གཡུ་སྒང་དགེ་འདུན།
ཕྱི་ལོ་ ༢༠༡༨ ཟླ་ ༣ པའི་ནང་སྤྱི་འཐུས་གྲོས་ཚོགས་འཚོག་ལ་ཉེ་བའི་སྐབས་འདིར་ངས་རང་ཉིད་ལ་འདེམས་བྱ་འདེམས་བྱེད་ཀྱི་ཐོབ་དབང་ཡོད་པའི་ཆོལ་ཁོངས་ཀྱི་འཐུས་མིའི་གཙོས་ཆོལ་ཁ་གཞན་གཉིས་ཀྱི་༸གོང་ས་མཆོག་ལ་བློ་སེམས་རྩེ་གཅིག་ཡིན་མཁན་གྱི་འཐུས་མི་ཚོར་ང་མི་དཀྱུས་མ་ཞིག་གིས་དྲན་བསྐུལ་བྱེད་འདོད་བྱུང་། ངས་གཏམ་ཉོག་མི་བཤད་པར་ཁ་ཐུག་ལ་བརྗོད་རྒྱུ་ཡིན། མང་ཚོགས་མང་པོ་ཞིག་གིས་ཨ་རིའི་དོན་གཅོད་སྐོར་བཤད་ཀྱི་ཡོད་པ་རེད། དེ་ཡང་དངོས་གནས་བཤད་ན་བཀའ་ཤག་གིས་དབང་ཆ་བེད་སྤྱོད་བཏང་བ་ཙམ་ལས་དོན་དངོས་ཉེས་ཅན་པ་ཡིན་པའི་བདེན་དཔང་གསལ་ཐག་ཆོད་ཅིག་བཤད་རྒྱུ་མེད་པ། ད་ལྟའི་བར་དུ་བཀའ་ཤག་གཏམ་བཤད་རབ་དང་རིམ་པར་ལྟོས་དང་། ཞ་ར། འོན་པ། ལྐུག་པ། ཨུ་ཚུགས། ཕྱོགས་ཞེན་སོགས་ཀྱི་སྐྱོན་ཡོད་ན་གནས་ཚུལ་ཐ་དད་རེད་མ་གཏོགས། སྤེན་ཚེའི་གསལ་བཤད་ལས་ལྷག་ཅིག་ག་རེ་འདུག དེ་ཧ་ཅང་ཕྱི་གསལ་ནང་གསལ་རེད། ཡིན་ནའང་དེའི་རིགས་ལ་ངས་གཏམ་ཉོག་མི་བཤད། ངས་བརྗོད་འདོད་པ་དེ་༢༠༡༧་ལོའི་སྤྱི་ཟླ་དགུ་བའི་གྲོས་ཚོགས་སྐབས་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་གྱིས་གནས་ཆུང་ཆོས་རྒྱལ་ཆེན་པོར་མཚན་སྨོད་བྱས་པ་དང་ལྷན་དུ་༸གོང་ས་མཆོག་ལ་ཟུར་ཟ་བྱས་པ་དེ་ཡིན། དེའི་ཚིག་ཆ་ཚང་སྐབས་དེའི་འོད་སྡེར་ཡོད་པས་ངས་འདིར་ཆ་ཚང་བསྐྱར་བཤད་མི་བྱེད། དེ་ལས་ཚིག་རེ་གཉིས་འདིར་བཀོད་ན། ཅིག་ལྷ་རེ་ཞེས། ཅིག་འདྲེ་རེ་ཞེས། ཅིག་བདུད་རེ་ཞེས་མི་མང་ནང་ལ་གཉའ་ནོན་གཏོང་མཁན། བཤུ་གཞོག་གཏོང་མཁན་ཞེས་པའི་ཚིག་འདི་གཅིག་པུ་ལ་བསམ་བློ་ཞིག་ཐོངས་དང་། མི་འདི་ཚད་ག་བ་སླེབས་འདུག ཕྱོགས་གང་དུ་ཚུད་འདུག་སོགས་དབྱེ་ཞིབ་མཐའ་ཆོད་པ་ཞིག་བྱས་ཏེ། གྲོས་ཚོགས་ར་བ་དེ་གཙང་མ་གཙང་རྐྱང་ཞིག་བཟོ་དགོས། དེ་མ་གཏོགས་ད་ལྟའི་ཆར་གྲོས་ཚོགས་ར་བ་དེ་གཅིན་སྐྱག་གི་དྲི་མས་སྦགས་འདུག ཁྱེད་ཚོས་ང་ཚོ་མི་མང་གི་ཚབ་མཚོན་ཐུབ་དགོས་པ་དང་། ཚབ་མཚོན་དགོས་ན་༸གོང་ས་མཆོག་ལ་ཟུར་ཟ་བྱེད་མཁན་གྱི་རིགས་ལ་མཐའ་གཅིག་ཏུ་ཁ་གཏད་ལངས་དགོས་པ་ཁྱེད་ཚོའི་ལས་འགན་ཡིན། ངས་འདིར་ལྟར་བཤད་ན། ཧམ་པ་ཆེ་དྲག་པ་དང་། ཁྲིམས་དང་སྒྲིག་གཞི་མི་ཤེས་པ། བཅའ་ཁྲིམས་དོན་ཚན་མང་པོ་ཞིག་དང་བསྟུན་དགོས་ཚུལ་བརྗོད་སྲིད་མོད། འོན་ཀྱང་། ༸གོང་ས་མཆོག་ལ་མཚན་སྨོད་དང་ཟུར་ཟ་བྱེད་མཁན་ལ་ཁ་གཏད་ལངས་དགོས་པའང་ཁྲིམས་དང་སྒྲིག་གཞིའི་ནང་དུ་བཀོད་ཡོད་པ་གསལ་གསལ་ཐིང་ཐིང་རེད།
ད་ཁ་གསལ་པོ་བྱས་ཏེ་བཤད་རྒྱུ་ཞིག་ནི། ཁྱེད་ཚོས་༸གོང་ས་མཆོག་ལ་མཚན་སྨོད་དང་ཟུར་ཟ་བྱེད་མཁན་ལ་ཁ་གཏད་ལངས་པའི་མི་མང་གི་ཚབ་མཚོན་བྱེད་དང་མི་བྱེད། ༸གོང་ས་མཆོག་གི་བཀའ་གསུང་ལ་ཡིད་ཆེ་ཡོད་དང་མེད། ཚབ་མཚོན་དང་ཡིད་ཆེ་ཡོད་ན་ངེས་པར་དུ་མི་འགྱངས་པར་སླེབས་ལ་ཉེ་བའི་ཕྱི་ཟླ་གསུམ་པའི་ཚོགས་འདུའི་སྐབས་མི་སྨྲ་བའི་རྟུལ་ཞུགས་མི་འཛིན་རྒྱུའི་དྲན་བསྐུལ་ནན་ཞུ་བྱེད་རྒྱུ། གཞན་ཡང་། བཀའ་བརྒྱུད་པ་ཡོངས་ལ་ཞུ་རྒྱུ་ཞིག་ནི། རྒྱལ་བ་རྡོ་རྗེ་འཆང་གིས་གསུངས་པའི་གསང་སྔགས་ཀྱི་གདམས་པའི་བཀའ་བབས་ཀྱི་ཆོས་བརྒྱུད་འཛིན་མཁན་ཆོས་བརྒྱུད་སྤྱི་འཐུས་ལ་འདེམ་བྱ་འདེམས་བྱེད་ཀྱི་ཐོབ་དབང་ཡོད་པའི་དཔལ་རྒྱལ་བ་ཀརྨ་པས་གཙོས་བཀའ་བརྒྱུད་མང་ཚོགས་ཀྱིས་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་ཆོས་བརྒྱུད་བཀའ་བརྒྱུད་པ་དྲི་མས་མ་གོས་པ་ཞིག་ཡིན་དང་མིན་ལ་ཞིབ་འཇུག་བྱེད་རྒྱུའི་དུས་ལ་བབ་འདུག
ཆོས་བརྒྱུད་ཆེན་པོ་དེའི་མགྲིན་ཚབ་ཀྱི་ཐོག་ནས་ཆོས་བརྒྱུད་དེ་ལག་ཆ་བྱས་ནས་ཁོའི་དམིགས་འབེན་འགྲུབ་བཅུག་ན་བློ་ཕམ་སྐྱེ་ཡུལ་དུ་འགྱུར་བས་ཆུ་མ་ཡོང་སྔོན་ལ་རགས་དང་། དགྲ་མ་ཡོང་སྔོན་ལ་ཟློག་པ་ཞེས་པའི་དཔེ་ལྟར། ཆོས་བརྒྱུད་ཆེན་པོ་དེ་གཞན་གྱི་ལག་ཆར་མ་གྱུར་སྔོན་ལ་གཟབ་ནན་བྱེད་རྒྱུ་གལ་ཆེ། མཐའ་སྡོམ། ངས་བཤད་པའི་སྐད་ཆ་འདི་སྤྱི་འཐུས་ཚོགས་མི་ཡོངས་དང་། བཀའ་རྒྱུད་པ་རྣམས་ཀྱིས་མ་མཐོང་མ་ཐོས་མེད་པའི་དྲན་བསྐུལ་དང་ཆབས་ཅིག ང་ཚོའི་སྤྱི་ཚོགས་ཁྲོད་དུ་ཁྱི་ལ་ལས་རིག་ནས་ཟུག་པ་དང་། ཁྱི་ལ་ལས་མ་རིག་པར་ཟུག་མཁན་དག་ལ་ཞུ་རྒྱུ། མགོ་སྐོར། ཨུ་ཚུགས། རང་རློམས། ཕྲག་དོག ཕྲ་མ། ཕྱོགས་ཞེན་སོགས་ཀྱིས་སྤྱི་ཚོགས་ཀྱི་ལྷིང་འཇགས་དཀྲོགས་ལ། དྲང་བདེན། བློ་ཐུབ། བཟོད་བསྲན། གཉོམ་ཆུང། ཚུལ་མཐུན། རིས་མེད་སོགས་ཀྱིས་སྤྱི་ཚོགས་ལ་ལྷིང་འཇགས་བསྐྲུན་པ་དྲན་པར་གྱིས།
གཡུ་སྒང་དགེ་འདུན་།
གྲོས་ཚོགས་ར་བ་གཙང་མ་ཇི་ལྟར་བཟོ་རྩིས་ཡོད།
གྲོས་ཚོགས་ར་བ་གཙང་མ་ཇི་ལྟར་བཟོ་རྩིས་ཡོད།
གྲོས་ཚོགས་ར་བ་གཙང་མ་ཇི་ལྟར་བཟོ་རྩིས་ཡོད། ཧཧཧཧཧཧ
གྲོས་རྭ་གཙང་མ་མ་བཟོས་སྔོན་ལ་མི་མང་གཙང་ཕྱག་བྱེད་དགོས། དེ་ལྟར་བྱས་ན་དམར་ཤོག་དང་གཅིག་པ་མ་རེད་པས་ཨ།
སྙིང་རྗེ་བརྩོན་འགྲུས་ཉི་མ་རྩ་བ་ནས་མི་ནོར་འདུག བརྟག་དཔྱད་མེད་པའི་གཏམ།ཧཧཧཧ་ཧོ་ཧོ་ཧོ་ཧོ་་་་་།
གཡུ་སྒང་ལགས་ཁྱེད་ད་ལྟ་རྒྱལ་ཁབ་གང་དུ་བཞུགས་ཡོད་དམ། བོད་ཀྱི་རྩོམ་པ་པོའི་མཐུན་ཚོགས་ཀྱི་དྲུང་ཆེའི་ལས་དུས་མ་རྫོགས་གོང་ནས་བརླགས་སོང་བས་དང་པོ་ཁྱེད་རང་གིས་བོད་བསྟན་སྲིད་དོན་དུ་ལས་དོན་གང་བསྒྲུབ་ཡོད་པ་ངོ་སྤྲོད་ཅིག་གྱིས་དང་།
the root of Democracy is, people and we must clean peoples mind.
གྲོས་ཚོགས་ར་བ་གཙང་མ་བཟོ་ཐུབ་མིན་མི་ཤེས་ཀྱང་གལ་ཆེ་ཤོས་དེ་འོས་འཕེན་མཁན་གྱི་མི་མང་གི་ཀུན་སློང་གཙང་མ་བཟོ་དགོས་པ་དེ་གལ་ཆེན་མ་རེད་དམ་ཧཧཧཧཧཧ
འདི་སྒེར་གྱི་བསམ་ཚུལ་ཡིན་ནམ་ཡང་ན་བོད་མི་མང་སྤྱི་མཐུན་གྲོས་ཚོགས་ལ་བཀའ་བཏང་ཡིན་