ཨ་རིའི་སེམས་ཁམས་རིག་པ་བ་སྨན་པ་ཨཱ་རོན་བྷིག་ལགས་དགུང་གྲངས་ ༡༠༠ ཐོག་སྐུ་གྲོངས་ཡོད་པས་༧གོང་ས་རྒྱལ་བ་རིན་པོ་ཆེ་མཆོག་ནས་ཤུལ་ལུས་རྣམ་པས་དམ་པ་ཁོང་གི་རླབས་ཆེན་གྱི་བྱ་བཞག་རྣམས་རྒྱུན་འཁྱོངས་གནང་སྟེ་རྗེས་དྲན་ཞུ་དགོས་པའི་གསུང་འཕྲིན་སྩལ་འདུག
ཁ་སང་ཕྱི་ཚེས་ ༡ ཉིན་ཨ་རིའི་སེམས་ཁམས་རིག་པ་བ་དང་སྨན་པ་ཨཱ་རོན་བྷིག་(Aaron Beck)ལགས་སྐུ་གྲོངས་ཡོད་སྟབས། དེ་རིང་༧གོང་ས་རྒྱལ་བ་རིན་པོ་ཆེ་མཆོག་ནས་ཨཱ་རོན་བྷིག་དམ་པའི་སྲས་མོ་ལྕམ་ཇུ་ཌི་ཐི་(Judith S. Beck)ལགས་སུ་ཐུགས་གསོའི་གསུང་འཕྲིན་ཞིག་སྩལ་བའི་ནང་། སྐུ་ཉིད་ཀྱི་ཡབ་དམ་པ་དེ་ཉིད་སྐུ་འཚོ་བཞུགས་རིང་མི་ཚེ་དོན་དང་ལྡན་པ་ཞིག་བསྐྱལ་ཡོད་ཅེས་དང་། ཁྱེད་རང་གིས་མཁྱེན་གསལ་ལྟར་དམ་པ་ཁོང་དང་ངོས་རང་གཉིས་ཐེངས་མང་ཐུག་མྱོང་ཡོད། དེ་ཡང་ངོས་རང་ཧྥི་ལཱ་ཌིལ་ཧྥི་ཡ་ (Philadelphia) ས་གནས་སུ་ཡོད་པའི་དམ་པ་ཁོང་གི་ནང་དུ་ཐུག་འཕྲད་དུ་ཕྱིན་ཡོད་པ་དང་། ངོས་གཉིས་ཕན་ཚུན་སེམས་ཁམས་འཕྲོད་བསྟེན་གྱི་སྐོར་དང་མི་མང་ལ་བདེ་སྐྱིད་གང་འདྲ་སྦྱིན་ཐུབ་པ་ནས་འདོད་བློ་ཚིམ་པའི་མི་ཚེ་གང་འདྲ་སྐྱེལ་ཐུབ་ཀྱི་ཡོད་མེད་སྐོར་གླེང་སློང་ཟབ་པོ་གནང་མྱོང་ཡོད། དེ་བཞིན་ངོས་ཀྱིས། དམ་པ་ཁོང་གིས་སེམས་ཁམས་འཕྲོད་བསྟེན་ཐོག་ལ་དམིགས་བསལ་ཞབས་འདེགས་ཞུས་པར་ཡི་རང་དང་བསྔགས་བརྗོད་གནང་གི་ཡོད་སྐོར་གསུངས་འདུག
གསུང་འཕྲིན་གྱི་མཇུག་ཏུ་༧གོང་ས་རྒྱལ་བ་རིན་པོ་ཆེ་མཆོག་གིས། དམ་པ་ཁོང་དང་ཁྱེད་གཉིས་མཉམ་འབྲེལ་་གྱིས་ (Beck Institute for Cognitive Behavior Therapy) གསར་འཛུགས་བྱས་ཡོད་པ་དེ་ཡིས། དམ་པ་ཁོང་གིས་བྱ་གཞག་རླབས་ཆེན་གནང་བ་རྣམས་མུ་མཐུད་དུ་གཙིགས་སུ་འཛིན་ཐུབ་པའི་ཡིད་ཆེས་བརྟན་པོ་ཡོད་ཅིང་། ཁོང་གི་མི་ཚེ་དྲན་གསོ་ཞུ་སྟངས་དང་ཁོང་ལ་ཕྱག་རྟགས་ལེགས་ཤོས་ནི་དམ་པ་ཁོང་གི་རླབས་ཆེན་བྱ་བཞག་རྣམས་རྒྱུན་འཁྱོངས་གནང་ཐུབ་པ་དེ་ཡིན་སྐོར་གསུངས་འདུག
ཨ་རིའི་སེམས་ཁམས་རིག་པ་བ་ཨཱ་རོན་བྷིག་ལགས་ནི་ཡུག་རན་ནས་ཨ་རིའི་མངའ་སྡེ་རོ་ཌི་ཨེ་ལན་ཌི་(Rhode Island)ནང་སྐྱབས་བཅོལ་དུ་ཡོང་བའི་ཁྱིམ་ཚང་ཞིག་ཏུ་འཁྲུངས་ཤིང་། ཨ་རིའི་བྷི་རོན་གཙུག་ལག་སློབ་ཆེན་དང་ཡལ་སྨན་གྱི་མཐོ་སློབ་ནས་སློབ་མཐར་ཕྱིན་ཞིང་། དབང་རྩའི་མ་ལག་ཐོག་ཆེད་ལས་གནང་སྟེ་པན་སི་ཝེ་ནི་ཡ་གཙུག་ལག་སློབ་ཆེན་གྱི་དགེ་རྒན་ཆེན་མོ་དང་། རང་ཤི་འགོག་སྲུང་ལྟེ་གནས་(Center for the Treatment and Prevention of Suicide)ནང་ཐུགས་འགན་བཞེས་ཡོད་པ་མ་ཟད། ཁོང་གི་བུ་མོ་ཇུ་ཌི་ཐི་ལགས་དང་མཉམ་འབྲེལ་གྱིས་བྷིག་སྤྱོད་ལམ་དཔྱད་བཅོས་ཀྱི་ལྟེ་གནས་(Beck Institute for Cognitive Behavior Therapy)ཞེས་པ་ཞིག་ཆེད་འཛུགས་ཀྱིས་སྤྱི་ཚོགས་ཞབས་ཕྱི་གནང་མུས་ཡིན་འདུག
ཨ་རིའི་སེམས་ཁམས་རིག་པ་བ་ཨཱ་རོན་བྷེག་ལགས་ནི་ཡུག་རན་ནས་ཨ་རིའི་མངའ་སྡེ་རོ་ཌི་ཨེ་ལན་ཌི་ (Rhode Island) ནང་སྐྱབས་བཅོལ་དུ་ཡོང་བའི་ཁྱིམ་ཚང་ཞིག་ཏུ་འཁྲུངས་ཤིང་། ཨ་རིའི་བྷི་རོན་གཙུག་ལག་སློབ་ཆེན་དང་ཡལ་སྨན་གྱི་མཐོ་སློབ་ནས་སློབ་མཐར་ཕྱིན་ཞིང་། དབང་རྩ་རིག་པའི་ཐོག་ཆེད་ལས་གནང་སྟེ་པན་སི་ཝེ་ནི་ཡ་གཙུག་ལག་སློབ་ཆེན་གྱི་དགེ་རྒན་ཆེན་མོ་གནང་ཡོད་པ་དང་། དེ་བཞིན་རང་ཤི་འགོག་སྲུང་ལྟེ་གནས་ (Centre for the Treatment and Prevention of Suicide) ནང་ཐུགས་འགན་བཞེས་ཡོད་པ་མ་ཟད། ཁོང་གི་བུ་མོ་ཇུ་ཌི་ཐི་ལགས་དང་མཉམ་འབྲེལ་གྱིས་བྷིག་སྤྱོད་ལམ་དཔྱད་བཅོས་ཀྱི་ལྟེ་གནས་ (Beck Institute for Cognitive Behavior Therapy) ཞེས་པ་ཞིག་ཆེད་འཛུགས་ཀྱིས་སྤྱི་ཚོགས་ཞབས་ཕྱི་ཞུས་མུས་ཡིན་འདུག
ཕྱི་ལོ་ ༢༠༠༤ ལོར་སྐུ་ཞབས་ཨཱ་རོན་བྷེག་ལགས་ལ་ (University of Louisville Grawemeyer Award for Psychology) སེམས་ཁམས་རིག་པའི་གཟེངས་རྟགས་དང་ (Hienz Award)། ཕྱི་ལོ་ ༢༠༠༦ ལོར་ (Lasker-DeBakey Clinical Medical Research Award) གཟེངས་རྟགས་བཅས་ཐོབ། དེ་བཞིན་ཕྱི་ལོ་ ༢༠༡༠ ལོར་ (Bell of Hope) དང་ (Sigmund Freud)། (Scholarship and Research)གཟེངས་རྟགས་སོགས་ཐོབ་མྱོང་ཡོད་འདུག
གསར་འགོད་པ། བསྟན་འཛིན་ཕུར་བུ།
མཇུག་གི་དུམ་མཚམས་གཉིས་པ་དེར་དེ་ཙམ་བསྐྱར་བཀོད་བྱས་འདུག