མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

མིས་བཟོས་པའི་དཀའ་ངལ་རྣམས་རྩ་མེད་བཟོ་མ་ཐུབ་ཀྱང་ཉུང་དུ་གཏོང་བའི་ནུས་པ་ང་ཚོར་ཡོད།

བོད་ཀྱི་དུས་བབ།
༢༠༡༩/༡༠/༣༠
Share on FacebookShare on TwitterShare on EmailShare on Whatsapp

༧གོང་ས་རྒྱལ་བ་རིན་པོ་ཆེ་མཆོག་ནས་ང་ཚོ་ཚང་མ་གཅིག་གཞོག་གཅིག་སྡོད་ཀྱི་ཚུལ་དུ་གནས་དགོས་པའི་གཞན་སེམས་གྱི་བློ་འཁུར་ཚེ་ཕན་ཚུན་གསོད་རེས་བྱེད་པ་དེ་ཧ་ཅང་གུ་དོག་པའི་བསམ་བློ་རྙིང་པ་ཞིག་ཡིན་པ་ཤེས་ཐུབ་པའི་བཀའ་སློབ་བསྩལ།དེ་རིང་སྔ་དྲོའི་ཆུ་ཚོད་ ༩།༣༠ སྟེང་བཞུགས་སྒར་རྒྱལ་བའི་ཕོ་བྲང་དུ། ཨ་རིའི་སེམས་དང་སྲོག་ལྟེ་གནས་ཁང་ Mind and Life Institute)གི་གོ་སྒྲིག་འོག ༧གོང་ས་རྒྱལ་བ་རིན་པོ་ཆེ་མཆོག་ནས་སྐྱེ་འཕེལ་རིག་པའི་སློབ་དཔོན་ཌེ་ཝིཌ་སི་ལོན་ཝིལ་སོན་(David Sloan Wilson)གྱི་དབུས་པའི་ཕྱི་རྒྱལ་གྱི་མིའི་རིགས་རིག་པ་བ་དང་། སྤྱི་ཚོགས་ཚན་རིག་པ་ཁག་ཅིག་དང་ལྷན་དུ་བྱམས་བརྩེ་དང་། ཕན་ཚུན་འབྲེལ་བ། འགྱུར་ལྡོག་བཅས་ཀྱི་སྐོར་ལ་ཉིན་གྲངས་གཉིས་རིང་གི་བཀའ་བསྡུར་དབུ་འཛུགས་གནང་སོང་།

དེ་ཡང་ཐོག་མའི་གསུང་གླེང་དུ་༧གོང་ས་རྒྱལ་བ་རིན་པོ་ཆེ་མཆོག་གིས། ངོས་ནས་དུས་རྒྱུན་དུ་བཤད་ཀྱི་ཡོད་པ་ལྟར། འདི་ལྟ་བུའི་ཚོགས་འདུ་སྐོང་བའི་དགོས་པ་ནི། དང་པོ་དེར་ང་ཚོའི་ཤེས་བྱ་རྒྱ་བསྐྱེད་ཡོང་ཆེད་ཡིན། ངས་བལྟས་ན་དེང་རབས་ཚན་རིག་གིས་ཞིབ་འཇུག་བྱས་པའི་གྲུབ་འབྲས་ཀྱིས། རྡུལ་ཕྲན་དང་ཉེ་བའི་རྡུལ་ཕྲན་ (Quark) ལྟ་བུ་ཕྱིའི་འཇིག་རྟེན་རྣམས་ཧ་ཅང་ཞིབ་ཕྲ་དང་གནད་དུ་འཁེལ་བའི་ཐོག་ནས་ངོ་སྤྲོད་བྱེད་ཐུབ་ཡོད། སེམས་དང་སེམས་མྱོང་སྐོར་ལ་བཤད་དུས་ཚན་རིག་གིས་འདང་གི་མེད། དེར་བརྟེན། ང་ཚོས་ནང་སེམས་ཀྱི་འཇིག་རྟེན་ཐད་ལས་ཀ་མང་བ་བྱེད་དགོས་ཀྱི་འདུག དེ་ནི་ཚོགས་འདུ་འདི་འཚོགས་དགོས་པའི་དགོས་པ་གཅིག་རེད། དགོས་དོན་གཉིས་པ་དེ། ངོས་རང་གིས་བསམ་ན། དེང་སྐབས་ཀྱི་འཇིག་རྟེན་འདི་ཕྱི་དངོས་པོ་དང་། ཚན་རིག་ཐོག་ནས་ཀྱང་ཡར་རྒྱས་ཚད་མཐོན་པོར་ཕྱིན་ཡོད་ལ། དེའི་མཉམ་དུ་དཔལ་འབྱོར་དང་གནད་དོན་མང་པོ་ཞིག་གི་ཐད་ལའང་ཡར་རྒྱས་ཚད་མཐོན་པོར་སོན་ཡོད། ཡིན་ན་ཡང་། དྲི་བ་གཙོ་བོ་དེ་མིའི་རིགས་ཀྱི་བདེ་སྐྱིད་དེ་ཚད་གང་དུ་ཐོན་ཡོད་མེད་དེ་རེད། འཇིག་རྟེན་གཅིག་པུར་མཚོན་ན་ཡང་དཀའ་ངལ་མང་དག་ཅིག་འཕྲད་བཞིན་ཡོད། དཀའ་ངལ་དེ་དག་ལས་མང་དག་ཅིག་ང་ཚོ་རང་གིས་བསྐྲུན་པ་ཞིག་རེད། དེར་བརྟེན། དེང་སྐབས་ཀྱི་འཇིག་རྟེན་འདིར་གོ་ལའི་ཚ་དྲོད་དེ་སྐབས་འགར་ང་ཚོའི་སྟངས་འཛིན་བྱེད་མི་ཐུབ་པའི་ཚད་ལ་སླེབ་ཀྱི་ཡོད་པ་རེད། གཞན་ཡང་རྒྱལ་ཡོངས་དང་རྒྱལ་སྤྱིའི་ཁྲོད་དུ་དབུལ་ཕྱུག་བར་ལ་ཁྱད་བག་ཆེན་པོ་ཤོར་བའི་རྐྱེན་ལས་བྱུང་བའི་དཀའ་ངལ་དང་། དེ་བཞིན་དམག་འཁྲུག་གཅིག་རེད། ཚན་རིག་ལས་བྱུང་བའི་ཤེས་བྱ་དག་མི་གསོད་རྒྱུར་བེད་སྤྱོད་གཏོང་གི་ཡོད་པ་དེ་ཧ་ཅང་ཡིད་སྐྱོ་བ་ཞིག་རེད། ཅེས་གསུངས་སོང་།

ཡང་མགོན་པོ་མཆོག་གིས། ད་ལྟའི་གནས་སྟངས་ལ་ང་ཚོས་ཁོ་ཚོ་དང་ང་ཚོ་ཞེས་པའི་ཐད་ལ་དོ་སྣང་ཤུགས་ཆེན་པོ་བྱེད་ཀྱི་འདུག དེའི་རྐྱེན་པས་ཐ་ན་ཆོས་ལུགས་ངོས་ནས་ཡང་དཀའ་ངལ་སྐྲུན་གྱི་ཡོད། ད་ལྟ་སྐད་ཅིག་མའི་དུས་སྐབས་འདིར་ང་ཚོས་ཞི་བདེ་ལྡན་པའི་ཁོར་ཡུག་ལ་རོལ་གྱི་ཡོད་ཀྱང་། དུས་སྐབས་གཅིག་དང་གོ་ལ་གཅིག་གི་ནང་མི་ཡིན་པ་གཅིག་མཚུངས་ཡིན་བཞིན་དུ། སི་རི་ཡ་དང་། ཨབ་གྷན། ཨ་རབ་ཁུལ་དུ་ཐ་ན་ཆོས་ལུགས་ཀྱི་མིང་ཐོག་ནས་གསོད་རེས་བྱེད་བཞིན་ཡོད། དེ་དག་ང་ཚོ་རང་གིས་བསྐྲུན་པའི་དཀའ་ངལ་རེད། དེར་བརྟེན། མི་གསོད་རེས་བྱ་རྒྱུ་ཉུང་དུ་གཏོང་རྒྱུ་དེ་ང་ཚོའི་འགན་འཁྲི་ཞིག་ཆགས་ཡོད། འཚེ་བ་དང་སྡུག་བསྔལ་དེ་དག་མིའི་རིགས་ཀྱིས་བཟོས་པ་ཞིག་ཡིན་སྟབས། ང་ཚོར་དེ་དག་རྩ་མེད་གཏོང་རྒྱུའི་ནུས་པ་མེད་ཀྱང་ཉུང་དུ་གཏོང་རྒྱུའི་ནུས་པ་ཡོད་པ་རེད། དེ་ནི་ང་ཚོའི་དགོས་པ་གཙོ་བོ་གཅིག་རེད། སྐབས་མང་པོར་ཚན་རིག་པ་ཚོས་ང་ཚོ་སྤྱི་ཚོགས་སེམས་ཅན་ཞིག་ཡིན་པའི་ཆ་ནས། མི་སྒེར་རེ་རེའི་འཚོ་གནས་དེ་རང་གི་ཉེ་འཁོར་གྱི་ཁོར་ཡུག་ལ་བརྟེན་ནས་ཡོད་པ་དང་། རང་བཞིན་གྱིས་མིའི་རིགས་ལ་བྱམས་བརྩེའི་ནུས་པ་དེ་མང་བ་ཡོད། དེ་ནི་རེ་བ་ཡོད་པའི་རྟགས་མཚན་ཞིག་རེད། ད་ལྟའི་ནོར་འཁྲུལ་ནི། ཚན་རིག་ཚུད་པའི་ད་ལྟའི་ཤེས་ཡོན་ལམ་སྲོལ་དེ་ཕྱིའི་དངོས་པོའི་རིན་ཐང་ལ་གཞོལ་རྒྱུ་ཆེ་དྲགས་ཡོད། ཕྱིའི་དངོས་པོའི་ཚན་རིག་རེད། ནང་སེམས་ཀྱི་ཚན་རིག་ཟེར་གྱི་མེད། དེའི་རྒྱུ་མཚན་གྱིས། ད་ལྟ་ང་ཚོས་མིའི་རིགས་ཀྱི་ངོ་མཚར་ཆེ་བའི་ཀླད་པ་དེ་སྙིང་རྗེ་དང་ཟུང་འབྲེལ་བྱེད་དགོས་པ་ལས། གལ་ཏེ་ཁོང་ཁྲོ་དང་ཞེད་སྣང་ཟུང་འབྲེལ་བྱས་ཚེ། ཀླད་པ་གནོད་འཚེ་ཅན་གཏོང་མཁན་ཞིག་ཏུ་འགྱུར་རྒྱུ་ཡིན་པ་སློབ་པའི་དུས་ལ་བབས་འདུག དེ་ཡང་ཆོས་ལུགས་ཀྱི་ཐོག་ནས་མིན་པར་ཚན་རིག་གི་ཞིབ་འཇུག་བརྒྱུད་ནས་བསླབ་དགོས། དེ་སྔོན་ངས་བཤད་པ་ལྟར་ཚན་རིག་པ་འགས་བསྟུད་མར་བྱུང་བའི་ཁོང་ཁྲོ་དང་སྡང་འཛིན་དེ་ང་ཚོའི་འཕྲོད་བསྟེན་ལ་ཧ་ཅང་སྡུག་པོ་ཡོད་སྐོར་བརྗོད་ཡོད། ངའི་ཉམས་མྱོང་གི་ཐོག་ནས་བཤད་ན། བྱམས་བརྩེ་སེམས་ལ་ཉམས་ལེན་བྱས་ཚེ། གནས་སྟངས་ཡོད་ཚད་བཟང་ཕྱོགས་སུ་སྣང་གི་ཡོད་པ་དང་། དེས་ཞེད་སྣང་དང་རེ་དོགས་ཉུང་དུ་གཏོང་གི་ཡོད་པ་རེད། དེར་བརྟེན། རང་གཅེས་འཛིན་གྱི་བསམ་བློ་ཤུགས་ཆེན་པོ་ཡོད་པ་དེས་ཕྱོགས་གཉིས་ཀར་རེ་དོགས་སྐྱེ་རུ་འཇུག་གི་ཡོད། འགྲོ་བ་སེམས་ཅན་ཐམས་ཅད་དང་ལྷག་པར་དུ་མི་དུང་ཕྱུར་བདུན་ཅུ་རྣམས་གཅིག་མཚུངས་དང་། ང་ཚོ་ཚང་མ་གཅིག་གཞོག་གཅིག་སྡོད་ཀྱི་ཚུལ་དུ་གནས་དགོས་པའི་གཞན་སེམས་གྱི་བསམ་བློ་འཁུར་ཚེ། ཕན་ཚུན་གསོད་རེས་བྱེད་པ་དེ་ཧ་ཅང་གུ་དོག་པའི་བསམ་བློ་རྙིང་པ་ཞིག་ཡིན་པ་ཤེས་ཐུབ། ཅེས་གསུངས་སོང་།

དེའི་རྗེས་ཨ་རིའི་སྐྱེ་འཕེལ་རིག་པ་བ་སློབ་དཔོན་ཌེ་ཝིཌ་སི་ལོན་ཝིལ་སོན་ (David Sloan Wilson) ལགས་ཀྱིས། ལོ་ངོ་ ༥༠ ཡར་སྔོན་དུ་རང་ཉིད་སློབ་མ་ཡིན་སྐབས། སྐྱེ་འཕེལ་རིག་པ་ (Evolution) ཞེས་པ་དེ་རིགས་རྒྱུན་ (Gene) སྐོར་གྱི་ཤེས་བྱ་ཙམ་ལ་གོ་ཡི་ཡོད་པ་མ་ཟད། སྐྱེ་འཕེལ་ཚང་མ་རང་དོན་དང་རང་གི་ཁེ་ཕན་ཁོ་ནའི་ཆེད་དུ་ཡིན་པ་ལས། གཞན་སེམས་དང་བྱམས་བརྩེའི་ཁྱད་ནུས་ལྡན་པ་རྣམས་སྐྱེ་འཕེལ་རྩ་ནས་ཡོང་ཐབས་མེད་པ་ཞིག་ལ་བསམ་གྱི་ཡོད་པ་དང་། དེ་བཞིན་སྐྱེ་འཕེལ་ལ་དགོས་དོན་དམིགས་བསལ་མེད་པར། ཁོར་ཡུག་གི་གདམ་གསེས་ལས་བྱུང་གི་ཡོད་པ་བཤད་ཀྱི་ཡོད། འོན་ཀྱང་། འདས་པའི་ལོ་ངོ་ ༥༠ ནང་སྐྱེ་འཕེལ་རིག་པའི་ལྟ་བར་འགྱུར་བ་ཆེན་པོ་ཐེབས་ཏེ། དེང་སྐབས་སྐྱེ་འཕེལ་རིག་པས་བྱམས་བརྩེ་དང་གཞན་སེམས་དག་སྐྱེ་འཕེལ་ཡོང་སྲིད་པ་དང་། སྐྱེ་འཕེལ་གྱི་གཞི་རྩའི་ཁྱད་ཆོས་གསུམ་གྱི་སྟེང་ནས་སྒེར་གྱི་རང་བཞིན་རྟོགས་ཐུབ་ཀྱི་ཡོད་སྐོར་དང་། ཉེ་ཆར་ཞིག་ལ་རང་ཉིད་ཚུད་པའི་ཚན་རིག་པ་སྐོར་ཞིག་གིས་བྱ་དེ་ལ་བརྟག་དཔྱད་བྱས་པ་བརྒྱུད། སྤྱིར་སྒེར་གྱི་ཐོག་ནས་རིགས་རྒྱུད་སྤེལ་རྒྱུའི་ནུས་པ་ཆེ་བ་ལྡན་པའི་བྱ་དེ་ལས། བྱམས་བརྩེ་དང་ཞི་བདེའི་ཁོར་ཡུག་ལྡན་པའི་སྤྱིར་བཏང་བའི་བྱ་དེ་ཡིས་རིགས་རྒྱུད་ལེགས་པ་སྤེལ་ཐུབ་ཡོད་སྐོར་སོགས་བརྗོད་སོང་བ་དང་། དེའི་རྗེས་ཆེད་བཅར་ཚན་རིག་པ་རྣམས་ཀྱིས་སྐྱེ་འཕེལ་རིག་པ་དང་འབྲེལ་ནས་བྱམས་བརྩེ་དང་གཞན་སེམས་སོགས་ཀྱི་སྐོར་ལ་དགོངས་ཚུལ་ཅི་ཡོད་སྐོར་ཞུས་ཏེ་བཀའ་བསྡུར་གནང་སོང་།

གསར་འགོད་པ། པ་སངས་ཚེ་རིང་།

འབྲེལ་ཡོད་གསར་འགྱུར།

Mobile App

ཨ་རིའི་རླུང་འཕྲིན་ཁང་དང་ཨེ་ཤ་ཡ་རང་དབང་རླུང་འཕྲིན་ཁང་གཉིས་ལ་ཕྱི་ལོ་ ༢༠༢༥ ལོའི་ལྷག་དཀར་གཟེངས་རྟགས་ཐོབ།

ཆུ་ཚོད་ ༦ སྔོན་ལ།
འདི་ལོའི་ཟློས་གར་གྱི་དབྱར་སྐྱིད་གླུ་གར་འགྲན་བསྡུར་གྱི་ཨང་དང་པོ་རྒྱ་ལུ་རུ་ཁག་ལ་ཐོབ། ༢༠༢༥།༠༨།༢༨ བོད་མིའི་སྒྲིག་འཛུགས་ཀྱི་པར།
Mobile App

ལོ་མང་གི་རྗེས་སུ་དབྱར་སྐྱིད་གླུ་གར་འགྲན་བསྡུར་གྱི་ཨང་དང་པོ་རྒྱ་ལུ་རུ་ཁག་ལ་ཐོབ་འདུག

༢༠༢༥/༠༨/༢༨
བསྟན་འཛིན་ཆོས་མཚོ་ཞེས་པའི་ཨ་མ་ཞིག་གིས་རང་ལོ་ ༣ ཙམ་སོན་པའི་བྱིས་པ་དང་ལྷན་དུ་རྒྱུག་ཆུར་མཆོངས་ནས་རང་ཤི་བརྒྱབ་འདུག  ༢༠༢༥།༨།༢༦ གསང་བའི་བརྙན་ཆས་ཀྱི་པར་བཤུས།
Mobile App

བྷུན་ཏར་ནས་བོད་པའི་ཨ་མ་ཞིག་གིས་བྱིས་པ་འཁྲིད་དེ་རྒྱུག་ཆུར་མཆོངས་ནས་རང་ཤི་བརྒྱབ་འདུག

༢༠༢༥/༠༨/༢༧
ཀོ་ལི་གྷལ་དང་། ཧོན་སུར། ཨོ་ཌི་ཤ་བཅས་སུ་ཁང་པ་གསར་རྒྱག་བྱས་དང་བྱེད་མུས་ཡིན་པའི་པར་རིས་ཁག་ཅིག
Mobile App

བཙན་བྱོལ་བོད་མིའི་རུབ་སྡོད་གཞིས་ཁང་གསར་རྒྱག་ནང་ཐོ་འགོད་བྱེད་མཁན་ཁྱིམ་ཚང་ ༡༧༨༦ བྱུང་འདུག

༢༠༢༥/༠༨/༢༧
ཨ་ཉག་སེང་སྒྲ་སོགས་ལས་འགུལ་བ་གསུམ་ལ་ལྷག་དཀར་གཟེངས་རྟགས་འབུལ་གཏན་ཁེལ།
Mobile App

ཨ་ཉག་སེང་སྒྲ་སོགས་ལས་འགུལ་བ་གསུམ་ལ་ལྷག་དཀར་གཟེངས་རྟགས་འབུལ་གཏན་ཁེལ།

༢༠༢༥/༠༨/༢༧
His Holiness the Dalai Lama teaching at Karsha Phodrang in Zanskar, Ladakh, India on July 25, 2025. (Photos by Tenzin Choejor)
༸གོང་ས་མཆོག གསར་འགྱུར།

ལ་དྭགས་གླེ་རུ་ཆར་ཤུགས་ཆེ་བའི་རྐྱེན་གྱིས་ཆིབས་བསྒྱུར་ཕྱིར་འགྱངས་གནང་།

༢༠༢༥/༠༨/༢༦

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese