ཧོང་ཀོང་དམངས་གཙོའི་ཡབ་ཆེན་དུ་འབོད་པའི་སྐུ་ཞབས་མཱར་ཊིན་ལཱི་ (Martin Lee) ལགས་དང་ཀུ་ཤུ་ཉིན་རེའི་ཚགས་པར་ཁང་གི་ཕྱུག་བདག་ཇི་མེ་ལའེ་ (Jimmy Lai)ལགས་སོགས་དམངས་གཙོ་དོན་གཉེར་བ་བདུན་ལ་ཁྲིམས་ཁང་ནས་ནག་ཉེས་བཙུགས་འདུག
ཁ་སང་ཕྱི་ཚེས་ ༡ ཉིན་བྷི་བྷི་སི་སོགས་རྒྱལ་སྤྱིའི་གསར་ཁང་ཁག་གི་གནས་ཚུལ་ལྟར་ན། ཧོང་ཀོང་གི་ནུབ་ཀོ་ལུན་གྲོང་སྡེ་ཁྲིམས་ཁང་ (West Kowloon Magistrates’ Court) གིས། ཧོང་ཀོང་དམངས་གཙོའི་ཡབ་ཆེན་དུ་འབོད་པའི་མཱར་ཊིན་ལཱི་ (Martin Lee) ལགས་དང་། དམངས་གཙོའི་ལྟ་བ་འཛིན་བཞིན་པའི་(Apple Daily newspaper)འམ་ཀུ་ཤུ་ཉིན་རེའི་ཚགས་པར་ཁང་གི་སྦྱིན་བདག་ཕྱུག་བདག་ཇི་མེ་ལའེ་ (Jimmy Lai)ལགས། གྲོས་ཚོགས་འཐུས་མི་ཟུར་པ་ལི་ཁྲུག་ཡན་ (Lee Cheuk-yan)། ཨཱལ་བྷེ་ཊེ་ཧོ་ཁྲུན་ཡཱན་ (Albert Ho Chun Yan)། ལིའི་ཁོ་ཧཱ་ (Leung Kwok-hung)། མར་གྷ་རཊ་ (Margaret Ng) ། སིཌ་ཧོ་སོ་ལན་ (Cyd Ho Sau-lan) བཅས་མི་གྲངས་ ༧ ལ་ཕྱི་ལོ་ ༢༠༡༩ ཟླ་ ༨ ཚེས་ ༡༢ དང་ ༡༨ ཉིན་ཧོང་ཀོང་གཞུང་གི་ཆོག་མཆན་མེད་པའི་འདུ་འཛོམས་ནང་ཁྲིམས་འགལ་གྱིས་མཉམ་ཞུགས་བྱས་ཡོད་པའི་ནག་ཉེས་བཙུགས་ཡོད་ཀྱང་། ཁོང་རྣམས་ནས་ཁྲིམས་འགལ་གྱི་འདུ་འཛོམས་བྱས་མེད་སྐོར་ཡོངས་ཁྱབ་བསྒྲགས་གཏམ་སྤེལ་ཡོད་འདུག
དམངས་གཙོ་དོན་གཉེར་བ་བདུན་གྱིས་ཁོང་ཚོས་མི་མང་འདུ་འཛོམས་ཤུགས་ཆེན་བྱས་པ་དེ་ཁ་འཐོར་དུ་འགྲོ་ཆེད་སྐུལ་འདེད་བྱེད་པར་སོང་བ་ཡིན་སྐོར་བརྗོད་ཡོད་འདུག་ལ། དེའི་ཐད་ཁྲིམས་ཁང་དེའི་ཁྲིམས་ཞིབ་པ་ཨེ་མན་ཌ་ཇེན་ཝུཌ་ཁོག་ (Amanda Jane Woodcock) ཡིས། ཁོང་རྣམ་འདུ་འཛོམས་མེད་པར་བཟོ་བ་དང་ཞི་འཇགས་ཡོང་ཆེད་སོང་བ་ཞིག་མིན་སྐོར་དང་། འདུ་འཛོམས་མ་བྱུང་གོང་ནས་འདུ་འཛོམས་བྱེད་པའི་ཀུན་སློང་ཡོད་པ་མ་ཟད། འདུ་འཛོམས་ཞི་འཇགས་སུ་གཏོང་ཐབས་སུ་ཕྱིན་སྐོར་བརྗོད་ཀྱི་ཡོད་པ་ནི་མིང་ཙམ་ཡིན་པ་དང་། བདེན་པའི་གནས་ཚུལ་ནི་འཆར་གཞི་ལྡན་པའི་ཐོག་ནས་ཁྲིམས་འགལ་གྱིས་འདུ་འཛོམས་བྱས་པ་ཞིག་ཡིན་སྐོར་བརྗོད་འདུག
ཁྲིམས་ཁང་དུ་ཉན་ཞིབ་མགོ་འཛུགས་མ་བྱས་གོང་དུ་གྲོས་ཚོགས་འཐུས་མི་གསར་པ་ལིའི་ཁོ་ཧཱ་ (Leung Kwok-hung) གྱིས་ཆབ་སྲིད་ཁྲིམས་གཅོད་དེ་ནི་ངོ་ཚ་དགོས་པ་ཞིག་ཡིན་སྐོར་གྱི་སྐད་འབོད་བྱས་ཡོད་འདུག་ལ། སྐབས་དེར་ཟུར་ཉན་བྱེད་མཁན་གྱི་ཁྲོད་དུ་ཧོང་ཀོང་མི་མང་གིས་དགོས་འདུན་དོན་ཚན་ལྔ་བཏོན་ཡོད་པ་རྣམས་བསྒྲུབ་དགོས་སྐོར་ཀྱི་འཕྲེད་དར་བཟུང་སྟེ་ངོ་རྒོལ་གྱི་རྣམ་འགྱུར་བསྟན་ཡོད་འདུག
ཉེ་ལམ་ཧོང་ཀོང་གི་གཞུང་རྒོལ་ལས་འགུལ་ནང་ཆོག་མཆན་མེད་པར་ཞུགས་པའི་ཉེས་མིང་འོག་ལས་འགུལ་བ་གཉིས་ལ་ལོ་ངོ་ ༥ དང་ལྔའི་ཁྲིམས་ཐག་བཅད་ཡོད་འདུག་ལ། ཟླ་འདི་ཕྱི་ཚེས་ ༡༦ ཉིན་ཁྲིམས་ཁང་དེ་ཡིས་མཱར་ཊིན་ལཱི་ (Martin Lee)ལགས་དང་ཇི་མེ་ལའེ་ (Jimmy Lai)ལགས་གཉིས་ཀྱི་གཙོའི་དམངས་གཙོ་དོན་གཉེར་བ་དང་། ལས་འགུལ་བ་བདུན་ལའང་ལོ་ལྔ་ཙམ་གྱི་ཁྲིམས་ཆད་ཕོག་སྲིད་པའི་ཚོད་དཔག་བྱེད་ཀྱི་འདུག་པ་དང་། ཁོང་རྣམས་ཀྱི་ཁྲོད་རེ་ཟུང་ལ་ཁྲིམས་འགལ་གྱི་འདུ་འཛོམས་བྱས་པའི་ཉེས་མིང་ཙམ་དུ་མ་ཟད་ནག་ཉེས་གཞན་ཀྱང་བཀལ་ཡོད་འདུག
ཕྱི་ལོ་ ༡༩༩༧ ལོར་དབྱིན་གཞུང་གིས་རྒྱལ་ཁབ་གཅི
གསར་འགོད་པ། ཀླུ་མགོན་ཐར།
