རྩོམ་པ་པོ། འོད། (ཨུ་རུ་སུ།)
༼ བཀའ་ཤག་དང་སྲིད་སྐྱོང་གིས་སྐུ་ངོ་སྤེན་པ་ཚེ་རིང་ལ་སྐྱོན་ཡོད་མདོག་གིས་གསལ་བཤད་ཅི་ཙམ་གནང་ཡང་། ཁོང་གིས་མ་འཇོན་པ་དེ་འདྲ་གང་ཡང་མ་རེད་སྙམ། གནད་དོན་འདི་ནི་ནང་ཚུན་ལ་ཕྲག་དོག་དང་། གུས་ཞབས་མ་ཞུས་པའི་སྐྱོན་ཆ་ཞིག་རེད། སྐུ་ངོ་སྤེན་པ་ཚེ་རིང་མཆོག་གིས་ངོ་ལོ་ཉི་ཤུ་ལྷག་གི་རིང་ལ་བཙན་བྱོལ་གཞུང་དུ་ཞབས་ཞུ་བསྒྲུབས་ནས་མི་མང་གི་སེམས་ཀྱི་དབུ་ཁྲིད་གལ་ཆེན་ཞིག་ཀྱང་ཆགས་ཡོད། ད་ཐེངས་བཀའ་ཤག་གམ་སྲིད་སྐྱོང་གིས་མཛད་སྤྱོད་འདི་ལྟར་གནང་བ་ནི་ངོ་མས་བློ་ཕམ་གྱི་གནས་རང་རེད། སྐུ་ཚབ་དོན་གཅོད་སྤེན་པ་ཚེ་རིང་མཆོག་གིས་ཕྱག་ལས་མང་བོ་གནང་སྟེ། མཛད་རྗེས་བཞག་དང་འཇོག་བཞིན་པ་ཡོངས་གྲགས་རེད། བོད་མིའི་སྒྲིག་འཛུགས་དྲ་བ་རུ་ཡང་དེའི་སྐོར་མང་བོ་བཀོད་ཡོད། ངས་འདིར་དོན་ཚན་བཅུ་འདྲེན་བྱ་རྒྱུ་ཡིན་ལ། འདི་དཔེ་མཚོན་ཙམ་ཡིན། ད་དུང་འདིར་མ་དྲངས་པ་མང་བོ་ཡོད་པ་ཤེས་དགོས། ད་དུང་འདིའི་རྒྱབ་ལྗོངས་གཞན་ཞིག་ཡིན་པ་ངས་ལོགས་སུ་འབྲི་རྒྱུ་ཡིན། ༽
༡༽ འདི་ལོའི་ཕྱི་ཟླ་ ༧ ཚེས་ ༦ ཉིན་བོད་མིའི་བླ་ན་མེད་པའི་དབུ་ཁྲིད་འཛམ་གླིང་ཞི་བདེའི་དེད་དཔོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུངས་གྲངས་ ༨༢ བཞེས་པའི་དགའ་སྟོན་རྟེན་འབྲེལ་གྱི་མཛད་སྒོ་ཞིག་ཨ་རིའི་གྲོས་ཚོགས་ཀྱི་ཚོགས་ཁང་ཞིག་ཏུ་དུས་ཆེན་སྔ་སྣུར་ཐོག་སྲུང་བརྩི་གཟབ་རྒྱས་ཞུས་འདུག འདི་འདྲ་ཞིག་སྔར་ཡང་བྱུང་མ་མྱོང་ལ། ཕྱིས་སུའང་འབྱུང་དཀའ་ཞིག་རེད།
༢༽ སྐུ་ཚབ་དོན་གཅོད་སྤེན་པ་ཚེ་རིང་མཆོག་གིས་ ༢༠༡༦ ཟླ་བ་ ༡༠ ཚེས་ ༡༣ ནས་ཚེས་ ༢༠ བར་ནིའུ་ཡོག་དང་ནིའུ་འཇར་སི་ཁུལ་དུ་གཞུང་དོན་ཕྱོགས་བསྐྱོད་གནང་སྟེ། སེར་སྐྱ་མང་ཚོགས་ལ་གསུང་བཤད་དང་། རིས་མེད་ཆོས་བརྒྱུད་ཁག་གི་ཚོས་ཚོགས་དང་། དགོན་སྡེ་གྲ་ཚང་ཁག་ལ་འཚམས་འདྲི་གཟིགས་སྐོར། རྒྱ་རིགས་སློབ་ཕྲུག་ཐུག་འཕྲད། བོད་པའི་ལོ་རྒྱུས་མི་སྣ་མཇལ་འཕྲད། བོད་རིགས་གཞོན་སྐྱེས་མཉམ་བགྲོ་གླེང་སོགས་ཀྱིས་མཚོན་འབྲེལ་ལམ་ཇེ་བཟང་དང་། ལས་དོན་སྣ་མང་གི་སྒོ་མོ་ཆེ་རུ་ཕྱེ་ཡོད།
༣༽ །ཕྱི་ལོ་ ༢༠༡༦ ཟླ་བ་ ༡༠ ཚེས་ ༦ ཉིན་ཨ་རི་སྐུ་ཚབ་དོན་གཅོད་སྤེན་པ་ཚེ་རིང་མཆོག་གིས་ཨ་རིའི་གྲོས་ཚོགས་ཀྱི་འཐུས་མི་སྐུ་ཞབས་ཇིམ་མེག་གོ་ཝན་མཆོག Jim McGovern གི་ལས་ཁུངས་སུ་བཅར་ཏེ་འཚམས་འདྲི་ཞུས་པ་དང་འབྲེལ་ཁོང་གིས་ཡུན་རིང་བོད་དོན་ཐོག་རྒྱབ་སྐྱོར་ཤུགས་ཆེ་གནང་བ་མ་ཟད། བོད་དོན་སྐོར་རྒྱལ་ནང་དང་རྒྱལ་སྤྱིའི་སྡིངས་ཆའི་ཐོག་གླེང་སློང་ཡང་ཡང་གནང་བར་ཐུགས་རྗེ་ཆེ་ཞུས་པ་དང་ཆབས་ཅིག འབྱུང་འགྱུར་མུ་མཐུད་བོད་དོན་ཐོག་རྒྱབ་སྐྱོར་གནང་སྐྱོང་ཡོང་བའི་རེ་སྐུལ་ཡང་ཞུས་པར། སྐུ་ཞབས་ཇིམ་མེག་གོ་ཝན་མཆོག་ནས་སྐབས་དེར་དྲང་བདེན་ལ་རྒྱབ་སྐྱོར་བྱེད་རྒྱུ་ནི་ཁོང་གི་ལས་འགན་ཡིན་པས་འབྱུང་འགྱུར་ཡང་བོད་དོན་དང་བོད་མིར་རྒྱབ་སྐྱོར་མུ་མཐུད་གནང་རྒྱུའི་དམ་བཅའ་བརྟན་པོ་ཡོད་ཅེས་གསུངས།
༤༽ ༢༠༡༦/༡༠ ནང་ཨ་རི་སྐུ་ཚབ་དོན་གཅོད་ཁང་ནས་ཨ་རིའི་གྲོང་ཁྱེར་ནིའུ་ཡོག་ནང་བོད་ཀྱི་བདེན་དོན་ལ་རྒྱབ་སྐྱོར་དང་། སེམས་ཁུར་གནང་མཁན་རྒྱ་རིགས་གྲོགས་པོ་རྣམས་ལ་སྣེ་ལེན་གྱི་འདུ་འཛོམས་གྲ་སྒྲིག་གནང་ཡོད། འདུ་འཛོམས་དེར་རྒྱ་རིགས་ཤེས་ཡོན་ཅན་ཝང་ཅུན་ཐའོ་དང་། ཧུ་ཕིང་། འཛམ་གླིང་ཉིན་ཚགས་ཀྱི་རྩོམ་སྒྲིག་པ་ཝེ་པོ་ཀྲོའུ། དགེ་རྒན་ཆེན་མོ་ཤ་མིང་དང་། མཁས་དབང་ཁཱོང་ཀྲེ་ཀྲུང་། སྦོ་ཤུན་དྲྭ་རྒྱའི་རྩོམ་སྒྲིག་པ་ཝེ་ཧྲེ། སྙན་ངག་པ་ཧོང་ཞང་། དཔྱད་གཏམ་པ་གྲན་ཕོ་ཁུང་། རྩོམ་པ་པོ་ཀྲུའུ་ཞོལ་གཡོན། རྒྱ་ནག་བུད་མེད་ཀྱི་ཐོབ་ཐང་ཚོགས་པའི་ཚོགས་གཙོ་ཀྲང་ཅིན། བོད་པའི་གྲོགས་པོ་རྙིང་པ་ཤོལ་ཝེ། ཁྲིམས་རྩོད་པ་ཤང་ཞའོ་ཅི། སྒྱུ་རྩལ་བ་རོང་ཝེ། དེ་བཞིན་རྒྱ་རིགས་སློབ་ཕྲུག་དང་། ནང་པ་བཅས་ནིའུ་ཡོག་དང་། ནིའུ་འཇར་སི་ཁུལ་ནས་ལས་རིགས་འདྲ་མིན་གྱི་རྒྱ་རིགས་བདུན་ཅུ་ལྷག་ཙམ་ལ་བོད་པའི་གཞུང་འབྲེལ་མ་ཡིན་པའི་ཚོགས་སྐྱིད་ཁག་གི་ཚོགས་གཙོ་དང་། རྒྱ་སྐད་རྒྱ་ཡིག་ཤེས་མཁན་བོད་རིགས་སློབ་ཕྲུག་དང་།དོན་གཉེར་ཅན་ཁག་ཅིག་བཅས་ཁྱོན་མི་གྲངས་བརྒྱ་ལྷག་ཙམ་མཉམ་ཞུགས་གནང་ཡོད།
༥༽ ཨ་རི་སྲིད་འཛིན་གསར་བ་ཁྲི་རུམ་ཕུ་ལ་རྒྱལ་ཁ་ཐོབ་རྗེས། སྔར་ལྟར་སྲིད་གཞུང་གསར་པས་བོད་དོན་རྒྱབ་སྐྱོར་གྱི་སྲིད་བྱུས་ལངས་ཕྱོགས་མུ་མཐུད་རྒྱུན་སྐྱོང་གནང་ཆེད། ཨ་རི་རྒྱལ་ཡོངས་བཀའ་དྲིན་རྗེས་དྲན་སྲུང་བརྩི་ཞུ་བའི་དུས་ཆེན་ Thanksgiving སྔ་རྗེས་སུ་ཨ་རིའི་སྐུ་ཚབ་དོན་གཅོད་སྤེན་པ་ཚེ་རིང་མཆོག་གིས་རྒྱལ་ས་ཝ་ཤིང་ཊོན་དུ་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་དང་མཉམ་རུབ་ཐོག ཨ་རིའི་གྲོས་ཚོགས་གོང་འོག་གི་མང་གཙོ་དང་སྤྱི་མཐུན་ཚོགས་པ་གཉིས་ཀའི་གྲོས་ཚོགས་འཐུས་མི་གང་མང་དང་མཇལ་འཕྲད་ཞུས་ནས་ཨ་རིའི་སྲིད་གཞུང་གི་ཕྱི་འབྲེལ་སྲིད་བྱུས་འོག་བོད་དོན་ཐོག་རྒྱབ་སྐྱོར་གྱི་ལངས་ཕྱོགས་འཛིན་བཞིན་པ་དེ་དག་སྲིད་འཛིན་གསར་པ་སྐུ་ཞབས་ཌོ་ནལ་ཊམ་མཆོག་གི་དབུ་ཁྲིད་འོག་མུ་མཐུད་རྒྱུན་སྐྱོང་གནང་སྐྱོང་ཡོང་ཆེད་ཞུ་གཏུག་གནང་སྟེ་གྲུབ་འབྲས་བླ་མེད་ཐོབ་ཡོད།
༦༽ ཕྱི་ལོ་ ༢༠༡༦ ཟླ་ ༡༢ ཚེས་ ༧ ཉིན་ཨ་རིའི་སྐུ་ཚབ་དོན་གཅོད་སྤེན་པ་ཚེ་རིང་མཆོག་གིས་ཨ་རིའི་གྲོས་ཚོགས་ཀྱི་རྒྱ་ནག་ལས་དོན་ཚན་པའི་ནང་བོད་དོན་ཉན་ཞིབ་གནང་སྐབས། བོད་ནང་གི་བོད་མིའི་ཆོས་དད་འགྲོ་བསྐྱོད་ཀྱི་རང་དབང་། དེ་བཞིན་འཇིགས་སྐུལ་རིང་ལུགས་ལ་གདོང་ལེན་བྱ་རྒྱུའི་སྲིད་བྱུས་བོད་མིའི་ཐོག་ལག་བསྟར་བྱེད་ནས་དམ་བསྒྲགས་ཤུགས་ཆེ་འགྲོ་བཞིན་པའི་ཛ་དྲག་གི་གནས་སྟངས། ༸གོང་ས་༸སྐྱབས་མགོན་ཆེན་པོ་མཆོག་གི་ཨ་རིའི་སྲིད་འཛིན་རིམ་བྱོན་དང་མཇལ་འཕྲད་མཛད་སྐབས་ཚང་མས་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་གནང་བའི་བྱུང་རིམ་དང་བཅས་ཨ་རིའི་སྲིད་གཞུང་གསར་པར་འབོད་སྐུལ་དོན་ཚན་གསར་ཁག་ཅིག་ཞུས་པ་ལྟར་རྒྱབ་སྐྱོར་ཆེན་ཡོད།
༧༽ ཕྱི་ལོ་ ༢༠༡༧ ཟླ་ ༣ ཚེས་ ༡ ཉིན་རྒྱལ་སྤྱིའི་བོད་དོན་ལས་འགུལ་ཁང་གི་འཛིན་སྐྱོང་འགན་འཛིན་ཨ་རིའི་གློག་བརྙན་འཁྲབ་སྟོན་པ་གྲགས་ཅན་སྐུ་ཞབས་རི་ཆ་ཌི་སྒེར་ Richard Gere མཆོག་དང་། ཚོགས་གཙོ་སྐུ་ཞབས་མེ་ཐིའུ་མེ་ཁ་ཅི་ Matteo Mecacci མཆོག བྱང་ཨ་རིའི་སྐུ་ཚབ་དོན་གཅོད་སྤེན་པ་ཚེ་རིང་མཆོག་བཅས་ཀྱིས་ཨ་རིའི་སྲིད་གཞུང་འཕོ་འགྱུར་ཕྱིན་པའི་ཆབ་སྲིད་ཀྱི་ཁོར་ཡུག་གསར་པའི་བགྲོས་དང་བསྟུན། ཨ་རིའི་སྲིད་གཞུང་གིས་བོད་དོན་ཐོག་རྒྱབ་སྐྱོར་སྔར་བཞིན་སྲ་བརྟན་རྒྱུན་སྐྱོང་ཡོང་རྒྱུར་གཙོ་བོར་དམིགས་ནས་གྲོས་ཚོགས་གོང་འོག་ཀྱི་འབྲེལ་ཡོད་འཐུས་མི་རྣམས་དང་མཇལ་འཕྲད་ཞུས་ཏེ་ཞུ་གཏུག་གི་ལས་འགུལ་སྤེལ་པ།
༨༽ ཕྱི་ལོ་ ༢༠༡༧ ཟླ་ ༦ ཚེས་ ༢༦ ཉིན་སྔ་དྲོ་ཨ་རིའི་གློག་བརྙན་འཁྲབ་སྟོན་པ་གྲགས་ཅན་སྐུ་ཞབས་རི་ཆ་ཌི་སྒེར་ Richard Gereམཆོག་གིས་སྣེ་ཁྲིད་པའི་སྐུ་ཚབ་ཚོགས་ཆུང་ཞིག་གིས་ཨ་རིའི་གྲོས་ཚོགས་གོང་མའི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་དྲུག་དང་མཇལ་འཕྲད་གནང་འདུག ཚོགས་ཆུང་གི་ཚོགས་མི་རྣམས་ནི་སྐུ་ཚབ་དོན་གཅོད་སྤེན་པ་ཚེ་རིང་མཆོག རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་སྐུ་ཞབས་མེཐིའུ་མེ་ཁ་ཅི་ Matteo Mecacci ལགས། འགན་འཛིན་གཞོན་པ་བུ་ཆུང་ཚེ་རིང་ལགས། ལས་འཆར་འགན་འཛིན་བསྟན་ཆོས་རྒྱ་མཚོ་ལགས། སྐུ་ཚབ་དོན་ཁང་གི་འབྲེལ་ཡོད་ལས་བྱེད་ཚེ་རིང་བཀྲ་ཤིས་ལགས་བཅས་ཡིན་འདུག ཕྱོགས་མཚུངས་སྐུ་ཚབ་ཚོགས་ཆུང་གིས་ཨ་རིའི་གྲོས་ཚོགས་ཀྱི་སྔོན་རྩིས་བཀའ་འཁྲོལ་གཏན་འབེབས་ཚོགས་ཆུང་གི་ཚོགས་གཙོ་གྲོས་ཚོགས་འཐུས་མི་སྐུ་ཞབས་ཧེ་རོལ་རོ་ཇར་སི་ Harold Rogers མཆོག་དང་། གྲོས་ཚོགས་འཐུས་མི་ལྕམ་སྐུ་ནི་ཏ་ལོ་ཝེ་ Nita Lowey མཆོག སྔོན་རྩིས་བཀའ་འཁྲོལ་གཏན་འབེབས་ཚོགས་ཆུང་གི་ཚོགས་མི་གྲོས་ཚོགས་འཐུས་མི་ལྕམ་སྐུ་བྷེ་ཊི་མེག་ཀ་ལམ་ Betty Mc Collum མཆོག་བཅས་དང་མཇལ་འཕྲད་གནང་འདུག སྐབས་དེར་སྔོན་རྩིས་བཀའ་འཁྲོལ་གཏན་འབེབས་ཚོགས་ཆུང་གི་ཚོགས་མི་རྣམ་པས་ཕྱི་ལོ་ ༢༠༡༧ ལོའི་བོད་དོན་རྒྱབ་སྐྱོར་གྱི་ལས་འཆར་ཁག་མུ་མཐུད་འགྲོ་ཐུབ་རྒྱུར་འབད་བརྩོན་གནང་རྒྱུའི་ཁས་ལེན་གནང་འདུག
༩༽ ཕྱི་ལོ་ ༢༠༡༧ ཟླ་ ༦ ཚེས་ ༢༧ དང་ ༢༨ བཅས་ཉིན་གྲངས་གཉིས་རིང་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ཨ་རིའི་གློག་བརྙན་འཁྲབ་སྟོན་པ་གྲགས་ཅན་སྐུ་ཞབས་རི་ཆ་ཌི་སྒེར་ Richard Gere མཆོག་གིས་སྣེ་ཁྲིད་པའི་སྐུ་ཚབ་ཚོགས་ཆུང་ཞིག་གིས་ཨ་རིའི་གྲོས་ཚོགས་ཀྱི་ལས་ཁུངས་ཁག་ལ་བཅར་ནས་གྲོས་ཚོགས་གོང་འོག་གི་འཐུས་མི་རྣམས་ལ་བོད་དོན་རྒྱབ་སྐྱོར་གྱི་ཞུ་གཏུག་ལས་འགུལ་རྒྱ་ཆེ་སྤེལ་འདུག ལྷག་པར་ད་ལྟའི་སྲིད་འཛིན་སྐུ་ཞབས་ཌོ་ནལ་ཊོམ་མཆོག་གི་སྲིད་གཞུང་ནས་འཆར་ལོའི་སྔོན་རྩིས་ནང་བཙན་བྱོལ་བོད་མིའི་ལས་འཆར་དང་འབྲེལ་བའི་རོགས་དངུལ་ཀླད་ཀོར་ཀྱི་སྲིད་བྱུས་གཏན་འབེབས་གནང་འཆར་ལ་བསྐྱར་ཞིབ་གནང་ནས་དེ་སྔ་ལྟར་བོད་མི་ཚོའི་ལས་འཆར་ཐོག་རོགས་དངུལ་མུ་མཐུད་སྐྱབས་འཇུག་གནང་སྐྱོང་ཡོང་བའི་འབོད་སྐུལ་ཤུགས་ཆེ་ཞུས་པ་མ་ཟད། ཨ་རིའི་བོད་དོན་དམིགས་བསལ་འབྲེལ་མཐུད་པ་གང་མགྱོགས་བསྐོ་གཞག་གནང་རྒྱུ་དང་། གྲོས་ཚོགས་གོང་འོག་གཉིས་ཀའི་ནང་ཨར་རྒྱ་ཡུལ་གཉིས་གོ་སྐབས་བརྗེ་ལེན་གྱི་སྲིད་བྱུས་འོག་བོད་ནང་ཨ་རིའི་གཞུང་འབྲེལ་མི་སྣ་དང་། རང་དབང་ཅན་གྱི་གསར་འགྱུར་ཚན་པ། དེ་བཞིན་ཨ་རིའི་ཡུལ་མི་སོགས་རང་དབང་ཐོག་ནས་བསྐྱོད་ཆོག་པའི་གྲོས་འཆར་བཏོན་ཟིན་པ་ལྟར་གཞུང་འབྲེལ་གྲོས་ཆོད་དུ་གཏན་འབེབས་གནང་ཆེད་ཞུ་གཏུག་གི་ལས་འགུལ་རྒྱ་ཆེ་སྤེལ་འདུག
༡༠ ༽ ཕྱི་༢༠༡༧ ཟླ་ ༥ པའི་ནང་ཨ་རིའི་གྲོས་ཚོགས་འོག་མའི་དམངས་གཙོ་ཚོགས་པའི་དབུ་འཁྲིད་ལྕམ་ནིན་སི་པོལ་སི་ལགས་ཀྱི་དབུས་པའི་གྲོས་ཚོགས་གོང་འོག་གཉིས་ཀྱི་ཆབ་སྲིད་མི་སྣ་བརྒྱད་དྷ་རམ་ས་ལར་བཅར་ཏེ། ༧གོང་ས་མཆོག་དང་མཇལ་འཕྲད་གནང་ནས་བོད་དོན་རྒྱབ་སྐྱོར་བླ་ན་མེད་པ་ཐོབ་ཡོད་ལ། དེས་རྒྱ་ནག་ལའང་བརྡ་ལན་གསལ་བོ་ཞིག་སྤྲད་ཡོད།
བོད་པའི་གསར་འགོད་པ་ཚོ་ལ་གསར་འགོད་པའི་ལས་དམ་ཅི་ཡང་ཤེས་ཀྱི་མི་འདུག། དེ་སྐྱོ་པོ་རེད།
ཤེས་རབ་ལྡན་པ་མགོ་བསྐོར་ཡང་། །བྱ་བའི་ཆ་ལ་རྨོངས་མི་འགྱུར། །
སྲོག་ཆགས་གྲོག་མ་མིག་མེད་ཀྱང་། །མིག་ལྡན་གཞན་ལས་ལྷག་པར་མགྱོགས། །
ཁོང་མཛངས་བསོད་ནམས་བསགས་པའི་མི། །གཅིག་པུ་ཡིན་ཡང་ཀུན་ལས་རྒྱལ། །
རི་དྭགས་རྒྱལ་པོ་སེང་གེ་དང་། །འཁོར་ལོས་སྒྱུར་ལ་གྲོགས་མི་དགོས། །
༄༅། རང་གིས་རང་བཀྱགས། སྐྱག་པས་རྐུབ་བཀྱགས་ཀྱི་དཔེ་བཞིན་་་་མ་ཀྱགས་ཨ་རོ།
དེ་རིང་ནི་བཙན་བྱོལ་ནང་གི་མུན་ནག་གི་ཉིན་མོ་རེད།
ཕྱི་གསལ་ནང་གསལ་མེད་པའི་བཀའ་ཤག
དྲང་བདེན་གནས་ལུགས་མེད་པའི་བཀའ་ཤག
བདེན་དོན་དངོས་ལེན་མེད་པའི་བཀའ་ཤག
བྱས་ཅན་ཕྱི་འབུད་བཏང་བའི་བཀའ་ཤག
དངུལ་རྩིས་ནག་ཁུང་བཟོས་པའི་བཀའ་ཤག
གནས་ལུགས་དྲང་བདེ་མེད་པའི་བཀའ་ཤག
བོད་མིའི་ཆིག་སྒྲིལ་གཏོར་བཀའ་ཤག
དགྲ་དགའ་གཉེན་སྡུག་བཟོས་པའི་བཀའ་ཤག
གྲོགས་པོ་ཁྲི་ལ་འགོད་མཁན་བཀའ་ཤག
ཕྱི་ན་བྱས་རྗེས་མེད་པའི་བཀའ་ཤག
ནང་ལ་མདུང་རྩེ་སྤྲོད་པའི་བཀའ་ཤག
མདོར་བསྡུས་ཙམ་ཡིན།
སྤྱིར་བཏང་ད་ལན་བྱང་ཨ་རིའི་དོན་གཅོད་འཕོ་འགྱུར་དང་གནས་དབྱུང་གང་གི་ཐོག་ཐག་གཅོད་མིན་ངེས་པ་མ་རྙེད་པར་རྨོངས་པའི་གནས་སུ་མི་མང་གང་འཚམས་ཤིག་ལྷུང་ཡོད་པ་ལྟ་ཅི་མོད། ལྷག་དོན་བཙན་བྱོལ་བོད་མིའི་མང་གཙོའི་ཁེ་དབང་ལོངས་སྤྱོད་ལ་དེ་བས་ཤེས་ཡོན་ཅན་དང་ཤེས་ཡོན་ཅན་མ་ཡིན་པའི་མི་མང་གང་འཚམས་ཤིག་ཡ་མཚར་ཞིང་བློ་ཡུལ་ལས་འདས་པའི་འཚོར་སྣང་ཡང་བྱུང་ཡོད། ང་ཚོས་དེ་སྔོན་ཆོས་སྲིད་གཉིས་ཀའི་འགན་དབང་ཆ་ཚང་༧སྐྱབས་མགོན་བླ་ན་མ་མཆིས་པ་བདག་ཉིད་ཆེན་པོས་འཛིན་པའི་སྐབས་དང་ད་ལྟའི་ཆབ་སྲིད་ཀྱི་ཐོབ་དབང་ཡོངས་རྫོགས་མི་མང་ལ་གནང་བའི་སྐབས་དེ་གཉིས་མང་གཙོའི་ཆབ་སྲིད་ཀྱི་ངོ་བོ་དང་གྲུབ་ཆ། དམངས་ཀྱི་ཁེ་དབང་དང་ལོངས་སྤྱོད་སོགས་ཆབ་སྲིད་ཀྱི་གནས་སྟངས་སྔར་བཞིན་མིན་པའི་ངེས་པ་གཏིང་ཟབ་ཅིག་དམངས་ཀྱི་བློ་ཡུལ་དུ་ད་ལྟའང་གྱུར་མེད། ཆབ་སྲིད་ཀྱི་འགྱུར་ལྡོག་རླབས་ཆེན་ཕྱིན་པའི་དུས་སྐབས་འདིར་མི་མང་གི་ཐོབ་ཐང་དང་ཐུགས་འགན་སོགས་གཡོ་གཟོལ་སྤངས་ཏེ་གཟབ་ནན་གྱིས་བླང་དགོས་པ་ནི་གྲ་སྒྲིག་རྡུག་ས་ནས་བྱ་དགོས་པའི་བཀའ་སློབ་དང་བཙན་བྱོན་བོད་མིའི་ཆབ་སྲིད་འཕོ་འགྱུར་དང་འབྲེལ་བའི་མདུན་སྐྱོད་ཀྱི་ཁ་ཕྱོགས་གསར་པ་ཞིག་ཏུ་འགྱུར་བ་ལས་བྱུང་བའོ།། །།
ཐོག་མར་བོད་རིགས་སྤུན་ཟླ་ཡོངས་ལ་འཚམས་འདྲི་ཞུ་བ་སྦྲགས། ད་ལན་བྱང་ཨ་རིའི་སྐུ་ཚབ་དོན་གཅོད་ལ་འཕོ་འགྱུར་ཕྱིན་ནས་མི་མང་ཁག་ཁ་ཤས་ཤིག་ནས་རྡ་ས་གངས་སྐྱིད་དང་ཨ་རིའི་སྐུ་ཚབ་དོན་གཅོད་ཀྱི་ལས་ཁུངས་མདུན་དུ་བཀའ་ཤག་གི་ཐག་གཅོད་གནང་བ་དེར་མི་འདོད་པའི་རྣམ་འགྱུར་དང་། མ་ཟད་ལྷག་པར་དུ་ ཨ་རིའི་ཨ་སྒོར་ས་ཡ་གཅིག་དང་ཕྱེད་ཀ་ཙམ་གྱི་གནད་དོན་སོགས་ལ་བསམ་ཚུལ་གནང་བ་དེར་ཉེ་ཆར་སྲིད་སྐྱོང་མཆོག་དང་བཀའ་ཤག་རྣམ་པ་ཁེ་ན་ཊར་ཆིབས་བསྒྱུར་གནང་ནས་མི་མང་དང་དྲི་བ་དྲི་ལན་གྱི་སྐབས་སུ་གསལ་བཤད་དང་འགྲེལ་བརྗོད་གཙང་མ་གནང་ཟིན་ནའང་མུ་མཐུད་མི་དགའ་བའི་རྣམ་འགྱུར་དང་ལས་འགུལ་བརྩམས་པ་དེ་ཧ་ཅང་བློ་ཚབ་གནང་དགོས་པ་ཞིག་རེད། གང་ཡིན་བརྗོད་ན་བྱང་ཨ་རིའི་སྐུ་ཚབ་དོན་གཅོད་འཕོ་འགྱུར་སོང་བ་དེ་མི་གཅིག་གི་ཐག་གཅོད་མ་ཡིན་པ་གསལ་པོ་རེད་དེ་ནི་བཀའ་ཤག་མང་མོས་ཀྱི་བཙན་བྱོལ་བོད་མིའི་བཅའ་ཁྲིམས་ལ་གཞི་བཅོལ་ཏེ་རྒྱུ་མཚན་ལྡན་པའི་ཐོག་ནས་ཐག་གཅོད་གཙང་མ་གནང་བ་ཞིག་རེད་སྙམ། ང་ཚོ་བོད་མི་རྣམས་ནས་བོད་གཞུང་བཀའ་ཤག་གི་ཐག་གཅོད་གནང་བར་ཡིད་ཆེས་དང་གུས་བརྩི་ཞུ་དགོས་པ་དེ་ཧ་ཅང་གལ་ཆེན་པོ་ཞིག་རེད། གང་ཡིན་བརྗོད་ན་སྲིད་སྐྱོང་དང་བཀའ་ཤག་རྣམས་ནི་མི་མང་ནས་འོས་བསྡུ་བྱས་ནས་འདེམས་ཐོན་བྱུང་བའི་མི་མང་གི་འགོ་ཁྲིད་དང་༧གོང་ས་མཆོག་གི་ཐུགས་བླ་ོབཅོལ་སའི་གང་ཟག་ཞིག་ཡིན་པས་ང་ཚོས་ངེས་པར་དུ་གུས་བརྩི་དང་ཐག་གཅོད་གནང་བར་དང་ལེན་དང་ཡིད་ཆེས་བྱེད་དགོས་པ་ནི་གལ་འགངས་ཆེན་པོ་ཞིག་ལ་མཐོང་། ད་དུང་དེ་ལྟར་ལས་འགུལ་དང་བསམ་ཚུལ་འདྲ་མིན་གནང་ན་དེས་བོད་མིའི་སྤྱི་ཚོགས་ལ་ཕན་པ་ལས་གནོད་མང་བ་ཡོང་ངེས་རེད།ཕྲན་གྱི་བསམ་པར་གནད་དོན་དེའི་ཐད་ལ་རིམ་པས་གསལ་བཤད་དང་འགྲེལ་བརྗོད་གསལ་པོ་ཡོང་གི་རེད་བསམ་པས་ཡིད་ཆེས་དང་རེ་བ་བྱེད་བཞིན་ཡོད། ཐུགས་རྗེ་ཆེ། དགེ་བར་སྨོན།
༄༅། ཨུ་རུ་སུ། སྤེན་ཚེ་ལ་ཞེ་དྲག་པད་ལས་མ་བཤད། ཁྱོད་རང་ལ་གང་ཡང་ཕན་མི་ཡོང།
གྲོགས་པོ་ཁྱེད་རང་ནས་གོ་ནོར་བྱུང་བ་ཡིན་གྱི་རེད།ཕྲན་ནས་བདེན་པ་དང་རྒྱུ་མཚན་ལྡན་པའི་ཕྱོགས་ལ་རྒྱབ་སྐྱོར་ཞུ་བཞིན་ཡོད།དེ་ནི་མང་གཙོའི་འགྲོ་ལུགས་ཤིག་རེད།གོང་གི་གནད་དོན་དེ་དག་ཡག་པོ་བཀླག་པའི་རེ་བ་ཞུ།
དུས་བབས་ཀྱི་གསར་ཁང་འདི་དུར་སར་མྱུར་དུ་འཕེན་རན་འདུག
དོན་དང་མཐུན་པ་ཡག་པོ་བྲིས་འདུག་ཕྱོགས་གཞེན་མ་ཡིན་ན་རྟགས་དཔྱད་གནས་ནས་བྲིས་འདུག་འདི་ཡག་པོ་མཐོང་། འདི་འདྲ་བྱས་ནས་རྒྱབ་སྐྱོར་གནང་ན་གནས་ལུགས་དང་མཐུན་པ་རེད། ད་དུང་དྲང་བདེན་ཐོག་འགྲོ་ཐུབ་པ་གཟི་བརྗིད་རེད་དྲན་ཡོད།
ཁྱེད་ནས་བདེན་པའི་ཕྱོགས་ལ་རྒྱབ་སྐྱོར་གནང་བར་ཐུགས་རྗེ་ཆེ་ཞུ་རྒྱུ་ཡིན། ང་ཚོ་བཙན་བྱོལ་ནང་བོད་མིའི་གྲངས་འབོར་ནི་ཧ་ཅང་ཉུང་ཉུང་རེད་དེས་ན་བོད་རིགས་སྤུན་ཟླ་ཕན་ཚུན་ཡིད་ཆེས་དང་ཆིག་བསྒྲིལ་བྱ་རྒྱུ། དེས་མ་ཟད་དཀའ་ངལ་གང་འདྲ་ཞིག་འཕྲད་ཀྱང་གདོང་ལེན་དང་ཐབས་བྱུས་མཁས་པོའི་ཐོག་ནས་བྱ་རྒྱུ་ཧ་ཅང་གལ་འགངས་ཆེ་བར་མཐོང་།
ད་དུང་གྲུབ་འབྲས་ཆེ་ཤོས་གཅིག་ནི། ཨ་རིའི་སྲིད་འཛིན་གྱི་སྔོན་རྩིས་འཆར་འབུལ་ནང་བོད་མི་ཕྱི་ནང་གཉིས་ལ་ཨ་རིའི་མཐུན་རྐྱེན་སྦྱོར་སྤྲོད་ཀྱི་ལོ་རེར་རོགས་དངུལ་ཨ་སྒོར་ས་ཡ་བརྒྱད་ཙམ་ཡོད་པ་རྩ་སྟོང་བཟོས་ཡོད་པའི་ཐད་སྐུ་ཚོབ་དོན་གཅོད་དང་རྒྱལ་སྤྱིའི་བོད་དོན་ལས་འགུལ་ཁང་གཉིས་མཉམ་སྤུངས་ཕྱག་ལས་གནང་ནས་གྲོས་ཚོགས་གོང་འོག་གཉིས་ཀྱི་སྔོན་རྩིས་ཚོད་དཔག་ཚོགས་ཆུང་ལ་ཞུ་བཏུགས་རིམ་པར་ཞུས་རྗེས་ད་ཆ་གྲོས་ཚོགས་ཀྱི་སྔོན་རྩིས་འཆར་འབུལ་ནང་རོགས་དངུལ་དེ་དག་སླར་གསོ་ཐུབ་ཡོད་པས། གལ་སྲིད་སྔོན་རྩིས་སྤྱི་ཡོངས་གཏན་འབེབས་བྱུང་ན་རོགས་དངུལ་དེ་ལ་དོ་ཕོགས་གང་ཡང་མེད་པར་སྔར་མུས་བཞིན་གནང་རྒྱུར་ཐག་གཅོད་བྱུང་བ་ནི་གྲུབ་འབྲས་ཆེན་པོ་ཞིག་རེད།
བོད༌ཟེར༌བ༌དེ༌རྡོག༌བརྩལ༌གཅིག༌སྒྲིལ༌དང༌གྲང༌བདེན༌དགོས༌དཀྲུག༌མི༌དགོས
མཛད་རྗེས་བཤད་ས་དོན་གཅོད་འདི་མ་གཏོགས་མཐོང་མ་མྱོང།་་་་་་་་་་་་དོན་གཅོད་གཞན་ཚོ་མཐཽང་གི་མིན་འདུག་གས
འདི་ཡི་གེ་བྲི་ཁན་དེ་སུ་ཡིན་ནམ་
མཐུན་སྒྲིལ་བྱ་དགོས་འདུག
བོད་མི་ཚང་མ་མཐུན་སྒྲིག་བྱ་རྒྱུ་གལ་ཆེན་པོ་ཡིན་ལུགས་སུ་ཀྱང་ལབ་ཤེས་ཀྱི་ཡོག་རེད།ཡིན་ན་ལག་བསྟར་བྱེད་མཁན་ག་ཚད་འདུག
གྲོག་ཁོག་རྒྱག་དྲག་ཡོད་སར་རེད།
དཀྲུག་ཡ། ད་ནི་དཀྲུག་ཡ། མ་དཀྲུག་རེ་བ་བརླག་རྒྱུ་རེད། ཁྱོད་ལ་ཕུགས་བསམ་དེ་མེད་ན་དཀྲུག་ཡ། ཕྱི་ནས་དཀྲུག་ཡ། ནང་ནས་དཀྲུག་ཡ།
ད་དཀྲུག་མ་ཐུབ་ན་མི་མིན།འཇོན་ན་ད་དཀྲུག་ཤིག
མི་དམངས་ཚང་མས་འདེམས་པའི་མགོ་ཁྲིད་དེ་དག་ལ་བརྩི་དགོས་ཀྱི་ཡོག་རེད།ད་བྱས་ན་སྲིད་སྐྱོང་དང་དེ་མིན་བཀའ་བློན་བདུན་དེ་དག་གི་སྐུ་ངོར་དོན་གཅོད་ལགས་མར་སྙན་གསེང་ཞུ་དགོས་ཀྱི་ཡོག་རེད་པས།མ་བྱུང་ན་ཡོང་གི་མི་འདུག་ཟེར་ལབ་ཆོག་མ་རེད་པས།འཕོ་འགྱུར་གཏོང་ཆོག་གི་མ་རེད།
ཡང་ན་གང་བྱུང་ན་མ་བྱུང་ན་རྐུབ་སྟེགས་ཐོག་ལ་བཞག་ན་མ་གཏོགས་འགྲིག་གི་མེད་པ་རེད་པས།
ད་ལན་མི་སུ་ཞིག་གིས་སྤྱི་པའི་སྒྲིག་འཛུགས་དང་བོད་མི་རིགས་བསམ་གྱི་ཡོད་དང་། སུ་ཞིག་གིས་སོ་སོའི་ཕྱོགས་གཏོགས་ཀྱི་དབང་ཆ་སྒེར་འཛིན་དང་ནུས་ཤུགས་རྒྱ་སྐྱེད་གཏོང་བ་ཁོ་ནར་འབད་ཀྱི་ཡོད་མེད་གསལ་པོ་ཆགས་ཀྱི་འདུག དམངས་གཙོའི་སྤྱི་ཚོགས་ནང་སོ་སོའི་སྒྲིག་འཛུགས་སྲུང་སྐྱོབ་དང་ལོག་ལམ་དུ་མ་ི་འགྲོ་བའི་ཆེད་མི་མང་གིས་ཐ་ན་རང་སྲོག་དོར་ཏེ་རང་གི་སྒྲིག་འཛུགས་སྐྱོབ་ཀྱི་ཡོད་པ་རེད། འོན་ཀྱང་། དེང་སང་བཙན་བྱོལ་སྤྱི་ཚོགས་ནང་རང་ཕྱོགས་ཤིག་གིས་ནོར་འཁྲུལ་བཟོས་ཀྱང་མ་མཐོང་ཁུལ་དང་མ་ཤཻས་ཁུལ། ཐ་ན་དེའི་རྒྱབ་རྩར་ལངས་ཀྱི་ཡོད་པ་དེ་ནི་མི་རིགས་འདི་འཇིག་ཉེན་གྱི་ངན་བལྟས་ཤིག་རེད། གང་ལྟར་ཐེངས་འདིའི་གནད་དོན་གྱི་ཐོག་ནས་བློ་སེང་གི་མི་གཤིས་དང་ཁོས་ང་ཚོའི་སྤྱི་ཚོགས་ལ་འགན་འཁུར་ག་འདྲ་ཞིག་ལེན་གྱི་ཡོད་མེད་གསལ་པོ་ཆགས་སོང་བས་བློ་ཕམ་ཞེ་དྲགས་བྱུང་། དེ་བཞིན། སྤེན་ཚེའི་རྒྱབ་སྐྱོར་བ་ཚོས་སྤེན་ཚེར་ནོར་ཁྲུལ་སྤུ་ཙམ་ཡང་མེད་སྐོར་བརྗོད་ཀྱི་འདུག་ཀྱང་། ངས་དེ་འདྲ་ཞིག་གཏན་ནས་བསམ་གྱི་མེད། ཁོ་ལའང་ནོར་འཁྲུལ་གང་འཚམས་ཤིག་འདུག་ཀྱང་གནས་དབྱུང་གཏོང་དགོས་པ་དང་། ང་ཚོའི་སྤྱི་ཚོགས་འདི་འདྲ་རྙོག་ཟིང་ཆེན་པོ་བཟོ་དགོས་པའི་ནོར་འཁྲུལ་ཞིག་ད་ལྟའི་ཆར་ངས་མཐོང་མ་སོང་། གང་ལྟར་རིམ་གྱིས་ལྟ་གི་ཡིན་ལ། ང་ཚོའི་གསར་འགོད་པ་ཚོས་ཀྱང་ཕྱོགས་གཉིས་སུ་མ་ལྷུང་བའི་ཐོག་ནས་མི་མང་དང་གཞུང་ཚང་མ་ཁེབས་པའི་གནས་ཚུལ་མུ་མཐུད་འགོད་པའི་རེ་བ་ཡོད།
དཀྲུག་ཡ། ད་ནི་དཀྲུག་ཡ། མ་དཀྲུག་རེ་བ་བརླག་རྒྱུ་རེད། ཁྱོད་ལ་ཕུགས་བསམ་དེ་མེད་ན་དཀྲུག་ཡ། ཕྱི་ནས་དཀྲུག་ཡ། ནང་ནས་དཀྲུག་ཡ།
དུས་བབས་ཚང་ཡང་ཕྱོགས་རིས་ཆེན་པོ་ཡོད་མཁན་ཞིག་རེད་འདུག་ཨ། བོད་པ་གཅིག་བསམས་བསམ་བློ་དེ་མེད་ན་ག་དུས་ཡིན་ན་དཀའ་ལས་ཡོད་ཡོད་པ་རེད།
དེང་སྐབས་ངོ་དེབ་དང་འཕྲིན་ཕྲན། དེ་བཞིན་གསར་ཤོག་འདིའི་ནང་བཅས་ལ་༧གོང་ས་སྐྱབས་མགོན་ཆེན་མཆོག་ད་ལྟའི་ཆར་ང་ཚོར་དབུ་བཞུགས་ཡོད་བཞིན་དུ་སྲིད་སྐྱོང་མཆོག་ལ་ཡིན་ཁུལ་གྱིས། བོད་མིའི་སྒྲིག་འཛུགས་ཀྱི་སྲོལ་རྒྱུན་དང་བཅའ་ཁྲིམས་གཙོས་པའི་ཁྲིམས་སྒྲིག་ཁག་ཕྱག་བསྟར་གནང་དང་གནང་བཞིན་པའི་གནད་དོན་རྣམས་མ་ཤེས་པའམ་མ་མཁྱེན་པའི་ཁུལ་གྱིས། རེ་ཟུང་གིས་ཕྱོགས་ཞེན་དང་འགའ་ཤས་ཀྱིས་བྱ་ཕྱོགས་འདིའི་སྤྱི་འཐུས་ཚོགས་ཟུར་ལགས་ལ་དགེ་སྐྱོན་ཇི་ཆགས་ཙམ་མ་ཟད། རྒྱལ་སྤྱི་དང་གཞིས་བྱེས་རང་རིགས་ནང་ཁུལ་ལའང་སྣང་བརྙན་ཇི་ལྟར་ཆགས་མིན་ལ་བསམ་གཞིགས་ཙམ་ཡང་མི་གནང་བར་རི་བོང་ཅག་འདྲོགས་བྱེད་སྟངས་འདི་རིགས་ལ་དཔྱད་ན་རང་སྲོག་རང་གཅོད་བྱེད་པ་ལས་ཁྱད་པར་མ་མཐོང་།
༧གོང་ས་མཆོག་དགུང་གྲངས་འདི་ཙམ་ལ་ཕེབས་པར་དབུ་འོག་དཔུང་འདེགས་མེད་ཁར། བདེན་པ་དང་སྤྱི་དོན་ཡིན་ཁུལ་གྱིས་གཟུ་བོའི་རྒྱུ་མཚན་སྣེ་གཅིག་མེད་པར་མགོན་པོ་གང་ཉིད་ནས་ལོ་གྲངས་དེའི་རིང་བཀྲིན་ཆེ་དང་ཆེ་བཞིན་པའི། བོད་མིའི་རིན་ཐང་ཉམས་དམན་དུ་གཏོང་བཞིན་པའི་བྱ་ཕྱོགས་འདི་རིག་མཚམས་མགྱོག་མ་བྱས་ཚེ། ཉིན་ཞིག་རི་ལུག་ན་ཐག་པས་མི་འདོང་བ་ཞིག་འབྱུང་ངེས་སུ་མཐོང་བ་མ་ཟད་མགོན་པོ་གང་ཉིད་ཀྱང་ཐུགས་ཕམ་འབྱུང་གཞི་ཞིག་འགྱུར་རྒྱུ་ཡིན་པ་ནི་མངོན་གསལ་རེད། དེས་མ་ཚད་མངའ་གསལ་ལྟར་གོ་སྐབས་འདི་དང་བསྟུན་ནས་ཕ་རོལ་པོས་ཀྱང་རང་རེའི་ནང་ཁུལ་དུ་བསམ་སྦྱོར་ངན་པ་གང་སྤེལ་དང་སྤེལ་མིན་བསམ་གཞིགས་ཐུབ་པ་ཞིག་རེད།
མང་གཙོའི་ཀ་བ་གསུམ་ནས་འཛིན་སྐྱོང་བཀའ་ཤག་གིས་རང་འགན་སྒྲུབས་ནས་དོན་གཅོད་འཕོ་འགྱུར་གནང་ཐད་དགོས་པ་དང་རྒྱུ་མཚན་བཅས་ཞིབ་གསལ་ཇི་གནང་ད་སྔོན་བྱུང་མ་མྱོང་བའི་གསལ་བསྒྲགས་དང་གསལ་བཤད་གནང་བ་ལས་ལྷག་མེད་པ་དྲང་བདེན་གྱིས་དཔྱད་ན་ཤེས་ཐུབ། ལར་ནས་དོན་
གཅོད་གཞུང་ཞབས་ཤིག་ཡིན་ན་འཕོ་འགྱུར་རྗེས་ལས་ངོར་བསྐོད་སྒྲིག་དགོས་ནའང་ཚོགས་ཟུར་སྤེན་ཚེ་ནི་གཞུང་ཞབས་མིན་པ་དང་། སླད་ཀྱང་ཁོང་ནས་གསལ་བཤད་གནང་རྒྱུ་ཡིན་ཚུལ་གསུངས་པ་ནི་ཕན་ཐོག་དང་དགེ་མཚན་དུ་མ་མཐོང་། གང་ལགས་ཞེས་ན་གསལ་བཤད་ནི་ཕྱོགས་ཚང་མས་ད་ལྟ་ནང
བཞིན་གནང་ངེས་ཀྱང་དོན་གྱི་བདག་པོས་ཐག་གཅོད་ཟིན་པ་ཞིག་རེད།
དེས་ན་ད་ལྟའི་བྱེད་སྟངས་འདི་ལ་ལྟས་ན་འབྱུང་འགྱུར་ང་ཚོའི་མདུན་ལམ་ལ་སེམས་འཚབས་ཅུང་ཙམ་བྱུང་ནའང་། རང་ཚུགས་མེད་པའི་བོད་མི་རེ་ཟུང་ཙམ་ལས་རྒྱ་ཆེའི་མང་ཚོགས་རྣམས་༧མགོན་པོ་གང་ཉིད་དང་རང་གཞུང་ལ་ཡིད་ཆེས་གཏན་པོ་ཡོད་པ་སྨོས་མ་དགོས་པ་ཞིག་རེད།
༄༅། གཏམ་ཕ་ཡི་བཤད་རྒྱུ་བུ་ཡིས་བཤད།
ཁྱི་བདག་པོའི་རྒྱུ་བཀག་རྒྱུ་མགྲོན་པོས་བཀག་དགོས་དོན་ཅི་་་(ཨུ་རུ་སུ)
ཉིན་སྔོན་སྐུ་ངོར་སྲིད་སྐྱོང་ཡིན་ཡང་ཀྲོ་རམ་ཊོ་ནས་བཀའ་མོལ་གསལ་པོ་གསུངས་སོང་བསམ་གྱི་ཡོད།
བོད་པའི་སྤྱི་ཚོགས་ཆུང་ཆུང་འདིར་ནང་ཁུངས་རྙོག་གླེང་རྫོགས་རྒྱུ་མེད་པ་བཟོ་སྡོད་ན་ཕན་ཐོགས་ག་རེ་ཡོད་ན།
མགོ་མགོ་ཞུགས་ཞུགས་མེད་ན་སྐུ་ཚབ་ཀྱི་ལས་དོན་མ་འཇོན་པ་རེད། སོ་ཀྲུས་ཆང་ཐུང་ཟེར་དྲྭ་རྒྱར་བཀོད་ས་རེད།
མགོ་མགོ་ཞུགས་ཞུགས་མེད་ན་སྐུ་ཚབ་ཀྱི་ལས་དོན་མ་འཇོན་པ་རེད། སོ་ཀྲུས་ཆང་ཐུང་ཟེར་དྲྭ་རྒྱར་བཀོད་ས་རེད།
དེང་སྐུ་དྲག་རིང་ལུགས་མ་ཡིན། མང་གཙོའི་ལམ་ལུགས་ནང་སྨྲ་བརྗོད་རང་དབང་ཡོད།
མཛད་རྗེ་བཅུ་དང་འཐུས་ཤོར་བརྒྱད། ད་དཀྲུག་མ་འདུག
ཕྲག་དོག་དང་གུས་ཞབས་མ་བྱས་པའི་དབང་གིས་གཅིག་འོག་ཏུ་གཅིག་མི་འདུ་བ་འདི་འཕོ་འགྱུར་དགོས་པའི་རྩ་བ་རེད། འཛམ་བུ་གླིང་གི་འཛིན་སྐྱོང་ག་འདྲ་ཞིག་ཡིན་ཡང་། རང་གིས་བསྐོས་པའི་ལས་བྱེད་ཀྱིས་རང་ལ་ཡིད་ཆེས་དང་རྒྱབ་སྐྱོར་མ་བྱས་ན་དེ་ནས་ལས་གནས་དེར་མུ་མཐུད་འཇོག་ཐབས་མེད་པ་ནི་ཆབ་སྲིད་དང་འཛིན་སྐྱོང་ལ་རྒྱུན་ཤེས་ཏོག་ཙམ་ཡོད་མཁན་ཞིག་ཡིན་ནའང་ཤེས་པ་ཞིག་རེད། སྤེན་པ་ཚེ་རིང་གིས་སྲིད་སྐྱོང་ལ་རང་གི་དཔོན་པོ་ཡིན་པའི་གུས་བཀུར་མ་ཞུས་པར་མ་ཟད། ཐ་ན་ཡིད་གཏོན་མེད་པའི་གནས་ཚུལ་གསལ་པོ་ཆགས་ན་དེ་ནས་བློ་བཟང་སེང་གེའི་གཞུང་གི་ནང་དུ་ལས་ཀ་བྱེད་པའི་ས་ཆ་ཟད་ཚར་བ་རེད། རྩ་བ་བོར་ནས་ཡར་ཀ་མ་འཇུ་ཤིག
མཛད་རྗེས་བཅུ་དང་མཛད་ཉེན་བཅུ་།
ཧ་ཧ། དེ་ཚོ་སྔར་ཡོད་རྒྱུན་འཛིན་ཙམ་ལས་བྱས་རྗེས་གསར་པ་དང་མཛད་རྗེས་གསར་པ་གང་ཡང་རེད་མི་འདུག ད་དུང་བྱ་གཞག་དང་ལས་དོན་གསར་པ་གང་ཡང་མེད་པར་འདི་འདྲའི་རིགས་ཤིག་དྲ་ཐོག་ཏུ་བཀོད་ཡོང་པ་ནི་ཤིན་ཏུ་ངོ་ཚ་དགོས་པ་ཞིག་མ་རེད་དམ། ལོ་ངོ་ཉི་ཤུ་ཕར་ཞོག་ལོ་ངོ་ལྔ་བཅུ་རིང་ལ་འགྱོན་ནུས་དང་། གྲུབ་འབྲས་མེད་པས་ལས་དོན་ཞིག་བསྒྲུབས་ཀྱང་དེ་ནི་ཉམས་མྱོང་ཙམ་ལས་བྱས་རྗེས་དམིགས་བསལ་བ་ཞིག་གང་ཡང་འཇོག་མི་ནུས། དེ་ཡང་བློ་ཟུར་དུ་གནས་པས་ཐོག་ནས་དགོངས་བཞེད་ཅིག་གནང་ཐུབ་པ་བྱུང་ན་ཤེས་ངེས། ལྷག་པར་དུ་གོང་རིམ་གྱི་བཀའ་འཁྲོལ་མེད་པས་ཐོག་ནས་ལས་བྱེད་བསྐོ་བཞག་བྱས་པ་ཙམ་གྱིས་ནོར་འཁྲུལ་ཤོར་ཚར་བ་རེད། གནད་དོན་དེ་ག་རང་ཐོག་ནས་དོན་གཅོད་གནས་འབྱུང་བྱ་འཐུས་པ་དང་འཕོ་འགྱུར་ཡང་གཏོང་ཆོག་གི་ཡོད་པ་དེ་ཡང་ཤེས་དགོས། ད་དུང་ངོ་ཚ་མེད་པའི་ཐོག་ནས་ཁ་སུ་བདེ་དང་ལག་སུ་བདེ་འདྲ་བྱེད་བསྡད་པ་ཡིན་ན་གྲུབ་འབྲས་བཟང་པོ་ཞིག་འབྱུང་མི་སྲིད།
ཡག་པོ་བྲིས་འདུག
༄༅། བསྟོད་ན་གཞན་གྱི་བསྟོད་དགོས། རང་གིས་རང་ལ་མ་བསྟོད།
སྙན་ཐོ་བཀའ་ཤག་ལ་འབུལ་དགོས་པ་ནས་དྲ་རྒྱའི་ནང་གསལ་བསྒྲགས་དགོས་དོན་མེད།
ད་བྱས་ན་བཀའ་ཤག་ལས་ཁུངས་ནང་བཀའ་བློན་བདུན་ཐུན་མོང་ནས་སྐུ་ངོ་སྤེན་པ་ཚེ་རིང་ལགས་མ་ཉེས་ཁ་གཡོགས་བཟོ་དགོས་དོན་ཅི་ཡིན།དེ་རྗེས་ལ་སྐུ་ངོར་གྱི་གསལ་པོ་བཟོ་ཡི་ཡོད་ཤག
ཁ་སྔོན་སྐུ་ངོར་སྲིད་སྐྱོང་ཡིན་ཡང་ཀྲོ་རམ་ཊོ་ནས་བཀའ་མོལ་གསལ་པོ་གསུངས་སོང་བསམ་གྱི་འདུག
བོད་པའི་སྤྱི་ཚོགས་ཆུང་ཆུང་འདིར་ནང་ཁུངས་རྙོག་གླེང་རྫོགས་རྒྱུ་མེད་པ་ཡོད་དགོས་དོན་ག་རེད་ཡིན་ན།ཕན་ཐོགས་ག་རེ་ཡོད་ན།