རྒྱལ་སྤྱིའི་དགེ་ལྡན་ལྷན་ཚོགས་ཀྱི་བསྟན་བདག་བླ་ཆེན་རྣམ་པས་ཇི་ལྟར་གསོལ་འདེབས་ཞུས་དོན་བཞིན་ལོ་གསར་ཚེས་ཀྱི་ཉིན་དང་པོར་༧གོང་ས་མཆོག་ལ་བརྟན་བཞུགས་བསྟར་འབུལ་ཞུ་གཏན་ཁེལ་ཡོད་པ་རེད།
དེ་རིང་ཕྱི་ཚེས་ ༢༩ ཉིན་རྒྱབ་ཆུ་ཚོད་ ༡ སྟེང་དྷ་སའི་ནོར་བུ་གསོལ་མགྲོན་ཁང་དུ་༧སྐྱབས་རྗེ་བྱང་རྩེ་ཆོས་རྗེ་རིན་པོ་ཆེ་མཆོག་གིས། ཕྱི་ལོ་ ༢༠༢༣ ལོའི་ཟླ་ ༡ ཚེས་ ༡ ཉིན་ཏེ། ལོ་གསར་པ་ཞིག་གི་ཚེས་མགོ་དང་བསྟུན་རྒྱལ་སྤྱིའི་དགེ་ལྡན་ལྷན་ཚོགས་ནས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུ་གཏན་ཁེལ་ཡོད་པའི་གསལ་བསྒྲགས་བསྐྱངས་སོང་བ་དང་སྐབས་དེར་༧སྐྱབས་རྗེ་བྱང་རྩེ་ཆོས་རྗེ་རིན་པོ་ཆེ་མཆོག་གིས་༧སྐྱབས་རྗེ་ཁྲི་རིན་པོ་ཆེ་མཆོག་དབུས་པའི་བསྟན་བདག་བླ་ཆེན་རྣམ་པ་དང་མཁན་པོ་རྣམས་ནས་༧གོང་ས་མཆོག་ལ་ཇི་ལྟར་གསོལ་འདེབས་ཞུས་དོན་ལྟར། གནས་མཆོག་རྡོ་རྗེ་གདན་དུ་གསུང་ཆོས་དང་སྨོན་ལམ་གྱི་སྐབས་དང་བསྟུན་ནས། དགེ་ལུགས་པ་སྤྱི་ཡོངས་ནས་གོང་ས་མཆོག་ལ་བརྟན་བཞུགས་བསྟར་འབུལ་ཞུ་གཏན་ཁེལ་བ་རེད། ཅེས་གསུངས་སོང་བ་དང་། དེ་རིང་༧རྒྱལ་བ་རིན་པོ་ཆེའི་དྲ་རྒྱར། ཕྱི་ལོ་ ༢༠༢༣ ཟླ་ ༡ ཚེས་ ༡ ཉིན་གྱི་སྔ་དྲོ་དགེ་ལུགས་ཆོས་བརྒྱུད་འཛིན་པ་ཡོངས་ནས་ཇི་ལྟར་གསོལ་བ་བཏབ་པ་ལྟར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུ། ཞེས་བཀོད་འདུག
ཡང་རིན་པོ་ཆེ་ཁོང་གིས། བརྟན་བཞུགས་དང་སྨོན་ལམ་ཆེན་མོའི་སྐབས་དད་ལྡན་སེར་སྐྱ་མང་ཚོགས་ཡོངས་ནས་སྙིང་ཁོངས་རུས་པའི་གཏིང་ནས་༧གོང་ས་མཆོག་༧སྐུ་ཚེ་ཞབས་པད་བརྟན་པར་གསོལ་བ་འདེབས་རྒྱུ་གལ་ཆེན་ཡིན་པ་དང་། གནས་ཀྱི་ཆ་ནས་ནང་པའི་གནས་ཆེན་ཀུན་གྱི་མཆོག་སྟེ་གནས་མཆོག་རྡོ་རྗེ་གདན་ཡིན་པ་དང་། སྟོན་པའི་ནང་ནས་སྟོན་པ་ཕུན་སུམ་ཚོགས་པ་འཕགས་མཆོག་ཕྱག་ན་པདྨོ་༧གོང་ས་སྐྱབས་མགོན་རྒྱལ་བའི་དབང་པོ་མཆོག་སྐུ་ཚེ་ཞབས་པད་བརྟན་པར་ང་ཚོས་དད་པ་དམ་ཚིག་གཡོ་བ་མེད་པར་གསོལ་བ་ཕུན་སུམ་ཚོགས་པ་འདེབས་རྒྱུ་དེ་གལ་ཆེ་ཤོས་རེད།
ལོ་གསར་ཚེས་ཀྱི་ཉིན་དང་པོར་བརྟན་བཞུགས་ཕུལ་གྱི་ཡོད་པ་དང་ཉིན་དེ་ནས་ལོ་གསར་པ་ཧྲིལ་པོའི་རིང་སྤྱན་རས་གཟིགས་ཀྱི་གཟུང་སྔགས་མ་ཎི་གང་མང་བགྲང་བའི་རེ་སྐུལ་དང་། དེང་སྐབས་མང་ཚོགས་ནང་ཉལ་ཐ་དང་ཆང་རག་ཚོད་མེད་འཐུང་མཁན། དྲ་ལམ་ཁག་ཏུ་ཚུལ་མིན་གྱི་རོལ་རྩེད་མང་པོ་རྩེ་བཞིན་པ་སོགས་ནི་རང་གཞན་གཉིས་ཕོངས་པའི་རྒྱུ་ཡིན་སྟབས། རང་གཞན་གཉིས་ཕོངས་པའི་ཚུལ་མིན་གྱི་ལས་དེ་དག་ལ་མི་འཇུག་རྒྱུ་གལ་ཆེན་དང་མི་འཇུག་པའི་ཁས་ལེན་དམ་བཅའ་བཞག་པ་ཡིན་ན། ༧གོང་ས་མཆོག་ཐུགས་རྒྱས་ཏེ་སྐུ་ཚེ་ཡུན་རིང་བརྟན་པའི་རྒྱུ་རུ་འགྱུར་གྱི་ཡོད་པ་དང་བསོད་ནམས་ཀྱི་ཚོགས་རླབས་པོ་ཆེ་གསོག་གི་ཡོད་སྟབས། དེ་དོན་དད་ལྡན་མང་ཚོགས་ཀྱིས་ཐུགས་ལ་འཇོག་པའི་འབོད་སྐུལ་སོགས་ཞུས་གནང་སོང་།
ཡང་༧སྐྱབས་རྗེ་བྱང་རྩེ་ཆོས་རྗེ་རིན་པོ་ཆེ་མཆོག་གིས། རྒྱལ་སྤྱིའི་དགེ་ལྡན་ལྷན་ཚོགས་ཀྱི་སྨོན་ལམ་གོ་སྒྲིག་ཚོགས་ཆུང་གིས་༧གོང་ས་མཆོག་ལ་ཇི་ལྟར་གསོལ་བ་བཏབ་པ་བཞིན། ད་ལོ་རྡོ་རྗེ་གདན་དུ་དམིགས་བསལ་སྨོན་ལམ་ཆེན་མོ་ཞིག་འཚོག་ན་འགྲིག་གི་ཡོད་པའི་བཀའ་བཞེས་ཟབ་མོ་ཐོབ་པ་རེད། དེ་དང་འབྲེལ་ནས་༧གོང་ས་མཆོག་རྡོ་རྗེ་གདན་དུ་ཕེབས་ནས་གསུང་ཆོས་གནང་རྒྱུའི་ཞལ་བཞེས་སྩལ་ཡོད། འདི་ལོའི་ཕྱི་ཟླ་ ༡༢ ཚེས་ ༢༩ ནས་ཕྱི་ལོ་ ༢༠༢༣ ལོའི་ཟླ་དང་པོའི་ཚེས་ ༣ བར་གསུང་ཆོས་དང་སྟབས་བསྟུན་ནས་སྨོན་ལམ་འཕར་མ་དེ་འཚོག་ན་འགྲིག་པ་བྱས་ཡོད། སྨོན་ལམ་ཆེན་མོ་དེ་ཚོགས་དགོས་དོན་ནི་འཛམ་གླིང་འདིའི་ནང་འབྱུང་བཞིའི་གནོད་པ་དང་དམག་འཁྲུག མི་དགེ་བ་ལ་སོགས་པས་འཇིག་པ་བྱེད་པ་དང་མདོར་ན་འཇིག་རྟེན་གྱི་ཁམས་འདིར་ནད་ཡམས་དང་འཁྲུག་རྩོད་སོགས་མི་མཐུན་པའི་དགེ་བའི་གཉེན་རྩ་མཐའ་དག་ལྷད་མེད་དུ་བཞེས་བའི་སླད་དུ། གནས་མཆོག་རྡོ་རྗེ་གདན་དུ་སྨོན་ལམ་ཆེན་མོ་འཕར་མ་འཚོག་གཏན་ཁེལ་བ་རེད། ཅེས་གསུངས་སོང་།
བརྟན་བཞུགས་བསྟར་འབུལ་བ་ལས་ གསུང་ཡག་པོ་རྩིས་ན་ལེགས་སོ།
བཞུགས་བསྟར་འབུལ་ལས་ ཁ་མ་བཏང་བར་གསུང་རྩིས་ན་ལེགས་སོ།
མཛེས་ཆོས་ཀྱི་བརྟན་ཞུགས་འབུལ་བ་ལས། ལག་ལེན་གྱིས་དགོངས་པ་མ་དཀྲུག་ན་བཟང་། མཚན་གནས་ཡོད་པ་བཞིན་ཕྱག་ལས་གནང་ཐུབ་ན་བསྟན་དོན་ལ་ཕན། ནམ་ཡང་ངོ་མདོང་སྲུང་ནས་ཞུགས་ན། མི་ཕལ་པ་ཞིག་དང་ཁྱད་འབྱེད་དཀའ། ཐུགས་རྗེ་གཟིགས། སྤྱིར་སངས་རྒྱས་བསྟན་པ། སྒོས་དགེ་ལུགས་པའི་བསྟན་པ་མི་ཉམས་རྒྱུན་འཛིན་གནང་བ་ལས་འགན་ལྕི། ཤིན་ཏུ་ལྕི།
དགེ་ལུགས་ཡིན་དང་སྡིག་ལུགས་ཡིན་མི་ཤེས་་་གང་ལྟར་གོང་མཆོག་ལ་ཚེ་འདིའི་བཀའ་དྲིན་བསམ་མཁན་གྱི་མི་ཞིག་ཡོད་ན་མཆོག དགེ་ལུགས་སྤྱི་འཐུས་གཙོས་ཆོས་ལུགས་ཁག་གི་སྤྱི་འཐུས་རྣམ་ཚེ་ཕྱི་མ་ནི་མཁས་མི་ལེན་མཁན་དག་མ་རེད་འདུག བརྟན་བཞུགས་མ་བྱུང་ན་ཡང་བསྟན་པ་མ་ཤིག་ན་མཆོག
ག་རེ་དགེ་ལུགས་པའི་བསྟན་བདག་????
དགེ་ལུགས་སྤྱི་འཐུས་གཉིས་ཀྱིས་་་དབུ་ལམ་ཁས་མི་ལེན་པ་དང་་་ལི་ཐང་དཔུང་སྒྲིག་གི་ཚོགས་སུ་ཞུགད་ནས་་སྤྱི་ཚོགས་ཁྲག་ལྟར་དཀྲིགས། ་བྷིར་་་ཨོ་རྒྣ་སྟོབས་རྒྱལ་ལ་གྲོགས་བསྒྲིགས་ནས་་་་༧ གོང་ས་མཆོག་གི་དབུ་འོག་ཏུ་ར་མགོ་ཕྱིར་འཐེན་བྱས་ནས་་་་དཀའ་ངལ་་ད་མེད་ཅིག་བྱུང་དང་འབྱུང་བཞིན་པར། ཁྱེད་ཚོ་བསྟན་བདག་བླ་ཆེན་ཟེར་པ་ཚོས་་་ཁ་ཅིག་གྲག་མྱོང་ངམ????
༧ གོང་ས་མཆོག་ལ་དད་པ་མེད་ཀྱང་བེད་སྤྱོད་་་གཏོང་དགོས་མཁན་་་ཁྱེད་ཚོའི་རིགས་ལ་་ཡིད་ཆེས་མེད་ལ་་་་དགའ་བ་དེའང་ཡུན་རིང་ནས་བརླགས་སོང་། ང་ཚོ་ལ་འདི་འདྲའི་ཁཞེ་མི་མཚུངས་པའི་བསྟན་བདག་བླ་ཆེན་་་ཟེར་པ་ཞིག་་་་་དགོས་དོན་མེད། ནམ་ཡང་ཡིད་ཆེས་མེད།