བོད་རང་སྐྱོང་ལྗོངས་དམངས་འཐུས་སྐབས་དགུ་པའི་ཚོགས་འདུ་ཐེངས་གསུམ་པའི་སྟེང་བོད་རང་སྐྱོང་དམངས་འཐུས་རྒྱུན་ལས་ཚོགས་གཙོ་ལེགས་མཆོག་དང་རང་སྐྱོང་ལྗོངས་ཀྱི་སྲིད་འཛིན་བྱམས་པ་ཕུན་ཚོགས་གཉིས་རྩ་དགོངས་སུ་གཏོང་བའི་གྲོས་འཆར་གྲོས་འཆམ་གཏན་འབེབས་བྱས་ཡོད་འདུག
ཉེ་སྔོན་རྒྱ་ནག་གིས་བོད་རང་སྐྱོང་ལྗོངས་སུ་འབོད་པའི་སྲིད་འཛིན་ས་ཁོངས་ཀྱི་དམངས་འཐུས་དང་སྲིད་གྲོས་ཀྱི་ཚོགས་འདུ་གཉིས་སྔ་ཕྱིར་དུས་མཉམ་ལྟ་བུར་འཚོགས་ཡོད་ལ། རང་སྐྱོང་ལྗོངས་མི་དམངས་འཐུས་ཚོགས་སྐབས་དགུ་པའི་ཚོགས་འདུ་ཐེངས་གསུམ་པ་དེ་ཟླ་འདིའི་ཚེས་ ༡༠ ཉིན་ཚོགས་མགོ་ཚུགས་ཏེ་ཚེས་ ༡༥ ཉིན་མཇུག་བསྡུ་རྒྱུ་དང་། རང་སྐྱོང་ལྗོངས་སྲིད་གྲོས་སྐབས་དགུ་པའི་ཚོགས་འདུ་ཐེངས་གསུམ་པ་དེ་ཕྱི་ཚེས་ ༨ ཉིན་ནས་ཚོགས་མགོ་ཚུགས་ཏེ་ཚེས་ ༡༣ ལ་མཇུག་བསྡུ་བཞིན་པ་ལྟར། ཕྱི་ཚེས་ ༩ ཉིན་བོད་རང་སྐྱོང་ལྗོངས་མི་དམངས་འཐུས་ཚོགས་སྐབས་དགུ་པའི་ཚོགས་འདུ་ཐེངས་གསུམ་པའི་གྲོས་འཆར་ཁག་ ༡༢ གཏན་འབེབས་བྱས་ཡོད་པའི་ནང་། གྲོས་འཆར་ ༧ དང་ ༨ པ་གཉིས་ནི། བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་གྱི་རྒྱུན་ལས་ཚོགས་གཙོ་ལེགས་མཆོག་དང་། བོད་རང་སྐྱོང་ལྗོངས་ཀྱི་སྲིད་འཛིན་བྱམས་པ་ཕུན་ཚོགས་གཉིས་ལས་ཁུར་རྩ་དགོངས་ཞུ་རྒྱུའི་གྲོས་འཆར་ཁག་ཡིན་པ་དང་། ཕྱི་ཚེས་ ༡༢ ཉིན་གྲོས་འཆར་དེ་གཉིས་གྲོས་འཆམ་ཐག་གཅོད་བྱས་ཡོད། དེར་མ་ཟད་གྲོས་འཆར་ཁག་ ༥ ནི་ལས་གནས་འཕོ་ལེན་སྐོར་གྱི་གྲོས་འཆར་ཡིན་ལ། ཕྱི་ཚེས་ ༡༥ ཉིན་ཚོགས་འདུ་མཇུག་བསྡུའི་ཚུན་ཆད་དུ་ལས་ཚབ་མི་སྣ་འདེམས་བསྐོ་དང་། དེ་མིན་སྐབས་ ༡༡ པའི་རྒྱ་ནག་རྒྱལ་ཡོངས་མི་དམངས་འཐུས་མིའི་ཚོགས་ཆེན་གྱི་འཐུས་མི་འདེམས་ཐོན་བྱ་རྒྱུ་ཡིན་ལུགས་རྒྱ་ནག་གཞུང་འབྲེལ་གསར་ལམ་ཁག་ཏུ་གནས་ཚུལ་སྤེལ་འདུག ལེགས་མཆོག་དང་བྱམས་པ་ཕུན་ཚོགས་ཀྱི་ལས་གནས་ཕྱིར་བསྡུ་བྱས་པའི་གནས་ཚུལ་ཐད་རྒྱ་ནག་གཞུང་འབྲེལ་ཤིན་ཧྭ་གསར་ཁང་དང་བོད་ལྗོངས་ཉིན་རེའི་ཚགས་པར་གྱི་རྒྱ་ཡིག་པར་ངོས་སུ་ “དམངས་འཐུས་དང་སྲིད་གཞུང་གི་ཆེས་མཐོའི་དཔོན་རིགས་རྩ་དགོངས་སུ་བཏང་སྟེ་བོད་རང་སྐྱོང་ལྗོངས་ཀྱི་མི་སྣའི་ལས་གནས་བརྗེ་སྤོར་བྱས་པ་” ཞེས་རྣོ་ངར་ཅན་གྱི་ཁ་བྱང་ཞིག་སྦྱར་ཡོད་པར་མ་ཟད། ཁོ་གཉིས་ཀྱི་ལས་གནས་རིམ་འཕར་གྱི་མི་ཚེ་ལོ་རྒྱུས་དང་བཅས་པ་བཀོད་འདུག གཞུང་འབྲེལ་གྱི་བོད་ཡིག་གསར་ལམ་ཁག་ཏུ་”ལེགས་མཆོག་དང་བྱམས་པ་ཕུན་ཚོགས་རྣམ་གཉིས་ཀྱིས་ལས་ཁུར་རྩ་དགོངས་ཞུས་པ་” ཞེས་གུས་ཉམས་དོད་པའི་ཁ་བྱང་ཞིག་སྦྱར་ཡོད་པ་རེད། ཡིན་ནའང་། ཁོ་གཉིས་ཀྱིས་རྩ་དགོངས་ཞུ་དགོས་པའི་གནད་དོན་ཅི་ཡིན་སྐོར་གསལ་ཁ་བཏོད་མི་འདུག
བོད་ཀྱི་གནད་དོན་སྐོར་ལ་ཆེད་གཉེར་དབྱེ་ཞིབ་གནང་མཁན་ཨ་རིའི་ཀོ་ལུམ་བྷེ་ཡ་གཙུག་ལག་སློབ་གྲྭ་ཆེན་མོའི་འབུམ་རམས་པ་ རོ་བྷེ་བྷར་ནིས་ཁྲི་ Robbie Barnett ཡིས་དབྱིན་ཇུའི་རོའི་ཊར་གསར་ཁང་དུ་བརྗོད་དོན། ལྷ་སར་བྱུང་བའི་དོན་རྐྱེན་དེ་ཡིས་སྲིད་གཞུང་གི་སྲིད་ཇུས་འཛིན་སྟངས་ལ་ནོར་འཁྲུལ་ལྡན་པ་གསལ་འདོན་བྱས་ཡོད། དེར་བརྟེན། མི་མང་པོས་འབྲེལ་ཡོད་དཔོན་རིགས་ཚོས་སྲིད་ཇུས་ཀྱི་ནོར་འཁྲུལ་ལས་བྱུང་བའི་ནག་ཉེས་དག་འགན་ལེན་བྱེད་དགོས་མིན་ཐད་གླེང་སློང་ཤུགས་ཆེན་པོ་ཡོང་གིན་ཡོད་པས་རེད་ཅེས་བརྗོད་ཡོད་འདུག
གཞིས་སྡོད་བོད་མི་ཞིག་གིས་དེའི་སྐོར་ལ་རང་ཉིད་ཀྱི་བསམ་ཚུལ་བརྗོད་དོན། བྱམས་པ་ཕུན་ཚོགས་དང་ལེགས་མཆོག་གཉིས་ལས་གནས་རྩ་དགོངས་བཏང་བ་དེ་འོས་འཚམ་ཞིག་ཡིན་སྲིད་མོད། འོན་ཀྱང་། ཀྲང་ཆིན་ལི་ཡི་གོ་གནས་སྔར་འཇགས་བཞག་པ་དེ་ཡིས་རྒྱ་གཞུང་གི་སྲིད་ཇུས་ནི་མི་རིགས་འདྲ་མཉམ་གྱི་སྲིད་ཇུས་ཤིག་མིན་པ་མངོན་གསལ་དོད་པོས་ཕྱི་རུ་མངོན་པ་ཞིག་རེད་ཟེར།
ལེགས་མཆོག་ནི་ཕྱི་ལོ་ ༡༩༤༤ ལོར་ལྷ་སའི་རྒྱང་རྩེ་ཁུལ་དུ་སྐྱེས་པ་དང་། ༡༩༧༢ ལོར་དམར་ཤོག་ཚོགས་པར་ཞུགས། ༢༠༠༨ ལོའི་ཟླ་ ༡ ཚེས་ ༢༢ ཉིན་བོད་རང་སྐྱོང་ལྗོངས་སྐབས་དགུ་པའི་དམངས་འཐུས་རྒྱུས་ལས་ཀྱི་འགན་འཛིན་ལ་ལས་གནས་སྤར་བ་དང་། ཟླ་ ༣ པའི་ནང་རྒྱ་ནག་རྒྱལ་ཡོངས་སྐབས་བཅུ་གཅིག་པའི་དམངས་འཐུས་ཀྱི་མི་རིགས་འཐུས་མིའི་འགན་འཛིན་གཞོན་པར་བསྐོས། ༢༠༡༠ ལོའི་ཟླ་ ༡ པའི་ནང་རྒྱ་ནག་དབུས་གཞུང་གིས་ཐག་གཅོད་ལྟར་ལས་གནས་ནས་རྩ་དགོངས་ཞུས་ཡོད།
བྱམས་པ་ཕུན་ཚོགས་ནི་ ༡༩༤༧ ལོར་ཆབ་མདོ་རུ་སྐྱེས་པ་དང་། ༡༩༧༤ ལོར་དམར་ཤོག་ཚོགས་པར་ཞུགས། ༢༠༠༨ ལོའི་ཟླ་ ༡ པའི་ཚེས་ ༢༢ ཉིན་བོད་རང་སྐྱོང་ལྗོངས་ས་གནས་སྲིད་གཞུང་གི་སྲིད་འཛིན་དུ་བསྐོས་པ་དང་། ཕྱི་ལོ་ ༢༠༡༠ ཟླ་ ༡ པོའི་ནང་ལས་གནས་རྩ་དགོངས་ཞུས་ཡོད།
ཀྲང་ཆིན་ལི་ནི་ ༡༩༥༡ ལོར་རྒྱ་ནག་ཧྲན་ཏུང་དུ་སྐྱེས། ༡༩༧༣ ལོར་དམར་ཤོག་ཚོགས་པར་ཞུགས། ༢༠༠༦ ལོའི་ཟླ་ ༡༠ པར་བོད་རང་སྐྱོར་ལྗོངས་དམར་ཤོག་སྐབས་བདུན་པའི་ཚོགས་ཆེན་ཐེངས་དང་པོའི་སྐབས་བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་རུ་བསྐོ་འཐེན་བྱས། རྒྱ་ནག་དབུས་དམར་ཚོགས་སྐབས་བཅུ་དྲུག་པ་དང་སྐབས་བཅུ་བདུན་པའི་རྒྱ་ནག་དབུས་གཞུང་གི་རྒྱུན་ལས་འཐུས་མི། སྐབས་བཅུ་པའི་རྒྱལ་ཡོངས་འཐུས་ཚོགས་ཀྱི་འཐུས་མི་བཅས་ཡིན།
གཞན་ཡང་། དེ་སྔོན་རྒྱ་ནག་དབུས་གཞུང་གིས་ལས་གནས་འཕོས་ལེན་གྱི་བཀའ་ཁྱབ་བསྒྲགས་ཏེ་ཕྱི་ལོ་ ༢༠༠༩ ལོའི་ཟླ་ ༡༢ པའི་ཚེས་ ༢༦ ཉིན་བློ་བཟང་ལྷུན་གྲུབ་རྡོ་རྗེ་རྒྱལ་ཡོངས་འཐུས་ཚོགས་ཀྱི་མི་རིགས་འཐུས་མིའི་རྒྱུན་ལས་ལ་བསྐོ་འཐེན་བྱས་ཡོད་པ་དང་། ཟླ་འདིའི་ཚེས་ ༦ ཉིན་པདྨ་འཕྲིན་ལས་བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་གཞོན་པར་བསྐོ་འཇོག་དང་ལེགས་མཆོག་གི་ད་ཡོད་ལས་གནས་ཁག་སྟེ། བོད་རང་སྐྱོང་ལྗོངས་དམར་ཤོག་དྲུང་ཆེ་གཞོན་པ་དང་རྒྱུན་ལས། འཐུས་མི་བཅས་ཀྱི་ལས་འགན་ཕྱིར་བསྡུ་བྱས་ཡོད་པ་རེད། པདྨ་འཕྲིན་ལས་ཀྱིས་བོད་ཆོལ་ཁ་གསུམ་དུ་ཞི་བའི་ངོ་རྒོལ་གྱི་ལས་འགུལ་བྱུང་རྗེས། ༢༠༠༨ ལོའི་ཟླ་ ༣ ཚེས་ ༢༧ ཉིན་ ༣.༡༤ དོན་རྐྱེན་དང་འབྲེལ་བའི་གསར་འགོད་གསལ་བསྒྲགས་སྐབས། ༣.༡༤ དོན་རྐྱེན་ནི་རྡུང་གཅོག་འཕྲོག་གསུམ་གྱི་དོན་རྐྱེན་ཞིག་ཡིན་པ་དང་། ཏཱ་ལའི་རུ་ཚོགས་ཀྱི་ལྐོག་ཇུས་ངན་གཡོ་ཡིན་པ་བདེན་དཔང་འདང་ངེས་ཡོད་སྐོར་གསར་འགོད་པར་བརྗོད་ཡོད་པ་རེད།
དེ་བཞིན་དུ། བོད་རང་སྐྱོང་ལྗོངས་མི་དམངས་འཐུས་ཚོགས་སྐབས་དགུ་པའི་ཚོགས་འདུ་ཐེངས་གསུམ་པའི་ཐོག་ཁྱབ་བསྒྲགས་བྱས་པའི་སྲིད་གཞུང་གི་ལས་དོན་སྙན་ཞུའི་ནང་། བོད་ཀྱིས་ ༢༠༡༠ ལོར་ལྗོངས་ཡོངས་ཀྱི་ཆོས་ལུགས་བྱེད་སྒོ་སྤེལ་ཡུལ་གྱི་ཐོ་འགོད་དང་། སྤྲུལ་སྐུ་དང་གྲྭ་བཙུན་གྱི་ཐོབ་ཐང་ཐོ་འགོད་སྙན་ཞུའི་ལས་དོན་ལེགས་གྲུབ་བྱ་རྒྱུ་ཡིན་པ་དང་། ཁྲིམས་ལུགས་ལ་བརྟེན་ནས་ཆོས་ལུགས་ལས་དོན་ལ་དོ་དམ་བྱས་པ་དང་། དགོན་སྡེ་ཁག་ལ་ཁྲིམས་སྲོལ་དྲིལ་བསྒྲགས་སློབ་གསོའི་ལས་དོན་སྤེལ་ཏེ་ཆོས་ལུགས་བྱེད་སྒོ་གལ་ཆེན་ཁག་དང་ས་ཁུལ་བརྒལ་ནས་སྤེལ་བའི་ཆོས་ལུགས་བྱེད་སྒོ་ཁག་ལ་དོ་དམ་བྱ་རྒྱུ་ཡིན་ལུགས་བཀོད་ཡོད། ཕྱི་ཚེས་ ༦ ཉིན་ཆབ་མདོ་རུ་སྐོང་ཚོགས་བྱས་པའི་བོད་སྐྱོར་ལས་བྱེད་པའི་ལས་དོན་གྱི་བཞུགས་མོལ་ཚོགས་འདུ་ཐེངས་ལྔ་པ་ཞེས་པ་འཚོགས་ཡོད་པ་དང་། ཁ་གཏད་བོད་སྐྱོར་ལས་བྱེད་པ་ཁག་དྲུག་པའི་གྲངས་འབོར་དེ་ཁག་ལྔ་པའི་མི་གྲངས་ ༨༥༠ ནས་མི་གྲངས་ ༡༠༠༠ བར་མང་དུ་བཏང་ཡོད་པ་རེད། དེ་ནི་ཁག་ལྔ་པ་དང་བསྡུར་ན་སྲིད་ཁྲིམས་དང་། འཐབ་ཕྱོགས་གཅིག་གྱུར། མི་རིགས་ཆོས་ལུགས། དྲིལ་བསྒྲགས་བཅས་ཀྱི་བོད་སྐྱོར་ལས་བྱེད་པའི་མི་གྲངས་མང་དུ་འཕར་ཡོད་པ་དང་འཐབ་ཕྱོགས་གཅིག་གྱུར་གྱི་ལས་ཀ་སྒྲུབ་མཁན་བོད་སྐྱོར་ལས་བྱེད་པ་ཟེར་བ་གཞི་རིམ་དུ་གཏོང་ཤུགས་ཆེ་རུ་གཏོང་ཆེད་རེད།
ཀློག་པ་པོ་ཚོ། དགོངས་དག །ང་ནོར་ནས་བཏང་ས་ལ་བཏངས་མི་འདུག །
ཡ། བོད་ཡིག་འདི་དངོས་གནས་བཀའ་དྲིན་ཆེ་གི། བོད་ཡིག་ནང་བོད་པའི་ཕོ་གསར་འགྲན་བསྡུར་ཞེས་བྲིས་པའི་བཀའ་དྲིན་རེད་མ་གཏོགས། མི་གཅེར་བུ་འདི་ཚོ་མི་རིགས་གང་ཡིན་རྩ་བ་ནས་ཤེས་ས་མ་རེད། གཅིག་བྱས་ན་བོད་པའི་བླ་མ་འདི་ཚོར་མངོན་ཤེས་ཡོད་རབས་མང་པོ་བཤད་ཡག་འདུག་ག །དེ་ཚོས་མཁྱེན་ཡོད་འགྲོ། གཅིག་བྱས་ན་ང་ཚོ་བོད་པ་འདི་འདྲའི་ཐབས་སྐྱོ་བོ་ཆགས་ཚར་ཤག །ཐ་ན་ཕོ་གསར་འདི་ཚོས་བོད་ཆས་ཐབས་ཆག་ཅིག་ཀྱང་གྱོན་ཡག་རྙེད་ཡོད་པ་རེད། གཅིག་བྱས་ན་རྒྱ་ནག་གཞུང་གིས་ང་ཚོའི་ལས་འགུལ་ཆེ་ཕྲ་ཚང་མར་ག་དུས་ཡིན་ནའང་བཀག་འགོག་བྱས་བྱས་པ་དེས་ཞེད་ནས་བོད་ཆས་གྱོན་མ་ཕོད་པ་ཡིན་འགྲོ། གང་ལྟར་ལས་ཀ་འདི་ཚོ། སེམས་ཆུང་སེམས་པ་སྐྱོ་རོགས་རེད། ཡ།
read more Khaleej Times
PORT-AU-PRINCE – Haiti’s prime minister Wednesday warned the death toll may top 100,000 in a calamitous earthquake which left streets strewn with corpses and thousands missing in a scene of utter carnage. Hospitals collapsed, destroyed schools were full of dead and the cries of trapped victims escaped from crushed buildings in the center of the…
ཅོ་རི་ཉི་མ་ལགས། ང་རང་སེམས་སྡུག་དགོས་སྟངས་བྱམས་ཕུན་ལས་པདྨ་འཕྲིན་ལས་ཟེར་བ་རྒྱ་དགའ་ཆེ་བ་གོ་མྱོང་། མ་ཟད་འདི་ལོར་ཆབ་མདོའི་དམག་སྤྱི་ང་ཕོད་མཆོག་དགོངས་པ་རྗོགས་པ་དང་བོད་ཀྱི་རྒྱལ་ས་ལྷ་སའི་ཕྱོགས་སུ་དབུས་ཁམས་གཉིས་རྟོགས་པའི་བོད་རང་སྐྱོང་ལྗོངས་སུ་སྲིད་གཞུང་གི་སྲིད་འཛིན་བྱབས་པ་ཕུན་ཚོགས་དང་མི་རིགས་འཐུས་མིའི་འགན་འཛིན་གཞོན་པ་ལེགས་མཆོག་གཉིས་ལས་གནས་རྩ་དགོངས་ཞུས་པ་བཅས་གནས་ཚུལ་སྡུག་པོ་འདི་འདྲ་རིམ་པས་ཐོན་བཞིན་འདུག་པས་ཡིན།
གོང་གི་གནས་ཚུལ་ཐད་བོད་ནང་གི་ཤེས་ཡིན་ཅན་ཞིག་དང་གླེང་མོལ་བྱེད་སྐབས་ཁོས་་་
གལ་སྲིད་དོན་དངོས་ཁོ་གཉིས་རང་ཐད་ནས་རྩ་དགོངས་ཞུས་བ་ཡིན་ན་ང་ཚོས་་ཤེས་དགོས་པ་ཞིག་ནི་ཁོ་གཉིས་ཀྱིས་རྒྱ་ནག་གི་ཆབ་སྲིད་ཀྱི་གདུབ་རྩུབ་དེ་མཐོང་བའི་རྐྱེན་རྗེས་མར་ཡང་ཅི་འབྱུང་གི་ངེས་པ་མེད་པ་དང་ གནད་འགག་གི་སྐབས་སུ་རང་མི་རང་གི་དགྲ་རུ་ལངས་དགོས་པའི་རྒྱ་ནག་གི་གཡོ་ཐབས་དེ་རྟོགས་ཡོད་པས་རེད་ཟེར་ན་ཡང་མི་ཆོག་པ་མེད་པར་འདོད་ལ་རྒྱ་ནག་ཆེས་སྐྲག་དགོས་ས་དེ་གྲངས་ཉུང་མི་རིགས་ཀྱི་ཆབ་སྲིད་དཔོན་པོ་དག་ལས་སྣེ་ནས་བུད་འགྲོ་བ་དེ་ཡིན་སྲིད་ཟེར་།
བོད་མི་གཅིག་གིས་བོད་རིགས་གཉིས་ལ་རེ་སྨོན་བྱས་པ།
བྱམས་པའི་བློ་འགྱུར་སེམས་བྱམས་མཐུན་རྐྱེན་ཕུན་སུམ་ཚོགས་པ་དང་། །
ལེགས་མཆོག་མིང་དོན་མཚུངས་པར་མི་མཆོག་ནང་ནས་མཆོག་འགྱུརརེ། །
ད་ཡག་པོ་རེད་་བྱམས་པ་ཕུན་ཚོགས་ཟེར་བ་འདི་བོད་མིའི་སྟེང་ལ་ཧ་ཅང་རྩུབ་པོ་འདྲ་ཡོད། ཕྱི་ལོ་་་༢༠༠༨་་་་ལོའི་ཁོས་ག་འདྲ་བཟོས་དང་མ་བཟོས་ཨེ་ཤེས། ད་ཁོང་ཚར་སོང་ན་རྗེས་ཕྱོགས་སུ་བོད་ལ་ཡག་པོ་རེ་ཨེ་ཡོང་གི་རེ་བ་བྱེད་རྒྱུ་ཡིན།
ཡིན་ན་རྒྱ་ནག་གི་རང་དོན་མ་འགྲུབ་ནས་སྟབས་་་་ཨ་སྙིང་རྗེ་དེ་འདྲ་བཟོ་མ་ཉན་ཡ།
རྒྱ་གཞུང་གི་ཆབ་སྲིད་ནི་ཆབ་སྲིད་རང་རེད། དེ་མིན་བྱམས་པ་ཕུན་ཚོགས་ཟེར་བའི་མི་འདི་དྲང་ཚུགས་གཏན་པོ་ཞིག་ཡོད་སྐོར། མི་དམངས་ཀྱི་ངག་ལས་ཐོས།
ཡ། ཁྱད་མཚར་རེད། ག་དུས་ཡིན་ནའང་བོད་པ་འདི་ཚོས་དོན་མེད་ཀྱི་ཅ་ཅོ་འདྲ་སྒྲོག་གི་རེད་མ་གཏོགས། བོད་མིའི་བདེ་སྡུག་རྒྱ་ནག་དམར་པོའི་གཞུང་ལ་དབང་བ་ལས་བྱམས་པ་ཕུན་ཚོགས་དང་ལེགས་མཆོག་གི་ལག་པར་ཡོད་པ་མ་རེད། མ་འོངས་པར་ཡང་རྒྱ་ནག་དམར་གཞུང་ལ་འགྱུར་བ་མ་ཐེབས་བར། བོད་མི་གཅིག་གཉིས་ཀྱི་ལས་གནས་ལ་འགྱུར་བ་ཐེབས་པ་ཙམ་གྱིས་ཕན་གནོད་གང་ཡང་ཡོང་གི་མ་རེད། ལོ། གྲོགས་པོ་ཚོ།
བྱམས་པ་ཕུན་ཚོགས་དང་ལེགས་མཆོག་འདི་ཚོས་བོད་ལ་ཕན་པའི་ལས་ཀ་ཡག་པོ་འདི་བྱས་སོང་ཟེར་ཞིག་བསྟན་རྒྱུ་མེད་མོད་སྡུག་པོ་འདི་བྱས་སོང་ཟེར་བ་ཡང་ཆེར་མེད།
བོད་ལྗོངས་ཆ་འཕྲིན་གྱིས་བྱམས་ཕུན་དང་ལེགས་མཆོག་རྩ་དགོངས་སུ་བཏང་བའི་ས་གནས་ས་ཐོག་གི་གནས་ཚུལ་སྐོར་ལ་རང་ངོས་ནས་གསལ་ཁ་འདོན་མ་ཐུབ་པར། ཕྱིའི་གསར་ལམ་ཁག་གི་འགྲེལ་བརྗོད་འགའ་འདྲེན་བཀོད་བྱས་ཡོད་པ་གཤམ་གསལ།
ཚེས་༡༣ཉིན། ཞང་ཀང་གི་མིང་པའོ་ཞེས་པའི་ཚགས་པར་སྟེང་བཀོད་པའི་གནས་ཚུལ་ལྟར་ན། བོད་རང་སྐྱོང་ལྗོངས་ཀྱི་སྲིད་འཛིན་འགོ་གཙོ་བརྗེ་རྩིས་ཡོད་པ་སྟེ། ལེགས་མཆོག་གིས་བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་གྱི་ཀྲུའུ་རེན་གྱི་ལས་ཁུར་རྩ་དགོངས་ཞུས་ཤིང་། ཡང་དགུང་ལོ་༦༢ཡིན་པའི་བྱམས་པ་ཕུན་ཚོགས་ཀྱིས་ཀྱང་རང་སྐྱོང་ལྗོངས་ཀྲུའུ་ཞི་ཡི་ལས་ཁུར་རྩ་དགོངས་ཞུས་ཡོད་པ་རེད། ནང་ལོགས་ཀྱི་བོད་ལྗོངས་གནད་དོན་སྐོར་གྱི་ཆེད་མཁས་པས་བསྟན་པ་ལྟར་ན། ཐེངས་འདིའི་འགོ་ཁྲིད་བརྗེ་བ་ནི་རྒྱུན་ལྡན་གྱི་བྱ་བ་ཞིག་ཡིན་ཞིང་། བོད་ལྗོངས་ཉིད་མ་འོངས་པར་ཐོད་བརྒལ་རང་བཞིན་གྱིས་འཕེལ་རྒྱས་འགྲོ་བའི་མ་འོངས་སྔོན་བཀོད་ཅིག་ཡིན་པ་རེད།
ཀྲུང་གུང་ཀྲུང་དབྱང་ཆབ་སྲིད་ཅུས་ཀྱིས་དེ་སྔོན་ཚོགས་འདུ་ཚོགས་ནས་བོད་ལྗོངས་ཀྱི་ཐོད་བརྒལ་རང་བཞིན་གྱི་འཕེལ་རྒྱས་དང་ཡུན་རིང་བདེ་འཁོད་སྐོར་ལ་ཞིབ་འཇུག་གནང་ཞིང་། བོད་ལྗོངས་ཀྱི་མ་འོངས་པའི་འཕེལ་རྒྱས་དང་བརྟན་བརླིང་གི་ཕྱིར་དུ་གླེང་ཕྱོགས་གཏན་འཁེལ་བྱས་པ་ཞིག་རེད། པེ་ཅིང་གི་བོད་ལྗོངས་གནད་དོན་སྐོར་གྱི་ཆེད་མཁས་པ་ཅང་ཀྲའོ་ཡུང་གིས་མིང་པའོ་ཚགས་པར་གྱིས་བཅར་འདྲི་གནང་སྐབས་བསྟན་པར། ཐེངས་འདིར་བོད་ལྗོངས་ཀྱི་འགོ་ཁྲིད་བརྗེས་པ་དེས་བོད་ལྗོངས་ཀྱི་འཕེལ་རྒྱས་བསམ་ཕྱོགས་ལ་འགྱུར་བ་གཏོང་རྒྱུ་ཡིན་པ་དེ་མཚོན་ཡོད་པ་རེད།
གོང་གསལ་བོད་ལྗོངས་ཆ་འཕྲིན་གྱི་གནས་ཚུལ་འགོད་སྟངས་འདི་ནི་ཅུང་ཙམ་སྐོར་ལོག་ཅིག་མ་རེད་དམ།
བོད་མགོ་ནག་རི་འགོའི་རི་བོང་རེད།
ཁྱི་མགྱོགས་པོ་པདྨ་འཕྲིན་ལས་རེད།
རྙི་མཁས་པ་རྒྱ་ནག་དམར་པོ་རེད།
བོད་རི་བོང་ནམ་བཟུང་ཆ་མེད་རེད
བཤད་སྒྲུབ་ལགས་སེམས་པ་སྐྱོ་སྐྱོ་གནང་དགོས་ས་མ་རེད་དེ་ལས་ལྷག་པའི་རྒྱུག་ཁྱི་མགྱོགས་པོ་པདྨ་འཕྲིན་ལས་ཟེར་ཞིག་སྡུམ་ཡོད་ས་རེད་ད།
བྱམ་པ་ཕུན་ཚོགས་དང་ལེགས་མཆོག་གཉིས་ཕྱུག་པོ་ཆགས་ནས་དངུལ་གྱི་ཆེད་དུ་བོད་མི་ལ་སྡུག་པོ་གཏོང་རྒྱུ་མཚམས་འཇོག་བྱས་པ་འདྲ། ཡིན་ནའང་ད་དུང་སྤྲང་ཕྲུག་དངུལ་གྱི་ཆེད་དུ་བོད་མི་ལ་སྡུག་པོ་གཏོང་མཁན་གནའ་ནས་ད་ལྟ་བར་དུ་མཚམས་ཆོད་མྱོང་མེད། རྒྱ་ནག་གཞུང་གིས་སྤྲང་ཕྲུག་ཚོར་དངུལ་སྤྲོད་ན་བོད་མི་རིགས་ཀྱི་ལ་རྒྱ་དང་ཤ་ཁྲག་གཅིག་པའི་འདུ་ཤེས་བརྗེད་འགྲོ་ནི་རེད་མོ།
ང་ཕོད་འདས་གྲོངས་སུ་ཕྱིན་སྟབས་ཀྲུང་དབྱང་དང་བོད་རང་སྐྱོང་ལྗོངས་ཀྱི་བོད་རིགས་མི་སྣ་དེ་དག་ལ་འགྱུར་བ་རེ་མི་གཏོང་ཀ་མེད་ཆགས་ཡོད་པ་རེད་འདོད།
བྱམས་པ་ཕུན་ཚོགས་དང་ལེགས་མཆོག་གཉིས་རྒན་ཡོལ་བྱས་ཏེ་ཕྱིར་ཆབ་མདོ་དང་རྒྱང་རྩེ་ལ་མི་འགྲོ་བ་ནི་སུས་ཀྱང་ཤེས་གསལ་ལྟར། ཉིན་ཤས་རྗེས་སུ་མི་འདི་དག་གི་རེ་ཟུང་གི་ངོ་གདོང་པེ་ཅིན་ནས་མངོན་ཡོང་སྲིད།
དངོས་གནས་སེམས་པ་སྐྱོ་བ་ལགས། ཕྱི་ལོ་༢༠༡༠ལོ་འདིར་རྒྱ་བོད་གཉིས་ཀས་དགས་བསུ་ཐོབ་པའི་མི་སྣ་བཀའ་བློན་ང་ཕོད་མཆོག་དགོངས་པ་རྫོགས་པ་དང་བོད་རང་སྐྱོང་ལྗོངས་ས་གནས་སྲིད་གཞུང་གི་སྲིད་འཛིན་བྱབས་པ་ཕུན་ཚོགས་དང་མི་རིགས་འཐུས་མིའི་འགན་འཛིན་གཞོན་པ་ལེགས་མཆོག་གཉིས་ལས་གནས་རྩ་དགོངས་ཞུས་པ་བཅས་གནས་ཚུལ་སྡུག་པོ་འདི་འདྲ་རིམ་པས་ཐོན་བཞིན་འདུག་
བོད་རང་སྐྱོང་ལྗོངས་ཀྱི་མགོ་ཁྲིད་མཐོ་ཤོས་ནི་རྒྱ་རིགས་བློ་མཐུན་ཀྲང་ཆི་ལི་ཡིན་ལ་༢༠༠༦ ལོ་ནས་ད་བར་བོད་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་དང་། བོད་རང་སྐྱོང་ལྗོངས་དམག་ཨུད་ཀྱི་ལས་འགན་མཐོ་ཤོས་དེ་བཟུང་ཡོད།
གནས་རིམ་གཉིས་ནི་་བོད་རང་ལྗོངས་མི་དམངས་འཐུས་ཚོགས་རྒྱུན་ལས་ཀྲུའི་རེན་ཡིན་ལ་ ༢༠༠༨ ལོར་བོད་རིགས་བློ་མཐུན་ལེགས་མཆོག་བདམས་ཐོན་བྱུང་ཡོད་ཀྱང་ཉེ་དུས་ལས་གནས་ནས་རྩ་དགོངས་ཀྱི་སྙན་ཞུ་བཏང་ཡོད།
གནས་རིམ་གསུམ་པ་ནི་བོད་རང་སྐྱོང་ལྗོངས་ཀྱི་མི་དམངས་སྲིད་གཞུང་གི་རྒྱུན་ལས་ཀྲུའུ་ཞི་ཡིན་ལ་དེ་ནི་བོད་རིགས་བློ་མཐུན་བྱམས་པ་ཕུན་ཚོགས་ལགས་ ༢༠༠༨ ལོར་བསྐོ་བཞག་བྱས་ཡོད་ཀྱང་ད་ཆ་ལས་གནས་ནས་རྩ་དགོངས་ཞུས་ཟིན།
གནད་དོན་དེར་གཞིགས་ན་ལེགས་མཆོག་དང་བྱམས་པ་ཕུན་ཚོགས་གཉིས་ཀྱིས་བོད་ལྗོངས་བརྟན་བརླིང་གི་གནས་བབ་ལ་དེ་ཙམ་གྱི་བློ་ཁ་འཚིམས་པ་ཞིག་བྱུང་མེད་པའི་འོག་རྩ་དགོངས་མ་ཞུ་ཀ་མེད་ཐུབ་པ་མངོན་གསལ་ཡིན།
དུས་བབ་ནས་དུས་ཐོག་གསར་འགྱུར་སྤེལ་བར་ཐུགས་རྗེ་ཆེ། བྱམས་ཕུན་དང་ལེགས་མཆོག་དགོངས་པ་བཏང་བ་བཟང་མོད་ཀྱང་། པདྨ་འཕྲིན་ལས་ལྟ་བུ་ཚབ་ཏུ་བསྐོས་ན་དེ་ལས་སྡུག་ས་རེད།