མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཁྲིམས་ལ་བརྩི་བཀུར་མེད་པའི་ཁྲིམས་བཟོ་བ།

བོད་ཀྱི་དུས་བབ།
༢༠༢༠/༡༠/༠༧
Share on FacebookShare on TwitterShare on EmailShare on Whatsapp

ཞང་བློན།

ཕྱི་ལོ་༢༠༢༠ ཟླ་ ༩ ཚེས་ ༢༥ ཉིན་ཆེས་མཐོའི་ཁྲིམས་ཞིབ་ཁང་ནས་སྤྱི་འཐུས་རྒྱུན་ལས་ལྷན་ཚོགས་ཀྱི་ཚོགས་མི་གྲངས་ ༡༡ ནས་བསམ་བཞིན་དུ་བཙན་བྱོལ་བོད་མིའི་བཅའ་ཁྲིམས་ལ་བརྩི་མེད་བྱས་པའི་བྱེད་འཛོལ་ཆད་འགེལ་གྱི་ཐག་གཅོད་དོན་ཚན་ ༢༡ ཅན་གྱི་བཀའ་ཁྱབ་ཅིག་གནང་བ་དང་། དབུས་འོས་བསྡུ་ལས་ཁང་ལ་སྤྱི་མང་གཏུག་བཤེར་འགྲོ་ལུགས་ཁྲིམས་ཡིག་དོན་ཚན་ ༥༡ [ཁ] ༢) པའི་ཆ་རྐྱེན་འོག་འགན་བསྐུར་བཀའ་ཁྱབ་གནང་སྟེ། གོང་གསལ་སྤྱི་འཐུས་རྒྱུན་ལས་༡༡ གི་འདེམས་བྱེད་ཐོབ་ཐང་བཀག་སྐྱིལ་བྱས་པ་ལག་བསྟར་དགོས་པའི་བཀའ་གནང་ཡོད།

ཉིན་དེ་རང་དུ་སྤྱི་འཐུས་ལྷན་ཚོགས་ཀྱིས་”ཆེས་མཐོའི་ཁྲིམས་ཞིབ་ཁང་ནས་བཅའ་ཁྲིམས་དང་འགལ་བའི་ཆད་འགེལ་བྱས་པར་ངོས་ལེན་མེད་པའི་གསལ་བསྒྲགས་”ཤོག་ངོས་ ༤ ཅན་ཞིག་སྤེལ་ཡོད་པ་དང་། གསལ་བསྒྲགས་དེའི་དོན་ཚན་༦ པར་”ཆེས་མཐོའི་ཁྲིམས་ཞིབ་ཁང་ནས་བཙན་བྱོལ་བོད་མིའི་བཅའ་ཁྲིམས་ཀྱི་གོང་དུ་བསྡད་ནས་ཐག་གཅོད་བྱས་པ་དེར་ནམ་ཡང་ངོས་ལེན་བྱ་ཐབས་མེད་པ་དང་། དེ་བཞིན་འཛིན་སྐྱོང་བཀའ་ཤག་དང་། རང་དབང་ཅན་གྱི་སྡེ་ཚན་ཁག་གཙོས་འབྲེལ་ཡོད་ཚང་མས་བཅའ་ཁྲིམས་དང་འགལ་བའི་ཐག་གཅོད་དེར་ངོས་བཞེས་གནང་ན་འགྲིག་ཐབས་མེད།” ཅེས་བཀོད་འདུག

ཆེས་མཐོའི་ཁྲིམས་ཞིབ་ཁང་ནི་བཙན་བྱོལ་བོད་མི་སྤྱི་སྒེར་ཡོངས་ཀྱི་མཐར་ཐུག་གི་ཞུ་གཏུགས་བྱ་ཡུལ་ཁྲིམས་ཞིབ་ཁང་དང་། བོད་མིའི་སྒྲིག་འཛུགས་ཀྱི་ཁྲིམས་འཛིན་གོང་ན་མེད་པ་དེ་ཡིན་པ་དང་། སྤྱི་འཐུས་ལྷན་ཚོགས་ནི་ཁྲིམས་ལུགས་བཟོ་འགོད་དང་། གཏན་འབེབས་བྱ་རྒྱུའི་དབང་ཆ་ཡོངས་རྫོགས་ཡོད་པའི་ཁྲིམས་བཟོ་ལྷན་ཚོགས་དེ་ཡིན་པས། བཀའ་ཁྱབ་དང་གསལ་བསྒྲགས་དེ་གཉིས་གང་ཞིག་ལག་བསྟར་དགོས་མིན་ལ་ཁྲིམས་ལུགས་མི་ཤེས་པའི་མང་ཚོགས་མགོ་བོ་རྨོངས་པ་དང་། དབུས་འོས་བསྡུ་ལས་ཁུངས་ཀྱི་ལས་དོན་བྱེད་ཕྱོགས་ལའང་གནོན་ཤུགས་འཕར་མ་ཞིག་སླེབས་ཡོད།

དོན་དངོས་ཐོག་སྤྱི་འཐུས་རྒྱུན་ལས་ཀྱིས་ཁྲིམས་ཞིབ་ཁང་གི་བཀའ་ཁྱབ་ལ་ངོས་ལེན་མེད་པའི་གསལ་བསྒྲགས་བྱས་མ་ཉིད་དུ་ཁྲིམས་ཞིབ་ཁང་ནས་བཀའ་ཁྱབ་གཉིས་པ་ཞིག་ངེས་པར་དུ་གཏོང་དགོས་མོད། དེ་མ་བྱུང་གོང་སྤྱི་འཐུས་ལྷན་ཚོགས་ཀྱི་གསལ་བསྒྲགས་དེའི་རྒྱབ་གནོན་ལྟ་བུར། ཕྱི་ལོ་༢༠༢༠ ཟླ་ ༩ ཚེས་ ༢༧ ཉིན་སྤྱི་འཐུས་རྒྱུན་ལས་ཤིག་གིས་ཁ་མཆུ་བོགས་མར་བླངས་ནས། ད་ཐེངས་ཁྲིམས་ཞིབ་ཁང་ལ་རྒྱུ་མཚན་འདང་ངེས་ཡོད་པར་མ་མཐོང་ཞེས་པའི་རྩོམ་ཡིག་སྤེལ་བ་དང་། “གུས་པའི་ཤེས་ཚོད་ལ་ཆེས་མཐོའི་ཁྲིམས་ཞིབ་ཁང་ནས་རང་གིས་རང་ལ་བསྣན་པའི་དབང་ཚད་སྤྱད་དེ། གུས་ཅག་བཅའ་ཁྲིམས་དང་འགལ་མཁན། དམ་བཅའ་མི་བརྩི་མཁན་དུ་ཐེ་ཚོམ་གང་ཡང་མེད་པར་བསྒྲགས་རྒྱུ་ཡིན་པ་དེ་སྔ་ནས་གསུངས་པ་མ་ཟད། ཉེ་སྔོན་ནས་བཏང་བའི་བརྡ་ཐོ་ཟེར་བའི་ནང་གདམ་བྱ་འདེམས་བྱེད་གཉིས་ཀའི་ཐོབ་ཐང་འཕྲོག་ངེས་པ་ཚིག་ཐག་བཅད་འདུག་ཀྱང་། སྐབས་མཚམས་འདེམས་བྱེད་ལས་ཕྲོགས་མི་འདུག་པ་ནི། དབུགས་བརྡོལ་བ་ཞིག་ལ་ངོས་འཛིན་བྱེད་ཀྱི་ཡོད།” ཅེས་ནན་བརྗོད་བྱས།

ཨ་བུ་ཧྲལ་པོས། གཏམ་རྣམས་བྲག་ཅ་ལྟ་བུར་རྒྱལ་བས་གསུངས། །ད་ནི་བྲག་ཅ་ལས་ཀྱང་ཡང་ཅ་སྟེ། །ཁ་དང་དོན་དུ་མི་མཚུངས་བྲག་ཅའི་གཏམ། །སླུ་ཚིག་བྲག་ཅ་འདི་ལ་སུན་པ་སྐྱེད། །ཅེས་གསུངས་པར་ཐུགས་མད་སྙམ་པ་བྱུང་ཞིང་།  བཙན་བྱོལ་སྤྱི་ཚོགས་ནང་ཁྲིམས་ཀྱིས་སྐྱོང་བའི་མང་གཙོ་ཡང་དག་པ་ཞིག་ཡོང་རྒྱུར་ཁ་ཐག་ཧ་ཅང་རིང་བའི་ངལ་སྣང་ཇེ་ཆེར་ཤར། དུས་རྒྱུན་༸གོང་ས་༸སྐྱབས་མགོན་ཆེན་པོའི་བཀའ་ཆོས་གནང་ས་སོགས་སུ་ཞལ་འདེབས་བསྡུ་མཁན་གྱི་ཁྲིམས་ལུགས་དང་མང་གཙོའི་མིང་འཁུར་ཅན་གྱི་ཚོགས་པ་དེ་ཚོས་གནས་སྟངས་འདི་འདྲའི་སྐབས་སུ་མང་ཚོགས་ལ་ཁྲིམས་ཀྱི་གོ་རྟོགས་སྤེལ་བ་དང་། སྤྱི་ཚོགས་ལེགས་ལམ་དུ་འཁྲིད་པའི་སྲི་ཞུ་བསྒྲུབ་དགོས་རུང་། དེ་དག་ནི་དགོས་སར་ཆད། མི་དགོས་སར་འཐོལ། ཞེས་པ་ལྟར་རྔོ་ཐོགས་པ་གང་ཡང་མ་བྱུང་།

མང་གཙོའི་ཀ་བ་གཉིས་ཀྱི་ཐག་གཅོད་བྱེད་སྟངས་ལ་ཕྲན་གང་ཟག་སྒེར་པ་ཞིག་གིས་སྡུག་འཁུར་བྱེད་དགོས་མེད་བསམས་ནས་ཅམ་སྐྱུར་བྱ་འདོད་རུང་། བཅའ་ཁྲིམས་རིན་པོ་ཆེས་བསྐུར་བའི་ཡུལ་མིའི་ལས་འགན་ནང་། བཅའ་ཁྲིམས་དང་། ཁྲིམས་ལུགས་ཁག་ལ་སྙིང་ནས་བརྩི་བཀུར་དང་། ཉམས་ལེན་བྱེད་དགོས་པའི་འགན་འཁུར་གནང་ཡོད་སྟབས། སླར་ཡང་ཁྲིམས་སྒྲིག་གལ་ཆེར་བརྩི་མཁན་གྱི་མི་བུ་ཞིག་ཡིན་པའི་ཆ་ནས་དེ་མུར་བསྐྱུར་འཇོག་མ་ཕོད་པར། ཁྲིམས་བཞིན་རྩོད་པ་བྱེད་པའི་ངལ་བ་དང་དུ་བླངས།

ཁྲིམས་བཟོ་བས་ཁྲིམས་སྒྲིག་འགལ་འཛོལ་རིམ་བྱས།

༡། བཅའ་ཁྲིམས་རིན་པོ་ཆེའི་དོན་ཚན་བཞི་བཅུ་པ། སྤྱི་འཐུས་ལྷན་ཚོགས་ཀྱི་ཚོགས་འདུ། འཆར་ཅན་སྤྱི་འཐུས་ལྷན་ཚོགས་ཀྱི་ཚོགས་འདུའི་ཚོགས་ཚེས་དང༌། དུས་ཡུན། ས་གནས་བཅས་སྤྱི་འཐུས་རྒྱུན་ལས་དང་གོ་བསྡུར་ཐོག་སྤྱི་འཐུས་ཚོགས་གཙོ་ལྷན་རྒྱས་ཀྱིས་གཏན་ལ་ཕབ་པ་ལྟར་ཚོགས་དྲུང་ལས་ཁུངས་ནས་སྤྱི་འཐུས་སོ་སོར་ཚོགས་བསྐོང་བརྡ་ཁྱབ་གཏོང་རྒྱུ་དང༌། ཚོགས་འདུ་སྔོན་མ་གྲོལ་བ་ནས་ཟླ་དྲུག་ནང་ཚུན་ཚོགས་འདུ་རྗེས་མ་དབུ་ཚུགས་ཟིན་པ་དགོས་རྒྱུ། ཞེས་པ་ལྟར། སྤྱི་འཐུས་རྒྱུན་ལས་ཀྱིས་ཚོགས་འདུ་དུས་ཐོག་ལ་མ་ཚོགས་པ་དང་། དབང་ཚད་མེད་པར་ཚོགས་འདུ་མེད་པར་བཟོས་པའི་སྒྲིག་འགལ་བྱས་ཡོད། འདིའི་སྐོར་ཁྲིམས་ཞིབ་ཁང་གི་བཀའ་ཁྱབ་ནང་རྒྱས་པར་གསལ་བ་དང་། གུས་ཀྱི་མིག་སྔའི་རྩོམ་ཡིག་ཏུའང་ཞིབ་པར་བཀོད་པས་འདིར་རྒྱས་བཤད་མི་བྱེད།

༢། གོང་གསལ་བཅའ་ཁྲིམས་སྒྲིག་འགལ་ལ་ལྟོས་མེད་ཀྱིས། སྤྱི་འཐུས་ལྷན་ཚོགས་ཀྱིས། ཕྱི་ལོ་༢༠༢༠ ཟླ་༩ ཚེས་༢༥ ཉིན་”ཆེས་མཐོའི་ཁྲིམས་ཞིབ་ཁང་ནས་བཅའ་ཁྲིམས་དང་འགལ་བའི་ཆད་འགེལ་བྱས་པར་ངོས་ལེན་མེད་པའི་གསལ་བསྒྲགས་”སྤེལ་ཡོད། དེ་ནི་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་གི་ལེའུ་བཅུ་གསུམ་པ། དོན་ཚན་གྱ་བཞི་པའི་ཁ་པའི་༢ པ།   “ཁྲིམས་ཞིབ་ཁང་གི་བཅད་ཁྲའམ། བཀའ་ཁྲ། བཀའ་ཁྱབ། བཀའ་ཤོག བཀོད་འདོམས། བྱ་རིམ་གཞན་བཅས་གང་རུང་ལ་བརྩི་མེད་བྱེད་པ་བཅས་ཡིན།” ཞེས་པའི་འབྲུ་དོན་དང་འགལ་བ་དང་། སྤྱི་འཐུས་ལྷན་ཚོགས་ཀྱིས་ཁྲིམས་ཞིབ་ཁང་གི་བཀའ་ཁྱབ་ལ་ངོས་ལེན་མི་བྱེད་པའི་ཁྱད་གསོད་བྱས་ཡོད་སྟབས། དེ་འབྲེལ་གྱི་ཆད་པ་འགེལ་དགོས། གནད་དོན་འདི་དང་འབྲེལ་ནས་གོང་སྨོས་སྤྱི་འཐུས་རྒྱུན་ལས་དེ་པ་ཁྲིམས་ཞིབ་ཁང་དུ་ཉན་ཞིབ་ཏུ་འབོད་འགུགས་བྱས་ཡོད་མོད། སྤྱི་འཐུས་ལྷན་ཚོགས་ལ་ད་དུང་ཆད་འགེལ་དང་བཀའ་ཁྱབ་གཉིས་པ་སོགས་གནང་མེད་པས། དེ་དོན་ཐག་གཅོད་གང་མགྱོགས་གནང་དགོས།

༣། སྤྱི་འཐུས་ལྷན་ཚོགས་ཀྱི་གསལ་བསྒྲགས་ནང་བོད་མི་མང་སྤྱི་འཐུས་ལྷན་ཚོགས་ནི་ཆེས་མཐོའི་ཁྲིམས་ཞིབ་ཁང་གི་བཀའ་ཁྱབ་གཏོང་སའི་ཁྱབ་ཁོངས་སུ་མེད། ཅེས་དང་། སྤྱི་འཐུས་ལྷན་ཚོགས་ཀྱི་ཚོགས་མི་སུ་ཡང་ཁྲིམས་ཞིབ་ཁང་གང་གིའང་ཁྱབ་ཁོངས་སུ་མེད། ཅེས་བཀོད་ཡོད། འོན་ཀྱང་བཙན་བྱོལ་བོད་མིའི་ཁྲིམས་ཞིབ་ཁང་གི་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག བོད་རྒྱལ་ལོ་ ༢༡༢༣ ཕྱི་ལོ་ ༡༩༩༦ གི་དགོངས་དོན་བཞིན་བཀོད་ཁྱབ་གནང་ཡོད། ཁྲིམས་ཡིག་འདིའི་དོན་ཚན་བཞི་པ། ཁྱབ་ཚད། ཀ) ཁྲིམས་ཡིག་འདིས་བོད་མིའི་སྒྲིག་འཛུགས་དང༌། དེའི་མངའ་ཁོངས་སུ་གཏོགས་པའི་བོད་མི་སྤྱི་སྒེར་ཡོངས་ལ་ཁྱབ་པ་ཡིན། ཞེས་གསལ་བར་བཀོད་ཡོད་པས། ཁྲིམས་བཟོ་བ་ཚོས་ཤེས་བཞིན་དུ་ཁྲིམས་ཡིག་དོན་ཚན་འདི་དང་འགལ་བ་མ་ཟད། དེ་འབྲེལ་གྱི་ལོག་བཤད་ཀྱང་བྱས་ཡོད་སྟབས། དེ་འབྲེལ་གྱི་མཇུག་གནོན་ངེས་པར་གནང་དགོས།

༤། བཙན་བྱོལ་བོད་མིའི་ཁྲིམས་ཞིབ་ཁང་གི་ཁྲིམས་ལུགས་དབང་འཛིན་གྱི་རྩ་འཛིན་ཁྲིམས་ཡིག་གི་དོན་ཚན་༦ པའི་ཁ་པར། ཆེས་མཐོའི་ཁྲིམས་ཞིབ་ཁང་ནས་བཙན་བྱོལ་བོད་མིའི་བཅའ་ཁྲིམས་དང༌། སྤྱི་འཐུས་ལྷན་ཚོགས་ནས་གཏན་ལ་ཕབ་པའི་ཁྲིམས་ལུགས་ཁག་གཞིར་བཟུང་ཁྲིམས་ཞིབ་ཁང་གི་རྩ་འཛིན་ཁྲིམས་ཡིག་དང༌། འགྲོ་ལུགས། སྒྲིག་གཞི་བཅས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང༌། གཞན་གཉིས་བཅས་སྤྱི་མོས་ཀྱིས་བཟོ་འགོད་དང་འབྲེལ་གཏན་འབེབས་བྱུང་མཚམས་ནས་ལག་ལེན་བསྟར་རྒྱུའི་དབང་ཆ་ཡོད། ཅེས་གསལ་བ་ལྟར། སྐབས་དོན་ཁྲིམས་སྒྲིག་ལ་ཐག་གཅོད་དང་བཀོད་ཁྱབ་གནང་བར། སྤྱི་འཐུས་ལྷན་ཚོགས་ཀྱིས། “གནད་དོན་འདི་འབྲེལ་དགྲ་དགའ་གཉེན་སྡུག་སོགས་ཀྱི་དཀའ་རྙོག་བྱུང་རིགས་ཡོངས་རྫོགས་ཁྲིམས་ཞིབ་པ་ཆེ་བ་དྭགས་པོ་བསོད་ནམས་ནོར་བུ་དང་། ཁྲིམས་ཞིབ་པ་གཞན་ཀརྨ་དགྲ་འདུལ། ཁྲིམས་ཞིབ་པ་གཞན་བསྟན་འཛིན་ལུང་རྟོགས་རྣམས་ནས་འགན་ཁུར་དགོས་པ་བཅས།” ཞེས་ཁྲིམས་སྒྲིག་ལ་བརྩི་བཀུར་ཞུ་རྒྱུ་ལྟ་ཞོག ད་དུང་ཁྲིམས་ཞིབ་པ་རྣམས་ཀྱི་མཚན་དངོས་སུ་སྨོས་པ་དང་། ཁོང་རྣམ་པའི་ལྷག་བསམ་དང་ལས་དོན་བྱེད་ཕྱོགས་ལ་ངན་ཁག་དཀྲིས་པ་འདིས། བཅའ་ཁྲིམས་ཀྱིས་བསྐུར་བའི་ལས་འགན་མ་བསྒྲུབས་པ་དང་། ཁྲིམས་ཡིག་ལ་བརྩི་བཀུར་དང་ཉམས་ལེན་ཞུ་དགོས་ཀྱི་བོད་ཀྱི་ཡུལ་མིའི་ལས་འགན་མ་བསྒྲུབས་པ་ཡིན་སྟབས། དེ་དོན་ཁྲིམས་ཀྱིས་ངེས་པར་ཐག་གཅོད་གཙང་སེལ་གནང་དགོས།

བཀའ་ཁྱབ་དང་ཁྲིམས་ཆད།

ཁྲིམས་ཞིབ་ཁང་གི་བཀའ་ཁྱབ་ནང་གོང་གསལ་སྤྱི་འཐུས་རྒྱུན་ལས་ ༡༡ ལ་ཕྱི་ལོ་༢༠༢༡ ཟླ་ ༣ ཚེས་༡༡ བར་འོས་བསྡུའི་སྒྲིག་གཞི་དོན་ཚན་ ༤ ནང་གསལ་ལྟར་གཞུང་འབྲེལ་འོས་བསྡུའི་འདེམས་བྱེད་ཀྱི་ཐོབ་ཐང་བཀག་བསྐྱིལ་གནང་ཡོད་པ་དང་། དེ་དོན་འོས་བསྡུ་ལས་ཁུངས་སུ་བཀའ་ཁྱབ་འདི་ཉིད་ལག་བསྟར་དགོས་པའི་བཀའ་ཁྱབ་ཀྱང་ཕེབས་ཡོད། བཀའ་ཁྱབ་འདིའི་ནང་འོས་བསྡུའི་འདེམས་བྱེད་ཀྱི་ཐོབ་ཐང་བཀག་སྐྱིལ་ཞེས་གསལ་བ་ལས་གདམ་བྱའི་སྐོར་དངོས་སུ་མ་འཁོད་སྟབས། ཁྲིམས་ལུགས་མི་ཤེས་པ་མང་པོའི་སེམས་སུ་གོང་གསལ་སྤྱི་འཐུས་༡༡ པོ་འདི་དག་༢༠༢༡ ལོའི་འོས་གཞིར་ཞུགས་པའི་ཆ་རྐྱེན་ཚང་བར་ངོས་འཛིན་བྱེད་བཞིན་ཡོད། འོན་ཀྱང་བཅའ་ཁྲིམས་ཀྱི་དོན་ཚན་སོ་བརྒྱད་པའི་ནང་གསེས་ ༨ སྤྱི་འཐུས་ཀྱི་འོས་གཞིར་ཞུགས་པ་ལ། སྤྱི་འཐུས་ལྷན་ཚོགས་ཀྱིས་གཏན་འབེབས་བྱས་པའི་འོས་བསྡུའི་ཁྲིམས་ལུགས་སམ། ཁྲིམས་སྒྲིག་ཅི་རིགས་དང་མི་འགལ་བ། ཞེས་གསལ་ཡོད་པས། འོས་བསྡུའི་སྒྲིག་གཞི་འདིའི་འོག་གོང་གསལ་སྤྱི་འཐུས་རྒྱུན་ལས་ཡོངས་རྫོགས་སྤྱི་འཐུས་འོས་མིར་ལངས་རྒྱུའི་འོས་ཆོས་མ་ཚང་བར་གྱུར་ཡོད། གནད་དོན་འདིའི་ཐོག་འོས་བསྡུ་ལས་ཁུངས་ནས་ཀྱང་ཐུགས་སྣང་ཆེར་བསྐྱེད་གནང་དགོས་ལ། ཁྲིམས་ཞིབ་ཁང་གི་བཀའ་ཁྱབ་ཁག་ལག་བསྟར་ཚུལ་བཞིན་གནང་དགོས། སྤྱི་འཐུས་ཀྱི་མཁྲེགས་འཛིན་དང་དཔུང་ཤུགས་ལ་བརྟེན་ནས་འོས་བསྡུ་ལས་ཁུངས་ཀྱིས་ཁྲིམས་ཞིབ་ཁང་གི་བཀའ་ཁྱབ་དང་ལེན་གནང་རྒྱུར་ཀར་ཀོར་གནང་ཚེ། འོས་བསྡུ་ལས་ཁུངས་ཀྱང་བཀའ་ཁྱབ་དང་ལེན་མི་བྱེད་མཁན་ལ་འགྱུར་འགྲོ་བ་དང་། ཕྱི་ལོ་ ༢༠༢༡ གི་སྲིད་སྤྱིའི་འོས་བསྡུའི་ལས་རིམ་ཁག་ཀྱང་དུས་དང་མཐུན་པར་འགྲོ་རྒྱུར་དཀའ་ངལ་འབྱུང་སྲིད།

ཁྲིམས་སྒྲིག་སྲུང་སྐྱོབ།

བཙན་བྱོལ་བོད་མིའི་བཅའ་ཁྲིམས་དང་ཁྲིམས་སྒྲིག་ཁག་ལ་བྱ་ར་བྱེད་རྒྱུ་ནི་ཁྲིམས་ཞིབ་ཁང་ལ་རང་ཆས་སུ་ཡོད་པའི་འགན་དབང་ཡིན་སྟབས། ཁྲིམས་སྒྲིག་སྲུང་སྐྱོབ་དང་། ཐག་གཅོད་ཇི་ཡོད་དུས་འགྱངས་མེད་པར་གནང་དགོས། ལྷག་པར་དུ་ཕྱི་ལོ་༢༠༢༡ ལོའི་སྲིད་སྤྱིའི་འོས་བསྡུའི་ལས་རིམ་འགོ་བཙུགས་ཟིན་སྟབས། འོས་བསྡུ་ལས་ཁུངས་ལ་བྱ་ལམ་བྱེད་བདེ་ཡོང་ཆེད། སྤྱི་འཐུས་རྒྱུན་ལས་དང་འོས་བསྡུ་ལས་ཁུངས་ལ་བཀོད་ཁྱབ་བསྐྱར་གཏོང་དགོས་རིགས་གང་མགྱོགས་གཏོང་གནང་གིས། འོས་བསྡུའི་ལས་རིམ་ལ་དོ་ཕོག་མི་ཡོང་བ་དང་། སྤྱི་འཐུས་རྒྱུན་ལས་ཀྱི་ཁྲིམས་འགལ་རྙོག་གླེང་འདི་གང་མགྱོགས་འཁྲུན་ཐག་ཆོད་པ་གནང་དགོས།

དེ་བཞིན་མང་ཚོགས་ནས་ཀྱང་ཁྲིམས་ལུགས་ལ་སློབ་སྦྱོང་དང་། ཁྲིམས་ལུགས་ལ་དོ་སྣང་། ཁྲིམས་ལུགས་ཀྱིས་བསྐུར་བའི་འགན་དབང་ཁག་ཚུལ་བཞིན་ཉམས་སུ་བླངས་ཏེ། མ་མཐར་ཡང་བཀའ་ཁྱབ་དང་གསལ་བསྒྲགས་ཀྱི་ཁྱད་པར་ཙམ་ཞིག་འབྱེད་ཐུབ་པ་དགོས་སོ། །

མཆན། གོང་གསལ་བསམ་ཚུལ་རྩོམ་ཡིག་དེ་ནི་རྩོམ་པ་པོའི་དགོངས་ཚུལ་ཡིན་པ་ལས་འདི་ག་གསར་ཁང་གི་ལྟ་བ་ལངས་ཕྱོགས་ཡིན་པས་མ་ཁྱབ།

འབྲེལ་ཡོད་གསར་འགྱུར།

རྒྱ་ནག་རྐང་རྩེད་སྤོ་ལོའི་མཐུན་ཚོགས་སྒྲིག་ཁྲིམས་འགན་འཛིན་ཟུར་པར་ལོ་ ༡༠ ཁྲིམས་ཐག་བཅད། དྲ་ལམ་གྱི་པར།
Mobile App

རྒྱ་ནག་རྐང་རྩེད་སྤོ་ལོའི་མཐུན་ཚོགས་ནང་ལྐོག་ཟ་རུལ་སུངས་ཀྱི་གནད་དོན་བསྟུད་མར་བྱུང་།

སྐར་མ ༡༤ སྔོན་ལ།
Mobile App

དབྱིན་ཡུལ་གྲོས་ཚོགས་འོག་མས་རྒྱ་ནག་ཉིན་རེའི་ཚགས་པར་འགྲེམས་སྤེལ་བཀག་འགོག་གནང་།

ཆུ་ཚོད་ ༡ སྔོན་ལ།
དྲ་ལམ་གྱི་པར།
Mobile App

ཁུང་ཙིའི་སློབ་གླིང་ཁག་སྒོ་རྒྱག་རྒྱུ་ཡིན་པའི་ཉེན་བརྡ་བཏང་།

ཆུ་ཚོད་ ༡ སྔོན་ལ།
Former Pakistan prime minister Imran Khan, gestures as he speaks with Reuters during an interview, in Lahore, Pakistan March 17, 2023. REUTERS/Akhtar Soomro
Mobile App

པཱ་ཀི་སི་ཐན་གྱི་གྲོས་ཚོགས་འཐུས་མི་ཟུར་བ་ ༡༠༨ ལ་ལོ་བཅུ་རེའི་ཁྲིམས་ཐག་བཅད།

༢༠༢༥/༠༨/༠༡
ལྷོ་སོག་གི་མགོ་ཁྲིད་ཟུར་བ་ཏུའུ་ཙེ་ལ་ལོ་ ༡༥ ཡི་ཁྲིམས་ཐག་བཅད་འདུག
Mobile App

ལྷོ་སོག་གི་མགོ་ཁྲིད་ཟུར་བ་ཏུའུ་ཙེ་ལ་མི་ལོ་ ༡༥ ཡི་ཁྲིམས་ཐག་བཅད་འདུག

༢༠༢༥/༠༨/༠༡
Mobile App

ལོ་ངོ་ ༡༢༧ རྗེས་ནས་སངས་རྒྱས་ཀྱི་རིག་དངོས་ཕྱིར་སློག་བྱས།

༢༠༢༥/༠༧/༣༡

མཆན། 13

  1. མཐུ་སྟོབས་དབང་ཕྱུག་གཡུ་ཐོག་། says:
    ལོ་ 5 སྔོན།

    བོད་མིའི་སྒྲིག་འཛུགས་ཀྱི་བཅའ་ཁྲིམས་རིན་པོ་ཆེ་ནི་གོང་ན་མེད་པ་ཞིག་ཡིན་པ་ལྟར་སྲིད་སྐྱོང་དང་སྤྱི་འཐུས་ཀྱི་འོས་ཆོས་ཚང་མིན་དོན་ཚན་རེ་རེ་བཞིན་ཞིབས་གཟིགས་དགོས་གལ་ཆེ་བ་མ་ཟད་དབུས་འོས་བསྡུ་ལྷན་ཁང་ནས་དམིགས་གསལ་ཐུགས་སྣང་གནང་སྟེ་འོས་མི་བཞེངས་མཁན་རྣམས་བཅའ་ཁྲིམས་ནང་གཏན་འབེབས་ཡོད་པའི་འོས་ཆོས་དོན་ཚན་རྣམས་ཚང་་མིན་ཞིབ་གཟིགས་གནང་གལ་ཆེ་བ་ཆགས་ཡོད་། འོས་ཆོས་དོན་ཚན་གཅིག་ནང་བཅའ་ཁྲིམས་དང་མ་འགལ་བ་ཞིག་དགོས་ཞེས་མཁོད་ཡོད་བསམ་པ་འདུག་། གལ་སྲིད་དེ་འདྲ་ཡིན་ན་སྙིང་རྗེ་ཚོགས་གཙོ་བགྲེས་གཞོན་གཉིས་དང་རྒྱུན་ལས་རྣམ་པ་ ༡༡ འདམ་བྱ་དང་འདེམས་འབྱེད་གཉིས་ཀ་མེད་པའི་བཟོ་འདྲ་མི་འདུག་གམ་། ད་གང་ལྟར་གནས་ཚུལ་ཞེ་དྲག་གི་ཐབས་སྡུག་རེད་། འདི་ནི་ཆེ་མཐོའི་ཁྲིམས་ཞིབ་ཁང་དང་ཁྲིམས་བཟོ་ལྷན་ཁང་གཉ྄ིས་དབར་འགལ་ཟླ་ཆེན་པོ་
    ( Constitutional Criss ) ཆགས་པ་སུས་ཐག་གཅོད་བྱས་རྟེ་ཞི་འཇམ་དང་འོས་བསྡུའི་ལས་རིམ་རྣམས་མུ་མཐུད་འཇུག་སྐྱོང་གནང་ཐུབ་ཀྱི་ཡོད་འགྲོ་ཞེས་རང་བཞིན་གི་དྲི་བ་དང་ཚོར་སྣང་སེམས་འཚབས་བཅས་རེད་།

    Reply
  2. སེར་དགའ། says:
    ལོ་ 5 སྔོན།

    བཅའ་ཁྲིམས་ཀྱི་དོན་ཚན་སོ་བརྒྱད་པའི་ནང་གསེས་ ༨ པར། སྤྱི་འཐུས་ཀྱི་འོས་གཞིར་ཞུགས་པ་ལ། སྤྱི་འཐུས་ལྷན་ཚོགས་ཀྱིས་གཏན་འབེབས་བྱས་པའི་འོས་བསྡུའི་ཁྲིམས་ལུགས་སམ། ཁྲིམས་སྒྲིག་ཅི་རིགས་དང་མི་འགལ་བ། ཞེས་པའི་དོན་ཚན་འདི་ཁྲིམས་ཞིབ་ཁང་དང་སྤྱི་འཐུས་ལྷན་ཚོགས་གཉིས་ནས་སྣང་མེད་ཤོར་བའི་དོན་ཚན་གཅིག་རེད། ཁྲིམས་སྒྲིག་ཅི་རིགས་དང་མི་འགལ་བ་ཞེས་གསལ་དུས། འོས་བསྡུ་ལས་ཁུངས་ནས་དེ་གལ་ཆེན་དུ་བརྩིས་ནས་འོས་འདེམས་བྱེད་མ་བཅུག་ན་འགྲིག་ཡོད་པ་རེད།

    Reply
  3. ཉི་མ། says:
    ལོ་ 5 སྔོན།

    སྤྱི་འཐུས་ ༡༡ སྤྱི་འཐུས་འོས་མིར་བཞེངས་པའི་བདམས་བྱ་དང་འགལ་མེད་པ་བཅའ་ཁྲིམས་ཀྱི་དོན་ཚན་སོ་བརྒྱད་པའི་ནང་གསེས་ ༨ པར། (སྤྱི་འཐུས་ཀྱི་འོས་གཞིར་ཞུགས་པ་ལ། སྤྱི་འཐུས་ལྷན་ཚོགས་ཀྱིས་གཏན་འབེབས་བྱས་པའི་འོས་བསྡུའི་ཁྲིམས་ལུགས་སམ། ཁྲིམས་སྒྲིག་ཅི་རིགས་དང་མི་འགལ་བ།) ཞེས་གསལ་བ་ལྟར་ཁྲིམས་ཞིབ་ཁང་གི་ངོས་ནས་ཀྱང་བཀའ་ཁྱབ་ནང་འདེམ་བྱེད་དམིགས་སུ་བཀར་ཏེ་བཀག་སྐྱིལ་བྱས་པ་ལས་བདམས་བྱ་བཀག་མེད་པ་དེས་གསལ་བོར་བསྟན་ཡོད།

    Reply
    • སེར་དགའ། says:
      ལོ་ 5 སྔོན།

      ཟླ་བ་ལྔ་པ་དང་རྒྱལ་བ་ལྔ་པ་ནོར་འདུག

      Reply
  4. རིགས་དགའ། says:
    ལོ་ 5 སྔོན།

    སྙིང་རྗེ། རྩོམ་ཡིག་འབྲི་མཁན་ཞང་བློན་ཁྲིམས་དྲུང་དང་། འོག་ཏུ་མཆན་འགོད་མཁན་ཁྲིམས་དྲུང་བཙན་ནག་པ་གཉིས་ཀྱི་གོ་སྐབས་དང་ངོ་སོ་ཡོངས་སུ་ཤོར་ཚར་བ་རེད།
    ཁྲིམས་ཡིག་གི་དངོས་བསྟན་(བདམས་བྱ་)ཡོད་བཞིན་དུ་བཅའ་ཁྲིམས་ཀྱི་དོན་ཚན་སོ་བརྒྱད་པའི་ནང་གསེས་ ༨ དེ་འུ་ཚུགས་ཀྱིས་བགྲང་ན་ཕན་ཐོགས་གང་ཡང་མེད། གནད་དོན་དེ་ཐེངས་འདིར་ཁྲིམས་ཞིབ་ཁང་གིས་བཀའ་ཁྱབ་བཏང་བའི་ནང་གི་འདེམ་བྱེད་ཟེར་བ་དེས་གསལ་བོར་བསྟན་ཡོད་སྟབས་ལྐུགས་པ་འུ་ཚིགས་འགྲོ་ས་མེད། ལྷག་དོན་དུ་ད་རེས་ཀྱི་གནད་དོན་དེ་ནག་ཉེས་criminal དང་འབྲེལ་བ་མེད་སྟབས་བཅའ་ཁྲིམས་དོན་ཚན་སོ་བརྒྱད་པའི་ནང་གསེས་ ༨ པ་དང་འབྲེལ་བ་གང་ཡང་མེད།
    ད་རེས་སྤྱི་འཐུས་ ༡༡ ལ་ནག་ཉེས་གང་ཡང་མེད་པ་མ་ཟད་ཁྲིམས་དོན་གྱི་ཐད་ནས་ཀྱང་ཆེས་མཐོའི་ཁྲིམས་ཞིབ་ཁང་ནས་མང་ཚོགས་ལ་མགོ་སྐོར་བསླུ་བྲིད་གཏོང་ས་མེད། བཅན་བྱོལ་བོད་མིའི་བཅའ་ཁྲིམས་རིན་པོ་ཆེའི་ནང་དངོས་སུ་མི་གསལ་བའི་ཚིག་བརྗོད་དང་དོན་གནས་རིགས་ལ་འགྲེལ་བཤད་སྣ་ཚོགས་ཡོང་གི་ཡོད་ཀྱང་། ད་རེས་ཆེས་མཐོའི་ཁྲིམས་ཞིབ་ཁང་གི་བཀའ་ཁྱབ་ནང་འདེམ་བྱེད་ཅེས་གསལ་བོར་འཁོད་ཡོད་པ་དེས་གནད་དོན་ཚང་མ་ཐག་གཅོད་གཙང་མ་བྱས་ཡོད་པ་རེད།

    Reply
    • སེར་དགའ། says:
      ལོ་ 5 སྔོན།

      བཅའ་ཁྲིམས་དོན་ཚན་སོ་བརྒྱད་པར་སྒྲིག་ཁྲིམས་གང་དང་ཡང་འགལ་ན་འོས་བསྡུར་ལངས་མི་ཆོག་པ་གསལ་ཡོད་པ་ལས། ནག་ཉེས་criminal བསགས་ཡོད་མེད་ཀྱི་སྐོར་དང་། སྒྲིག་འགལ་ཆེ་ཆུང་གི་སྐོར་གང་ཡང་བཀོད་མེད། ཚིག་འདི་འདྲ་ཞིག་ཁྱེར་ནས་ནང་དོན་འགྱུར་ཐབས་བྱེད་མཁན་ནི་ཁྲིམས་ལུགས་ཀྱི་ཤེས་ཚད་མེད་པ་དང་། ཁྲིམས་ལུགས་ལ་གུས་བརྩི་མེད་པའི་མི་དེ་རིགས་རེད།

      Reply
  5. དྲྭ་འབུ། says:
    ལོ་ 5 སྔོན།

    ཞང་བློན་དཀའ་ལས་རེད་་་་སྤྱི་འཐུས་རྒྱུན་ལས་ནང་དམ་ཉམས་ལུང་པ་གང་་་་ཆེས་མཐོའི་ཁྲིམས་ཞིབ་ཁང་དུ་་་གཞུང་སེམས་མི་བརྟན་པའི་་་ཁྲིམས་དཔོན་དབུ་སྐོར་ཞུ་མཁན་གྱི་་་་དྲུང་ཆེ་སླེབས་ཡོད་པས་་་་་རུལ་བ་རྣམས་ནི་སོས་པ་དཀའ་་་་

    Reply
  6. བཟོད་པ་ལྷ་རྩེ། says:
    ལོ་ 5 སྔོན།

    བཀའ་ཁྱབ་འདིའི་ནང་འོས་བསྡུའི་འདེམས་བྱེད་ཀྱི་ཐོབ་ཐང་བཀག་སྐྱིལ་ཞེས་གསལ་བ་ལས་གདམ་བྱའི་སྐོར་དངོས་སུ་མ་འཁོད་སྟབས། ཁྲིམས་ལུགས་མི་ཤེས་པ་མང་པོའི་སེམས་སུ་གོང་གསལ་སྤྱི་འཐུས་༡༡ པོ་འདི་དག་༢༠༢༡ ལོའི་འོས་གཞིར་ཞུགས་པའི་ཆ་རྐྱེན་ཚང་བར་ངོས་འཛིན་བྱེད་བཞིན་ཡོད། འོན་ཀྱང་བཅའ་ཁྲིམས་ཀྱི་དོན་ཚན་སོ་བརྒྱད་པའི་ནང་གསེས་ ༨ སྤྱི་འཐུས་ཀྱི་འོས་གཞིར་ཞུགས་པ་ལ། སྤྱི་འཐུས་ལྷན་ཚོགས་ཀྱིས་གཏན་འབེབས་བྱས་པའི་འོས་བསྡུའི་ཁྲིམས་ལུགས་སམ། ཁྲིམས་སྒྲིག་ཅི་རིགས་དང་མི་འགལ་བ། ཞེས་གསལ་ཡོད་པས།
    ཉེན་ཁ་འདུག སྤྱི་འཐུས་རྒྱུན་ལས་རྣམས་ལོ་ལྔ་གུང་སེང་རེག་པ་འདུག ་

    Reply
  7. ཉི་སྣང་། says:
    ལོ་ 5 སྔོན།

    རྒྱུན་ལས་རྣམས་ལ་འདེམ་བྱ་དང་འདེམས་བྱེད་གཉིས་ཀ་འཕྲོག་དགོས་ངེས་རེད།

    Reply
  8. བློ་བཟང་། says:
    ལོ་ 5 སྔོན།

    ཁྲིམས་ཞིབ་ཁང་ག་པར་ཁྲིམས་གཏུག་བྱེད་དགོས་རེད།
    ད་རེས་སྤྱི་འཐུས་རྒྱུན་ལས་ལ་གྱོང་རེག་པ་རེད། ཁྲིམས་ཞིབ་ཁང་ཁྲིམས་གཏུག་བྱེད་ས་ཡོད་པ་མ་རེད་མ་གཏོགས་ཁྲིམས་ཞིབ་ཁང་ཁྲིམས་གཏུག་བྱེད་དགོས་པ་ཆགས་འདུག གང་ཡིན་ཟེར་ན་ད་རེས་ཁྲིམས་ཞིབ་ཁང་གིས་ཁྲིམས་འགལ་གཉིས་བྱས་ཡོད། དང་པོ་ཁྲིམས་ཞིབ་ཁང་ལ་བོད་མི་མང་སྤྱི་འཐུས་ལྷན་ཚོགས་ལ་བཀའ་ཁྱབ་གཏོང་བའི་དབང་ཚད་ཡོད་པ་མ་རེད། ཉེ་ལམ་བཅད་ཁྲ་འདྲ་བོ་ཞིག་བཏང་བ་དེ་ཁྲིམས་འགལ་ཆགས་ཡོད། གཉིས་པ་ཁྲིམས་གཏུག་བྱེད་མཁན་མེད་པར་ཁྲིམས་ཞིབ་ཁང་གིས་དང་དུ་བླངས་ཏེ་སྤྱི་འཐུས་རྒྱུན་ལས་ཁྲིམས་ཐོག་ལ་དེད་དེ་མིང་མདོག་དང་ཉེས་འཛུགས་གང་བྱུང་བྱས་པ་དེ་ཁྲིམས་འགལ་ཆགས་ཡོད།

    Reply
  9. དབོན་སྲས། says:
    ལོ་ 5 སྔོན།

    ཞང་བློན་ཟེར་བ་འདི་མགོ་འཚོས་མཁན་ཞིག་ཡིན་བསམ་སོང་སྟེ། དེ་རིང་མགོ་མ་འཚོས་ཁུལ་བྱས་བ་ཡིན་ནམ། ར་བཟི་བ་ཡིན་གང་ཤེས། ཁྲིམས་ཞིབ་ཁང་གིས་སྤྱི་འཐུས་ ༡༡ ལ་ཁྱོད་ཚོས་མི་གཞན་འདེམ་མི་ཆོག་ཅེས་འདེམ་བྱེད་བཀག་སྐྱིལ་བྱས་ཡོད་པ་ལས། ཁྱོད་ཚོ་མི་གཞན་གྱིས་འདེམ་མི་ཆོག་ཅེས་བདམས་བྱ་བཀག་སྐྱིལ་བྱས་ཡོད་པ་མ་རེད།

    Reply
  10. གཞུང་པ་ཚེ་དབང་བསོད་ནམས says:
    ལོ་ 5 སྔོན།

    བཙན་བྱོལ་བོད་མིའི་དཀྱིལ་འཁོར་གྱི་ནང་དུ་སྡོད་མཁན་ཞིག་ཡིན་ན་རང་མིང་གསལ་སྟོན་འོག་ནས་བཙན་བྱོལ་བོད་མིའི་སྒྲིག་འཛུགས་ལ་འགན་ཁུར་ནས་དཔྱད་རྩོམ་དང་མཆན་འདེབས་དགོས་པ་ལས་མིང་རྫུན་འོག་ཏུ་ཁ་དམག་རྒྱབ་ཐུབ་པ་ཙམ་གྱི་བཙན་བྱོལ་སྤྱི་ཚོགས་འདི་དྲང་བདེན་དང་འདྲ་མཉམ་ཁྲིམས་ཀྱི་དབང་བསྒྱུར་འོག་ནམ་ཡང་གནས་ཐུབ་པ་དཀའ་བ་མ་རེད་དམ?

    Reply
    • གངས་རིའི་བུ། says:
      ལོ་ 5 སྔོན།

      འདིའི་དྲ་འབུ་འགའ་ཤས་ནི་མེ་འབར་ཐོག་ལ་འབུད་ཤིང་སྣོན་མཁན་གྱི་གྲས་་ཡིན་པར་གདོན་མི་ཟའོ།།

      Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese