དམིགས་བསལ་ལེ་ཚན་གྱི་སྔོན་བརྡ།

བོད་མི་རྣམས་བཙན་བྱོལ་དུ་འབྱོར་ནས་མི་ལོ་ ༦༠ འགྲོ་བཞིན་ཡོད་པ་དང་། ད་ལྟའི་ཆར་རྒྱ་བལ་འབྲུག་གསུམ་གྱི་གཙོས་འཛམ་གླིང་གི་རྒྱལ་ཁབ་ ༣༠ ཙམ་ནང་གནས་སྟངས་འདྲ་མིན་གྱི་འོག་ཁ་འཐོར་དུ་གནས་ཡོད་སྟབས། འདི་ག་བོད་ཀྱི་དུས་བབ་གསར་ཁང་ནས་“ང་ཡི་བཙན་བྱོལ་བ”ཞེས་པའི་དྲ་བརྙན་དམིགས་བསལ་ལེ་ཚན་ཞིག་མི་འགྱངས་བར་མགོ་འཛུགས་བྱ་རྒྱུ་ཡིན།
དམིགས་བསལ་དྲ་བརྙན་ལེ་ཚན་འདིའི་ནང་ཐོག་མར་བཙན་བྱོལ་བོད་མིའི་ལྟེ་གནས་རྒྱ་གར་ནང་ལོགས་ཀྱི་བོད་མིའི་གཞིས་ཆགས་ཁག་དང་དགོན་སྡེ། དེ་བཞིན་སློབ་གྲྭ་དང་རིག་གཞུང་ལྟེ་གནས་སོགས་སུ་གསར་འགོད་པས་སྐོར་སྐྱོད་བྱས་ཏེ། ས་གནས་བོད་མིའི་གནས་སྟངས་དངོས་ལ་རྒྱུས་ལོན་དང་ཟམ་པ་ལྟ་བུའི་སྤྱི་ཚོགས་འབྲེལ་མཐུད་ཀྱི་ནུས་པ་འཐོན་ཐུབ་པར་འབད་བརྩོན་བྱ་རྒྱུ་ཡིན།
“ང་ཡི་བཙན་བྱོལ་བ”ཞེས་པའི་སྐོར་སྐྱོད་ཀྱི་དམིགས་བསལ་ལེ་ཚན་འདིའི་ཞིབ་ཕྲའི་གནས་ཚུལ་མཁྱེན་འདོད་ཡོད་པ་དང་། ས་གནས་སོ་སོའི་དགོས་མཁོར་གཟིགས་ཏེ་ང་ཚོའི་སྐོར་སྐྱོད་པར་གནས་ཚུལ་མཁོ་སྤྲོད་གནང་འདོད་ཡོད་རིགས་ནས་ཐད་ཀར་འབྲེལ་བ་གནང་རོགས།
ཁ་པར་ཨང་གྲངས། ༩༨༨༢༣༤༧༠༧༥།༨༦༢༩༠༦༡༦༦༨
གློག་འཕྲིན་ཁ་བྱང་། editor@tibettimes.net/ office@tibettimes.net

https://youtu.be/KjqmrX9-ENM