ལ་མོ་ཚུལ་ཁྲིམས།
མང་གཙོ་དང་བཅའ་ཁྲིམས་གཉིས་ཕན་ཚུན་གཅིག་ལ་གཅིག་རྟེན་ཏུ་ཡོད་པ་དང་། བཅའ་ཁྲིམས་ལ་ངོས་ལེན་དང་བརྩི་བཀུར་བྱེད་པ་ནི་མང་གཙོའི་ལམ་དུ་ཤར་སྐྱོད་ཐུབ་པའི་ཐོག་མའི་ཆ་རྐྱེན་གཙོ་བོ་དེ་ཡིན་ཞིང་། མང་གཙོའི་སྤྱི་ཚོགས་དང་སྲིད་གཞུང་ཞིག་ལ་མཚོན་ན་བཅའ་ཁྲིམས་ནི་མེད་དུ་མི་རུང་བའི་རྩ་འཛིན་དེ་ཡིན་ལ། ཆབ་སྲིད་ཀྱི་འགལ་འདུ་དང་། སྲིད་གཞུང་གི་འཛིན་སྐྱོང་། མི་སེར་གྱི་སྲུང་སྐྱོབ་བཅས་ནི་བཅའ་ཁྲིམས་ཀྱི་ནུས་པ་དང་འབྲལ་ཐབས་མེད་པ་ཞིག་ཡིན། དངོས་གནས་བཤད་ན་བཅའ་ཁྲིམས་ནི་མང་གཙོའི་སྲོག་ཤིང་ཡིན་ཞིང་། བཅའ་ཁྲིམས་ཀྱི་ནུས་པ་མེད་པར་མང་གཙོའི་ལམ་ལུགས་ལག་བསྟར་བྱེད་པའི་གོ་སྐབས་ཧ་ལམ་མེད།
རྒྱུ་མཚན་ནི་བཅའ་ཁྲིམས་ཀྱི་སྲུང་སྐྱོབ་མེད་པར་མང་གཙོའི་ཐོབ་དབང་ལག་བསྟར་བྱེད་མི་ཐུབ་ལ། བཅའ་ཁྲིམས་ཀྱིས་མང་གཙོའི་ལམ་ལུགས་དང་མཉམ་ཏུ། སྤྱི་ཚོགས་ཐོག་མི་སྒེར་དང་ཚོགས་པ་ཚང་མས་སྲིད་གཞུང་གི་དབང་ཆ་ཇི་ལྟར་འཛིན་རྒྱུ་དང་། བཟུང་བའི་དབང་ཆ་ལ་སྟངས་འཛིན་ཇི་ལྟར་བྱེད་རྒྱུ། སྲིད་གཞུང་གི་བྱེད་སྒོ་མཐའ་དག་མི་མང་གི་འཚོ་གནས་ཁོ་ནའི་ཆེད་དུ་འགྲོ་གིན་ཡོད་མེད་བཅས་ལ་ཁག་ཐེག་དང་སྟངས་འཛིན་བྱེད་གིན་ཡོད་པས་རེད། དེ་བཞིན་ཏུ་འགྲོ་བ་མིའི་ཐོབ་ཐང་དང་། རྒྱལ་ཁབ་ཀྱི་དར་རྒྱས། མི་རིགས་ཤིག་གི་ངོ་བོ་བཅས་སྲུང་སྐྱོབ་བྱེད་དགོས་ན་མང་གཙོའི་ལམ་སྲོལ་ལས་གྲུབ་པའི་ཁྲིམས་སྐྱོང་གི་སྲིད་གཞུང་ཞིག་མེད་ན་ཡོང་ཐུབ་མེད་པ་དེ་གསལ་བོ་རེད།
མང་གཙོའི་སྤྱི་ཚོགས་ཤིག་ལ་མཚོན་ན་སྲིད་གཞུང་ལ་བཅའ་ཁྲིམས་ཀྱི་ཚོད་འཛིན་དང་ཚད་ཐིག་ཡོད་ལ། མི་སེར་ལ་བཅའ་ཁྲིམས་ཀྱི་སྲུང་སྐྱོབ་དང་ཐོབ་དབང་ཡོད། སྲིད་གཞུང་གི་ལས་ཀྱི་སྣེ་མོ་བ་ཞིག་ཡིན་ན་བཅའ་ཁྲིམས་ཀྱི་བཀོད་པ་ལྟར་ལས་དོན་སྒྲུབ་དགོས་ཤིང་། མི་སེར་ཞིག་ལ་མཚོན་ནའང་ཟས་གོས་གནས་མལ་དང་འབྲེལ་བའི་ཀུན་སྤྱོད་ཚང་མ་བཅའ་ཁྲིམས་ལྟར་འགྲོ་བ་ཞིག་ཡིན། ཡང་གཅིག་བཤད་ན། མང་གཙོའི་སྤྱི་ཚོགས་ནང་སྐྱེ་བོ་མཆོག་དམན་བར་མ་སུ་ཞིག་ཡིན་ཡང་བཅའ་ཁྲིམས་ནི་གོང་ན་མེད་པ་ཞིག་ཡིན་པར་ངོས་འཛིན་བྱེད་ལ། ཁྲིམས་ཀྱི་མདུན་སར་ཚང་མ་འདྲ་མཉམ་དུ་ཡོད་དགོས་པ་ཞིག་ཡིན། འདི་ནི་བཅའ་ཁྲིམས་ཀྱི་རྩ་བའི་ཆོས་ཉིད་རེད།
མང་གཙོ་དང་བཅའ་ཁྲིམས་གླེང་སྐབས། ང་ཚོས་གསལ་བོར་ཤེས་པ་ནི། བཅའ་ཁྲིམས་ཀྱིས་མང་གཙོའི་རྒྱལ་ཁབ་ཀྱི་ཆབ་སྲིད་ཀྱི་དབང་ཆ་ལ་སྲུང་སྐྱོབ་བྱེད་པ་དང་། མི་སེར་ཡོངས་ཀྱི་རང་དབང་ལ་སྲུང་སྐྱོབ་བྱེད་པ། མི་སེར་དང་སྲིད་གཞུང་གི་ལས་ཀྱི་སྣེ་མོ་བ་ཡོངས་ཀྱི་བྱ་སྤྱོད་ཀུན་དང་མཐུན་ཞིང་ཚད་ལ་རན་པའི་ལམ་ཁ་ཞིག་ཏུ་བགྲོད་པར་ཚོད་འཛིན་དང་སྐུལ་འདེད་བྱེད།
སྤྱིར་བཅའ་ཁྲིམས་ནི་མི་མང་དང་སྲིད་གཞུང་གཉིས་བར་གྱི་གན་རྒྱ་ལྟ་བུ་ཞིག་ཡིན་ལ། སྲིད་གཞུང་དང་མི་མང་གཉིས་ཀར་གན་རྒྱ་དེ་སྲུང་བརྩི་བྱེད་པའི་ལས་འགན་ཡང་ཡོད། རེད་དེ། མང་གཙོའི་སྤྱི་ཚོགས་ཐོག་སྐབས་སྐབས་སུ་མི་གྲངས་ཉུང་ཤས་ཀྱིས་མི་གྲངས་མང་བའི་ཐག་གཅོད་ལ་བརྩི་བཀུར་མ་བྱས་པ་དང་། སྲིད་གཞུང་གི་སྒེར་གཅོད་ཀྱི་ནུས་པ་ཆེ་རུ་སོང་སྟེ་མང་ཚོགས་ལ་གནོན་ཤུགས་སྤྲོད་པ་སོགས་ཀྱི་འགལ་བ་བྱུང་སྐབས། བཅའ་ཁྲིམས་ཀྱིས་མི་སྒེར་དང་སྲིད་གཞུང་གཉིས་ཀའི་བྱ་སྤྱོད་འདི་ཁྲིམས་ཁང་དུ་ཐག་གཅོད་བྱེད་པའི་གོ་སྐབས་སྟེར་བ་ཡིན། ཐག་གཅོད་དེའི་ནང་དམངས་ཀྱི་ཐོག་མའི་བླ་ན་མེད་པའི་ཐོབ་དབང་ལ་འགན་སྲུང་དང་། རྒྱུ་མཚན་དང་གནས་ལུགས་ཡོད་ན་མི་གྲངས་ཉུང་ཤས་ཀྱི་ཐོབ་དབང་དང་རེ་བ་ལའང་སྲུང་སྐྱོབ་བྱེད།
ཡང་དག་པའི་མང་གཙོའི་སྲིད་གཞུང་ཞིག་ཡོད་དགོས་ན་བཅའ་ཁྲིམས་ལ་ངེས་པར་དུ་བརྩི་བཀུར་བྱེད་དགོས་ཤིང་། ཁྲིམས་ཁང་དང་ཁྲིམས་དཔོན་གྱིས་འདིའི་ཁྲོད་དམིགས་བསལ་གྱི་འགན་འཁུར་བླངས་ཡོད། མང་གཙོའི་ལམ་སྲོལ་ལས་གཏན་ལ་ཕབ་པའི་བཅའ་ཁྲིམས་ལ་མཚོན་ན། དེ་ཉིད་མི་སེར་ཡོངས་ཀྱི་ལག་ལེན་དོན་འཁྱོལ་ཡོང་བར་ཁྲིམས་ཁང་གིས་དམིགས་བསལ་གྱི་འགན་བླངས་ཡོད་པ་རེད། ཁྲིམས་དཔོན་གྱིས་ཕྱོགས་ཡོངས་ཀྱི་གནས་སྟངས་ལ་གསན་ཞིབ་དང་། གདེངས་འཇོག ཞིབ་འཇུག་བཅས་བྱས་རྗེས་འཇིགས་ཞུམ་དང་ཕྱོགས་ལྷུང་གང་ཡང་མེད་པའི་སྒོ་ནས། ཁྲིམས་ལུགས་གཞི་རྩར་བཞག་སྟེ་དྲང་བདེན་གྱི་ཐག་གཅོད་བྱེད། གནས་སྟངས་འདི་ལས་གསལ་བོར་ཤེས་རྒྱུ་ཡོད་པ་ཞིག་ནི། ཁྲིམས་དཔོན་ཞིག་ཡིན་ན་སྒེར་སེམས་དང་ཕྱོགས་ལྷུང་མེད་པར་རང་རྐྱ་འཕེར་བའི་དབང་ཤུགས་དང་མཉམ་ཏུ་ཕྱི་གསལ་ནང་གསལ་གྱི་ཁྲིམས་གཅོད་བྱེད་ཀྱིན་ཡོད་པ་འདི་ནི་བཅའ་ཁྲིམས་ཀྱི་ནུས་པ་དང་ཁྲིམས་དཔོན་གྱི་བྱེད་སྒོ་ཡིན།
ཁྲིམས་དཔོན་ཞིག་ཡིན་ན་ཁྲིམས་ཀྱི་དམིགས་བསལ་གྱི་སློབ་སྦྱོང་ཡོད་དགོས་པའི་ངེས་པ་མེད། ཨ་རི་ལ་མཚོན་ན་ཁྲིམས་དཔོན་མང་པོ་ཞིག་ལ་ཁྲིམས་ཀྱི་སློབ་གྲྭ་འགྲིམས་པའི་ལོ་རྒྱུས་མེད་ན་ཡང་ཁྲིམས་ཐག་གཅོད་པའི་དབང་ཆ་ཡོད། ཁྲིམས་དཔོན་ཞིག་གིས་ཁྲིམས་ཐག་གཅོད་སྐབས་ཆེས་གལ་ཆེ་བ་ནི་ལུགས་མཐུན་གྱི་འགྲོ་ལུགས་བརྩི་སྲུང་བྱས་ཏེ་ཁྲིམས་ཐག་གཅོད་པ་དེ་ཡིན། ལུགས་མཐུན་གྱི་འགྲོ་ལུགས་ཞེས་པ་ནི་སྲིད་གཞུང་གིས་ཞུ་གཏུག་ལ་ཕྱོགས་ཞེན་མེད་པར་ངོས་ལེན་བྱེད་རྒྱུ་དང་། མི་སེར་ཞིག་ལ་མཚོན་ན་ཁོང་ཚོ་ལ་བླ་ན་མེད་པའི་འཚོ་གནས་ཀྱི་ཐོབ་དབང་དང་། རང་དབང་ཡོད་པར་མ་ཟད། སྲིད་གཞུང་ལ་ཐོབ་དབང་དེ་ཉིད་གསལ་ཁ་འདོན་རྒྱུའི་གོ་སྐབས་ཀྱང་ཡོད་ཆོག་པའི་ཁྲིམས་གཏུག་གི་བརྒྱུད་རིམ་དེ་ལ་གོ་དགོས། ཁྲིམས་གཏུག་གི་བརྒྱུད་རིམ་དེ་ནི་ཁྲིམས་དཔོན་ཞིག་གི་ལས་འགན་གལ་ཆེས་ཤོས་དེ་ཆགས་ཡོད་པ་རེད།
བཅའ་ཁྲིམས་ཀྱིས་མང་གཙོའི་ལམ་ལུགས་ལ་སྲུང་སྐྱོབ་བྱེད་གིན་ཡོད་པ་ནང་བཞིན་མང་གཙོའི་ལམ་ལུགས་ཀྱིས་ཀྱང་བཅའ་ཁྲིམས་དང་བཅའ་ཁྲིམས་ཀྱི་དབང་ཤུགས་ལ་སྲུང་སྐྱོབ་བྱེད་གིན་ཡོད། དཔེར་ན་སྲིད་དབང་སྒེར་གཅོད་ཀྱི་སྲིད་གཞུང་ཞིག་ལ་མཚོན་ན། ལས་ཀྱི་སྣེ་མོ་བ་ཚོས་རང་གི་ཆབ་སྲིད་ཀྱི་དབང་ཆ་ནམ་དུའང་དམ་དུ་འཛིན། དེའང་ཁོང་ཚོས་བཅའ་ཁྲིམས་ཀྱི་དྲག་པོའི་སྟོབས་ཤུགས་ཅིག་ལ་བརྟེན་ནས་རང་གི་དབང་ཤུགས་རྒྱུན་གནས་ཐུབ་པར་བྱེད། མང་གཙོའི་སྤྱི་ཚོགས་ལ་མཚོན་ན་དེ་ལྟར་མ་ཡིན་པར་མང་ཚོགས་ཀྱིས་སྲིད་གཞུང་དེར་བལྟ་རྟོག་བྱེད་པའི་འགན་འཁུར་དང་། སྐྱོན་བརྗོད་བྱེད་པའི་གོ་སྐབས། ངོ་རྒོལ་བྱེད་པའི་ཐོབ་དབང་ཡོད་ལ། ཐ་ན་སྲིད་གཞུང་དེ་ཉིད་བརྗེ་བོ་རྒྱག་རྒྱུའི་ཐོབ་དབང་ཡང་ཡོད་པ་རེད། དེ་ལས་གཞན་ད་དུང་། མང་གཙོའི་སྤྱི་ཚོགས་ནང་། མི་སེར་རྣམས་ལ་བཅའ་ཁྲིམས་བརྩི་སྲུང་བྱེད་པའི་གོམས་སྲོལ་ཡག་པོ་ཞིག་ཡོད། དེ་ནི་གཙོ་བོ་ཁྲིམས་བཟོ་ལྷན་ཚོགས་སུ་མི་མང་ཉམས་ཞུགས་བྱེད་ཆོག་པའི་ཐོབ་དབང་ཡོད་པ་དང་། བཅའ་ཁྲིམས་དེའང་མཐར་གཏུགས་ན་མི་མང་རང་གི་ཆེད་དུ་བཟོས་པ་ཞིག་ཡིན་པའི་ངེས་ཤེས་དང་ཡིད་ཆེས་བརྟན་པོ་ཡོད་པའི་རྟགས་ཡིན་ལ། བཅའ་ཁྲིམས་ལ་ཡིད་ཆེས་དང་འགན་འཁུར་ཡོད་ན་ད་གཟོད་མང་གཙོའི་ལམ་ལུགས་སུ་ཤར་སྐྱོད་ཐུབ་པའི་རེ་བ་ཡོད་པ་རེད།
མང་གཙོའི་བཅའ་ཁྲིམས་དང་དམངས་གཙོའི་ཙ་ཁྲིམས་ཧཧཧ
བཙན་བྱོལ་བོད་མིའི་བཅའ་ཁྲིམས་དོན་ཚན་བཅུ་གསུམ་ནང་འཁོད་པའི་བོད་ཀྱི་ཡུལ་མིའི་ལས་འགན་སྒྲུབ་དགོས་པ་དེ་རང་ལོ་བཅོ་བརྒྱད་ཡན་གྱི་བཙན་བྱོལ་བོད་མི་མཐོ་དམའ་བར་གསུམ་ཚང་མས་ལས་འགན་ཞིག་ཡིན་པ་དང་ཁ་མཆུ་ཨང་ཉི་ཤུ་གི་རྩོད་ལན་པས་ཆེས་མཐོའི་ཁྲིམས་ཞིབ་ཁང་གི་བཅད་ཁྲ་ལ་འགན་འཁུར་ཞུས་མེད་ན་བཅའ་ཁྲིམས་དོན་ཚན་བཅུ་གསུམ་ནང་གསལ་བའིི་བོད་ཀྱི་ཡུལ་མིའི་ལས་འགན་མ་འགྲུབ་པར་ངོས་འཛིན་གྱི་བཅའ་ཁྲིམས་དོན་ཚན་ཉི་ཤུ་རྩ་དགུ་པའི་ནང་གསེས་གསུམ་པའི་ཀ་པ་ནང་གསལ་ལྟར་སྤྱི་འཐུས་གྲོས་ཚོགས་ནས་འགན་འཁུར་ལེན་དགོས་པ་ནི་བཅའ་ཁྲིམས་ཀྱི་བཀུར་བའི་གྲོས་ཚོགས་འཐུས་མིའི་ལས་འགན་ཞིག་ལ་ངོས་འཛིན་ཞུ་གི་ཡོད།
གནས་ལུགས་དང་རྒྱུ་མཚན་དབེན་ཞིང་། ཡིག་ནོར་གྱིས་ཁེངས་པའི་དྲ་འབུ་འདི་དག་གི་སྐད་ཆ་ལས་སྤྱི་ཚོགས་ཤིག་གི་གནད་དོན་དང་དམངས(མང)་གཙོ་སོགས་ཀྱི་གླེང་མོལ་བྱ་བའི་གནས་ཚད་ལོངས་མེད་པའི་ན། ཁྱི་ཁ་དེ་བཙུམ་སྟེ་དང་པོ་སྐད་ཆའི་ཐོ་དཔང་བརྡ་དག་ཡག་པོ་སྦྱོངས། དེ་ནས་སྤྱི་ཚོགས་ལ་ལྟ་བའི་བསམ་བློའི་ཤེས་ཡོན་གྱི་ཚབ་མཚོན་ཚིག་སྒྲུབ(གྲུབ)་བཟོ་སྟངས་ཀྱི་ཟམ་ཆུང་འགྲིམས། དེའི་རྗེས་ཆབ་སྲིད་རིག་པའི་སྡིངས་ཆར་སྙེག་པའི་རྩོམ་རིག་གི་ལམ་ཆེན་དེ་བསྐྱོད་རྗེས། གཞི་ནས་སྤྱི་ཚོགས་ཤིག་གི་གནད་དོན་གླེང་དགོས་པ་མ་གཏོགས། ཀླད་པ་སྟོང་པ་དང་བསམ་བློ་རུལ་བ་ཅན་རྐྱང་རྐྱང་གིས་སྤྱི་ཚོགས་ཤིག་གི་གནད་དོན་གླེང་ཁུལ་བྱས་པ་འདི་ལ་བསམས་ན། ད་སྤྱི་ཚོགས་འདིའི་གནས་སྟངས་ཛ་དྲག་ཏུ་གྱུར་ཡོད་པ་གསལ་བཤད་གནང་གི་ཡོད་པས། དངོས་གནས་ཡིད་རེ་སྐྱོ་ཨང་།
གནད་ལ་ཕབས་ནས་བཤད་ན། ད་ལྟའི་བཀའ་ཤག་གི་དཀའ་ངལ་ཆེ་ཤོས་དེ་ཁྲིམས་དྲང་པོ་བྱུང་མ་བྱུང་མ་ཡིན་པར། སྤྱི་ཚོགས་ལ་རང་ཉིད་ཀྱི་ངོ་གདོང་ཅི་ལྟར་སྟོན་དགོས་མིན་དེ་རེད། གལ་སྲིད་ཁྲིམས་དྲང་པོ་མ་བྱུང་བ་ཡིན་ན་དོན་ཚན་སོགས་ལུང་འདྲེན་བྱས་ནས་བཤད་དགོས་པ་བཀའ་ཤག་གིས་ལོས་ཤེས་ཏེ། སྲིད་སྐྱོང་དང་ཁོང་གི་ཁྲིམས་རྩོད་པ་རྣམ་པ་གཉིས་ཆ་ཁྲིམས་ཀྱི་འབུམ་རམས་པའི་ཕྱག་འཁྱེར་བསྣམ་མཁན་ཡིན་པས་སོ། དེར་བརྟེན་ད་ནི་ཁ་གཏད་གཅོག་པའི་ཐབས་ལམ་གཞན་ཞིག་ལས་ལྷག་མེད་པ་སྟེ། དེ་ནི་བཀའ་ཤག་གི་ཁྲིམས་རྩོད་པས་ཁྲིམས་ཁང་སྒོ་འགྲམ་ནས་བཤད་པའི་འུར་གཏམ་གྱི་གཡོ་འོག་ཏུ་ཚུད་པ་དང་། གཞན་ཡང་ལུང་ཚན་བྱེ་བྲག་པའི་ལར་ཞེན་གྱི་ཆེད་དུ་བོད་སྤྱི་བའི་རིགས་ཞེན་ཐལ་བ་བཞིན་འདོར་ཐུབ་མཁན་གྱི་གླེན་པ་ཁ་ཤས་ཡོད་པ་དེ་དག་བཀོལ་སྤྱོད་བྱེད་རྒྱུ་དེ་རེད། དེར་དམིགས་ནས་ཁྲིམས་ཡིག་དང་བཅད་ཁྲའི་དོན་ཚན་གང་ཡང་ལུང་འདྲེན་རྒྱུ་མེད་པར་ལས་རྒྱུ་འབྲས་ཀྱི་སྐད་ཆ་དེ་བཤད་པ་རེད། དེ་ནི་བཀའ་ཤག་གི་ཆེས་མཐའ་མའི་རེ་བ་འཆང་ས་ཉག་ཅིག་སྟེ་སྤྱི་ཚོགས་ཀྱི་མི་ཁ་ལ་རྒོལ་བའི་འབར་རྫས་གཅིག་པུ་དེ་ཡང་རེད།
༄༄། ལ་མོ་ཚུལ་ཁྲིམས་ལགས་ནས་དུས་སྐབས་དང་འཚམ་པའི་མང་གཙོ་དང་བཅའ་ཁ྄ིམས་ཀྱི་སྐོར་བཀའ་བརྩོམ་གནང་བར་ཐུགས་རྗེ་ཆེ་ཞུ་བ་དང་ཆབས་ཅིག་རང་རའི་སྤྱི་ཚོགས་བདེ་འཇག་དང་མང་གཙོ་ཚད་དང་ལྡན་པ་ཞིག་དགོས་ཀྱི་ཡོད་ན་བཅའ་ཁྲིམས་ལ་མཐའ་ཅིག་ཏུ་རྩིས་འཁུར་ཞུ་རྒྱུ་གཞུང་མང་གཉིས་ནས་ལག་ལེན་ཚུལ་བཞིན་གནང་བ་ལས་ལྷག་པ་ཞིག་མེད་པ་རེད་།།
ཡག་པོ་བྲིས་འདུག་ཐུགས་རྗེ་ཆེ་རྩོམ་འདི་བཀའ་ཤག་དང་སྤྱི་འཐུས་ཚོའི་ངེས་པར་དུ་ཐེངས་གཅིག་ཀློག་རོགས་གནང་བཙན་བྱོལ་བོད་མིའི་བཅའ་ཁྲིམས་ལ་རྩི་བཀུར་དང་ཡིད་ཆེས་བློ་གཏད་ཉམས་ལེན་ཞུ་རྒྱུ་དེ་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་ཞིག་ཡིན་པ་དང་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་དོན་ཚན་ཁག་ལ་ཉམས་ལེན་དང་རྩི་བཀུར་ཞུ་མ་ཐུབ་ཚེ་བོད་ཀྱི་ཡུལ་མིའི་ལས་འགན་མ་འགྲུབ་པ་ལ་ཁྲིམས་ཐོག་ནས་ངོས་འཛིན་བྱེད་དགོས་པ་མ་རེད་དམ།
ད་ཡག་པོ་རེད་ཡ།
བཅའ་ཁྲིམས་ནོར་ཡོད་མ་རེད་རྩོམ་པོ་ལ་ཞུ་
ཁྲིམས་ཞིབ་ཁང་གི་། ཁྲིམས་དཔོན་བཅད་ཁྲ་གཏང་ལས་དེ་དྲང་པོ་མ་བྱེད་པའི་ནོར་འཁྲུལ་ཛ་དྲག་བཟོ.མཁན་ཁྲིམས་མི་ཤིས་མཁན་གང་ཟག་ལྐུག་པ་ལུག་ལྟར་བཅད་ཁྲ་བཏང་།བློ་ཕམ་ཡོད།
རྒྱ་ནག་གུང་ཁྲན་ཁྲིམས་ནང་དྲང་ཉུང་མི་རིགས་ལ་ཚད་ཐོ་ཐོབ་ཡོད་། ཡིན་ན་དམར་ཤོག་སྲ་རྟེན་ཡོངས་སླེད་ཁྲིམས་ལ་གནང་མེད་ཀྱི་ཁྲིམས་གཅོད་ཕོག་མཁན་བོད་མི་དྲང་མེད་འདས། ཨ་ཧ་ཨ་ཧ
ད་ཡག་པོ་རེད་ཡ།
བཅའ་ཁྲིམས་ནོར་ཡོད་མ་རེད་རྩོམ་པོ་ལ་ཞུ་
ཁྲིམས་ཞིབ་ཁང་གི་། ཁྲིམས་དཔོན་བཅད་ཁྲ་གཏང་ལས་དེ་དྲང་པོ་མ་བྱེད་པའི་ནོར་འཁྲུལ་ཛ་དྲག་བཟོ.མཁན་ཁྲིམས་མི་ཤིས་མཁན་གང་ཟག་ལྐུག་པ་ལུག་ལྟར་བཅད་ཁྲ་བཏང་།བློ་ཕམ་ཡོད།
རྒྱ་ནག་གུང་ཁྲན་ཁྲིམས་ནང་དྲང་ཉུང་མི་རིགས་ལ་ཚད་ཐོ་ཐོབ་ཡོད་། ཡིན་ན་དམར་ཤོག་སྲ་རྟེན་ཡོངས་སླེད་ཁྲིམས་ལ་གནང་མེད་ཀྱི་ཁྲིམས་གཅོད་ཕོག་མཁན་བོད་མི་དྲང་མེད་འདས། ཨ་ཧ་ཨ་ཧ
ད་དེ་འདྲ་ཡིན་ན། ཁྲིམས་དཔོན་ཁྲིམས་མི་ཤེས་མཁན་གང་ཟག་ལྐུག་པ་ཡིན་ན། ཁྱེད་ཁྲིམས་ཤེས་མཁན་གང་ཟག་ལྕང་པོ་ཡིན་ས་རེད། འོ་ན། ཁྲིམས་དཔོན་ཁྲིམས་མི་ཤེས་མཁན་ཞིག་མཐོང་གི་ཡོད་ན་ཁྱེད་མི་འཇོན་པོ་ཞིག་ཡིན་པས་ཆ་ནས་ག་རེ་བྱས་ཡོད། ག་རེ་ཤེས་ཀྱི་ཡོད། ག་རེ་བྱས་དགོས་རེད་ཁ་གསལ་བསྒྲགས་བྱ་ཐུབ་ན་དེས་མ་ཤེས་མཁན་ལ་ཤེས་རྒྱུ་དང་། ཤེས་མཁན་ཚོར་ཡང་བསམ་བློ་གཏང་རྒྱུ་ཞིག་ཆག་གི་རེད། དེ་མིན་ཁ་ཏོང་བ་བཤད་ན་ཁ་ན་རོག་རེད་གོ ཨ་རོ།
དོན་ཚན་དང་གནད་དོན་གང་ནས་ནོར་བ་བཤད་རྒྱུ་མེད་ན་དོན་མེད་ཁྲིམས་དཔོན་མ་ཟུར་ར་བྱ་མི་རུང་གྲོགས་པོ་ལགས
དགོངས་པ་མ་ཚང་། ང་ལ་ཤེས་འགྱོན་གང་མེད་དེ་བོད་མི་གཞུང་སྲ་བརྟེན་ལ་ལ་རྒྱ་ཡོད་། ཁྲིམས་ཞིབ་ཁང་གིས་ཁྲིམས་དཔོན་གྱིས་བྱེད་ལས་སྟེ་ལྐུག་པ་ལུག་ལྟ་བུ་བོད་མི་སྒྲིགས་འཛུག་ལ་དམའ་ཕབ་མཁན་དང་རྒྱ་ནག་གུང་ཁྲན་ལ་འདོད་བློ་གཏེར་མཁན་བཅད་ཁྲ། བོད་མི་སྒྲིགས་འཛུག་གཞུང་གིས་ཁྲིམས་ཐོག་དཔང་མི་ངོས་ལེན་་མེད་པ་རྒྱ་ནག་གུང་ཁྲན་ལ་དཔེ་ལན་ནས་ལྐུག་པ་ཁྲིམས་དཔོན་བཅད་ཁྲ་། བོད་མི་སྒྲིགས་འཛུག་གིས་ཁྲིམས་ཐོག་དཔང་ཡིག་བརྩིས་མེད་གཏང་སྟངས་རྒྱ་ནག་གུང་ཁྲན་ལ་ཡིད་ཆེས་བྱེད་ནས་ལྐུག་པ་ཁྲིམས་དཔོན་བཅད་ཁྲ།་། ༧ གོང་ས་མཆོག་དུས་ལྟག་ཏུ་སྒེར་དང་བོད་སྤྱི་བ་གཙོ་ཆེ་བཀའ་སློབ་ཡིད་ལ་ཀྱངས་ནས་། བཙན་འབྱོར་བོད་མི་གཞུང་སྲ་མེད་ན་བོད་མི་ཡོངས་ཀྱི་ཚེ་ཟད་དོ་། ཀྱེ་མ་ཀྱེ་ཧུད་།
ཡང་དག་པའི་མང་གཙོའི་སྲིད་གཞུང་ཞིག་ཡོད་དགོས་ན་བཅའ་ཁྲིམས་ལ་ངེས་པར་དུ་བརྩི་བཀུར་བྱེད་དགོས་ཤིང་། ཁྲིམས་ཁང་དང་ཁྲིམས་དཔོན་གྱིས་འདིའི་ཁྲོད་དམིགས་བསལ་གྱི་འགན་འཁུར་བླངས་ཡོད། མང་གཙོའི་ལམ་སྲོལ་ལས་གཏན་ལ་ཕབ་པའི་བཅའ་ཁྲིམས་ལ་མཚོན་ན། དེ་ཉིད་མི་སེར་ཡོངས་ཀྱི་ལག་ལེན་དོན་འཁྱོལ་ཡོང་བར་ཁྲིམས་ཁང་གིས་དམིགས་བསལ་གྱི་འགན་བླངས་ཡོད་པ་རེད། ཁྲིམས་དཔོན་གྱིས་ཕྱོགས་ཡོངས་ཀྱི་གནས་སྟངས་ལ་གསན་ཞིབ་དང་། གདེངས་འཇོག ཞིབ་འཇུག་བཅས་བྱས་རྗེས་འཇིགས་ཞུམ་དང་ཕྱོགས་ལྷུང་གང་ཡང་མེད་པའི་སྒོ་ནས། ཁྲིམས་ལུགས་གཞི་རྩར་བཞག་སྟེ་དྲང་བདེན་གྱི་ཐག་གཅོད་བྱེད། གནས་སྟངས་འདི་ལས་གསལ་བོར་ཤེས་རྒྱུ་ཡོད་པ་ཞིག་ནི། ཁྲིམས་དཔོན་ཞིག་ཡིན་ན་སྒེར་སེམས་དང་ཕྱོགས་ལྷུང་མེད་པར་རང་རྐྱ་འཕེར་བའི་དབང་ཤུགས་དང་མཉམ་ཏུ་ཕྱི་གསལ་ནང་གསལ་གྱི་ཁྲིམས་གཅོད་བྱེད་ཀྱིན་ཡོད་པ་འདི་ནི་བཅའ་ཁྲིམས་ཀྱི་ནུས་པ་དང་ཁྲིམས་དཔོན་གྱི་བྱེད་སྒོ་ཡིན།
འདྲི་་བ།
༡) བཙན་། ། ༢) འབྱོར།། ༣) བོད་མི་ བསྒྲིགས་འཛུག་སྲ་་དགོས་སམ་།།
སྲ་མེད་ན་རྒྱ་ནག་གུང་ཁྲན་ཡིད་འཚིམ་འམ།། བོད་མི་སྒྲིགས་འཛུག་་ལ་ཁྲིམས་ཁངནས་ཆེ་མཐོང་དགོས་སམ། དམའ་ཕབ་མིན་ཉེས་།་བོད་གཞུང་གིས་ཁྲིམས་ཐོག་གི་དཔང་མི་དཔང་ཡིག་གཉིས་མེད་གཏང་སྟངས་ནས་རྒྱ་ནག་གུང་ཁྲན།བྱེད་ལས་མཚུངས་སམ། ཡང་ན་། དབང་ཆ་སྒེར་ལོག་སྤྱོད་པའི་ཁྲིམས་དཔོན་ཏེ་ཕྱོགས་ལྷུང་ངམ།། ང་དགོས་ནས་དྲང་པོ་ཁྲིམས།
་ཕྱོགས་ཡོངས་ལ་མཁྱེན་རྒྱ་མིག་ཡོད་གང་ཟག་དགོས།
མིག་ཡོད་མཐར་ལྷུང་འཛིན་མཁན་དགོས་མེད་དོ།
བཅད་ཁྲ་གང་ནས་ནོར་བ་བཤད་རྒྱུ་མེད་ན་དོན་མེད་སྐད་ཅོར་མ་བརྒྱབ། བྱས་ན་ཁྲིམས་ལ་མ་རྩིས་བ་དེ་སྒྲིག་འཛུགས་སྲ་བརྟེན་རེད་པས། ཀླ་ཀློའི་ལྟ་བ་རང་རེད།
འདྲི་་བ།
༡) བཙན་། ། ༢) འབྱོར།། ༣) བོད་མི་ བསྒྲིགས་འཛུག་སྲ་་དགོས་སམ་།།
སྲ་མེད་ན་རྒྱ་ནག་གུང་ཁྲན་ཡིད་འཚིམ་འམ།། བོད་མི་སྒྲིགས་འཛུག་་ལ་ཁྲིམས་ཁངནས་ཆེ་མཐོང་དགོས་སམ། དམའ་ཕབ་མིན་ཉེས་།་བོད་གཞུང་གིས་ཁྲིམས་ཐོག་གི་དཔང་མི་དཔང་ཡིག་གཉིས་མེད་གཏང་སྟངས་ནས་རྒྱ་ནག་གུང་ཁྲན།བྱེད་ལས་མཚུངས་སམ། ཡང་ན་། དབང་ཆ་སྒེར་ལོག་སྤྱོད་པའི་ཁྲིམས་དཔོན་ཏེ་ཕྱོགས་ལྷུང་ངམ།། ང་དགོས་ནས་དྲང་པོ་ཁྲིམས།
་ཕྱོགས་ཡོངས་ལ་མཁྱེན་རྒྱ་མིག་ཡོད་གང་ཟག་དགོས།
མིག་ཡོད་མཐར་ལྷུང་འཛིན་མཁན་དགོས་མེད་དོ།
དང་པོ་ཁྱེད་རང་བོད་ཡིག་ཡག་པོ་ཞིག་སྦྱོང་། ངས་བྱས་ན་ཁྱེད་རང་བོད་ཡིག་ཡག་པོ་ཞིག་མ་ཤེས་པའི་ཁར་གོ་བ་ལོག་གྲུབ་ཀྱིས་ལན་ཆོ་མེད་པ་དེ་འདྲ་རྒྱབ་བཞིན་འདུག དང་པོ་ཁྱེད་རང་གི་བྱས་ཐུབ་པ་དེ་བོད་ཡིག་ཡག་པོ་ཞིག་སྦྱོང་། དེ་ནས་ཡི་གེ་དེ་ཚོ་ཡག་པོ་ཞིག་ཀློག་ནས་གོ་བ་ཞིག་ལོན་ནས་བཤད་ན་དེ་ཕན་ལེ་རེད། དེ་མིན་ཁྱེད་རང་རླུང་གིས་ག་རེ་བྲིས་ཀྱི་ཡོད་མེད་ཤེས་ཀྱི་ཡོད་ས་མ་རེད།