༧གོང་ས་མཆོག་ནས་མ་འོངས་པར་རྒྱ་ནག་གཞུང་གིས་རྒྱལ་བའི་ཡང་སྲིད་ཅིག་ངོས་འཛིན་བྱས་པ་ཡིན་ནའང་མི་མང་གིས་ཡིད་ཆེས་དང་བརྩི་བཀུར་འཐོབ་རྒྱུ་ཕར་ཞོག་རྒྱ་གཞུང་ལ་དཀའ་ངལ་འཕར་མ་ཞིག་ཆགས་རྒྱུ་ཡིན་སྐོར་གསུངས་འདུག
ཁ་སང་རོའུ་ཊར་གསར་ཁང་གིས་༧གོང་ས་རྒྱལ་བ་རིན་པོ་ཆེ་མཆོག་ལ་ཁོང་གི་ཡང་སྲིད་སྐོར་ལ་བཀའ་འདྲི་ཞུས་སྐབས་མགོན་པོ་གང་ཉིད་ཀྱིས། རྒྱ་ནག་གཞུང་གིས་ཏཱ་ལའི་བླ་མའི་ཡང་སྲིད་ནི་ད་ལྟའི་ཏཱ་ལའི་བླ་མ་ལས་ལྷག་གལ་ཆེན་ཏུ་བརྩི་ནས་སེམས་འཁུར་ཆེན་པོ་བྱེད་ཀྱི་འདུག་ཀྱང་། ངོས་རང་དེའི་ཐད་སེམས་འཁུར་གང་ཡང་མི་འདུག མ་འོངས་པར་རྒྱ་ནག་གཞུང་གིས་བདམས་པའི་ཏཱ་ལའི་བླ་མ་ཞིག་དང་རང་དབང་ལུང་པ་འདིའི་ནང་ཏཱ་ལའི་བླ་མ་ཞིག་བྱུང་ཚེ། རྒྱ་ནག་གཞུང་གི་ཏཱ་ལའི་བླ་མར་ཡིད་ཆེས་དང་བརྩི་བཀུར་བྱེད་མཁན་སུ་ཡང་མེད་པས། དེ་ནི་རྒྱ་ནག་གི་དཀའ་ངལ་འཕར་མ་ཞིག་ཡིན་པ་དང་། དེ་འདྲ་ཡོང་མི་སྲིད་པ་ཞིག་མ་རེད། ཅེས་གསུངས་འདུག
ཡང་སྲིད་ངོས་འཛིན་སྐོར་ལ་༧གོང་ས་མཆོག་གིས། ཏཱ་ལའི་བླ་མ་འདི་དགོངས་པ་རྫོགས་རྗེས། ཡང་སྲིད་ཀྱི་བྱེད་སྒོ་དང་དེ་མུ་མཐུད་དགོས་དང་མི་དགོས་ཀྱི་ཐག་གཅོད་ནི་འདི་ལོའི་ལོ་མཇུག་གི་བླ་ཆེན་ཁག་གི་ཚོགས་འདུའི་སྐབས་སྐད་ཆ་ཡོང་སྲིད་པ་དང་། སྟོན་པ་བཅོམ་ལྡན་འདས་ལ་ཡང་སྲིད་མེད་ནའང་ཁོང་གི་ཆོས་འཛམ་གླིང་ལ་ད་དུང་གནས་ཡོད། དགའ་ལྡན་ཕོ་བྲང་གི་སྒྲིག་འཛུགས་འདི་དོན་ངོ་མར་བོད་མི་མང་ལ་དགོས་མཁོ་བྱུང་ཚེ་མུ་མཐུད་གནས་རྒྱུ་རེད་ལ། དེ་ནས་ཏཱ་ལའི་བླ་མ་སྐུ་ཕྲེང་བཅོ་ལྔ་པ་དེ་དགོས་མིན་གྱི་དྲི་བ་དེ་ཡང་ཡོང་གི་ཡོད་པ་དང་། གལ་སྲིད་སྐུ་ཕྲེང་བཅོ་ལྔ་པ་ཞིག་བྱུང་ཚེ། དེར་ཡང་ཆབ་སྲིད་ཀྱི་འགན་ཅི་ཡང་མེད་ངེས་ཡིན་སྐོར་གསུངས་འདུག
དེ་བཞིན་རྒྱ་ནག་ལ་ཕེབས་འདུན་ཡོད་སྐོར་གསུངས་པའི་ནང་། ༧ཁོང་ནི་འཇིག་རྟེན་ཁམས་ཀྱི་རིག་པ་ (Cosmology) དང་དབང་རྩའི་སྐྱེ་དངོས་རིག་པ (Nuerobiology) ། ཀོན་ཊམ་རྣམ་བཞག་ (Quantum Physics) དང་སེམས་ཁམས་རིག་པའི་ཐོག་ཐུགས་མོས་ཆེན་པོ་ཡོད་པ་མ་ཟད། གལ་སྲིད་ཕྱིར་ཕ་ཡུལ་ལ་ཕེབས་ཐུབ་པ་བྱུང་ཚེ། རྒྱ་ནག་གི་སློབ་གྲྭ་ཆེན་མོ་ཁག་གི་ནང་བརྗོད་གཞི་དེ་ཚོའི་ཐོག་བཀའ་མོལ་གནང་འདོད་ཡོད་ལ། སྤྱིར་རྒྱ་ནག་ནི་སྟོབས་ཆེན་དང་གནའ་བོའི་རྒྱལ་ཁབ་ཅིག་ཡིན་ནའང་། ད་ལྟ་རྒྱ་ནག་གི་གཞུང་ནི་གཅིག་སྡུད་རིང་ལུགས་དང་རང་དབང་མེད་པའི་རྒྱལ་ཁབ་ཅིག་ཡིན་སྟབས། རྒྱ་ནག་གི་དམར་ཤོག་གཞུང་ལ་འགྱུར་བ་ཞིག་མ་བྱུང་བར་དུ་བོད་ལ་ལོག་ཐུབ་རྒྱུའི་ཐུགས་རེ་དེ་ཙམ་མེད་ལ། དེའི་བར་དུ་རྒྱ་གར་རང་དབང་ལུང་བའི་ནང་བཞུགས་འདུན་ཡོད་སྐོར་གསུངས་འདུག
ཡང་བོད་རྒྱ་འབྲེལ་མོལ་སྐོར་ལ་བཀའ་འདྲི་ཞུས་པར་བོད་ནང་དང་བཙན་བྱོལ་དུ་ཡོད་པའི་བོད་མིའི་འབྲེལ་ལམ་དམ་ཟབ་ཏུ་འགྲོ་བཞིན་ཡོད་ལ། རྒྱ་ནག་གཞུང་དང་འབྲེལ་བ་དམ་ཟབ་ཡོད་པའི་ཚོང་བ་དང་གཞུང་ཞབས་བགྲེས་ཡོལ་ཞུས་ཟིན་མཁན་ཚོས་དུས་ནས་དུས་སུ་མཇལ་བཅར་ཞུ་ཡི་ཡོད་ཀྱང་། རྒྱ་ནག་གཞུང་དང་༧ཁོང་གི་སྐུ་ཚབ་བར་གཞུང་འབྲེལ་གྱི་ཐུག་འཕྲད་ནི་ཕྱི་ལོ་ ༢༠༡༠ ནས་བཟུང་བྱུང་མེད་པའི་སྐོར་གསུངས་འདུག
གསར་འགོད་པ། ཀླུ་མགོན་ཐར།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
༧གོང་ས་མཆོས་ནི་་་ བོད་ཆོས་སྡེ་ཞིང་ཁམས་་་ །གངས་རི་རྭ་བའི་བསྐོར་བའི་ཞིང་ཁམས་དེར། །ཕན་དང་བདེ་བ་མ་ལུས་འབྱུང་བའི་གནས། །སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི། །ཞབས་པད་སྲིད་མཐའི་བར་དུ་བརྟན་གྱུར་ཅིག །། We Tibet- One ☝️ Mind… His Holiness. One ☝️ Dream… Free Tibet. Long Live His Holiness. Victory Free Tibet ✌️ Victory Middle Way✌️
China’s usually Dreams is… Tibet for ruling Under ?⛓???? ???
How Horrific China ??? ☠️❓………………..??