བཅར་འདྲི་བ། གྷོ་ཁུལ་ཁེ་སི(Gokul KS) བོད་སྒྱུར་བ། འབུམ་རམས་པ་ལྷ་མོ་མཚོ།
ངས་བོད་ནང་གི་གློག་བརྙན་བཟོ་བསྐྲུན་གྱི་བརྒྱུད་རིམ་སྐོར་ལ་ཤེས་འདོད་ཆེན་པོ་འདུག སྐུ་ཉིད་པདྨ་ཚེ་བརྟན་གྱི་གློག་བརྙན་དབུགས་ལྒང་ནང་མཉམ་ཞུགས་བྱེད་པར་གོ་སྐབས་བྱུང་བ་དང་དེ་བཞིན་ལྷ་བྱམས་རྒྱལ་གྱི་དབང་གྲགས་ཀྱི་ཆུ་ལྷམ་ལ་ཡང་ཞུགས་གནང་འདུག མ་ཟད་སྐུ་ཉིད་ཀྱིས་ལྷ་བྱམས་རྒྱལ་གྱི་ཡོང་འགྱུར་གྱི་གློག་བརྙན་(མེལ་ལེ་སྟོང་ཕྲག་བརྒལ་བའི་ཁྲུང་ཁྲུང་) གི་འཁྲབ་སྟོན་ཆུང་ངུ་གནང་འདུག། ཁྱེད་ཀྱིས་གློག་བརྙན་དེའི་འཁྲབ་སྟོན་ཡུལ་དངོས་ཀྱི་མྱོང་ཚོར་ཟུར་གཅིག་ངོ་སྤྲོད་གནང་རོགས་ཞུ།
པདྨ་ཚེ་བརྟན་གྱིས་གློག་བརྙན་བཟོ་བསྐྲུན་འགོ་བཙུགས་ནས་ལོ་གྲངས་ཉི་ཤུ་ཕྱིན་པ་རེད། ཁོང་གིས་འཇོན་ཐང་ལྡན་ཞིང་སྒྱུ་རྩལ་ལ་བློས་གཏོང་མཁན་གྱི་བཟོ་རྩལ་པ་སྐོར་ཞིག་བོད་ཀྱི་གློག་བརྙན་བཟོ་བསྐྲུན་ལས་གཞིའི་ཆེད་དུ་བསྡུ་རུབ་གནང་འདུག། ངས་ཞུས་པ་བཞིན། གློག་བརྙན་བཟོ་སྐྲུན་གྱི་དཔུང་སྡེ་དེ་ནི་ཁྱིམ་ཚང་ཞིག་ལས་ལྷག་པ་དང་། ཁྱེད་ཀྱིས་མི་སྐོར་ཅིག་གིས་གློག་བརྙན་གཅིག་ནས་གཅིག་མུ་མཐུད་ནས་མཉམ་རུབ་ཀྱིས་བཟོ་བཞིན་པ་རྟག་པར་མཐོང་ཐུབ།
ཁྱེད་ལ་དེའི་སྐོར་གྱི་འཆར་སྒོ་ཅིག་བཤད་ན། འདིའི་ཁོངས་སུ་རང་ཉིད་བློས་གཏོང་གིས་གང་ཟག་སུ་གཏོགས་ཡོད་པ་དེ་བསྟན་འཛིན་ནས་གླེང་ན། ཁོ་རང་ལོ་ཉི་ཤུར་སླེབས་དུས་ཁོའི་ཕ་མས་ཁོ་རྒྱལ་ཁབ་ཀྱི་ལས་བྱེད་པ་ཞིག་བྱེད་འདོད་རུང་ཁོས་ཕ་མ་ལ་ངོ་རྒོལ་གྱིས་ཁོང་གི་སྐྱེས་ཡུལ་ནས་འཚིག་ཇ་ཁང་ཞིག་གི་སྒོ་ཕྱེས་པ་རེད། ཕྱི་ལོ་༢༠༡༧ ལོར་ལས་ཀ་དེ་གནས་སྐབས་རིང་གཡུག་སྟེ་ལྷ་བྱམས་རྒྱལ་གྱི་གློག་བརྙན་”དབང་གྲགས་ཀྱི་ཆུ་ལྷམ” ལ་ལས་རོགས་བྱས་པ་རེད་ལ་དེ་དུས་ང་ཁོ་ལ་ཐུག་བྱུང་།
ཁོས་ཁོ་ལ་ལས་ཀ་དེར་གླ་ག་ཚོད་ཅིག་རེག་གི་ཡོད་མེད་ཤེས་ཀྱིན་མི་འདུག་ལ་རེ་བ་ཡང་དེ་འདྲ་རྒྱབ་མེད་པ་འདྲ་བོ་འདུག ཁོས་རང་ཉིད་གློག་བརྙན་བཟོ་བསྐྲུན་གྱི་ལས་གཞི་ནང་དུ་གཏོགས་པའི་གོ་སྐབས་རེག་པ་དེ་བརྩི་འཇོག་དང་ཡག་པོ་ཡིན་པར་བསམ་འདུག ལོ་གཉིས་ཀྱི་རྗེས་སུ་ང་ལྷ་བྱམས་རྒྱལ་གྱི་གློག་བརྙན་གཉིས་པ་འཁྲབ་ས་ནས་ཁོ་༼བསྟན་འཛིན༽ལ་ཐུག་བྱུང་ལ་ཁོ་ཡང་གློག་བརྙན་བཟོ་ཁག་གི་ལས་མི་ཞིག་ཆགས་འདུག་སྙམ།
འདི་དང་མཚུངས་པར་བོད་ཀྱི་གཞོན་སྐྱེས་ཕལ་མོ་ཆེ་གློག་བརྙན་ལ་སེམས་ཕྱོགས་བཞིན་འདུག ཕལ་ཆེ་བས་ཁོ་ཚོ་རང་གི་ཆེད་ལས་ཡར་རྒྱས་སུ་གཏོང་བར་འདུན་པ་ལྡན་ལ་དེ་ཡང་ཁེ་ལས་ཐོན་སྐྱེད་དང་རིག་གཞུང་དང་( རོལ་མོ། གློག་བརྙན། རི་མོ། རྩོམ་རིག་དང་བརྙན་རིས་ལ་སོགས) འབྲེལ་འདུག ཁོ་ཚོས་རང་གི་ཆེད་ལས་དེ་དོན་དང་ལྡན་པའི་སྒོ་ནས་འཚོ་ཕྱིར་སྲིད་གཞུང་གི་ཆེད་ལས་ཀྱི་གནས་བབས་དང་ལས་ཁུངས་ཀྱི་བཙན་གནོན་འོག་མེད་པར་བདེ་ལེགས་ངང་སྒྲུབ་ཀྱིན་འདུག
ཕྱི་ལོ་༢༠༡༨ ལོའི་དབྱར་ཁར། ང་གྲོང་གསེབ་ན་ཡོད་པའི་པདྨ་ཚེ་བརྟན་གྱི་སྤྱི་ཁྱབ་ལས་ཁུངས་སུ་ཉིན་འགའི་རིང་ལ་བསྡད་པ་ཡིན། དེ་རུ་ངས་”གར་སྟེགས་ཀྱི་རྒྱབ་ལྗོངས”དང་ཚོགས་པ་དེའི་སེམས་ཤུགས་ངོ་མ་དེ་གསར་རྟོགས་བྱུང་སོང་། པདྨ་ཚེ་བརྟན་གྱིས་ཧ་ཅང་བཟོད་སྲན་ཆེན་པོའི་ངང་ཁང་པ་ཐོག་སོ་གཅིག་ཅན་ཞིག་ལ་ལས་ཁུངས་དང་ཉལ་ཁང་(ལས་ཁུངས་དང་ཉལ་ཁང་གཅིག་ལྕོག་) གློག་བརྙན་ལས་ཀ་བྱེད་ཀྱིན་འདུག ཁང་མིག་གཅིག་ལ་ཐར་ལོ་གློག་བརྙན་གྱི་པར་རུས་ཀྱིས་ཁེངས་འདུག་པ་མཐོང་བ་དེས་ང་ཧང་སངས་སུ་བཅུག་སོང་།
ཐར་ལོ་འཁྲབ་གཞུང་གི་ངོས་མང་པོ་ཞིག་དེ་ག་རང་ནས་འཁྲབ་སྟོན་བྱས་པ་དང་། འདྲ་རིས་པར་ཁང་། སྐྲ་བཞར་ཁང་དང་ཉེན་རྟོག་པའི་ས་ཚུགས་སོགས་པདྨ་ཚེ་བརྟན་གྱི་ལས་ཁུངས་ཀྱི་ཁང་མིག་རྗེས་མ་དེ་རེད་འདུག འཁྲབ་སྟོན་པ་གཙོ་བོ་(སྦྱིན་པ་དང་བསོད་ནམས་དབང་མོ་) གཉིས་ནི་སྔ་མོ་ནས་དེར་སླེབས་འདུག་ལ་ལྒང་བུ་ལ་གཅིག་ཕན་གཅིག་གྲོགས་ཀྱིས་སྔོན་འགྲོའི་ཚོད་ལྟ་བྱེད་ཀྱིན་འདུག སྦྱིན་པས་གླིང་བུ་འབུད་བཞིན་འདུག་ལ་བསོད་ནམས་དབང་མོ་ལྷ་ས་ནས་ཡིན་པས་ཨ་མདོའི་མི་ལ་ཆ་རྒྱུས་དེ་ཙམ་མེད་པ་རེད། ཁོ་མོའི་སྐད་གདངས་སྦྱོང་བཞིན་པ་དེ་འཁྲབ་གཞུང་ནང་གི་མི་སྣ་བྱེད་པར་འདང་ངེས་ཤིག་འདུག
སྦྱིན་པས་མོ་ལ་རོགས་རམ་བྱེད་ཀྱིན་འདུག འོན་ཏེ་མོའི་སྐད་ཡིག་སློབ་སྟོན་པ་བློ་བརྟན་ཟེར་བའི་ན་གཞོན་ཞིག་རེད། ཁོ་ནི་རང་ཉིད་གློག་བརྙན་བཟོ་བསྐྲུན་མཁན་ཞིག་ཆགས་པར་ཕུགས་བསམ་ཡོད་མཁན་ཞིག་དང་། མ་ཟད་ལས་མི་རྣམས་གཟའ་འཁོར་འགའ་ལ་སྡོད་སའི་མགྲོན་ཁང་གི་སྤྱིན་བདག་ཞིག་ཀྱང་རེད་འདུག
སྐུ་ཉིད་ཀྱི་ཕྱག་ལས་ཁྲོད་ཀྱི་ཆ་ཤས་ཤིག་ནི་ཡིག་སྒྱུར་རེད་འདུག སྐུ་ཉིད་ཀྱིས་ལོ་དུས་མའི་རིང་བོད་ཀྱི་སྒྲུང་ཐུང་དང་སྙན་ངག་འགའ་ཧྥ་ཡིག་དང་དབྱིན་ཡིག་ནང་དུ་སྒྱུར་འདུག སྐུ་ཉིད་ཀྱིས་ཡིག་སྒྱུར་བྱེད་ཡུན་རིང་གདོང་ལེན་བྱེད་དགོས་པའི་གལ་གནད་གང་དག་རེད་དགོངས་ཀྱི་ཡོད་དམ།
ང་ཡིག་སྒྱུར་བྱེད་རྒྱུར་དགའ་ལ་ངས་སེམས་པ་དང་མཉམ་དུ་ཡིག་སྒྱུར་བྱེད་ཀྱིན་ཡོད། ངས་སྙན་ངག་ཡང་ན་སྒྲུང་བྱེ་བྱག་པ་ཅིག་ཀློག་དུས་ཡིག་སྒྱུར་གྱི་སྤྲོ་སེམས་དང་ངར་ཤུགས་དེ་སླེབས་འོང་གིན་འདུག ཡིག་སྒྱུར་སྐབས་ཀྱི་གདོང་ལེན་དང་ཡང་ན་དགའ་སྣང་དེ་མ་ཡིག་གི་དེབ་དེའི་ཕྱོགས་མང་པོ་ཞིག་ལ་རྟེན་ཡོད་པ་རེད།
སྟབས་ལེགས་པ་ཞིག་ལ། ཧྥ་རན་སུའི་དཔར་བསྐྲུན་ཁང་གིས་ཀྱང་ཚུར་ཡོང་འབབ་ཇི་ཡོད་རྩིས་ཁྲ་ཀྱང་མི་གནང་བར་ཡིག་སྒྱུར་དེ་ཚོར་མཐུན་འགྱུར་གནང་གི་ཡོད། སྔོན་ནས་ད་བར། ངས་ཡིག་སྒྱུར་གྱི་ལས་ཀ་ཞིག་གི་འགོ་རྩོམ་དུས་དེབ་དེ་དཔར་བསྐྲུན་བྱེད་མིན་ལ་དྲི་པ་འཁོར་མ་མྱོང་། ངས་རང་ཉིད་ཀློག་པ་པོ་ཞིག་གི་ཚུལ་ཏུ་དེབ་དེ་ཡིག་སྒྱུར་བྱེད་པར་དགའ་བོ་བྱེད་ཀྱིན་ཡོད།
དེའི་སྟབས་ཀྱིས།་སྤྱི་བཏང་ནས་ཡིག་སྒྱུར་རིམ་པ་དང་པོ་ཚར་བ་དང་ངས་ལས་གྲོགས(Dr Camille Simon and Véronique Gossot,ལྟ་བུ་སོགས་ལ)ཞིབ་གཟིགས་གནང་བར་རེ་སྐུལ་ཞུ་བཞིན་ཡོད་ལ། ཐ་མའི་ཐག་ཆོད་བྱུང་ཚེ་ངས་གཞི་ནས་དཔར་བསྐྲུན་ཁང་ལ་སྐུར་བཞིན་ཡོད།
སློབ་དཔོན་ཆེན་མོ་ཆོས་ཉིད་དབང་མོ་(Francoise Robin) ལགས་སུ་བཅར་འདྲི། ཚན་པ་དང་པོ།
སློབ་དཔོན་ཆེན་མོ་ཆོས་ཉིད་དབང་མོ་(Francoise Robin) ལགས་སུ་བཅར་འདྲི། ཚན་པ་གཉིས་པ།
མ་རྩོམ་གྱི་འབྲེལ་ཐག https://tibetscapes.wordpress.com/2022/03/10/interview-with-prof-francoise-robin-gokul-k-s/
རྫོགས་སོ།།
