༧གོང་ས་མཆོག་གིས་མའོ་ཕྱོགས་ཁག་ལ་དྲག་སྤྱོད་ཀྱི་ལས་འགུལ་མི་སྤེལ་རྒྱུའི་འབོད་སྐུལ་ཞུས་ཡོད་འདུག
ཚེས་ ༡༡ ཉིན་ ANI དྲ་རྒྱའི་ཐོག་གནས་ཚུལ་སྤེལ་བ་ལྟར་ན། དེ་རིང་༧གོང་ས་མཆོག་གིས་མའོ་ཕྱོགས་ཁག་ལ་འབོད་སྐུལ་ཞིག་གནང་ཡོད་པའི་ནང་དྲག་སྤྱོད་ཀྱི་ལས་བྱེད་པ་དེ་གནད་དོན་ཐག་གཅོད་བྱ་རྒྱུའི་ཐབས་ལམ་ཞིག་མ་རེད་ཅེས་དང་། ངོས་ཀྱིས་ཁ་སྔོན་ནས་བཤད་པ་བཞིན་དྲག་སྤྱོད་སྤེལ་རྒྱུ་དེ་དཀའ་ངལ་སེལ་རྒྱུའི་ཐབས་ལམ་ཡང་དག་ཅིག་མ་རེད་ལ་དྲག་སྤྱོད་ཀྱི་ཐབས་ལམ་བརྟེན་པ་དེ་ནོར་འཁྲུལ་རེད་ཅེས་ཚེས་ ༡༡ ཉིན་གནམ་ཐང་ནས་ཆིབས་ཐོན་སྐབས་གསར་འགོད་པའི་དྲི་བར་བཀའ་ལན་བསྩལ་ཡོད་འདུག
ཨོ་རི་ས་མངའ་སྡེའི་དྲག་སྤྱོད་མང་སའི་རྫོང་ Gajapati རུ་ཆིབས་ཐོན་མ་གནང་བའི་སྐབས་༧གོང་ས་མཆོག་གིས་མའོ་ཕྱོགས་ཁག་གིས་དྲག་སྤྱོད་ཀྱི་ལས་འགུལ་སྤེལ་མཚམས་བཞག་སྟེ། གདོད་མའི་རྒྱ་གར་གྱི་འཚེ་མེད་ཞི་བའི་ལམ་ཕྱོགས་སུ་བསྐྱོད་དགོས་ཅེས་དང་། འཚེ་མེད་ཞི་བ་ནི་དཀའ་ངལ་རིགས་ཐག་གཅོད་བྱ་རྒྱུའི་ཐབས་ལམ་གཅིག་པུ་དེ་ཡིན། ང་ཚོས་འཚེ་མེད་ཞི་བའི་ལམ་ནས་དཀའ་ངལ་སེལ་ཐབས་བྱ་དགོས་རྒྱུ་དང་གྲོས་བསྡུར་དང་ཕན་ཚུན་གཉིས་ཕན་གྱི་ཐོག་ནས་གནད་དོན་ཐག་གཅོད་དགོས་ལུགས་གསུངས་ཡོད་པ་རེད།
ཕྱི་ཚེས་ ༡༡ ཉིན་༧གོང་ས་མཆོག་གི་ཆིབས་སྒྱུར་མགོ་མ་བཙུགས་གོང་དུ། ཨོ་རི་ས་མངའ་སྡེའི་ Korapu ཁོ་རཱ་ཕོ་ཞེས་པའི་རྫོང་དེར་མའོ་ཕྱོགས་ཁག་གིས་ཡུལ་མི་ཚོང་པ་ ༢ བསད་ཡོད་འདུག
འཚེ་བ་ནི། གཞན་ནམ་རང་གཞན་གཉིས་ཀའི་འཕྲལ་ཕུག་གི་བདེ་བ་སྒྲུབ་པའི་འདྲེན་བརྡུར་ལས་ཕམ་པ་ལྟ་བུ་ཡིན་པའི་ཕྱིར། འཚེ་བ་ནི། ཕམ་པའོ།
ཞི་བ་ནི། དོ་བདག་རང་ཉིད་བག་ཕེབ་ལ་གཞན་ལ་མི་གནོད་ཅིང་ཕན་པའམ་སྲིད་པས་དར་ཞིང་རྒྱས་པའི་རྒྱལ་པོ་ལྟ་བུ་ཡིན་པའི་ཕྱིར། ཞི་བ་ནི། རྒྱལ་བའོ། །
ཧོར་བུ་ཡེ་ཤེས་ལགས།
༼lལས་འབྲེལ་གྱིས་རྐྱེན་པས་ཁྱེད་ཀྱི་དྲི་བར་ལན་མདོར་བསྡུས་ཤིག་བརྒྱབ་ཆོག་པ་དང།་རྗེས་སུ་ཞིབ་ཕྲ་ཞུས་ཆོག༽
ཁོང་ཁྲོ་དང་ཞེ་སྡང་གཉིས་ནི་འཚེ་བའི་རྒྱུ་ཡིན་པ་བདེན་ལ།་་ནང་ཆོས་ནས་ཁོང་ཁྲོའི་ཉེས་དམིགས་དང།་་ཁོང་ཁྲོ་སྤོངས་དགོས་པའི་རྒྱུ་མཚན་མང་དག་ཅིག་གསུངས་ཡོད་པ་ལས།་་་ནང་པའི་བློ་སྦྱོང་གི་དཔེ་ཆ་གྲགས་ཆེ་བ་སྤྱོད་འཇུག་ཆེན་མོ་དང་སྦྲགས་ནས་མདོར་ཙམ་ཞུས་ན།
སྤྱོད་འཇུག་ལས།་་ཁོང་ཁྲོའི་ཉེས་དམིགས་བསྟན་པར།
བསྐལ་བ་སྟོང་དུ་བསགས་པ་ཡི།།
སྦྱིན་དང་བདེ་གཤེགས་མཆོད་ལ་སོགས།།
ལེགས་སྤྱད་གང་ཡིན་དེ་ཀུན་ཀྱང།།
ཁོང་ཁྲོ་གཅིག་གིས་འཇོམས་པར་བྱེད།
ཅེས་གསུངས་ཡོད།་་་དེའི་དོན་ནི་སྤྱི་ཚོགས་ཀྱི་ཕན་བདེ་དང་འབྲེལ་བའི་ལས་དོན་སྒྲུབ་པ་དང་གནས་པར་འགེགས་བྱེད་མཁན་གཙོ་བོ་ནི་ཁོང་ཁྲོ་ཡིན་པས།་་་ཁོང་ཁྲོ་ལ་བརྟེན་ནས་སྤྱི་ཚོགས་ནང་རང་གཞན་རོགས་གསུམ་ལ་གནོད་པའི་ལས་འགུལ་འདྲ་མིན་བྱུང་དང་འབྱུང་བཞིན་ཡོད་པ་དེ་དག་འགོག་པར་བརྩོན་དགོས།་་་དེའི་རྒྱུན་མཚན་དང་ཐོག་ཆོས་ཕྱོགས་ནས་བཤད་ན།་་་ཁོང་ཁྲོས་བསྐལ་བ་སྟོང་དུ་བསགས་པའི་དགེ་རྩ་མ་ལུས་པ་འཇོམས་པ་དང།་་་སྤྱིར་བཏང་ཉིན་རེའི་འཚོ་བའི་ནང་ཁོང་ཁྲོ་ནི་ང་ཚོའི་དགྲ་བོ་ངོ་མ་ཡིན་ཚུལ་སྤྱི་ནོར་༸གོང་ས་༸སྐྱབས་མགོན་ཆེན་ཆེན་པོ་མཆོག་གི་ཕྱག་དེབ་《སེམས་ཀྱི་ཞི་བདེ།》་ལས།་་་་༼ཁོང་ཁྲོས་མཐའ་མ་གཞན་ལ་མི་གནོད་པར་སོ་སོ་རང་ཉིད་ལ་གནོད་སྐྱོན་ཡོང་གི་ཡོད།་་་སོ་སོ་རླུང་ལངས་ན་ཁ་ལག་ཞིམ་པོ་ཞིག་བཟའ་རྒྱུ་ཡོད་ནའང་དེ་མི་ཞིམ་པ་ཆགས་རྒྱུ་མ་ཟད་ཁ་ལག་ལའང་ཁོང་ཁྲོ་བྱེད་སྲིད།ད་དུང་སོ་སོ་རླུང་ལངས་དུས་ཟླ་བོའམ་ཆུང་མ།་ཕྲུ་གུ་སོགས་ཀྱི་ངོ་གདོང་ཡང་ཡིད་དུ་འོང་བར་མི་སྣང་ཞིང།འདི་ལྟར་ཡོང་བ་ནི་གཞན་དེ་དག་ངན་པའི་དབང་གིས་མིན་པར།་དེ་ནི་སོ་སོ་རང་ཉིད་ཀྱི་སྐབས་དེའི་བསམ་བློ་གཏོང་སྟངས་ཀྱི་ཁྱད་པར་ལས་ཡོང་བ་ཡིན་པ་གསལ་པོ་ཡིན།་༽་ཞེས་དང།ད་དུང་ཁོང་གིས་ཆགས་སྡང་གི་སྐོར་བཀའ་བསྩལ་དོན།་༼ཆགས་སྡང་གི་བློ་ནི་དུད་འགྲོ་རྣམས་ལའང་ཡོང་གི་ཡོད་ཀྱང།་་མིས་དེ་ལ་ཞིབ་དཔྱད་བྱེད་ཤེས་ཀྱི་ཡོད་པ་འདི་ནི་མིའི་ཁྱད་ཆོས་ངོ་མ་དེ་ཡིན།དེར་མ་ཟད་མིས་བྱམས་པ་ཚད་མེད་པ་ཞིག་སྒྲུབ་ཅིང་ཁྱི་དང་ཞི་མི་ལྟ་བུའི་དུད་འགྲོའི་རིགས་ནི་རང་གི་ཕྲུ་གུ་སོགས་ལ་བྱམས་བརྩེ་ཚད་ངེས་ཅན་ཞིག་མ་གཏོགས་སྐྱེད་མི་ཐུབ།དེ་ཡང་དུས་ཀྱི་ཆ་རྐྱེན་ལ་ལྟོས་པས་ཕྲུ་གུ་འཚར་ལོངས་བྱུང་བ་དང་མཉམ་དུ་བརྩེ་གདུང་བརླག་འགྲོ་གི་ཡོད།ཡིན་ནའང་ང་ཚོ་ཁོང་ཁྲོའི་གཞན་དབང་དུ་འགྲོ་དུས་ནུས་པ་ཁྱད་པར་ཅན་ཐམས་ཅད་བརླག་འགྲོ་བས་ཁོང་ཁྲོ་ནི་མིའི་ཁྱད་ཆོས་བཟང་པོ་རྣམས་གཏོར་བཤིག་གཏོང་མཁན་ངོ་མ་དེ་ཡིན།་་གོ་མཚོན་འཁྱེར་བའི་དགྲ་བོས་ཁྱད་ཆོས་འདི་དག་འཇོམས་མི་ཐུབ་ཀྱང་ནང་གི་ཁོང་ཁྲོས་འཇོམས་པར་བྱེད་ཀྱི་ཡོད་པས་དེ་ནི་དགྲ་བོ་ངོ་མ་ཡིན།་༽ཞེས་གསུངས་ཡོད་པ་དང།
ནང་ཆོས་ལས་ཁོང་ཁྲོ་སྤོང་དགོས་པའི་རྒྱུ་མཚན་བསྟན་པ་ནི།
སྤྱོད་འཇུག་ལས།
གལ་ཏེ་བཅོས་སུ་ཡོད་ན་ནི།།
དེ་ལ་མི་དགའ་ཅི་ཞིག་ཡོད།།
གལ་ཏེ་བཅོས་སུ་མེད་ན་ནི།།
དེ་ལ་མི་དགའ་བྱས་ཅི་ཕན།།
ཞེས་གསུངས་པའི་དོན་ནི་གང་ལ་ཡིད་དམ་སེམས་མི་བདེ་བ་སྐྱེ་བའི་ཡུལ་དེ་ལ་གལ་ཏེ་བཅོས་སུ་ཡོད་ན་ནི་དེ་ལ་མི་དགའ་བ་དང།་ཁོང་ཁྲོ་བྱེད་པའི་དགོས་པ་དང་རྒྱུ་མཚན་ཅི་ཞིག་ཡོད།དེ་མ་ཐག་བཅོས་པས་ཡིད་མི་བདེ་མེད་པར་འགྱུར་བའི་ཕྱིར་དང།གལ་ཏེ་བཅོས་སུ་མེད་ན་ཡང་དེ་ལ་མི་དགའ་བའམ་ཁོང་ཁྲོ་བྱས་པས་ཅི་ཕན་ཏེ་ནམ་མཁའ་ཐོགས་བཅས་ཀྱིས་སྟོང་པར་མི་དགའ་བ་བྱས་ཀྱང་མི་ཕན་པ་བཞིན།ཁོང་ཁྲོས་རང་གཞན་རོགས་གསུམ་ལ་གང་སྤྱིའི་ཆ་ནས་གནོད་པ་ལས་ཕན་པ་ཏིལ་འབྲུ་ཙམ་ཡང་མེད་པ་གསལ་པར་བསྟན་ཡོད་པས་འཚེ་བ་མེད་པའི་ལམ་ལ་འཇུག་ནས་སའི་གོ་ལའི་ཚེ་སྲོག་ལ་ལེགས་སྐྱེས་འབུལ་དགོས་སོ།།
མདོར་ན།
ཧོར་བུ་ཁྱེད་ཀྱིས་ཞི་རྒོལ་སྐབས་སུ་ཁོང་ཁྲོ་དང་།་ང་རྒྱལ་བྱས་ནས་ང་ཚོའི་འཐབ་རྩོད་ལ་ཕན་གྱི་འདུག་གམ།་ཡང་ན་ཁྱེད་དང་ཁྱེད་འདྲ་བའི་རང་རིགས་ལ་རྒྱ་བརྟན་ཅིང་སེམས་ཤུགས་རི་བོ་ལྟར་ཆེ་བའི་རྒྱལ་གཅེས་པ་ཚོའི་སྐུ་གཟུགས་ལ་གནོད་ཀྱི་འདུག་ཐུགས་བསམ་བཞེས་དང།།
ཐུགས་རྗེ་ཆེ།།
ནོར་འཁྲུལ་ཡོད་ན་དགོངས་སེལ་ཞུ།
དགོངས་དག་སེམས་པའི་སྟིང་ནས་ལ་སེམས་པའི་གཏིང་ནས་བཅོས་རོགས་།
དབྱངས་བུ་ལགས་ཁྱོད་ཀྱིས་འཚེ་མེད་ཞི་བའི་གོ་དོན་ནང་དུ་ནང་སེམས་ལ་བྱམས་དང་རྙིང་རྗེ་གསུངས་ཤག།དེ་ལ་གུས་པའི་དྲི་བ་ཞིག་ཡོད།
དཔེ་ན།༢༠༠༨་ལོར་སྐྱིད་སྡུག་མཉམ་མྱོང་གི་ཁྱེད་ཀྱང་སྐད་འབོད་ཕེབས་ཡོད་རྒྱུ་རེད།དེ་དུས་ཁྱོད་ཀྱི་ཐུགས་ལ་བྱམས་དང་སྙིང་རྗེ་སྒོམ་ནས་ཕེབས་ཡོད་དམ་གཞིས་ལུས་བོད་མིའི་དཀའ་སྡུག་སྒོམ་ནས་ཕེབས་ཡོད།མི་མང་པོས་སྐད་འབོད་བྱས་ཡོང་དུས་དེ་ཡི་སྐྱེན་ལས་ཁྱོད་ཀྱི་ཐུགས་ལ་ཁོང་ཁྲོ་ཡོང་གི་མི་འདུག་གམ།
ང་རང་ལ་ཆ་བཞག་ན་བྱམས་དང་སྙིང་རྗེ་ཞིག་དང་ཕར་ཙམ་རེད་མི་མང་གིས་སྐད་འབོད་དང་བུད་མེད་དེ་ཚོས་ངུ་སྒྲ་ཡི་སེམས་པའི་སྟིང་ནས་ཁོང་ཁྲོ་ཡོང་གིན།དེ་ལྟར་ཡོང་ན་འཚེ་མེད་ཞི་བ་ཟེར་ཡག་དེ་མེད་པ་ཆགས་མ་སོང་ངམ།ང་འདྲ་བའི་སྐྱེ་བོ་ཕལ་པ་ཞིག་ལ་དེ་ཡི་ཐད་ཐབས་ཤེས་གང་ཡོད་དམ།
འཚེ་བ་སྤངས་པའི་འཐབ་རྩོད་ཀྱི་ངོ་སྤྲོད།
གོད་ཆགས་སྣ་འདྲེན་བྱེད་སྲིད་པའི་འཚེ་བ་ཅན་གྱི་འགོག་རྒོལ་དང།་་་དྲག་གནོན་ཡུན་གནས་བྱེད་པར་སྐབས་སྦྱིན་པའི་ཅང་མི་སྨྲ་བའི་མགོ་སྒུར་གཉིས་ལས་གཞན་པའི་གདམ་ཁ་ཞིག་ཡོད།་་་གདམ་ཁ་དེ་ནི་འཚེ་བ་སྤངས་བའི་འཐབ་རྩོད་ཡིན།
འཐབ་རྩོད་པ་མང་པོས་འཚེ་བ་སྤངས་པའི་ཐབས་ལམ་བེད་སྤྱད་ཡོད་ཀྱང་དེ་དག་གི་གོ་དོན་ལེགས་པར་རྟོགས་མེད།་་་དེས་ན་བྱེད་ལས་འདི་རིགས་ལ་བགྲོ་གླེང་དང།་་འགྲེལ་བཤད་ཀྱིས་སྙིགས་འདོར་བཅུད་ལེན་བྱེད་དགོས།
དང་པོ།་་་་འཚེ་མེད་ཞི་བའི་གོ་དོན་གང་ཡིན་ནམ།
འཚེ་མེད་ཞི་བའི་གོ་དོན་ནི་ནང་སེམས་ཀྱི་ཐོག་ནས་བྱམས་སྙིང་རྗེ་དང།་ཕྱི་ལུས་པའི་ཐོག་ནས་འཚེ་བ་མི་བྱེད་པ་དེ་ཡིན་ཏེ།་འཕགས་པ་ལྷས།
མདོར་ན་ཆོས་ནི་མི་འཚེ་བ།།
དེ་བཞིན་གཤེགས་པ་རྣམས་ཀྱིས་གསུངས།།
ཞེས་གསུངས་པ་ལྟར།་་དགྲ་གཉེན་གྱིས་བསྡུས་པའི་སེམས་ཅན་ཡིན་ནོ་ཅོག་གི་སྡུག་བསྔལ་སེལ་ཐབས་དང་བདེ་བ་སྒྲུབ་ཐབས་ཀྱི་རིགས་ལམ་ཡོད་པའི་ལྟ་གྲུབ་ཡང་དག་པ་ཞིག་ལ་བརྗོད།
གཉིས་པ།་་་གང་འདྲ་ཞིག་ལ་འཚེ་བ་སྤངས་པའི་ཐབས་ལམ་ཞེས་བརྗོད་དམ།
༡།་་་ཐབས་ལམ་འདི་ནི་དགྲ་ཕྱོགས་ལ་ཡིད་ཞུམ་པའམ་དམའ་འབེབས་བྱེད་པ་ཞིག་མིན་པར།་་ཕ་རོལ་པོའི་བསམ་སྦྱོར་ངན་པ་རྣམས་དྲང་བདེན་དང་རིགས་པའི་ལམ་ནས་ཞི་མོལ་གྱི་སེལ་ཐབས་བྱེད་པའི་མཚོན་ཆ་སྤོང་པའི་ཆོས་སྲིད་གཞི་མཐུན་གྱི་ལྟ་གྲུབ་ཞིག་ཡིན།
༢།༌༌༌༌༌འཚེ་བ་སྤངས་པའི་ཐབས་ལམ་དེ་ནི་འགལ་ཟླར་གཡོལ་བ་དང།་་་ཡང་ན་སྣང་མེད་ཟོལ་འཇོག་བྱེད་པའི་འབད་རྩོལ་གྱི་ཐབས་ལམ་ཞིག་མིན།་་་འདི་ནི་ཆོས་སྲིད་ཀྱི་ནང་དུ་ལས་དོན་བྱེད་པ་དང།་་ལྷག་པར་དུ་ནུས་པ་ལྡན་པའི་དབང་ཆའི་ཐབས་ལམ་ཞིག་ཡིན།
གསུམ་པ།་་་་འཚེ་བ་དང་།་་འཚེ་བ་སྤངས་པའི་ཐབས་ལམ་གཉིས་དབར་ལ་ཁྱད་པར་གང་ཡོད་དམ།
༡།་་་་འཚེ་བ་སྤངས་པའི་ཐབས་ལམ་ལ་ལམ་ལྷོངས་ཀྱི་གོ་སྐབས་ཆེ་བ་དང།་་ཁེ་ཕན་ཆེ་བ་སྤྲོད་ཀྱི་ཡོད།
༢།་་་་འཚེ་བ་སྤངས་པའི་ཐབས་རྩོད་ཀྱི་སྐབས་སུ་སྲོག་སྐྱོན་འབྱུང་སྲིད་ཀྱང།་་་འཚེ་བའི་ཐབས་རྩོད་ཀྱི་སྐབས་སུ་ཤི་བའི་གྲངས་འབོར་དང།་དངོས་པོ་གཏོར་སྐྱོན་གྱི་གཞི་རྒྱ་སོགས་རྒྱུན་དུ་དེ་བས་ཆེ་བ་ཡོད།
༣།༌༌༌༌འཚེ་བ་དང་བཅས་པའི་འཐབ་རྩོད་བྱེད་མཁན་གྱི་ནང་དུ་རྒྱུན་དུ་མི་དར་གཞོན་སྟོབས་ཤུགས་ཅན་ཤ་སྟག་ཡིན་དགོས་ཀྱང།་་་འཚེ་བ་སྤངས་པའི་འཐབ་རྕོད་ཀྱི་ནང་དུ་རྒན་གཞོན་བར་གསུམ་མི་འབོར་ཡོངས་རྫོགས་ཀྱིས་ཆ་ཤས་ལེན་ཐུབ།
༤།་་་འཚེ་བ་སྤངས་པའི་ཐབས་ལམ་ནི་ཐབས་ལམ་ལེགས་ཤོས་དེ་ཡིན།
༥།་་་་འཚེ་བ་དང་བཅས་པའི་འཐབ་རྕོད་བྱས་པ་དེ་སྲིད་དུ་ཁ་གཏད་པར་འཚེ་བའི་ཐབས་ལམ་བེད་སྤྱོད་གཏོང་རྒྱུའི་གོ་སྐབས་མང་བ་སྤྲོད་ཀྱི་ཡོད།
ཐུགས་རྗེ་ཆེ།་
དེ་རིང་དེ་ཙམ་དུ་བྱས་ནས་རྗེས་སུ་མཇལ་ཆོག
བཀྲིས་བདེ་ལེགས།།
རེ་བསྐུལ།
འཚེ་བ་དང་དྲག་སྤྱོད་ལ་གདོང་ལེན་བྱ་རྒྱུ་ནི་ཧ་ཅང་གི་གལ་ཆེན་ཞིག་ཡིན་ལ་དེ་ནི་ང་ཚོ་ཚང་མས་ལས་འགན་གཙོ་བོ་དེ་ཆག་འདུག་ལ་དེ་ཡང་ཁ་ནས་བཤད་པ་ཙམ་མ་ཡིན་པར་ལག་སྟར་བྱེད་དགོས་པ་ལགས་ན་དེའི་ཐོག་ལ་ཚང་མས་ཤུགས་རྒྱག་རོགས་གནོང་།
འཚེ་བ་ནི་ཕམ་པའོ། ཞི་བ་ནི་རྒྱལ་བའོ། །
བཀླགས་ཟིན།