དེ་རིང་དྷ་སའི་ཉམས་པ་སླར་གསོ་ཞེས་པའི་ལས་འགུལ་བ་ ༢༠ ཡིས་གངས་སྐྱིད་སིལ་སྤོལ་ཐང་དུ་ངོ་རྒོལ་ལས་འགུལ་མགོ་འཛུགས་བྱས་ཏེ་ཟླ་འདིའི་ཟླ་མཇུག་བར་དུ་ཟས་བཅད་ངོ་རྒོལ་བྱ་རྒྱུ་ཡིན་སྐོར་བསྒྲགས་སོང་།
དེ་རིང་ཉིན་རྒྱབ་ཆུ་ཚོད་ ༢ སྟེང་བོད་མིའི་སྒྲིག་འཛུགས་ཀྱི་ལྟེ་གནས་གངས་སྐྱིད་ལག་སྤོལ་རྩེད་ཐང་དུ། དྷ་རམ་ས་ལའི་ཉམས་པ་སླར་གསོ་ཞེས་པའི་ཚོགས་པ་དེའི་ལས་འགུལ་བ་ ༢༠ ཡིས་གསར་འགོད་གསལ་བསྒྲགས་ཤིག་སྤེལ་ཏེ། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་རྣམ་པ་གསུམ་ནས་ལས་མཚམས་བཞག་སྟེ་ཞབས་སྟེགས་སྟོང་པ་བཟོ་དགོས་པའི་འབོད་སྐུལ་འོག དེ་རིང་ནས་བཟུང་ཟླ་འདིའི་ཟླ་མཇུག་བར་ཉིན་གྲངས་ ༢༠ ཙམ་གྱི་རིང་། ཟས་བཅད་ངོ་རྒོལ་གྱི་ལས་འགུལ་སྤེལ་རྒྱུ་ཡིན་པའི་གསལ་བསྒྲགས་སྤེལ་སོང་བ་དང་། ལས་འགུལ་མགོ་འཛུགས་བྱེད་སྐབས་རྒྱ་གར་གྱི་ཉེན་རྟོག་པ་དང་གསང་བའི་ལས་ཁུངས་ཀྱི་ལས་བྱེད་བསླེབས་འདུག་པ་མ་ཟད། གསང་བའི་ལས་ཁུངས་ཀྱིས་ལས་འགུལ་བའི་ཁ་པར་ཨང་གྲངས་དང་པར་བཅས་བསྡུས་སོང་།
གསར་འགོད་བསྒྲགས་གཏམ་ནང་དུ། བོད་མི་མང་སྤྱི་འཐུས་ལྷན་ཚོགས་སྐབས་ ༡༦ པའི་གྲོས་ཚོགས་ཚོགས་དུས་ ༡༠ པའི་ཐོག་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་བཅས་བཅའ་ཁྲིམས་ཀྱི་དགོངས་དོན་སྤྱི་འཐུས་རྩ་འབོར་གསུམ་ཆ་གཉིས་ཡན་གྱི་རྒྱབ་སྐྱོར་ཐོག་གྲོས་ཆོད་ཡིག་ཆ་ཨང་ ༣༩ པ་བཞག་ནས་འཕོ་འགྱུར་བཏང་བ་བཞིན། ཁྲིམས་ཞིབ་བ་པ་རྣམ་པས་ཀྱང་ལས་མཚམས་བཞག འོན་ཀྱང་ཟླ་གཉིས་རྗེས་ཁྲིམས་མཐུན་གྱི་བརྒྱུད་ལམ་གང་ཡང་མ་བརྒྱུད་པར་སྔར་གྱི་ལས་གནས་སུ་ཕྱིར་ལོག་བྱས། དེའི་རྐྱེན་གྱིས་བོད་དོན་འཐབ་རྩོད་ཀྱི་གནས་བབ་ལ་དོ་ཕོག་དང་། མང་གཙོའི་ཀ་བ་གསུམ་སྦོ་ལུག་པ། བཅའ་ཁྲིམས་རིན་པོ་ཆེར་རྩིས་མེད་རྡོག་རོལ་གྱིས་གང་ཟག་གི་དབང་བསྒྱུར་དུ་སོང་ཞིང་། ནང་ཁུལ་དུ་རྣོ་ངར་ཆེ་བའི་འགལ་ཟླ་འགོ་ཚུགས་ནས་དགྲ་དགའ་གཉེན་སྡུག་གི་གནས་ཚུལ་མུ་མཐུད་འབྱུང་བཞིན་པར་བརྟེན། འདི་ནས་མི་གྲངས་ ༩༨༦ ཡིས་མཚན་རྟགས་བརྒྱབ་པའི་སྙན་ཞུ་ཞིག་དང་། མི་གྲངས་ ༣༡༠༦ གིས་མཚན་རྟགས་བརྒྱབ་པའི་སྙན་ཞུ་ཞིག་བཅས་སྔ་རྗེས་ཕུལ་ཡོད། བཞུགས་སྒར་དྷ་ས་དང་། རྒྱ་གར་ལྷོ་ཕྱོགས་སྦེལ་ཀོབ། ཧུན་སོར། ཀོ་ལི་གྷལ། ཨ་རིའི་གྲོང་ཁྱེར་ནེའུ་ཡོག་སོགས་སུ་མི་མང་དྭང་བླང་གི་ཐོག་ནས་ཁྲིམས་ཞིབ་པའི་མིང་ཁུར་བ་རྣམས་ཁྲིམས་ཞིབ་ཁང་ནས་ངེས་པར་ཕྱིར་ཐོན་དགོས་པའི་འབོད་སྐུལ་གྱི་ལས་འགུལ་སྤེལ་ཡོད། ཅེས་བཀོད་འདུག
ལས་འགུལ་གྱི་དགོས་འདུན་གཙོ་བོ་ཞེས་པའི་ནང་། བོད་ཀྱི་རྩ་དོན་འཐབ་རྩོད་འཐུས་ཤོར་མི་འགྲོ་བ་དང༌། ཁྲིམས་མཐུན་གྱི་མང་གཙོའི་ཀ་བ་གསུམ་གྱི་སྒྲིག་འཛུགས་སླར་གསོ་ཡོང་ཆེད། ཁྲིམས་ཞིབ་པ་ཟུར་པ་གསུམ་ངེས་པར་དུ་ཁྲིམས་ཞིབ་ཁང་ནས་ཁ་བྲལ་ཏེ་ཁྲིམས་ཞིབ་པའི་ཞབས་སྟེགས་སྟོང་པ་བཟོ་དགོས་པ་དེ་ཡིན་ཞེས་བརྗོད་འདུག་ལ། ཁྲིམས་ཞིབ་པ་གསུམ་ནས་ལས་མཚམས་མ་བཞག་ན་ས་གནས་གང་ས་ནས་ལས་འགུལ་རྒྱ་ཇེ་ཆེར་གཏོང་འཆར་ཡོད་སྐོར་བརྗོད་སོང་།
གསར་འགོད་པ། སྐལ་བཟང་སྦྱིན་པ།
ཉམས་པ་སླར་གསོའི་ཚོགས་པ་ཅེས་པ་ཧ་གོ་བ་དང་པོ་ཡིན་ལ་ལས་འགུལ་འདི་ཡང་མཐའ་མ་མིན་པའི་རེ་བ་ཡོད། ཁོང་རྣམ་པས་ད་རེས་ཀྱི་ལས་འགུལ་དམིགས་ཡུལ་ནི། བོད་ཀྱི་རྩ་དོན་འཐབ་རྩོད་འཐུས་ཤོར་མི་འགྲོ་བ་དང༌། ཁྲིམས་མཐུན་གྱི་མང་གཙོའི་ཀ་བ་གསུམ་གྱི་སྒྲིག་འཛུགས་སླར་གསོ་ཡོང་ཆེད། ཅེས་པ་ཡིན་འདུག ཡིན་ཀྱང་ངས་ནི་ལས་འགུལ་འདི་བུ་གླེན་པས་ཕ་ཡི་མགོ་བཅོམ་པའི་དཔེ་སྒྲུང་དང་མཐུན་ཆ་ཆེ་བ་མཐོང་བ་ང་ནོར་སྲིད། གནས་འདིར་ཕ་དེ་ཁྱེད་རྣམས་ཀྱི་དམིགས་ཡུལ་གཉིས་དེར་ངོས་འཛིན་ཡིན། རྒྱུ་མཚན་འགའ་འགོད་ལམ་ཞུ་རྒྱུ་ཡི།
༡) བོད་ཀྱི་རྩ་དོན་འཐབ་རྩོད་འཐུས་ཤོར་མི་འགྲོ་བ་ཅེས་ཐད། དང་པོ་རྩ་དོན་ལ་ཕན་པའི་ལས་འགུལ་༼དཔེ་ན། བོད་དང་བོད་མིའི་སླད་ཟས་བཅད་ངོ་རྒོལ་སོགས༽ཉམས་པ་སླར་གསོ་དང་དེའི་ཚོགས་མིས་ཇི་ཙམ་ཞུ་མྱོང་ཡོད་དམ། དེ་མིན་རྩ་དོན་ལ་འཐུས་ཤོར་ཉེན་ཅན་ནི་བོད་མིའི་རྡོག་རྩ་ཆིག་སྒྲིལ་གྱི་གོང་བུར་གནོད་ཚབ་ཀྱི་ལས་དེ་ཡིན། དེའི་ཕྱོགས་ལས་འགུལ་འདིའི་གནོད་ལས་ཕན་པའི་ལྷ་རྫས་ཤིག་བསྐྲུན་པ་བློ་ཟུ་བོར་གནས་པའི་མི་ཞིག་གིས་ཕལ་ཆེར་ངོས་མི་ལེན། མཐའ་གཉིས་སུ་གྱེས་པའི་ཕྱོགས་དེ་མཐུན་ཐབས་ཀྱི་འབད་བརྩོན་ག་ན་འདུག ཉམས་པ་སླར་གསོའི་ལས་གཞི་འདི་ཁྲིམས་མཐུན་དམ་འབུལ་ཞུ་ཡི་མིན་ཞུ་མཁན་སྤྱི་འཐུས་ ༢༢ ལས་ཀྱང་ཞེན་ཆགས་ཆེ་ཆེར་ཆེ་བ་འདུག སྤྱི་འཐུས་ ༢༢ རྣམ་པས་ཤ་མི་ཟ་ཡང་ཤ་ཁུ་འཐུང་ནས་གཉིས་འཁོད་ཞུ་རྒྱུའི་འབད་པ་ཞུས། ད་ཆ་ཁོང་ཚོ་ཁྲིམས་ལྟར་མིན་པའི་དམ་འབུལ་ལམ་ནས་གྲོས་ཚོགས་ཚོགས་ཐབས་ལས་ཁྲིམས་ཞིབ་གནད་ལ་དེ་སྔ་ལྟར་ལྡང་འཛིན་མེད་པའང་ཁོང་ཚོས་ཞེན་ཆགས་ལས་སྤྱི་སྨན་མེད་ཀྱང་ཕན་པ་ལོས་འོང། དེ་ན་ལས་འགུལ་འདིས་རྩ་དོན་ལ་འཐུས་ཤོར་བཏང་བའམ་གཏོང་ཉེན་མིན་འདུག་གམ། རྒྱུ་མཚན་དེ་ལས་བུ་གླེན་པའི་དཔེ་དེ་ཞུས་ཡིན། ཡིན་ཀྱང་མང་གཙོའི་ཐོབ་ཐང་རེད།
༢༽ དམིགས་གཉིས་པ། ཁྲིམས་མཐུན་གྱི་མང་གཙོའི་ཀ་བ་གསུམ་གྱི་སྒྲིག་འཛུགས་སླར་གསོ་ཡོང་ཆེད། ནང་ཁྱེད་རྣམ་པས་མང་གཙོ་སྤོ་ལུག་པ་ཞུས་ཀྱང་ངས་ནི་ཀ་བ་གསུམ་ནས་གཉིས་བཞུགས་ཡོད་ཐོག་གསུམ་པ་དེ་ཁྲིམས་མཐུན་ཡོང་ཐབས་སུ་འབད་བརྩོན་ཞུ་བཞིན་འདུག་ག གཞི་ནས་སྦོ་ལུག་པའི་ཚིག་དེ་གསུངས་པ་པོས་སྙན་གྲགས་ལས་འདིར་བདེན་རྒྱབ་ལྟ་བུར་བེད་སྤྱོད་ཞུས་གཤའ་ཀྱང་སྦོ་ལུག་པའི་རྐྱེན་རྩ་དེ་ཁྱེད་རྣམས་ཀྱི་ཁམས་སུ་མེད་པའི་ལས་འགུལ་འདི་གོང་གི་དམིགས་ཡུལ་དང་པོའི་འགལ་རྐྱེན་གྱི་རྒྱུ་མཚན་གཞན་ཞིག་ཡིན། རྐྱེན་རྩ་ག་རེ་གསུངས་པ་དེ་གལ་པོ་ཆེ་ལ་ནན་གཏན་ཆེད་ཞུས་ན་ཁྲིམས་ཞིབ་པ་ཆེ་བའམ་ཆུང་བ་གང་རུང་ཅེས་པ་ལས་ཚང་མ་གནས་དབྱུངས་དུས་གཅིག་ཏུ་གཏོང་རྒྱུའི་ལམ་མེད་པ་དེ་གསུངས་པ་ངས་ཀྱང་གོ་སོང། གཞི་ནས་ཁྲིམས་དཔོན་རྣམས་ཆ་ཚང་མེད་པ་བཟོས་ན་དུས་རྒྱུན་ང་ཚོས་མང་གཙོ་ཚད་ལྡན་ལ་ཀ་བ་གསུམ་དགོས་པའི་གལ་གནད་མེད་པར་བཟོས་ནས་རྐང་ཀྱོག་ཅིག་ཏུ་གྱུར་ནས་རིལ་རྒྱུའི་གནས་སུ་གྱར་བ་མ་རེད་དམ། དེ་སུས་བཟོས་རེད། བཟོ་མཁན་ཚོགས་གཙོ་པད་མ་འབྱུང་གནས་ལགས་དང་གཞན་སྤྱའི་འཐུས་ ༣༡ རྣམས་རེད། ཚོགས་གཙོ་དབུས་པས་ཁོངས་རྣམ་པས་དེ་ཙམ་ཡང་མ་ཤེས་པའམ་ཤེས་ནས་རྡོག་རོལ་དུ་བཏང་བའི་གནས་སུ་རྒྱབ་སྐྱོར་ཞུས་ན་ཁྱེད་རྣམ་པས་དམིགས་ཡུལ་གཉིས་པ་དང་འགལ་མིན་འདུག་གམ། ཚོགས་གཙོ་པད་མ་འབྱུང་གནས་དང་གཞན་རྒྱབ་སྐྱོར་བ་སྤྱི་འཐུས་རྣམ་པའི་གྲོས་ཚོགས་དང་རྒྱུན་ལས། དེ་གཉིས་ལས་བསྐོས་པའི་ཚོགས་ཆུང་རྣམས་དབང་ཚད་འདྲ་སྙམས་སུ་ཡིན་པས་ཁྲིམ་བཅོས། དོན་དུའང་དཀའ་གནད་འདི་ཕྲད་དགོས་པའི་རྒྱུ་རྐྱེན་གཙོ་བོ་ཁྲིམས་མཐུན་ངོས་ལེན་མེད་པའི་གྲོས་ཚོགས་ཀྱི་དབང་ཚད་དེ་ཚོགས་གཙོ་དབུས་པས་རྒྱུན་ལས་རྣམ་པའི་དབང་མེད་ཀྱིས་དཔྱད་ནས་གྲོས་ཚོགས་འཕར་རྒྱང་བྱས་པ་ལས་བྱུང་ཡོད།
མདོར་བསྡུས་ན་ཁྱེད་རྣམ་པར་རྒྱབ་སྐྱོར་ཞུ་མཁན་ཡོད་པ་ལྟར་ཁོང་རྣམ་པ་ལས་མཚམས་བཞག་ནས་སླར་ཡར་ཕེབས་དགོས་པའི་རྒྱབ་སྐྱོར་ཞུ་མཁན་ཡང་གཅིག་མཚུངས་བྱུང་ཡོད། མང་གཙོའི་ལམ་ནང་མི་མང་རྒྱབ་གཉེར་གལ་ཆེན་པོ་ཡིན་ཀྱང་ད་ལྟའི་གནས་དོན་དེ་ཁྲིམས་དང་འབྲེལ་བའི་ངལ་བར་སོང་མི་མང་ནས་གནད་འཕེལ་ཞིག་ཤེས་རྒྱུ་དཀའ་གནས་དང་། དེ་ལས་ཁྲིམས་ཞིབ་པ་གོང་མ་རྣམས་སོགས་ཁྲིམས་སུ་རྒྱུས་ཤེས་ཅན་གྱི་འབྲེལ་ཡོད་རྣམས་པས་དགོངས་པར་ཡིག་ཆ་ ༣༩ དེ་འཐུས་གཙང་མིན་པའི་ལས་དོན་དུ་སླར་འཁོལ་དགོས་པའི་དགོངས་འཆར། ཡིག་ཆ་ ༣༩ འབྱུང་རྩ་གསུམ་ཆ་གཉིས་ཀྱི་རྒྱབ་གཉེར་བ་སྤྱི་འཐུས་ ༣༡ ཡོད་ཀྱང་རྗེས་སུ་ཁྲིམས་ཞིབ་པ་ལས་སུ་སླར་འཁོད་ཞུ་མཁན་བསྡོམ་སྤྱི་འཐུས་ ༢༡ བྱུང་ཡོད་འདུག་བ་ནས་ཉུང་མཐར་ ༢ གསུམ་ཆ་གཉིས་ནས་མར་འཐན་ཡིན་ན་གསུམ་ཆ་གཉིས་ལོན་མེད། སྟབས་མི་ལེགས་པ་ཞིག་ལ་གྲོས་ཚོགས་འཕར་མ་ཚོགས་ཐུབ་མེད་པས་གྲོས་ཚོགས་དབུས་སུ་བདེན་པ་དག་ཐེར་ཞུ་ལམ་བྱུང་མེད་པ་ལས་དེ་མིན་ཁྲིམས་མི་ཤེས་པའི་སྤྱི་འཐུས་ཞེན་ཆགས་ཅན་གཞན་རྣམས་དང་དེའི་གཡོ་གུལ་དུ་ཤོར་བའི་ཉམས་པ་སླར་གསོའི་ཕྱོགས་རྣམས་ལ་བསམ་ཤེས་ཡོད་ན་སྐྱོན་ངོས་ལེན་གྱི་ལམ་ཞིག་ཐོབ་ཡོད་སྲིད། དེ་བཞིན་མང་གཙོས་བཀོད་པའི་གཞུང་འཛིན་སྲིད་སྐྱོང་མཁས་དབང་བློ་སེང་ལགས་ཀྱིས་ཁྲིམས་ཞིབ་པ་རྣམས་སུ་ངོས་ལེན་གྱིས་སྲིད་སྐྱོང་གསར་པའི་དམ་འབུལ་གྲ་བསྒྲིགས་པ་སོགས་ལས་ཕམ་རླབས་ཀྱིས་ད་ལྟ་་་་་མང་གཙོའི་ཀ་བ་གསུམ་ཆ་ཚང་མ་འགྱེལ་བར་ཁྱ་ཁ་ཁྱོ་ཁེའི་ལམ་འདི་ནས་བདེ་མོ་ཐང་མ་ཞིག་གི་ཕྱོགས་སུ་འཁོད་ཐབས་སུ་ཕན་ཐོག་བྱུང་ཡོད། མང་པོ་ཞུ་ཡི་མིན། བོད་དང་བོད་མིར་བསམ་ཤེས་ཡོད་ན་ཕྱོགས་ལྷུང་མེད་པར་བདེན་པའམ་བདེན་མཐའ་ཆེ་སར་རྒྱབ་བཅོལ་ཤོག
ངན་པ་སླར་གསོ་ཞེས་པའི་ཚོགས་མི་འདི་ཚོས་ཁྲིམས་ཞིབ་ཁང་གི་བཀའ་ཁྱབ་དང་། སྤྱི་འཐུས་རྒྱུན་ལས་ཀྱི་གསལ་བསྒྲགས། གྲོས་ཆོད་ཡིག་ཆ་ཨང་ ༣༩ བཅས་ལ་དཔྱད་བསྡུར་མ་བྱས་པར་གཡམ་རྒྱུག་བྱས་ཡོད་ཤག བཅའ་ཁྲིམས་ལ་དོ་སྣང་མ་སྤྲད་པར་དངུལ་སྤྲད་མཁན་གྱི་གདོང་ལ་བལྟས་ནས་གཡེང་ལ་མཆོང་གི་ཡོད་ཚོད་རེད།
གླེན་པ་འདི་ཚོ་ལ་ངན་སྐུལ་བྱེད་མཁན་སུ་ཡིན་མིན་གསལ་པོ་རེད། ཡིན་ནའང་ཟས་བཅད་ངོ་རྒོལ་གྱི་ལས་འགུལ་སྤེལ་བ་འདི་ཁོང་ཚོའི་ཐོབ་ཐང་རེད།
འོན་ཀྱང་དུས་བབ་ལ་ཞུ་རྒྱུར་ སྒང་གི་(འཕྲོད་བྱེད་དགའ་མ།)ཟེར་མཁན་གྱིས་མཆན་སྤེལ་སྟངས་ལྟས་ན་ཆོལ་ཁའི་བར་ལ་དཀྲུགས་ཤིང་རྒྱག་མཁན་གྱི་མི་ཞིག་རེད་ འདི་རིགས་ལ་ཡིད་གཟབ་བྱོས།
བོད་པ་ནང་ཁུལ་གཅིག་གིས་གཅིག་ལ་ངོ་རྒོལ་དང་ལས་ཤོག་སོགས་ཐེ་ཚམ་མེད་པར་བེད་སྤྱོད་བྱས་རེས་མཐོང་དུས་དཀོན་མཆོག་གསུམ་རྒྱ་ནག་མདུན་ལ་ངོ་ཚ་གི་འདུག། ཨ་ཡོ།
ངན་པ་སླར་གསོ་ཞེས་པའི་ཚོགས་མི་འདི་ཚོས་ཁྲིམས་ཞིབ་ཁང་གི་བཀའ་ཁྱབ་དང་། སྤྱི་འཐུས་རྒྱུན་ལས་ཀྱི་གསལ་བསྒྲགས། གྲོས་ཆོད་ཡིག་ཆ་ཨང་ ༡༩ པ་བཅས་དཔྱད་བསྡུར་མ་བྱས་པར་གཡམ་རྒྱུག་བྱས་ཡོད་ཤག
བཅའ་ཁྲིམས་ལ་དོ་སྣང་མ་སྤྲད་པར་དངུལ་སྤྲད་མཁན་གྱི་གདོང་ལ་བལྟས་ནས་གཡེང་ལ་མཆོང་གི་ཡོད་ཤག
མི་འདི་དག་གིས་བོད་མིའི་སྒྲིག་འཛུགས་རྩ་བ་ནས་གཏོར་དགོས་བསམ་གི་ཡོད་པ་འདྲ།
བོད་པ་ཚོས་གཟབ་གཟབ་གནང་རོགས།
མི་ལ་སློབ་སྦྱོང་མེད་ན་གཞན་པའི་གཡོ་འོག་ཏུ་ཚུད་ཆོག་ཆོག་ཡོད་རེད།
སྙིང་རྗེ
རྩ་བ་བོར་ནས་ཡལ་ག་ལ་འཆང་གི་ཡོད་པ་མ་རེད་དམ་།
སྤྱི་ཟུར་བོང་འཇེ་སྟོབས་རྒྱལ་གྱི་ཨབ་ཕྲུག་འདི་དག་ལ་སྙིང་རྗེ། རང་གི་མིང་ཙམ་ཡང་འབྲི་མི་ཤེས་མཁན་རེད། ཉིན་ཤས་རྗེས་ལ་ངོ་ཚ་ནས་ལོག་འགྲོ་གི་རེད། དེང་སང་སྔོན་དང་བསྡུར་ན་ཧ་ཅང་ཡར་རྒྱས་དང་ཞི་འཇམ་ཆགས་འདུག དེ་སྔོན་༧གོང་ས་མཆོག་གིས་ཆོས་སྲིད་ཐུག་འགན་བཞེས་སྐབས་ཁམས་རིགས་དག་གིས་རྡ་རམ་ས་ལར་དམག་རྒྱབ་གི་ཡིན་ཟེར་ནས་འཛིགས་སྐུལ་དང་སྨྱོ་རྟགས་མང་པོ་བསྟན་ཚར་བ་རེད།
དེ་འདྲ་ཏོག་ཙམ་བྱས་དྲག་པ་མིན་འགྲོ། ཁྲིམས་ཞིབ་ཁོང་ཚོར་ཡང་བཤད་རགྱུ་ཡོད་ཤག་རེད། ཁོང་ཚོ་ལ་རྒྱུ་མཚན་ཞིག་གི་ཐོག་ནས་སླར་ཡང་ཕེབས་པ་ཞིག་ཡིན་པ་གོ་རྒྱུ་འདུག གས་སྲིད་ཁྱེད་རང་ཚོས་ཁྲིམས་ཞིབ་པ་གསུམ་པོ་འགྲིག་གི་མིན་འདགུ་ན། སྲིད་སྐྱོང་གསར་རྙིང་རྩིས་སྤྲོད་རྩིས་ལེན་དེ་ཡང་འགྲིག་གི་ཡོད་མ་རེད། སྲིད་སྐྱོང་སྤན་པ་ཚེ་རིང་ཡང་སྲིད་སྐྱོང་ཁས་ལེན་གྱི་མེད་པ་ཡིན་ནམ། དེ་འདྲ་ངོས་འཛིན་བྱས་ཀྱི་ཡོད་ན་སྲིད་སྐྱོང་མེད། སྤྱི་འཐུས་མེད་པ་དེ་ཁྱེད་རང་ཚོས་དགོས་པ་ཡིན་ནམ། བསམ་གློ་ཡག་པོ་གཏོང།༔་། མི་མང་ལ་མགོ་སྐོར་མ་གཏང་རོགས།