༄༅། ། བཙན་བྱོལ་བོད་མིའི་བཅའ་ཁྲིམས་ལ་སྲུང་བརྩི་དགོས་པའི་རེ་སྐུལ།
བཙན་བྱོལ་བོད་མིའི་བཅའ་ཁྲིམས་དོན་ཚན་༥༤པའི་ནང་གསལ་ལྟར། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་གང་རུང་འཕོ་འགྱུར་བྱ་རྒྱུའི་སྐོར་དང་། སྤྱི་འཐུས་ལྷན་ཚོགས་ནས་ཚོགས་ཆུང་ཟུར་འཛུགས་ཀྱིས་རྟོག་ཞིབ་ཐོག་སྤྱི་འཐུས་ལྷན་ཚོགས་སུ་སྙན་ཐོ་འབྱོར་བའི་སྐབས་སུ་མ་གཏོགས། དེ་མིན་ཁྲིམས་ཞིབ་པའི་ལས་དོན་བྱེད་ཕྱོགས་སྐོར་སྤྱི་འཐུས་ལྷན་ཚོགས་སུ་གླེང་སློང་དང་། གྲོས་བསྡུར་བྱེད་མི་ཆོག ཅེས་དང་།
བཅའ་ཁྲིམས་དོན་ཚན་༦༣༼༤༽ ནང་། སྤྱི་འཐུས་ལྷན་ཚོགས་ཀྱི་སྤྱི་འཐུས་རྩ་འབོར་གསུམ་ཆ་གཉིས་ཡན་གྱིས་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་བཅས། སུ་རུང་འཕོ་འགྱུར་དགོས་པའི་གྲོས་ཆོད་བཞག་སྟེ་འཕོ་འགྱུར་བྱེད་དགོས་བྱུང་ན་ལས། དེ་མིན་ཁྲིམས་ཞིབ་པ་ཆེ་བའི་ལས་རྒྱུན་ལོ་ལྔའམ། རང་ལོ་དྲུག་ཅུ་རེ་ལྔ་ཧྲིལ་པོ་ལོན་པ་གང་སྔའི་བར་ཡིན། ཁྲིམས་ཞིབ་པ་གཞན་གཉིས་རང་ལོ་དྲུག་ཅུ་རེ་ལྔ་ཧྲིལ་པོ་མ་ལོན་བར་ལས་འཁུར་རྒྱུན་འཛིན་བྱ་རྒྱུ་ཞེས་གསལ་བ་ལྟར།
གོང་གསལ་དོན་ཚན་ ༥༤ དགོངས་དོན་ཚོགས་ཆུང་ཟུར་འཛུགས་ཀྱིས་རྟོག་ཞིབ་ཐོག་སྤྱི་འཐུས་ལྷན་ཚོགས་སུ་སྙན་ཐོ་འབྱོར་དགོས་པ་དེ་དང་། དོན་ཚན་ ༦༣༼༤༽ ནང་གསལ་ལྟར་དེ་དོན་བཞིན་ལག་བསྟར་བྱ་ཆོག་པ་གསལ་བས། རྟོག་ཞིབ་བྱ་སྐབས་ཁྲིམས་ཞིབ་པ་ལ་འདྲི་བརྩད་ངེས་པར་བྱ་དགོས་པའི་ཆ་རྐྱེན་དེ་ནི་རང་དབང་ལྡན་པའི་ཁྲིམས་ལུགས་དབང་འཛིན་གྱི་སྲོག་ཤིང་ལྟ་བུ་དང་མང་གཙོའི་ཀ་བ་གསུམ་གྱི་ལྗིད་སྙོམས་སྟངས་འཛིན་གྱི་སྒྲོམ་གཞི་ལྟ་བུ་ཆགས་ཡོད། དེས་ན་བར་ལམ་སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ནས་བཅའ་ཁྲིམས་རིན་པོ་ཆེའི་དོན་ཚན་ ༥༤ ལག་བསྟར་མ་གནང་བའི་རྒྱུ་མཚན་གྱིས་གྲོས་ཆོད་ཡིག་ཆ་ཨང་ ༣༩ ཞེས་པ་དེ་ནུས་མེད་དུ་གྱུར་བ་དང་། ཆེས་མཐོའི་ཁྲིམས་ཞིབ་པ་རྣམས་འཕོ་འགྱུར་བཏང་བ་དེ་བོད་མི་མང་བཅའ་ཁྲིམས་སུ་གསལ་བའི་ཁྲིམས་དོན་ལྟར་མཐུན་པ་བྱུང་མེད།
སྤྱིར་མང་གཙོའི་རྒྱལ་ཁབ་གང་དུ་འང་སྐྱོན་འཛུགས་བྱེད་ཡུལ་གྱི་གང་ཟག་དེར་ནོར་སྐྱོན་མེད་པའི་འགྲེལ་བཤད་བྱེད་རྒྱུའི་ཐོབ་ཐང་གོ་སྐབས་མ་སྤྲད་པར་གང་ཟག་དེར་སྐྱོན་འཛུགས་གང་བྱས་ཟུག་ཐུབ་ཀྱི་མེད་པ་ནི་ཁྲིམས་ཀྱི་མདུན་སར་འདྲ་མཉམ་ཞེས་པའི་གོ་དོན་ཡང་དེ་ཡིན་པས་གུས་པས་དཔལ་ལྡན་འདེམས་ཐོན་སྤྱི་འཐུས་ལྷན་རྒྱས་ཀྱིས་བོད་མི་མང་བཅའ་ཁྲིམས་རིན་པོ་ཆེ་དོན་ཚན་༤༧ དགོངས་དོན་དམ་འབུལ་གང་མྱུར་ཞུ་གནང་ཡོང་བའི་རེ་སྐུལ་དུ།
ཆེས་མཐོའི་ཁྲིམས་ཞིབ་ཁང་གི་བཤེར་དཔང་ཟུར་པ་ཕུར་བུ་རྡོ་རྗེ་ནས་ཕྱི་ལོ་༢༠༢༡ ཟླ་༩ ཚེས་ ༢༦ ལ་ཕུལ།།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
བརྒྱ་ཆ་100% གི་རྒྱབ་སྐྱོང་དང་རྗེས་སུ་ཡིད་རངས་ཞུ་།
སྤག་ལ་དགོས་པ་སྤག་ཁུ་དང་སྤག་ཁུ་ལ་དགོས་པ་ད་ར་ཟེར་བའི་དཔེ་ལྟར་ང་ཚོར་དགོས་པ་དེ་བཅའ་ཁྲིམས་ལ་བརྩི་བཀུར་དང་བློ་གཏད་ཡིད་ཆེས་ཉམས་ལེན་ཞུ་ཐུབ་མཁན་གྱིས་ཁྲིམས་མཐུན་གྱི་མི་མང་འཐུས་མིའི་སྒྲིག་འཛུགས་སྤྱི་འཐུས་གྲོས་ཚོགས་ཞིག་དགོས་།
Very true and hopefully these 22 Chithue elects will take oath of office as enshrined in article 47 of the CTA constitution.