ཟླ་འདིའི་ཕྱི་ཚེས་ ༢༤ ཉིན་ཡུ་རོབ་ནང་པའི་མཐུན་ཚོགས་ (European Buddhist Union) ཀྱི་ལོ་འཁོར་ཚོགས་ཆེན་སྟེང་རྒྱ་ནག་གཞུང་ནས་༧གོང་ས་རྒྱལ་བ་རིན་པོ་ཆེ་མཆོག་གི་དབུས་བོད་ཀྱི་བླ་སྤྲུལ་རྣམས་ཀྱི་ཡང་སྲིད་ངོས་འཛིན་ཞུ་ཕྱོགས་ལ་ཐེ་གཏོགས་བྱེད་མི་ཆོག་པ་སོགས་ཀྱི་དོན་ཚན་ལྔ་ཅན་གྱི་བསྒྲགས་གཏམ་ཞིག་སྤེལ་འདུག
དེ་ཡང་བསྒྲགས་གཏམ་ནང་དུ། ང་ཚོས་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་མི་རིགས་རང་སྐྱོང་ས་ཁུལ་གྱི་རྩ་ཁྲིམས་ཀྱི་དོན་ཚན་ ༡༠ པ་དང་ ༡༡ པ་ལག་བསྟར་བྱས་པའི་ཐོག་ནས་གྲངས་ཉུང་མི་རིགས་ཀྱི་ཆོས་ལུགས་དང་རིག་གཞུང་སྲུང་སྐྱོབ་བྱེད་པར་ནན་སྐུལ་བྱེད་ཀྱི་ཡོད་ཅིང་། རྒྱ་ནག་གཞུང་ནས་བོད་ཀྱི་དགོན་སྡེ་ཁག་གི་ལས་དོན་བྱེད་ཕྱོགས་དང་། དགོན་པའི་སྐུ་བརྙན་བཞེངས་སྟངས། བླ་སྤྲུལ་མཐོ་གྲས་ཀྱི་ཡང་སྲིད་ངོས་འཛིན་ཞུ་ཕྱོགས་ཐད་ཐེ་གཏོགས་བྱ་མི་ཆོག་པའི་འབོད་སྐུལ་བྱེད་ཀྱི་ཡོད་ལ། དེ་བཞིན་ང་ཚོས་མ་འོངས་པའི་༧གོང་ས་རྒྱལ་བ་རིན་པོ་ཆེ་མཆོག་གི་དབུས་བོད་ཀྱི་བླ་སྤྲུལ་རྣམས་ཀྱི་ཡང་སྲིད་ངོས་འཛིན་ཞུ་བའི་དབང་ཚད་ཡོད་ཚད་བོད་མི་མང་དང་དགའ་ལྡན་ཕོ་བྲང་གི་ཡིག་ཚང་གཉིས་ལ་ཡོད་པ་གཏན་འབེབ་བྱས་ཡོད། བོད་ཀྱི་བླ་སྤྲུལ་རྣམས་ཀྱི་མ་འོངས་ཡང་སྲིད་ངོས་འཛིན་ཞུ་ཕྱོགས་ལ་བོད་མི་རང་ཉིད་ཀྱི་ཐུན་མོང་མ་ཡིན་པའི་རིག་གཞུང་ལྟར་ཞུ་དགོས་ལ། རྒྱལ་སྤྱིའི་ཚོགས་སྡེ་ཁག་གིས་རྒྱ་ནག་གཞུང་ནས་འདེམས་བསྐོ་བྱས་ཡོད་པའི་བླ་སྤྲུལ་སུ་གང་ངོས་ལེན་མི་གནང་རྒྱུར་ནན་སྐུལ་ཞུ་བཞིན་ཡོད། ང་ཚོའི་མཐུན་ཚོགས་ཀྱི་ངོས་ནས་རྒྱ་ནག་གཞུང་གིས་༧གོང་ས་རྒྱལ་བ་རིན་པོ་ཆེ་མཆོག་གི་དགོངས་པ་བཞིན་རྒྱ་བོད་གཉིས་སྨན་གྱི་ཁེ་ཕན་ལྟར་ཞི་མོལ་བསྐྱར་གསོ་ཡོང་བའི་འབོད་སྐུལ་ཞུ་བཞིན་ཡོད་ཅེས་བཀོད་འདུག
ཡུ་རོབ་ནང་པའི་མཐུན་ཚོགས་ནི་ཕྱི
གསར་འགོད་པ། བྱམས་པ་ཚེ་རིང་།
རྩོམ་སྒྲིག་པ། པདྨ་མཚོ།
