ཨ་རྒྱའི་མགོ་ཁྲིད་ཐུག་འཕྲད་སྐབས་བོད་དོན་གླེང་སློང་དང་བོད་རྒྱའི་དཀའ་རྙོག་སེལ་ཐབས་བྱ་དགོས་པའི་འབོད་སྐུལ་ཞུས་འདུག
རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་པ་ལྟར་ན། ཟླ་འདིའི་ཕྱི་ཚེས་ ༡༡ ནས་ ༡༧ བར་ཉིན་གྲངས་བདུན་རིང་ཨ་རིའི་གྲོང་ཁྱེར་སན་ཧྥ་རན་སི་སི་ཀོ་ (San Francisco) རུ་འཚོག་འཆར་ཡོད་པའི་ཨེ་ཤ་ཡ་དང་ཞི་བདེ་རྒྱ་མཚོའི་ཁུལ་གྱི་དཔལ་འབྱོར་མཉམ་འབྲེལ་གླེང་སྟེགས་ཀྱི་ཚོགས་འདུའི་ (Asia Pacific Economic Cooperation Forum) ཟུར་དུ། ཨ་རིའི་སྲིད་འཛིན་རྗོ་བྷའེ་ཌན་མཆོག་དང་རྒྱ་ནག་གི་མགོ་ཁྲིད་ཞི་ཅིན་ཕིན་གཉིས་ཐུག་འཕྲད་བྱ་འཆར་ཡོད་པ་དང་། ད་ལྟ་ཨ་རིའི་ངོས་ནས་མགོ་ཁྲིད་གཉིས་ཀྱི་ཐུག་འཕྲད་ལ་གྲ་སྒྲིག་བྱེད་བཞིན་ཡོད་འདུག
ཨ་རྒྱའི་མགོ་ཁྲིད་གཉིས་ཐུག་འཕྲད་བྱ་འཆར་ཡོད་པ་དང་འབྲེལ། ཕྱི་ཟླ་ ༡༠ ཚེས་ ༣༡ ཉིན་རྒྱལ་སྤྱིའི་བོད་དོན་ལས་འགུལ་ཁང་གིས། ཕྱི་ཟླ་ ༡༡ ནང་ཨ་རྒྱའི་མགོ་ཁྲིད་གཉིས་ཐུག་འཕྲད་བྱས་ཚེ། ཨ་རིའི་སྲིད་འཛིན་བྷའེ་ཌན་མཆོག་གིས་བོད་རྒྱའི་དཀའ་རྙོག་སེལ་ཐབས་དང་བོད་ཀྱི་གནད་དོན་ཡོངས་གྲགས་ཐོག་ནས་གླེང་སློང་བྱ་དགོས་པའི་འབོད་སྐུལ་ཞུས་འདུག
དེ་འབྲེལ་ཁ་སང་ཕྱི་ཚེས་ ༡ ཉིན་ཨ་རིའི་ཕོ་བྲང་དཀར་པོའི་གསར་འགོད་འབྲེལ་མཐུད་པའི་དྲུང་ཆེ་ཀེ་རིན་ (Karine Jean-Peirre) ལགས་ཀྱིས། ཨ་རྒྱའི་མགོ་ཁྲིད་གཉིས་ཐུག་འཕྲད་བྱས་ཏེ། ཕྱོགས་གཉིས་བར་བཟང་ཕྱོགས་ཀྱི་འགྱུར་བ་ཡོང་རྒྱུ་ཡིན་སྐོར་སོགས་བརྗོད་འདུག་པ་དང་། ཐེངས་འདིར་རྒྱལ་ཁབ་གཉིས་ཀྱི་སྲིད་འཛིན་གྱི་ཐུག་འཕྲད་དེ་ནི། ཉེ་ཆར་ཨ་རིའི་རྒྱལ་ས་ཝ་ཤིང་ཊོན་དུ་ཨ་རིའི་ཕྱི་སྲིད་དྲུང་ཆེ་ཨེན་ཊོ་ནི་བྷི་ལིན་ཀེན་མཆོག་དང་། རྒྱ་ནག་གི་ཕྱི་སྲིད་བློན་ཆེན་ཝང་ཡི་གཉིས་ཐུག་འཕྲད་སྐབས། གྲོས་མོལ་བྱས་པར་བརྟེན་ནས་བྱུང་བ་ཞིག་ཡིན་པ་དང་། ད་ལྟ་རྒྱ་ནག་ཕྱོགས་ནས་ཞི་ཅིན་ཕིན་ཨ་རིར་འགྲོ་རྒྱུ་ཡིན་མིན་སོགས་ཀྱི་ལན་འདེབས་ཁ་གསལ་གང་ཡང་བྱས་མེད་པ་རེད།
ཉེ་ལམ་ཨ་རིའི་ཕོ་བྲང་དཀར་པོ་རུ་སྲིད་འཛིན་བྷའེ་ཌིན་མཆོག་དང་རྒྱ་ནག་གི་ཕྱི་སྲིད་བློན་ཆེན་ཝང་ཡི་གཉིས་ཐུག་འཕྲད་ཀྱིས་ཆུ་ཚོད་ ༡ རིང་། ཡུ་ཁུ་རེན་དང་ཨི་ཛི་རེལ་ནང་འབྱུང་བཞིན་པའི་ཛ་དྲག་གི་གནས་སྟངས་སོགས་ཀྱི་ཐོག་ལ་གླེང་མོལ་བྱས་ཡོད་ཅིང་། སྐབས་དེར་ཨ་རིའི་སྲིད་འཛིན་བྷའེ་ཌན་གྱིས། ཨ་རྒྱ་གཉིས་ཀྱི་བར་བྱུང་དང་འབྱུང་བཞིན་པའི་དཀའ་རྙོག་གླེང་སློང་བྱས་ཏེ་སེལ་ཐབས་བྱེད་དགོས་པ་དང་། རྒྱལ་ཁབ་གཉིས་ཀྱི་འབྲེལ་ལམ་མུ་མཐུད་རྒྱུན་གནས་དགོས་པ་མ་ཟད། གོ་ལ་ཡོངས་ཀྱི་དཀའ་རྙོག་སེལ་ཐབས་སུ་ཨ་རྒྱ་གཉིས་མཉམ་རུབ་ཀྱིས་ལས་ཀ་ངེས་པར་དུ་བྱེད་དགོས་ཀྱི་ཡོད་པ་སོགས་ནན་བརྗོད་གནང་འདུག
འདས་ལོའི་ཕྱི་ཟླ་ ༡༡ ནང་ཨིན་ཌོ་ནེ་ཤི་ཡཱ་ (Indonesia) ཡི་ཞིང་ཆེན་བྷ་ལི་ (Bali) རུ་ཨ་རི་དང་རྒྱ་ནག་ཚུད་པའི་སྟོབས་ཆེན་རྒྱལ་ཁབ་ ༢༠ ཡི་ལྷན་ཚོགས་ཐེངས་ ༡༧ པའི་ཐོག་ཨ་རྒྱའི་སྲིད་འཛིན་གཉིས་དངོས་སུ་ཐུག་འཕྲད་བྱས་ཏེ་ཆུ་ཚོད་གསུམ་རིང་རྒྱལ་ཁབ་གཉིས་ཀྱི་འབྲེལ་ལམ་ཡར་རྒྱས་གཏོང་ཐབས་སྐོར་ལ་གླེང་སློང་བྱས་ཡོད་ཀྱང་། ད་ལྟའི་ཆར་ཨ་རྒྱ་གཉིས་ཀྱི་འབྲེལ་ལམ་ཡར་རྒྱས་ཕྱིན་མེད་པ་མ་ཟད། མུ་མཐུད་ཚོང་འབྲེལ་དང་འཕྲུལ་རིག་རྐུ་འཁྱེར། དྲ་ལམ་འཇབ་རྒོལ། ལྷོ་རྒྱ་ནག་རྒྱ་མཚོ་དང་རྒྱ་གར་ཞི་བདེ་རྒྱ་མཚོའི་ཁུལ་གྱི་བདེ་འཇགས་སོགས་ཀྱི་གནད་དོན་ཐད་ལ་འགལ་ཟླ་དང་གདོང་ཐུག་འབྱུང་མུས་ཡིན་ཞིང་། འདི་ལོའི་ཕྱི་ཟླ་ ༢ ཚེས་ ༥ ནས་ ༦ བར་ཉིན་གྲངས་གཉིས་རིང་ཨ་རིའི་རྒྱལ་སྲིད་བློན་ཆེན་རྒྱ་ནག་གི་རྒྱལ་ས་པེ་ཅིན་དུ་ཕྱིན་ནས་རྒྱ་ནག་གི་མགོ་ཁྲིད་ཞི་ཅིན་ཕིན་དང་ཕྱི་འབྲེལ་མི་སྣ་སོགས་སུ་ཐུག་འཕྲད་གནང་འཆར་བྱས་ཡོད་ཀྱང་། ཟླ་དེའི་ཕྱི་ཚེས་ ༢ ཉིན་ཨ་རིའི་རྒྱལ་སྲུང་ལྷན་ཁང་གིས་རྒྱ་ནག་གཞུང་གི་མྱུལ་ཞིབ་ལྒང་ཕུག་ (surveillance balloon) ཅིག་ཨ་རིའི་མཁའ་ཁུལ་དུ་ཆེད་གཏོང་གིས་གསང་བའི་ལྟ་ཞིབ་བྱེད་ཀྱི་ཡོད་པའི་གནས་ཚུལ་བསྒྲགས་རྗེས། གཞུང་འབྲེལ་ཕྱོགས་སྐྱོ
གསར་འགོད་པ། བསྟན་འཛིན་ཕུར་བུ།
རྩོམ་སྒྲིག་པ། སྐལ་བཟང་སྦྱིན་པ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
