ཞིབ་འཇུག་པས་ཆོས་དད་མེད་མཁན་ཚོ་ཀུན་སྤྱོད་སྐྱོ་བོ་རེད་ཟེར།

ཞིབ་འཇུག་གྲུབ་དོན་གསར་བ་ལྟར་ན། ཆོས་དད་མེད་མཁན་ཚོས་ཐོག་དང་པོ་ནས་མི་ཞིག་དང་འཕྲད་སྐབས་ཁོ་ཚོ་ང་ལ་དགའ་ཡི་མེད་བསམ་པའི་ཀུན་སློང་ཡོད་པ་དང་། དེ་ལྟ་བུའི་ཀུན་སློང་འཁྱེར་བའི་ཆོས་དད་མེད་མཁན་ཁ་ཤས་ཀྱིས་གཞན་དག་རང་ཉིད་ལ་མི་དགའ་བ་བཟོ་བཞིན་ཡོད་པ་རེད།

ཡིན་ན་ཡང་ཆོས་དད་མེད་མཁན་ཚོར་མི་དགའ་མཁན་མང་ཤོས་ཆོས་དད་ཅན་ཤུགས་ཆེན་པོ་ཡིན་ས་དག་ནས་ཡོང་གི་ཡོད་པ་དང་། དཔེར་ན། ཨ་རབ་དང་ཨ་རི་རྒྱ་གར་སོགས་ཀྱི་ནང་དུ་ཤུགས་ཆེན་ཡོད་པ་རེད།

ནེའུ་ཛི་ལཱན་ཌི་དང་ཧྥན་ལཱན་ཌི་གཅིག་པོའི་ནང་དུ་ཆོས་དད་མེད་མཁན་ལ་མི་དགའ་བའི་གནས་སྟངས་དེ་ཙམ་མངོན་གསལ་མེད་པ་རེད།

རྒྱལ་སྤྱིའི་ཆེད་མཁས་ཞིབ་འཇུག་སྡེ་ཚན་མང་པོ་ཞིག་གི་ཞིབ་འཇུག་གྲུབ་དོན་( Nature Human Behaviour)ཞེས་པའི་དུས་དེབ་ནང་འཁོད་ཡོད་པའི་ནང་། རྒྱལ་ཁབ་ ༡༣ ནས་མི་འབོར་ ༣.༠༠༠ དང་གླིང་ཕྲན་ ༥ ཡི་ནང་དུ་ཞིབ་འཇུག་བྱས་ཡོད་འདུག

ཞིབ་འཇུག་དེའི་ནང་ཆ་ཤས་ལེན་མཁན་ཚོ་ནི་མིང་གསལ་འདོན་བྱས་མི་ཆོག་པ་དང་། དགེ་རྒན་མ་ཆགས་སྔོན་ལ་བྱིས་པ་བཞིན་སེམས་ཅན་ལ་སྡུག་སྦྱོང་མནར་གཅོད་བྱེད་མཁན་དང་། ཁྱིམ་མེད་དབུལ་བོ་ལྔ་བསད་མྱོང་མཁན། དེ་དང་དེ་ལྟ་བུའི་ཆོས་དད་ཡོད་མཁན་དང་མེད་མཁན་གཉིས་ལ་སྐད་ཆ་དྲིས་ནས་ཞིབ་འཇུག་བྱས་ཡོད་པ་རེད།

རྒྱལ་སྤྱིའི་ཞིབ་འཇུག་སྡེ་ཚན་ཁག་གི་ཞིབ་འཇུག་གྲུབ་དོན་ལྟར་ན། ཆོས་དད་ཡོད་མཁན་དང་མེད་མཁན་གཉིས་ལས་ཚེ་སྲོག་བཅད་པའི་གྲངས་འབོར་ཆོས་དད་མེད་མཁན་ལྡབ་གཉིས་ཀྱིས་མང་བ་ཆགས་ཡོད་འདུག

ལིག་ཤིན་ཏོན་(Lexington)གྱི་(University of Kentucky)གཙུག་ལག་སློབ་གཉེར་ཁང་གི་སེམས་ཁམས་རིག་པའི་སློབ་དཔོན་(Will Gervais)ལགས་ཀྱིས་(AFP)གསར་ཁང་ལ་ “ཧང་སང་བ་ཞིག་ལ་མཐའ་ན་ཆོས་དད་མེད་མཁན་ཚོའི་ནང་དུ་ཕན་ཚུན་མི་དགའ་བའི་བསམ་བློ་ཞིག་འཁྱེར་ནས་འདུག”ཅེས་བརྗོད་ཡོད་འདུག

ཁོང་གིས་ “ང་དོགས་པ་སྐྱེས་ས་ཞིག་ལ་ད་ལྟ་ཆོས་དད་མེད་མཁན་མང་པོ་ཞིག་གི་རྩ་བ་དེད་ན་ཁོ་རང་ཚོའི་ཕ་མ་གཉེན་འབྲེལ་རྣམས་སྔོན་ཆད་ཆོས་ལ་དད་པ་དང་ཡིད་ཆེས་གཏིང་ཟབ་ཡོད་པའི་ནང་དུ་ཡོང་གི་ཡོད་པ་དང་། མཐའ་ན་ད་ལྟའིི་ཆར་ཆོས་ལུགས་རིས་མེད་ཁྱབ་ཚད་ཆེ་སའི་ས་ཆ་ཁག་ཏུ། མི་ཚོས་ཆོས་ལུགས་ནི་ཀུན་སྤྱོད་བཟང་པོ་ཡོང་བའི་གཞི་མ་ཡིན་པར་ཡིད་ཆེས་བྱེད་ཀྱི་ཡོད་པ་རེད།

གསར་འགོད་པ། སངས་རྒྱས་དཀོན་མཆོག