རྒྱལ་སྤྱིའི་གསང་སྔགས་རྡོ་རྗེ་ཐེག་པའི་ཚོགས་ཆེན་ཐེངས་ ༤ པའི་ཐོག་རྒྱལ་ཁབ་ ༤༠ ལྷག་གི་སྐུ་ཚབ་མཉམ་ཞུགས་བྱས་ཏེ་རྡོ་རྗེ་ཐེག་པའི་ལུས་སེམས་ཀྱི་ཉམས་ལེན་དང་། ནུབ་ཕྱོགས་སུ་དར་བའི་ནང་པའི་རྡོ་རྗེ་ཐེག་པ། གསང་སྔགས་རྡོ་རྗེ་ཐེག་པ་དང་དེང་རབས་ཅན། གསང་སྔགས་རྡོ་རྗེ་ཐེག་པ་དང་གཞི་གྲངས་ཀྱི་དུས་རབས་སོགས་བརྗོད་གཞི་མི་འདྲ་བ་ ༢༠ ལྷག་གི་ཐོག་ཏུ་བགྲོ་གླེང་གནང་ཡོད་འདུག
ཟླ་འདིའི་ཕྱི་ཚེས་ ༡ ནས་ ༤ བར་ཉིན་བཞིའི་རིང་འབྲུག་རྒྱལ་ཡོངས་དགོན་སྡེའི་ལྷན་ཚོགས་དང་འབྲུག་དགའ་སྐྱིད་དཔལ་འཛོམས་ཞིབ་འཇུག་ལྟེ་གནས་ཁང་། རྒྱལ་སྤྱིའི་ནང་པའི་ལྷན་ཚོགས་བཅས་ཀྱི་གོ་སྒྲིག་འོག འབྲུག་གི་རྒྱལ་ས་ཐིམ་ཕུག་ཏུ་ཡོད་པའི་ཞི་ཆེན་མཁར་ཞིབ་འཇུག་ལྟེ་གནས་ཁང་དུ་རྒྱལ་སྤྱིའི་གསང་སྔགས་རྡོ་རྗེ་ཐེག་པའི་ཚོགས་ཆེན་ཐེངས་ ༤ པ་འཚོག་བཞིན་ཡོད་འདུག་ལ། ཐེངས་འདིའི་ཚོགས་ཐོག་ཏུ་འབྲུག་གི་རྒྱལ་པོ་འཇིགས་མེད་རྣམ་རྒྱལ་དབང་ཕྱུག་མཆོག་དང་། སྲིད་བློན་བློ་གྲོས་ཚེ་རིང་(Dr Lotay Tshering) མཆོག རྒྱལ་སྤྱིའི་ནང་ཆོས་ལྷན་ཚོགས་ཀྱི་སྤྱི་ཁྱབ་དྲུང་ཆེ་དྷ་མཱ་ཕི་ཡ་(Dr Dhammapiya) ལགས་སོགས་དང་། དེ་བཞིན་འཛམ་གླིང་རྒྱལ་ཁབ་མི་འདྲ་བ་ ༤༠ ཙམ་ནས་ཡོང་བའི་ཚོགས་བཅར་བ་ ༢༥༠ ལྷག་མཉམ་ཞུགས་བྱས་ཡོད་པ་དང་། དེའི་ཁྲོད་བོད་མིའི་སྒྲིག་འཛུགས་ཀྱི་སྲིད་བྱུས་ཉམས་ཞིབ་ཁང་སོགས་ནས་བོད་པའི་ཉམས་ཞིབ་པ་ ༡༠ ལྷག་ཡོད་འདུག
ཚོགས་ཆེན་དེའི་སྐོར་ལ་འབྲུག་རྒྱལ་ཡོངས་དགོན་སྡེའི་ལྷན་ཚོགས་ཀྱི་ཚོགས་གཙོ་ཀརྨ་དབུ་ར་(Dasho karma Ura) ལགས་ཀྱིས། རྒྱལ་ཁབ་ཀྱི་ལས་དོན་བྱེད་ཕྱོགས་ལ་གལ་ཆེན་མང་པོ་ཡོད་པའི་ཁྲོད་ནས་ཆོས་ལུགས་ཀྱིས་མ་འོངས་པའི་ཁ་ཕྱོགས་སྲ་བརྟན་གཏོང་བར་ཕན་ཐོགས་ཡོད་པར་ངོས་འཛིན་བྱེད་ཀྱི་ཡོད། ཏོག་དབྱིབས་རིམས་ནད་ཀྱིས་བཀག་སྡོམ་བྱས་པའི་ལོ་གཉིས་ཀྱི་རྗེས། རྒྱལ་མཚམས་ཀྱི་སྒོ་འབྱེད་མགོ་བཙུགས་ཏེ་འབྲུག་རྒྱལ་གཞུང་དང་རྒྱལ་སྤྱིའི་ནང་པའི་ལྷན་ཚོགས་བཅས་ཀྱི་རོགས་རམ་ལ་བརྟེན་ནས་ཐེངས་འདིའི་ཚོགས་ཆེན་དུ་རྒྱལ་ཁབ་ ༤༠ ལྷག་གི་རྒྱལ་སྤྱིའི་ཚོགས་བཅར་བ་ ༢༥༠ དང་། འབྲུག་པ་ ༤༠༠ ཙམ་མཉམ་ཞུགས་བྱས་པར་དགའ་སྤྲོ་སྐྱེས་འོས་པ་ཞིག་རེད། ཚོགས་ཆེན་འདིའི་དམིགས་ཡུལ་གཙོ་བོ་ནི་དེང་སྐབས་ཀྱི་སྤྱི་ཚོགས་སུ་འཚོ་གནས་དང་དཔལ་འབྱོར། ཚོགས་སྡེ་སོགས་ཀྱི་དཀའ་ངལ་འཕྲད་བཞིན་ཡོད་པ་དེ་དག་ནང་པའི་ལྟ་གྲུབ་ཀྱི་དེང་རབས་ཀྱི་བསམ་བློའི་ཁ་ཕྱོགས་ལྡན་པའི་ཐོག་ཇི་ལྟར་གསེད་གྲོལ་བྱེད་པར་གསང་སྔགས་རྡོ་རྗེ་ཐེག་པའི་ཁུངས་སྐྱེལ་གསལ་སྟོན་བྱེད་ཀྱི་ཡོད་མེད་དང་། གསང་སྔགས་རྡོ་རྗེ་ཐེག་པའི་ཚོགས་ཆེན་ཚོགས་དགོས་དོན་ཡང་གསང་སྔགས་ཀྱི་ཉམས་ལེན་པའི་རིག་གཞུང་རྒྱུད་འཛིན་བྱེད་མཁན་གྱི་ཁོར་ཡུག་ཁྱབ་ཁོངས་ཕུན་སུམ་ཚོགས་པ་ཡོད་པའི་འབྲུག་རྒྱལ་ཁབ་དང་། ཧི་མ་ལ་ཡའི་རིག་གཞུང་རྒྱུད་འཛིན་བྱེད་པར་ཤུགས་རྐྱེན་ཆེན་པོ་ཐེབས་ཡོད་སྐོར་འགྲེལ་བརྗོད་གནང་འདུག
ཚོགས་ཆེན་ཐོག་མཉམ་ཞུགས་གནང་པའི་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་གཉན་ཐར་ལགས་ཀྱིས་འདི་གའི་གསར་འགོད་པར། ཐེངས་འདིའི་ཚོགས་ཆེན་བཀོད་
ཐེངས་འདིའི་ཚོགས་བཅར་བ་ནི་འཛམ་གླིང་གི་གསང་སྔགས་ཉམས་ལེན་པ་དང་། མཁས་དབང་། ཉམས་ཞིབ་པ་སོགས་ཡིན་འདུག་ཅིང་། ཚོགས་ཆེན་ཐོག་རྡོ་རྗེ་ཐེག་པའི་ལུས་སེམས་ཀྱི་ཉམས་ལེན་དང་། ནུབ་ཕྱོགས་སུ་དར་བའི་ནང་པའི་རྡོ་རྗེ་ཐེག་པ། རྡོ་རྗེ་ཐེག་པའི་རིན་ཐང་དང་ཀུན་སྤྱོད་རྣམ་བཞག ཉིན་རེའི་འཚོ་བའི་ཁྲོད་ཀྱི་གསང་སྔགས་རྡོ་རྗེ་ཐེག་པའི་ཉམས་ལེན། གསང་སྔགས་དང་སྨན། གསང་སྔགས་རྡོ་རྗེ་ཐེག་པ་དང་དེང་རབས་ཅན། གསང་སྔགས་རྡོ་རྗེ་ཐེག་པ་དང་གཞི་གྲངས་ཀྱི་དུས་རབས་སོགས་བརྗོད་གཞི་མི་འདྲ་བ་ ༢༠ ལྷག་གི་ཐོག་ཏུ་བགྲོ་གླེང་གནང་ཡོད་འདུག
བྱམས་པ་ཚེ་རིང་།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
བོད་ཀྱི་དུས་བབ་རྩོམ་སྒྲིག་མཆོག་ལ། དེང་སྐབས་དུས་བབ་སྟེང་ཚིག་ནོར་དང་དག་ནོར་སོགས་མང་དག་ཅིག་བཀོད་ཡོང་གི་འདུག ཐུགས་སྣང་དགོས་གལ་ཆེ།
འབྲུག་གི་རྒྱལ་ས་ཐིམ་ཕུར་དུ་ཡིག་ནོར་ཡིན། འབྲུག་རྒྱལ་ས་ཐིག་ཕུག་ཏུ་ཞེས་བཀོད་ན་དག་པ་ཡིན། ས་ལྗོངས་ལ་གཞིགས་ནས་མིང་ཐོག་པ་རེད།
ཚོགས་གཙོ་ཏཱ་ཤོ་ཀརྨ་དབུ་ར། ཡིག་ནོར་ཡིན། ཏཱ་ཤོ་ལ་གོ་དོན་མེད། དྲག་ཤོས་ཀརྨ་དབུ་ར་ཞེས་འབྲི་ན་ཡིག་དག་རེད། དྲག་ཤོས་ནི་འབྲུག་ནང་གི་གོ་གནས་དང་གནས་རིམ་ཞིག་ཡིན།
དག་ནོར་དེ་གཉིས་བཅོས་ན་ལེགས་པའི་བསམ་ཚུལ་དུ་ཕུལ།
དག་ནོར་དེ་གཉིས་གཞུང་གི་དྲ་རྒྱའི་ནང་དག་པ་འདུག
ལྡུམ་ར་ཆོས་རྒྱལ་བསྟན་འཛིན་ལགས་ནས་ཐུགས་སྣང་ཆེན་པོས་དག་བཅོས་གནང་བར་བཀའ་དྲིན་ཆེ་ཞུ།