རྟ་ནག་སྐལ་བཟང་ལུང་རིགས། (བལ་ཡུལ།)
གནམ་གྱིས་མི་ཁྱག་པའི་སྡུག་སྐད་འདི་ཐོས་མ་ཐག་ཏུ་སེམས་པ་རབ་ཏུ་ཤིན་ཏུ་ཀུན་ཏུ་འགུལ་ཞིང་། ཅི་ཞིག་བྱ་དགོས་པ་མ་ཤེས་པར་རེ་ཞིག་ལུས་སེམས་གཉི་ཀ་ཧད་དེ་ལུས། མགོ་བོ་བྲག་ལ་བརྡབས་པ་བཞིན་གྱི་ཚོར་བ་དྲག་པོ་བྱུང་། སྐད་ཅིག་ཐང་ཅིག་ཡུད་ཙམ་ལ་གནམ་འོག་གི་ཆག་སྒོ་ཡོད་ཚད་གཅིག་ཏུ་བསྡུས་ཤིང་བཟླུམས་ཏེ་བསྡོམས་ནས་ངའི་ཡུལ་ཤུལ་མི་མང་གི་ལུས་སེམས་གཉི་ཀ་རྡུལ་འཚུབ་སེ། སྐྱ་ཉིལ་ལེར་བཏང་སོང་།
ཆུ་དང་ཆུ་མིག མཚོ་དང་མཚེའུ། ལྟེང་ཀ་དང་ཆུ་ངོགས། གཡའ་ཆུ་དང་རྫ་ཆུ། རི་དང་རི་ཆེན། བྲག་རི་རྫ་རི། སྤང་ཐང་དང་སྤང་རི། ནགས་དང་ནགས་རི། ཐང་ཤིང་གསོམ་ཤིང་སོགས་མདོེར་ན་རང་བྱུང་ཁམས་ཆེན་མོའི་ཚེ་སྲོག་གི་གཞི་རྟེན་དུ་འབྲེལ་བའི་རྟེན་དང་བརྟེན་པ་གཉིས་ཀར་ལྕོག་དར་རླུང་དར་གྱི་ལབ་ཙེ་བཙུགས། བལ་དང་ཁ་བཏགས་ཀྱི་རྨུ་ཐག་བརྒྱུས་ནས་གཞི་ལ་གནས་པའི་གཞི་བདག་གསོལ། ཡུལ་ལ་གནས་པའི་ཡུལ་ལྷ་བསངས། ད་དུང་ཐབ་ལ་གནས་པའི་ཐབ་ལྷ། རླུང་ལྷ། མེ་ལྷ། ཆུ་ལྷ། ནགས་ལྷ་སོགས་སྟེང་གི་ལྷ། འོག་གི་ཀླུ། བར་གྱི་བཙན་སོགས་རང་བྱུང་ཁམས་ཆེན་མོའི་གཙོ་བོ་གཙོ་མོ་དེ་དག་ལ་ཞེ་གནག་པའི་རྐོ་ལོང་མ་བྱས། ཡིད་ཕྲ་བའི་ཕྲག་དོག་མཛད། ཁ་ཞེ་མ་འགྲས། གདོན་དང་མནོན་པ་མ་མཛད། རུ་ང་དང་གདུག་རྩབ་མ་མཛད། ས་རྐོ་རྡོ་སློག་མ་བགྱིས། གཅོད་འབྲེག་འབལ་གསུམ་མ་བྱས། ད་དུང་། ཟས་ཀྱི་ཕུད་དང་གོས་ཀྱི་རྩེ། བདུད་རྩིའི་བཅུད་སོགས་ལེགས་པའི་ཡང་ལེགས་པ་ཐམས་ཅད་གཙོ་བོ་གཙོ་མོ་དེ་དག་གི་ཞལ་དུ་བསྟབས་ཤིང་། གཞིས་སུ་འདུག་ན་སྡོངས་གྲོགས་མཛོད་ཅིག བྱེས་སུ་འགྲོ་ན་ཁ་འཛིན་དང་དཔང་བོ་མཛོད་ཅིག དཔའ་བོའི་གྲོགས་མཛོད་ཅིག སྲ་བའི་གོ་གྱིས་ཤིག རྣོ་བའི་མཚོན་གྱིས་ཤིག བྱིང་ན་སློངས་ཤིག བརྗེད་ན་སྐུལ་ཤིག འགྲོ་སའི་རི་བོ་གྱིས་ཤིག གབ་སའི་ནགས་ཚལ་གྱིས་ཤིག རྟེན་པའི་མཁར་གྱིས་ཤིག བྲག་ལམ་མེད་ལ་ལམ་གྱིས་ཤིག ཆུ་ཟམ་མེད་ལ་ཟམ་གྱིས་ཤིག ལེགས་པའི་ཆོས་གྱིས་ཤིག ཉེས་པ་ཟློག་ཅིག བསམ་པ་སྒྲུབས་ཅིག རེ་བ་སྐོངས་ཤིག མི་ལ་ནད་ཚ་མ་གཏོང་། ཕྱུགས་ལ་གོད་ཁ་མ་གཏོང་། ཁ་སྨྲས་དང་གླེང་བརྗོད་མ་གཏོང་། མི་ཁ་དང་དལ་ཡམས་མ་གཏོང་། དགྲ་རྐུན་དང་འཚེ་བ་མ་གཏོང་ཞེས་མི་ལོ་གཅིག་ནས་བཅུ། བཅུ་ནས་བརྒྱ། བརྒྱ་ནས་སྟོང་། སྟོང་ནས་ཁྲི་བྱས་ཏེ་གར་སོང་ས་ནས་གླེང་ཞིང་། གར་འདུག་ས་ནས་བསང་གསོལ་གྱི་མཉེས་པ་མི་དམན་པ་བགྱིས་ནའང་། སྐབས་དང་སྐབས་ལ་གནོད་བྱེད་ཀྱི་གླགས་བཙལ་ཞིང་། ཚོད་ཚོད་ལ་ཆག་སྒོ་ནམ་འབྱུང་གི་སྔོན་བརྡ་ཙམ་ཡང་མེད་པར་ཚེ་སྲོག་སྟོང་ཕྲག་དུ་མ་དངངས་ཤིང་འཇིགས་པར་བྱས། སྐྲག་ཅིང་ཞེད་པར་བགྱིས། ཡིབ་སའི་གནས་བསྙིལ། འགྲོ་སའི་ལམ་བརྡིབས། ཤིན་ཏུ་ཤིན་ཏུ་ནས་སྙིང་ཉེ་བའི་ཕ་མ་བུ་ སྤུན་གྱི་ལུས་པོ་ཀུན་པོ་གཅིག་ཐོག་གཉིས་བརྩེགས་ཀྱིས་སྡེབ་གནོད་དང་སྒོག་གསོད་ བྱས་སོང་། མཉམ་དུ་གླེབས་གནོན་བྱས་སོང་། འཇིགས་སྐྲག་འཁྲུལ་སྣང་གིས་མནར་བ། འཁྱགས་ལྟོགས་སྐོམ་གསུམ་གྱིས་གདུང་བ། རྨས་ཆག་གནར་གསུམ་གྱིས་གཟིར་བའི་ངའི་ཡུལ་མི་སྤུན་ཟླ་འདི་དག་གི་ཆེད་དུ། དོན་དུ། སླད་དུ་ངས་གདུང་བ་ཆེས་ལྕི་མོ་ཞིག་དང་ལྷན་དུ་བསྡོངས་ནས་ བསྔོ་སྨོན་ཞིག་བྱ་རྒྱུ་ལས་ཅི་ཞིག་ནུས་ཏེ་ཅི་ཡང་མ་ནུས་སོ།
“ས་འགུལ་གྱི་འཇིགས་པ་ཚབས་ཆེན་བྱུང་སྟེ་མི་གྲངས་ཧ་ཅང་ གི་མང་པོ་རྐྱེན་འདས་དང་རྨས་སྐྱོན། དེ་བཞིན་སྡོད་ཁང་དང་ཟ་ཆས་སོགས་གང་ཅིའི་ཆ་ནས་དཀའ་ངལ་བསམ་ཡུལ་ལས་འདས་ པ་འཕྲད་པར་བློ་ཕམ་ཚད་མེད་བྱུང་ཡང་། མཆོག་གསུམ་ རྒྱལ་བ་མཚོར་གསོལ་འདེབས་སྨོན་ལམ་བྱ་རྒྱུ་ཙམ་ལས་དངོས་སུ་རོགས་ཕན་བྱ་ཐབས་དབེན” (༧གོང་ས་མཆོག་གི་གསུང་འཕྲིན་ལས་དྲངས)པ་ནི་ང་ཐེ་བའི་ཡུལ་བྱོལ་བ་ཁྲི་ཁྲི་འབུམ་འབུམ་མང་ པོའི་ཤ་ཡི་གསེང་དང་། སྙིང་གི་རུས་པ། མིག་གི་རྣོ་ལ་ཟུག་པའི་སྡུག་བསྔལ་གྱི་ཡང་སྡུག་བསྔལ་ཡིན་ཡང་། འདི་ནི་འུ་བུ་ཅག་གི་བར་ཐག་ཡུལ་གྱིས་བསྐལ་བ་དང་དུས་ཀྱིས་ བསྐལ་བ་ཙམ་མ་ཡིན་པར་གངས་རིའི་སྒོ་མོ་ལྕགས་ཁྲབ་དང་མེ་སྒྱོགས། ལམ་གྱི་སྒོ་མོ་འཕྲེད་ལྕགས་དང་དཔུང་དམག་གིས་ མ་ཚང་བ་མེད་པར་མཐའ་ཀུན་ཏུ་བསྐོར་ནས་ཡོད་པས་ཡིན་ཏེ། འཇིག་རྟེན་གླིང་ལ་མ་གྲགས་པའི་རྐྱེན་ངན་འདི་ལྟ་བུ་ལའང་ངེད་ཡུལ་བྱོལ་བ་ཚོས་གཤིན་པོར་སྐྱེལ་མ་མཛད་མ་ཐུབ། གསོན་པོར་ཉེན་ སྐྱོབས་བགྱི་མ་ནུས་པ་ནི་ཇི་འདྲའི་ཕངས་པ་ལ། དེ་འདྲའི་སྡུག་པ་ལ། སྐྱོ་སྡུག་ས་དང་གནམ་གྱིས་ཁྱོག་དཀའ་བ་ཡོད་ཨང་། ཚོར་བ་དེ་གངོས་གནས་སྨྲ་བསམ་བརྗོད་བྲལ་ཞིག་རེད་ཨང་།
དེ་ལྟ་ནའང་། ངེད་ཅག་ནི་ནང་པ་སངས་རྒྱས་པའི་རླབས་ཆེན་པོའི་ཆོས་ལུགས་གཤའ་མ་དོན་དུ་གཉེར་མཁན་ཞིག་ཡིན་པའི་ཆ་ནས། འཇིག་རྟེན་སྣ་ཚོགས་ལས་ལས་སྐྱེས་པའི་ལྟ་གྲུབ་ལ་ཡིད་རྟོན་པར་བགྱིས་ཤིང་། སྡུག་མགོ་ཐོག་ཏུ་ལྷུང་ན་མི་ངུ་བ་ཆོས་པ་དང་། གྲི་སྙིང་ཀ་རུ་བརྡབས་ཀྱང་མི་གློད་པ་ནི་དཔའ་ཡིན་པའི་རང་ཚུགས་སྲུང་ཞིང་བསྡོམ་པར་མཛོད་དང་ང་དང་ང་འདྲ་བའི་ཡུལ་བྱོལ་བ་དག་གི་སེམས་པ་ག་དུས་ཡིན་ནའང་ཁྱེད་ཚོ་དང་ མཉམ་དུ་ཡོད། ལྷུན་དུ་ཡོད། ཚེ་ཚེ་རབས་རབས་སུ་ཡོད།
རྨི་ལམ་ཐུན་གཅིག་གི་ཡུན་ཚད་ལ།
ཤིན་ཏུ་ནས་ཉམ་ཆུང་བའི་སེམས་པ་དམར་རྗེན་པ་མང་པོ།
ས་གནམ་ཁ་སྦྱར་གྱི་ཆག་སྒོ་མཉམ་དུ་གླེབས་སོང་།
སྡེབ་གསོད་འདིའི་རྒྱུ་རྐྱེན་གང་ལ་བཙལ། གང་གིས་བཙལ། ཇི་ལྟར་བཙལ། ཅིའི་ ཕྱིར་བཙལ་ནའང་།
ངའི་ནང་མི་སྤུན་ཟླ་འདི་དག་གི་མགོ་ཐོག་ཏུ་གནམ་རུལ་ས་ རྡིབ་ཀྱི་ཆག་སྒོ་འདི་འབྱུང་དགོས་པའི་རྒྱུ་མཚན་སུས་ཀྱང་རྙེད་མེད།
ཡོད་ཚད་སྟོར། ཐམས་ཅད་བོར་ ཟིན་པའི་ཆག་སྒོ་འདིའི་ཁྲོད་དུ་སུས་ཀྱང་རྙེད་མེད།
གཅིག་ཁོ་ན་རྙེད་པ་ནི ༣.༡༤ ༤..༡༤ ཤ་དང་ཁྲག་གིས་བྲིས་པའི་ཨང་གྲངས་འདི་དག་གོ།།
ལྷ་སྤྱན་རས་གཟིགས་ཀྱིས་ཐུགས་རྗེ་རྐྱོངས།
གྲོགས་རྟ་ནག་ལགས་ཚེ་རིང་ལོ་བརྒྱའི་ཁ་པར་ཨང་ཀི་དེའི་ཐོག་ཁ་པར་ཞིག་གནང་རོགས་ཟེར། 9882543193 ཚེ་རིང་ཞལ་བྲོ།
རྟ་ནག་པ་སླེབས་ནོ་དགའ་ཡོད། ཁྱོད་དང་མ་ཐུག་པར་ལོ་གཅིག་ཙམ་འགོར་སོང་། དེ་རིང་གཞི་ནས་སེམས་པ་མཇལ་སོང་། དགའ་གི་ཡོད། རྗེས་ཕྱོགས་མུ་མཐུད་དུ་ཕྲིས་དང་ཀློག་ངེས་ཡིན།
མཚོ་སྔོན་རྟ་ནག་པ་མ་གོ་མ་ཐོས་པར་ཟླ་འགའ་འགོར་སོང་། དེ་རིང་གཞི་ནས་བལ་ཡུལ་ནས་གླུ་ཞིག་བླངས་འདུག་ སེམས་སྟེང་ནས་དགའ་སོང་། མུ་མཐུད་དུ་བྲིས་དང་ཀློག་ངེས་ཡིན།
བརྗོད་པའི་གཞི་བརླག་ཚར་ནས་མེད་ག
ཚིག་སྙན་མོ་ཚང་མ་བསྒྲིགས་ནས་འདིར་བཀོད་པ་ཙམ་ལས་དོན་དག་ཅི་ཡང་བཤད་མི་འདུག མི་འདི་ཅན་པོ་རིག་ན་སུན་གི།
གནམ་ས་གོ་འབྱེད་སྐུ་དྲིན་ཆེ། ས་གནམ་ཁ་སྦྱར་ཁྱེད་ལ་འགྲན།
མཁས་དབང་ཞོགས་དུང་སྐུ་དྲིན་ཆེ། རྟ་ནག་ལུང་རིགས་ཁྱེད་ལ་འགྲན།
ས་གནམ་ཁ་སྦྱར་མ་ཡིན་པར། ཞོགས་དུང་རྟ་ནག་ཁ་སྦྱར་རེད།
འདི་ལྟར་ཡང་ཡང་འབད་པ་ན། ཞོགས་དུང་བཞིན་དུ་སྙན་གྲགས་རྒྱས།
ཉམས་ཆུང་རྟ་ནག་ཐང་ལ་སླེབས་དུས་རྒྱུགས་རྩལ་རླུང་དང་དོ་ཟླ་འགྲན།།
ནམ་ཞིག་རྟ་ནག་སེམས་པ་ཐིབས་དུས་ར་གཟི་བཅུ་ཡི་དོ་ཟླ་འགྲན།།
རྟ་ནག་པ་དང་ཁ་རྩོད་ཤོར་ན་སྤྱང་ཀི་ལུག་དང་དོ་ཟླ་འགྲན།
རྟ་ནག་པ་དང་གྲོས་ཤིག་མཐུན་ན་བཟའ་ཚང་གཉིས་དང་དོ་ཟླ་འགྲན།།
དེ་རིང་རྟ་ནག་སླེབས་པར་དགའ་བསུ་ཡོད་དཱ
རྟ་ནག་སླེབས་པར་དགའ་བསུ་ཞུ། ངས་ནི་ཁྱེད་ལ་གྲགས་འགུལ་མི་འདུག་བསམ་ནས་བསྡད་ཡོད།
ཨ་ལ་ལ། ཕྲེང་དུ་བསྟར་བའི་རྒྱན་ཚིག་འདི་དག། མིང་གི་རྣམ་གྲངས་སུ་གྱུར་བའི་ཚིག་རྐྱང་འདི་དག དཔའ་སྐད་གཟེངས་སུ་ཐོན་པའི་ཆེ་ཚུགས་འདི་དག ཨོ་ཧོ་ཧོ། རྒྱན་ཚིག་གམ། བྱ་བ་དང་ལས་ཀྱི་ངང་ཚུལ་སྟོན་པའི་ཚིག་ཚོགས་འདི་དག ཨ་ལ་ལ་རྟ་ནག་པའི་སེམས་ལ་མཛོད་དུ་འཕྱུར་ཡོད་པ་འདྲ་ཨང་།
རྟ་ནག་པ་ང་སླེབས་ཡོད། མུ་མཐུད་སྐབས་སུ་བབ་པའི་རྩོམ་ཡིག་གང་མང་སྤེལ་བའི་རེ་བ་ཡོད། བཀྲ་ཤིས་བདེ་ལེགས།
དེ་རིང་གཞི་ནས་རྟ་ནག་པ་སླེབས་སོང་། བཟང་གི་མུ་མཐུད་དུ་ཕྲིས།