རྒྱ་གར་གྱི་སྲིད་འཛིན་མཆོག་ལ་འཚམས་འདྲིའི་གསུང་འཕྲིན་སྩལ།

རྒྱ་གར་གྱི་སྲིད་འཛིན་རཱམ་ནཱ་ཐ་གོ་བྷིན་མཆོག་གི་སྙིང་གི་གཤག་བཅོས་ལེགས་འགྲུབ་བྱུང་བར་༧གོང་ས་རྒྱལ་བ་རིན་པོ་ཆེ་མཆོག་ནས་འཚམས་འདྲིའི་གསུང་འཕྲིན་སྩལ་ཏེ་གང་མགྱོགས་དྲག་སྐྱེད་ཡོང་བའི་ཐུགས་སྨོན་མཛད་ཡོད་འདུག

སྐུ་ཞབས་གོ་བྷིན་མཆོག་ཕྱི་ལོ་ ༢༠༡༧ ལོར་རྒྱ་གར་གྱི་སྲིད་འཛིན་ལ་བདམས་ཐོན་བྱུང་ཡོད་པ་དང་། རྒྱ་གར་གྱི་སྲིད་འཛིན་ཐེངས་ ༡༤ པ་དེ་ཆགས་ཡོད་པ་མ་ཟད། རྒྱ་གར་བ་རིགས་དམན་པར་གྲགས་པ་ནས་སྲིད་འཛིན་ཆགས་པ་ཐེངས་དང་པོ་དེ་ཡིན་འདུག ཁོང་ནི་ཕྱི་ལོ་ ༡༩༤༥ ལོར་སྐུ་འཁྲུངས་པ་དང་། ཕྱི་ལོ་ ༢༠༡༥ ནས་ ༢༠༡༧ བར་བྷི་ཧར་མངའ་སྡེའི་སྲིད་སྐྱོང་ཐེངས་(Governer)༢༦ པ་དེ་གནང་མྱོང་ཡོད་འདུག་ལ། དེའི་གོང་དུ་རྒྱ་གར་གྲོས་ཚོགས་གོང་མའི་འཐུས་མི་ཡིན་འདུག་ལ། རྒྱལ་ཁབ་མང་པོ་ཞིག་གིས་ཁོང་ལ་ཆེ་བསྟོད་གཟེངས་རྟགས་ཀྱང་འབུལ་མྱོང་ཡོད་འདུག

ལྡི་ལིའི་གསར་འགོད་པ་ཉི་མ་ཚེ་རིང་།