མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ཞི་ཅིན་ཕིན་གྱིས་ཡངས་གླིང་རྡོ་རྗེ་ལ་ཁས་ལེན་བྱས་པ།

བོད་ཀྱི་དུས་བབ།
༡༢/༢༦/༢༠༡༧
Share on FacebookShare on TwitterShare on EmailShare on Whatsapp

རྒྱ་ནག་གཞུང་གིས་ཁ་བྲལ་ལ་ངོ་རྒོལ་དང་བོད་རང་བཙན་ལ་ངོ་རྒོལ་གྱི་སྲིད་བྱུས་ཟེར་བ་བསྒྲགས་སྐབས་ཡངས་གླིང་རྡོ་རྗེ་ལགས་ཀྱིས་རྒྱ་ནག་དབུས་གཞུང་ལ་དགོངས་འཆར་ཡི་གེ་ཐེངས་མང་ཕུལ་བར་སྐབས་དེའི་སྲིད་བློན་གཞོན་པ་ཞི་ཅིན་ཕིན་གྱིས་ཁོང་གི་བསམ་འཆར་དེ་ལག་བསྟར་བྱེད་རྒྱུ་ཡིན་པའི་ཁས་ལེན་བྱས་ཡོད་འདུག

ཉེ་ལམ་ཕྱི་ཟླ་བཅུ་པའི་ཚེས་ ༢༥ ཉིན་བོད་ནང་གི་ཁྲིན་ཏུའུ་གྲོང་ཁྱེར་དུ།༼ སྐབས་བཞི་པའི་རྒྱལ་བསྟན་རིས་མེད་བགྲོ་གླེང་ཚོགས་འདུ། ༽ ཞེས་པ་ཚོགས་པའི་སྟེང་། བོད་རིགས་ཡངས་གླིང་རྡོ་རྗེ་ལགས་ཀྱིས་རང་ཉིད་ཀྱི་ལོ་རྒྱུས་མདོ་བསྡུས་ངོ་སྤྲོད་དང་། རྒྱ་ནག་དམར་ཤོག་ཚོགས་ཆེན་བཅུ་དགུ་བའི་དགོངས་དོན་དང་འབྲེལ་ཏེ་སྲིད་འཛིན་ཞི་ཅིན་ཕིན་གྱིས་ཆོས་ལུགས་ལ་བཟུང་བའི་ལྟ་ཚུལ་སོགས་ཀྱི་སྐོར་ལ་ཆུ་ཚོད་གཅིག་ལྷག་རིང་གསུང་བཤད་གནང་ཡོད་འདུག

སྐབས་དེར་ཡངས་གླིང་རྡོ་རྗེ་ལགས་ཀྱིས་དེ་སྔ་རིག་གནས་གསར་བརྗེ་སྐབས་ཁོང་གིས་རྒྱ་ནག་དབུས་གཞུང་ལ་ཡི་གེ་ཕུལ་ཏེ། སྡེ་དགེ་དཔར་ཁང་ཆེན་མོར་སྲུང་སྐྱོབ་གནང་བ་དང་། རྔ་བ་ཁུལ་གྱི་རྫོང་ཁག་ལྔའི་མི་ཁྲི་གསུམ་ལྷག་ལ་དྲག་པོའི་ཟིང་འཁྲུག་སློང་མཁན་ངོ་ལོག་པ་གསར་པའི་ཞྭ་མོ་གཡོག་སྐབས་དཀར་འདོན་བྱས་པ། དེ་བཞིན། ད་ལྟའི་རྒྱ་ནག་གི་སྲིད་འཛིན་ཞི་ཅིན་ཕིན་གྱིས་ཆོས་ལུགས་ལ་བཟུང་བའི་ལྟ་ཚུལ་ཡག་པོ་ཡོད་པ་སོགས་གསུངས་ཡོད་ལ། ཞི་ཅིན་ཕིན་དང་ཁོང་གཉིས་སྐོར་གྱི་གནས་ཚུལ་དུམ་བུ་ཞིག་འདིར་ལུང་འདྲེན་བྱས་ཡོད།

ཡངས་གླིང་རྡོ་རྗེ་ལགས་ཀྱིས་གསུངས་དོན། “༢༠༠༧ ལོ་ལ་བོད་ཁ་བྲལ་རིང་ལུགས་ལ་ངོ་རྒོལ་བྱེད་དགོས། བོད་རང་བཙན་ལ་ངོ་རྒོལ་བྱེད་དགོས་ལབ་པ་རེད། དེ་ལབ་དུས་གང་མི་ཚད་རྒྱ་ཆེ་རུ་བཏང་སྟེ། ང་ཚོ་བོད་རིགས་ཚང་མ་ལ་གང་མི་ཚད་སྡུག་པོ་བཟོ་ཡི་ཡོད་པ་རེད། དེ་ནས་ངས་ཀྲུང་དབྱང་ལ་ཡིག་ཆ་ཐེངས་ ༡༠ ལ་བཏང་བ་ཡིན། རེད་དེ་བདེན་པའི་གཏམ་ལ་གཏམ་ལན་ཡོད་པ་མ་རེད། རྗེས་མ་ ༢༠༡༡ ལོ་ལ་ང་ལ་ཀྲུང་དབྱིང་གིས་ཤོག་ཟེར་ནས་བོད་ལྗོངས་ལྷ་སར་ཚོགས་འདུ་ཞིག་ལ་ཕྱིན་པ་ཡིན། སྐབས་དེར་ཞི་ཅིན་ཕིན་རྒྱལ་ཁབ་ཀྱི་སྲིད་འཛིན་གཞོན་པ་རེད། ཁོ་རང་ཡང་ལྷ་སར་ཕེབས་ཡོད་པ་རེད། ཉིན་ཞིག་ང་ཚོས་ཟ་མ་ཟ་སྐབས་ཞི་ཅིན་ཕིན་ཕར་ཕྱོགས་དེ་ན་བཞུགས་འདུག ཁོ་རང་གི་རོགས་པ་ཚང་མ་རྒྱལ་ཁབ་ཀྱི་ཐོན་ཀྲང་གཞོན་པའི་གྲས་རེད། ཁོ་རང་ཐོན་ཀྲང་རེད། ངས་ཁོ་ལ་ཨ་རག་ཅིག་བཏེག་པ་ཡིན། ཚོགས་འདུའི་སྐབས་སུ་ཁོ་རང་གིས་ངའི་མིང་དེ་ཧ་གོ་ཡིན་ས་རེད། དེ་མ་གཏོགས་ང་ཚོས་ཕན་ཚུན་མཐོང་མྱོང་ཡོད་པ་མ་རེད། ངས་ཨ་རག་འདེགས་སྐབས་ཁོ་རང་ཡར་ལངས་ནས་ངའི་སར་ཡོང་སྟེ་དགའ་འཛུམ་འཛུམ་ “ཁྱོད་ཀྱིས་ང་ཚོ་ལ་བསམ་འཆར་བཏོན་སོང་། ཁྱོད་ཀྱིས་བསམ་འཆར་བཏོན་པ་དེ་ང་ཚོས་ལག་བསྟར་བྱེད་རྩིས་ཡོད” ཟེར། ངས་བསམ་འཆར་ཡིག་ཆ་བཅུ་ཕུལ་བ་དེ་ཁོ་རང་ཕུལ་མེད། ཡིག་ཆ་ཚང་མ་ཧུའུ་ཅིན་ཐའོ་ལ་བྲིས་པ་ཡིན། དམངས་ཆེན་ལ་ཕུལ་བ་ཡིན། སྲིད་གྲོས་ཚོགས་གཙོ་ལིག་རོན་ཧཱན་ལ་ཕུལ་བ་ཡིན། ངས་ཁྱོན་བསྡོམས་ཡིག་ཆ་ཐེངས་བཅུ་ལ་བཏང་བ་ཡིན། གཏམ་ལ་གཏམ་ལན་ཡོད་པ་མ་རེད་དེ། ད་རེས་ངས་ཞི་ཅིན་ཕིན་ལ་ཆང་བཏེག་སྐབས་ཚིག་གསུམ་དེ་ང་ལ་བཤད་ཡོད་པ་རེད། ཁྱོད་ཀྱིས་ང་ཚོ་ལ་བསམ་འཆར་ཕུལ་བྱུང་། ཁྱོད་ཀྱིས་བསམ་འཆར་ཕུལ་བ་དེ་ང་ཚོས་ལག་བསྟར་བྱེད་རྩིས་ཡོད། ཅེས་བརྗོད་སོང་། ལག་བསྟར་བྱེད་རྩིས་ཡོད་ཟེར་བ་དེ་ལ་ང་གང་མི་ཚད་དགའ་ཐག་ཆོས་པ་རེད། ཕྱི་ཉིན་པོ་ཏ་ལའི་རྒྱབ་ཏུ་ཚོགས་ཆེན་ཚོགས་པ་རེད། དེའི་ཕྱི་ཉིན་ང་ཚོ་ཚང་མས་དཔར་བརྒྱབ་པ་རེད། པར་རྒྱག་སྐབས་ང་ཚོ་ཞིང་ཆེན་རིམ་པ་བང་རིམ་གསུམ་བྱས་ཏེ་བསྡད་པ་ཡིན། ང་དེའི་འཁྲིས་སུ་བསྡད་ཡིན། ངས་ཀྲུང་དབྱང་གི་མགོ་ཁྲིད་རྣམ་པ་བསླེབ་ཨ་ཡོད་ཕར་བལྟས་པ་ཡིན། ངའི་ཟུར་དེ་གར་མི་ཞིག་ལངས་འདུག སུ་ཡིན་ལྟ་དུས་ཞི་ཅིན་ཕིན་རེད། ང་ཡར་ལངས་སྐབས་ཡང་བསྐྱར་ཁོ་རང་གིས་ད་གིན་དེ་བཤད་ལུགས་གཅིག་པ་གཅིག་རྐྱང་གིས་ཡང་བསྐྱར་ཐེངས་གཅིག་བཤད་བྱུང་། ངས་ཐུགས་རྗེ་ཆེ། ཐུགས་རྗེ་ཆེ་ཞུས་པ་ཡིན། དེ་འདྲ་ཐེངས་མ་གཉིས་བཤད་སོང་། ཡིག་འབྲུ་གཅིག་འགུལ་ལྕོག་ཡོད་པ་མ་རེད། བཤད་ལུགས་གཅིག་པ་གཅིག་རྐྱང་རེད། ངས་ཕར་མ་བཤད་པར་ཁོ་རང་རང་ངོས་ནས་ང་ལ་ཚུར་བཤད་ཡོང་བ་རེད། ང་རང་དགའ་ཚོར་ཆེན་པོ་བྱུང་།” ཞེས་གསུངས་སོང་།

སྐུ་ཞབས་ཡངས་གླིང་རྡོ་རྗེ་ལགས་ནི་ ༡༩༣༡ ལོར་ཁམས་འབའ་ཐང་ནས་སྐྱེས་ཤིང་། ཀྲུང་གོ་གསར་པ་དབུ་བརྙེས་པའི་ལོ་སྟེ། ༡༩༤༩ ལོར་ཁོང་ཉིད་དགུང་ལོ་ ༡༨ ལ་སོན་སྐབས་རྒྱ་ནག་དམར་ཤོག་ཚོགས་པའི་ནང་དུ་ཞུགས། ༡༩༨༠ གྱ་གྲངས་ཀྱི་ནང་དུ་ཁོང་དམར་ཤོག་ཚོགས་པ་དང་སྲིད་གཞུང་གི་མཐོ་རིམ་མགོ་ཁྲིད་ཀྱི་གྲས་སུ་བསླེབས། ཡིན་ཡང་འདི་དག་གིས་ཁོང་ལ་མཚམས་རེར་གཞུང་གི་སྲིད་བྱུས་ཀྱི་ལམ་ལུགས་མི་འགྲིག་པའི་སྐོར་ལ་སྐྱོན་བརྗོད་བྱེད་པའི་གཤིས་ཀ་དེར་འགྱུར་བ་གཏོང་ཐུབ་མེད། དཔེ་མཚོན་ཙམ་ཞུས་ན། སྔོན་མ་ཁོང་སི་ཁྲོན་ནས་ཕྱིར་རྒྱ་ནག་ཏུ་ལས་གནས་མ་བསྒྱུར་བའི་སྔོན་ལ་ཁོང་གིས། ཀྲུང་དབྱང་གིས་བོད་རིགས་བྱིས་པ་ཚོའི་ཤེས་ཡོན་སློབ་གསོའི་སྟེང་རོགས་སྐྱོར་མ་དངུལ་གང་འཚམ་ཞིག་བཏང་བ་དེ་དག་རྒྱ་ནག་གཞུང་གི་ལས་བྱེད་ཚོས་ལྐོག་ནས་ཁོང་ཚོའི་བྱིས་པ་ཚོའི་མདུན་ལམ་ཆེད་དུ་བཏང་བའི་ཐད་སྐྱོན་བརྗོད་ཤུགས་ཆེར་བྱས་འདུག

ཡངས་གླིང་རྡོ་རྗེ་ལགས་ཀྱིས་ཁོང་གི་མི་ཚེའི་བྱ་གཞག་གི་དུས་ཡུན་རིང་ཤོས་དེ་སི་ཁྲོན་ཏུ་བསྐྱལ་ཡོད། ཐོག་མར་དམར་ཤོག་གུང་གཞོན་ཚོགས་པའི་མགོ་ཁྲིད་དང་། དེ་རྗེས་སྡེ་དགེ་རྫོང་དང་རྔ་པ་ཁུལ་གྱི་དམར་ཤོག་ཚོགས་པའི་ཚོགས་མི་གནང་ཞིང་། མཐའ་མར་སི་ཁྲོན་ཞིང་ཆེན་གྱི་སྲིད་སྐྱོང་བ་གཞོན་པའི་གོ་གནས་སུ་བསླེབས། ༡༩༨༠ ལོ་ནས་ ༡༩༨༦ ལོའི་བར་ཁོང་ཉིད་གོང་གི་གོ་གནས་རང་འཇགས་ཐོག་བོད་རང་སྐྱོང་ལྗོངས་ཀྱི་སྲིད་སྐྱོང་བ་གཞོན་པའི་ཕྱག་ལས་གནང་བ་དང་། དེའི་རྗེས་སུ་བོད་རང་སྐྱོང་ལྗོངས་དམར་ཤོག་ཚོགས་པའི་སྤྱི་ཁྱབ་དྲུང་ཆེ་གཞོན་པ་དང་བོད་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་བཅས་ཀྱི་གོ་གནས་སུ་བསླེབས། ཕྱིར་སི་ཁྲོན་དུ་ཕེབས་པ་ནས་བཟུང་ཁོང་གིས་སི་ཁྲོན་ཞིང་ཆེན་གྱི་སྲིད་གྲོས་དང་དབུས་དམར་ཤོག་ཚོགས་པའི་ཚོགས་མི་སོགས་གོ་གནས་མཐོ་ས་དག་ཏུ་ཕྱག་ལས་གནང་ལ། ཁོང་གི་ཕྱག་ལས་ཕལ་ཆེ་བ་རིག་གཞུང་གི་ཕྱོགས་ཡིན་འདུག

ཟླ་སྔོན་མའི་ཚེས་ ༡༩ ཉིན་ཁོང་གིས་ཁྲིན་ཏུའུ་རུ་སི་ཁྲོན་ཞིང་ཆེན་བོད་རིག་པ་ཞིབ་འཇུག་ཚོགས་པའི་བོད་དོན་གྲོས་མོལ་ཚོགས་འདུ་ཐེངས་ ༦ པའི་ཚོགས་འདུའི་གཙོ་སྐྱོང་གནང་ལ། ཚོགས་ཆེན་དེའི་སྟེང་བོད་ཀྱི་ས་ཁུལ་གང་ས་ནས་ཕེབས་པའི་བོད་རིག་པའི་མཁས་པ་དང་ཉམས་ཞིབ་པ་མི་ ༡༢༠ འཛོམས་ཡོད་ཅིང་། ཡང་གླིང་རྡོ་རྗེ་ལགས་ཀྱི་གཏམ་བཤད་ཀྱི་བརྗོད་གཞི་ནི། ༼རྒྱ་ནག་གཞུང་གིས་མི་རིགས་དང་ཆོས་ལུགས་ལས་དོན་ཐད་བཟུང་བའི་སྲིད་བྱུས་༽ཞེས་པ་ཡིན་འདུག

གསར་འགོད་པ། དོན་འགྲུབ་བཀྲ་ཤིས།

མཆན། 13

  1. Avatar པ་སངས་ལྟར་དཀར། says:
    ལོ་ 3 སྔོན།

    ཡང་གླེན་ཕྲུག་ཁ་ཤས་ཤིག་གིས་ཁོང་མདོ་སྟོད་ལུང་ཚན་གང་ཡིན་རྩོད་ཀྱི་འདུག ང་ཚོ་ཁམས་པའི་ནང་འདི་འདྲའི་གླེན་པ་མང་དྲག་པ་འདི་ག་རེ་ཡིན་ནམ། དཀོན་མཆོག་མཁྱེན།་

    Reply
  2. Avatar པ་སངས་ཚེ་རིང་། says:
    ལོ་ 3 སྔོན།

    གོང་གི་པར་དེ་བརྒྱབ་པའི་དུས་ཚོད་དང་ཀུན་གཟིགས་པཎ་ཆེན་རིན་པོ་ཆེ་དགོངས་པ་རྫོགས་པའི་ལོ་དང་ཟླ་བ་གཅིག་པ་རེད། པར་དེའི་ནང་ཚེས་གྲངས་གསལ་བོ་མི་འདུག པཎ་ཆེན་རིན་པོ་ཆེ་དགོངས་པ་རྫོགས་པའི་ཚེས་གྲངས་ ༡༩༨༩།༡།༢༨ རེད། འདི་ལ་བསམ་བློ་བཏང་ན་ཕལ་ཆེར་གོང་གི་པར་དེ་བརྒྱབ་པའི་ཉིན་ཁ་ཤས་རྗེས་ལ་ཁོང་དགོངས་པ་རྫོགས་འདུག པར་དེ་ཀུན་གཟིགས་པཎ་ཆེན་རིན་པོ་ཆེ་མཆོག་གི་སྐུ་པར་མཐའ་མའི་གྲས་ཡིན་སྲིད།

    Reply
  3. Avatar བསྟན་འཛིན་དོན་ལྡན། says:
    ལོ་ 3 སྔོན།

    ཡོངས་གླིང་རྡོ་རྗེས་རྔ་བ་ཁུལ་གྱི་རྫོང་ཁག་ལྔའི་མི་ཁྲི་གསུམ་ལྷག་དཀར་འདོན་ག་འདྲ་བྱས་པ་རེད། ད་ལྟའི་བར་རྒྱའི་ལོ་རྒྱུས་དང་བོད་ཕྱི་ནང་གི་ལོ་རྒྱུས་སུ་གསལ་མི་འདུག་ལ། ངག་ཐོག་ལོ་རྒྱུས་ནང་ལའང་གོ་མ་མྱོང་། ཚོགས་འདུའི་ཐོག་ཡོངས་གླིང་རྡོ་རྗེ་ཁོང་རང་ནས་ཁོང་གིས་དེ་འདྲ་བྱས་པ་ཡིན་ཟེར་བ་དང་། ད་ལྟའི་མགོ་འཁྲིད་ཞི་ཅིང་ཕིང་ཡག་པོ་ཡོད་སྐོར་སྒྲུབ་ཀྱི་འདུག ང་ཚོས་ནམ་རྒྱུན་ཞི་ཅིང་ཕིང་གི་ཕ་མ་གཉིས་ནང་པ་དང་བོད་པ་ལ་དགའ་བོ་ཡོད་ལུགས་བཤད་པ་དང་གཅིག་པ་རེད། སྐབས་དེར་བོད་རིགས་ས་ཁུལ་གྱི་སྲིད་བྱུས་ལེགས་བཅོས་དགོས་པའི་སྙན་ཞུ་འབུལ་མཁན་དང་བསམ་ཚུལ་བཤད་མཁན་བོད་རིགས་གནད་ཡོད་མི་སྣ་མང་པོ་ཡོད་པ་རེད་ལ། དེ་ཚོར་ཞི་ཅིང་ཕིང་སོགས་ནས་སྐབས་བསྟུན་ཁས་ལེན་དང་ལེན་མང་པོ་བྱས་ཡོད་པ་རེད། ཡིན་ནའང་། དོན་གྱི་ཐོག་ནས་བོད་ཆོལ་ཁ་གསུམ་ནང་སྲིད་བྱུས་ག་འདྲ་ཞིག་མུ་མཐུད་ལག་བསྟར་བྱེད་ཀྱི་ཡོད་དང་མེད་མཐོང་སར་ཡོད་པ་རེད། དེ་འདྲ་ཡིན་དུས། ཡོངས་གླིང་ལགས་ཀྱི་སྐད་ཆར་རིན་ཐང་དང་དགའ་མགུ་གང་ཡང་མི་འདུག མང་པོ་ཞིག་གིས་ཁོའི་སྐད་ཆ་ཡར་མར་བཀྲམ་སྟེ་མང་པོ་བཤད་ཀྱི་འདུག་ཀྱང་དོན་སྙིང་གང་ཡང་མཐོང་མ་སོང་།

    Reply
  4. Avatar རྡོ་རྗེ། says:
    ལོ་ 3 སྔོན།

    གསར་འགྱུར་གྱི་གནད་རྟོགས་ན་འདི་འདྲ་རེད།

    Reply
  5. Avatar ཤར་བ་བླ་མ། says:
    ལོ་ 3 སྔོན།

    གསར་འགོད་པ་དོན་གྲུབ་བཀྲ་ཤིས་ལ་སྙིང་ཐག་པ་ནས་ཐུགས་རྗེ་ཆེ་ཞུ། གསར་འགྱུར་སྤུས་ཚད་ལྡན་པ་བྲིས་གནང་འདུག ཁྱོད་རང་རྩོམ་སྒྲིག་པ་དོན་གྲུབ་བཀྲ་ཤིས་ཡིན་ནམ། བོད་ཀྱི་དུས་བབ་ལ་བཀྲ་ཤིས་དོན་གྲུབ་དང་དོན་གྲུབ་བཀྲ་ཤིས་མང་དྲག་ཏེ་ཧ་ཡང་གོ་ཡག་མི་འདུག་མོད་རྩོམ་སྒྲིག་པ་དོན་གྲུབ་བཀྲ་ཤིས་ཀྱིས་གསར་འགྱུར་གང་སྤེལ་བ་ཡིན་ན་བསམ་རིན་ཀློག་རིན་གཏང་ཟབ་མོ་ཡོད་པ་འདུག་

    Reply
  6. Avatar གྲགས་པ། says:
    ལོ་ 3 སྔོན།

    སྐུ་ཞབས་ཡངས་གླིང་རྡོ་རྗེ།ཕོ།༡༩༣༡ལོའི་རྒྱ་ཟླ་༢པའི་ནང་སྐུ་འཁྲུངས།ཕ་ཡུལ་ཁམས་འབའ་ཐང་ས་ཁུལ།བོད་རིགས།ཀྲུང་གུང་ཏང་ཡོན།གསང་བའི་ཏང་གི་སྐབས་སུ་ཏང་ཚོ་ཆུང་གི་འགོ་འཛིན།ཤར་བོད་དམངས་གཙོའི་གཞོན་ནུ་མནའ་མཐུན་ཚོགས་པའི་ཀྲི་པུ་ཧྲུའུ་ཅི་གཞོན་པ།ལས་ཞོར་དུ་ཀྲུང་གུང་ལི་ཐང་རྫོང་ཨུ་ཧྲུའུ་ཅི།ཀྲུང་གུང་སྡེ་དགེ་རྫོང་ཨུ་ཧྲུའུ་ཅི་དང་པོ་དང་དྲག་ཆས་པུའུ་ཆབ་སྲིད་ཨུ་ཡོན་དང་པོ་བཅས་ཀྱི་འགན་བཞེས་མྱོང་།རིག་གནས་གསར་བརྗེའི་སྐབས་སུ་མནར་གཅོད་ཀྱང་ཕོག་མྱོང་།རིག་གནས་གསར་བརྗེའི་ཕྱི་དུས།དཀར་མཛེས་ཁུལ་མི་རིགས་ལས་བྱེད་སློབ་གྲྭའི་སློབ་སྤྱི་དང་དེའི་ཏང་སྤྱི་ཀྲི་པུ་ཧྲུའུ་ཅིའི་འགན་བཞེས།དེ་ནས་རྔ་བ་བོད་རིགས་རང་སྐྱོང་ཁུལ་ཁུལ་ཨུ་ཧྲུའུ་ཅི་དང་པོའི་འགན་བཞེས་པ་དང་།ཞོར་དུ་ཁུལ་གསར་བརྗེ་ཨུ་ཡོན་ལྷན་ཚོགས་ཀྱི་ཀྲུའུ་རེན་དང་ཁུལ་སྲིད་གྲོས་ཀྲུའུ་ཞི།ཡན་ལག་དམག་ཁུལ་གྱི་ཆབ་སྲིད་ཨུ་ཡོན་དང་པོ་བཅས་ཀྱི་འགན་བཞེས།སི་ཁྲོན་ཞིང་ཆེན་ཞིང་དཔོན་གཞོན་པ་དང་།ཀྲུང་གུང་བོད་རང་སྐྱོང་ལྗོངས་ཨུ་ཡོན་ལྷན་ཚོགས་ཀྱི་ཧྲུའུ་ཅི་དང་ཞོར་དུ་བོད་རང་སྐྱོང་ལྗོངས་མི་དམངས་སྲིད་གཞུང་གི་ཀྲུའུ་ཞི་གཞོན་པ།བོད་རང་སྐྱོང་ལྗོངས་སྲིད་གྲོས་ཀྲུའུ་ཞི་བཅས་ཀྱི་འགན་བཞེས།ཀྲུང་གུང་བོད་རང་སྐྱོང་ལྗོངས་ཨུ་ཡོན་ལྷན་ཚོགས་ཏང་གི་ལོ་རྒྱུས་ཡིག་ཆ་འཚོལ་སྡུད་ཨུ་ཡོན་ལྷན་ཚོགས་ཀྱི་ཀྲུའུ་རེན།ཀྲུང་གུང་ཀྲུང་དབྱང་ས་གནས་ནད་སྣ་འགོག་བཅོས་དབུ་ཁྲིད་ཚོ་ཆུང་གི་ཁོངས་མི་སོགས་ཀྱི་འགན་བཞེས་མྱོང་།ལས་གནས་སི་ཁྲོན་ཞིང་ཆེན་དུ་ཚུར་སྤོས་རྗེས།སི་ཁྲོན་ཞིང་ཆེན་སྲིད་གྲོས་ཀྲུའུ་ཞི་གཞོན་པ་༼ཞིང་ཆེན་རིམ་པ་དངོས་ཀྱི་གནས་ཚད༽དང་ཏང་ཚོ་ཆུང་གི་ཧྲུའུ་ཅི་གཞོན་པ།ཀྲུང་གུང་སྐབས་བཞི་པའི་སི་ཁྲོན་ཞིང་ཆེན་ཨུ་ཡོན་ལྷན་ཁང་གི་ཨུ་ཡོན།གཞན་ཡང་གུང་གཞོན་ཚོགས་པ་རྫོང་ཨུ་ཧྲུའུ་ཅི་དང་ཁུལ་ཨུ་ཧྲུའུ་ཅི།གུང་གཞོན་ཚོགས་པ་སི་ཁྲོན་ཞིང་ཆེན་ཨུ་ཡོན་ལྷན་ཁང་ཧྲུའུ་ཅི་གཞོན་པ།ཞིང་ཆེན་གཞོན་ནུ་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པ།གུང་གཞོན་ཚོགས་པ་རྒྱལ་ཡོངས་སྐབས་གསུམ་པ་དང་བཞི་པའི་ཀྲུང་དབྱང་གསབ་སྒུག་ཨུ་ཡོན་བཅས་ཀྱི་འགན་བཞེས་མྱོང་།༡༩༩༨ལོར་སྤྱི་ཟླ་༡༢པའི་ནང་ལས་བཞག་ངལ་གསོ་གནང་།དེ་ནས་སི་ཁྲོན་ཞིང་ཆེན་ཕྱི་རབས་པ་སེམས་འཁུར་ལས་དོན་ཨུ་ཡོན་ལྷན་ཁང་གི་བློ་འདོན་པ་དང་།ཀྲུང་གུང་རྒྱལ་ཡོངས་སྐབས་བཅུ་གཅིག་པ།སྐབས་བཅུ་གཉིས་པ།སྐབས་བཅུ་གསུམ་པ་བཅས་ཀྱི་འཐུས་མི།སྐབས་བཅུ་གཉིས་པའི་ཀྲུང་གུང་ཀྲུང་དབྱང་གསབ་སྒུག་ཨུ་ཡོན།སྐབས་བདུན་པའི་རྒྱལ་ཡོངས་དམངས་ཆེན་འཐུས་མི་བཅས་ཀྱི་འགན་བཞེས།
    མཛད་འཕྲིན་གཙོ་བོ་ནི། ཏང་སྲིད་ལས་དོན་དུས་ཡུན་རིང་པོར་སྒྲུབ་ལ།རིག་གནས་རིག་པའི་གཞུང་ལུགས་ཀྱི་རྨང་གཞི་ཆེས་བཟང་བ་དང་ལྡན་པ།ལག་ལེན་ཉམས་མྱོང་ཕུན་སུམ་ཚོགས་པོར་ཡོད་པ།སྡེ་དགེ་རྫོང་དང་།རྔ་བ་ཁུལ།སི་ཁྲོན་ཞིང་ཆེན་སྲིད་གྲོས།བོད་རང་སྐྱོང་ལྗོངས་སོགས་སུ་ལས་དོན་སྒྲུབ་རིང་།ནན་ཏན་གྱིས་ཏང་གི་མི་རིགས་སྲིད་ཇུས་སམ་མི་རིགས་ས་ཁུལ་གྱི་རང་སྐྱོང་སྲིད་ཇུས།འཐབ་ཕྱོགས་གཅིག་གྱུར་དང་ཆོས་ལུགས་སྲིད་ཇུས་ལག་ལེན་དོན་འཁྱོལ་གནང་།ལོ་བཅུའི་རིང་གི་རིག་གནས་གསར་བརྗེ་ཆེན་པོའི་སྐབས།གྱེན་ལོག་ཤོག་ཁག་གིས་རྒྱལ་ཕྱི་ནང་ཀུན་ཏུ་གྲགས་པ་ཆེ་བའི་སྡེ་དགེ་པར་ཁང་གཏོར་བཤིག་དང་མེ་རྫས་ཀྱིས་གཏོར་གྲབས་བྱེད་ཚེ།ཁོང་གིས་གནས་ཚུལ་འདི་ཤེས་ནས།རང་ཉིད་ཀྱང་མ་རྩ་རིང་ལུགས་པ་ཟེར་ནས་མནར་གཅོད་ཕོག་བཞིན་པ་ལ་མ་འཛེམ་པར།ཐབས་མཁས་པོས།ཀྲུའུ་ཙང་ལི་ལ་དངོས་ཡོད་གནས་ཚུལ་ཞུས་ནས་སྲུང་སྐྱོབ་གནང་དགོས་པའི་རེ་བ་སྟོན་པ་ལྟར།ཀྲུའུ་ཙང་ལིས་སྡེ་དགེ་པར་ཁང་སྲུང་སྐྱོབ་བྱ་དགོས་ཞེས་པའི་བཀའ་གནང་སྟེ།སྡེ་དགེ་པར་ཁང་ལ་གཏོར་བཤིག་ཚབས་ཆེན་མ་བྱུང་བ་རེད།རྗེས་ནས་རྒྱལ་ཡོངས་གལ་ཆེའི་རིག་དངོས་སྲུང་སྐྱོབ་བྱེད་ཡུལ་དུ་གཏན་འཁེལ་བྱས།གསར་བརྗེ་དང་འཛུགས་སྐྲུན་ལག་ལེན་ཀྱི་བརྒྱུད་རིམ་རིང་པོར།མི་རིགས་ས་ཁུལ་རང་སྐྱོང་དང་།དམངས་གཙོ་གསར་བརྗེ།སྤྱི་ཚོགས་རིང་ལུགས་བསྒྱུར་བཀོད།བཅོས་བསྒྱུར་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བཅས་ལ་ཞུགས་ནས།དུས་ཀུན་ཏུ་དཔལ་འབྱོར་འཕེལ་རྒྱས་ལྟེ་བར་བཟུང་སྟེ་རྒྱུན་འཁྱོངས་བྱས་ཤིང་།དཔལ་འབྱོར་ལས་རིགས་འདྲ་མིན་དང་སྤྱི་ཚོགས་ལས་དོན་སྣ་ཚོགས་འཕེལ་རྒྱས་མྱུར་དུ་བཏང་སྟེ།ནུས་ཤུགས་ལྡན་པའི་སྒོ་ནས་ས་གནས་དེ་གའི་འཛུགས་སྐྲུན་ལས་རིགས་ཁག་མྱུར་དུ་འཕེལ་རྒྱས་འགྲོ་བ་ལ་སྐུལ་སྤེལ་གནང་བས་མང་ཚོགས་ཀྱི་འཚོ་བར་ལེགས་བཅོས་ཆེར་བྱུང་ཡོད།མི་རིགས་སློབ་གསོ་དང་མི་རིགས་རིག་གནས་ལ་མཐོང་ཆེན་ཚད་མེད་གནང་ནས།བོད་ལྗོངས་དང་རྔ་བ་ཁུལ་སོགས་སུ་བཞུགས་སྐབས།གོང་རིམ་གྱི་རེ་བ་ལྟར།ཕྱོགས་ཡོངས་སུ་ཏང་གི་ལམ་ལུགས།བྱེད་ཕྱོགས་དང་སྲིད་ཇུས་ལག་ལེན་མཐར་ཕྱིན་གནང་བ་དང་།ཕྱོགས་སོ་སོའི་སྲིད་ཇུས་དོན་འཁྱོལ་ཡོང་བ་ལ་དམ་འཛིན་ལྷོད་མེད་གནང་།བཟོས་རྫུན་འཕྱུགས་གསུམ་གྱི་གྱོད་གཞི་ཧ་ཅང་མང་པོ་དཀར་སར་ཕུད།༡༩༧༨ལོར།བརྟག་དཔྱད་ཞིབ་འཇུག་བྱས་པར་བརྒྱུད།༡༩༦༨ལོར་རིག་གནས་གསར་བརྗེ་ཆེན་པོའི་སྐབས་རྔ་བ་ཁུལ་རྫོང་ཁག་ལྔ་ནས་དྲག་པོའི་འཛིང་འཁྲུགས་བྱས་པའི་མི་ཁྲི་གསུམ་ལྷག་ལ་ངོ་ལོག་ཟིང་སློང་བ་གསར་པའི་ཞྭ་མོ་བཀོན་འདུག་པ་དེ་དག་དཀར་སར་ཕུད་རྒྱུར་རྒྱུན་འཁྱོངས་གནང་བས།ཀྲུང་དབྱང་གིས་ཆོག་མཆན་ཐོབ་ནས།མི་གྲངས་ཁྲི་གསུམ་ལྷག་དེ་དཀར་སར་བཞགདེའི་སྐབས་སུ་ཤུགས་རྐྱེན་ཐེབ་སའི་མི་གྲངས་ཁྲི་བཅོ་ལྔ་ཡར་མར་ཟིན་ཡོད།༡༩༧༩ལོ་སྤྱི་ཟླ་༡༠པའི་ཚེས་༢༨ཉིན།མི་རིགས་གནད་དོན་གྱི་ངོ་བོ་ནི་གྲལ་རིམ་གྱི་གནད་དོན་རེད་ཅེས་པའི་ནོར་འཁྲུལ་ཅན་གྱི་རིག་པའི་གཞུང་ལུགས་རྒྱལ་ཡོངས་སུ་དར་ཁྱབ་སོང་འདུག་པ་དེ་ལ།བློ་སྟོབས་ཆེན་པོའི་སྒོ་ནས་དོགས་འདྲི་སློང་བས།ཞིང་ཆེན་དང་ཀྲུང་དབྱང་གི་ཡིད་མཐུན་དང་ལེན་ཐོབ་ནས།༡༩༨༠ལོ་སྤྱི་ཟླ་༧པ་དང་༨པའི་ནང་།ཀྲུང་དབྱང་གིས་བོད་ལྗོངས་ལས་དོན་བཞུགས་མོལ་ཚོགས་འདུའི་ཟིན་བྲིས་གནད་བསྡུས་ཀྱི་བརྡ་ཡིག་ཅེས་པ་དང་།མི་དམངས་ཉིན་རེའི་ཚགས་པར་ནང་དཔྱད་གཏམ་པའི་རྩོམ་ཡིག་གི་ཚུལ་དུ་པར་ངོས་ཧྲིལ་པོར་མི་རིགས་གནད་དོན་གྱི་ངོ་བོ་ནི་གྲལ་རིམ་གྱི་གནད་དོན་རེད་ཅེས་པའི་ནོར་འཁྲུལ་ཅན་གྱི་རིག་པའི་གཞུང་ལུགས་དེ་ལ་དགག་པ་བྱས་འདུག

    Reply
  7. Avatar རིན་པོ་ཆེ། says:
    ལོ་ 3 སྔོན།

    བསམ་འགྲུབ་ཚེ་རིང་ལགས། ཞེ་ན་པཎ་ཆེན་རིན་པོ་ཆེ་སྐུ་གཤེགས་པ་དང་ཡངས་གླིང་རྡོ་རྗེ་མཇལ་འཕྲད་གནང་བ་གཉིས་ལ་འབྲེལ་བ་འདུག་གསུང་གི་ཡོད་པ་རེད་དམ། སྐབས་དེར་ཡངས་གླིང་རྡོ་རྗེ་བོད་རང་སྐྱོང་ལྗོངས་ཀྱི་མཐོ་རིམ་དཔོན་རིགས་ཤིག་ཡིན་བསམ་སོང་།

    Reply
  8. Avatar བརྩོན་འགྲུས་ཉི་མ། says:
    ལོ་ 3 སྔོན།

    དུས་བབ་ཚང་གིས་སྲིད་བློན་གཞོན་པ་ཞི་ཅིན་ཕིན་དང་། སྲིད་འཛིན་གཞོན་པ་ཞི་ཅིན་ཕིན་ཞེས་མ་འདྲ་བ་གཉིས་འབྲི་དགོས་དོན་གང་ཡིན་ནམ། ཡངས་གླིང་རྡོ་རྗེས་ཀྲུའུ་ཞི་གཞོན་པ་ཟེར་འདུག

    Reply
  9. Avatar གཞུང་པ་ཚེ་དབང་བསོད་ནམས་ says:
    ལོ་ 3 སྔོན།

    གཏམ་སྟོང་བཤད་ན་མཆིན་པ་ན་།
    མེ་སྟོང་འབར་ན་རྫ་ལ་ཚིག་།
    ཟེར་ཡང་ཟེར་ལ་བདེན་ཡང་བདེན་།
    བདེན་གཏམ་ངོ་མ་བཤད་ཡོད་དོ་།

    Reply
  10. Avatar མི་ཉག་སྟོབས་ལྡན། says:
    ལོ་ 3 སྔོན།

    དུས་བབ་ཚང་། ཁོང་གི་འཁྲུངས་ཡུལ་འབའ་མ་རེད། བྲག་གཡབ་ལ་འཁྲུངས་པ་རེད།

    Reply
  11. Avatar བསམ་འགྲུབ་ཚེ་རིང་། says:
    ལོ་ 3 སྔོན།

    གོང་གི་པར་ནང་གི་ཀུན་གཟིགས་པཎ་ཆེན་སྐུ་ཕྲེང་བཅུ་བ་མཆོག་དང་ཡངས་གླིང་རྡོ་རྗེ་གཉིས་མཇལ་བའི་ལོ་དེ་ ༡༩༨༩ ཟླ་ ༡ ཡིན་ཞེས་འཁོད་འདུག ཀུན་གཟིགས་པཎ་ཆེན་རིན་པོ་ཆེ་མཆོག་ ༡༩༨༩ ལོའི་ཟླ་ ༡ ཚེས་ ༢༨ ཉིན་གནས་སྟངས་གསལ་ཁ་མེད་པའི་དོགས་གཞིའི་འོག་གློ་བུར་སྐུ་གཤེགས་པ་རེད།

    Reply
  12. Avatar རིག་བུ། says:
    ལོ་ 3 སྔོན།

    ཡངས་གླིང་རྡོ་རྗེ་ལགས་ལ་སྐུ་མདུན་གྱིས་ཀྱང་གཟིགས་པ་ཧ་ཅང་ཡག་པོ་ཡོད་རེད། ༧གོང་ས་མཆོག་གིས་ནམ་རྒྱུན་བོད་རིགས་ཏིང་ཡོན་ཡངས་གླིང་རྡོ་རྗེ་དང་འབའ་བ་ཕུན་ཚོགས་དབང་རྒྱལ་ལྟ་བུ། མི་རིགས་ལ་ཤ་ཞེན་དང་ལ་རྒྱ་ཡོད་མཁན་དེ་ཚོ་ཧ་ཅང་ཡག་པོ་རེད་གསུང་གི་རེད།

    Reply
  13. Avatar ལྷོ་བྲག says:
    ལོ་ 3 སྔོན།

    ཡངས་གླིང་རྡོ་རྗེ་ལགས་ཀྱིས་སི་ཁྲོན་གྱི་བོད་མི་སུམ་ཁྲི་ལྷག་གི་ཚེ་སྲོག་སྐྱོབ་ཡོད་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

སྨན་སློབ་གསར་བསྡུའི་གསལ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

9882347075 | 9218938049 | 7018117635
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

Sign In with Facebook
Sign In with Google
Sign In with Linked In
OR

Login to your account below

Forgotten Password? Sign Up

Create New Account!

Sign Up with Facebook
Sign Up with Google
Sign Up with Linked In
OR

Fill the forms bellow to register

All fields are required. Log In

Retrieve your password

Please enter your username or email address to reset your password.

Log In

Add New Playlist