༄༅།། རྣམ་དཀར་དགེ་ཚོགས་རྒྱ་མཚོར་བློ་ཡི་འཇུག་པ་མཆོག་ཏུ་ཡངས་པ་རྒྱ་ཆེའི་མི་མང་ལྷན་རྒྱས་ལ་
ཆེད་གསོལ།
དེ་ཡང་རྗེ་བཙུན་མི་ལ་བཞད་པ་རྡོ་རྗེའི་ཞལ་ནས། སེམས་ཅན་སུ་གང་གི་རྣ་བར་ངའི་མིང་ལན་གཅིག་ཐོས་ཤིང་དད་པ་སྐྱེས་པ་དེ་རྣམས་ལ། སྐྱེ་བ་བདུན་གྱི་བར་དུ་ངན་སོང་མེད་ཅིང་། ཚེ་རབས་བདུན་དྲན་པར་འགྱུར་བ་རྒྱལ་བ་གོང་མ་རྣམས་ཀྱིས་ལུང་བསྟན་པ་ཡིན་ནོ། །ཞེས་གསུངས་པ་ལྟར་གང་གི་སྐུ་གསུང་ཐུགས་ཀྱི་མཛད་པ་རྣམས་མཐོང་ཐོས་དྲན་གསུམ་གྱིས། སྐལ་བ་དང་ལྡན་པ་རྣམས་ངེས་འབྱུང་དང་དད་པ་བརྟན་པོ་ཐོབ་སྟེ་ཉམས་ལེན་སྒོམ་སྒྲུབ་སོགས་རྣམ་དཀར་དགེ་བའི་ལས་ལ་ངང་གིས་འཇུག་ཅིང་། ས་ལམ་རིམ་བགྲོད་ཀྱིས་མཐར་ཐུག་ཁྱབ་བདག་རྡོ་རྗེ་འཆང་ཆེན་པོའི་གོ་འཕང་བདེ་བླག་ཉིད་དུ་ཐོབ་པ་སོགས་དགེ་མཚན་ཁྱད་པར་ཅན་ཡོང་ངེས་པར་རྟེན།
སྤྱི་ལོ་ ༢༠༡༧ ཟླ་བ། ༡ ཚེས་ ༡ ནས་ ཟླ་བ་ ༢ ཚེས་༢༠ བར་ཉིན་གྲངས་ལྔ་བཅུའི་རིང་། གནས་མཆོག་རྡོ་རྗེ་གདན་མ་ཧཱ་ཡ་ནའི་གསོལ་མགྲོན་ཁང་དུ། ཚེ་ལུས་གཅིག་ལ་ཟུང་འཇུག་རྡོ་རྗེ་འཆང་གི་གོ་འཕང་མངོན་དུ་བྱས་ཤིང་། རྣལ་འབྱོར་གྱི་དབང་ཕྱུག་ཆེན་པོར་ཡོངས་སུ་གྲགས་པ་རྗེ་བཙུན་མི་ལ་རས་པའི་རྣམ་པར་ཐར་པ་དང་འབྲེལ་བ། ཡོངས་སུ་གྲགས་པའི་ཕུག་ཆེན་བཞི་དང་། མ་གྲགས་པའི་ཕུག་ཆེན་བཞི། ཕྱི་ཡི་རྫོང་དྲུག ནང་གི་རྫོང་དྲུག གསང་བའི་རྫོང་དྲུག་སོགས་བྱིན་གྱིས་བརླབས་པའི་དབེན་རི་སྒྲུབ་གནས་ཁག་གི་པར་རིས་དང་། ཆེས་རྩ་ཆེ་བའི་སྐུ་བརྙན། མགུར་འབུམ། ན་བཟའ་སོགས་ངོ་མཚར་བའི་རྟེན་མང་པོ་ཞིག་ཐར་པའི་ས་བོན་འཇོག་ཕྱིར་དང་། བྱིན་རླབས་ཀྱི་སྐལ་བ་ཐོབ་ཕྱིར་མཇལ་ཁ་འབུལ་ལམ་ཞུ་རྒྱུ་ལགས་པས། གོ་སྐབས་རྩ་ཆེན་འདི་མི་འཆོར་བ་གནང་སྟེ་ཕེབས་གཟིགས་གནང་རྒྱུ་ཐུགས་ཀློང་དུ་མངའ་བར་ཞུ།
འགྲེམས་སྟོན་གོ་སྒྲིག་ཚོགས་ཆུང་ནས།
