བཞུགས་སྒར་དྷ་རམ་ས་ལའི་བོད་ཀྱི་དཔའ་བོ་དཔའ་མོའི་རྡོ་རིང་མདུན་དུ་བོད་ནང་གི་ཞི་རྒོལ་དང་འབྲེལ་བའི་པར་རིས་འགྲེམས་སྟོན་བྱས་སྐབས་རྒྱ་མོ་ཞིག་གིས་ངོ་རྒོལ་དྲག་པོ་བྱས།
ཟླ་འདིའི་ཕྱི་ཚེས་ ༡ ཉིན། བོད་ཀྱི་དགུ་བཅུ་གསུམ་ལས་འགུལ་ཚོགས་པས་བཞུགས་སྒར་དྷ་རམ་ས་ལའི་ཐེག་ཆེན་གཙུག་ལག་ཁང་གི་ཉེ་འཁྲིས་སུ་ཡོད་པའི་དཔའ་བོ་དཔའ་མོའི་རྡོ་རིང་མདུན་དུ། ཕྱི་ལོ་ ༡༩༨༧ ཟླ་༩ ཚེས་༢༧ དང་ཟླ་༡༠ ཚེས ༡ ཉིན་བོད་ཀྱི་རྒྱལ་ས་ལྷ་སའི་གདན་ས་ཆེན་པོ་སེ་འབྲས་གཉིས་ཀྱི་དགེ་འདུན་པ་རྣམས་ཀྱིས་ཞི་བའི་ངོ་རྒོལ་གནང་སྐབས། རྒྱ་ནག་གཞུང་གིས་དྲག་གནོན་བྱས་ནས་ཞི་རྒོལ་བ་མང་པོར་ཤི་རྨས་བྱུང་སྟེ་ལོ་ངོ་ ༣༠ འཁོར་བར་དུས་དྲན་ཆེད། སྐབས་དེའི་ཞི་རྒོལ་གྱི་པར་རིས་ཁག་ཅིག་འགྲེམས་སྟོན་གནང་ཡོད་པ་དང་། གློ་བུར་དུ་ལྭ་བ་དཀར་པོ་གྱོན་པའི་བུད་མེད་ཅིག་གིས་ལག་ཏུ་ཇེམ་ཙེ་ཆེན་པོ་ཞིག་བཟུང་ནས་པར་རིས་རྣམས་གང་བྱུང་གཏུབ་པ་མ་ཟད། འགྲེམས་སྟོན་གནང་བཞིན་པའི་པར་རིས་རྣམས་རྫུན་མ་ཡིན་ལུགས་བརྗོད་དེ་ངར་ངར་སིག་སིག་བྱས། སྐབས་དེར་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་སྤྱི་འཐུས་ལྷ་རྒྱལ་རི་རྣམ་རྒྱལ་སྒྲོལ་དཀར་ལགས་ཀྱིས་གསལ་བཤད་གནང་ཡོད་ཀྱང་རྒྱ་མོ་དེས་མ་ཉན་པ་མ་ཟད། ལག་པའང་བརྐྱངས་ཏེ་ཁོང་གཉིས་ཀྱིས་འཇུ་རིས་འཐེན་འདེད་ཡང་བྱས་ཡོད་པ་རེད།
སྐབས་དེར་ཡུལ་དངོས་སུ་ཡོད་པའི་མི་ཁག་ཅིག་གིས་བརྗོད་ན། རྒྱ་མོ་དེས་ཧམ་པ་ཆེན་པོས་པར་རིས་རྣམས་གཅད་གཏུབ་བྱས་པ་མ་ཟད། དེ་ལྟར་མ་གནང་རོགས་ཞེས་བཀག་འགོག་བྱེད་མཁན་ཚོ་ལའང་སྐད་ཤུགས་ཆེན་པོས་གཤེ་གཤེ་བཏང་སྟེ། གདོང་ལ་མཛུབ་མོ་བཙུགས་པ་དང་ཁུ་ཚུར་གཞུས་པ་སོགས་བྱས་ཡོད་འདུག
ཡུལ་དངོས་ཀྱི་བརྙན་ཐུང་ནང་དུ། སྤྱི་འཐུས་ལྷ་རྒྱལ་རི་རྣམ་རྒྱལ་སྒྲོལ་དཀར་ལགས་ཀྱིས་རྒྱ་མོ་དེར་དབྱིན་སྐད་ཀྱིས་གསལ་བཤད་བྱེད་ཀྱི་འདུག་ཀྱང་ཉན་གྱི་མི་འདུག་ལ། སྐྱེས་པ་ཞིག་གིས་ཀྱང་རྒྱ་སྐད་ཀྱི་ཐོག་ནས་ངས་ཁྱེད་ལ་འགྲེལ་བཤད་རྒྱག་དགོས་ཞེས་ཡང་ཡང་བརྗོད་ཀྱི་འདུག་ཀྱང་ཉན་རོགས་བྱེད་ཀྱི་མི་འདུག མཐར་རྒྱ་མོ་དེས་ངར་ངར་སིག་སིག་གིས་དེར་ཡོད་ཨ་མ་རྒན་མོ་ཞིག་དང་ཁ་འཛིང་བྱས་རྗེས་གཙུག་ལག་ཁང་དུ་ཕྱིན་སོང་།
བུད་མེད་དེའི་མིང་ལ་ཀྲུའུ་ཝིན་ཆི་(Zhu Wenpi)ཟེར་ཞིང་། ཨ་རིར་གནས་སྡོད་བྱེད་བཞིན་པའི་རྒྱ་རིགས་ཤིག་ཡིན་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཡུལ་གྱར་བོད་མིའི་བདེ་སྲུང་ལས་ཁང་དང་དུས་བབ་ཚང་རྣམ་གཉིས་རྒྱ་བའི་བཀའ་བཞིན་སྒྲུབ་ཀྱི་ཡོད་པའི་རེ་བ་ཤིན་ཏུ་ཆེའོ།
རྒྱ་རིག་འབྲེལ་ཐུད་པ་ཀུན་དགའ་བཀྲིས་དཔེ་ཡག་པོ་འཇོན་འདུག།་ད་དུང་མང་ཙམ་གདནའདྲེན་ཞུས་ཤོག།
སུས་མོ་རྡ་སར་ཁྲིད་ཡོང་བ་རེད་་་་གོ་ཐོས་ལ་གནད་ཡོད་མི་སྣ་འགས་མོ་གདན་འདྲེན་ཞུས་པ་རེད་ཟེར་་་་་ད་ཡིན་ན་འདུག་་་་་
དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་སྤྱི་འཐུས་ལྷ་རྒྱལ་རི་རྣམ་རྒྱལ་སྒྲོལ་དཀར་ལགས་ལ་སྐྱོན་མ་བྱུང་བ་ཡག་པོ་བྱུང་། རྒྱ་མོ་དེའི་སེམས་ཁམས་ཐང་ཐང་ཡོད་མེད་ལ་བརྟག་དཔྱད་བྱེད་དགོས་པ་རེད། མོའི་སེམས་པ་ཐང་ཐང་ཡིན་ན། ད་གཟོད་རྒྱ་མོ་དེས་བྱེད་སྟངས་ཀྱི་པར་དེ་འགྲེམས་སྟོན་པར་གྱི་ནང་དུ་འཇོག་དགོས་པ་ཞིག་རེད།
རྒྱ་གུང་ཕྲན་ དྲིན་ཅན་ཕ་མ། ཧ། ཧ། ད་ མཐོང་འབྱུང་ངས། ཕྱི་རྒྱལ་བ་དང་བོད་རིགས་སྤུན་ཟླ་ཚོ་ཡག་པོ་བྱེད་གཟིགས་དང་། རྒྱ་དམར་གུང་ཕྲན་གྱིས་མདོག་སྐྱ། ཨོ་ཧོ། ཕྱི་མིའི་ལུང་པ་ལ་ད་ག་འདྲ་པོ་ཧམ་པ། བོད་ནང་ལ་བརྗོད་མ་དགོས་པ། རྒྱ་མོ་དེ་ཡི་བྱ་སྤྱོད་དེ་བོད་ཀྱི་འགྲེམ་སྟོན་ཁང་ནང་གཏན་དུ་བཞག་རྒྱུ་རེད་འདུག་ག