སྤྱི་ཟུར་ཆབ་བྲག་ལྷ་མོ་སྐྱབས།
བོད་མིའི་སྒྲིག་འཛུགས་ཆ་ལག་ཡོངས་ཚང་བ།།
སྲིད་སྐྱོང་རྙིང་པའི་སྐབས་སུ་གཏོར་བཤིག་བྱས།།
དེ་ཡི་ཉེས་འགན་བཀའ་སྤྱི་གཉིས་ལ་ཐུག།
ད་དུང་གཏོར་བཤིག་གཏོང་འདོད་དེ་ཅི་ཞིག།
འདི་ཟླའི་ཚེས་༩ ཉིན། བོད་མིའི་སྒྲིག་འཛུགས་ཀྱི་ལྟེ་གནས་གངས་སྐྱིད་ལག་སྤོལ་རྩེད་ཐང་དུ། དྷ་རམ་ས་ལའི་ཉམས་པ་སླར་གསོ་ཞེས་པའི་གཏོར་བཤིག་པ་ཉི་ཤུས། གསར་འགོད་གསལ་བསྒྲགས་ཤིག་སྤེལ་ནས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་རྣམ་པ་གསུམ་པོར་ངོ་རྒོལ་གྱི་ལས་འགུལ་སྤེལ་བཞིན་པ་ནི་དོན་དངོས་ལ་འགྱེལ་ཐོག་རྡོག་བརྫིས་གཏོང་བའི་བྱ་ངན་ཞིག་ཡིན་པས་རྒྱ་ཆེའི་མི་དམངས་ཀྱིས་ད་ནི་གུ་ཡངས་བཟོད་སྒོམ་བྱེད་རན་མ་རེད་སྙམ།
གལ་ཏེ་ཁྱོད་ཚོས་ཉམས་པ་སླར་གསོ་བྱེད་འདོད་ཡོད་པ་དངོས་བདེན་ཡིན་ན་གཤམ་གསལ་བདག་གི་དྲི་བ་གསུམ་ལ་ལན་འདེབས་ཁ་གསལ་བྱེད་རོགས། བྱེད་མ་ཐུབ་ན་རང་སྐྱོན་ངོས་ལེན་ཡོ་བསྲང་བྱེད་རོགས།
ཀ༽ ཆེས་མཐོའི་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་བཅས་མེད་པར་བཟོ་རྩིས་ཀྱི་གྲོས་ཆོད་ཡིག་ཆ་ཨང་ ༣༩ པ་དེ། གཅིག་ནས་ བཅའ་ཁྲིམས་ཀྱི་ལེའུ་ལྔ་པ། ཁྲིམས་བཟོའི་དབང་འཛིན་གྱི་དོན་ཚན་ང་བཞི་པ། གྲོས་བསྡུར་བཀག་སྡོམ། “ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང༌། ཁྲིམས་ཞིབ་པ་གཞན་གཉིས་གང་རུང་འཕོ་འགྱུར་བྱ་རྒྱུའི་སྐོར་དང༌། སྤྱི་འཐུས་ལྷན་ཚོགས་ནས་ཚོགས་ཆུང་ཟུར་འཛུགས་ཀྱིས་རྟོག་ཞིབ་ཐོག་སྤྱི་འཐུས་ལྷན་ཚོགས་སུ་སྙན་ཐོ་འབྱོར་བའི་སྐབས་སུ་མ་གཏོགས་དེ་མིན་ཁྲིམས་ཞིབ་པའི་ལས་དོན་བྱེད་ཕྱོགས་སྐོར་སྤྱི་འཐུས་ལྷན་ཚོགས་སུ་གླེང་སློང་དང༌། གྲོས་བསྡུར་བྱེད་མི་ཆོག” ཅེས་པ་དང་དངོས་སུ་འགལ་ཡོད་པར་མ་ཟད། གཉིས་ནས་ཁྲིམས་ཞིབ་པ་གསུམ་པོ་སྡེབ་གཅིག་གནས་དབྱུངས་བཏང་བ་དེ། བཅའ་ཁྲིམས་ཀྱི་སྒྲོམ་གཞི་ཀ་བ་གསུམ་པོ་མི་ཚང་བར་བཟོས་པའི་ད་ལྟའི་དཀའ་ཉོག་འདི་ཆེད་བཟོས་ནག་ཉེས་ཀྱི་འབྱུང་རྩ་མིན་པའི་སྒྲུབ་བྱེད་ཡང་དག་ཅིག་ཡོད་དམ།
ཁ༽ད་ལྟའི་བོད་མིའི་སྒྲིག་འཛུགས་སྒྲིག་གི་སྒྲོམ་གཞི་འདི་སྤྱི་འཐུས་ལྷན་ཚོགས་ཀྱི་ཀ་བ་མེད་པའི་ཐོག་འཛིན་སྐྱོང་བཀའ་ཤག་གི་ཀ་བ་ཡང་གས་ཆག་ཅན་ཏེ། སྲིད་སྐྱོང་མ་གཏོགས་བཀའ་བློན་རྣམ་པ་བདམས་ཐུབ་མེད། ད་ཁྲིམས་ཞིབ་ཁང་གི་ཀ་ཆེན་ཡང་མེད་པར་བཟོས་ན། བོད་མིའི་སྒྲིག་འཛུགས་འདི་སྲིད་སྐྱོང་མི་གཅིག་ཁེར་རྐྱང་ཅན་དུ་བསྒྱུར་བ་མ་རེད་དམ། དེ་ལྟར་བྱས་ན་གནོད་པ་ལས་ཕན་པ་ཅི་ཞིག་ཡོད།
ག༽ ཁྱོད་ཚོས་དོན་ངོ་མར་བོད་མིའི་སྒྲིག་འཛུགས་འདི་མ་ཉམས་རྒྱུན་འཛིན་ཐུབ་པ་ཞིག་གནང་འདོད་ན། ཁྲིམས་ཞིབ་པ་རྣམ་པ་མེད་པར་གཏོང་བ་འདི་གཏན་ནས་མ་ཡིན་པར་སྤྱི་འཐུས་གྲོས་ཚོགས་ཀྱི་ཀ་བ་ཡར་སློང་ཐབས་བྱེད་པ་དེ་མིན་ནམ། གལ་ཏེ་ཁྱོད་ཚོས་རེ་བ་བཞིན་ཁྲིམས་ཞིབ་པ་རྣམ་གསུམ་གྱིས་དགོངས་པ་ཞུས་པའི་དབང་དུ་བཏང་ན་ཡང་། ཁྱོད་ཚོར་དེའི་ཚབ་ལ་བཅའ་ཁྲིམས་དང་མཐུན་པའི་གསར་བསྐོའི་ཐབས་ལམ་ཅི་ཞིག་ཡོད། གལ་ཏེ་མེད་ན་ཁྱོད་ཚོས་དགོས་འདུན་དེ་ “ཉམས་པ་སླར་གསོ” རེད་དམ“ཡོད་པ་གཏོར་བཤིག་གཏོང་བ”གང་ཡིན་གསལ་པོ་རེད་དོ།།
སླར་སྨྲས་པ།
ཇི་ལྟར་སླར་གསོའི་ཐབས་ལམ་གང་ཡང་མེད། །
གང་ཡོད་མེད་པར་བཟོ་བའི་བྱུས་ངན་ཅན།།
ནང་དགྲ་འདི་ལས་ཐུ་བ་གཞན་མེད་པས།།
རྒྱ་ཆེའི་དམངས་ཀྱིས་ཚར་གཅོད་བྱེད་རན་རེད།།
མཆན། གོང་དུ་བཀོད་པའི་རྩོམ་ཡིག་དེ་རྩོམ་པ་པོའི་དགོངས་ཚུལ་ཡིན་པ་ལས་འདི་ག་གསར་ཁང་གི་དགོངས་ཚུལ་ཡིན་པས་མ་ཁྱབ།
ཉམ་པ་སླར་གསོ་ཞེས་སྤྱི་ཚོགས་་ཟླ་དཀྲུགས་ཕུང་དཀྲུགས་གཏོང་མཁན་མི་ངན་ཉུང་ཤས་དེ་ཚོ་དབུ་སྟོབས་ཀྱི་རྒྱུག་ཁྱི་ངོ་མ་ཡིན་པ་ཟད་ཆོལ་ཁའི་གཞན་ཁོག་ཅན་དང་དོལ་ཚོགས་པ་རྒྱའི་རྒྱུག་ཁྱི་དག་ཡིན་པ་ཤེས་གསལ་རེད། མི་ངན་ཀླད་སྟོང་དག་གི་ད་བར་བོད་སྤྱི་ལ་ཕན་པའི་ལས་ཀ་སྣེ་གཅིག་ཀྱང་བྱེད་མྱོང་མེད་ལ་མི་ངན་དེ་ཚོ་མང་ཆེ་བར་བོད་མིའི་བཅའ་ཁྲལ་ལག་དེབ་མེད་པ་ཤེས་གསལ་རེད། ཉམ་པ་སླར་གསོ་དངོས་ཡོད་བྱེད་འདོད་ཡོད་ན། བཅའ་ཁྲིམས་དང་འགལ་ནས་འགྲོ་མཁན་མདོ་སྟོད་སྤྱི་འཐུས་དེ་ཚོ་དང་ཆོད་རྒྱུད་སྤྱི་འཐུས་དེ་ཚོར་ངོ་རྒོལ་བྱེད་དགོས། ད་ཡོད་མི་ངན་ཉུང་ཤས་དེ་ཚོའི་ནང་མང་ཆེ་བ་གསར་འབྱོར་བ་རེད་འདུག མི་ངན་དེ་ཚོ་ས་ཆ་ག་པར་ཕྱིན་ཀྱང་སྤྱི་ཚོགས་དཀྲུགས་སྡོད་མཁན་གྱི་མི་ངན་ཤ་རྟགས་རེད། གསར་འགོད་པ་རྣམས་པས་མི་ངན་དེ་རིགས་ཀྱི་གནས་སྟངས་ཤེས་པ་བྱེད་རྒྱུ་གལ་འགང་ཆེན་པོ་རེད། ཁོ་ཚོའི་དངས་ལངས་བཅའ་དངུལ་ལག་དེབ་ཡོད་མེད་དང་། སྐྱབ་བཅོལ་ལག་དེབ་སོགས་ཡོད་མེད་ཞིབ་འཇུག་ངེས་པར་དུ་བྱེད་དགོས།
ཉམས་པ་སླར་གསོ་མ་རེད། ངན་པ་སླར་གསོ་རེད། ངན་པ་སླར་གསོ་ནི་ཆུ་སྒང་དང་དོལ་ཚོགས། དེ་བཞིན་རོབ་སྦྱོར་ཨོ་སྟོབས་སོགས་ཀྱིས་གསོས་པའི་སྤང་ཕྲུག་ཁྱུ་གཅིག་རེད། དེ་ཚོའི་ཁྲོད་ན་ཤེས་ཡོན་ཡོད་པ་དང་ཁུངས་དང་ལུང་དྲངས་རྒྱུ་ཡོད་པ
ནི་རྐང་གཅིག་མེད། ཚང་མ་ལུང་ཞེན་གྱིས་དུག་ཆུས་མྱོས་པ་དང་སྤྱིའི་ཆ་ནས་ལོ་བཅུ་ཕྲག་མང་པོར་བཙན་བྱོལ་གཞུང་ལ་ཤ་ཚ་ཏིལ་འབྲུ་ཙམ་ཡང་མེད་མཁན་རེད། ༧གོང་ས་ཆོག་གི་ཕོ་བྲང་གི་
མདུན་དུ་མིའི་སྲོག་གཅོད་པའི་སྤོབས་པ་ཡོད་ཟེར་མཁན་དེ་ཚོ་ངོ་མ་བཙན་བྱོལ་གཞུང་ཡུན་གནས་ཀྱི་ཆེད་དུ་ཡོང་བ་ཞིག་རེད་འདུག་གས། མི་དེ་རིགས་ཀྱིས་དེ་སྔ་ཡང་ཕོ་བྲང་གི་མདུན་དུ་མཚན་ཉིད་
དགེ་བཤེས་བཀྲོངས་པ་རེད། དེ་དུང་ཡང་དེ་འདྲ་བྱེད་སྲིད་པས་ངེས་པར་དུ་རྒྱ་གར་གྱི་ཉེན་རྟོགས་པ་ལ་རྩིས་སྤྲོད་དགོས་པ་རེད།
“བཙན་བྱོལ་སྤྱི་ཚོགས་འདིར་བོད་ཀྱི་བཅའ་ཁྲིམས་ལ་རྒྱུས་མངའ་ཡོད་མཁན་ཉུང་ཤས་ཡོད་པའི་ཁྲོད་ཀྱི་གཅིག་་”སྟེ། ཚོགས་ཟུར་པད་འབྱུང་གི་”དང་”སྒྲའི་གོ་དོན་དེ་ཅི་ལས་ཀྱང་ནུས་པ་ཆེ་བ་གསལ་སྟོན་བྱས་སོང་། བཅའ་ཁྲིམས་ལ་རྒྱུས་མངའ་ཡོད་ན་དེ་འདྲ་ལོས་ཡིན།
བཅའ་ཁྲིམས་སྲུང་སྐྱོབས་དང་འབྲེལ་བའི་དཀའ་སྙོགས་དེ་བཅའ་ཁྲིམས་ལ་འགན་ཁུར་ནས་སེལ་དགོས་པ་དེ་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་ཞིག་ཡིན་པ་དང་། བཅའ་ཁྲིམས་ལ་འགན་མ་ཁུར་ནས་མང་གཙོ་དང་རང་དབང་ཁ་ལ་ཁྱེར་ནས་ལམ་དང་ལུགས་སྲོལ་རྒྱུད་ནས་ངོ་རྒོལ་སྐད་འབོད་ལ་སྐྱབས་བཅོལ་ཐུབ་པ་ཙམ་གྱི་ད་ལྟའི་དཀའ་སྙོགས་སེལ་རྒྱུའི་ཚབ་ཏུ་བོད་མི་ནང་ཁུལ་གྱི་ཆིག་སྒྲིལ་ལ་ཉམས་ཆགས་མི་འགྲོ་བའི་ངེས་པ་མེད་པ་ནས་དགྲ་དགའ་གཉེན་སྡུག་ཙམ་ལས་གཞན་དུ་མ་མཐོང་། ང་ཚོ་བཙན་བྱོལ་དུ་ཡོད་པའི་བོད་མི་ཚང་མས་ལས་འགན་དེ་ད་ལྟའི་བཅའ་ཁྲིམས་སྲུང་སྐྱོབས་དང་འབྲེལ་བའི་དཀའ་སྙོགས་སེལ་རྒྱུའི་ཐབས་ལམ་ཚོལ་དགོས་པ་དེ་གལ་ཆེན་དོན་ཆེན་ཞིག་ལ་ངོས་འཛིན་ཞུ་གི་ཡོད་།
སྤྱི་ཟུར་ཆབ་བྲག་ལྷ་མོ་སྐྱབས།་ཀྱི་དགོངས་གཞིར་མོས་མཐུན་ཡོད། ་ཉམས་པ་སླར་གསོའི་གསར་འགོད་གསལ་བསྒྲགས་སུ་ལན་ཞིག་རྒྱབ་ཡོད་་པ་གནས་དོན་དང་འབྲེལ་ཆགས་ལ་སོང་ལ་སོང་ནན་གཏན་ཚུལ་དུ་འདིར་བཀོད་ཆོག་པ།
ཉམས་པ་སླར་གསོའི་ཚོགས་པ་ཅེས་པ་ཧ་གོ་བ་དང་པོ་ཡིན་ལ་ལས་འགུལ་འདི་ཡང་མཐའ་མ་མིན་པའི་རེ་བ་ཡོད། ཁོང་རྣམ་པས་ད་རེས་ཀྱི་ལས་འགུལ་དམིགས་ཡུལ་ནི། བོད་ཀྱི་རྩ་དོན་འཐབ་རྩོད་འཐུས་ཤོར་མི་འགྲོ་བ་དང༌། ཁྲིམས་མཐུན་གྱི་མང་གཙོའི་ཀ་བ་གསུམ་གྱི་སྒྲིག་འཛུགས་སླར་གསོ་ཡོང་ཆེད། ཅེས་པ་ཡིན་འདུག ཡིན་ཀྱང་ངས་ནི་ལས་འགུལ་འདི་བུ་གླེན་པས་ཕ་ཡི་མགོ་བཅོམ་པའི་དཔེ་སྒྲུང་དང་མཐུན་ཆ་ཆེ་བ་མཐོང་བ་ང་ནོར་སྲིད། གནས་འདིར་ཕ་དེ་ཁྱེད་རྣམས་ཀྱི་དམིགས་ཡུལ་གཉིས་དེར་ངོས་འཛིན་ཡིན། རྒྱུ་མཚན་འགའ་འགོད་ལམ་ཞུ་རྒྱུ་ཡི།
༡) བོད་ཀྱི་རྩ་དོན་འཐབ་རྩོད་འཐུས་ཤོར་མི་འགྲོ་བ་ཅེས་ཐད། དང་པོ་རྩ་དོན་ལ་ཕན་པའི་ལས་འགུལ་༼དཔེ་ན། བོད་དང་བོད་མིའི་སླད་ཟས་བཅད་ངོ་རྒོལ་སོགས༽ཉམས་པ་སླར་གསོ་དང་དེའི་ཚོགས་མིས་ཇི་ཙམ་ཞུ་མྱོང་ཡོད་དམ། དེ་མིན་རྩ་དོན་ལ་འཐུས་ཤོར་ཉེན་ཅན་ནི་བོད་མིའི་རྡོག་རྩ་ཆིག་སྒྲིལ་གྱི་གོང་བུར་གནོད་ཚབ་ཀྱི་ལས་དེ་ཡིན། དེའི་ཕྱོགས་ལས་འགུལ་འདིའི་གནོད་ལས་ཕན་པའི་ལྷ་རྫས་ཤིག་བསྐྲུན་པ་བློ་ཟུ་བོར་གནས་པའི་མི་ཞིག་གིས་ཕལ་ཆེར་ངོས་མི་ལེན། མཐའ་གཉིས་སུ་གྱེས་པའི་ཕྱོགས་དེ་མཐུན་ཐབས་ཀྱི་འབད་བརྩོན་ག་ན་འདུག ཉམས་པ་སླར་གསོའི་ལས་གཞི་འདི་ཁྲིམས་མཐུན་དམ་འབུལ་ཞུ་ཡི་མིན་ཞུ་མཁན་སྤྱི་འཐུས་ ༢༢ ལས་ཀྱང་ཞེན་ཆགས་ཆེ་ཆེར་ཆེ་བ་འདུག སྤྱི་འཐུས་ ༢༢ རྣམ་པས་ཤ་མི་ཟ་ཡང་ཤ་ཁུ་འཐུང་ནས་གཉིས་འཁོད་ཞུ་རྒྱུའི་འབད་པ་ཞུས། ད་ཆ་ཁོང་ཚོ་ཁྲིམས་ལྟར་མིན་པའི་དམ་འབུལ་ལམ་ནས་གྲོས་ཚོགས་ཚོགས་ཐབས་ལས་ཁྲིམས་ཞིབ་གནད་ལ་དེ་སྔ་ལྟར་ལྡང་འཛིན་མེད་པའང་ཁོང་ཚོས་ཞེན་ཆགས་ལས་སྤྱི་སྨན་མེད་ཀྱང་ཕན་པ་ལོས་འོང། དེ་ན་ལས་འགུལ་འདིས་རྩ་དོན་ལ་འཐུས་ཤོར་བཏང་བའམ་གཏོང་ཉེན་མིན་འདུག་གམ། རྒྱུ་མཚན་དེ་ལས་བུ་གླེན་པའི་དཔེ་དེ་ཞུས་ཡིན། ཡིན་ཀྱང་མང་གཙོའི་ཐོབ་ཐང་རེད།
༢༽ དམིགས་གཉིས་པ། ཁྲིམས་མཐུན་གྱི་མང་གཙོའི་ཀ་བ་གསུམ་གྱི་སྒྲིག་འཛུགས་སླར་གསོ་ཡོང་ཆེད། ནང་ཁྱེད་རྣམ་པས་མང་གཙོ་སྤོ་ལུག་པ་ཞུས་ཀྱང་ངས་ནི་ཀ་བ་གསུམ་ནས་གཉིས་བཞུགས་ཡོད་ཐོག་གསུམ་པ་དེ་ཁྲིམས་མཐུན་ཡོང་ཐབས་སུ་འབད་བརྩོན་ཞུ་བཞིན་འདུག་ག གཞི་ནས་སྦོ་ལུག་པའི་ཚིག་དེ་གསུངས་པ་པོས་སྙན་གྲགས་ལས་འདིར་བདེན་རྒྱབ་ལྟ་བུར་བེད་སྤྱོད་ཞུས་གཤའ་ཀྱང་སྦོ་ལུག་པའི་རྐྱེན་རྩ་དེ་ཁྱེད་རྣམས་ཀྱི་ཁམས་སུ་མེད་པའི་ལས་འགུལ་འདི་གོང་གི་དམིགས་ཡུལ་དང་པོའི་འགལ་རྐྱེན་གྱི་རྒྱུ་མཚན་གཞན་ཞིག་ཡིན། རྐྱེན་རྩ་ག་རེ་གསུངས་པ་དེ་གལ་པོ་ཆེ་ལ་ནན་གཏན་ཆེད་ཞུས་ན་ཁྲིམས་ཞིབ་པ་ཆེ་བའམ་ཆུང་བ་གང་རུང་ཅེས་པ་ལས་ཚང་མ་གནས་དབྱུངས་དུས་གཅིག་ཏུ་གཏོང་རྒྱུའི་ལམ་མེད་པ་དེ་གསུངས་པ་ངས་ཀྱང་གོ་སོང། གཞི་ནས་ཁྲིམས་དཔོན་རྣམས་ཆ་ཚང་མེད་པ་བཟོས་ན་དུས་རྒྱུན་ང་ཚོས་མང་གཙོ་ཚད་ལྡན་ལ་ཀ་བ་གསུམ་དགོས་པའི་གལ་གནད་མེད་པར་བཟོས་ནས་རྐང་ཀྱོག་ཅིག་ཏུ་གྱུར་ནས་རིལ་རྒྱུའི་གནས་སུ་གྱར་བ་མ་རེད་དམ། དེ་སུས་བཟོས་རེད། བཟོ་མཁན་ཚོགས་གཙོ་པད་མ་འབྱུང་གནས་ལགས་དང་གཞན་སྤྱའི་འཐུས་ ༣༡ རྣམས་རེད། ཚོགས་གཙོ་དབུས་པས་ཁོངས་རྣམ་པས་དེ་ཙམ་ཡང་མ་ཤེས་པའམ་ཤེས་ནས་རྡོག་རོལ་དུ་བཏང་བའི་གནས་སུ་རྒྱབ་སྐྱོར་ཞུས་ན་ཁྱེད་རྣམ་པས་དམིགས་ཡུལ་གཉིས་པ་དང་འགལ་མིན་འདུག་གམ། ཚོགས་གཙོ་པད་མ་འབྱུང་གནས་དང་གཞན་རྒྱབ་སྐྱོར་བ་སྤྱི་འཐུས་རྣམ་པའི་གྲོས་ཚོགས་དང་རྒྱུན་ལས། དེ་གཉིས་ལས་བསྐོས་པའི་ཚོགས་ཆུང་རྣམས་དབང་ཚད་འདྲ་སྙམས་སུ་ཡིན་པས་ཁྲིམ་བཅོས། དོན་དུའང་དཀའ་གནད་འདི་ཕྲད་དགོས་པའི་རྒྱུ་རྐྱེན་གཙོ་བོ་ཁྲིམས་མཐུན་ངོས་ལེན་མེད་པའི་གྲོས་ཚོགས་ཀྱི་དབང་ཚད་དེ་ཚོགས་གཙོ་དབུས་པས་རྒྱུན་ལས་རྣམ་པའི་དབང་མེད་ཀྱིས་དཔྱད་ནས་གྲོས་ཚོགས་འཕར་རྒྱང་བྱས་པ་ལས་བྱུང་ཡོད།
མདོར་བསྡུས་ན་ཁྱེད་རྣམ་པར་རྒྱབ་སྐྱོར་ཞུ་མཁན་ཡོད་པ་ལྟར་ཁོང་རྣམ་པ་ལས་མཚམས་བཞག་ནས་སླར་ཡར་ཕེབས་དགོས་པའི་རྒྱབ་སྐྱོར་ཞུ་མཁན་ཡང་གཅིག་མཚུངས་བྱུང་ཡོད། མང་གཙོའི་ལམ་ནང་མི་མང་རྒྱབ་གཉེར་གལ་ཆེན་པོ་ཡིན་ཀྱང་ད་ལྟའི་གནས་དོན་དེ་ཁྲིམས་དང་འབྲེལ་བའི་ངལ་བར་སོང་མི་མང་ནས་གནད་འཕེལ་ཞིག་ཤེས་རྒྱུ་དཀའ་གནས་དང་། དེ་ལས་ཁྲིམས་ཞིབ་པ་གོང་མ་རྣམས་སོགས་ཁྲིམས་སུ་རྒྱུས་ཤེས་ཅན་གྱི་འབྲེལ་ཡོད་རྣམས་པས་དགོངས་པར་ཡིག་ཆ་ ༣༩ དེ་འཐུས་གཙང་མིན་པའི་ལས་དོན་དུ་སླར་འཁོལ་དགོས་པའི་དགོངས་འཆར། ཡིག་ཆ་ ༣༩ འབྱུང་རྩ་གསུམ་ཆ་གཉིས་ཀྱི་རྒྱབ་གཉེར་བ་སྤྱི་འཐུས་ ༣༡ ཡོད་ཀྱང་རྗེས་སུ་ཁྲིམས་ཞིབ་པ་ལས་སུ་སླར་འཁོད་ཞུ་མཁན་བསྡོམ་སྤྱི་འཐུས་ ༢༡ བྱུང་ཡོད་འདུག་བ་ནས་ཉུང་མཐར་ ༢ གསུམ་ཆ་གཉིས་ནས་མར་འཐན་ཡིན་ན་གསུམ་ཆ་གཉིས་ལོན་མེད། སྟབས་མི་ལེགས་པ་ཞིག་ལ་གྲོས་ཚོགས་འཕར་མ་ཚོགས་ཐུབ་མེད་པས་གྲོས་ཚོགས་དབུས་སུ་བདེན་པ་དག་ཐེར་ཞུ་ལམ་བྱུང་མེད་པ་ལས་དེ་མིན་ཁྲིམས་མི་ཤེས་པའི་སྤྱི་འཐུས་ཞེན་ཆགས་ཅན་གཞན་རྣམས་དང་དེའི་གཡོ་གུལ་དུ་ཤོར་བའི་ཉམས་པ་སླར་གསོའི་ཕྱོགས་རྣམས་ལ་བསམ་ཤེས་ཡོད་ན་སྐྱོན་ངོས་ལེན་གྱི་ལམ་ཞིག་ཐོབ་ཡོད་སྲིད། དེ་བཞིན་མང་གཙོས་བཀོད་པའི་གཞུང་འཛིན་སྲིད་སྐྱོང་མཁས་དབང་བློ་སེང་ལགས་ཀྱིས་ཁྲིམས་ཞིབ་པ་རྣམས་སུ་ངོས་ལེན་གྱིས་སྲིད་སྐྱོང་གསར་པའི་དམ་འབུལ་གྲ་བསྒྲིགས་པ་སོགས་ལས་ཕམ་རླབས་ཀྱིས་ད་ལྟ་མང་གཙོའི་ཀ་བ་གསུམ་ཆ་ཚང་མ་འགྱེལ་བར་ཁྱ་ཁ་ཁྱོ་ཁེའི་ལམ་འདི་ནས་བདེ་མོ་ཐང་མ་ཞིག་གི་ཕྱོགས་སུ་འཁོད་ཐབས་སུ་ཕན་ཐོག་བྱུང་ཡོད། མང་པོ་ཞུ་ཡི་མིན། བོད་དང་བོད་མིར་བསམ་ཤེས་ཡོད་ན་ཕྱོགས་ལྷུང་མེད་པར་བདེན་པའམ་བདེན་མཐའ་ཆེ་སར་རྒྱབ་བཅོལ་ཤོག
ད་ལྟའི་དུས་འདིར་ཚང་མས་གཟབ་གཟབ་བྱས་དགོས་ས་རེད། ཕན་ཚུན་ཁ་བདེ་པོ་རེ་བཤོད་རེས་བྱས་ན་དོ་བདག་རང་ཉིད་ཡིད་ཚིམ་པ་ཞིག་ཡོང་སྲིད་ཀྱང་རྒྱལ་ཁབ་དང་མི་རིགས་ལ་ཕན་གནོད་ཅི་ཡོད་ཤེས་ཤིན་ཏུ་ནས་དཀའ།
རྡ་སའི་སིལ་སྤོལ་ཐང་ལ་ཡོད་པའི་རྒྱུག་ཁྱི་དེ་ཚོ་ལ་ཆུ་སྒང་དང་དོ་ཚོགས་གཉིས་ནས་དངུལ་འབོར་ཆེན་སྤྲད་ནས་སྤྱི་ཚོགས་དཀྲུགས་བཅུག་་བཞིན་པ་ལས་ངན་རང་རེད།་ད་རུང་མཚཽ་པདྨའི་རྒྱུག་ཁྱི་ཞིག་གི་ཁྲིམས་ཞིབ་པར་ཉན་རྡ་བཏང་འདུག་ཀྱང་ཁོ་རང་གི་རྒྱབ་ལྗོང་ལ་ལྟ་དུས་མཚོ་པདྨའི་ཆུ་སྒང་གི་ཚོགས་མི་ཡིན་པ་དུས་རྒྱུན་ཆང་རག་ལ་ངན་གོམས་ཤོར་བ་ཞིག་དང་ཆང་ཚད་མེད་བཏུང་ནས་ཐེངས་འགའ་ཤི་ལ་ཁ་ཆགས་ཟིན་རེདྲ།།ད་དུང་སྐྱེས་དམན་ངོ་མ་དེ་གཡུགས་ནས་རྒྱ་ཁམས་པའི་སྐྱེས་དམན་ཞིག་མཉམ་དུ་བསྡད་ཡོད།།།འཚོ་བརྟེན་དགུན་ཚོང་ཞིག་ལས་མེད་པས་དེའི་དངུལ་ཚང་མ་ཆང་རག་བཏུང་ནས་རྫོགས་ཟིན་པ་དང་ད་ལྟ་འུག་ཐུག་ནས་བོད་པ་མིན་པའི་སྐྱེས་དམན་དེ་ཡང་རྡ་སར་ངོ་རྒོལ་ལ་འཁྲིད་ནས་དངུལ་རག་ཐབ་བྱེད་བཞིན་པ་རེད།།་ཚང་མའི་དོག་ཟོན་གནང་
ངན་པ་སླར་གསོ་མཆམས་བཞག་ཚར་པ་འདྲ།
ཉམས་པ་སླར་ལ་གསོ་བར་མ་ལགས་ཏེ།།
ཡོད་པ་རྩ་གཏོར་གཏོང་བའི་ཇུས་ངན་ནོ།།
ངན་པ་སླར་གསོ་ཞེས་པའི་ཚོགས་མི་འདི་ཚོས་ཁྲིམས་ཞིབ་ཁང་གི་བཀའ་ཁྱབ་དང་། སྤྱི་འཐུས་རྒྱུན་ལས་ཀྱི་གསལ་བསྒྲགས། གྲོས་ཆོད་ཡིག་ཆ་ཨང་ ༡༩ པ་བཅས་དཔྱད་བསྡུར་མ་བྱས་པར་གཡམ་རྒྱུག་བྱས་ཡོད་ཤག
བཅའ་ཁྲིམས་ལ་དོ་སྣང་མ་སྤྲད་པར་དངུལ་སྤྲད་མཁན་གྱི་གདོང་ལ་བལྟས་ནས་གཡེང་ལ་མཆོང་གི་ཡོད་ཤག