མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རླབས་ཆེ་བའི་དགེ་རྒན་ཞིག་ལ་རྗེས་དྲན།

བོད་ཀྱི་དུས་བབ།
༢༠༡༨/༠༡/༡༨
Share on FacebookShare on TwitterShare on EmailShare on Whatsapp

མི་ལོ་ཉི་ཤུ་ལྷག་དགེ་རྒན་གནང་བ་དང་། གསོག་དངུལ་འབུམ་བཅུ་གཅིག་གདན་ས་གསུམ་ལ་འབུལ་གནང་མཛད་མཁན་བོད་དགེ་ཞིག་ལ་རྗེས་དྲན།

ཆབ་མདོ་ངག་ཕུན།

དེ་རིང་ངས་མི་སྣ་ཞིག་ངོ་སྤྲོད་ཞུ་བ་འདོད་ཅིང་། ཁོང་ནི་བཙན་བྱོལ་བོད་མིའི་སྒྲིག་འཛུགས་ནང་ལ་དགེ་རྒན་གྱི་ཞབས་ཕྱི་མི་ལོ་ཉི་ཤུ་ལྷག་གནང་མཁན་གྱི་མི་སྣ་ཉམ་ཆུང་ཞིག་རེད། ཁོང་ནི་བོད་ཤར་ཕྱོགས་མ་ཡུལ་ལྕགས་ཀ་ཚང་ཞེས་པའི་ཞིང་པའི་ཁྱིམ་ཚང་ཞིག་ཏུ་སྐྱེས་ཤིང་འཚར་ལོངས་བྱུང་བ་དང་། མིང་ལ་བློ་བཟང་བཟོད་པའམ་བློ་བཟང་ཆོས་དར་ཞེས་འབོད་ཅིང་། ཁོང་གི་ཁྱིམ་ལ་རིག་གནས་གསར་བརྗེ་སྐབས་བོད་མི་སྤྱི་མཚུངས་ལྟར་དཀའ་སྡུག་དུ་མ་ཞིག་མྱོང་དགོས་བྱུང་ཡོད་པ་ནི་བརྗོད་མ་དགོས། རིམ་པའི་བོད་ནང་ལ་ཆབ་སྲིད་ཕྲན་བུ་གུ་ཡངས་ཕྱིན་ནས་ཕན་ཚུན་ཉེ་འཕྲད་འགྲོ་འོང་ཆོག་པའི་གོ་སྐབས་བཟང་པོ་ཤར་བ་དང་བསྟུན་དམ་པ་ཁོང་ཡང་རྒྱ་གར་འཕགས་པའི་ཡུལ་དུ་བོད་མི་རིགས་ལ་བཀའ་དྲིན་བླ་མེད་དུ་ཆེ་བའི་༧རྒྱལ་བ་རིན་པོ་ཆེའི་ཞལ་མཇལ་དང་།

ཡང་སྒོས་སློབ་སྦྱོང་བཅས་ལ་དམིགས་ཡུལ་འཛིན་ནས་ལ་ལུང་དུ་མ་བརྒལ་ནས་བཙན་བྱོལ་དུ་ཡོང་ཞིང་། ལྷག་དོན་སྐབས་དེ་དུས་བོད་ནང་སློབ་སྦྱོང་བྱེད་སའི་ཁོར་ཡུག་ཧ་ཅང་དཀོན་པ་དང་། དེ་བཞིན་ལུས་སེམས་ལ་བདེ་བ་མེད་པ་སོགས་ལ་བརྟེན་རྒྱ་གར་རང་དབང་ལུང་བར་ཡོང་དགོས་བྱུང་ཡོད། ཁོང་འཕགས་ཡུལ་ལ་འབྱོར་བ་དང་༧རྒྱལ་བ་རིན་པོ་ཆེས་གཙོས་པའི་རང་གཞུང་གི་ཐུགས་རྗེ་བཀའ་དྲིན་འོག་བོད་ནས་འབྱོར་མཁན་རྣམས་དང་ཐོག་མ་སུ་རི་བོད་ཁྱིམ་སློབ་གྲྭར་བཏང་བ་དང་། མ་སུ་རི་སློབ་གྲྭ་ནང་ལ་བོད་ནས་འབྱོར་ཏེ་སློབ་གྲྭར་འཛུལ་ཞུགས་གནང་མཁན་ཐོག་མའི་གྲས་གཅིག་ཡིན་པ་ཁོང་གིས་ངག་ནས་ཐོས་མྱོང་། མ་སུ་རི་བོད་ཁྱིམ་སློབ་གྲྭའི་ནང་ལ་འཛིན་རིམ་དགུ་པ་བར་སློབ་སྦྱོང་གནང་མྱོང་བ་དང་། དེ་ནས་ཤེས་རིག་ལས་ཁུངས་ཀྱི་བོད་དགེ་ས་མིག་གསལ་བསྒྲགས་གནང་དོན་ལྟར་དམ་པ་ཁོང་ཡིག་རྒྱུགས་ནང་འཛུལ་ཞུགས་གནང་སྟེ་དགེ་རྒན་འདེམས་ཐོན་བྱུང་བ་རེད་ལ། དེ་ནས་བཟུང་སྟེ་ཤེས་རིག་ལས་ཁུངས་ཀྱི་ཁོངས་གཏོགས་གཏན་ཉིན་སློབ་གྲྭ་ག་བ་གནས་སྤོར་བཏང་བ་ཡིན་ན་ཀར་ཀོར་སོགས་ཅི་ཡང་མེད་པར་ཕེབས་རྐྱང་གནང་མཁན་གྱི་གྲས་ཤིག་ཡིན་འདུག དྷ་ས་མཚན་ཉིད་གྲྭ་ཚང་གི་གོ་སྒྲིག་འོག་དགེ་རྒན་འོས་སྦྱོང་ཐོག་མ་གནང་སྐབས་དེའི་འཛུལ་ཞུགས་གནང་སྟེ་དགེ་འོས་སློབ་མཐར་ཕྱིན་པ་དང་བསྟུན་མུ་མཐུད་དེ་གཏན་སློབ་ཀྱི་དགེ་རྒན་གནང་ནས་བཞུགས།

མཐར་གཟུགས་གཞི་བདེ་མིན་གྱིས་སྨན་ཁང་ནང་ལ་ཡུན་རིང་ལྷག་ཅིང་ཕྱི་ལུགས་སྨན་པས་སྨན་བཅོས་མེད་ལུགས་སོགས་ཚིག་ཐག་བཅད་ཀྱང་དམ་པ་ཁོང་གིས་སེམས་ཞུམ་ནས་མ་བཞུགས་པར་བོད་སྨན་བསྟེན་གཏུགས་གནང་ནས་དྲག་སྐྱེད་བྱུང་བ་དང་རྩ་བའི་བླ་མའི་མདུན་དུ་སྡོམ་པ་ཕུལ་ནས་ཞོགས་དགོང་དུས་ཚོད་ནམ་ཡོད་ཕྱག་དཔེ་གཟིགས་པ་དང་། ཁ་འདོན་དགེ་སྦྱོར་ཁོ་ནར་བརྩོན་གྱི་ཡོད་ཅིང་། ཞལ་ལག་དུས་གཉིས་ལས་བཞེས་ཀྱི་མེད། དུས་དེས་ནས་བཟུང་སྟེ་འཇིག་རྟེན་འཁོར་བའི་ལོངས་སྤྱོད་ལ་ཆོག་ཤེས་ཁོ་ན་འཛིན་ནས་གྲྭ་པ་དཀྱུས་མའི་མི་ཚེའི་འཚོ་བ་རོལ་གྱི་ཡོད། རང་ཉིད་ཀྱི་རྩ་བའི་བླ་མས་གང་གསུང་བ་རྡོ་ལ་རི་མོ་བྲིས་པ་ལྟར་གནང་མཁན་ཞིག་སྟབས། ཉིན་གཅིག་རྩ་བའི་བླ་མ་འདན་མ་བློ་ཆོས་རིན་པོ་ཆེའི་མདུན་དུ་བཅར་ནས་དགེ་རྒན་ནས་དགོངས་པ་ཞུས་ཏེ་སྒོམ་སྒྲུབ་ཉམས་ལེན་བྱེད་དགོས་དྲན་ཚུལ་ཞུས་སྐབས། འདན་མ་བློ་ཆོས་རིན་པོ་ཆེ་ནས་”ཁྱོད་རང་མི་ཚེའི་གཅིག་སྒོམ་སྒྲུབ་གནང་བ་ལས་དགེ་རྒན་གྱི་ཕྱག་ལས་གནང་ནས་སློབ་ཕྲུག་དེ་དག་ལ་ཤེས་ཡོན་གྱི་སློབ་ཁྲིད་གནང་ཐུབ་ན་ཕན་ཡོན་ཆེ་”ཚུལ་དང་། རྩ་བའི་བླ་མས་”མུ་མཐུད་དེ་དགེ་རྒན་གྱི་ཕྱག་ལས་གནང་ཤོག་”ཅེས་བཀའ་ཕེབས་དོན་ལྟར། དུས་དེ་ནས་བཟུང་སྟེ་ཕྱིར་ལོག་མ་མཛད་པར་དཀའ་སྡུག་ཁག་ལ་གདོང་ལེན་གནང་སྟེ་མི་ཚེ་མ་རྫོགས་བར་དགེ་རྒན་གྱི་ཞབས་ཕྱི་རླབས་ཆེན་ཞུ་རྒྱུ་བྱུང་ཡོད་པ་རེད་ལ། ཤེས་ཡོན་གྱི་སྲི་ཞུ་རླབས་ཆེན་བསྒྲུབས་ཡོད་ཅིང་། ད་ལྟ་ང་ཚོའི་སྤྱི་ཚོགས་ནང་ལ་ཤེས་ཡོན་ཐོག་ལ་ལས་དོན་གནང་མཁན་དེ་དག་ལ་དྲན་གསོ་ཙམ་ཡང་མེད་པར་གོ་མེད་འཚོ་མེད་ལྟ་བུ་གནང་སྟངས་དེ་དག་མཐོང་དུས། སྐབས་རེར་ཨ་ཁ་སྙམ་པའི་ཚོར་སྣང་སྐྱེ་ཡོང་གི་འདུག

གཅིག་བྱས་ན་རང་ཉིད་ལྟ་རྒྱ་དང་མཐོང་རྒྱ་ཆུང་བའི་སྐྱོན་ཡིན་སྲིད། མི་ལོ་ཉི་ཤུ་ལྷག་གི་རིང་ལ་དགེ་རྒན་གྱི་ཞབས་ཕྱི་བསྒྲུབས་མཁན་དང་། གསོག་དངུལ་ཚང་མ་བོད་མི་རིགས་ཀྱི་ཆོས་དང་རིག་གཞུང་མི་ཉམས་སྲུང་འཛིན་གནང་མཁན་གདན་གསུམ་གྱི་སློབ་གཉེར་བའི་ཆེད་དུ་ཕུལ་གནང་མཛད་མཁན་ཞིག་ཡིན་པས་དམ་པ་ཁོང་ལ་རྗེས་དྲན་ཞུས་ན་མི་འོས་པ་ཞིག་ག་ལ་ཡོད་སྙམ། རྒྱུ་མཚན་དེ་དག་ལ་བརྟེན་དགེ་རྒན་ཉམ་ཆུང་ཁོང་ལ་ངས་རྗེས་དྲན་ཞུ་ཡི་ཡོད། ལོ་ཡུན་དེ་དག་ནང་ལ་འཚོ་བ་སྟབས་བདེ་ཁོ་ན་མཛད་ནས་བཞུགས། དགེ་རྒན་གྱི་གསོལ་ཕོགས་གང་ཡོད་པ་དེ་དག་སྲི་ཚགས་གནང་ནས་མཐར་སྐུ་ཚེ་རྫོགས་ཁ་གདན་གསུམ་ལ་དངུལ་རྐྱང་འབུམ་བཅུ་གཅིག་ཕུལ་སོང་བ་དང་། སྐབས་དེར་དགེན་དམ་པ་ཁོང་གིས་གདན་ས་ནང་ལ་གྲྭ་རྐྱང་དུ་མ་ཞིག་གིས་གཞུང་ཆེན་ཁག་ལ་ཉིན་མཚན་ལྟོས་མེད་ཀྱིས་སློབ་གཉེར་གནང་གི་ཡོད་ཅིང་། དངུལ་ཕྲན་བུ་ཡོད་པ་དེ་དག་ལས་ལྷག་ཡོད་མ་རེད་ཅེས་ཚིག་ཐག་ཆོད་པོས་གསུངས་པ་དེ་དག་མཐོང་དུས་དགེན་ཁོང་ལ་རང་བཞིན་མེད་པར་ཡིད་སྨོན་སྐྱེས་བྱུང་། རྒྱུ་མཚན་ནི་བོད་མི་རིགས་ཀྱི་ལོ་རྒྱུས་ནང་ལ་གཞིས་བྱེས་གཉིས་སུ་གྱར་ནས་དུས་ཚོད་ཧ་ཅང་གཉན་འཕྲང་འདི་འདྲ་ཞིག་གི་སྐབས་ཁོང་གི་མི་ཚེ་ཕལ་ཆེ་བ་སློབ་གསོའི་ཐོག་བཏང་བ་དང། དེ་བཞིན་དངུལ་དངོས་ཚང་མ་འདས་ཁར་གདན་ས་གསུམ་གྱི་སློབ་གཉེར་བའི་ཆེད་དུ་ཕུལ་བ་དེ་དག་ནི་དགེན་ཁོང་ལ་རྗེས་དྲན་ཞུས་ན་མི་འགྲིག་པ་ཞིག་ག་ལ་ཡོད།

དམ་པ་ཁོང་དང་ངེད་གཉིས་ངོ་ཤེས་འགྱུར་བའི་བརྒྱུད་རིམ་ནི་ཨ་ཞང་ངེད་གཉིས་རྡོར་གླིང་ནས་དྷ་སར་ཕྱི་ལོ་ ༡༩༨༩ ཡན་མན་ལ་ཐོག་མར་འབྱོར། སྐབས་དེར་ཨ་ཞང་ལ་གཞུང་ཞབས་ཀྱི་ཐོབ་ཐང་རྒས་ཤག་མ་རག་བར་ཨ་ཞང་གི་ངོ་ཤེས་དཀོན་མཆོག་རྡོ་རྗེའི་ནང་ལ་བསྡད། སྐབས་དེ་དུས་དཀོན་མཆོག་རྡོ་རྗེ་དང་སྤྱིར་བཏང་གི་སྐད་ཆའི་ཞོར་འཕྲོས་ལ་ཁོང་གིས་ཡིད་སེམས་འགུལ་བའི་ཐོག་ནས་ང་ལ་མ་ཡུ་ལྕགས་ཀ་ཚང་གི་བུས་སློབ་གྲྭ་ནང་ལ་སློབ་སྦྱོང་ཡག་པོ་གནང་གི་ཡོད་ལུགས་བཤད་མྱོང་བར་བརྟེན། དེ་ནས་བཟུང་སྟེ་ཁོང་ལ་དོ་སྣང་བྱུང་ལ། སྐབས་རེར་དགེན་དམ་པ་ཁོང་དཀོན་མཆོག་རྡོ་རྗེའི་ནང་ལ་ཡོང་གི་འདུག་པ་དང་། དེ་ནས་བཟུང་སྟེ་ངེད་གཉིས་ཕན་ཚུན་ངོ་ཤེས་པར་གྱུར་བ་རེད། ཁོང་ནི་ཤེས་ཡོན་ལ་དོ་སྣང་ཆེ་བ་དང་། རང་ཚུགས་བརྟན་ལ་མི་གཤིས་ཧ་ཅང་བཟང་པོ་ཡོད་ཅིང་། གོང་ཞུས་ལྟར་མཚན་ཉིད་གྲྭ་ཚང་གི་སྐབས་དང་པོའི་དགེ་རྒན་འོས་སྦྱོང་ནང་ལ་འཛུལ་ཞུགས་གནང་ཞིང་དེ་དུས་རྩམ་པ་དུས་དེབ་འདོན་ཐེངས་དང་པོའི་སྟེང་ལ་དགེན་འདས་པོ་དམ་པ་ཁོང་གིས་བོད་ཀྱི་སྦྲང་དཀར་རྩམ་པ་སྐོར་གྱི་རྩོམ་ཡིག་སྤུས་ལེགས་གཅིག་ཀྱང་སྤེལ་འདུག་ཅིང་། ཐེངས་གཅིག་བཀླགས་རྒྱུའི་གོ་སྐབས་བྱུང་ཞིང་སྐབས་དེ་དུས་ནས་དགེན་དམ་པ་ཁོང་ལ་ཡིད་སྨོན་སྐྱེ་མྱོང་ཡོད།

རྩོམ་ཡིག་དེ་ལས་གཞན་དགེན་དམ་པ་ཁོང་གི་རྩོམ་ཡིག་མཇལ་མྱོང་མེད་ཅིང་། དུས་རྒྱུན་དུས་ཚོད་ནམ་ཁོམ་ལ་ཕྱག་དཔེ་ལ་གཟིགས་ཞིབ་གནང་ནས་ཐོས་བསམ་སྒོམ་གསུམ་ལ་འབད་བརྩོན་གནང་བ་ལས་རྩོམ་འབྲིའི་ཐོག་ལ་དེ་ཙམ་ཞིག་དོ་སྣང་མི་གནང་། ལྷག་དོན་རྒྱུན་དུ་སློབ་ཕྲུག་རྣམས་ལ་དེང་རབས་འཁྲུག་ཆ་ཆེ་བའི་སྤྱི་ཚོགས་ནང་ལ་བག་མེད་ཀྱི་འཚོ་བ་རོལ་ཏེ་མི་ཚེའི་འཕྲོག་ལྷག་གཏོང་མི་ཉན་ཚུལ་དང་། སློབ་སྦྱོང་ལ་འབད་བརྩོན་བྱེད་དགོས་པ། ནང་ཁུལ་ལ་ཕན་ཐོགས་མེད་པའི་འཁྲུག་འཛིང་བྱེད་མི་ཉན་ཚུལ་སོགས་ཀྱི་སློབ་གསོ་གནང་གི་ཡོད། དེར་བརྟེན་དམ་པ་ཁོང་གི་སློབ་ཁྲིད་གནང་སའི་མི་རབས་གསར་པ་རྣམས་ལ་བག་ཆག་རླབས་ཆེན་འཇོག་ཡོད་པ་ནི་བརྗོད་མ་དགོས། དེ་འདྲའི་མི་ལོ་ཉི་ཤུ་ལྷག་གི་ཤེས་ཡོན་གྱི་ཞབས་ཕྱི་ཞུ་མཁན་དགེན་དམ་པ་ཁོང་འདས་གྲོངས་ཕྱིན་པ་རེད། ཁོང་ལ་རྗེས་དྲན་ཞུ་བའི་མཚོན་དོན་དུ་སེམས་ནང་གང་ཤར་རྣམས་མྱུར་བཏབ་ཀྱིས་བྲིས་པ་ཞིག་ཡིན་ན་སྐྱོན་དང་ནོར་འཁྲུལ་མཆིས་ཚེ་བློ་གཟུ་བོར་གནས་པའི་ཀློག་པ་པོ་ཡོངས་ལ་བཟོད་གསོལ་ཞུ་རྒྱུ་ལས་མ་འདས། མཐའ་དོན་བོད་མི་རིགས་ལ་བཀའ་དྲིན་བླ་མེད་དུ་ཆེ་བའི་༧རྒྱལ་བ་བསྟན་འཛིན་རྒྱལ་མཚོ་མཆོག་སྐུ་ཚེ་ཡུན་རིང་བརྟན་པ་དང་། བོད་མི་རིགས་ཀྱི་བདེན་མཐའ་མྱུར་དུ་གསལ་བ། དགེན་དམ་པ་ཁོང་གི་བྱས་བསགས་སྡིག་སྒྲིབ་ཐམས་ཅད་དག་ཅིང་། འཕགས་མཆོག་སྤྱན་རས་གཟིགས་ཀྱི་འདུལ་ཞིང་ལ་མི་ལུས་བཟང་པོ་ཞིག་སྐྱེ་བའི་སྨོན་ལམ་ཞུ།

འབྲེལ་ཡོད་གསར་འགྱུར།

ཨ་རྒྱ་ར་གསུམ་གྱི་མགོ་ཁྲིད་མི་འགྱངས་བར་རྒྱ་ནག་ཏུ་ཐུག་འཆར་འདུག  པར་བཅོས་མའི་རིག་ནུས་ཀྱིས་བསྒྲིགས། ༢༠༢༦།༡༡།༡༦
གསར་འགྱུར།

ཨ་རྒྱ་ར་གསུམ་གྱི་མགོ་ཁྲིད་མི་འགྱངས་བར་རྒྱ་ནག་ཏུ་ཐུག་འཆར་འདུག 

ཆུ་ཚོད་ ༩ སྔོན་ལ།
པར་མིས་བཟོས་རིག་ནུས་ཀྱིས་བསྒྲིགས།
Editorials

བོད་སྐད་གསར་ཁང་གཉིས་ལ་གསོན་རེ་ཡོད་དམ།

ཆུ་ཚོད་ ༡༤ སྔོན་ལ།
བོད་ཀྱི་གློག་བརྙན་འཁྲབ་ཁྲིད་གྲགས་ཅན་པདྨ་ཚེ་བརྟན་ལགས།
Mobile App

པདྨ་ཚེ་བརྟན། བོད་བརྙན་གྱི་ཤིང་རྟའི་སྲོལ་འབྱེད།

༢༠༢༦/༡༡/༡༥
Mobile App

བོད་ཀྱིས་སྣང་མེད་དུ་བཏང་བའི་ཉེན་བརྡ། རྒྱལ་ལོ་དོན་གྲུབ་དང་རྒྱ་ནག་གི་བཙན་འཛུལ།

༢༠༢༦/༡༡/༡༤
The Dalai Lama directs a peace sign toward the head table, where U.S. President Barack Obama was seated, during the National Prayer Breakfast in Washington, Feb. 5, 2015.
Mobile App

བོད་སྐོར་གླེང་ཚན་བརྒྱད།  ཡང་སྲིད་གནད་དོན་སྐོར།

༢༠༢༦/༡༡/༡༣
བོད་ནང་གི་བོད་མི་མང་པོ་ཞིག་གིས་སྦྲ་ཆེན་གྱི་ས་ཡོམ་ཐད་ཀྱི་དྲིལ་བསྒྲགས་བརྙན་ཐུང་ལ་སྐྱོན་བརྗོད་བྱེད་ཀྱིན་འདུག ོར་བོད་ཀྱི་དུས་བབ་གསར་ཁང་གིས་བསྒྲིགས། ༢༠༢༦།༡།༡༢
Mobile App

བོད་ནང་གི་བོད་མི་མང་པོ་ཞིག་གིས་སྦྲ་ཆེན་གྱི་ས་ཡོམ་ཐད་ཀྱི་དྲིལ་བསྒྲགས་བརྙན་ཐུང་ལ་སྐྱོན་བརྗོད་བྱེད་ཀྱིན་འདུག 

༢༠༢༦/༡༡/༡༣

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese