གསོན་པོ་དང་མྱི་གླེན་པ་གཉིས་ཀྱིས་རྩོམ་སྒྲིག་བྱས།
གཅིག སྐྱེས་སྐར་རོལ་སྐབས་ཀྱི་ཅ་དངོས།
སྐྱེས་སྐར་རོལ་མཁན་ལ།
འཕྲེད་དར་རམ་ཁ་ཡིག མཆོད་མེ། སྤྲི་གོར། ལོ་གྲངས། བོད་ལྭ། ཁ་བཏགས།
ནང་མི་དང་སྐྱེས་སྐར་དེ་ལ་ཞུགས་མཁན་གྱི་གྲོགས་པོ་གྲོགས་མོ་ལ།
ཁ་བཏགས། ལེགས་སྐྱེས། གསལ་བཤད། ལེགས་སྐྱེས་ལ་གཏན་འཁེལ་མེད་མོད། བྱིས་པའི་མ་འོངས་འཚོ་བ་དང་ཀུན་སྤྱོད་ལེགས་ལམ་དུ་གཏོང་བར་ཕན་པ་ལས། མི་ཆེན་ཚོས་དབང་ཐང་དང་རྒྱུ་འབྱོར་ངོམས་པའི་སྟེགས་བུ་རུ་གཏན་ནས་གཏོང་མི་རུང་། འཛེམ་བྱ། སྐྱེས་སྐར་ལེགས་སྐྱེས་ལ་མེ་མདའ་སོགས་མཚོན་ཆའི་རིགས་གཏན་ནས་སྟེར་མི་རུང་ཞིང་། ལེགས་སྐྱེས་ཆེ་མི་རུང་། གལ་སྲིད་ཆེ་སོང་ན་སྐྱེས་སྐར་ནི་ལོ་ལྟར་རྒྱུན་མི་ཆད་པ་བསྟུད་མར་འོང་བས་སྔར་ལོ་ལས་ཕྱིར་ལོ་ལེགས་སྐྱེས་ཆུང་ན་བྱིས་པ་ཡིད་མ་ཚིམ་པ་དང་ཁོ་ཆད་པའི་འདུ་ཤེས་སྐྱེ་བར་བཤད།
གཉིས། སྐྱེས་སྐར་གླུ་གཞས།
གཞས་ཚིག༢༠༡༧ལོར་རང་རིག་སྐྱིད་ཀྱིས་བརྩམས།
ཁྱེད་ཀྱི་སྐྱེས་སྐར་ལ་རྟེན་འབྲེལ་ཞུ།
ཁྱེད་ཀྱི་སྐྱེས་སྐར་ལ་རྟེན་འབྲེལ་ཞུ།
བརྩེ་བའི( )ཁྱེད་ཀྱི་སྐྱེས་སྐར་ལ།
ཚེ་རིང་ནད་མེད་ལོ་བརྒྱ།
ཚེ་རིང་ནད་མེད་ལོ་བརྒྱ།
གསུམ། སྐྱེས་སྐར་རོལ་སྐབས།
ཐོག་མར་སྐྱེས་སྐར་ཁ་ཡིག་སྦྱར། སྐྱེས་སྐར་རོལ་མཁན་དེ་ཉིད་ཀྱིས་བོད་ལྭ་གྱོན། སྐེ་ལ་ཁ་བཏགས་བསྒྲོན། སྐྱེས་སྐར་སྤྲི་གོར་འགྲམ་ལ་མཆོད་མེ་བསྒྲོན་རྗེས་མཆོད་མེ་ཁྱེར་ནས་མཆོད་ཁྲིའི་སྟེང་དུ་བཞག དེ་ནས་སྐྱེས་སྐར་ལ་སྨོན་འདུན་ཕུལ་བའི་བཟའ་མི་གཉེན་ཉེ་གྲོགས་པོ་གྲོགས་མོ་ཚང་མས་མཉམ་དུ་སྐྱེས་སྐར་གླུ་གཞས་ལེན་པ།
བཞི། སྐྱེས་སྐར་སྤྲི་གོར་བགོ་འགྱེད།
སྤྲི་གོར་བགོས་ནས་ལོ་རྒན་རིམ་ལྟར་ཆེ་བ་ནས་ཆུང་བར་རང་གིས་དངོས་སུ་སྟེར་བ། ལེན་མཁན་གྱིས་ཚེ་རིང་ལོ་བརྒྱ། བྱ་བ་ལམ་འགྲོ། ཁ་ལས་དགེ། སྐྱེས་སྐར་ལ་རྟེན་འབྲེལ་ཞུ་སོགས་ཁ་ནས་རང་གིས་གང་ཤེས་ཀྱི་ཤིས་ཚིག་རྗོད་པ།
ལྔ། སྐྱེས་སྐར་གྱི་དབྱངས་རྟ་དང་ཚིག
ཐོག་མའི་སྐྱེས་སྐར་གྱི་དབྱངས་རྟ་ནི་ཨ་མེ་རི་ཀའི་ལིར་སི་མངའ་སྡེའི་ཤེར་བུ་མོ་སྤུན་གཉིས་ཀྱིས་ཚང་མར་ཞོགས་པ་བདེ་ལེགས་ཞེས་པའི་ཁམས་འདྲིའི་དབྱངས་གཞིར་བཟུང་སྟེ། ཁྱེད་ཀྱི་སྐྱེས་སྐར་ལ་རྟེན་འབྲེལ་ཞུ་ཞེས་པ་དབྱངས་རྟ་དེ་ལ་དྲངས་པ་སྐྱེས་སྐར་གླུ་རུ་ཆགས་པའོ།།
སྐྱེས་སྐར་དབྱངས་རྟ་དེ་ས་གནས་དང་མི་རིགས་གང་གི་སྐད་དུ་བསྒྱུར་རུང་སྔར་གྱི་དབྱངས་རྟ་ལ་ད་ཐུག་བར་དུ་འགྱུར་བ་སོང་མེད། དབྱངས་ཡིག་ནི།
དྲུག སྐྱེས་སྐར་དར་བའི་ལོ་རྒྱུས་མདོ་ཙམ།
སྤྱི་ལོ་སྔོན་གྱི་ལོ་སུམ་སྟོང་ཡས་མས་སུ་ཨེ་ཅིབ་གདོད་མའི་ཆོས་ལུགས་སུ་སྐྱེ་བ་རྗེ་མར་ཡང་བསྐྱར་མི་ལུས་ཐོབ་ཕྱིར་དར་བར་བཤད། སྐབས་དེར་ཨེ་ཅིབ་པའི་ལུགས་ལྟར་མགོ་ལ་ཞྭ་མོ་གྱོན་པའི་རྩེ་མོ་ན་སྐར་མ་དང་ཚེས་རིས་ད་ལྟའི་ཁ་ཆེའི་ཆོས་ཁང་མགོའི་ཏོག་ལྟ་བུ་ཞིག་ཏུ་ངེས། ཕྱིས་སུ་ཚུར་རོ་མན་དུ་དར་སྐབས་ཞྭ་མོ་དེ་བསྒྱུར་ནས་རྩེ་མོར་ཡེ་ཤེས་མ་ཤི་ཀའི་མཚོན་བྱེད་ལྔ་ཡོད་པ་དེ་གྱོན་སྲོལ་བཙུགས། དེའི་ཕྱིས་སུ་རྒུ་རུ་སུ་ལ་དར་བ་ནས་སྐྱེས་སྐར་སྤྲི་གོར་བཟོ་སྲོལ་གསར་དུ་དར། སྐྱེས་སྐར་སྤྲི་གོར་གོར་གོར་ཡིན་པ་དེས་ཟླ་བ་མཚོན། དེའི་སྟེང་དུ་སྒྲོན་མེ་སྤར་བ་དེས་ཟླ་བའི་འོད་མཚོན། བཤད་སྲོལ་གཞན་དུ། ཕེ་རྒན་ནམ་ཤེ་མིན་ཟེར་བའི་ཡེ་ཤེས་ཆོས་ལུགས་ཀྱི་ཡན་ལག་གི་གྲུབ་མཐའི་ལུགས་སུ་སྒྲོན་མེ་ལ་ཕུ་བཏབ་ཏེ་གསོད་པ་ནི་དུ་བ་ནམ་མཁར་སོང་ན་ཉིན་དེར་མི་ཡུལ་དུ་མི་གཅིག་སྐྱེས་པ་ནམ་མཁའི་ལྷ་ལྷ་མོ་ཚོས་ཤེས་པའམ་ཁོ་ཚོར་སྐྱབས་འཇུག་གམ་བཅོལ་དམ་བྱས་པ་མཚོན། བྱེད་སྟངས་དེ་ལ་ཁ་ཆེ་བ་ཚོས་འཐད་པ་མེད་པར་དགག་པ་ཚ་ནན་གཏང་འདུག་སྐད།
བཤད་སྲོལ་གཞན་ཞིག་ཏུ། རྒུ་རུ་སུའི་དམངས་ཁྲོད་རིག་གནས་སུ་མི་ཚང་མ་བདུད་གཅིག་གིས་བསྲུངས་པར་ཡིད་ཆེས། ཕྲུ་གུ་བཙའ་དུས་བདུད་དེས་རོགས་རམ་དང་ཚེ་གང་ལ་སྲུང་སྐྱོབ་བྱེད། བདུད་དེ་ལྷ་ཞིག་དང་འབྲེལ་བ་དམ་པོ་ཡོད། དེ་ནི་བདུད་དེའི་སྲུང་སྐྱོབ་བྱེད་པའི་ཕྲུ་གུ་དེ་དང་སྐྱེས་སྐར་འདྲ་མཚུངས་ཡིན། རོམ་གྱི་མི་རྣམས་ཀྱི་ལྟ་ཚུལ་དེ་དང་ཕལ་ཆེར་འདྲ་མཚུངས་ཡིན།
ཡང་བཤད་རྒྱུན་གཞན་ཞིག་ཏུ། རྒུ་རིགས་དམངས་ཁྲོད་དུ་ཟླ་བ་འདྲ་བའི་སྤྲི་གོར་སྟེང་པྲ་ཚིལ་མཆོད་མེ་བསྒྲོན་ནས་གཙུག་ལག་ཁང་ཡང་སྟེང་ནས་ཟླ་བའི་ལྷ་ལ་མཆོད་པ་བཤམས་ན། རང་གི་སྨོན་འདུན་མངོན་འགྱུར་ཐུབ་པའི་མཐུ་ནུས་ཁྱད་པར་བ་ཐོབ་པའི་དད་པ་མཚོན། དེ་ལྟར་སྐྱེས་སྐར་གཏོང་སྲོལ་ནི་རྫུ་འཕྲུལ་དང་ཆོས་ལུགས་གང་རུང་གི་དད་པ་ལ་བརྟེན་ནས་བྱུང་བར་བཤད།
དུས་རབས་བཅུ་དགུ་བའི་ཡར་སྔོན་དུ་སྐྱེས་སྐར་ནི་སྐྱེས་པ་ཕོ་ལས་བུད་མེད་ལ་གཏོང་སྲོལ་མ་མཆིས། དུས་རབས་བཅུ་དགུ་བར་ཐོག་མར་དབྱིན་ཇིའི་རྒྱལ་མོས་སྐྱེས་སྐར་རོལ་ནས་ཨ་མེ་རི་ཀ་དང་ཡོ་རོབ་སོགས་སུ་ཕོ་མོ་འདྲ་མཉམ་གྱི་ལས་འགུལ་བྱུང་བ་དང་བསྟུན་དམངས་དཀྱུས་མའི་བུད་མེད་ཚོས་སྐྱེས་སྐར་རོལ་བའི་འགོ་ཚུགས་ཤིང་། དོན་དེ་ཆབ་སྲིད་ཀྱི་ངོ་བོ་རུ་བསྒྱུར་ནས་དོན་ངན་པ་ཆེ་མ་ཆུང་གསུམ་གྱི་ལས་སྣ་ཚོགས་བྱུང་ཚུལ་བཤད།
བདུན། བོད་པའི་སྐྱེས་སྐར་རོལ་ཚུལ་གླེང་དགོས་པའི་རྒྱུ་མཚན།
སྔ་རབས་བོད་མིས་སྐྱེས་སྐར་རོལ་ཚུལ་དང་གཏན་ནས་མི་འདྲ་བའི་ནུབ་གླིང་མིས་སྐྱེས་སྐར་རོལ་ཚུལ་འདི་འཛམ་གླིང་ས་སྒང་ཧྲིལ་པོར་ཁྱབ་དང་ཁྱབ་བཞིན་པ་ལྟར་འུ་ཅག་གི་ཡུལ་ལ་ཚ་རླབས་དེ་ལོ་རེ་ལས་ལོ་རེར། ཟླ་རེ་ནས་ཟླ་རེར། ཉིན་རེ་ལས་ཉིན་རེར་ཇེ་མང་ནས་ཇེ་མང་དུ་འགྲོ་བ་ལ་འགྲིག་མིན་གྱི་སྐད་ཆ་མེད་ཀྱང་། ས་གནས་གཞན་དང་གཞན་དུ་དར་བ་ལྟར་དེ་ལ་རང་མི་རིགས་ཀྱི་ཁྱད་ཆོས་མ་འདྲ་བ་ཞིག་ཡོད་ན་ཧ་ཅང་གི་ལེགས་པོ་རུ་སྣང་།
གོང་དུ་བོད་མིས་སྐྱེས་སྐར་རོལ་སྐབས་མགོ་ལ་ཤོག་ཞྭ་མི་གྱོན་པ་ནི་ཉེ་བའི་རིག་གནས་གསར་རྗེ་དུས་སུ་ཞྭ་མོ་ཅན་ཞེས་ཉེས་མེད་སྨྱོན་འཛུགས་བྱས་ཏེ་མནར་གཅོད་སྣ་ཚོགས་དང་བཙོན་ལ་བཅུག་པ། ཚེ་སྲོག་ཤོར་བ་སོགས་གྲངས་སུ་མི་ཟིན་པས། བོད་མི་ཚང་མས་མགོ་ལ་ཤོག་ཞྭ་གྱོན་པ་དུས་དེ་ནས་ལྟས་ངན་ཚབ་ཆེན་དུ་བརྩིས། ཤོག་ཞྭའི་ཚབ་ཏུ་སྐེ་ལ་དྲི་མེད་དྭངས་གཙང་གི་ལྷ་རྫས་ཁ་བཏགས་ཤིག་བསྒྲོན་ན་ཚེ་རིང་ནད་མེད་བདེ་སྐྱིད་ལྡན་པའི་རྟེན་འབྲེལ་གྱི་མཚོན་བྱེད་ཐུབ་པ་ཧ་ཅང་ལེགས། སྤྲི་གོར་ནི་དྲིན་ཆེན་ཕ་མ་དང་གཉེན་ཉེ་མཛའ་གྲོགས་ཚང་མའི་བཀའ་དྲིན་དང་བརྩེ་བ་ལ་དྲིན་ལན་མི་བརྗེད་པའི་ཆེད་དུ་བཀོད་བསྒྲིགས་བྱས་པའི་ལེགས་སྐྱེས་ཡིན། འགྲམ་གྱི་མཆོད་མེ་ནི་ཤེས་རབ་སྟེ་རང་གིས་ཤེས་རབ་ལ་བརྟེན་ནས་རྨོངས་པ་དང་ཉེས་པ་སེལ་ནས་འཇིག་རྟེན་མི་ཡུལ་གྱི་མུན་པ་ཚེ་སྲོག་གི་འོད་སྣང་གིས་གསལ་བ་བྱ་བ་དང་། མཆོད་མེར་ཕུ་མ་བཏབ་པར་མཆོད་པར་ཕུལ་ན་ལྷག་ཏུ་རང་གི་དྲིན་ཆེན་རྩ་བའི་བླ་མའི་ཤེས་རབ་བསྩལ་བའི་སྐུ་དྲིན་མ་བརྗེད་པ་མཚོན་པ་ནི་ལེགས་པ་ལས་ཀྱང་ལེགས་པའོ།། ལུས་ལ་བོད་ཆས་མནབས་པ་ནི་ཕ་མེས་ཡང་མེས་ཀྱི་ལོ་རྒྱུས་གོམས་སྲོལ་དང་། རང་ཉིད་དེ་དག་གི་བུ་རབས་ཚ་རྒྱུད་ཡིན་པ་དྲན་སྐུལ་དང་། ཁོ་ཚོའི་སྐུ་དྲིན་ལས་དེ་རིང་ངའི་ཚེ་སྲོག་དང་བདེ་སྐྱིད་བྱུང་བ་མཚོན་པ་བཅས་སོ།། དགེའོ།།
འདས་པའི་བོད་པའི་སྤྱི་ཚོགས་ནང་རང་གི་སྐྱེས་པའི་ཉིན་མོ་ལ་དགའ་སྟོན་གྱི་སྲུང་བརྩི་ཞུ་སྲོལ་ཡོད་མེད་ཀྱི་ལོ་རྒྱུས་སོགས་མ་མཐོང་ཡང་དེང་སྐབས་བོད་མི་རྣམས་ཕྱིའི་རྒྱལ་ཁབ་མང་པོའི་ནང་ཁ་ཐོར་ནས་རང་གི་འཚོ་བ་སྐྱེལ་བཞིན་པ་ནས་ཕྱིའི་རྒྱལ་ཁབ་ཀྱི་སྐད་ཡིག་དང་ལམ་ལུགས་རིག་གཞུང་སོགས་མང་པོ་བོད་མིའི་འཚོ་བའི་ནང་ཤུགས་མ་ཐུབ་ལ་སླེབ་ནས་སྐྱེས་སྐར་སྲུང་བརྩི་བྱེད་མཁན་དེ་ཁྱིམ་ཚང་གི་དཔལ་འབྱོར་ལ་ཞིག་པས་རྒྱས་བསྡུས་མང་པོ་གནང་མཁན་འདུག་པ་དེ་ཚོ་ལེགས་པའི་ཆ་ལ་སོང་དགའ་བསུ་ཞུ་འོས་པའི་བྱ་བ་བཟང་པོ་ཞིག་ཡིན་པ་དང་མ་འོངས་བོད་པའི་སྤྱི་ཚོགས་ནང་སྐྱེས་སྐར་རོལ་སྐབས་ག་རེ་གནང་དགོས་མིན་སྐོར་ལ་དོན་ཚན་བདུན་གསལ་སྟོན་གནང་བ་ལ་རྗེས་སུ་ཡིད་རངས་དང་ཐུགས་རྗེ་ཆེ་ཞུ་འདོད་བྱུང།
བོད་ཀྱི་སྐྱེས་སྐར་རོལ་སྟངས་བསླབ་བྱ་གནང་བར་བཀའ་དྲིན་ཆེ།
ཁ་ཆེའི་ཆོས་ནི་དུས་རབས་དྲུག་པ་ལ་བྱུང་བ་རེད་
ད་བར་ལོ་ཆིག་སྟོང་བཞི་བརྒྱ་ཡན་མན་གྱི་ཁྲག་མཚོ་འཁྱིལ་བའི་ལོ་རྒྱུས་ཡོད་པ་ལས་ལོ་སུམ་སྟོང་ཟེར་ན་ནོར་བ་རེད།
Scholars who study the Bible say that the earliest mention of a birthday was around 3,000 B.C.E. and was in reference to a Pharaoh’s birthday. But further study implies that this was not their birth into the world, but their “birth” as a god.
When Egyptian pharaohs were crowned in ancient Egypt, they were considered to have transformed into gods. This was a moment in their lives that became more important than even their physical birth.