༧གོང་ས་མཆོག་རྡོར་གདན་དུ་ཞབས་སོར་བཀོད་ཅིང་། དེ་རིང་ནས་བཟུང་དད་ལྡན་ཆོས་ཞུ་བ་བཞི་ཁྲི་ལྷག་ལ་གསུང་ཆོས་དབུ་འཛུགས་གནང་ཡོད་འདུག
ཕྱི་ཚེས་ ༤ ཉིན་༧གོང་ས་མཆོག་མངའ་སྡེ་གུ་ཇུ་ར་ཊི་ནས་རྡོར་གདན་དུ་ཞབས་སོར་བདེ་བར་བཀོད་ཅིང་། གྷ་ཡ་གནམ་ཐང་དུ་བྷི་ཧར་མངའ་སྡེའི་དཔོན་རིགས་དང་རྒྱལ་བ་ཀརྨ་པ་མཆོག་གཙོས་པའི་བླ་སྤྲུལ་དང་ཐེངས་འདིའི་གསུང་ཆོས་སྦྱིན་བདག ས་གནས་ཚོགས་པ་ཁག་གི་སྐུ་ཚབ་བཅས་གནད་ཡོད་མི་སྣ་མང་པོས་གནམ་ཐང་ནས་ཕེབས་བསུ་ཞུས་ཡོད་པར་མ་ཟད། འཛམ་གླིང་ཡུལ་གྲུ་གང་ས་ནས་ཕེབས་པའི་དད་ལྡན་ཆོས་ཞུ་བ་བཞི་ཁྲི་བརྒལ་བའི་ཕེབས་བསུའི་ཁྲོད་༧གོང་ས་མཆོག་དགའ་ལྡན་འཕེལ་རྒྱས་གླིང་རྣམ་རྒྱལ་གྲྭ་ཚང་དུ་ཆིབས་བསྒྱུར་གནང་བ་དང་། ཉིན་རྒྱབ་དུ་༧གོང་ས་མཆོག་གིས་བྱང་ཆུབ་མཆོད་རྟེན་དུ་གནས་གཟིགས་ཆིབས་བསྒྱུར་དང་ལྷན་དུ་སྟོན་པ་བཅོམ་ལྡན་འདས་སྐུ་འཁྲུངས་པ་ནས་མཐར་སངས་རྒྱས་མ་ཐོབ་བར་གྱི་མཛད་པའི་སྣང་བརྙན་བཞེངས་ཡོད་པ་དེར་དབུ་འབྱེད་རབ་གནས་གནང་བར་མ་ཟད། མཆོད་རྟེན་ཉེ་འཁོར་གྱི་ཡུལ་སྐོར་སྤྲོ་འཆམ་ཚོགས་པའི་བརྙན་འཕྲིན་འགྲེམས་སྟོན་ཁང་ཞིག་དབུ་འབྱེད་གནང་ཡོད་པ་རེད།
ཐེངས་འདིའི་༧གོང་ས་མཆོག་གི་གསུང་ཆོས་སྟེང་། ཕྱི་རྒྱལ་ཡུལ་གྲུ་ཁག་དང་རྒྱ་ནག་སྐམ་ས་ཆེན་མོ་འི་ཆོས་ཞུ་བ་དང་། བོད་ནས་ཆོས་ཞུ་བ་ ༥༠༠ ལྷག་གཙོས་པའི་ཧི་མ་ལ་ཡའི་རི་བརྒྱུད་ཀྱི་ཆོས་ཞུ་བ་དང་བཙན་བྱོལ་བོད་མི་ ༤༠༠༠༠ ལྷག དེ་བཞིན་འཛམ་གླིང་ཡུལ་གྲུ་གང་སར་ནས་ཕེབས་པའི་གསར་འགོད་པ་ ༨༠ བརྒལ་བ་འདུ་འཛོམས་བྱུང་ཡོད་པ་དང་། གསུང་ཆོས་ཞུ་ཡུལ་དུ་བོད་གཞུང་འཕྲོད་བསྟེན་ལས་ཁུངས་ཀྱིས་ཆོས་ཞུ་བ་ཚོར་འཕྲོད་བསྟེན་ཞབས་ཞུ་དང་བོད་གཞུང་ཕྱི་དྲིལ་ལས་ཁུངས་ཀྱིས་མི་ལོ་ལྔ་བཅུའི་བོད་མིའི་སྐྱིད་སྡུག་དྲན་གསོའི་དཔར་རིས་འགྲེམ་སྟོན་སོགས་ལས་འགུལ་འདྲ་མིན་སྤེལ་མུས་སུ་ཡོད་པ་དང་། དེ་རིང་ནས་བཟུང་གསུང་ཆོས་དངོས་སུ་དབུ་འཛུགས་གནང་ཡོད་པ་རེད།
དེ་རིང་གོ་ཐོས་ལྟར་ན། ༧གོང་ས་མཆོག་གི་བཞུགས་སྒར་རྭ་སྐོར་ནང་བྷེ་ཧར་ས་གནས་དེ་ག་རང་ནས་ཡིན་པའི་དོགས་ཅན་རྒྱ་གར་བ་ཞིག་འཛུལ་ཡོང་ཡོད་པ་དང་། སྐུ་སྲུང་བ་ཚོས་འཇུས་ཏེ་རྒྱ་གར་གཞུང་གི་སྐོར་སྲུང་བར་རྩིས་སྤྲད་ཡོད་འདུག་ཟེར་བས་བདེན་པ་ཡིན་ནམ། དཀོན་མཆོག་མཁྱེན། ད་ཡིན་ན་དངོས་ནས་ཉེན་ཁ་འདུག་ག འདི་ཡང་རྒྱ་དམར་དང་འབྲེལ་བ་མེད་དམ།
སྐུ་ཚེ་ཁྲི་ལོ་ནས་ཁྲི་ལོར་བརྟན་ཅིང་ཐུགས་ཀྱི་བཞེད་དོན་མཐའ་དག་ལྷུན་གྱིས་འགྲུབ་པར་ཤོག
སྤྱི་ནོར་ཡིད་བཞིན་ནོར་བུ་མཆོག་གི་གནས་མཆོག་རྡོ་རྗེ་ལྡན་དུ་གསུང་ཆོས་
སྐབས་འགྲོ་མ་ཐུབ་པ་བློ་ཕམ་བ་ལ།། ཀུན་དགའ་དོན་འགྲུབ་
ཁྱེད་ངེས་ལགས་པ་ལ་སླེད་བ་ལ་དཀའ་ལས་ཁ་བ་ལ། དངོས་ནས་
ཡིན་དྲ་གྲོགས་རྣམས་ང་ད་ལོ་ཀུན་དགའ་དོན་འགྲུབ་མེད་པའི་དབང་གི་
འགྲོ་ཐུབ་མ་སོངས་། ཨ་ཁ།
ས་སྟེང་རྒྱལ་བསྟན་ཡོངས་རྫོགས་ཀྱི་བདག་པོ། འཛམ་གླིང་ཞི་བདེའི་དེད་དཔོན་༸གོང་ས་ཡིིད་བཞིན་ནོར་བུ་མཆོག་སྐུ་ཚེ་ཞབས་པད་བརྟན་པ་དང་། ཐུགས་ཀྱི་བཞེད་དགོངས་མཐའ་དག་ཡིད་བཞིན་དུ་འགྲུབ་པའི་སྨོན་འདུན་ཞུ།
བོད་མི་ས་ཡ་དྲུག་གི་དབུ་ཁྲིད་དམ་པ་༸སྤྱི་ནོར་གོང་ས་ཡིད་བཞིན་ནོར་བུ་སྐུ་ཚེ་སྐལ་བརྒྱར་བརྟན་ཅིང་ཐུགས་ཀྱི་བཞེད་དགོངས་མཐའ་དག་ལྷུན་གྱིས་འགྲུབ་པའི་སྨོན་འདུན་ཞུ།
བོད་མི་སྤྱི་བོ་གནམ་བསྟན་ཡོངས་ཀྱི་དབུ་ཁྲིད་༧གོང་ས་སྐྱ་མགོན་ཡིད་བཞིན་ནོར་བུ་སྐུ་ཚེ་ཞབས་པད་བརྟན་ཅིང་མཛད་འཕྲིན་ཕྱོགས་མཐར་ཁྱབ་པའི་སྨོན་འདུན་ཞུ།