Sikyong Penpa Tsering spoke on Tibet’s environmental significance and its global implications at the College of Mexico (ColMex), and on Tibet’s enduring nonviolent struggle at ITESO University.
གཞན་ཡང་། སྲིད་སྐྱོང་མཆོག་གིས་ Casa Tibet Mexico དང་ Casa Tibet Guadalajara གཉིས་ཀྱི་མི་མང་ལ་བོད་དོན་གཏམ་བཤད་དང་། ས་གནས་ཀྱི་གདོད་མའི་ཝི་ཤ་རི་ཀ་(Wixarika) མི་རིགས་ཀྱི་སྐུ་ཚབ་དང་མཇལ་འཕྲད་གནང་ཡོད་པ་དང་། དེ་བཞིན་མེག་སི་ཁོའི་གསར་འགྱུར་བརྒྱུད་ལམ་གཙོ་གྲས་ཁག་ཅིག་གི་བོད་དོན་དང་འབྲེལ་བའི་བཅར་འདྲི་དང་ལེན་གནང་། རྒྱ་ནག་གཞུང་གིས་བོད་ནང་ཇི་ལྟར་དྲག་གནོན་བྱེད་མུས་ཡིན་པའི་སྐོར་སོགས་གླེང་སློང་གནང་འདུག
དེ་བཞིན་སྲིད་སྐྱོང་སྤེན་པ་ཚེ་རིང་མཆོག་གིས་ཁོ་ན་ས་ཁུལ་གྱི་འགན་འཛིན་གཞོན་པ་Guarneros ལགས་དང་། དཔྱད་ཞིབ་འགན་འཛིན་མོ་ནི་ཁ་ Mónica Herrera Villavicencio ལགས། ཡུལ་དེའི་ཚོགས་པ་ཁག་ཅིག་གི་ཚོགས་མི་དང་། བོད་དོན་རྒྱབ་སྐྱོར་ཚོགས་པ་མེག་སི་ཀོའི་(Tibet Support Group Mexico) ཚོགས་མི་བཅས་ལ་མཇལ་འཕྲད་གནང་སྟེ། སྲིད་སྐྱོང་མཆོག་གིས། རྒྱ་ནག་གཞུང་གིས་བོད་སར་བཙན་འཛུལ་བྱས་པའི་དམིགས་ཡུལ་དང་། བོད་མི་རྣམས་ཀྱིས་སེམས་ཤུགས་མ་ཉམས་པར་བོད་དོན་འཐབ་རྩོད་ཀྱི་ལས་ལ་གཞོལ་མུས་ཡིན་པའི་སྐོར་སོགས་ཀྱི་ཐད་གླེང་མོལ་གནང་ཡོད་པ་མ་ཟད། གནད་ཡོད་མི་སྣ་དེ་དག་གིས་ཀྱང་མ་འོངས་པར་བོད་དོན་ལ་རྒྱབ་སྐྱོར་གནང་རྒྱུའི་ཞལ་བཞེས་གནང་འདུག
