འཇར་མར་གྱི་གྲོས་ཚོགས་འཐུས་མི་གསུམ་ནས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲི་ཞུས་པ་དང་སྦྲགས་མུ་མཐུད་དུ་བོད་མིར་གདུང་སེམས་མཉམ་སྐྱེད་དང་བོད་ཀྱི་རྩ་དོན་ལ་རྒྱབ་སྐྱོར་གནང་རྒྱུ་ཡིན་སྐོར་གསུངས་འདུག
དབུས་བོད་མིའི་སྒྲིག་འཛུགས་ཀྱི་དྲ་རྒྱའི་ནང་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༢ ་ཉིན་འཇར་མན་གྲོས་ཚོགས་ཀྱི་ཚོགས་གཞོན་ལྕམ་སྐུ་ཀ་ལོ་ཌི་ཡ་རོ་ཐི་(Ms Claudia Roth) ལགས་དང་། འཇར་མན་གྲོས་ཚོགས་ཀྱི་འགྲོ་བ་མིའི་ཐོབ་ཐང་དང་འགྲོ་བ་མིའི་བདེ་སྡུག་རོགས་སྐྱོར་ཚན་པའི་མགྲིན་ཚབ་པ་གྲོས་ཚོགས་འཐུས་མི་ལྕམ་སྐུ་མར་གྷ་རེ་བྷོ་སོ་( Ms Margarete bause)ལགས། དེ་བཞིན། འཇར་མན་གྲོས་ཚོགས་ཀྱི་འཕྲོད་བསྟེན་སྲིད་ཇུས་ཚན་པའི་མགྲིན་ཚབ་པ་ལྕམ་སྐུ་མེ་རི་ཡ་( Maria klien schemeink )ལགས་བཅས་ཀྱིས། སྤེན་པ་ཚེ་རིང་མཆོག་དབུས་བོད་མིིའི་སྒྲིག་འཛུགས་ཀྱི་སྲིད་སྐྱོང་དུ་བདམས་ཐོན་བྱུང་བ་ལ་དགའ་བསུའི་འཚམས་འདྲི་དང་མ་འོངས་ཕྱག་ལས་རྣམས་ལམ་ལྷོངས་ཡོང་བའི་སྨོན་འདུན་ཞུས་པ་དང་སྦྲགས། ཁོང་རྣམ་པས་་མུ་མཐུད་དུ་བོད་མིར་གདུང་སེམས་མཉམ་སྐྱེད་དང་བོད་ཀྱི་རྩ་དོན་ལ་རྒྱབ་སྐྱོར་གནང་རྒྱུ་ཡིན་སྐོར་གསུངས་འདུག
འཚམས་འདྲིའི་ནང་དུ། ཁྱེད་ཀྱི་མ་འོངས་པའི་ལས་དོན་མཐའ་དག་ལམ་ལྷོངས་ཡོང་བ་དང་། སྐུ་ཉིད་ལ་འོས་བསྡུའི་རྒྱལ་ཁ་ཆེན་པོ་ཐོབ་ཡོད་པས། འཛམ་གླིང་ས་ཕྱོགས་གང་སར་ཡོད་པའི་བོད་མི་ཚོས་རེ་བ་ཆེན་པོ་བྱེད་ཀྱིན་ཡོད་པས། ཁྱེད་ནས་༧གོང་ས་མཆོག་གི་སྐུ་ཚབ་དང་རྒྱ་ནག་གཞུང་བར་དབར་འབྲེལ་མོལ་བསྐྱར་མཐུད་གནང་ཐབས་དང་། བོད་མི་ཡོངས་ལ་གཞི་རྩའི་འགྲོ་བ་མིའི་ཐོབ་ཐང་སླར་གསོ་ཡོང་ཐབས་སོགས་གདོང་ལེན་གནང་དགོས་སྐོར་གསུངས་འདུག
དེ་བཞིན་སྲིད་སྐྱོང་མཆོག་ནས་དབུ་མའི་ལམ་དུ་ཤར་སྐྱོད་ཐོག་ལས་དོན་གནང་མུས་ལ་གེགས་མེད་ལམ་ལྷོངས་ཡོང་བའི་སྨོན་འདུན་དང་། སྲིད་སྐྱོང་མཆོག་གཙོ་བོར་གྱུར་བའི་འཛམ་གླིང་ས་ཕྱོགས་གང་སར་གནས་པའི་བོད་མི་ཡོངས་ལ་གདུང་སེམས་མཉམས་སྐྱེད་དང་། བོད་ཀྱི་རྩ་དོན་ལ་རྒྱབ་སྐྱོར་གནང་རྒྱུའི་ཆོད་སེམས་བརྟན་པོ་ཡོད། ཅེས་གསུངས་འདུག
དཔལ་ལྡན།
རྒྱབ་སྐྱོར། བོད་འཇིག་ལ་ཉེ།