མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ལོ་རྒྱུས་ཀྱི་བདག་པོ་ཡིན་པའི་ཆ་ནས་རང་བཙན་རྩོད་ཀྱི་ཡོད།

བོད་ཀྱི་དུས་བབ།
༢༠༡༩/༠༦/༡༡
Share on FacebookShare on TwitterShare on EmailShare on Whatsapp

འདི་ལོའི་བོད་ཀྱི་གཞོན་ནུ་ལྷན་ཚོགས་ཀྱི་རྒྱལ་གཅེས་དཔའ་བོའི་གཟེངས་རྟགས་དེ་བོད་དོན་ཆེད་རང་ལུས་མེར་སྲེག་གནང་མཁན་རྒྱལ་གཅེས་དཔའ་བོ་བསྟན་འཛིན་ཆོས་དབྱིངས་སུ་ཕུལ་གནང་སོང་།
དེ་རིང་སྔ་དྲོའི་ཆུ་ཚོད་ ༩ སྟེང་། དྷ་རམ་ས་ལ་དྷ་ཤོད་རྒྱ་གར་ཡུལ་མིའི་བདེ་དོན་ཚོགས་ཁང་(MCD)དུ་ཕྱི་ལོ་ ༢༠༡༩ ལོའི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་ ༡༧ པ་དབུ་འཛུགས་གནང་སོང་བ་དང་། མཛད་སྒོའི་སྐུ་མགྲོན་གཙོ་བོར་ཧིན་བོད་མཛའ་འབྲེལ་ཚོགས་པའི་ཚོགས་གཙོ་སྐུ་ཞབས་ཤྲི་ཨ་ཇེ་སིང་ (Shri Ajay Singh) མཆོག་དང༌བོད་མི་མང་སྤྱི་འཐུས་རྒྱུན་ལས་ཁག་ཅིག བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཟུར་བ་བློ་བཟང་སྦྱིན་པ་ལགས་དང་གཞོན་ནུ་ལྷན་ཚོགས་ཀྱི་དབུས་རྒྱུན་ཟུར་རྣམས། དྷ་ས་ས་གནས་མགོ་འཛིན་དང་ས་གནས་གྲོས་ཚོགས་ཀྱི་ཚོགས་གཙོ། དྷ་ས་རང་བདེན་ཚོགས་ཆུང་གི་ཚོགས་གཙོ་དང་དྷ་ས་ཁུལ་གྱི་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་གཙོ་དང་སྐུ་ཚབ། བོད་ཀྱི་གཞོན་ནུ་ལྷན་ཚོགས་ཀྱི་ས་གནས་ཁག་ ༤༥ ནས་སྐུ་ཚབ་ཚོགས་བཅར་བ་ ༡༥༠ བཅས་ཁྱོན་མི་གྲངས་ ༢༠༠ མ་ཟིན་ཙམ་ཞིག་འཛོམས་འདུག

མཛད་སྒོའི་ཐོག་མར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་བསྟན་འཛིན་འཇིགས་མེད་ཀྱིས་ཚོགས་འདུ་དབུ་འབྱེད་ཀྱི་གསུང་བཤད་སྐབས། བོད་མི་ཚོས་འདི་ལོའི་གསུམ་བཅུའི་དུས་དྲན་སྐབས་ལས་འགུལ་ཧ་ཅང་ཚགས་ཚུད་པོ་སྤེལ་གནང་ཡོད་པ་དང་། བོད་མི་ཚོས་དེ་ཙམ་ཞིག་གིས་འདོད་པ་ཁེངས་རྒྱུ་མེད་པར་མུ་མཐུད་བོད་ཀྱི་བདེན་མཐའ་མ་གསལ་བར་དུ་ལས་འགུལ་སྤེལ་དགོས་པ་དང་། རྒྱ་ནག་ལ་མཚོན་ན་ད་ལྟའི་ཆར་སྟོབས་ཆེན་རེད་ཟེར་མཁན་ཡོད་ན་ཡང་། རྒྱ་ནག་ནང་ཕྱི་དངོས་པོ་ཡར་རྒྱས་སོང་ཡོད་པ་ཙམ་ལས་ནང་དུ་མི་མང་ལ་མང་གཙོའི་རང་དབང་དང་། ཆོས་དད་རང་དབང་། གསར་འགོད་རང་དབང་སོགས་མེད་པས་ཉིན་གཅིག་རྒྱ་ནག་མི་མང་ཡིན་ནའང་། རྒྱ་ནག་དམར་ཤོག་གཞུང་ལ་ངོ་རྒོལ་ལས་འགུལ་སྤེལ་རྒྱུ་ཡིན་སྐོར་བརྗོད་སོང་།

ཡང་བོད་ཀྱི་གཞོན་ནུ་ལྷན་ཚོགས་ཀྱི་ལངས་ཕྱོགས་དང་ལོ་རྒྱུས་ཀྱི་འགན་འཁྲི་ཡོད་པའི་སྐོར་ལ་ཁོང་གིས། བོད་ཀྱི་གཞོན་ནུ་ལྷན་ཚོགས་ཀྱི་ལངས་ཕྱོགས་དེ་རང་བཙན་རེད། དེ་ང་ཚོ་བོད་པ་ཡིན་པའི་ཆ་ནས། ཐོབ་ཐང་ཡིན་པའི་ཆ་ནས། ང་རང་ཚོའི་ལས་འགན་ཡིན་པའི་ཆ་ནས། ལོ་རྒྱུས་ཀྱི་བདག་པོ་ཡིན་པའི་ཆ་ནས། ང་ཚོས་རང་བཙན་རྩོད་ཀྱི་ཡོད། ཡིན་ནའང་ལངས་ཕྱོགས་གཞན་པ་ལ་དགག་པ་གང་ཡང་མེད་ལ། དམིགས་བསལ་དབུ་མའི་ལམ་གྱི་སྲིད་བྱུས་ལྟ་བུ་ལ་གུས་གཙི་བྱེད་ཀྱི་ཡོད། བོད་ཀྱི་དཀའ་ངལ་སེལ་དགོས་པ་དང་དཀའ་ངལ་སེལ་ཐབས་སུ་ཐབས་བྱུས་འདྲ་མིན་ཡོད་ཆོག་པ་དང་། ཡོད་དགོས་ངེས་ཤིག་ཀྱང་ཡིན་པས་མ་འོངས་པར་ལངས་ཕྱོགས་ག་རེ་ཡིན་མིན་ལ་མ་ལྟོས་པར་བོད་མི་ཚོས་ཆིག་སྒྲིལ་དགོས་པ་གལ་ཆེན་ཡིན་སྐོར་བརྗོད་སོང་།

ཧིན་བོད་མཛའ་འབྲེལ་ཚོགས་པའི་ཚོགས་གཙོ་མཆོག་གིས་བོད་མི་ཚོས་རང་གི་རིག་གཞུང་དང་ཆོས་ལུགས། ཡུལ་སྲོལ་གོམས་གཤིས་སོགས་ལ་བདག་སྐྱོང་བྱས་ཏེ། བོད་དོན་འཐབ་རྩོད་མུ་མཐུད་གནང་དགོས་པ་དང་། རྒྱ་ནག་དེ་སྟོབས་ཆེན་ག་ཚོད་ཡིན་ན་ཡང་རྒྱལ་སྤྱིའི་ཐོག་རྒྱ་ནག་ལ་མཐོང་གང་ཡང་མེད་པས། བོད་མི་ཚོ་ས་ཆ་གང་དུ་ཡོད་ཀྱང་༧གོང་ས་རྒྱལ་བ་རིན་པོ་ཆེ་མཆོག་གི་ཐུགས་རྗེ་དཀའ་དྲིན་འོག་བོད་དོན་འཐབ་རྩོད་ལ་ལུས་ངག་གཉིས་ནས་འབད་བརྩོན་དགོས་སྐོར་དང་། དེ་བཞིན་བོད་ཀྱི་གཞོན་ནུ་ལྷན་ཚོགས་དེ་དམིགས་བསལ་གྱི་ཚོགས་པ་ཞིག་ཡིན་པ་དང་། བོད་དོན་འཐབ་རྩོད་མུ་མཐུད་བྱས་ནས་བོད་རང་བཙན་ཐོབ་སྟེ་ཁྱེད་ཚོ་བོད་དུ་ལོག་ཐུབ་པའི་རེ་བ་ཡོད་སྐོར་གསུངས་སོང་།
དེའི་རྗེས་བོད་ཀྱི་གཞོན་ནུ་ལྷན་ཚོགས་ངོས་ནས་ལོ་རེ་བཞིན་རྒྱལ་གཅེས་དཔའ་བོའི་གཟེངས་རྟགས་དང་ས་གནས་རྒྱུན་ལས་སྔ་རྗེས་བསྡོམས་ཞབས་ལོ་ ༡༥ ལྷག་གནང་བའི་གཟེངས་རྟགས། སློབ་གྲྭ་ཁག་གི་ནང་རྩོམ་ཡིག་འགྲན་སྡུར་བྱ་དགའ་དང་ལས་འགུལ་ཁག་ལ་དཔལ་འབྱོར་གྱི་རྒྱབ་སྐྱོར་གནང་མཁན་བཅས་ལ་ལེགས་གསོལ་བྱ་དགའ་གནང་སོང་བ་དང་། འདི་ལོའི་རྒྱལ་གཅེས་དཔའ་བོའི་གཟེངས་རྟགས་དེ་ཕྱི་ལོ་༢༠༡༧ ཟླ་ ༧ ཚེས་ ༡༤ ཉིན་ཝ་ཎ་མཐོ་སློབ་ཁང་དུ་བོད་དོན་ཆེད་རང་ལུས་མེར་སྲེག་གནང་མཁན་བསྟན་འཛིན་ཆོས་དབྱིངས་སུ་ཕུལ་སོང་བ་དང་། ཐེངས་འདིར་ཁོང་གི་ཕ་མ་གཉིས་ནས་རྒྱལ་གཅེས་དཔའ་བོའི་གཟེངས་རྟགས་བཞེས་གནང་སོང་།

མཇུག་ཏུ་ཚོགས་གཞོན་རྟ་མགྲིན་སྲི་ཐར་ལགས་ཀྱིས་མཇུག་བསྡུའི་གཏམ་བཤད་སྐབས། འདི་ལོའི་གཞོན་ལྷན་གྱི་ཚོགས་འདུ་དེ་ལོ་རྒྱུས་རང་བཞིན་གྱི་ངང་ནས་ཧ་ཅང་གལ་ཆེན་པོ་དང་གནད་འགག་ཆེན་པོ་ཞིག་ཆགས་ཡོད་པ་དང་། རྒྱུ་མཚན་དེ་ཐེངས་འདིར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དབུས་རྒྱུན་ལ་འཕོ་འགྱུར་དང་། ས་གནས་གཞོན་ནུའི་རྒྱུན་ལས་གསར་བ་མང་པོ་ཞིག་འཛོམས་ཡོད་པ་དང་། གཞོན་སྐྱེས་མང་པོ་ཞིག་འདིར་འཛོམས་ཡོད་སྟབས་ཚོགས་ཆེན་གྱི་ཉིན་ ༦ རིང་སོ་སོའི་རྒྱལ་ཁབ་དང་མི་རིགས་ཀྱི་འཐབ་རྩོད་བྱ་ཕྱོགས་སྐོར་ལ་ཚོགས་འདུའི་སྟེང་གྲོས་སྡུར་བྱས་ཏེ། མ་འོངས་བོད་ཀྱི་འཐབ་རྩོད་ཐད་བསམ་བློ་གསར་བ་དང་འཆར་གཞི་གསར་བ་སྐྱེས་ཐུབ་པ་ཞིག་ལ་ཐུག་ཡོད་སྟབས། ཚོགས་ཆེན་འདི་གནད་འགག་ཆེན་པོ་ཆགས་ཡོད་སྐོར་བརྗོད་སོང་།
ཐེངས་འདིའི་གཞོན་ལྷན་ཚོགས་ཆེན་སྟེང་ཉིན་ ༦ རིང་བརྗོད་གཞི་གཙོ་བོ་བོད་ཀྱི་གཞོན་ནུ་ལྷན་ཚོགས་ཀྱི་དམིགས་ཡུལ་དང་འབྲེལ་བའི་ཆབ་སྲིད་ལས་དོན་སྤེལ་ཕྱོགས་་དང་། བོད་རང་བཙན་སླར་གསོའི་ལས་འགུལ་ཁག་སྔར་ལྷག་ནུས་སྟོབས་གོང་འཕེལ་གཏོང་ཕྱོགས། བོད་རྒྱལ་ཁབ་ཀྱི་དོན་དུ་རང་ལུས་མེར་བསྲེག་གནང་མཁན་རྣམ་པས་གཙོས་རྒྱལ་གཅེས་དཔའ་བོ་དཔའ་མོ་ཚོའི་མངོན་འདོད་དང་ཞལ་ཆེམས་བསྒྲུབ་ཐབས། དགྲ་བོ་རྒྱ་ནག་གི་བཙོན་ཁང་དུ་ཡོད་པའི་༧ཀུན་གཟིགས་པཎ་ཆེན་ཆུང་སྲིད་རིན་པོ་ཆེ་གཙོས་པའི་བོད་ཀྱི་ཆབ་སྲིད་བཙོན་པ་ཡོངས་རྫོགས་གློད་གྲོལ་ཆེད་གཞོན་ལྷན་ནས་ལས་འགུལ་སྤེལ་ཕྱོགས། ༧གོང་ས་རྒྱལ་བ་རིན་པོ་ཆེ་མཆོག་གི་སྐུ་ཕྱྭའི་སྐོར། ཆོས་དང་རིག་གཞུང་སྲུང་སྐྱོབ་དར་སྤེལ། ༧གོང་ས་རྒྱལ་བ་རིན་པོ་ཆེ་མཆོག་གི་བཀའ་དགོངས་ལམ་སྟོན་དང་བོད་ཀྱི་གཞོན་ནུ་ལྷན་ཚོགས་ཀྱི་དམིགས་ཡུལ་དགོངས་དོན་ལྟར་བཙན་བྱོལ་བོད་མིའི་སྤྱི་ཚོགས་ནང་བོད་ཀྱི་སྐད་ཡིག་དང་རིག་གཞུང་མི་ཉམས་རྒྱུན་འཛིན་དང་ཉམས་པ་སླར་གསོའི་གནང་ཕྱོགས། གཞོན་ལྷན་དབུས་ས་གཉིས་ནས་རྩིས་ཁྲ་ཞིབ་བཤེར་དང་སྤྱི་ཚོགས་ཞབས་ཞུའི་ལས་དོན་སྐོར་སོགས་ཡིན་འདུག

གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

Mobile App

བོད་རང་སྐྱོང་ལྗོངས་ཟེར་བའི་མགོ་ཁྲིད་ཅིག་འཛིན་བཟུང་བྱས་ཡོད་ཟེར།

ཆུ་ཚོད་ ༡༡ སྔོན་ལ།
Odisha train accident LIVE: Locals, security personnel and NDRF during the search and rescue operation at the site where Coromandel, Bengaluru-Howrah Express trains derailed last night, in Balasore district, Saturday, June 3, 2023. (PTI Photo)
༧གོང་ས་མཆོག གསུང་འཕྲིན།

མེ་འཁོར་གདོང་ཐུག་བྱུང་ནས་མི་གྲངས་ ༢༣༣ ལྷག་རྐྱེན་འདས་སུ་གྱུར་བར་ཐུགས་སྨོན་མཛད།

ཆུ་ཚོད་ ༡༡ སྔོན་ལ།
His Holiness the Dalai Lama speaking to more than 500 graduates and students of the Nalanda Master and Diploma Course at the Main Tibetan Temple in Dharmsala, HP, India on June 2, 2023. Photo by Tenzin Choejor
༸གོང་ས་མཆོག གསར་འགྱུར།

ལྡི་ལི་བོད་ཁང་གི་ནཱ་ལེནྡྲའི་རིག་གཞུང་སློབ་གཉེར་བ་ཁག་ཅིག་ལ་བཀའ་ཆོས་བསྩལ།

༢༠༢༣/༠༦/༠༢
༧གོང་ས་མཆོག་ནས་ལི་ཌི་ཝ་ཡའི་སྲིད་འཛིན་གསར་པར་འཚམས་འདྲི་མཛད།
༧གོང་ས་མཆོག གསུང་འཕྲིན།

༧གོང་ས་མཆོག་ནས་འཚམས་འདྲི་མཛད་འདུག

༢༠༢༣/༠༦/༠༢
Vice President of Czech Senate Hon’ble Jiri Ruzicka and Senator Rabas, Chairman of Czech Senate Parliamentary Group for Tibet hoisting Tibetan National Flag on the Senate parliament, marking the Tibetan National Uprising Day on 10 March
Mobile App

ཅེག་གྲོས་ཚོགས་ཀྱིས་བོད་དོན་རྒྱབ་སྐྱོར་གྱི་གྲོས་ཆོད་ཅིག་གཏན་འབེབས་བྱས།

༢༠༢༣/༠༦/༠༢
པར་གནས་ཚུལ་མཁོ་སྤྲོད་པས་འདི་གར་བདག་སྤྲོད་གནང་།
Mobile App

ཉག་ཆུའི་ནགས་ཚལ་ཞིག་ལ་མེ་སྐྱོན་ཚབས་ཆེན་བྱུང་།

༢༠༢༣/༠༦/༠༡

མཆན། 3

  1. Lhatse says:
    ལོ་ 4 སྔོན།

    ད་བར་སྤྱི་ནོར་༧གོང་ས་མཆོག་གིས་དབུ་མའི་ལམ་ཐོག་བཀའ་སློབ་གསལ་ཞིང་གསལ་བ་ཐེངས་མང་གནང་ཡོད་ཀྱང་ང་ཚོས་ད་དུང་ཡང་གོ་མ་ཚོད་པ་ཡིན་ནའམ། གོ་ཚོད་ཐུབ་ཀྱི་མེད་པ་ཡིན་ནའམ། གོ་ཚོད་ཀྱི་ཡོད་ཀྱང་ཕན་ནུས་གཟིགས་ཐུབ་ཀྱི་མེད་པ་ཡིན་ནམ། ༧གོང་ས་མཆོག་ནས་ཐེངས་མང་དབུ་མའི་ལམ་འདེམས་དགོས་པའི་རྒྱུ་ཚན་དང་དུས་ཚོད་དང་གནད་འགག་ཇི་འདྲ་ཞིག་ལ་སླེབས་ཡོད་མེད་སྐོར་བཀའ་སློབ་གནང་ཡོད་ཀྱང་། ད་དུང་རང་བཙན་གཙང་མར་མུ་འཐུད་རེ་བ་རྒྱབ་ནས་བཞུགས་དགོས་དོན་ཅི། ང་ཚོའི་བོད་ཡུལ་ནང་རྒྱ་ནག་ག་ཚོད་ཞིག་གནས་སྤོས་བྱས་ཀྱི་ཡོད་པ་རྒྱལ་སྤྱིའི་གནས་ཚུལ་ནང་གཟིགས་མེད་པ་ཡིན་ནམ། སོ་སོའི་ལུང་པར་རྒྱ་མིས་ཁེངས་འཇུག་རྒྱུ་ཡིན་ནམ། སོ་སོའི་ལུང་པའི་ནང་གྲངས་ཉུང་མི་རིགས་ཆགས་ནས་བསྡོད་རྒྱུ་ཡིན་ནམ། ངེས་པར་དུ་བསམ་བློ་ནན་པོ་ཞིག་གཏང་དགོས་ས་རེ་གོ།

    Reply
  2. གཞུང་པ་ཚེ་དབང་བསོད་ནམས་ says:
    ལོ་ 4 སྔོན།

    རང་བཙན་མི་འདོད་བོད་མི་གཅིག་ཀྱང་མེད།
    རང་བཙན་ལེན་པའི་ནུས་པ་ཆིག་བསྒྲིལ་རག།
    དབུ་ལམ་རྒྱུད་ནས་བོད་ཀྱི་དཀའ་སྙོགས་དེ།
    སེལ་བའི་ནུས་པ་བོད་མིའི་སྒྲིག་འཛུགས་ཙམ།

    Reply
  3. kalsang dawa says:
    ལོ་ 4 སྔོན།

    ༄།བོད་ཀྱི་གཞོན་ནུ་ལྷན་ཚོགས་ནས་ཆབ་་སྲིད་ལངས་ཕྱོགས་གཞན་ལ་དགག་པ་མེད་པའི་ཐོག་བོད་རང་བཙན་འཐབ་རྩོད་གནང་བ་ད་ལྟའི་ཚོགས་མི་ཡོངས་ལ་རྗེས་སུ་ཡིད་རང་དང་འདས་ཟིན་པའི་ཚོགས་མིའི་ལྷག་བསམ་ལ་རྗེས་དྲན་ཞུ།ཀུན་གཟིགས་པཎ་ཆེན་ཆུང་སྲིད་རིན་པོ་ཆེ་རྒྱ་ནག་གཞུང་གི་་་་བཙོན་ཁང་དུ་ཡོད་པ་་་་བཟང་བཙོན་ནང་ཡོད་པ་་་་དོ་དམ་འོག་ཡོད་པ་་་་བཅས་ཚིག་གང་ཞིག་བརྗོད་དགོས་པ་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་རྣམས་གཅིག་གྱུར་དགོས་པ་གལ་ཆེ་བས་ཚང་མས་ཐུགས་ལ་མངའ་བ་མཁྱེེན།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist