ཤེས་རིག་བཀའ་བློན་དངོས་གྲུབ་ཚེ་རིང་མཆོག་ཨ་རིའི་སྐུ་ཚབ་དོན་གཅོད་དུ་བསྐོ་བཞག་གནང་ཡོད་པ་ལྟར་འདི་ལོའི་ཕྱི་ཟླ་ ༡༢ པའི་ནང་ལས་འཁུར་དབུ་འཛུགས་གནང་རྒྱུ་ཡིན་འདུག
དེ་རིང་བཀའ་དྲུང་ཡིག་ཚང་ནས་གསལ་བསྒྲགས་ཤིག་སྤེལ་བ་ལྟར་ན། བཙན་བྱོལ་བོད་མིའི་བཅའ་ཁྲིམས་ལེའུ་དང་པོའི་དོན་ཚན་ ༡ ནང་གསེས་ ༣ འོག་དང་། ལས་བྱེད་འདེམས་བསྐོ་ལྷན་ཁང་གི་སྒྲིག་གཞི་དོན་ཚན་ ༡༩ (༡) བཅས་ཀྱི་དགོངས་དོན་འོག དེ་རིང་ཕྱི་ཚེས་ ༧ ཉིན་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་དངོས་གྲུབ་ཚེ་རིང་མཆོག་ཨ་རིའི་སྐུ་ཚབ་དོན་གཅོད་དུ་བསྐོ་བཞག་གནང་ཡོད་པ་དང་། འདི་ལོའི་ཕྱི་ཟླ་ ༡༢ ཚེས་ ༡ ཉིན་ནས་ལས་འཁུར་དབུ་འཛུགས་གནང་རྒྱུ་ཡིན་འདུག འདི་གའི་གསར་འགོད་པས་བཀའ་དྲུང་ཡིག་ཚང་ལ་ཞལ་པར་ཕུལ་ཡང་ད་ལྟ་བཀའ་ཤག་ལྷན་རྒྱས་ཚོགས་འདུ་འཚོགས་བཞིན་འདུག
བཀའ་བློན་དངོས་གྲུབ་ཚེ་རིང་མཆོག་ནི་ཕྱི་ལོ་ ༡༩༥༣ ཟླ་ ༧ ཚེས་ ༡ ཉིན་བོད་སྐྱིད་གྲོང་དུ་སྐུ་འཁྲུངས་ཡོད་པ་དང་། ཕྱི་ལོ་ ༡༩༧༩ ལོར་གཙུག་ལག་རབ་འབྱམས་པ་ཐོན་རྗེས། སྐབས་བདུན་པའི་བོད་མི་མང་དབུས་གཙང་སྤྱི་འཐུས་སུ་བདམས། ཕྱི་ལོ་ ༡༩༨༣ ནས་ ༡༩༨༧ བར་སྔ་གཞུག་ཏུ་ཤེས་རིག་ལས་ཁུངས་དང་ནང་སྲིད་ཀྱི་དྲུང་གཞོན་གནང་། ཕྱི་ལོ་ ༡༩༩༠ ལོ་ནས་བོད་ཀྱི་ཟློས་གར་ཁང་གི་འགན་འཛིན་དུ་བསྐོས། ཟློས་གར་གྱི་འགན་འཛིན་གནང་ཡུན་རིང་ལས་དོན་གྲུབ་འབྲས་གཟེངས་སུ་ཐོན་པར་བརྟེན། ཕྱི་ལོ་ ༡༩༩༥ ལོར་བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་པའི་འགན་འཛིན་སྡེ་ཚན་ཁོངས་ནས་བྱས་རྗེས་གཟེངས་ཐོན་བྱུང་བར་ངོས་འཛིན་གྱིས་སུད་སི་བོད་མིའི་གཟེངས་རྟགས་ཐེངས་དང་པོ་དེ་ཁོང་ལ་གནང་ཡོད།
ཕྱི་ལོ་ ༡༩༩༥ ལོ་ནས་ཤེས་རིག་དྲུང་ཆེ་གནང་ཡོད་པ་དང་། ཕྱི་ལོ་ ༡༩༩༩ ལོར་ནང་སྲིད་དྲུང་ཆེར་གནས་སྤོས་གནང༌། ཕྱི་ལོ་ ༢༠༠༠ ལོ་ནས་རྩ་དགོངས་ཞུས་ཏེ་ཨ་རིར་གནས་བཞུགས་ཀྱིས། མི་ནི་སོ་ཌའི་བོད་རིགས་སྤྱི་མཐུན་ཚོགས་པའི་ལས་ཁུངས་སུ་ལས་འཆར་འགན་འཛིན་དང༌། ཕྱི་ལོ་ ༢༠༠༣ ལོར་སྤྱི་མཐུན་ཚོགས་པའི་ཚོགས་གཙོའི་ལས་འཁུར་ཞུས།
སྐབས་བཅུ་བཞི་པའི་བཀའ་ཤག་གིས་བཀོད་ཁྱབ་གནང་བ་ལྟར། དབུས་བོད་མིའི་སྒྲིག་འཛུགས་ཀྱི་གྲོས་འདྲི་བྱ་ཡུལ་དང་། ཕྱི་ལོ་ ༢༠༡༢ ཟླ་ ༤ ཚེས་ ༢ ཉིན་ཤེས་རིག་དྲུང་ཆེར་བསྐྱར་དུ་བསྐོ་བཞག་གནང་ཡོད་པ་རེད། ཕྱི་ལོ་ ༢༠༡༤ ཟླ་ ༩ པའི་བོད་མི་མང་སྤྱི་འཐུས་ཚོགས་དུས་༨ པའི་ཐོག་བཀའ་བློན་དུ་མང་མོས་བདམས་ཐོན་བྱུང་ཡོད་པ་རེད།
༄༄།། །བོད་མིའི་སྒྲིག་འཛུགས་ཀྱི་ཕྱག་ལས་གནང་སྟངས་དེ་ཕྱི་གསལ་ནང་གསལ་ཡིན་པ་ངོས་འཛིན་བྱེད་ཀྱི་མེད། གང་ལ་ཞུ་ན་སྐབས་བཅུ་བཞི་དང་སྐབས་བཅོ་ལྔའི་སྲིད་སྐྱོང་ཆགས་པ་ནས་བཟུང་དེ་འདྲ་རང་རེད་མི་འདུག མདོར་བསྡུས་ན། གུས་བཀུར་ཞུམ་ཞུམ་དང་ལགས་སོ་ལགས་སོ་ཞེས་སྤྲེལ་ལད་མ་འཁྲབ་པ་དེ་ལ་ཐུག་ཡོད་པ་འདྲ། འདི་ཐད་སྦས་གསང་མེད་པ་གསལ་བཤད་མཐིལ་ཕྱིན་པ་གནང་དགོས་ཡོད། དེ་མེད་ན་སྲིད་སྐྱོང་དུས་ཡུན་མ་རྫོགས་བར་རང་ཉིད་ཀྱི་སྒྲིག་འཛུགས་ལ་ཡིད་ཆད་ཡོང་ས་མ་རེད་ཞུ་རྒྱུ་ཡིན། མཐུན་བཞི་ཚང་།
སྤེན་ཚེ་ལ་ནོར་འཁྲུལ་མེད་ན་ཁྲིམས་ཀྱི་ཐོག་ནས་ཉེས་འཛུགས་བྱ་ཆོག་གི་རེད།ཁྲིམས་ཐོག་ནས་འགྲོ་པ་ཡིན་ན་སུར་དཀར་སུ་ནག་ཡང་ན་བཀའ་ཤག་ངོས་ནས་ཐག་བཅོད་ཡང་དག་པ་ཡོང་ཡོད་མེད་གསལ་པོ་ཆགས་རེད།དེ་སྐུ་ངོ་སྤེན་ཚེ་ག་རེ་གནང་གི་ཡོད་མེད་ལ་བལྟ་ཡ་རེད།དེ་མ་གཏོགས་གང་ཡང་མ་ཤེས་པ་ཕུན་ཚུལ་སྐྱོན་འཛུགས་རྐྱང་རྐྱ་བྱ་སྡོད་ན་ཁེ་བཟང་ག་རེ་འདུག
བོད་ཀྱི་རྩ་དོན་ལ་ཕན་ཐོག་འདུག་གམ།གང་འདོད་ཀྱི་འདུ་ཤེས་འཛིན་པ་དེ་ཚོ་བོད་ཀྱི་རྩ་དོན་དགོངས་པ་མ་བཞེས་པ་གསལ་པོ་མངོན།
༄༅། སྐུ་ཞབས་སྤེན་ཚེ་ནས་ཕྱག་ལས་གནང་སྟངས་ཡག་པོ་མ་བྱུང་བའི་དབང་གིས་བཀའ་ཤག་ནས་
ཨ་རི་དོན་གཅོད་འཕོ་འགྱུར་བཏང་དགོས་བྱུང་ཡོད་པ་རེད།་དེ་མིན་ནི་དགའ་མི་དགའ་མདོག་གི་མིན་པ་གསལ་
པོ་རེད། སྤེན་ཚེ་ནས་ནོར་མེད་ན་ནམ་ཡང་འཁུར་གྱི་མ་རེད་སྙམ།
བཀའ་ཤག་གིས་གུ་དོག་གིས་ཕྱག་ལས་གནང་སོང་བསམ་པ་བྱུང་འོན་ཀྱང་སྤྱི་ཚོགས་འཆམ་མཐུན་ཡོང་ཆེད་སྐུ་ངོ་སྤན་ཚེས་ཉེས་པ་ག་རེ་བསགས་ཡོད་ན་མི་མང་ཁ་གསལ་གཏིང་གསལ་བྱེད་དགོས་པ་གལ་ཆེན་རེད
ཡག་པོ་བྱུང་འདུག
སྲིད་སྐྱོང་གི་གནང་སྟངས་དེ་ཏོག་ཙམ་འགྲིག་མ་སོང་བསམས།
གང་ལྟར་གནས་ཚུལ་གསལ་བོ་ཡོང་བའི་རེ་བ་ཡོད།
གང་མྱུར་དེའི་ཐད་མི་མང་ལ་བཅའ་ཁྲིམས་དགོངས་དོན་འགྲེལ་བཤད་ཡང་དག་པ་ཞིག་རྒྱབ་རྒྱུ་གལ་ཆེ། དེ་མིན་སྤྱི་ཚོགས་ནང་རང་རང་སོ་སོའི་འདོད་བློ་དང་མཐུན་པ་འགྲེལ་བཤད་མི་འདྲ་བ་རེ་རེ་བརྒྱབ་ཀྱི་འདུག་གོ།
གོང་ས་མཆོག་གིས་”ངོས་རང་ཡིད་ཆེས་འཕེར་སའི་གྲོགས་པོ་གཉིས་ཁྲིད་ཡོད་”གསུངས་པ།
དེ་རིང་༧གོང་ས་མཆོག་གིས། ངོས་རང་ད་ལྟ་ལོ་༨༢ རེད། ལོ་སྔོན་མ་ནས་བཟུང་དཀའ་ལས་ཁག་པའི་ཚོར་བ་དེ་ཤིན་ཏུ་ནས་ཆེ་རུ་སོང་འདུག ཁྱོད་རང་ཚོས་གླིང་ཆེན་འདྲ་མིན་དང་རྒྱལ་ཁབ་སྣ་ཚོགས་སུ་ལས་འགུལ་མང་བ་སྤེལ་དགོས་ཀྱི་འདུག ངོས་རང་ཕལ་ཆེར་ལས་འགུལ་ནང་ཞུགས་ཐུབ་ཀྱི་མ་རེད། དེར་བརྟེན་ངོས་རང་ཡིད་ཆེས་འཕེར་སའི་གྲོགས་པོ་གཉིས་འདིར་ཁྲིད་ཡོད། ཕྱི་ལོ་༢༠༠༡ ནས་བཟུང་ངོས་རང་ཆབ་སྲིད་ཀྱི་ལས་འགན་ནས་ཕྱེད་རྒན་ཡོལ་ཞུས་ནས་བཟུང་། མཁས་དབང་ཟམ་གདོང་རིན་པོ་ཆེས་ལོ་༡༠ རིང་འགན་འཁུར་གནང་བ་རེད། དེ་རྗེས་ཕྱི་ལོ་༢༠༡༡ ལོར་ཁོང་(སྲིད་སྐྱོང་བློ་བཟང་སེང་གེ་)འོས་འདེམས་བྱུང་བ་རེད། སྐབས་དེ་ནས་བཟུང་ངོས་རང་ཆབ་སྲིད་ཀྱི་འོས་འགན་ཐོག་ནས་རྒན་ཡོལ་ཆ་ཚང་བ་ཞུས་པ་རེད། ཁོང་གཉིས་ཀྱིས་ངའི་བསམ་བློ་ཤེས་ཀྱི་ཡོད་རེད། འདུ་འཛོམས་འདི་འདྲ་པོ་ཇེ་མང་དུ་བཏང་ནས་ང་ཚོའི་ལས་ཀ་ངེས་པར་དུ་མུ་མཐུད་ནས་འཁྲུག་ཆ་དོད་དུ་གཏོང་དགོས་ཀྱི་འདུག མི་འདི་གཉིས་ལ་(ཟམ་གདོང་རིན་པོ་ཆེ་དང་སྲིད་སྐྱོང་བློ་བཟང་སེང་གེ་)ངོས་རང་ཡིད་ཆེས་ཆ་ཚང་བ་ཡོད། དེར་བརྟེན་ཁྱེད་རང་ཚོ་སྒེར་དང་གཞུང་གི་ཕྱོགས་ནས་འགྲིག་ན། ཁོང་གཉིས་གང་རུང་ཞིག་ངོས་རང་མི་སྒེར་གྱི་ཚབ་ཏུ་མཉམ་ཞུགས་གནང་ཆོག་གི་རེད།”ཅེས་གསུངས་པའི་བཀའ་སློབ་དང་། ད་རིང་གི་སྐུ་ངོ་སྤེན་པའི་གནད་དོན་དང་འབྲེལ་བ་ཡོད་ཚེ་སྐུ་ངོ་སྤེན་པས་༸གོང་ས་མཆོག་ཡིད་ཐང་ཆད་དགོས་པ་བཟོས་ཡོད་པ་ཐག་ི་ཆོད།
བཀའ་དྲུང་གི་ལན་འདེབས་སྐྱོ་བོ་ཞིག་དང་། སྲིད་སྐྱོང་དང་ཤེས་རིག་བཀའ་བློན་གཉིས་ཀྱིས་གསར་འགོད་པར་ཡ་ལན་མ་བྱས་པར་བལྟས་ན། སྤེན་ཚེས་སྲིད་སྐྱོང་གི་རྐུབ་ལྡག་མ་ཐུབ་པ་ཐག་གིས་ཆོད། ད་ལྟད་མོ་ཡོད་རྒྱུ་རེད།
བོད་མིའི་སྒྲིག་འཛུགས་ཀྱི་ཕྱག་ལས་གནང་སྟངས་དེ་ཕྱི་གསལ་ནང་གསལ་ཡིན་པ་ངོས་འཛིན་བྱེད་ཀྱི་ཡོད་དེ། སློབ་བཟང་སངས་རྒྱས་ལགས་སྲིད་སྐྱོང་ཆགས་པ་ནས་བཟུང་དེ་འདྲ་རང་རེད་མི་འདུག མདོར་བསྡུས་ན། གུས་བཀུར་ཞུམ་ཞུམ་དང་ལགས་སོ་ལགས་སོ་ཞེས་སྤྲེལ་ལད་མ་འཁྲབ་པ་དེ་ལ་ཐུག་ཡོད་པ་འདྲ། འདི་ཐད་སྦས་གསང་མེད་པ་གསལ་བཤད་མཐིལ་ཕྱིན་པ་གནང་དགོས་ཡོད། ད་ག་སེ་འགྲེལ་བཤད་མེད་པ་གནས་དབྱུང་བཏང་ན་འགྲིགས་ཀྱི་མེད་པ་དེ་ཡང་མཁྱེན་དགོས་པ་ཡིན།
ཚོགས་ཟུར་མཆོག་དོན་གཅོད་ཀྱི་དུས་ཡུན་མ་ཚང་གོང་ནས་བརྗེ་པོ་བརྒྱབ་དོན་ཅི་ཡིན། རྩ་བའི་དོན་གཅོད་ཀྱི་ཕྱག་ལས་འགན་ཆེན་པོ་ཞིག་ཡིན་དུས་འཕོ་བསྒྱུར་མང་པོ་བཏང་བ་ཡིན་ན་བརྡབ་གསིག་ཡོང་ངེས། ཡ་མཚན་སྐྱེས་བྱུང།
ཁུངས་ལྡན་གནས་ཚུལ་ལྟར་ན། འདས་པའི་ལོ་ཤས་གོང་ནས་ཨ་རིའི་སྐུ་ཚབ་དོན་གཅོད་དུ་དངུལ་དང་འབྲེལ་བའི་རྙོག་གླེང་ཆེན་པོ་ཞིག་ཡོད་པ་དང་། དེ་ནི་དེ་སྔོན་ཨ་རིའི་དོན་གཅོད་སྐལ་རྡོར་གྱི་སྐབས་སུ་འགོ་ཚུགས་ཡོད་འདུག ན་ནིང་སྐུ་ངོ་སྤེན་པ་ཚེ་རིང་མཆོག་ཨ་རིའི་སྐུ་ཚབ་དོན་གཅོད་དུ་བསྐོས་རྗེས་སེལ་ཐབས་དཀའ་བའི་དངུལ་གྱི་རྙོག་གླེང་དེ་སེལ་དགོས་པ་གསུང་འདུག རྙོག་གླེང་དེ་ནི་ཧ་ཅང་རྙོག་འཛིང་ཆེ་བའི་དངུལ་དང་འབྲེལ་ཡོད་སྟབས། དོན་གཅོད་ཁོང་ནས་སྲིད་སྐྱོང་མཆོག་ལ་རྙོག་གླེང་དེ་སེལ་བར་དམིགས་བསལ་ཚོགས་ཆུང་བཙུགས་དགོས་པ་དང་། བཀའ་ཤག་ནས་ལམ་སྟོན་དགོས་སྐོར་ཞུས་ཀྱང་སྲིད་སྐྱོང་དང་། བཀའ་ཤག་ནས་དེའི་ཐད་གང་ཡང་གནང་གི་མེད་སྟབས། རིམ་གྱིས་སྲིད་སྐྱོང་དང་བཀའ་ཤག་གཉིས་ནས་དོན་གཅོད་ཁོང་ལས་འགན་མི་བསྒྲུབ་མཁན་ཞིག་ཏུ་བརྩིས་ནས་གནས་སྤོར་རམ། དགོངས་ཞུ་གནང་རྒྱུའི་གོ་སྐབས་བཙལ་ཡོད།
ཉེ་སྔོན་ལྔ་དང་ལྔ་བཅུའི་ཚོགས་འདུ་གྲོལ་རྗེས་སྐུ་ཚབ་དོན་གཅོད་ཚང་མ་ཚོགས་འདུ་ཞིག་ཚོད་ཡོད། སྐབས་དེར་དོན་གཅོད་སྤེན་ཚེ་ནས་ཨ་རིའི་དོན་གཅོད་ཀྱི་དངུལ་དང་འབྲེལ་བའི་རྙོག་གླེང་དེའི་རྒྱུད་རིམ་ཡོངས་སུ་རྫོགས་པ་ཚོགས་འདུའི་སྟེང་དུ་སྙན་སེང་ཞུས་འདུག་ལ། དེ་ནི་དེར་འཁོད་སྐུ་ཚབ་དོན་གཅོད་ཚང་མས་ཤེས་ཀྱི་ཡོད།
ཚོགས་འདུའི་སྐབས་དེར་སྲིད་སྐྱོང་མཆོག་དང་དོན་གཅོད་ཁོང་གཉིས་དབར་ལ་ཕན་ཚུན་ཤོད་རེས་ཏོག་ཙམ་བྱུང་འདུག སྤྱིར་བཏང་ད་རེས་ཀྱི་བསྐོ་གཞག་དེའི་ཐོག་རྒྱུ་རྐྱེན་སྣ་ཚོགས་པ་ཞིག་ཡོད་ནའང་། འཕྲལ་གྱི་རྐྱེན་ནི་གོང་ཞུས་དེ་རང་ཡིན་འདུག གཅིག་བྱས་ན་རྗེས་རིམ་པ་བཞིན་གནས་ཚུལ་དེའི་སྐོར་གསལ་བཤད་ཡོང་གི་ཡོད་ཀྱི་རེད།
སྐུ་ཉིད་ཀྱིས་གསལ་བཤད་ཡག་པོ་གནང་འདུག བློ་བཟང་སེང་གེར་དགོས་པ་ནི་མིང་རྫིགས་པོ་དང་། འདྲ་ཆགས་པོ་ཡིན་སྟབས་ཁོས་ཁོ་རང་གི་ལས་ཡུན་རིང་དངུལ་རྙོག་གཙང་སེལ་བཟོ་འདོད་མེད་པར། མི་མང་གི་མདུན་ལ་འདྲ་ཆགས་པོ་དང་རྫིགས་ཉམས་བསྟན་ནས་དོན་དུ་བོད་མི་མང་ལ་མགོ་སྐོར་གཏོང་གི་ཡོད།
མི་འཇོན་ཐང་ཡོད་པ་དེ་དག་ཕྱག་ལས་གནད་འགག་ཡོད་སར་བཞག་དགོས་པ་ལས་ངོ་དགའ་སྤྲེལ་ལས་ཀྱི་བོད་ཀྱི་རྩ་དོན་ལ་ཕན་ཐོགས་གང་ཡང་མེད་དོ།
གསལ་བསྒྲགས་ཡ་མཚན་རེད་འབྲེལ་བཤད་ཅང་མེད་པའི་་་་་་
༸གོང་ས་མཆོག་གི་ཐུགས་རྗེ་བཀའ་དྲིན་ཁོ་ན་ལ་བརྟེན་ནས་ད་ལྟ་ང་ཚོ་ལ་བཙན་བྱོལ་གཞུང་ཞིག་བཙུགས་བཞག་པ་དེའི་ནང་སྐུ་ངོ་སྲིད་སྐྱོང་གི་དབུས་བཀའ་བློན་དང་། དཔོན་རིགས་ཚོས་འཁྲབ་བཞིན་ཡོད་དམ། ད་དུང་མིན། ནམ་ཞིག་ན་ཁྱོད་ཚོས་འཁྲོབས་ཨོ། ད་དུང་༸གོང་ས་མཆོག་གསེར་ཞལ་འཚོ་བཞུགས་ཀྱི་རིང་ལ་ཁྱོད་ཚོས་ཁོང་གི་ཐུགས་དགོངས་མ་དཀྲུགས་ཨོ། ཁྱོད་ཚོས་འཁྲབ་ཡ་དེ་ཚོ་མ་འོངས་པ་ན་ཡིན་ཏཱ།
གསལ་བསྒྲགས་སྔོན་ལ་བཏང་ནས་ཚོགས་བསྡུ་རྗེས་ལ་ཚོགས་པ་ནི་སུའི་ལུགས་ཡིན་ནམ།
གཏན་ཉིན་སློབ་གྲའི་གནས་སྟངས་དཀའ་ངལ་ནང་ཡོད་པའི་སྐབས་འདིར་མཐོ་རིམ་ལས་བྱེད་གནས་སྤོས་གནང་རྒྱུ་དེ་སྤྱི་ཚོགས་ཀྱི་དགོས་མཁོ་ལས་ཀྱང་ལས་བྱེད་པའི་མདུན་ལམ་དེ་གལ་བ་ཆེ་ཡིན་ནམ་།
གནས་ཚུལ་ཁ་གསལ་མེད་པའི་གསལ་བསྒྲགས་འདི་འདྲ་ཅི་ཡིན་ནམ། ད་ལྟའི་བྱང་ཨ་རིའི་སྐུ་ཚབ་དོན་གཅོད་ལས་ཐོག་པའི་སྐོར་ཚིག་གཅིག་ཀྱང་གསལ་མེད་པ་ཅི་ཡིན་ནམ།
་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་དངོས་གྲུབ་ཚེ་རིང་མཆོག་ཨ་རིའི་སྐུ་ཚབ་དོན་གཅོད་དུ་བསྐོ་བཞག་གནང་ཟིན་ན། ད་ལྟའི་དོན་གཅོད་ལས་ཐོག་སྤེན་པ་ཚེ་རིང་གི་སྐོར་ཡང་གསལ་བོ་འཁོད་དགོས་ངེས་ཤིག་རེད།
ཚང་མ་ལ་དེ་དེ་བཞིན་བསམ་ཚུལ་ཤུགས་ཆེན་པོ་འདུག་གོ
བཀའ་ཤག་གི་ལས་དོན་གནང་ཕྱོགས་ལ་འགྲིག་མིན་དང་། ཁྲིམས་སྒྲིགས་དང་འགལ་བའི་གནད་དོན་ཡོད་ན་བོད་མི་མང་གི་སྤྱི་འཐུས་ཀྱིས་ཞིབ་འཇུག་དང་འགྲོ་གླེང་ཡོང་དགོས་ཡོད་པ་ལས་མི་མང་གིས་ཁྲིམས་སྒྲིགས་རྩིས་མེད་ཀྱིས་སྤེན་ཚེ་ལ་སྤྲེལ་ལད་འཁྲབ་ན་རྨོངས་གཉིད་ལས་མ་གྲོལ་བ་རང་རེད་་་་་་