—–《རྒྱ་ནག་དང་སུའུ་ལེན་མཛའ་མཐུན་མཉམ་འབྲེལ་གྱི་དམིགས་བསལ་གྲོས་ཆོད》ཕྱིར་གྱར།
རྩོམ་པ་པོ་ཀྲུའུ་ཀྲུང་ཁང་དང་། བོད་སྒྱུར་བ་པདྨ་མཚོ།
སྒོ་འབྱེད་དུས་དེབ་(开放杂志)ཀྱི་རྩོམ་སྒྲིག་པའི་དཔྱད་གཏམ་དུ། ཡིག་ཆ་དེ་ཆ་ཚང་ཕྱི་ལོ་ ༡༩༥༠ ཟླ་ ༢ པའི་ནང་རྒྱ་ནག་དང་སུའུ་ལེན་གྱི་ཕྱི་འབྲེལ་བློན་ཆེན་གཉིས་ནས་སུའུ་ལེན་གྱི་རྒྱལ་ས་མོ་སི་ཁོ་རུ་གསང་བའི་ཐོག་ནས་བཞག་པའི་《དམིགས་བསལ་གྲོས་ཆོད》ཐོག་སྤེལ་ཡོད་པ་དང་། ཡིག་ཆ་འདི་བཀླགས་མྱོང་མཁན་ཚང་མས་སྔར་བྱུང་མ་མྱོང་བའི་ངོ་ཚ་དང་སྡིག་ཉེས་ཆེ་བའི་གྲོས་ཆོད་ཅིག་དང་། རྒྱ་ནག་མི་མང་བྲན་གཡོག་ལས་ཀྱང་སྡུག་པའི་གནས་བབ་འོག་ལྷག་པའི་ངེས་ཤེས་རྙེད་ཐུབ་པར་བརྟེན། སུའུ་ལེན་བཙན་རྒོལ་སྐབས་རྒྱ་ནག་གཞུང་གིས་གྲོས་ཆོད་ཀྱི་ཡིག་འབྲུ་གཅིག་ཀྱང་ཕྱིར་གྱར་མ་ཕོད་པར་འདས་པའི་ལོ་ངོ་ ༦༠ རིང་གསང་བ་ཧ་ཅང་དམ་པོ་བྱས་ཡོད། ང་ཚོས་རྒྱ་ནག་གཞུང་ལ་གནད་དོན་འདིར་འགྲེལ་བཤད་དགོས་པའི་རེ་བ་འདོན་པའི་ཐོབ་ཐང་ཡོད་པ་རེད།
ལོ་བཅུ་ཕྲག་འགའ་འདས་ཚར་བ་དང་། སུའུ་ལེན་ཁ་འཐོར་དུ་ཕྱིན་རྗེས་རྒྱ་ནག་དང་སུའུ་ལེན་བར་གྱི་དགའ་སྐྱོ་ཆགས་སྡང་ལའང་རྫོགས་ཚིག་བཀོད་དེ་རྒྱ་ནག་དང་ཨུ་རུ་སུ་བར་མཛའ་མཐུན་མཉམ་འབྲེལ་བྱེད་བཞིན་པའི་སྐབས་འདིར། ཉེ་སྔོན་ཨུ་རུ་སུས་གསང་བའི་ཡིག་ཚགས་ཕྱིར་བསྒྲགས་པའི་ནང་མའོ་ཙེ་ཏུང་དང་སི་ཏ་ལིན་གཉིས་ཀྱིས་གསང་བའི་ཐོག་ནས་བཞག་པའི་གྲོས་ཆོད་ཅིག་ཕྱིར་ཐོན་ཡོད་པ་དང་། གྲོས་ཆོད་འདིའི་མགོ་མཇུག་བར་གསུམ་དུ་རྒྱ་ནག་གི་བདག་དབང་གཡོ་ཚོང་བྱས་ཏེ་རྒྱ་ནག་མི་མང་གི་ཚེ་སྲོག་བཅད་པའི་རྒྱལ་ཚོང་གྲོས་ཆོད་ཅིག་ཡིན་པ་རེད།
གྲོས་ཆོད་འདིའི་ནང་དུ་ས་བདག་བཙན་པོས་རྒྱ་ནག་མི་མང་དུང་ཕྱུར་གཅིག་རྩ་མེད་བཟོ་བའི་སྐོར་བྲིས་ཡོད་ཀྱང་། རྩ་མེད་ཟེར་བའི་ཡིག་འབྲུ་འདི་གཉིས་བྲིས་ཡོད་པ་མ་རེད། གང་ཡིན་ཟེར་ན། རྒྱ་མི་ནི་ཡིག་འབྲུའི་རྩེད་མོ་རྩེ་མཁན་བྱང་ཆུབ་པ་ཞིག་ཡིན་སྟབས། གྲོས་ཆོད་འདིའི་ནང་ད་ལྟ་ཐོན་ཁུངས་ཉུང་བའི་རྐྱེན་གྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་གྲངས་དུང་ཕྱུར་གཅིག་ཇེ་ཉུང་དུ་མི་གཏོང་བར་རྒྱུན་འཁྱོངས་བྱེད་ཐབས་མེད་པ་དང་། ཞིབ་ཕྲའི་བྱེད་ཐབས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རང་ནས་ལག་བསྟར་ཐག་གཅོད་བྱེད་དགོས་ཞེས་བྲིས་ཡོད་པ་རེད།
རྒྱ་ནག་གཞུང་གིས་ཐོན་ཁུངས་ཉུང་བའི་རྐྱེན་གྱིས་མི་གྲངས་དུང་ཕྱུར་གཅིག་ཇེ་ཉུང་དུ་གཏོང་གི་ཡོད་ན། ཇེ་ཉུང་དུ་གཏོང་སྟངས་ག་འདྲ་རེད། རྒྱ་ནག་གཞུང་ནས་རང་འགུལ་ཐག་གཅོད་བྱེད་དགོས་ཀྱི་ཡོད་ན་སི་ཏ་ལིན་གྱིས་རྒྱ་ནག་གི་མི་གྲངས་དུང་ཕྱུར་གཅིག་རྩ་མེད་བཟོ་བའི་ཐོབ་ཐང་རྒྱ་ནག་གཞུང་ལ་སྤྲད་པར་བརྟེན། མའོ་ཙེ་ཏུང་དང་གུང་ཁྲན་ཏང་གིས་རྒྱལ་ཁབ་འཛུགས་སྐྲུན་ནས་མགོ་བརྩམས་ཏེ་རྒྱ་ནག་མི་མང་ལ་འདི་འདྲའི་གདུག་རྩུབ་དང་གནག་སེམས་ཆེན་པོ་བྱས་ཡོད། འཐབ་རྩོད་དང་ལས་འགུལ་རབ་དང་རིམ་པར་བརྒྱུད་རིག་གནས་གསར་བརྗེ་མཇུག་བསྡུ་སྐབས། མའོ་ཙེ་ཏུང་དང་གུང་ཁྲན་ཏང་གིས་རྒྱ་ནག་མི་མང་དུང་ཕྱུར་གཅིག་ལྷག་རྩ་མེད་བཟོས་ཡོད་པ་དང་། དུས་ཡུན་ལོ་གསུམ་རིང་གི་མཆོང་སྐྱོད་ཆེན་མོའི་འགུལ་སྐྱོད་ཁྲོད་མི་གྲངས་ས་ཡ་ ༤༠ ལྷག་མུག་ཤི་ངན་གསོད་བྱས་པ་གྲངས་འབོར་འདིའི་ནང་ཚུད་ཡོད་པ་མ་རེད། སི་ཏ་ལིན་གྱི་མཛུབ་འཁྲིད་འོག་མའོ་ཙེ་ཏུང་གིས་རྒྱ་ནག་མི་མང་དམར་གསོད་ཀྱི་ལས་འགན་བདེ་ལེགས་ངང་གྲུབ་ཡོད་པ་དང་། མའོ་ཙེ་ཏུང་གིས་རྒྱ་ནག་མི་མང་གི་བདུན་ཆ་གཅིག་ཙམ་བསད་ཡོད་པ་རེད། ཡིན་ནའང་། མའོ་ཡི་སློབ་ཕྲུག་པོལ་པོཊ་( Pol Pot )མའོ་ཙེ་ཏུང་ལས་ཀྱང་གདུག་རྩུབ་ཆེ་བ་རེད། ཁོས་ཁམ་བྷོ་ཌི་ཡའི་མི་འབོར་ས་ཡ་དྲུག་ལས་ས་ཡ་གཉིས་བསད་ཡོད། མའོ་ཡི་དབང་ཆ་གཅིག་སྡུད་སྐབས། སྐད་ཆ་གཅིག་སྟེ་གྲོད་ཁོག་མི་རྒྱག་པའི་དཀའ་སྡུག་འོག་ཏང་དང་སྤྱི་ཚོགས་རིང་ལུགས་ལ་ངོ་རྒོལ་བྱས་པར་བརྟེན་དམར་གསོད་བཏང་ཡོད་པ་རེད། ཡིན་ནའང་། ཁམ་བྷོ་ཌི་ཡ་ནང་ཁྱེད་ཀྱིས་མིག་ཤེལ་ཞིག་གྱོན་ནའང་གསོད་པ་རེད། གང་ཡིན་ཟེར་ན། མིག་ཤེལ་གྱོན་མཁན་ཚང་མ་ཤེས་ཡོན་པ་ཡིན་ཞིང་། ཤེས་ཡོན་པ་ཚང་མ་རྩ་མེད་ཀྱི་དམིགས་འབེན་ཆགས་བསྡད་ཡོད་པ་རེད།
ཕྱི་ལོ་ ༡༩༥༠ ཟླ་ ༢ ཚེས་༡༤ ཉིན་ཀྲུའུ་ཨིན་ལེ་ཡིས་རྒྱ་ནག་གི་ཚབ་བྱས་ཏེ་རྒྱ་ནག་དང་སུའུ་ལེན་མཛའ་མཐུན་མཉམ་འབྲེལ་གྱི་གྲོས་ཆོད་ལ་མིང་རྟགས་བཀོད་ཡོད་པ་དང་། གྲོས་ཆོད་ནང་སུའུ་ལེན་གནའ་འབྲེལ་གཞུང་ནས་རྒྱ་ནག་ལ་ཨ་སྒོར་དུང་ཕྱུར་ ༣ དངུལ་བུན་གཏོང་རྒྱུ་གཏན་འབེབས་བྱས།
གསང་བའི་ཡིག་ཆ་འདི་ལ་ཕྱི་ལོ་ ༡༩༥༠ ཟླ་ ༢ ཚེས་ ༡༢ ཉིན་མིང་རྟགས་བཀོད་ཡོད་པ་དང་། ཡིག་ཆ་དེའི་མིང་ཆ་ཚང་ལ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དང་སུའུ་ཝིཊ་སྤྱི་ཚོགས་རིང་ལུགས་སྤྱི་མཐུན་རྒྱལ་ཁབ་གྱི་མཛའ་མཐུན་མཉམ་འབྲེལ་དམིགས་བསལ་གྲོད་ཆོད།》ཅེས་དམིགས་བསལ་གྱི་གྲིབ་འོག་ནས་མངོན་གསུམ་འཛེམ་མེད་ཀྱིས་རྒྱལ་ཁབ་བཙོང་སྟེ་མི་མང་གསོད་ཀྱི་ཡོད་པ་དང་། 《རྒྱ་སུའུ་མཛའ་མཐུན་ཆིངས་ཡིག༽གི་ཉིན་གཉིས་ཀྱི་གོང་དུ་ཡིག་ཆ་དེར་མིང་རྟགས་བཀོད་ཟིན། 《རྒྱ་སུའུ་མཛའ་མཐུན་ཆིངས་ཡིག》ནི་མི་ལ་སྟོན་རྒྱུ་ཙམ་དང་ཁ་གཡར་ས་ཙམ་དུ་བྱས་ཏེ་འཛམ་གླིང་ཡོངས་སུ་བསྒྲགས་པ་དང་། དམིགས་བསལ་གྲོས་ཆོད་ནི་མི་དུང་ཕྱུར་གཅིག་རྩ་མེད་བཟོ་བའི་རྒྱལ་ཚོང་གི་གྲོས་ཆོད་ཅིག་ཡིན་སྟབས། རྒྱ་ནག་གཞུང་གིས་རྒྱ་ནག་མི་མང་དང་འཛམ་གླིང་ཧྲིལ་པོར་ལོ་ངོ་བཅུ་ཕྲག་དུ་མར་སྦེད་གསང་བྱས་པ་རེད། ཡིན་ནའང། གསང་བ་འདི་སྦེད་ཐུབ་པ་མ་རེད། མི་ལོ་དྲུག་ཅུའི་གོང་གི་ཨ་རི་ནི་ཚན་རྩལ་ཆེས་འཕེལ་རྒྱས་ཕྱིན་པའི་རྒྱལ་ཁབ་ཅིག་ཆགས་བསྡད་ཡོད་པ་དང་། ཨ་རིའི་གསང་མྱུལ་བ་ཚོར་ཐབས་རྩལ་ཕུལ་དུ་བྱུང་ཡོད་པས་ཁོ་ཚོ་དང་བསྡུར་ན་ནུས་པ་བླ་ལྷག་གིས་ཆེ་བར་བརྟེན། ཏག་ཏག་ཟླ་ཤས་འགོར་རྗེས་ཕྱི་ལོ་ ༡༩༥༠ ཟླ་ ༧ ཚེས་ ༡༦ ཉིན་ཨ་རིའི་ཕྱི་སྲིད་ལྷན་ཚོགས་ཀྱིས་དམིགས་བསལ་གྲོས་ཆོད་དེ་ཕྱིར་བསྒྲགས་ཡོད་པ་དང་། འཛམ་གླིང་ཧྲིལ་པོས་གནས་ཚུལ་འདི་ཤེས་རྟོགས་བྱུང་སྐབས། སྤྱི་ཚོགས་རིང་ལུགས་ཀྱི་ཁྱིམ་ཚང་ཆེན་མོའི་ལྕགས་རའི་ནང་ཡོད་པའི་མི་མང་གིས་ད་དུང་ཤེས་མེད་པ་དང་། མི་ལོ་ ༦༠ ཕྱིན་རྗེས་ཀྱི་དེ་རིང་གཞི་ནས་ཤེས་ཀྱི་ཡོད་པ་རེད།
《རྒྱ་སུའུ་མཛའ་མཐུན་མཉམ་འབྲེལ་གྱི་དམིགས་བསལ་གྲོས་ཆོད》ཀྱི་ནང་དོན་ཧྲིལ་པོ།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དབུས་མི་མང་སྲིད་གཞུང་དང་སུའུ་ཝིཊ་སྤྱི་ཚོགས་རིང་ལུགས་སྤྱི་མཐུན་རྒྱལ་ཁབ་ཀྱི་མཛའ་མཐུན་མཉམ་འབྲེལ་དམིགས་བསལ་གྲོས་ཆོད་བཞག་པ་དང་། རྒྱལ་ཁབ་གཉིས་ཀྱི་མཉམ་འབྲེལ་དམ་ཟབ་བརྒྱུད་ བཙན་རྒྱལ་རིང་ལུགས་ཀྱི་བཙན་འཛུལ་ཅི་རིགས་དང་། ཉི་ཧོང་བཙན་རྒྱལ་རིང་ལུགས་དང་ངན་འབྲེལ་སླར་གསོ་བྱེད་པ་བཅས་ལ་སྔོན་འགོག་བྱས་ཏེ། ཡ་གླིང་ནང་སྒྲིག་ལམ་གསར་པ་འཛུགས་སྐྲུན་དང་རྒྱ་སུའུ་གཉིས་ཀྱི་མཛའ་མཐུན་མཉམ་ལས་འབྲེལ་བ་སྲ་བརྟན་དུ་གཏོང་བ། ལྷག་པར་དུ་རྒྱལ་ཁབ་གཉིས་ཀྱི་མཛའ་མཐུན་རོགས་རེས་ཀྱི་ཆིངས་ཡིག་ལས་གཞན་དམིགས་བསལ་གྲོས་ཆོད་འཇོག་པར་ཏང་ཁག་སོ་སོའི་དབང་ཚད་ཆ་ཚང་ལྡན་པའི་འཐུས་མི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུས་མི་མང་སྲིད་གཞུང་གི་དམིགས་བསལ་སྐུ་ཚབ་རྒྱ་ནག་ཆབ་སྲིད་ལྷན་ཁང་གི་སྲིད་བློན་དང་ཕྱི་འབྲེལ་བློན་ཆེན་ཀྲུའུ་ཨིན་ལེ་དང་། སུའུ་ཝིཊ་སྤྱི་ཚོགས་རིང་ལུགས་སྤྱི་མཐུན་རྒྱལ་ཁབ་ཀྱི་ཆེས་མཐོའི་སུའུ་ཝིཊ་ལྷན་ཚོགས་ཀྱི་དམིགས་བསལ་སྐུ་ཚབ་ཕྱི་འབྲེལ་བློན་ཆེན་ཨན་ཌི་ལི་ཝེ་ཞིན་སི་ཇི་(安德列．维辛斯基)། ཕྱོགས་གཉིས་ཀྱི་དབང་ཆ་ཆ་ཚང་ལྡན་པའི་སྐུ་ཚབ་གཉིས་ནས་ཕན་ཚུན་གྱི་དཔང་ཡིག་ལག་སྤྲོད་ཀྱིས་ནང་དོན་འོས་འཚམ་དུ་མཐོང་རྗེས་གཤམ་གྱི་དོན་ཚན་ཁག་ལ་མོས་མཐུན་དགོས།
གཅིག རྒྱལ་ཁབ་གཉིས་མཉམ་འབྲེལ་གྱིས་བཙན་རྒྱལ་རིང་ལུགས་ཀྱི་བཙན་འཛུལ་ལ་འགོག་རྒོལ་བྱས་ཏེ་འཛམ་གླིང་འཁྲུག་ཆེན་གསུམ་པ་འབྱུང་བར་སྔོན་འགོག་ཁ་གཏད་གཅོག་རྒྱུ་དང་། རྒྱ་ནག་གཞུང་ནས་སུའུ་ལེན་གྱི་དམག་དཔུང་རྒྱ་ནག་ནང་གནས་སྡོད་བྱེད་དུ་བཅུག་སྟེ་མཉམ་དུ་འཛམ་གླིང་ཞི་བདེ་སྲུང་སྐྱོབ་དགོས།
གཉིས། གྲོས་ཆོད་བཞག་པའི་ཉིན་མོ་ནས་བཟུང་ཀྲུང་ཧྭ་མི་དམངས་སྤྱི་མཐུན་རྒྱལ་ཁྱབ་ཀྱིས་རྒྱ་ནག་བྱང་ཤར་དང་བྱང་ཕྱོགས་རྒྱ་མཚོའི་ཁུལ་གྱི་ལས་གཞི་འཆར་འབུལ་གྱིས་དམག་དོན་ཐད་གོ་སྒྲིག་དགོས་པ་མ་ཟད། ཨེ་ཤ་ཡའི་ཤར་ལྷོའི་བཅིངས་གྲོལ་ལས་དོན་ལ་མི་མང་བཅིངས་གྲོལ་དམག་གིས་གཞོགས་འདེགས་བྱས་ཏེ་ཡ་གླིང་བཅིངས་གྲོལ་གྱི་བྱ་བཞག་ཆེན་པོ་འགྲུབ་ཏུ་འཇུག་པ།
གསུམ། མ་འོངས་པར་རྒྱ་ནག་མི་མང་བཅིངས་གྲོལ་དམག་རྒྱལ་སྤྱིའི་དམར་དམག་ཏུ་བཅོས་སྒྲིག་དང་། དམར་དམག་ཆེས་མཐོའི་སྤྱི་ཁྱབ་བཀོད་འདོམས་པས་ཐད་ཀར་བཀོད་འདོམས་བྱེད་པར་རྒྱལ་ཁབ་ཕྱོགས་གཉིས་ནས་མོས་མཐུན་དགོས།
བཞི། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་རྒྱ་ནག་གི་ལས་མི་ས་ཡ་བཅུ་གྲབ་གསོག་གིས་སུའུ་ལེན་ལ་གཞོགས་འདེགས་བྱ་རྒྱུ་འགན་ལེན་པ་དང་། རྒྱ་སུའུ་དམག་དོན་སྒྲིག་ཆས་མཉམ་དུ་འཛུགས་སྐྲུན་བྱས་ཏེ་བཙན་རྒྱལ་རིང་ལུགས་ཀྱི་བཙན་འཛུལ་འགུལ་སྐྱོད་ལ་ཁ་གཏད་གཅོག་པ།
ལྔ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་བྱང་ཁུལ་གྱི་རྒྱ་མཚོའི་གྲུ་ཁ་རྣམས་སྒོ་ཕྱེས་ཏེ་སུའུ་ལེན་གྱི་དམག་དཔུང་ཡུན་རིང་གནས་སྡོད་བྱེད་དུ་འཇུག་དགོས་པ་མ་ཟད། ནང་འཛུལ་ཕྱི་སྐྱོད་ལ་རང་དབང་དགོས་པ་དང་། སྒོ་འབྱེད་ཁུལ་གྱི་ནང་ཆིན་ཧྲང་གླིང་ཕྲན་དང་ཧེ་ཀྲུའུ། ཡན་ཐའེ། ཝེ་ཧེ་ཝི། ཆིན་ཏོ། ཏ་ཉན་བཅས་ཡོད།
དྲུག ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་ལོ་འདིའི་ལོ་མཇུག་ཏུ་སྔར་གྱི་དམག་དཔུང་ཐོག་དམག་མི་ས་ཡ་བཞི་མང་དུ་གཏང་སྟེ། བཙན་རྒྱལ་རིང་ལུགས་ཀྱི་བཙན་འཛུལ་ལ་ཁ་གཏད་གཅོག་པར་གྲ་སྒྲིག་དགོས།
བདུན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ལ་མི་འབོར་མང་བ་དང་ད་ལྟའི་ཆར་ཐོན་ཁུངས་ཉུང་བའི་རྐྱེན་གྱིས་མི་གྲངས་དུང་ཕྱུར་གཅིག་ཇེ་ཉུང་དུ་མི་གཏོང་བར་རྒྱུན་འཁྱོངས་བྱེད་ཐབས་མེད་པ་དང་། མི་གྲངས་ཉུང་དུ་གཏོང་བའི་ཞིབ་ཕྲའི་བྱེད་ཐབས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་རང་ནས་ལག་བསྟར་ཐག་གཅོད་དགོས།
བརྒྱད། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུས་མི་མང་སྲིད་གཞུང་གི་ཁྱབ་ཁོངས་ལས་ཁུངས་ཁག་དང་སྤྱི་གཉེར་ལས་དོན་གྲོས་བསྡུར་ཆེད་སུའུ་ཝིཊ་སྤྱི་ཚོགས་རིང་ལུགས་སྤྱི་མཐུབ་རྒྱལ་ཁབ་གནའ་འབྲེལ་གྱི་གྲོས་སྟོན་པ་བསྐོ་བཞག་དགོས།
དགུ། སུའུ་ཝིཊ་སྲིད་གཞུང་ནས་བཟོ་ལས་ལག་རྩལ་མི་སྣ་ཆེད་གཏོང་གིས་རྒྱ་ནག་གི་ས་ཁུལ་ཁག་གི་གཙོ་གནད་ལས་ཀའི་འཛིན་སྐྱོང་ནང་མཉམ་ཞུགས་དང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་ལས་མི་དེ་ཚོར་དགོས་ངེས་ཀྱི་འཚོ་བའི་མཐུན་རྐྱེན་སྦྱོར་སྤྲོད་བྱེད་པར་ཕྱོགས་གཉིས་ནས་མོས་མཐུན་དགོས།
བཅུ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མཚོ་འགྲུལ་གྲོང་ཁྱེར་དང་སྐམ་སའི་ནང་གི་ཁྲོམ་ར་རྣམས་སྒོ་ཕྱེས་ཏེ་སུའུ་ལིན་གནའ་འབྲེལ་ནས་རང་དབང་ཚོང་འགྲུལ་ཆོག་པ་མ་ཟད། དཔྱ་ཁྲལ་ཐད་བརྒྱ་ཆ་གཅིག་གི་ཆག་ཡང་ཡོད།
བཅུ་གཅིག རྒྱ་སུའུ་གཉིས་ཀྱིས་ཕན་ཚུན་གཅིག་ཕན་གཅིག་གྲོགས་ཀྱི་ཆ་རྐྱེན་འོག དངོས་པོ་ཕན་ཚུན་བརྗེ་རེས་བྱས་ཏེ་མཛའ་གྲོགས་ཀྱི་འབྲེལ་བ་འཛུགས་པར་ཕྱོགས་གཉིས་ནས་མོས་མཐུན་དགོས།
བཅུ་གཉིས། སུའུ་ཝིཊ་གནའ་འབྲེལ་སྲིད་གཞུང་གིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནང་ལོགས་ཀྱི་གཏེར་ལྕགས་རྒྱུ་ཆ་སོགས་བཀོལ་སྤྱོད་ཐད་དམིགས་བསལ་དབང་ཆ་ཡོད་པ་དང་། གཤའ་དཀར་གྱི་ལོ་ཧྲིལ་པོའི་ཐོན་འབོར་ལས་བརྒྱ་ཆ་ ༢༠ རང་གིས་བེད་སྤྱོད་བྱེད་པ་ལས་གཞན་སུའུ་ལེན་ལ་མཁོ་སྤྲོད་ཀྱིས་བཟོ་ལས་དར་སྤེལ་དང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཟོ་ལས་ཅན་འཛུགས་སྐྲུན་ལ་གཞོགས་འདེགས་དགོས།
མ་ཡིག་གི་འབྲེལ་ཐག http://www.aboluowang.com/2017/0301/889890.html?utm_campaign=shareaholic&utm_medium=facebook&utm_source=socialnetwork
