རྒྱ་གར་ཧི་མ་ཅལ་མངའ་སྡེའི་གྲོས་ཚོགས་འཐུས་མི་འོས་བསྡུའི་ནང་དྷ་རམ་ས་ལ་ནས་བོད་མི་ ༢༠༠ ལྷག་དང་སྦིར་ཁུལ་ནས་ ༡༠༤༧ བྱུང་ཡོད་སྐོར་བརྗོད་འདུག
ཕྱི་ཟླ་༩ པའི་ཚེས་ ༣༠་ཉིན་རྒྱ་གར་དུས་བབ་ཀྱིས་གནས་ཚུལ་སྤེལ་བ་ལྟར་ན། ད་ལོ་ནས་བོད་པ་སྐྱབས་བཅོལ་བ་ཚོས་རྒྱ་གར་ཧི་མ་ཅལ་མངའ་སྡེའི་གྲོས་ཚོགས་འཐུས་མི་འོས་འདེམས་ནང་ཆ་ཤས་ཐེངས་དང་པོ་ལེན་གྱི་ཡོད་པ་དང་། མངའ་སྡེའི་འོས་བསྡུ་ལས་ཁུངས་ནས་དེ་སྔོན་ནས་བོད་པ་སྐྱབས་བཅོལ་བ་ཚོས་སོ་སོའི་འདོད་མོས་ལྟར་འོས་བསྡུའི་ཆ་ཤས་ལེན་པར་དེབ་སྐྱེལ་བྱེད་ཀྱི་ཡོད་པ་དང་། ད་ལོར་གསར་དུ་མི་གྲངས་ ༣༠༠ ཡིས་དེབ་སྐྱེལ་བྱས་ཡོད་ལ། ཕྱི་ལོ་ ༢༠༡༤ ལོ་ནས་བཟུང་བོད་པ་ཚོར་འོས་བསྡུའི་ཆ་ཤེས་ལེན་རྒྱུའི་ཐོབ་ཐང་སྤྲད་ཡོད་སྐོར་བརྗོད་འདུག
དྷ་ས་ས་གནས་ཁྲིམས་དཔོན་(Shravan Manta)ལགས་ཀྱིས་ང་ཚོར་འབྱོར་བའི་གྲངས་ཐོ་ལྟར་ན། ཧི་མ་ཅལ་ནང་འོས་བསྡུའི་ཆ་ཤས་ལེན་མཁན་ཁྱོན་བོད་པ་ ༡༤༠༠ ཡོད་པ་དང་། དེའི་ཁྲོད་ནས་མི་ ༢༡༧ དྷ་རམ་ས་ལ་རང་ནས་ཡིན་པ་དང་། མི་གྲངས་ ༡༠༤༧ སྦིར་ཁུལ་ནས་ཡིན་སྐོར་བརྗོད་འདུག
ཡང་རྒྱ་གར་དུས་བབ་ཀྱི་གནས་ཚུལ་དེའི་ནང་དུ། བོད་མིའི་སྒྲིག་འཛུགས་ནས་རྒྱ་གར་གྱི་མི་སེར་ཐོབ་ཐང་ལེན་མིན་དེ་མི་སྒེར་གྱི་རང་དབང་ཡིན་པར་ངོས་འཛིན་གྱིས་བཀག་འགོག་གང་ཡང་གནང་གི་མེད་ཀྱང་། བོད་པའི་སྤྱི་ཚོགས་ནང་རྒྱ་གར་གྱི་མི་སེར་ཐོབ་ཐང་བླངས་ན་བོད་དོན་འཐབ་རྩོད་ལ་གནོད་པ་ཡོད་པའི་ལྟ་ཚུལ་འཛིན་མཁན་དང་། ཡང་སོ་སོ་འཚོ་གནས་བྱས་ཡོད་པའི་སྤྱི་ཚོགས་དེའི་ནང་ཐོབ་ཐང་གང་ཡོད་པ་བླངས་ཏེ་མུ་མཐུད་རང་ཉིད་ཀྱི་ངོ་བོ་དང་དམིགས་ཡུལ་མ་བརླག་པ་བྱེད་དགོས་པའི་ལྟ་ཚུལ་འཛིན་མཁན་བཅས་རིགས་གཉིས་ཡོད་སྐོར་བརྗོད་འདུག
མི་རིང་བར་ཕྱི་ལོ་ ༢༠༡༧ ལོའི་ཧི་མ་ཅལ་མངའ་སྡེའི་གྲོས་འཐུས་མི་ཁྱོན་ ༦༤ འོས་འདེམས་གནང་རྒྱུ་ཡིན་པ་དང་། རྒྱ་གར་གྱི་མངའ་སྡེ་ཨུ་ཌར་པར་དེ་ཤི་དང་མ་ནི་པུར། པན་ཇབ། ཨུ་ཌཱ་ར་ཁན། གྷོ་བ་བཅས་སུ་འོས་བསྡུ་བྱས་ཟིན་ཡོད་འདུག
གསར་འགོད་པ། སངས་རྒྱས་དཀོན་མཆོག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
ལུང་པ་ག་འདྲ་ཞིག་ཡིན་ཀྱང་འོས་འཕེན་གྱི་དབང་ཆ་ཁྲིམས་ཐོག་ནས་གནང་བའི་ཉིན་མོ་ནས་མི་རིགས་ག་འདྲ་ཞིག་ཡིན་ཀྱང་ལུང་པ་དེའི་མི་སེར་ཁྲིམས་ཐོག་ནས་ཆགས་ཡོད་ན་དེང་སྐབས་བཙན་བྱོལ་སྤྱི་ཚོགས་ནང་བོད་མི་མང་པོ་ཞིག་ནུབ་ཕྱོགས་ལུང་པའི་ནང་གཞན་དབང་སྟབས་བསྟུན་འོག་ནས་ལུང་པ་དེའི་མི་སེར་མ་བཟོས་རང་བཟོས་ཡིན་པ་དང་རྒྱ་བལ་འབྲུག་གསུམ་ནང་ཡོད་པའི་བོད་མི་རང་དབང་འོག་ནས་དཱངས་བླང་གི་གནས་ཡུལ་ལུང་པའི་མི་ཟེར་བཟོ་མཁན་ལོ་རེ་ནས་ལོ་རེ་བཞིམ་མང་དུ་འགྲོ་བཞིན་པ་འདིའི་ནམ་ཞིག་དབུས་བོད་མིའི་སྒྲིག་འཛུགས་བསྲ་བརྟན་དང་རྒྱུན་གནས་ཐུབ་པའི་ལྔ་དང་ལྔ་བཅུའི་ལས་འཆར་དང་འབྲེལ་བ་གཏིང་ཟབ་ཡོད་ན་གོང་རིམ་གྱི་གནད་དོན་ལ་བལྟས་ན་བཅའ་ཁྲིམས་དོན་ཚན་བརྒྱད་པའི་ནང་གསེས་བཞི་པའི་ནང་གསལ་བའི་བོད་ཀྱི་ཡུལ་མིའི་ཁྲིམས་ཡིག་གཏན་འབེབས་གནང་དགོས་པ་དེ་ཁྲིམས་བཟོ་བོད་མི་མང་སྤྱི་འཐུས་གྲོས་ཚོགས་ཀྱི་ཐུགས་འགན་ངོ་མ་དེ་ཡིན་པའི་ངོས་འཛིན་ཡང་ཞུ་གི་ཡོད་།
སྙིང་རྗེ་སྤུ་ཙམ་མེད་མཁན་ར་ལུག་ཚོ་ག་རེ་འདྲན་གྱི་ཡོད་ན། བོད་ནང་རང་ལུས་མེར་སྲེག་བཏང་གནང་བ་ཚོ་་་ མ་མཐོང་བ་ཡིན་ན། མ་ཐོས་པ་ཡིན་ན། སྣང་མེད་ཡིན་ན། དེ་ཚོ་གྲལ་དེ་རྒྱ་དམར་གུང་ཕྲན་ཏང་ལ་རྒྱབ་སྐྱོར་གྱིས་སྣམ་པ་མཚོན་འདུག་སྙམ། གང་ལ་ཞུས་ན། གུང་ཕྲན་གྱི་་་ བོད་རང་བཙན་ཁོ་རང་མི་གཅིག་གི་གནས་དོན་རེད་བཤད་ཡོད།