ཉིན་གྲངས་གཉིས་རིང་༧གོང་ས་རྒྱལ་བ་རིན་པོ་ཆེ་མཆོག་ནས་ཐུན་མོང་གི་སྤྱོད་ཡུལ་ལས་འདས་པའི་རང་བཞིན་སྐོར་ལ་ཧར་ཝར་ཌི་ཀེ་ནི་ཌི་གཙུག་ལག་སློབ་ཆེན་གྱི་མཁས་དབང་ཁག་ཅིག་དང་ལྷན་དུ་བགྲོ་གླེང་མཛད་བཞིན་འདུག
དེ་རིང་དང་སང་ཉིན་གཉིས་ལ་བཞུགས་སྒར་རྒྱལ་བའི་ཕོ་བྲང་དུ། ༧གོང་ས་རྒྱལ་བ་རིན་པོ་ཆེ་མཆོག་ནས་ཨ་རིའི་ཧར་ཝར་ཌི་ཀེ་ནི་ཌི་གཙུག་ལག་སློབ་ཆེན་ (Harvard Kennedy School) གྱི་མགོ་ཁྲིད་དང་བདེ་སྐྱིད་སྦྱོང་བརྡར་ཁང་གི་སློབ་དཔོན་དང་མཁས་དབང་ཁག་ཅིག་དང་ལྷན་དུ་ཐུན་མོང་གི་སྤྱོད་ཡུལ་ལས་འདས་པའི་རང་བཞིན་སྐོར་གྱི་བགྲོ་གླེང་མཛད་ཀྱི་འདུག
དེ་རིང་བགྲོ་གླེང་ཉིན་དང་པོའི་ཐོག་མར་ཧར་ཝར་ཌི་ཀེ་ནི་ཌི་གཙུག་ལག་སློབ་ཆེན་གྱི་མགོ་ཁྲིད་དང་བདེ་སྐྱིད་སྦྱོང་བརྡར་ཁང་གི་སློབ་དཔོན་ཨར་ཐར་ (Professor Arthur Brooks) ལགས་ཀྱིས། ང་ཚོའི་དམིགས་ཡུལ་གཙོ་བོ་ནི་མི་མང་དཀྱུས་མའི་ཁྲོད་དུ་ཚན་རིག་དང་བསམ་བློ། ཆོས་ཕྱོགས་ཀྱི་ཐོག་ནས་བརྩེ་བ་དང་བདེ་སྐྱིད་གོང་མཐོར་གཏོང་ཐབས་བྱེད་ཀྱི་ཡོད་ལ། ང་ཚོས་༧གོང་ས་རྒྱལ་བ་རིན་པོ་ཆེ་མཆོག་གི་དགོངས་བཞེད་ལྟར་བརྩེ་བ་དང་བདེ་སྐྱིད་འཛམ་གླིང་ཡོངས་ལ་ཁྱབ་སྤེལ་བྱེད་ཐབས་བྱེད་ཀྱི་ཡོད། ཅེས་གསུངས་སོང་།
སྐབས་དེར་༧གོང་ས་རྒྱལ་བ་རིན་པོ་ཆེ་མཆོག་ནས། ངོས་རང་གིས་འབད་བརྩོན་བྱེད་པ་གཙོ་བོ་དེ་ང་ཚོ་ཚང་མ་སྐྱེས་བ་དང་ཨ་མའི་ནུ་ཞོ་བཏུང་བ་དང་། མའི་བརྩེ་བས་བསྐྱངས་བའི་ཉམས་མྱོང་ཞིག་ཡོད་པ་རེད། རིག་པས་ (intelligence) བསམ་བློ་གཏོང་རྒྱུ་དེ་དག་ཡར་རྒྱས་ (develop) མ་འགྲོ་བའི་གོང་ནས་མའི་བརྩེ་བས་སྐྱོང་བའི་ཉམས་མྱོང་དེ་ཉམས་མྱོང་ཟབ་ཤོས་ཤིག་རེད་འདུག དེ་མི་གཅིག་པུ་མ་རེད། དུད་འགྲོ་ཚོ་ཡིན་ནའང་མའི་བརྩེ་བ་ཟེར་བ་དེ་རྩ་ཆེན་པོ་ཞེ་དྲགས་རེད་འདུག ཅེས་གསུངས་སོང་།
དེ་ནས་སློབ་དཔོན་ཨར་ཐར་ལགས་ཀྱིས་ངའི་ཨ་མའི་བརྩེ་བས་ང་རང་ལ་བདེ་སྐྱིད་ཡོང་གི་འདུག འོན་ཀྱང་། མི་གཞན་ལ་བརྩེ་བ་མང་བ་སྤྲོད་པ་དེས་ང་ལ་བདེ་སྐྱིད་ཆེ་བ་ཡོང་གི་འདུག མི་ཚོས་མི་གཞན་ལ་བརྩེ་བ་མང་བ་ག་རེ་བྱས་ནས་སྤྲོད་ཀྱི་མེད་པ་དང་། ང་ཚོས་མི་གཞན་ལ་བརྩེ་བ་མི་སྤྲོད་པའི་ནོར་འཁྲུལ་ག་རེ་བྱས་ནས་བཟོ་ཡི་ཡོད་སྐོར་དྲིས་པར། ༧མགོན་པོ་གང་ཉིད་ཀྱིས། ང་ཚོའི་བརྩེ་བས་སོ་སོ་ལ་སེམས་ཀྱི
གསར་འགོད་པ། བསྟན་འཛིན་ཕུར་བུ།
རྩོམ་སྒྲིག་པ། པདྨ་མཚོ།
