ཨ་རིའི་སྲིད་འཛིན་རྗོ་བྷའེ་ཌིན་མཆོག་ལ་ཏོག་དབྱིབས་རིམས་ནད་འགོས་ཏེ་ཕོ་བྲང་དཀར་པོའི་ནང་ཟུར་བཀག་ཏུ་བཞུགས་ཡོད་ཀྱང་ཁོང་གིས་བརྙན་ལམ་བརྒྱུད་གཞུང་དོན་མུ་མཐུད་ནས་སྒྲུབ་མུས་ཡིན་ལ་ནད་རྟགས་ཐོན་པ་ཙམ་ལས་སྐྱོན་མེད་སྐོར་གསུངས་འདུག
ཁ་སང་ཕྱི་ཚེས་ ༢༡ ཉིན་ཨ་རིའི་སྲིད་འཛིན་རྗོ་བྷའེ་ཌིན་ (Joe Biden) མཆོག་ལ་ཏོག་དབྱིབས་རིམས་ནད་འགོས་ཡོད་སྐོར་བརྒྱུད་ལམ་ཁག་ཏུ་ཁྱབ་ཡོད་པ་དང་། དེའི་ཐད་སྲིད་འཛིན་རྗོ་བྷའེ་ཌན་མཆོག་ནས་སྐུ་སྒེར་གྱི་ཊི་ཝེ་ཊར་དུ་སྐར་ཆ་ཉི་ཤུ་ཅན་གྱི་བརྙན་ཐུང་ཞིག་འགྲེམས་སྤེལ་གནང་བའི་ནང་། དེ་རིང་ཞོགས་པར་ང་ལ་ཏོག་དབྱིབས་རིམས་ནད་འགོས་ཡོད་པ་ཤེས་རྟོགས་བྱུང་ཡང་། ང་ལ་འགོག་ཁབ་ཐེངས་གཉིས་དང་ནུས་སྤར་སྨན་ཁབ་ (Booster vaccine) ཐེངས་གཉིས་ཐོབ་ཡོད། ནད་རྟགས་དེ་དག་ཛ་དྲག་མི་འདུག་ལ། ཁྱེད་རྣམས་ཀྱིས་ང་ལ་སེམས་ཁུར་དང་སྐད་ཆ་དྲིས་པར་ཐུགས་རྗེ་ཆེ་ཞུ་ཡི་ཡོད། ང་རང་བདེ་ཐང་ངང་གནས་ཡོད། ངས་ལས་ཀ་མང་པོ་ཞིག་བྱས་ཡོད་ལ། མུ་མཐུད་ནས་ལས་དོན་རྣམས་ཚར་བ་བྱེད་ཀྱི་ཡིན། ཞེས་གསུངས་འདུག ཡིན་ནའང་། སྲིད་འཛིན་མཆོག་དགུང་ལོ་མཐོ་རྐྱེན་ནད་ཡམས་འགོས་པའི་སྐབས་སུ་སྐུ་ངལ་ཡག་པོ་གསོ་དགོས་པའི་དགོངས་ཚུལ་ཡོང་གི་ཡོད་འདུག
སྲིད་འཛིན་མཆོག་ལ་ཏོག་དབྱིབས་རིམས་ནད་འགོས་པ་ཐེངས་དང་པོ་ཆགས་ཡོད་འདུག་ལ། ནད་ཡམས་ཀྱིས་སྣ་ཆུ་མང་པོ་བཞུར་བ་དང་། སྐུ་གཟུགས་ཐང་ཆད་པ་སོགས་ཡོང་གི་ཡོད་ཀྱང་། ད་བར་དུ་དབུགས་གཏོང་ལེན་གྱི་དཀའ་ངལ་སོགས་གང་ཡང་མེད་པའི་ཁར། ཚ་བ་ཡང་རྒྱས་མེད་ཀྱང། དགུང་ལོའི་དབང་གིས་དཀའ་ངལ་འཕྲད་སྲིད་པར་བརྟེན། ཨ་རིའི་གཞུང་ནས་སྲིད་འཛིན་མཆོག་གི་སྐུ་གཟུགས་གནས་སྟངས་ཐད་གཟབ་ནན་གནང་གི་ཡོད་འདུག
ཟླ་འདིའི་ཕྱི་ཚེས ༢༠ ཉིན་སྲིད་འཛིན་བྷའེ་ཌིན་མཆོག་གིས་མེ་སི་ཆུ་སི་ཊི་(massachusetts) མངའ་སྡེ་རུ་གཞུང་འབྲེལ་ཕྱོགས་ཕེབས་གནང་སྟེ། མི་མང་ལ་གནམ་གཤིས་འགྱུར་ལྡོག་སོགས་ཀྱི་སྐོར་ལ་གསུང་བཤད་གནང་བ་དང་སྦྲགས། མི་མང་ལ་ལག་འཇུ་དང་འཐམ་འཁྱུད་སོགས་གནང་ཡོད་པ་དང་། དེ་བཞིན་ཁ་སང་སྲིད་འཛིན་མཆོག་ཝེལ་ཀའེ་སི་(Wilkes-Barre ) གྲོང་ཁྱེར་དང་། ཟླ་འདིའི་ཕྱི་ཚེས ༢༥ ནས་ཨ་རིའི་ཨོར་ལན་ཌོ( Orlando) ཊེམ་པ་ (Tampa) སོགས་སུ་ཕེབས་འཆར་ཡོད་ཀྱང་གནས་སྐབས་ཕྱིར་འཐེན་གནང་ཡོད་འདུག
ཟླ་འདིའི་ཕྱི་ཚེས ༢༠ ཉིན་སྲིད་འཛིན་བྷའེ་ཌིན་མཆོག་གིས་ཨ་རིའི་མེ་སི་ཆུ་སི་ཊི་ (massachusetts) མངའ་སྡེ་རུ་གསུང་བཤད་གནང་སྐབས། ཁོང་ལ་འབྲས་སྐྲན་(
གསར་འགོད་པ། དཔལ་ལྡན།
