འཛམ་གླིང་ཡུལ་ལུང་གཞན་དུ་ཏོག་དབྱིབས་ནད་མནར་རིམ་གྱིས་ཡལ་བཞིན་པའི་སྐབས་འདིར་རྒྱ་ནག་ནང་ཏོག་དབྱིབས་ནད་པ་ཇེ་མང་དུ་འགྲོ་ཡི་ཡོད་པ་མ་ཟད་ཕྱི་ནས་བོད་ཀྱི་རྒྱལ་ས་ལྷ་སར་ཡོང་མཁན་ཁག་ཅིག་གིས་གཡོལ་ཐབས་བྱས་ཏེ་བརྟག་དཔྱད་བྱེད་ཀྱི་མེད་སྐོར་ལ་ཡོངས་ཁྱབ་བཀའ་རྒྱ་ཞིག་བཏང་འདུག
རྒྱ་ནག་ནང་ལོགས་ནས་བོད་ཀྱི་རྒྱལ་ས་ལྷ་སར་ཡོང་མཁན་ཧ་ཅང་མང་པོ་ཡིན་པ་དང་། རྒྱ་རིགས་ཡུལ་སྐོར་བ་ཚོས་སྔོན་འགོག་ཁ་རས་མ་གྱོན་པར་འཚང་ཁ་ཤིག་ཤིག་གིས་པོ་ཏ་ལ་དང་གཙུག་ལག་ཁང་སོགས་སུ་འགྲོ་བཞིན་པའི་བརྙན་ཐུང་དང་པར་རིས་མང་པོ་མཐོང་རྒྱུ་ཡོད་ལ། ཕྱི་ནས་ཡོང་བའི་ཡུལ་སྐོར་བའི་ནང་ནད་ཡམས་བརྟག་དཔྱད་ལ་གཡོལ་ཐབས་བྱེད་མཁན་ཡོང་གི་ཡོད་པར་བརྟེན། ཟླ་འདིའི་ཕྱི་ཚེས་ ༨ ཉིན། ལྷ་ས་གྲོང་ཁྱེར་རིམས་ནད་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོགས་ཆུང་ཞེས་པ་དེས་(ལྷ་ས་གྲོང་ཁྱེར་ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་འགོ་ཁྲིད་ཚོགས་ཆུང་གཞུང་ལས་ཁང་གི་སྤྱི་བསྒྲགས)ཟེར་བ་ཞིག་སྤེལ་བའི་ནང་དུ། ཉེ་དུས་རིམས་འགོག་གི་ཞིབ་བཤེར་བྱེད་སྐབས། རྒྱ་ནག་ནང་ལོག་གི་ཞིང་ཆེན་དང་གྲོང་ཁྱེར་ཁག་ནས་ལྷ་སར་ཡོང་མཁན་ཁག་ཅིག་གིས་ཞིབ་བཤེར་ལས་གཡོལ་ཐབས་བྱས་ཏེ། སྔོན་ལ་ས་ཁུལ་དང་གྲོང་ཁྱེར་གཞན་དག་ལ་བསྐྱོད་ནས་དེ་རྗེས་ལྷ་ས་གྲོང་ཁྱེར་དུ་ཡོང་བའི་གནད་དོན་ཡོང་གི་ཡོད་པ་ཤེས་རྟོགས་བྱུང་ཡོད་སྐོར་དང་། གནས་ཚུལ་འདིར་དམིགས་ནས་སྔོན་འགོག་དང་ཚོད་འཛིན་གྱི་ཞན་ཆ་སེལ་ཏེ་རིམས་ནད་ནང་དུ་མཆེད་རྒྱུ་མཐའ་གཅིག་ཏུ་གཏན་འགོག་དང་། ལྷ་ས་གྲོང་ཁྱེར་ཡོངས་ཀྱི་མི་མང་གི་ཚེ་སྲོག་བདེ་འཇགས་དང་གཟུགས་པོའི་བདེ་ཐང་ཡག་པོ་སྲུང་ཆེད། ཟླ་འདིའི་ཕྱི་ཚེས་ ༧ ཉིན་གྲོང་ཁྱེར་ཡོངས་ཀྱི་རིམས་ནད་སྔོན་འགོག་ཚོད་འཛིན་གྱི་ཆེད་དོན་ཚོགས་འདུ་བསྡུས་པའི་ལམ་སྟོན་གཞིར་བཟུང་ཞིབ་འཇུག་བྱས་པ་བརྒྱུད། བོད་རང་སྐྱོང་ལྗོངས་ནང་ཁུལ་གྱི་ས་ཁུལ་དང་གྲོང་ཁྱེར་གཞན་དག་ནས་ལྷ་སར་ཡོང་མཁན་ལ་རིམས་འགོག་བྱ་ཐབས་ལེགས་སྒྲིག་བྱ་རྒྱུ་ཡིན་སྐོར་བསྒྲགས་འདུག
དེ་ཡང་ཡོངས་ཁྱབ་བཀའ་རྒྱ་དེའི་ནང་ས་ཁུལ་དང་གྲོང་ཁྱེར་གཞན་ནས་ལྷ་སར་ཡོང་མཁན་ཚང་མས་ངེས་པར་དུ་ནད་རྟགས་མེད་པའི་དཔང་ཡིག་དང་། འགྲོ་སྐྱོད་ཆོག་པའི་དཔང་ཡིག་སྟོན་དགོས་པ་དང་། དཔང་ཡིག་སྟོན་རྒྱུ་མེད་ན་མར་ཡར་འགྲུལ་བཞུད་བྱེད་མི་ཆོག་པ་དང་། གལ་ཏེ་དཔང་ཡིག་མེད་པར་རྐང་བཙུགས་ནས་འགྲུལ་བཞུད་ལམ་ཐིག་གམ་ཡང་ན་ཆ་འཕྲིན་གལ་ཆེན་གཞན་དག་སྦ་གསང་བྱས་ན་མཇུག་འབྲས་མཐའ་དག་སོ་སོས་འགན་འཁུར་དགོས་སྐོར་དང་། དུས་དང་རྣམ་པ་ཀུན་ཏུ་མི་སྒེར་གྱི་འཕྲོད་བསྟེན་ལ་དོ་སྣང་བྱས་ཏེ་མི་གཞན་དང་བར་ཐག་འཇོག་དགོས་པ་དང་། ཁ་རས་གྱོན་པ་སོགས་སྔོན་འགོག་གི་ཐབས་ལམ་ལག་བསྟར་དགོས་སྐོར་བསྒྲགས་འདུག
དེ་བཞིན། དེ་རིང་རྒྱ་ནག་གཞུང་ཕྱོགས་ཀྱི་གསར་ལམ་དུ་ཟི་ལིང་གྲོང་ཁྱེར་གྱི་ཏོག་དབྱིབས་གཉན་རིམས་ཀྱི་ལས་དོན་ཚོགས་པས་ཛ་དྲག་བརྡ་ཐོ་བཏང་བའི་ནང་། ཟི་ལིང་གྲོང་ཁྱེར་ནང་ཁྱོན་ཏོག་དབྱིབས་ནད་པ་ ༤༠ ཙམ་ལས་མེད་ཀྱང་། ཁ་སང་ཟི་ལིང་གྲོང་ཁྱེར་དུ་ཏོག་དབྱིབས་ནད་པ་གསར་པ་ ༡༣ མང་དུ་ཕྱིན་ཡོད་པ་དང་། ད་ལྟའི་ཆར་ནད་པ་དེ་དག་གི་འབྲེལ་འདྲིས་ཀྱི་བརྒྱུད་རིམ་སོགས་ལ་རྩད་གཅོད་བྱེད་བཞིན་པའི་སྒང་ཡིན་སྐོར་བསྒྲགས་འདུག
རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་བ་ལྟར་ན། རྒྱ་ནག་གི་གྲོང་ཁྱེར་ཧྲང་ཧེ་ (Shanghai) ནང་ཏོག་དབྱིབས་ནད་ཡམས་ཁྱབ་གདལ་ཤུགས་ཆེར་འགྲོ་བཞིན་ཡོད་པར་བརྟེན། ཟླ་འདིའི་ཕྱི་ཚེས་ ༣ ནས་མུ་མཐུད་ཧྲང་ཧེ་གྲོང་ཁྱེར་ཡོངས་སུ་ཁྱིམ་སྡོད་སྒོ་རྒྱ་བསྡམས་ཡོད་པར་བརྟེན། དཔལ་འབྱོར་ཐད་གྱོང་གུད་ཆེན་པོ་ཡོང་གི་ཡོད་འདུག་ལ། ད་ལྟའི་ཆར་རྒྱ་ནག་རྒྱལ་ཡོངས་ནང་ཏོག་དབྱིབས་ནད་པ་ ༢༣༡༦༤ ཡས་མས་ཡོད་འདུག གནད་དོན་དབྱེ་ཞིབ་པས་བརྗོད་ཚུལ་ལྟར་ན། ད་བར་རྒྱ་ནག་ནང་ཏོག་དབྱིབས་འགོག་ཁབ་ཐེར་འབུམ་ ༡༡ ལྷག་བརྒྱབ་ཟིན་ནའང་། ཁྱིམ་སྡོད་སྒོ་རྒྱ་བསྡམས་ནས་ཏོག་དབྱིབས་གཉན་རིམས་ལ་ཛ་དྲག་གིས་འཐབ་རྒོལ་བྱེད་དགོས་པའི་གནས་སྟངས་ཤིག་ཆགས་ཡོད་པ་དང་། འགོག་ཁབ་ཏག་ཏག་མ་བརྒྱབ་པའི་རྒན་གྲས་སོགས་ལ་ངེས་པར་དུ་བརྒྱག་དགོས་པའི་སྐུལ་འདེད་གཏོང་དགོས་སྐོར་བརྗོད་འདུག ཁ་སང་ཕྱི་ཚེས་ ༡༢ ཉིན་རྒྱ་ནག་རྒྱལ་ཡོངས་འཕྲོད་བསྟེན་ལྷན་ཚོགས་ཀྱིས། དམིགས་བསལ་གྱིས་ལོ་ན་རྒན་པ་ནང་ནས་འགོག་ཁབ་བརྒྱབ་ཟིན་པའི་བརྒྱ་ཆ་ཉུང་ཉུང་ཡིན་པས། རྒན་པ་རྣམས་གཙོ་བོར་བཟུང་སྟེ་འགོག་ཁབ་བརྒྱག་རྒྱུ་གལ་ཆེན་པོ་ཡིན་སྐོར་བརྗོད་འདུག
ད་ལྟའི་ཆར་འཛམ་གླིང་རྒྱལ་ཁབ་མང་པོའི་ནང་ཏོག་དབྱིབས་གཉན་སྲིན་ཨོ་མི་
གསར་འགོད་པ། བསྟན་འཛིན་ཕུར་བུ།
