ཞུ་སྦྱོར་བ་སྤེན་པ་ཚེ་རིང་གིས་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་གི་དོན་ཚན་ང་གཅིག་པ་བཅད་ཁྲ་ཉམས་ལེན་གྱི་དོན་ཚན་ཀ་པ་གཞིར་བཟུང་ཁྲིམས་ཞིབ་ཁང་ལ་སྙན་ཞུ་འབུལ་རྒྱུ་ཡིན་འདུག
དེ་རིང་འཛིན་སྐྱོང་བཀའ་ཤག་ནས་ཁ་མཆུ་ཨང་ ༢༠ པའི་བཅད་ཁྲ་ངོས་བཞེས་གནང་བའི་ཡིག་ཆ་རྣམས་ཆེས་མཐོའི་ཁྲིམས་ཞིབ་ཁང་བརྒྱུད་ཞུ་སྦྱོར་བར་འབྱོར་ཡོད་པ་དང་། ཞུ་སྦྱོར་བའི་ཁྲིམས་རྩོད་པར་གླ་ཡོན་ཡང་གནང་ཚར་ཡོད་སྟབས། དེ་རིང་སྔ་དྲོར་བོད་པའི་གསར་འགོད་པ་རྣམས་བཀའ་དྲུང་ཡིག་ཚང་དང་ཆེས་མཐོའི་ཁྲིམས་ཞིབ་ཁང་དུ་བཀའ་ཤག་ནས་བཅད་ཁྲའི་འབྲུ་དོན་ཉམས་ལེན་ལག་བསྟར་ཇི་བཞིན་གནང་ཡོད་མེད་སོགས་བཀའ་འདྲི་ཞུ་བར་ཕྱིན་ཡང་། བཀའ་ཤག་ནས་དེའི་ཐད་གང་ཡང་གསུང་རྒྱུ་མེད་སྐོར་གསུངས་བྱུང་ལ། ཆེས་མཐོའི་ཁྲིམས་ཞིབ་ཁང་ནས་སྔར་རྒྱུན་ལྟར་བཅད་ཁྲ་ཉམས་ལེན་བྱས་མིན་ཐད་གསར་འགོད་པར་གསལ་བཤད་ཞུ་སྲོལ་མེད་སྐོར་གསུངས་བྱུང་།
འདི་ག་བོད་ཀྱི་དུས་བབ་གསར་ཁང་གི་གསར་འགོད་པས་ཞུ་སྦྱོར་བ་སྤེན་པ་ཚེ་རིང་ལ་ཞལ་པར་བརྒྱུད་དེའི་སྐོར་བཀའ་འདྲི་ཞུས་པར་ཁོང་གིས། ད་བར་དུ་ཁྲིམས་ལ་གཏུགས་གཏུགས་ནས་བཅད་ཁྲ་ཉམས་ལེན་མ་བྱས་པ་ཡིན་ན། ང་སྒེར་ལ་ཁྱད་པར་ཆེན་པོ་གང་ཡང་ཡོད་པ་མ་རེད་དེ། ཁྲིམས་ཁང་གིས་གཙང་མ་བཟོ་དགོས་པ་དེ་བཟོས་ཚར་བ་རེད། ཡིན་ན་ཡང་ཁྲིམས་ཞིབ་ཁང་གིས་བཅད་ཁྲ་གང་བཏང་བ་དེ་ལག་བསྟར་བྱེད་མཁན་རྩོད་ལན་པ་བཀའ་ཤག་ཆགས་བསྡད་ཡོད་རེད། མ་འོངས་པར་མི་སྒེར་སུ་ཡིན་ན་ཡང་ཆགས་སྲིད་པ་རེད། དེ་ཚུལ་མཐུན་གྱིས་ཉམས་ལེན་མ་བྱས་པ་ཡིན་ན། ང་ཚོའི་ཁྲིམས་ལུགས་དབང་འཛིན་གྱི་ཆེ་མཐོང་དང་ཁྲིམས་ཀྱི་དབང་བསྒྱུར་རྦད་དེ་རྩིས་མེད་ཆགས་འགྲོ་ཡི་རེད། དེར་བརྟེན། ང་ཚོས་སྙན་ཞུ་མ་འབུལ་རང་འབུལ་རེད། ཅེས་དང་། སྤྱི་ཚོགས་ལྷིང་འཇགས་ཡོང་བའི་ཆེད་དུ་བཀའ་ཤག་གིས་ཚུལ་དང་མཐུན་པའི་ཉམས་ལེན་བྱས་པ་ཡིན་ན། ང་ཚོས་ཀྱང་ལེའུ་དེ་སྒོ་བརྒྱབ་སྟེ། དེ་རིང་གི་རྐྱེན་ངན་དེ་གྲོགས་ལ་གྱུར་ནས་མ་འོངས་པར་སྤྱི་ཚོགས་ལྷིང་འཇགས་དང་ནང་ཁུལ་རྙོག་དྲ་མེད་པ་མདུན་སྐྱོད་གང་འདྲ་རྒྱག་དགོས་ཡོད་མེད་ཐོག་ལ་བསམ་བློ་གཏོང་གི་ཡོད་ཀྱང་སྒོ་རྒྱག་བཅུག་གི་མི་འདུག ཅེས་བརྗོད་བྱུང་།
བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་གི་དོན་ཚན་ང་གཅིག་པ་བཅད་ཁྲ་ཉམས་ལེན་གྱི་དོན་ཚན་ཀ་པར། བཅད་ཁྲའི་འབྲུ་དོན་ལག་བསྟར་བྱེད་དགོས་པའི་གཏན་འབེབས་དུས་ཚེས་ནང་བཀའ་དཔྱད་སྒྲུབ་དགོས་མཁན་གྱོད་ཡ་སུ་རུང་ནས་ཉམས་ལེན་མ་བྱས་ན། ཉམས་ལེན་མི་བྱེད་མཁན་དེའི་ཁ་གཏད་གྱོད་ཡས་གཏན་འབེབས་དུས་ཚེས་རྫོགས་ནས་ཉིན་གྲངས་ ༣༠ ནང་ཚུད་ཁྲིམས་ཞིབ་ཁང་ལ་དེའི་སྐོར་ཡིག་ཐོག་སྙན་ཞུ་འབུལ་ཆོག་པ་ཡིན།
དོན་ཚན་ (ཁ་) ༡) བཅད་ཁྲའི་དགོངས་དོན་ཉམས་ལེན་དུས་ཐོག་ལག་བསྟར་མི་བྱེད་མཁན་བྱུང་ན། དེར་ཁྲིམས་ཞིབ་ཁང་ནས་བཀའ་ཁྱབ་དང་འབྲེལ་ལག་བསྟར་བྱེད་དུ་འཇུག་རྒྱུའི་ལས་འགན་ལེན་དགོས། ལག་ལེན་དོན་འཁེལ་འབྱུང་སླད་འབྲེལ་ཆགས་བོད་མིའི་སྒྲིག་འཛུགས་མ་ལག་གང་རུང་ལ་དེའི་ཐོག་ལག་བསྟར་མཇུག་གནོན་བྱེད་དགོས་པའི་ཁྲིམས་ཞིབ་ཁང་ནས་བཀའ་ཁྱབ་གཏོང་ཆོག་པ་ཡིན། དེ་བཞིན་བཅད་ཁྲ་ཉམས་ལེན་ལག་བསྟར་དོན་འཁེལ་འབྱུང་སླད་ད་དུང་དགོས་གལ་བྱུང་ན་བཀའ་ཤག་གིས་འབྲེལ་ཆགས་གྱོད་ཡར་ས་གནས་སྤྱི་མང་ཁྲིམས་ཁང་ནས་རོགས་སྐྱོར་ལེན་ན་ཆོག་པའི་བཀོད་ཁྱབ་གཏོང་འཐུས།
༢)། གྱོད་ཡ་སུ་རུང་ནས་ཁྲིམས་ཞིབ་ཁང་གི་བཅད་ཁྲ་དང༌། བཀའ་ཁྲ། བཀའ་ཁྱབ། བཀའ་ཤོག བཀོད་འདོམས་བཅས་ལ་བརྩི་མེད་བྱས་ཚེ། གནས་ཡུལ་གཞུང་གི་ཁྲིམས་ཐོག་ནས་འབྲེལ་བ་མེད་པའི་དོ་བདག་གང་དེར་བཙན་བྱོལ་བོད་མིའི་བཅའ་ཁྲིམས་དོན་ཚན་ ༢༢ དང་། ༦༣། ༩༧། ༡༠༡། ༡༠༧ ནང་གསལ་དང་། བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་ ༤ ནང་གསལ་གྱི་འོས་བསྡུའི་རིགས་ཀྱི་གདམ་བྱ་འདེམས་བྱེད་ཀྱི་ཐོབ་དབང་བཀག་བསྐྱིལ་དང་། བོད་མིའི་སྒྲིག་འཛུགས་མ་ལག་གི་གཞུང་འབྲེལ་ལས་གནས་གང་རུང་དུ་འདེམས་བསྐོ་བཀག་སྡོམ་དང་གནས་ཕབ་གནས་དབྱུང་། བོད་མིའི་སྒྲིག་འཛུགས་ཀྱི་ལྟ་རྟོག་རོགས་རམ་དང་མཐུན་འགྱུར་སྦྱོར་སྤྲོད་མཚམས་གཅོད། གཞན་གང་རུང་བཅས་ཁྲིམས་ཞིབ་ཁང་ནས་ཐག་གཅོད་བྱེད་ཆོག ཁྲིམས་ཞིབ་ཁང་གིས་དེ་ལྟར་ཐག་གཅོད་བྱས་པའི་བཀའ་ཁྱབ་ཀྱི་ངོ་བཤུས་དང་སྦྲགས་བོད་མིའི་སྒྲིག་འཛུགས་ཀྱི་འབྲེལ་ཆགས་སུ་ཡིན་ལ་ལག་བསྟར་མཇུག་གནོན་བྱ་རྒྱུར་འགན་བསྐུར་བཀའ་ཁྱབ་གཏོང་རྒྱུ་དང་། བཀའ་ཁྱབ་དེའི་ངོ་བཤུས་མཁྱེན་རྟོགས་སླད་ཆེས་མཐོའི་ཁྲིམས་ཞིབ་ཁང་དང་། འབྲེལ་ཡོད་ལ་གཏོང་རྒྱུ།
(ག) ༡)གྱོད་ཡ་གང་རུང་ནས་གོང་ཞུའི་དུས་བཀག་ནང་ཚུན་བཅད་ཁྲ་གཏོང་མཁན་ཁྲིམས་ཞིབ་ཁང་དེ་ནས་གོང་ཞུ་ཆོག་པའི་ཆོག་མཆན་བཀའ་འཁྲོལ་ཞུས་ཐོབ་བྱུང་བ་ཡིན་ན། ཁྲིམས་ཞིབ་ཁང་དེ་ནས་གོང་ཞུའི་དུས་བཀག་ནང་ཚུན་བཅད་ཁྲ་ཉམས་ལེན་ཕར་འགྱང་གི་བཀའ་འཁྲོལ་ཞུས་ཐོབ་དགོས།
༢) གལ་ཏེ་བཅད་ཁྲ་གཏོང་མཁན་ཁྲིམས་ཞིབ་ཁང་དེ་ནས་གོང་ཞུ་ཆོག་པའི་ཆོག་མཆན་མ་ཐོབ་པ་ཡིན་ན། གྱོད་ཡ་དེས་གོང་རིམ་ཁྲིམས་ཞིབ་ཁང་ལ་གོང་ཞུ་ཆོག་པའི་བདེ་སྙན་དང་སྦྲགས། བཅད་ཁྲ་ཉམས་ལེན་ཕར་འགྱང་གི་བཀའ་འཁྲོལ་ཞུས་ཐོབ་དགོས་པ་ཡིན།
(ང) གོང་ཞུ་བྱས་པ་ཞིག་གོང་ཞུ་བྱ་ཡུལ་ཁྲིམས་ཞིབ་ཁང་དེ་ནས་ངོས་ལེན་མ་བྱས་པའམ། ངོས་ལེན་བརྩི་མེད་དུ་བཏང་བ་ཡིན་ན། དེ་དག་གང་རུང་བྱས་པའི་ཉིན་དེ་ནས་བརྩིས་པའི་ཉིན་གྲངས་ཉི་ཤུ་ནང་ཚུད་བཅད་ཁྲའི་དགོངས་དོན་ཉམས་ལེན་ལག་བསྟར་བྱེད་དགོས་པ་ཡིན།
(ཅ) གོང་ཞུའི་ཐོབ་ཐང་ཡོད་པའི་གྱོད་པ་གཅིག་ལས་མང་བ་ཡོད་པའི་ཁྲོད་ནས་གཅིག་གམ་དུ་མས་གོང་ཞུ་བྱས་ཚེ། གོང་ཞུ་འབུལ་མཁན་ཕུད་པའི་གྱོད་ཡ་བྱིངས་ནས་གཏན་འབེབས་དུས་ཚེས་ནང་ཚུད་བཅད་ཁྲ་ཉམས་ལེན་བྱེད་དགོས་པ་ཡིན། ཞེས་གསལ་འདུག
འབྲེལ་ཡོད་གནས་ཚུལ།
བཀའ་ཤག་གི་གསལ་བསྒྲགས་ནང་བཟོད་གསོལ་ཞུས་མི་འདུག
གསར་འགོད་པ། པ་སངས་ཚེ་རིང་།
ཁྲིམས་འགལ་སྒྲིག་འགལ་མང་གཙོའི་དགྲ།
ཁྲིམས་སྲུང་སྒྲིག་སྲུང་མང་གཙོའི་གཉེན།
བཅའ་ཁྲིམས་ནོར་བུ་མ་ནོར་ལམ་སྟོན་ལ།
བརྩི་བཀུར་ཉམས་ལེན་བཙན་བྱོལ་བོད་མིའི་འགན།
མི་ལ་ལས་སྤེན་ཚེ་ཞབས་འདྲེན་རེད་ཟེར། མི་ལ་ལས་སྤེན་ཚེ་གཉིད་མི་ཁུག་འདུག་ཟེར།
མི་ལ་ལས་སྤེན་ཚེ་སྙིང་རྗེ་ཟེར། མི་ལ་ལས་སྤེན་ཚེ་ཐབས་སྡུག་རེད་ཟེར།
གཉིད་མི་ཁུག་ཞབས་འདྲེན་ཇི་ལྟར་ཡང། བྱེད་རྒྱུ་ཚང་མ་བྱས་ཚར་བ་རེད།
བཀའ་གཏོར་སྤེན་པ་ཚེ་རིང་། མང་གཙོའི་ཀ་བ་གསུམ་པོ་སྐུ་དབང་མཉམ་པ་ལས་ཁྲིམ་བཟོ་ཁང་བཀའ་ཤག་གི་དགོང་ན་མེད། བཀའ་ཤག་གི་གོང་ན་༧གོང་ས་མཆོག་ལས་མེད། བཀའ་ཤག་ནས་བཅད་ཁྲ་ངོས་བཞེས་ཐོག་གསལ་སྒྲགས་གནང་ཡང་ཁྱོད་རང་ལ་བཟོད་གསོལ་ཞུས་མ་བྱུང་ཟེར་ནས་སླར་ཡང་ཁྲིམ་སྟུག་བྱ་གི་ཡོད་ན་ཁྱོད་རང་གི་འདོད་པ་རེད། ༥༩ ལོར་རྒྱ་དམར་ནས་བོད་གཞུང་རྩ་མེད་བཟོད་པའི་དྲིལ་སྒྲགས་བྱས་མ་ཐག་གཡུལ་རྒྱལ་ལྷུན་རྩེ་རྫོང་དུ་༧གོང་ས་མཆོག་གི་སྐུ་དབང་དང་། བོད་གཞུང་བཀའ་ཤག་སྐྱར་འཛུགས་གནང་ནས་ད་ལྟ་བར་བཀའ་ཤག་ལ་འགྱུར་བ་མེད་པ་གནས་ཡོད། ད་ཆ་མི་ངན་ཁྱོད་འདྲ་བ་ཞིག་ནས་བཀའ་ཤག་དབང་དུ་སྡུ་ཐབས་བྱེད་པ་དེ། ནམ་རྒྱུན་ཁྱོད་སེམས་ཤུགས་ཆེ་རབ་དང་ལྷག་བསམ་དག་མདོག་བྱེད་པའི་མགོ་པགས་ཚང་མ་སྦུད་པའི་རང་མདོག་ངོ་མ་དེ་ལྟན་པ་རེད། ཁྱེད་རང་གི་ལས་ཀའི་བྱས་རྗེས་ནི་སྤྱི་འཐུས་ལོ་ཤས་ཞིག་བྱས་པ་དང་སྤྱི་འཐུས་ཚོགས་གཙོ་བྱས་པ་དེ་རེད། ཚོགས་གཙོ་ནི་སྐབས་གང་ཡིན་གྱི་གྲོས་གཞི་སྟང་འཛིན་བྱ་རྒྱུ་ལས། སོ་སོས་བསམ་བློ་བཏང་ནས་ལས་དོན་གྲུབ་དགོས་པ་གང་ཡང་མེད་ཧ་ལས་གྱུ་གང་ཡང་མེད། དབུས་གཙང་དབུས་རྒྱུན་ནས་ཁྱོད་རང་ལ་བཟང་པོ་བློས་འགེལ་ཐོག་ནས་ཆོལ་ཁའི་འཐེན་མེད་པར་སྲིད་སྐྱོང་འོས་མིར་བཞག་པ་རེད།
དེ་དུས་ཁྱོད་རང་གི་བསམ་པར་ང་ལ་ཆོལ་ཁ་གཉིས་ནས་རྒྱབ་སྐྱོར་བྱས་ཙང་ང་རང་སྲིད་སྐྱོང་ཡིན་ཤག་བསམ་པ་རེད། ཐ་མ་འོས་མ་འཐོབ་པར་སོང་དེ་སྔའི་བྱས་རྗེས་ལ་དགོང་པ་བཞེས་ནས་དགའ་ལྡན་ཕོ་བྲང་ནས་དམིག་གསལ་ཨ་རིའི་དོན་གཅོད་ལ་གཏོང་གནང་མཛད་པ་རེད། དངོས་འབྲེལ་བྱས་ན་གཞུང་གི་ལས་བྱེད་པ་མིན་ཙང་བདག་པོ་མ་རྒྱབ་ཡང་འགལ་བ་གང་ཡང་མེད། འོན་ཀྱང་ཁྱོད་རང་ལ་བློས་འགེལ་གནང་ཡོད། རྒྱུ་མཚན་དེ་ལ་ལྟས་ན་ཁྱོད་རང་ལྷག་བསམ་རྣམ་དག་ཞིག་བྱ་དགོས་ཀྱང་། ཁྱོད་རང་ནས་ང་ཨ་རི་ལ་བཀའ་ཤག་བཏང་བ་མ་རེད་དགའ་ལྡན་ཕོ་བྲང་ནས་བཏང་བ་རེད། བྱས་ཙང་དགའ་ལྡན་ཕོ་བྲང་མ་ཏོག་བཀའ་ཤག་ལ་སྟུན་དགོས་མེད་ཞེས་དང་པོ་རང་ནས་བཀའ་ཤག་རྩི་འཇོག་མ་ཞུས་པར་ཁ་ལན་ཤ་སྟག་སློག་པ་མ་ཟད་ཨ་རིའི་འབྲེལ་ཡོད་ཁག་ནས་བསམ་ཚུལ་བྱུང་སྟབས་དོན་གཅོད་འཕོ་འགྱུར་གནང་བ་རེད། དེ་བར་ཅིར་བཏང་ལ་ཕྱིན་པ་རེད། དེ་རྗེས་ཁྱོད་རང་གི་རྒྱབ་སྐྱོར་བ་ཁག་གཅིག་བཞུག་སྒར་དུ་བཅར་ནས་དོན་གཅོད་འཕོ་འགྱུར་གཏོང་དགོས་པའི་རྒྱུ་ཚན་བཤོད་དགོས་ཟེར་ནས་ཉིན་གྲངས་མང་པོར་བྱས་པ་རེད། དེ་བྱས་ཙང་བཀའ་ཤག་ནས་དོན་ཚན་བཅུ་པོ་དེ་གསུང་དགོས་བྱུང་བ་རེད། དེ་གསུང་ཚར་དུས་སྤེན་པ་ཚེ་རིང་ནས་དོན་གཅོད་འཕོ་འགྱུར་གཏང་ཚར་བའི་རྗེས་ལ་ང་ལ་མ་ཉེས་ཁ་གཡོས་བྱས་བྱུང་ཟེར་ནས་ཁ་མཆུ་ཨང་ ༢༠ པ་གཙུག་པ་རེད། དེར་ཡང་བཙན་བྱོལ་གཞུང་གི་མཛད་འགན་ལ་རྟེན་ནས་དཔང་རྟགས་ཚ་ནན་རྩ་བ་ནས་གནང་མེད་ཙང་ཁྱེད་རང་ཁ་མཆུ་ཨང་ ༢༠ འཐོབ་པ་རེད། དེ་ཡང་བཀའ་ཤག་ནས་ཁྲིམ་བཅད་ཞལ་བཞེས་གནང་ཡོད། ད་ལྟ་བཀའ་ཤག་ནས་བཟོད་གསོལ་ཞུས་མ་བྱུང་ཟེར་ནས་སླར་ཡང་ཁྲིམ་སྟུག་བྱ་ཀི་ཡོད་པ་རེད། འདི་ཙམ་གི་༧གོང་ས་མཆོག་དང་བཙན་བྱོལ་གྱི་སྒྲིགས་འཛུག གཞིས་བྱེས་བོད་མི་ཡོང་ལ་ཧ་ཅང་གི་སྙད་བཅོད་མིན་ན་གང་ཡིན། མི་ལ་ཕྱིན་ཀྱང་ལྷ་ལ་མི་འགྲོ ལྷ་ལ་ཕྱིན་ཀྱང་ལས་འབྲས་ལ་འགྲོ་གི་མ་རེད། ཧ་ལས་ཡག་རེད།། རྒྱ་མི་ཕར་བཞག བོད་མི་གཅིག་གིས་འདི་འདྲ་བྱས་པ་ཧ་ལས་ཡག་རེད། ད་རུང་ཁོ་བློ་བཟང་སངས་རྒྱས་ཀྱིས་ཡས་བྱས་མས་བྱས་ཟེར་ན་ཕྱིན་འབྱུང་བཙན་བྱོལ་བོད་མིའི་ལས་ཀ་བྱ་མཁན་རགས་ས་རེད་པས། ད་དེ་ཚོ་སྨྱོན་པ་མིན་ན་གང་རེད།།
དེ་སྔོན་ནས་ཆུ་མགོ་ནས་སྙོག་སྙོག་པ་རེད།
བསོད་དབང་ལགས། དེ་སྔོན་ནས་ཆུ་འགོ་ནས་རྙོག་རྙོག་པ་རེད་ཟེར་ན། འགོ་དེ་༧གོང་ས་མཆོག་ལ་ཞུ་གི་ཡོད་པ་རེད་དམ། ཡང་ན་བཀའ་ཤག། ཡང་ན་སྤེན་པ་ཚེ་རིང་སུ་ཡིན་གསལ་པོ་མ་གསུང་ན་སྤྱི་མ་པོམ་ལ་གསུང་ན་སྨོད་ཚིག་རང་ག་བ་ལས་ཕན་ཐོག་མི་འདུག།
སྲིད་སྐྱོང་གཙོས་པའི་བཀའ་ཤག་གིས་ཆེས་མཐོའི་ཁྲིམས་ཞིབ་ཁང་གི་དཔྱད་ཁྲ་དང་ལེན་བྱས་ན་བཟང་། དེ་ལྟར་མ་བྱས་ཚེ་ཆུ་མགོ་ནས་སྙོག་ན་དངས་མེད་ཅེས་པའི་དཔེ་ལྟར་རེད། ལྷག་དོན་དུ་བཙན་བྱོལ་སྤྱི་ཚོགས་འདི་ཁ་འཐོར་དགུ་འཐོར་དུ་སོང་ན་དེའི་འགན་བཀའ་ཤག་གིས་འཁུར་དགོས་པ་རེད། མགོ་ བཀའ་ཤག་གིས་ཁྲིམས་མ་རྩིས་ན་ས་སུས་བརྩི་རྒྱུ་རེད།
༄༄། ༧གོང་ས་སྐྱབས་མགོན་ཆེན་པོ་སྐུ་ཕྲེང་བཅུ་བཞི་པ་མཆོག་གི་བོད་ཀྱི་བསྟན་པ་ཆབས་སྲིད་ཀྱི་ཐུགས་འགན་བཞེས་པ་ནས་ཟུངས་གང་ཉིད་ཀྱི།དགོང་གཞི་གཙོ་བོ་དེ་བོད་མི་རྣམས་ལ་མངགཙོ་ཚད་དང་ལྡན་པ་ཞིག་བཟོ་གནང་མཛད་རྒྱུའི་དགོང་པ་ཡོད་པ་ང་ཚོ་ཚང་མས་མཁྱེན་གསལ་ཡིན་པ་དང་་ ཡིན་ན་འང་སྔར་བོད་ནང་རྒྱ་དམར་གྱིས་དབང་ཤུགས་ལ་རྟེན་ཕྱག་ལེན་གནང་བར་འགལ་རྐྱེན་མང་དག་ཞིག་ཡོད་པ་རྨོས་མ་དགོས་པ་ཡིན་རྒྱ་གར་དུ་བཙན་བྱོལ་དུ་ཕེབས་རྗེས་ཐུགས་ཀྱིས་དམ་བཅའ་གཡོ་བ་མེད་པའི་ཐོག་བོད་ཆོལ་ཁ་གསུམ་དང་ཆོས་ལུགས་ཚང་མས་གནས་མཆོག་རྡོ་རྗེ་གདན་དུ་མནའ་གན་ཆེན་མོའི་དམ་བཅའ་འབུལ་བ་སོགས་བྱུང་ནས་བོད་མིའི་སྒྲིགས་འཚུགས་འདི་མང་གཙོའི་ལམ་དུ་ཐོག་མར་གསར་སྟོད་གནང་ནས་ད་བར་སྐུ་ངལ་འཛེམས་མེད་ཀྱི་རྩ་ཁྲིམས་རིན་པོ་ཆེ་གཏན་ལ་ཕབས་ཏེ་མཐར་མང་གཙོ་རྐ་བ་གསུམ་ལྡ་ན་གྱི་ཆེས་མཐོའི་ཁྲིམ་བཟོ་ལྷ་ན་ཁང་དང་་ འཛོན་སྐྱོང་བཀའ་གའསག་ སྤྱི་འཐུས་ལྷ་ཚོགས་བཅས་བྱུང་བ་འདི་གཙོ་བོ་༧གོང་ས་༧སྐྱབས་མགོན་ཆེན་པོ་མཆོག་གིས་དབུས་བོད་མི་རྒན་རབས་ཚོས་མི་ལོ་དྲུག་བཅུ་ཙམ་གྱི་སྐུ་ངལ་ཁྱད་བསད་གནང་བས་འབྲས་བུ་ཡིན་པ་མ་ཟད་ དེངས་འཛམ་གླིང་ནང་ཡུལ་གྱར་དུ་ཕྱིན་པའི་སྐྱབས་བཅོལ་ནང་རང་རིགས་བོད་མི་རྣམས་ངོ་ཚར་ཆེ་བའི་མི་རིགས་ཞིག་ལ་ངོས་འཛི་ན་བྱེད་པ་དང་ དེབཞིན་རྒྱལ་ཁབ་ཡོད་མཁན་གྱི་དབུ་ཁྲིད་དང་གྲོས་ཚོགས་ཀྱི་འཐུས་མི་བློ་ཟུ་བོར་གནས་པའི་མི་མང་པོས་བོད་མིའི་སྒྲིགས་ཚུགས་འདི་ལ་མངག་བརྗོད་ཐོབ་དང་ཐོབ་བཞིན་པ་འདི་ཡིན་ན་གཞིས་བྱེས་བོད་མི་ཡོངས་ཀྱིས་སེམས་ནང་རྗེས་མི་ནུས་པའི་དགའ་སྒོམས་མཆོག་ཤེས་སྐྱེས་དགོས་པ་ལྟ་ཅི་རྨོས་།
ཡིན་ན་ཡང་ད་ལྟའི་ཁ་ཆུ་ཨང་༢༠ བཅད་ཁྲའི་ཐོག་འཛིན་སྐྱོང་བཀའ་གཤག་ནས་ཆེས་མཐོའི་ཁྲིམས་ཁང་གི་བཀའ་དངས་ལེན་གནང་དགོས་པ་ཡིན་གང་ལ་ཞེ་ན་མང་གཙོའི་རྐ་བ་གསུམ་དེ་ཚང་མ་ཁྲིམས་ཀྱིས་དབང་སྒྱུར་འོག་གནས་དགོས་པ་ཡིན་དུས་ཤ་ཤི་ཤ་ཡིན་ནས་སྡེར་མ་གསེརསྡེར་གྱི་དཔེ་ལྟར་སོང་གྱོད་ཡར་མགོ་རྒུར་འདོད་མེད་ནས་བོད་མིའི་མང་གཙོ་ལ་དགོངས་བཞེས་དགོས་པ་ཡིན་གལ་སྲིད་ཁྲིམས་ཁང་གི་བཅད་ཁྲ་ལ་མོས་མཐུན་མ་གནང་ན་གོང་དུ་བཀོད་པའི་༧གོང་ས་༧སྐྱབས་མགོན་ཆེན་པོས་དབུས་རང་རིགས་རྣམས་ཀྱིས་སྐུ་ངལ་གནང་བ་ཆུབཟོས་དང གཞན་གྱིས་ཆ་རྨོས་བྱ་ཡུལ་དུ་འགྲོ་བ་་མ་ཟད་ང་ཚོའི་མང་གཙོ་འདི་ཚད་ལྡན་མིན་པའི་མངོན་རྟགས་ཞིག་མི་ཆགས་པའི་དགོང་པ་བཞེས་དགོས་མཐོང་།།
མདོ་དབུས་ཁམས་གསུམ་ཆུང་ཆུང་རྩ་བ་ཉིད་མ་རེད།འོན་ཀྱང་།ཅི་ཕན།ཕྱིར་དགྲ་ནང་འཛིང་རྒྱུ་དེ་གལ་ཆེ་བ་ཡིན་ན།ད་བོད་རང་དབང་རང་བཙན་ཟེར་བ་རེད་བ་མེད་རེད།
གུས་པས་འཆན་ཞིག་རྒྱབ་ཡོད་པ་ད་དུང་དེ་ག་རང་ན་བསྡད་འདུག
དེ་རིང་གི་རྐྱེན་ངན་དེ་གྲོགས་ལ་གྱུར་ནས་མ་འོངས་པར་སྤྱི་ཚོགས་ལྷིང་འཇགས་དང་ནང་ཁུལ་རྙོག་དྲ་མེད་པ་མདུན་སྐྱོད་གང་འདྲ་རྒྱག་དགོས་ཡོད་མེད་ཐོག་ལ་བསམ་བློ་གཏོང་གི་ཡོད་ཀྱང་སྒོ་རྒྱག་བཅུག་གི་མི་འདུག ཅེས་བརྗོད་བྱུང་།
རང་གི་བཙོས་པའི་ཆང་སྟེ། འདི་ཞིམ་པོ་མེད་རུང་བཏུང་རྒྱུ་རེད། ཟེར་པ་ལྟར་འདོད་མོས་མེད་རུང་རང་ཉིད་ཀྱི་ཁྲིམས་ལ་གཏུག་ཤོག་གསུང་པ་རེད། ད་བཅད་ཁྲ་དང་ལེན་བྱེད་པའི་ཕོད་པ་ཡོད་དགོས་པ་རེད། དེ་མིན་ན་ད་དུང་མི་མཐུད་ངོ་ཚ་ཁ་སྐྱེངས་ཉོ་དགོས་པ་རེད། རོགས་པ་ཚོ་སྙིང་རྗེ་རེད། འདི་རང་ཉིད་ཀྱི་གཙོས་པའི་ཆང་རེད། གཙོ་བོ་དང་པོ་ནས་ལམ་ནོར་བྱས་མེད་འདི་འདྲ་ཞིག་ཡོང་དགོས་པ་འེ་ཡོད།
ཞུ་སྦྱོར་བ་སྤེན་པ་ཚེ་རིང་ལ་ཞལ་པར་བརྒྱུད་དེའི་སྐོར་བཀའ་འདྲི་ཞུས་པར་ཁོང་གིས། ད་བར་དུ་ཁྲིམས་ལ་གཏུགས་གཏུགས་ནས་བཅད་ཁྲ་ཉམས་ལེན་མ་བྱས་པ་ཡིན་ན། ང་སྒེར་ལ་ཁྱད་པར་ཆེན་པོ་གང་ཡང་ཡོད་པ་མ་རེད་དེ།
ད་ལྟར་གནས་སྟངས་འདི་འདྲའི་ཆགས་པ་དེ་སྤེན་ཚེ་ཁྱད་པ་གང་ཡང་མེད་ནས་ཆགས་པ་རེད།
གང་ཟག་ག་གེ་མོ་ཞིག་གི་སོ་སོའི་ལྟས་གོས་གཏམ་གསུམ་གལ་ཆེ་བ་གཙི་ནས་ད་ལྟ་གནས་སཏངས་འདི་ཆགས་པ་མ་རེད་པས།
བོད་མི་སྒྲིག་འཛུགས་དེ་གཏོར་ཤོག
སྤེན་ཚེ་ལགས་ཀྱི་དམིགས་ཡུལ་ངོ་མ་དེར་ཡིན་མདོག་ཁག་པོ་རེད།
སྲིད་སྐྱོང་གཙོས་པའི་བཀའ་ཤག་རྣམ་པས་ཆེས་མཐོའི་ཁྲིམས་ཞིབ་ཁང་གི་དཔྱད་ཕྲ་ཉམ་ལེན་གནང་ན་བཟང་། དེ་ལྟར་མ་བྱས་ཚེ་ཆུ་མགོ་ནས་སྙོག་ན་དྭངས་མེད། ཅེས་པའི་དཔེ་ལྟར་རེད། བཙན་བྱོལ་སྤྱི་ཚོགས་ཆུང་ཆུང་འདི་ཕྱིར་ཁ་འདམ་མི་ཐུབ་པར་གྱུར་ན་བཀའ་ཤག་ལ་ཏན་ཏན་འགན་ཡོད་པ་རེད།