འདས་པའི་ལོ་ལྔ་བཅུའི་གྲུབ་འབྲས་གཞིར་བྱས་པའི་ཐོག་ད་དུང་ཡར་རྒྱས་གང་འདྲ་ཞིག་གཏོང་དགོས་པའི་ཐོག་གོ་བསྡུར་གནད་སྨིན་ཞིག་དང་ཞིབ་ཚགས་པོ་ཞིག་གནང་རོགས་གནང་།
ཕྱི་ཚེས་ ༢༧ ཉིན་གྱི་ཤེས་རིག་ཚོགས་ཆེན་ཐེངས་ལྔ་བའི་སྟེང་༧གོང་ས་མཆོག་གིས་བཙན་བྱོལ་གྱི་མི་ལོ་ ༥༠ རིང་ང་ཚོར་ཞན་ཆ་མང་པོ་ཞིག་ཡོད་ཀྱང་། སྤྱི་ཡོངས་ཀྱི་ཐོག་ནས་གྲུབ་འབྲས་ཡག་ཤོས་དེ་ཤེས་ཡོན་ཆགས་ཡོད་ལ། འདི་ནི་ང་ཚོའི་སྤོབས་པ་སྐྱེས་གཞི་ཞིག་ཆགས་ཡོད་ཅེས་གསུངས་ཤིང་། སྐྱོན་ཆ་གང་འདྲ་ཞིག་ལྷག་པ་དེར་འཛེམས་ཟོན་མེད་པར་གསལ་བོར་གོ་བསྡུར་ཞིབ་ཕྲ་བྱས་ཏེ། སྐྱོན་ཆ་སེལ་བར་ང་ཚོའི་རིག་པའི་དཔྱད་མི་ཐུབ་པ་ཞིག་ཡིན་ཚེ་གནས་ཚུལ་ཁ་ཁ་རེད་ལ། བཅོས་རྒྱུ་ཡོད་པ་མ་རེད། སྐྱོན་ཆ་དེ་སེལ་ཐུབ་པ་ཞིག་ཡིན་ན། དེར་རིག་པ་སྒྲིམ་ཏེ་གང་འདྲ་བྱུང་འདུག་པ་དེ་གོ་བསྡུར་བྱ་དགོས་པ་རེད། དེ་རིང་འདིར་ཕེབས་པ་ཁྱེད་རང་ཚོས་ལྷོད་ལྷོད་ངང་གོ་བསྡུར་བྱ་དགོས་པ་རེད། དེ་བཞིན་ཤེས་ཡོན་ཐོག་ལ་འབྲེལ་བ་ཡོད་བསྡད་པ་མང་པོ་ཞིག་ཡོད། ཁྱེད་ཚོ་ས་གནས་ས་ཐོག་ནས་ཤེས་ཡོན་ཐོག་ལག་ལེན་བསྟར་ནས་ཉམས་མྱོང་ཡོད་པའི་མི་ཆགས་ཡོད་སྟབས། བཀའ་ཤག་དང་ཤེས་རིག་ལས་ཁུངས་ཀྱིས་མགོ་ཁྲིད་དེ་གོ་བསྡུར་ཞིབ་ཕྲ་ཞིག་དང་སྤུས་དག་པོ་ཞིག་ཏན་ཏན་ཡོང་ཐུབ་ཀྱི་རེད་བསམ་ལ། འདས་པའི་ལོ་ལྔ་བཅུའི་གྲུབ་འབྲས་གཞིར་བྱས་པའི་ཐོག་ད་དུང་ཡར་རྒྱས་གང་འདྲ་ཞིག་གཏོང་དགོས་པའི་ཐོག་གོ་བསྡུར་གནད་སྨིན་ཞིག་དང་ཞིབ་ཚགས་པོ་ཞིག་གནང་རོགས་གནང་། ཅེས་དང་། ཡང་ཁོང་གིས་མུ་མཐུད་གསུངས་དོན། ཞིབ་ཚགས་པོའི་ཐོག་ནས་ངོས་རང་གིས་ཀྱང་ཤེས་ཀྱིན་མེད། ཡིན་ནའང་། ཕྱོགས་ཡོངས་ཀྱི་ཐོག་བསམ་བློ་བཏང་བ་ཡིན་ན། ང་ཚོ་བོད་གངས་ཅན་པ་ཟེར་བ་དེ་ལོ་སྟོང་ཕྲག་གི་སྔོན་ནས་ཡི་གེ་ཡོད་བསྡད་པ་ཞིག་ཆགས་བསྡད་ཡོད་པ་རེད། ངོས་རང་འཛམ་གླིང་ས་ཕྱོགས་གང་སར་ཕྱིན་ཏེ་ས་གནས་ཡུལ་མི་མང་པོར་ཁ་བརྡ་བྱས་པར་ཁོ་ཚོས་སོ་སོའི་རིག་གཞུང་དང་གོམས་གཤིས་སོགས་རྒྱུད་འཛིན་ཐད་སེམས་ཁུར་ཆེན་པོ་གནང་གི་ཡོད་ནའང་། ཁོང་ཚོའི་མང་ཆེ་བར་ཡི་གེ་མི་འདུག དེ་དག་ལ་ལྟ་དུས་ངོས་རང་ལ་བོད་པ་ཚོར་སོ་སོ་རང་ལ་ཡི་གེ་ཞིག་ཡོད་བསམ་པའི་སྤོབས་པ་སྐྱེས་འོང་གི་འདུག ཡི་གེ་དེ་ཡང་བཟའ་བཏུང་ཁོ་ནར་སྤྱོད་པའི་ཡི་གེ་ཞིག་མིན་པ་འཛམ་གླིང་འདིའི་སྒང་ལ་གསལ་བོ་རེད། ཆོས་ལུགས་ཀྱི་ཁྲོད་ནས་སངས་རྒྱས་ཆོས་ལུགས་ཏེ་རྒྱ་ཆེ་ཤོས་དང་གཏིང་ཟབ་ཤོས་ཆགས་ཡོད་པ་རེད། ངས་འཛམ་གླིང་གི་ཆོས་ལུགས་ཁྲོད་སངས་རྒྱས་ཆོས་ལུགས་ཡག་ཤོས་རེད་ཟེར་གྱིན་མེད། གང་ཟག་བྱེ་བྲག་པ་སོ་སོ་ལ་བརྟེན་ནས་
གང་རན་པ་དང་གང་ཕན་པ་དེ་གང་ཟག་རང་ཉིད་ལ་བརྟེན་ནས་ཡག་ཤོས་ཆགས་ཡོད་པར་བལྟ་བ་མ་གཏོགས། སྨན་ལ་མཚོན་ནའང་སྨན་ཡག་ཤོས་ཞེས་ལབ་རྒྱུ་ཡོད་པ་མ་རེད། ནད་པ་སོ་སོའི་ནད་ཀྱི་ཁམས་དང་ལུས་པོའི་གནས་སྟངས་སོགས་ཀྱི་ཐོག་ནས་བལྟ་བ་མ་གཏོགས་སྤྱི་ཡོངས་ནས་བཤད་ཐུབ་ཀྱིན་མེད་པ་ལྟར། ཁམས་དང་མོས་པ་སྣ་ཚོགས་ཡོད་པའི་མི་རྣམས་ལ་ཆོས་ལུགས་འདི་ཡག་ཤོས་རེད་ཅེས་ལབ་ཐུབ་པ་མ་རེད། དངོས་ཡོད་གནས་ཚུལ་གྱི་ལྟ་གྲུབ་སྐོར་བཤད་འོང་དུས་དེ་རྒྱ་ཆེ་ཤོས་དང་གཏིང་ཟབ་ཤོས་ཡིན་པ་ཡོངས་གྲགས་ཆགས་བསྡད་ཡོད་པ་རེད། རྒྱ་ནག་ནང་ལ་མཚོན་ནའང་དེ་འདྲ་ཞིག་མི་འདུག བོད་པའི་བོད་ཡིག་ནང་ཡོད་པའི་སངས་རྒྱས་པའི་ཆོས་ཏེ་འཛམ་གླིང་འདིའི་སྒང་གི་སངས་རྒྱས་པའི་གཞུང་གི་ལྟ་གྲུབ་སྐོར་ཡག་ཤོས་ཤིག་ཆགས་ཡོད་སྟབས། ང་ཚོས་བོད་ཡིག་དེར་སྤོབས་པ་སྐྱེས་དགོས་པ་ཞིག་དང་རླབས་ཆེན་པོ་ཞིག་རེད་བསམ་པ་དྲན་འོང་གི་འདུག རིག་གཞུང་ཟབ་ཤོས་དེ་བོད་ཡིག་ནང་ཡོད་སྟབས། དེང་རབས་ཀྱི་སློབ་ཚན་གསར་བ་དེའི་རིགས་བོད་ཡིག་ནང་སྒྲུབ་མི་ཐུབ་པ་ཞིག་དང་བསྒྱུར་མི་ཐུབ་པ་ཞིག་མིན་པ་གཏན་འཁེལ་ཐུབ་པ་ཞིག་རེད་ལ། སངས་རྒྱས་ཆོས་ལུགས་དེ་བོད་མི་རིགས་སྤོབས་པ་སྐྱེས་གཞི་ཞིག་ཆགས་བསྡད་ཡོད་པ་རེད། ཅེས་གསུངས་བྱུང་།
ཡང་༧གོང་ས་མཆོག་གིས། བར་སྐབས་ཤིག་ནས་རིགས་ལམ་སློབ་དགོས་པའི་སྐོར་ཞིག་འགྲོ་བསྡད་ཡོད་པ་རེེད་ལ་མགོ་འཛུགས་ཤིག་ཀྱང་རེད། སངས་རྒྱས་པའི་བསྟན་པ་སྤྱི་ཚོགས་དང་འབྲེལ་བ་ཞིག་དང་དངོས་གནས་ཡར་རྒྱས་གཏོང་དགོས་པ་ཞིག་ཡིན་ན། སྤྱི་ཚོགས་ཁོ་རང་ལ་གོ་རྟོགས་སྤེལ་དགོས་པ་དང་ཆོས་ཀྱི་ཤེས་བྱ་ཡར་རྒྱས་གཏོང་རྒྱུ་དེ་ཧ་ཅང་གལ་ཆེན་པོ་རེད། སངས་རྒྱས་ཆོས་དེ་བསླབ་པ་སློབ་གཉེར་གནང་ཡུལ་དེ་དགོན་པ་གཅིག་པུ་མིན་པར་སློབ་གྲྭ་ཁག་ནས་སྐྱ་སེར་ཕོ་མོ་དབྱེར་མེད་ཀྱིས་སློབ་སྦྱོང་བྱ་རྒྱུ་གལ་ཆེན་པོ་རེད། སངས་རྒྱས་ཀྱི་ཆོས་ཟེར་འོང་དུས་འདོན་པ་འདོན་པ་དང་སྨོན་ལམ་རྒྱག་རྒྱུ་ཞིག་མིན་པར་གཙོ་བོ་ཕྱིའི་རྣམ་བཞག་ཅིག་བཤད་ཀྱིན་ཡོད་སྟབས། རིགས་ལམ་སློབ་གཉེར་དེ་ཤེས་ཡོན་རང་གི་འདུ་ཤེས་དང་ཤེས་ཡོན་གྱི་སྡེ་ཚན་དུ་བཞག་སྟེ་མ་འོངས་པར་རིགས་ལམ་གྱི་སྟེང་ནས་སློབ་སྦྱོང་སྤྲད་དེ་འཛམ་གླིང་སྤྱི་ལ་ཕན་པའི་ལས་ཀ་ཞིག་བསྒྲུབ་རྒྱུ་ཧ་ཅང་གལ་ཆེན་པོ་རེད་ཅེས་གསུངས་བྱུང།
བཏང
ཡང་རུལ་སུངས་འགའ་རེས་བཀའ་ཤག་དང་༸གོང་ས་མཆོག་ལ་སྐྱག་རྫུན་ལུང་པ་གང་ཞུས་ནས་དབུ་སྐོར་ཡག་ཐག་ཆོད་ཅིག་གཏང་ཡོད་ཁོ་ཐག་རེད།
ད་ལྟའི་ཆར་ང་ཚོར་གྲུབ་འབྲས་དེ་ཙམ་བྱུང་མེད་པར་བརྟེན་ལོ་ངོ་སུམ་ཅུའི་འཐུས་ཤོར་སྐོར་ལ་བཀའ་ནན་པོ་གནང་བ་རང་གཞུང་མཛད་གཙོ་རྣམ་པ་དང་དགེ་ལས་རྣམས་ཀྱིས་བརྗེད་ག་ལ་ཡོད། སྤྱིར་བོད་ཀྱི་རིག་གཞུང་གི་ཁྱད་རྣམ་དང་ད་ལྟའི་འཛམ་གླིང་འདིའི་འགྲོ་བ་མིའི་རིགས་ལ་ཞབས་འདེགས་སྒྲུབ་ནུས་པའི་བླ་མེད་ཀྱི་ཁྱད་ཡོན་བརྗོད་མ་དགོས་པ་ཞིག་རེད། ཡིན་ཡང༌། ལོ་ངོ་ལྔ་བཅུའི་རིང་ྋགོང་ས་མཆོག་གིས་འདབ་གཤོག་གཉིས་ལྡན་གྱི་ཤེས་ཡོན་ཅན་གསོ་སྐྱོང་གནང་དགོས་པའི་བཀའ་སློབ་རིམ་པ་མང་པོ་གནང་ཡང༌། སྐྱིད་བཟའ་སྐྱིད་ཉལ་རྒྱག་མཁན་གྱི་ལས་ཀྱི་སྣེ་མོ་བ་དག་གིས་མཛད་རྗེས་ལ་བརྟེན། རང་གཞུང་གི་དཔལ་འབྱོར་དང་མི་རྒྱུ་གང་ལ་ཡང་གྱོང་གུད་ཕོག་ཡོད་པ་ནི་བཤད་མ་དགོས་པ་ཞིག་རེད། ད་རེས་ཚོགས་ཆེན་འདི་གྲོལ་ནས་སུ་ཞིག་གིས་ལྷག་བསམ་རྣམ་དག་གིས་ྋགོང་ས་མཆོག་དང་བོད་མི་མང་ལ་གྲུབ་འབྲས་ཅན་གྱི་ལས་ཀ་སྒྲུབ་བམ།
༸ གོང་ས་སྐྱབས་མགོན་ཆེན་པོ་མཆོག་ནས་ཐེངས་འདིའི་བཀའ་སློབ་ཀྱི་སྙིང་དོན་ངོ་མ་ནི་ང་ཚོ་བོད་པ་ཚོར་ལོ་ངོ་སྟོང་ཕྲག་གི་ཡར་སྔོན་ནས་བཀའ་དྲིན་གཞལ་དུ་མེད་པའི་སློབ་དཔོན་ཐུ་མི་ཨ་ནུའི་མཛད་རྗེས་ལས་འཛམ་གླིང་འདིར་སྤོབས་པ་བྱེད་འོས་པའི་བོད་ཀྱི་སྐད་ཡིག་འདི་ཡིན་པའི་སྐོར་གསུངས་འདུག
སངས་རྒྱས་པའི་མདོ་སྔགས་ཀྱི་ཆོས་ཚུལ་ཐ་དག་བོད་སྐད་དངས་མ་འདིས་འཛིན་ཅིང་ཁྱབ་སྤེལ་ཚད་ལྡན་བྱས་ཡོད་པའི་ར་སྤྲོད་གནང་འདུག
དེ་ནི་བོད་ཀྱི་མེས་པོ་བཀའ་དྲིན་ཅན་ཚོས་ངལ་བའི་ཁུར་ཆེན་ཕྲག་ཏུ་འའཁུར་ནས་ང་ཚོ་དང་འཛམ་གླིང་འདིར་ཆེས་ལེགས་སྐྱེས་རྨད་དུ་བྱུང་བ་ཞིག་ཕུལ་ཡོད་པའི་བདེན་དཔང་ཞིག
གལ་གནད་ཅན་གྱི་བླང་བྱ་དང་པོ།
དེ་ལ་བརྟེན་ནས་ད་ལྟའི་ཆར་འཛམ་གླིང་གི་ཤེས་རིག་གསར་པ་དག་ཀྱང་བོད་སྐད་དངང་མ་འདིའི་གྲུབ་ཆར་མི་ཐུབ་ཞིག་ཅི་ཡང་མེད་ཚུལ་གཏན་ཁེལ་ཐུབ་ཅེས་ཚིག་ཐག་བཅད་ནས་ང་ཚོ་བོད་རིགས་སྤྱི་ཡོངས་ཀྱིས་ད་ཆ་ངེས་པར་དུ་རིག་གསར་གྱི་ཤེས་བྱ་ཡོངས་རྫོགས་བོད་སྐད་འདིའི་ནང་བཀོལ་སྤྱོད་བྱེད་རྒྱུར་འབད་བརྩོན་རྒྱུན་འཐུད་བྱེད་དགོས་པའི་བླང་བྱ་བཏོན་གནང་མཛད་འདུག
གལ་གནད་ཅན་གྱི་བླང་བྱ་གཉིས་པ།
གཉིས་པ་དེ་ནང་པའི་ཆོས་འདི་འཛིན་སྐྱོང་སྤེལ་གསུམ་བྱེད་དགོས་ན་ད་ཆ་ང་ཚོས་གྲ་བཙུན་གཅིག་པུས་སྦྱང་དགོས་པ་ཞིག་མ་ཡིན་པར་དེ་ནི་བོད་རིགས་མི་དམངས་ཀྱི་ཁྲོད་ནས་ལོ་ཆུང་བྱིས་པ་ཚོས་རིག་ལམ་གྱི་ཤེས་རིག་ལ་སྦྱང་བརྩོན་བྱས་ཏེ་མ་འོངས་བོད་རིགས་མི་དམངས་ཀྱིས་ནང་བསྟན་ཆོས་ལུགས་འདི་མི་ཉམས་རྒྱུན་འཛིན་བྱེད་དགོས་པའི་བླང་བྱ་བཏོན་གནང་མཛད་འདུག
མཐའ་བསྡོམས།
མཐའ་བསྡོམས་ལྟ་བུར་༸ མགོན་པོ་གང་ཉིད་ནས་ང་ཚོས་ཤེས་ཡིན་གྱིས་ཐོག་ནས་གྲུབ་འབྲས་གང་ཙམ་བླངས་ཐུབ་པ་བྱུང་བ་འདི་བཙན་བྱོལ་དུ་འབྱོར་ནས་མི་ལོ་ལྔ་བཅུ་སོང་བའི་ནང་གི་གྲུབ་འབྲས་མང་པོའི་ནང་ནས་ཤེས་ཡིན་གྱི་གྲུབ་འབྲས་མི་དམན་པ་ཙམ་ཞིག་བླངས་ཐུབ་པ་བྱུང་བ་འདི་ཡང་དགའ་སྤོབས་སྐྱེ་འོས་པའི་བྱ་བ་ལེགས་གྲས་ཞིག་ཡིན་པ་གསལ་པོར་གསུངས་འདུག
བཀའ་སློབ་འདིའི་ཤུགས་བསྟན་ལས་ང་ཚོས་ཤེས་དགོས་པ་ཞིགལ་འདི་ཤེས་ཡིན་གྱི་ཕྱོགས་ལ་གྲབ་འབྲས་ཞིག་བླངས་ཐུབ་ཚེས་ད་གཟོད་བོད་མི་རིགས་སླར་ཡང་འཛམ་གླིང་ནང་ཆེས་སྤོབས་པ་བྱེད་འོས་པ་ཞིག་ཏུ་འགྱུར་རྒྱུར་དོན་མི་ཟ་་ཡིན་ཏེ་འདས་པའི་དུས་སུ་ཆོས་རྒྱལ་མེས་དབོན་རྣམ་གསུམ་གྱི་སྐུ་རིང་ལ་བོད་ལ་ཤེས་རིག་གི་དཔལ་ཡོན་དར་རྒྱས་བྱུང་བར་བརྟེན་བོད་འབངས་མངའ་ཐང་དང་སྟོབས་འབྱོར་རྒྱས་ཡོད་སྟབས།
ད་ཆ་ང་ཚོའི་མི་རབས་འདིས་ཀྱང་ངལ་བའི་འཁུར་ཆེན་ཕྲག་ཏུ་བླངས་ཏེ་རིག་གསར་གྱི་ཤེས་རིག་ཡོངས་རྫོགས་བོད་ཀྱི་ཕ་སྐད་འདིའི་ཐོག་ནས་བཀོལ་སྤྱོད་ཚད་ལྡན་ཞིག་ཐུབ་ཚེ་བོད་རྒྱལ་ཁབ་དང་། བོད་མི་རིགས། བོད་ཀྱི་སྟོབས་དང་མངའ་ཐང་རྒྱས་རྒྱུར་༸ མགོན་པོ་གང་ཉིད་ནས་ཐུགས་རེ་ཆེན་པོ་ཞིག་གནང་བཞིན་ཡོད་ཚུལ་དེ་ཡང་ཤུགས་ལས་རྟོགས་ཐུབ་པ་ཞིག་རེད་འདུག
ངས་ད་དུང་སང་ཉིན་ནས་ནང་ཆོས་འཛིན་གྲྭར་འགྲོ་དགོས་བསམ་བསྡད་ཡོད། ད་ཡིན་ན་ཁྱོད་ཀྱིས་ངའི་རྨོངས་པའི་མདུད་པ་དེ་ཡོངས་སུ་གྲོལ་སོང་ཡ། ང་ལ་ཁྱོད་ལྟ་བུའི་དྲ་གྲོགས་མང་པོ་དགོས་ཀྱི་འདུག་དཱ།
བཀུར་འོས་དྲ་གྲོགས་མགྲིན་མ་ཟབ་ལགས་ཀྱིས་གསལ་བཤད་གནང་བར་ཐུགས་རྗེ་ཆེ་ཞུས་པ་དང་། ལྷག་པར་དུ་ཁྱེད་ཀྱི་སྐད་ཆ་བཤད་དེ་དཔེ་མི་སྲིད་པའི་བློར་བབས་སོང་། དངོས་གནས་ཐུགས་རྗེ་ཆེུ་ཞུ།
ང་ཚོར་ལོ་ངོ་ལྔ་བཅུའི་ནང་འགྲུབ་འབྲས་ཇི་ཙམ་ཐོབ་ཡོད་མེད་དེ་ལས་སླ་པོར་ཤེས་ཐུབ། དཔལ་འབྱོར་གྱི་འགྲུབ་འབྲས། བཙན་བྱོལ་ནང་གི་གཞིས་ཆགས་ཁག་ལ་ལན་གཅིག་སྐོར་ན་དེས་བོད་མི་བརྒྱ་ཆ་བདུན་ཅུ་ལྷག་འདུས་སྡོད་སའི་དཔལ་འབྱོར་གྱི་གནས་བབ་ཤེས་འོང་། གཞུང་ནི་ཕྱི་རྒྱལ་གྱི་རོགས་ཚོགས་དང་། ༸གོང་ས་མཆོག་སྐུ་སྒེར་གྱི་ཕྱག་དངུལ། དེ་མིན་ཏོག་ཙམ་ཞིག་རྒྱལ་གཅེས་མ་དངུལ་དང་། དཔལ་འབྱོར་ལས་ཁུངས་ཀྱི་ཁྱབ་ཁོངས། མགྲོན་ཁང་བཅས་ནས་བྱུང་བ་རེད།
ད་ཤེས་ཡོན། དེ་ནི་མིག་སྔར་གངས་སྐྱིད་དུ་མཐོ་རིམ་ཤེས་ལྡན་མི་སྣ་ག་ཚོད་འདུག མིག་བཤེར་ཞིག་རྒྱོབས་དང་། ད་དུང་བདེ་ལེགས་སྨན་ཁང་གཙོས་ཡན་ལག་སྨན་ཁང་ཁག་ཏུ་ཕྱི་ལུགས་སྨན་པ་གྲགས་ཅན་ག་ཚོད་འདུག སློབ་གྲྭ་ཁག་ཏུ་ཆེ་ལས་ཡོན་ཚད་ལྡན་པའི་ཕུལ་བྱུང་གྱི་དགེ་རྒན་སུ་དང་སུ་འདུག དེ་མིན་ཚན་རིག་དང་དཔལ་འབྱོར་རིག་པ། དངོས་ཁམས་དང་རྫས་སྒྱུར་རིག་པ། ས་ཁམས་དང་སྐྱེ་དངོས་རིག་པ། རྩོམ་རིག་དང་བཟོ་རྩལ་རིག་པ་བ། ཁྱོན་ག་ཚོད་འདུག བསམ་བློ་ནང་དུ་བཀུག་ནས་ཞིབ་འདང་ཞིག་རྒྱོབས། གོང་གསལ་རྣམས་ནང་ཆོས་ནང་གི་རྟོགས་དཀའ་བ་སྟོང་ཉིད་ཀྱང་མ་རེད་ལ། རྙེད་དཀའ་བ་རྡུལ་ཕྲ་མོ་ཡང་མ་རེད། ད་གཟོད་ཁྱེད་ཀྱིས་ལོ་ངོ་ལྔ་བཅུའི་ནང་གི་འགྲུབ་འབྲས་ལ་ཕྱོགས་བསྡོམས་ཤིག་རྒྱག་ཐུབ་ངེས་ཡིན།
བཤད་མི་ཉན་གོང་ལ་འཕོག མི་བཤད་མི་ཉན་བོད་དོན་ཤོར་འགྲོ
གང་ལྟར་༧གོང་ས་རྒྱལ་བའི་དབང་བོ་མཆོག་ནི་ལག་པ་ཕྱི་ས་བྱེད་མཁན་དེ་དག་ནི་དངོས་ནས་ཡིད་སྐྱོ་བའི་གནས་རེད།
གྲུབ་འབྲས་ཡོད་མེད་དེ་ཧ་ཅང་གིས་བཤད་ཁག་པོ་རེད།བཙན་བྱོལ་ལ་གྲུབ་འབྲས་ཡོད་ངེས་ཡིན་ལ།འཐུས་ཤོར་ཡང་མང་བོ་ཡོད།ད་ལྟ་བཙན་བྱོལ་བ་རྣམས་ལ་བོད་ཁྱིམ་སློབ་གྲྭ་གཅིག་བུ་བརྒྱུད་གྱ་གསུམ་དང་སམ་བྷོ་ཌ་སློབ་ཁ་ཤས།ད་དུང་རྒྱ་གར་གྱི་འཛིན་སྐྱོང་འོག་གི་བོད་ཡིག་སློབ་གྲྭ་ཁག་ལ་བསམ་ན།གྲུབ་འབྲས་ལྡན་པ་ཞིག་ཡིན་པར་འདུག
ཕྱོགས་གཞན་ཞིག་ནས་བསམ་ན་སློབ་གྲྭ་དེ་དག་ལས་ཐོན་པའི་སློབ་མ་རྣམས་ཀྱི་ཤེས་ཡོན་དང་དེ་དག་གིས་བོད་རང་གི་སྤྱི་ཚོགས་ལ་ཁ་འཁོར་གྱི་ཡོད་མེད་དེ་རེད།དེར་བསམ་ན་སྐབས་ལ་རེར་སེམས་པའང་ཕངས་པོ་ཞིག་ཡིན་ཡང་།སྐབས་ལ་རེར་ཡག་པོ་འདུག་སྙམ།གང་ལྟར་ང་ཚོས་འདིའི་སྐོར་ལ་ཁོག་ལ་གང་ཤར་བཤད་ཁག་པོ་རེད།
གཅན་བཟོད་རྒྱམ་ལགས། ཁྱོད་ཀྱི་གོ་བ་ནོར་འདུག ༧གོང་ས་མཆོག་གིས་གསུངས་པ་ནི། ང་ཚོས་གང་ལ་འབད་བརྩོན་བྱས་པའི་གྲས་ནས་གྲུབ་འབྲས་ཡག་ཤོས་དེ་ཤེས་ཡོན་གྱི་ཕྱོགས་ཡིན་གསུངས་པ་མ་གཏོགས། སྤྱིར་ང་ཚོས་ལོ་ ༥༠ རིང་འདིར་ཤེས་ཡོན་གྱི་ཕྱོགས་ནས་གྲུབ་འབྲས་བླ་ལྷག་ཅིག་བླངས་པ་ཡིན་གསུངས་ཡོད་པ་མ་རེད།
ཕྱོགས་གཞན་ནས་གོ་བ་བླངས་ན། ང་ཚོའི་གྲུབ་འབྲས་ཡག་ཤོས་ཤེས་ཡོན་གྱི་སྐོར་རེད། གྲུབ་འབྲས་འདི་ལའང་འདས་པའི་ལོ་ ༣༠ རིང་འཐུས་ཤོར་ཆེན་པོ་ཞིག་ཕྱིན་ཡོད་པ་སྔར་གསུངས་པ་བཞིན། ལས་དོན་གཞན་དག་གི་ཕྱོགས་ནས་ཇི་འདྲའི་འཐུས་ཤོར་ཅིག་ཕྱིན་ཡོད་པ་དང་། ཡང་ན་ཤེས་ཡོན་གྱི་ཕན་ནས་ཇི་འདྲའི་གོར་ཐིག་ཆེན་པོ་ Big Zero རེ་བླངས་ཨང་སྙམ་པ་ཞིག་ཀྱང་འདུག
ད་འོ་ན་ང་ཚོ་བཙན་བྱོལ་དུ་བསྡད་པའི་རིང་ལ་གྱོང་གང་མི་འདུག་གཱ
སང་ཉིན་ནས་བཟུང་སྐད་ཆ་བཤད་ལ་བརྗེ་པོ་བརྒྱག་གི་ཡིན་དཱ།