ད་ཆ་རྒྱ་ནག་བོད་ཀྱི་སྐད་ཡིག་གི་དགྲ་བོར་གྱུར།

བྷ་ཝི། མཎ་དྷ་ལི་ཡ་(Bhavi Mandalia)ཡིས་བྲིས།
སྐལ་ལྡན་གྱིས་བསྒྱུར།

རྒྱ་ནག་དམར་པོའི་སྲིད་གཞུང་གིས་བོད་ས་བཙན་བཟུང་བྱས་ཏེ་ལོ་ངོ་༧༠འདས་ཟིན་རུང་བོད་མི་རིགས་ཀྱི་བློ་ཡིད་འགུགས་ཐུབ་པ་བྱུང་མེད། ད་ཆ་རྒྱ་གཞུང་གིས་མངོན་གསལ་དོད་པོས་བོད་ཀྱི་སྐད་ཡིག་དང་རིག་གཞུང་གཏོར་གཤིག་གཏོང་བའི་ལས་ལ་འབད་བཞིན་ཡོད། དེ་ཙམ་མ་ཡིན་པར་བོད་མི་རྣམས་རང་ཡུལ་དུ་གྲངས་ཉུང་མི་རིགས་སུ་སྒྱུར་ཕྱིར་བོད་མི་འབོར་ཆེན་ས་གནས་གཞན་དང་གཞན་དུ་ངལ་རྩོལ་སྒྱུར་འགོད་དམ་བཙན་ཐབས་ཀྱིས་ཕྱིར་འབུད་བྱེད་ཀྱི་ཡོད། ཕྱོགས་མཚུངས་རྒྱ་མི་འབོར་ཆེན་བོད་ནང་དུ་འོར་འདྲེན་གྱིས་བོད་ཀྱི་ས་ཐོག་ཏུ་རྟེན་གཞི་བྱེད་པའི་འཆར་གཞི་འདིང་བཞིན་ཡོད།

བོད་ནང་དུ་རྒྱ་མིའི་གྲངས་འབོར་འཕར་ཟིན་པ།

བོད་ཀྱི་འགྲོ་བ་མིའི་ཐོབ་ཐང་ཚོགས་པས་དེ་སྔ་བོད་ནས་བྲོས་བྱོལ་དུ་ཡོང་བའི་བོད་མི་ཚེ་རིང་རྡོ་རྗེ་ལགས་སུ་བཅར་འདྲི་བྱས་པ་ཞིག་ཨེ་ཤ་ཡ་དུས་བབ་ཏུ་བཀོད་པ་ལྟར་ན།  ཕྱི་ལོ་༡༩༥༩ ལོ་ནས་ད་བར་བོད་ནང་གི་གནས་སྟངས་འགྱུར་བ་ཆེན་པོ་ཕྱིན་ཟིན་པ་དང་། བོད་ཁུལ་དུ་བོད་ཀྱི་སྐད་ཡིག་ལ་དགའ་ཞེན་མི་བྱེད་པའི་ཁར། ཁོ་པ་རང་ཉིད་ཀྱང་རྒྱ་སྐད་དང་ཨིན་སྐད་བཀོལ་སྤྱོད་བྱེད་རྒྱུ་དགའ་པོ་ཡོད། ཅེས་བརྗོད་འདུག

བོད་ཡིག་རྩ་མེད་དུ་འགྲོ་བ།

རྡོ་རྗེས་ད་ལྟ་བོད་ཡིག་ཤུལ་མེད་དུ་འགྲོ་བཞིན་ཡོད། རྒྱ་མི་འབོར་ཆེན་བོད་ནང་དུ་རྟེན་གཞི་བྱས་པར་བརྟེན་བོད་ཀྱི་སྐད་ཡིག་འཇིག་པའི་མཚམས་སུ་བསླེབས་ཟིན་པ་དང་། མི་རིང་བར་བོད་ནང་དུ་བོད་ཡིག་རྩ་བ་ནས་མཐོང་རྒྱུ་མེད་པ་ཆགས་རྒྱུ་རེད། དེའི་རྒྱུ་རྐྱེན་གཙོ་བོ་ནི་རྒྱ་ནག་དམར་པོའི་སྲིད་གཞུང་ལ་ཐུག་ཡོད། རྒྱ་ནག་གཞུང་གིས་བོད་མི་རྣམས་མུ་མཐུད་དབང་མེད་ངལ་རྩོལ་བྱེད་པར་སྐུལ་བ་དང་། དམག་སྒར་ཁག་ཏུ་རྒྱལ་ཞེན་སློབ་གསོ་གཏོང་བར་བཙན་འགུག་བྱེད་ཀྱི་ཡོད།

མེ་འཁོར་བརྒྱུད་རྒྱ་མི་ཕོན་ཆེ་བོད་དུ་གནས་སྤོ།

མཚོ་བོད་ལྕགས་ལམ་(Qinghai-Tibet Railway)ཤར་གཏོང་བྱས་པའི་ལོ་སྟེ། ཕྱི་ལོ་ ༢༠༠༧ ལོ་ཁོ་ནར་བོད་ནང་དུ་རྒྱ་མི་ས་ཡ་༡.༥གནས་སྤོ་བྱས་ཡོད། ད་བར་ཕྱི་ལོ་༢༠༢༠ལོ་བར་མི་ལོ་༡༣རིང་བོད་ནང་གི་མི་འབོར་གྲངས་རྩིས་ཀྱི་ཁ་ཕྱོགས་ཡོངས་སུ་འགྱུར་བ་ཕྱིན་ཡོད། སྐད་ཡིག་གཉིས་པ་བཀོལ་སྤྱོད་བྱེད་མཁན་གྱི་མི་འབོར་གྲངས་ཚད་མཐོ་དྲགས་པའི་རྐྱེན་གྱིས་བོད་ནང་གི་རིག་གཞུང་ཙམ་མ་ཡིན་པར་སྐད་ཡིག་ལ་ཡང་ཉེན་ཁ་ཧ་ཅང་ཆེན་པོ་ཆགས་ཡོད།  རྒྱ་གཞུང་གིས་༸གོང་ས་མཆོག་ལ་ཁ་གཏད་དུ་༸པཎ་ཆེན་རིན་པོ་ཆེའི་མཚན་སྙན་བེད་སྤྱོད་དང་ཆོས་ལུགས་ཀྱི་མིང་ཐོག་ནས་བོད་ནང་དུ་བཙན་པོ་དབང་ཡོད་བྱེད་ཀྱི་ཡོད།

རྒྱའི་སྐད་ཡིག་(Mandarin)གིས་གང་སར་དབང་སྒྱུར།

ཕྱི་ལོ་༢༠༠༨ ལོའི་ས་བྱི་ཞི་རྒོལ་ཆེན་མོ་ནི་བོད་ནང་དུ་དཔལ་འབྱོར་དང་། རིག་གཞུང་། ཆོད་དད་སོགས་གང་ཅིར་རང་དབང་མེད་པའི་རྐྱེན་གྱིས་བྱུང་བ་ཞིག་རེད། ད་ཆ་བོད་ནང་དུ་རྒྱ་མི་རིགས་ཀྱི་གྲངས་འབོར་ཇེ་མང་ནས་ཇི་མང་ཡིན་སྟབས། མེ་འཁོར་འབབ་ཚུགས་དང་། རླངས་འཁོར་འབབ་ཚུགས། ཚོང་ར་ཁག་སོགས་དངོས་རྫས་ཚང་མར་ཨིན་ཡིག་ལས་དེ་མིན་རྒྱ་ཡིག་བེད་སྤྱོད་བྱེད་ཀྱི་ཡོད། ཨ་མི་རི་ཀས་ད་ཐེངས་སླར་ཡང་བོད་བེད་སྤྱོད་བྱས་ཏེ་རྒྱ་གཞུང་ལ་ཁོང་ཁྲོ་བསླངས་ཡོད།

འགྲིམ་འགྲུལ་ཆེད་གཞུང་ལམ་གསུམ་འཛུགས་སྐྲུན།

ཕྱི་ལོ་ ༡༩༥༡ ལོར་རྒྱ་དམར་གྱིས་བོད་སར་བཙན་འཛུལ་བྱས་མ་ཐག་རོ་མན་རྒྱལ་ཁབ་ལ་ལད་ཟློས་ཀྱིས་གཞི་རྒྱ་ཆེ་བའི་ལམ་བུ་འཛུགས་སྐྲུན་བྱེད་འགོ་བཙུགས་པ་རེད། རྒྱ་དམར་གྱིས་གཞུང་ལམ་འཛུགས་སྐྲུན་བྱེད་པའི་དམིགས་ཡུལ་ནི་གང་མགྱོགས་དཔུང་དམག་འགྲེམས་འཇོག་གིས་དམག་འཐབ་གོ་སྒྲིག་བྱེད་པའི་ཆེད་དུ་རེད། དེར་བརྟེན་ཕྱི་ལོ་༡༩༦༢ལོར་རྒྱ་དཀར་ནག་གཉིས་བར་དམག་འཐབ་བྱེད་སྐབས་སྟབས་བདེ་པོ་དང་ཁེ་ཕན་བྱུང་བ་རེད།

མ་རྩོམ་འབྲེལ་ཐགhttps://pledgetimes.com/now-china-becomes-enemy-of-tibetan-language-changing-its-people-geography/#:~:text=Home%20World-,Now%20China%20becomes%20enemy%20of,%2C%20changing%20its%20people%20’geography’&text=The%20Chinese%20gover