མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རང་སེམས་གཙང་མའི་ཞུ་མཆིད་དཀར་པོ།

བོད་ཀྱི་དུས་བབ།
༢༠༡༧/༡༡/༡༢
Share on FacebookShare on TwitterShare on EmailShare on Whatsapp

   དུར་བྱང་།

མི་ཡི་གར་དུ་རོལ་བ་སྤྱན་རས་གཟིགས།།

འགྲོ་བའི་སླད་དུ་བྱོན་པ་ཐུགས་རྗེ་ཆེ།།

བདག་ཅག་དུས་ངན་འདི་ལས་ཕྱུང་བ་ཡི།།

ཐུགས་སྨོན་སྦྲང་ཆར་ཕོབས་ཤིག་ལྷག་པའི་ལྷ།།

སྲོག་གིས་གྲུབ་པའི་ས་མཐའི་སྲིད་གཞུང་གི།།

མཐོ་རིམ་དཔོན་པོའི་ཚོགས་ལ་སྤྲིངས་པ་ཡི།།

ཞུ་མཆིད་དཀར་པོ་ཟང་མར་བསྟན་པ་འདི།།

ཚིག་དོན་འཁྲུལ་བ་མེད་པར་བདག་གིར་བཞེས།།

སྐབས་དོན་མ་ཞུས་པའི་སྔོན་ཏག་ཏག་ལ་ཁོ་བོས་འདི་ལྟར་ཞུ་འདོད་དེ།ཕྱོགས་ཞེན་གྱི་དྲ་བར་ལྷུང་བ་དག་གིས་རེ་ཞིག་སྤྱན་ཟུང་བཙུམ་པར་གྱིས། མ་གཞི་མྱི་ཆུང་ལ་གཏམ་ཆེན་མི་འཛའ་བ་ཁོ་བོས་དེ་སྔ་ནས་རང་ཉིད་ལ་ཁ་བརྡ་བྱས་མྱོང་།

དེང་གི་ཆར། “དྲང་བོའི་གཏམ་ལ་འཁྱུག་པོའི”ཁ་ལན་སློག་པ་ནི་སྤྱི་ཚོགས་ཆུང་ཆུང་འདིའི་གྲུབ་ཆ་ཞིག་ཏུ་གྱུར་ཟིན་པས་ཅི་ཞིག་ཞུས་དང་མ་ཞུས་ལ་ཁྱད་པར་དེ་ཙམ་མེད་ནའང་རང་སེམས་དཀར་པོའི་ཞུ་མཆིད་གཙང་མ་འདི་མི་ཡ་རབས་གཅིག་གི་སེམས་སུ་སྨིན་སྲིད་ན་ཁོ་བོ་དེ་གས་ཡིད་ཚིམ་པ་ཡིན།

ང་ཚོར་བརྒྱ་ཁ་གཅིག་ཆོད་ཀྱི་ལམ་ལུགས་ཤིག་གཏན་ནས་མི་དགོས།འདི་སྒེར་གཅོད་པའི་ལམ་ལུགས་རེད། ང་ཚོས་ང་ཚོར་བདག་པའི་ས་ཞིང་སྣུམ་པོ་དེ་གཞན་ལག་ཏུ་ཤོར་བའི་མི་ལོ་དྲུག་ཅུ་འགོར་ཡོད། ང་ཚོས་སྒེར་གཅོད་ཀྱི་ལམ་ལུགས་ལ་མཐའ་གཅིག་ཏུ་ངོ་རྒོལ་བྱས་ཏེ་གཞིས་བྱེས་གཉིས་སུ་གྱེས་ཡོད། གང་ན་སྒེར་གཅོད་ཀྱི་ལམ་ལུགས་དང་ཁྲམ་ལས་ཀྱི་ལྐོག་ཇུས་ཡོད་ན་དེ་ནི་ང་ཚོའི་དགྲ་བོ་ཡིན།

༧ གོང་ས་མཆོག་གིས་གསོལ་རས་གནང་བའི་དམངས་གཙོའི་སྲིད་ལུགས་འདི་ང་ཅག་ཐུན་མོང་གིས་ལོངས་སྤྱོད་བྱ་དགོས་པ་ལས་ཁ་རྒྱན་ཙམ་དུ་རྒྱུན་སྐྱོང་བྱེད་པ་ནི་རང་ཉིད་ལ་ཁྱད་གསོད་བྱས་པ་ཡིན་ལ།རླབས་ཆེ་བའི ༧ གོང་ས་མཆོག་གི་ཐུགས་དགོངས་ལ་དམའ་ཕབ་པ་ཡིན་པས་འདི་ལས་ལྷག་པའི་ངོ་ཚ་དགོས་པའི་གནས་སྟངས་ཤིག་ཡོད་མི་སྲིད།

དམངས་གཙོའི་ལམ་ལུགས་ཁྲོད་ཆེས་གལ་འགངས་ཆེ་བའི་གནད་དོན་ཞིག་ཡོད་པ་ནི། ཕྱི་གསལ་ནང་གསལ་བྱ་དགོས་པ་དེ་ཡིན། “མི་དམངས་ལ་འགན་འཁུར་དགོས་ན། ཐོག་མར་ངེས་པར་དུ་སྲིད་གཞུང་གང་དེར་བྱུང་དང་འབྱུང་བཞིན་པའི་གནས་ཚུལ་ཡག་སྡུག་ཡོད་ཚད་མི་དམངས་ལ་ཤེས་སུ་འཇུག་དགོས། ཕྱི་གསལ་ནང་གསལ་གྱི་སྲིད་གཞུང་ཞིག་ཡིན་ཚེ།གསར་འགོད་རང་དབང་ཅིས་ཀྱང་ཡོད་དགོས་ལ།དུས་ལྟར་གསར་འགོད་པ་སྣེ་ལེན་གྱི་འདུ་ཚོགས་བསྡུས་ཏེ། སྤྱི་དམངས་ཀྱིས་སེམས་ཁུར་བྱེད་སའི་གནད་དོན་རྣམས་ལ་དྲི་ལན་གདབ་དགོས་པ་ཡིན།”

རེད་དེ། ཁ་རྩང་སྲིད་ཚབ་ཆོས་རིགས་བཀའ་བློན་མཆོག་གིས་གསལ་བཤད་དེ་སྤྱི་དམངས་ཀྱི་བློ་བདེ་ལ་ཡིད་ཁར་འབབ་པ་ཞིག་མ་བྱུང་བའི་ཁར། དེ་ལས་ལྡོག་སྟེ་དམངས་གཙོའི་ལམ་ལུགས་ལ་ཁྱད་གསོད་དང་སྤྱི་དམངས་ལ་བརྙས་བཅོས་བྱས་པ་ལྟ་བུར་སོང་ཡོད་ན། དེ་ནི་ཁྱེད་ཅག་གི་སྐད་ཀྱིས་བཤད་ན་༧ གོང་ས་མཆོག་ལ་མཚན་སྨད་ཀྱང་ཡིན་སྲིད།

དམིགས་བསལ་ཅན་རེ་འགའ་མ་གཏོགས་དམངས་གཙོའི་ཁྱད་ཆོས་ནི་ཕྱོགས་ཡོངས་ནས་ཕྱི་གསལ་ནང་གསལ་བྱ་དགོས་པ་ལས་གནད་དོན་ཉི་ཚེ་བ་ཞིག་ཕྱི་གསལ་ནང་གསལ་བྱས་ཏེ་ཕྱོགས་རིས་པ་ཞིག་ལ་གཡོལ་ཐབས་དང་སྦས་གསང་བྱེད་པ་ནི་གཏན་ནས་མི་རིགས། དེ་ནི་སྒེར་གཅོད་པའི་ཕྱོགས་སུ་ངང་གིས་སོང་བ་ཡིན་ཕྱིར་ཅི་བས་ཀྱང་ནན་ཏན་བྱ་དགོས་པ་ཡིན།

མ་གཞི་ཚོགས་ཟུར་སྐུ་ངོ་སྤེན་པ་ཚེ་རིང་ལགས་ཨ་རིའི་དོན་གཅོད་ནས་འཕོ་འགྱུར་བྱས་པ་ལ་ནི་ཁོ་བོར་ལྟ་ཚུལ་ཅི་ཡང་མེད།འོན་ཏེ་ཅི་ཞིག་ལ་འཕོ་འགྱུར་བྱ་དགོས་པའི་གནད་དོན་དེ་ཅིས་ཀྱང་ཤེས་དགོས། སྒེར་དོན་ཁོག་བཟུང་གིས་ངན་ཇུས་ཡིན་ན་མཐའ་གཅིག་ཏུ་ངོ་རྒོལ་ཡོད་ལ། སྤྱི་དོན་གནད་བཟུང་གིས་སེམས་ཁུར་ཡིན་ན་མཐའ་གཅིག་ཏུ་རྒྱབ་སྐྱོར་ཡོད། གསང་སྦས་བྱེད་བཞིན་པའི་གནད་དོན་སྤྱི་དམངས་ལ་སླར་ཡང་གསལ་འགྲེལ་བྱ་དགོས་ཡོད། ཁོ་བོས་གང་དེའི་ངོ་གདོང་རྫོབ་པོ་དེ་ཅིས་ཀྱང་མཐོང་ན་འདོད།

རྣམ་རྟོག་གིས་ཁེངས་པའི་ང་ཅག་གིས་འདྲ་མཉམ་གྱི་ལྟ་གྲུབ་གཞིར་བཟུང་སྟེ་གནད་དོན་གང་ཞིག་ལ་ཚོར་བའི་རྦ་རླབས་འཕྱུར་བཞིན་པ་ནི་ཁྱེད་ཅག་གིས་མཐོང་སྲིད་དམ།ད་ཀོ་རྣ་གཡས་འོན་པ་དང་མིག་གཡས་ཞར་རའི་རྟུལ་ཞུགས་མི་འཛིན་པར་སྨྲ་བ་ལྷུག་པོར་གྲོལ་བའི་རེ་བ་སྙིང་ནས་ཞུ།

འདྲ་མཉམ་ཞེས་པ་ནི་གོ་ས་སོགས་ལ་ལྟོས་པ་མེད་པར་ཁྲིམས་ཀྱི་འོག་ཏུ་ཚང་མ་འདྲ་མཉམ་ཡིན་པའང་མ་བརྗེད་པར་གྱིས། འདི་ནི་ནང་ཚགས་ཀྱི་ཚུལ་དུ་བློ་སྙིང་མཆིན་གསུམ་གླན་པའི་ཁུལ་དུ་བྱས་པ་ཡིན་ཏེ། གྲོས་འདེབས་དང་རེ་ཞུའི་ངང་ཚུལ་ཞིག་ཏུ་ཅི་བས་ཀྱང་ངོས་འཛིན་བྱ་འོས་པ་ཡིན།

སྤྱི་དོན་ཁ་ཁྱེར་སྒེར་དོན་ཁོག་ཏུ་སྦས།།

སྤྱི་ཚོགས་ཆུང་ཆུང་འདི་ཀོ་འཁྲུག་པར་གྱུར།།

གཅིག་གིས་རྒྱབ་ནས་གཅིག་གིས་སྐྱོར་ཚུལ་འདི།།

དགྲ་བོའི་ལག་ཆར་འགྱུར་དོགས་ཅི་བས་འཕངས།།

བརྗོད་དོན་ལས་འཕྲོས་པའི་གནད་ཅིག་དྲན་གསོའི་ཚུལ་དུ་ཞུ་ན་དགོས་པ་ཅི་བས་ཆེ་སྟེ།སྐབས་འདི་འདྲ་ཞིག་ལ་ད་གཟོད་སྒམ་དཀྱེལ་ཞེས་པའི་མིང་ཚིག་འདིའི་གོ་དོན་ཐུགས་ལ་དྲན་པར་གྱིས། གནའ་བོའི་བྱུང་རབས་དག་ཏུ་གསལ་བའི་སྲིད་ཇུས་རྔམ་ནག་དེ་དག་རེ་ཞིག་སྐྱུར་བར་བྱ་སྟེ། དེ་དག་ལ་ཁྱོད་གསལ་ཆ་ཡོད་ལ་ངའང་ངེས་ཆ་ཡོད། མི་ལོ་འདི་དག་གི་རིང་ལ་མངོན་ལྐོག་འདྲ་འདྲེས་སུ་གྱུར་བའི་དགྲ་བོའི་སྲིད་ཇུས་དེ་དག་ལ་སྐྱར་དུ་ཞིབ་དཔྱོད་བྱས་ཏེ་རང་ཉིད་རང་གིས་གསོད་བཞིན་པའི་མངོན་གསལ་གྱི་བྱ་ལས་དག་ངེས་པར་དུ་མཁྱེན་དགོས་ཡོད།

དཔེར་ན། བོད་ནང་གི་མངའ་སྡེ་དང་རྫོང་ཁག་དག་གི་བར་ལ་དབྱེན་དང་ཕྲ་མ་ག་ཚོད་ཅིག་བཅུག་པ་དྲན་ནམ། འདི་གན་ཚང་དང་འདི་ཁྱེད་ཚང་ཞེས་དབྱེ་འབྱེད་ཀྱི་སྲིད་ཇུས་དེ་དག་ལ་སྔར་ལས་ལྷག་པའི་འབྲས་བུ་སྨིན་ཞིང་ཡལ་ཀ་རྒྱས་བཞིན་པ་ཅི་བས་ཀྱང་ཤེས་དགོས། དགྲ་བོ་ཚང་གིས་གང་ལ་གོ་སྐབས་ཡོད་ན་དེ་ལ་ལག་པས་འཇུས་ཏེ་རྫུན་དང་ཕྲ་མ།མགོ་སྐོར་ག་ཚོད་ཅིག་བཏང་བ་དྲན་ནམ།དཔེར་ན། དོལ་རྒྱལ་དང་འབྲེལ་བའི་གནད་དོན་དེས་ང་ཚོ་ཚད་གཞི་གང་ལ་བསྐྱལ་ཡོད་དམ།

ཉེ་བའི་ཆར། ཁོ་བོས་བྲིས་པའི«རྒྱ་ནག་གི་སྲིད་ཇུས་ལ་གཟབ་ནན་བྱ་དགོས་པའི་རེ་སྐུལ།»ཞེས་པར་གསལ་འདེབས་བྱས་པའི་«བོད་བྱ་བའི་ཚོགས་འདུ»ཟེར་བ་ཞིག་ཚོགས་ཏེ་ད་ནི་ང་ཚོར་གནད་ཆེ་བའི་ལས་ཀ་གཅིག་ཡོད་དེ། དེ་ནི་དབུ་མ་དང་རང་བཙན་བར་ལ་འགལ་ཟླ་བཟོ་རྒྱུ་དེ་ཡིན་ཞེས་ཁ་གསལ་གཏིང་གསལ་གྱིས་གྲོས་ཆོད་བཞག་པ་རེད།ཚོགས་འདུ་དེའི་གཙོ་སྐྱོང་བ་སྲིད་འཛིན་ཤིན་ཅིན་ཕིན་རེད། ད་དུང་མི་མངོན་པའི་ཚུལ་དུ་བོད་ཕྱི་ནང་བར་ལ་འགལ་ཟླ་བཟོས་དང་བཟོ་བཞིན་པ་ཡིན།

དེ་བས་ན། ང་ཚོས་སྐབས་འདི་འདྲ་ཞིག་ལ་ད་གཟོད་ཆིག་སྒྲིལ་ཞེས་པའི་མིང་བརྡ་འདི་དྲན་པར་བྱས་ཏེ་དགྲ་བོའི་གཡོ་འོག་ཏུ་ཚུད་མི་ཉན། ལན་རེར། ང་ཚོས་ནང་ཁུལ་ལ་འགྲིག་མིན་གྱི་ཆ་ཅུང་ཟད་རེ་མངོན་ཡོང་བ་ནི་ཅི་ཡང་མིན་ཏེ། དེ་ནི་དམངས་གཙོའི་ལམ་ལུགས་གྱི་གཟི་བརྗིད་རེད་ཅེས་ཀྱང་ཟེར་ཆོག

གནད་འགག་གི་སྐབས་སུ་རང་གི་གནས་སྟངས་ངོས་ཟིན་དགོས་པ་ལས་གཡམ་རྒྱུགས་དང་མི་དགོས་པའི་ཕྱོགས་ཞེན་སྐམ་པོ་ཞིག་གིས་ཅི་ཡང་རྔོ་ཐོགས་པ་མིན།

ས་ཞིང་སྣུམ་པོ་གཞན་གྱིས་བདག་ཏུ་བཟུང་།།

ཟབ་པའི་རིག་གཞུང་གཞན་གྱིས་ཉོག་ཏུ་བཏང་།།

འདི་འདྲའི་དུས་ངན་མིག་གིས་མཐོང་བཞིན་དུ།།

གདུང་རྩེ་རང་ལ་བསྐོར་བ་ཅི་བས་འཕངས།།

རུས་པ་དཀར་པོ་ཁ་བའི་ལྗོངས་སུ་གཏོར།།

ལྷག་བསམ་དཀར་པོ་གཏམ་གྱི་ཚུལ་དུ་བྱས།།

ཞུ་མཆིད་དཀར་པོ་རིགས་མཐུན་ཚོགས་ལ་ཕུལ།།

ཁ་བ་དཀར་པོའི་ཞེན་ཁོག་ལྷོག་ལྷོག་འཕྱུར།།

འབྲེལ་ཡོད་གསར་འགྱུར།

མེས་པོ་དམ་པ་གྷན་དྷི་མཆོག་གི་འཁྲུངས་སྐར་ཐེངས་ ༡༥༦ པ་གཞུང་འབྲེལ་སྲུང་གཙི་ཞུས། ༢༠༢༥།༡༠།༢ དུས་བབ་ཀྱི་པར།
Mobile App

མེས་པོ་དམ་པ་གྷན་དྷི་མཆོག་གི་འཁྲུངས་སྐར་ཐེངས་ ༡༥༦ པ་གཞུང་འབྲེལ་སྲུང་གཙི་གནང་།

ཆུ་ཚོད་ ༡༨ སྔོན་ལ།
Resisting China’s Occupation: 1 October Joint Statement. Photo Credit: International Tibet Network
Mobile App

རྒྱ་ནག་གི་རྒྱལ་སྟོན་དུས་ཆེན་ཟེར་བ་ནི་མི་མང་ལ་དྲག་གནོན་བྱས་པའི་ཉིན་མོ་ཞིག་ཡིན།

༢༠༢༥/༡༠/༠༡
ཕྱ་ིལོ་ ༢༠༢༥ ཟླ་ ༩ ཚེས་ ༡༨ ཉིན་ཨུ་རུ་སུའི་ཡུལ་སྐོར་བ་ ༡༦ འགྲམ་འགག་སྒོ་ནས་བོད་དུ་ཕྱིན། དྲ་ལ་མ་གྱི་པར།
Mobile App

ཨུ་རུ་སུའི་མི་ ༡༦ ཐོངས་མཆན་རིན་མེད་ཐོག་འགྲམ་འགག་སྒོ་ནས་བོད་ནང་ཕྱིན།

༢༠༢༥/༡༠/༠༡
Jian Guo (R) had denied spying for China during his trial
Mobile App

ཇེན་གོ་ཡིས་གསང་མྱུལ་བྱས་པའི་ནག་ཉེས་འོག་ལོ་བཞི་དང་ཟླ་དགུའི་རིང་བཙོན་འཇུག་ཁྲིམས་ཐག་བཅད།

༢༠༢༥/༡༠/༠༡
Mobile App

འོས་བསྡུའི་ལས་འཕར་འགན་འཛིན་གཉིས་ཀྱིས་ལས་ཁུར་དམ་འབུལ་ཞུས།

༢༠༢༥/༡༠/༠༡
Alexandra Xanthaki was appointed UN Special Rapporteur in the field of cultural rights in October 2021
Mobile App

མཉམ་འབྲེལ་རྒྱལ་ཚོགས་ཀྱི་ཆེད་མཁས་པས་ཧྥ་རན་སིའི་འགྲེམས་སྟོན་ཁང་ལ་སྐྱོན་བརྗོད་གནང་།

༢༠༢༥/༠༩/༣༠

མཆན། 6

  1. བོད་དགའ་ says:
    ལོ་ 8 སྔོན།

    དོན་དངོས་ཁྱེད་ཚོའི་སྨྲ་བརྗོད་རང་དབང་ཁ་ལ་འཁྱེར་ནས། བཀའ་ཤག་ལ་དམའ་འབེབས་དང་སྤེན་ཚེའི་ནག་ཉེས་ཐེར་འདོན་བྱེད་དགོས་པ་འདྲ་།ད་རེས་མ་འདྲ་བ་ཞིག་ལ་སྤེན་ཚེའི་རྒྱབ་སྐྱོར་བ་ཡིན་ཟེར་མཁན་ཚོའི་།སྤེན་ཚེའི་ནག་ཉེས་ཐེར་འདོན་དགོས་པའི་རྩོམ་དང་སྐད་ཆ་མང་པོ་གོ་ཡ་འདུག་།དངོས་གནས་བྱེད་ན་ནམ་རྒྱུན་སྤེན་ཚེའི་ཁ་གཏད་ཚོའི་སྤེན་ཚེའི་ནག་ཉེས་ཐེར་འདོན་དགོས་པའི་སྐད་འབོད་བྱེད་ན་ལེན་པོ་འདུག་།དེ་ནི་གོ་ཡ་ཅང་མི་འདུག་།ཕལ་ཆེར་སྤྱི་ཚོགས་ཟང་ཟིང་མི་ཡོང་བའི་ཆེད་དུ་ཡིན་ཤས་ཆེ་།

    Reply
  2. ཤར་མདའ། says:
    ལོ་ 8 སྔོན།

    འདིའི་ནང་དོན་གཙོ་བོ་གང་ཡིན་ཧ་གོ་དགོས་པ་དང་ངེས་པར་ཐུགས་བསམ་བཞེས་དགོས་པ་རེད། བོད་མི་ཞིག་ཡིན་པ་དང་སྨྲ་ཤེས་དོན་གོ་བའི་མི་ཞིག་ཡིན་དུས་ངེས་པར་མི་རིགས་འདིའི་འདས་མ་ད་གསུམ་ལ་བསམ་བློ་གཏོང་དགོས་པ་རེད། རང་ཉིད་ཀྱིས་གང་ནུས་ཀྱིས་འབད་བརྩོད་གནང་དགོས་པ་དང་།་དྲང་བདེན་དང་ལས་འབྲས་བརྩི་སྲུང་གནང་དགོས་པ་ལྷག་པར་ད་ལྟའི་གནས་སྟངས་འདི་ཕྱི་གསལ་ནང་གསལ་ཞིག་བྱེད་མ་ཐུབ་ན་སྤྱི་ཚོགས་ནང་ལབ་གླེང་འདྲ་མིན་ཞིག་ཡོང་གི་ཡོད་པ་འདི་དབུ་ལ་བཞུགས་མཁན་རྣམ་པ་ཚོས་བྱས་ཉེས་ཡིན་པ་ཤེས་པའི་ཐོག་ནས་དགྲ་དགའ་གཉེན་སྡུག་གི་ལས་སུ་མི་འགྲོ་བ་གནང་དགོས་པ་གལ་ཆེན་རེད། ཅེས་ཞུ་འདོན་སོང་།

    Reply
  3. ཨ་འབར་འཇིགས་དབང། says:
    ལོ་ 8 སྔོན།

    ༄༅། དུར་བྱང་ལགས་།
    ལས་བྱེད་གནས་སྤོས་དང་འཕོ་འགྱུར་བཏང་བ་ལ་ཧང་སངས་དགོས་དོན་གང་ཡང་མི་འདུག་ཀྱང་ད་ལན་ཨ་རི་དོན་
    ་་་་་་གཅོད་འཕོ་འགྱུར་བཏང་བ་ལ་དེ་འདྲའི་གལ་ཆེ་བ་དང་ཧང་སངས་དགོས་པའི་རྒྱབ་ལྗོང་གི་གནས་ཚུལ་གང་ཡོད།
    ་་་་་་་བཀའ་ཤག་ནས་གསལ་བཤད་གཙང་མ་གནང་མ་སོང་ཞེས་པ་ནི། ཕྱིའི་བར་ཆད་ཕྱི་དང་ནང་གི་བར་ནང་སེལ་དགོས་
    ་་་་་་་པར་བརྟེན་བཀའ་ཤག་ནས་ ལུས་ཀྱི་ནང་ཆ་ཚང་མ་ཁྲོམས་བཀྲམས་མི་དགོས་པ་བཟང་སྤྱོད་ཐོག་ནས་གནང་
    ་་་་་་་ཡིན་པ་ལོང་བས་བལྟས་ཀྱང་ཁམས་གསུམ་མཐོང་ཞེས་པ་འདི་རེད།
    བཀའ་ཤག་ནས་གསལ་བཤད་མི་དགོས་པར་གནས་ཚུལ་ཇི་གསལ་ཇི་གསལ་ལ་གཟིགས་དང་
    རྟོགས་ངེས་རེད། དེ་མིན་་་་་ལ་ལམ་མེད་ལ་ལམ་ཀ་གསར་པ་མ་བཟོ།
    ཆུ་ཟམ་མེད་ལ་ཟམ་པ་གསར་པ་མ་བཙུག་

    Reply
  4. gendun says:
    ལོ་ 8 སྔོན།

    གཞུང་པ་ཚེ་དབང་བསོད་ནམས་ལགས། རྡོག་རྡོག་དེ་སྤེན་ཚེའི་ནག་ཉེས་ག་རེ་བྱས་ཡོད་པ་གསལ་པོ་བཤད་དགོས་ཀྱི་འདུག་ཟེར་བ་ཡིན་པ་འདྲ།

    Reply
  5. Tenzin Nyima says:
    ལོ་ 8 སྔོན།

    Make it simple and meaningful……….

    Reply
  6. གཞུང་པ་ཚེ་དབང་བསོད་ནམས་ཡ says:
    ལོ་ 8 སྔོན།

    ཆ་ཚང་ཀློག་ཡིན་གོ་བརྡ་འཕྲོད་མ་སོང་ཐུགས་རྗེ་ཆེ་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese