བོད་དཀར་མཛེས་ཁུལ་གྱི་གསང་སྲུང་ལས་ཁུངས་ཟེར་བའི་མགོ་ཁྲིད་ཟུར་པ་ལན་ཀྲི་(兰芝)ཞེས་པ་ཞིག་སྒྲིག་ཁྲིམས་ལ་ཚབས་ཆེན་འགལ་ཡོད་པའི་ཉེས་མིང་འོག་ཞིབ་བཤེར་བྱེད་བཞིན་ཡོད་འདུག
ལན་ཀྲི་ཞེས་པའི་བོད་རིགས་བུད་མེད་དེ་ནི། དཀར་མཛེས་ཁུལ་བརྒྱད་ཟིལ་རྫོང་ནས་ཡིན་ཞིང་། ཕྱི་ལོ་ ༡༩༨༣ ཟླ་ ༨ པའི་ནང་ལས་ཀར་ཞུགས་ཏེ། ཕྱི་ལོ་ ༡༩༩༣ ཟླ་ ༦ བར་བརྒྱད་ཟིལ་རྫོང་ཞིང་འབྲོག་དབུས་དང་རྫོང་མི་དོན་ལས་ཁུངས་སུ་ལས་ཀ་བྱས། ཕྱི་ལོ་ ༡༩༩༣ ནས་ ༡༩༩༧ བར་བརྒྱད་ཟིལ་རྫོང་གི་བཟོ་ཚོང་སྲིད་འཛིན་དོ་དམ་ཁང་གི་མགོ་འཁྲིད་གཞོན་པའི་འགན་འཁུར། ཕྱི་ལོ་ ༡༩༩༧ ནས་ ༢༠༠༢ བར་དཀར་མཛེས་ཁུལ་སྲིད་གཞུང་གི་རྒྱུན་ལས་ལྷན་ཁང་གི་རྩ་འཛུགས་སྡེ་ཁག་ནང་ལས་ཀ་བྱས་ཏེ་སྡེ་ཁག་དེའི་འགན་འཛིན་གྱི་ལས་འགན་ཡང་འཁུར་ཡོད་འདུག
ཕྱི་ལོ་ ༢༠༠༢ ནས་ ༢༠༡༡ བར་དར་མདོ་རྫོང་སྲིད་གཞུང་གི་རྒྱུན་ལས་དང་རྫོང་རྩ་འཛུགས་ཀྱི་འགན་འཛིན། རྫོང་སྲིད་གཞུང་གི་རྒྱུན་ལས་རྫོང་གཞོན་པ། རྫོང་དམར་ཤོག་གཞོན་པ་བཅས་ཀྱི་འགན་འཁུར། ཕྱི་ལོ་ ༢༠༡༡ ཟླ་ ༡༡ ནས་ ༢༠༢༢ ཟླ་ ༡༠ བར་དཀར་མཛེས་ཁུལ་སྲིད་གཞུང་གི་རྒྱུན་ལས་དང་ཁུལ་སྲིད་གཞུང་གི་དམིགས་ཚད་ལྟ་ཞིབ་གཞུང་དོན་ཁང་གི་འགན་འཛིན། ཁུལ་གསང་སྲུང་ལས་ཁུངས་ཀྱི་འགན་འཛིན། ཁུལ་རྒྱལ་ཁབ་གསང་སྲུང་ལས་ཁུངས་ཀྱི་འགན་འཛིན། ཁུལ་གསང་སྲུང་དོ་དམ་ཁང་གི་འགན་འཛིན། དེ་བཞིན་རིམ་པ་དང་པོའི་བརྟག་ཞིབ་པ་སོགས་ཀྱི་འགན་འཁུར་ཏེ་ལོ་དེའི་ཕྱི་ཟླ་ ༡༠ པའི་ནང་ལས་འཁྱུར་ངལ་གསོ་བྱས་ཡོད་འདུག
