པའི་བོད་མི་གཉིས་ལ་ངོས་བཞེས་ཀྱི་ཡིག་ཆ་གནང་བ་མི་གཉིས་དེ་གཏང་ཚར་འདུག
བཟང་པོ་ཟེར་བ་གཅིག་དང་དེའི་རོགས་པ་བསྟན་འཛིན་རྣམ་དག་ཟེར་བ་མི་གཉིས་དང་བལ་པོའི་ཉེན་རྟོག་པ་མཉམས་དུ་ཁ་འཐུན་ནས་མི་རེ་ལ་བལ་སྒོར་༣༠༠༠ལེན་འདུག