བསྟན་འཛིན་འཇམ་དབྱངས།
ཉེ་བའི་ཆར་རླུང་འཕྲིན་དང་བརྙན་འཕྲིན་དྲ་ངོས་སོགས་ནས་རྩོམ་པ་བོ་ཞོགས་དུང་རྒྱ་ནག་གིས་བཀག་སྐྱིལ་ཐད་ལ་བགྲོ་གླེང་སྣ་ཚོགས་ཞིག་བྱེད་རྒྱུ་འདུག སྤྱིར་ཡིན་ན་མི་ཉེས་མེད་ཞིག་ལ་སྐྱོན་འཛུགས་བྱས་ནས་བཙན་པོས་གཉའ་གནོན་ཀྱིས་བཙོན་ཁང་དུ་ཁྲིད་ན་སེམས་སྡུག་གི་སྐད་ཆ་དང་ལབ་གླེང་སོགས་རང་འགུལ་ཏུ་ཕྱི་ལ་ཤོར་ཡོང་། འདི་ནི་མི་སེམས་ཀྱི་དགོས་དབང་ཞིག་དང་སྐྱོ་སྣང་གི་ན་ཟུག་ཞིག་ཀྱང་རེད། འུ་ཅག་ལ་ན་ཟུག་དང་སྐྱོ་གདུང་ལོས་ཡོད། ཡིནའང་། གསར་འགྱུར་བརྒྱུད་ལམ་དུ་ཞོགས་དུང་གི་གནས་ཚུལ་ཁྱབ་བསྒྲགས་བྱེད་མཁན་རྣམས་ཀྱིས་གཟབ་གཟབ་བྱེད་དགོས། ཁོང་བཀག་འགོག་བྱས་ཡོད་ཀྱང་རེ་བ་བཟང་ས་ནས་བརྒྱབ་སྟེ་གྲལ་སྒྲིག་སྡུག་ས་ནས་བྱེད་བཞིན་གསར་འགྱུར་ཁག་ཏུ་དྲང་བདེན་དང་ཕྱོགས་སློང་མེད་པའི་སྒོ་ནས་ཁྱབ་བསྒྲགས་ལེགས་པོ་བྱེད་རྒྱུ་གལ་ཆེ།
གསར་འགོད་པ་དང་ཟིན་བྲིས་པ་སྐོར་ཅིག་གིས་ཞོགས་དུང་གི་མ་འོངས་པའི་མི་ཚེའི་མདུན་ལམ་ཐད་ལ་འདང་ཅུང་ཙམ་ཞིག་ཀྱང་རྒྱག་གི་མི་འདུག ཨ་འབྲུག་དཀོན་མཆོག་གིས་རྒྱ་ནག་གིས་ཞོགས་དུང་བཟུང་། ཞོགས་དུང་གིས་རྒྱ་ནག་བཟུང་ཞེས་འདི་ལྟར་བྲིས་པ་ནི་རྒྱ་ནག་གིས་ཁོང་ལ་ལྟ་སྟངས་སྡུག་ཏུ་འགྲོ་བ་དང་། འདི་ནི་བསྟོད་མི་ཤེས་ནི་ཞིག་གིས་བསྟོད་པ་ལས། དམད་མི་ཤེས་ནི་ཞིག་གིས་དམད་ན་དགའ་ཞེས་པའི་དཔེ་ལྟར་འགྲོ་ངེས་ཏེ། ཁོང་ལོ་གཅིག་ལ་བཙོན་དུ་འདུག་དགོས་ན་ལོ་བཅུ་ལ་མི་འཕར་བའི་ངེས་པ་ག་ལ་ཡོད། རྒྱ་ནག་གིས་བཙན་བྱོལ་སྤྱི་ཚོགས་ཀྱི་གནས་སྟངས་ལ་བལྟས་ནས་ཐག་གཅོད་བྱེད་ངེས་རེད། ད་དུང་ཁ་གསལ་བོ་བྱས་ནས་ཞུས་ན། རོང་རྒྱས་ཨ་གྲགས་ཟེར་བའི་དཔའ་བོ་དེ་ལ་བོད་ཀྱི་གཞོན་ལྷན་གྱིས་རྒྱལ་གཅེས་དཔའ་བོའི་གཟེངས་རྟགས་སྤྲད་པ་ལས་ཁོང་ལ་ལོ་གཉིས་འཕར་སྣོན་གྱིས་བཙོན་ཁང་དུ་འདུག་དགོས་བྱུང་བ་རེད། སྤྱིར་བཏང་ཁོང་ལ་གཟེངས་རྟགས་ཕུལ་ལོས་དགོས་མོད། ཡིན་ནའང་། ཁོང་རྒྱ་ནག་གི་བཙོན་ནས་ཉིན་གཅིག་རིང་བཞུགས་པའི་ན་ཟུག་དང་གཅར་རྡུང་སོགས་ལ་ཐུགས་བསམ་བཞེས་ཨེ་མྱོང་།
འུ་ཅག་ལ་མི་འདི་ལྟ་བུའི་བསམ་བློ་བ་ཉུང་ཉུང་ཡིན་སྟབས་ཁོང་མྱུར་ཏུ་གློད་གྲོལ་ཐོབ་པའི་འབད་བརྩོན་བྱ་དགོས། དེ་ལས་ལྡོག་ཏེ་ཁོང་ལ་བཟང་བསྟོད་དང་ལ་རྒྱ་ཡོད་ རབས་དཔའ་བོ་ཡིན་རབས་སོགས་བཤད་ནས་ལོ་བཅུ་གྲངས་འགའི་བཙོན་ཐག་གཅོད་དུ་བཅུག་ན་འུ་ཚོ་ལ་ཅུང་རྒུད་ཡིན་པ་མ་ཟད། ཁོང་དང་ཁོང་གི་ནང་མི་ལའང་དོ་ཕོག་ཚབས་ཆེན་བཟོས་ཡོད་པ་བུ་མོ་ཡེ་ཤེས་འཚོ་མོའི་སྐད་ཆ་ལས་གསལ་པོར་ཤེས་ཐུབ།
ཨེ་ཤ་ཡ་རང་དབང་རླུང་འཕྲིན་ཁང་གི་གསར་འགོད་པ་སྟག་ལྷ་རྒྱལ་གྱིས་ཞོགས་དུང་གི་གནས་ཚུལ་རླུང་འཕྲིན་བརྒྱུད་ནས་སྒྲོགས་རྒྱངས་བྱེད་སྐབས། བཙན་བྱོལ་བོད་གཞུང་དང་བཀའ་ཤག་གིས་དོ་སྣང་བྱས་མ་སོང་ཞེས་མི་འདོད་པའི་སྐད་ཆ་འགའ་བཤད་བྱུང་། གསར་འགོད་པ་དང་རྩོམ་པ་པོ་འགའ་རེས་ཞོགས་དུང་ལ་གནོད་བསྐྱལ་བ་ལས་ཕན་བཏགས་མེད་པ་ཚང་མས་ཤེས་ནུས། མདོར་བསྡུས་ན། མི་རིགས་རང་ཉིད་ཀྱི་སྐྱིད་སྡུག་བརྗོད་པའི་དཔེ་དེབ་དང་འོད་སྡེར་སོགས་ཐ་ན་སྐད་ཆ་གཅིག་གིས་ཀྱང་མི་ཚེ་བཙོན་ཁང་དུ་སྡོད་དགོས་ཐུག་པ་ནི་འུ་ཅག་ལ་རང་དབང་ཡོད་སོང་བ་རེད་དམ་མེད་སོང་བ་རེད། རྒྱུ་མཚན་དེ་བས་ན་ཞོགས་དུང་ཁོང་ལའང་མིའི་རང་དབང་དང་། འདྲ་མཉམ། ཐོབ་ཐང་དགོས་པའི་དགོས་པའི་ལས་འགུལ་སྤེལ་རྒྱུ་ལས། ཁོང་གི་ནང་སེམས་ཀྱི་འཆར་སྣང་དང་རྣམ་དཔྱོད་སོགས་ལ་སྡོམ་ཚིག་འཇོག་རྒྱུ་ད་ལྟ་སྔ་དྲགས་འདུག་སྙམ།
སྐུ་ཞབས་བསྟན་འཇམ་ལགས།
ཁྱེད་ཀྱི་ཞོགས་དུང་ལ་སེམས་ཁུར་ཆེན་པོ་གནང་འདུག་ཐུགས་རྗེ་ཆེ་ཞུ། བཤད་པའི་གཏམ་ལ་གོ་རྒྱུ་འདུག འོན་ཀྱང་༼དམད་ཤེས་ནི་ཞིག་གི་དམད་ན་དགའ༽རེད་དགོངས་པ་མ་ཚོར།
སྐུ་ཞབས་ཞོགས་དུང་གློད་ཐབས་ཀྱི་གྲོས་གཞི།
དང་པོ། བོད་མི་གཞིས་པ་ཚོས་སྒྲུབ་དགོས་པའི་དོན་ཚན།
སྐུ་ཞབས་ཞོགས་དུང་གི་བུ་མོས་བཅར་འདྲི་བརྒྱུད་ནས་བཤད་པ་ལ་གཞིགས་ན། བོད་ནང་ན་ཁོང་གློད་ཐབས་ལ་ལས་དོན་སྒྲུབ་པ་དེ་ཕྱིར་མ་བསྒྲགས་པའམ་ཤུགས་ཆེར་བསྒྲུབས་མེད་པར་གྲགས།
དེ་འདྲ་ཡིན་པའི་དབང་དུ་བཏང་ན་བོད་མི་གཞིས་པ་ཚོས་སྒྲུབ་དགོས་པ་གཤམ་དུ།
གཅིག
བོད་ནང་གི་ཤེས་ཡོན་པ་ཚོས་ཐབས་མཁས་བརྟེན་ནས་མཚོ་སྔོན་ཞིང་ཆེན་གྱི་འབྲེལ་ཡོད་ལས་ཁུངས་ཁག་སྟེ། མི་དམངས་སྲིད་གཞུང་། རྒྱལ་ཁབ་བདེ་འཇགས་ལས་ཁུངས་དང་། ཉེན་རྟོགས་ལས་ཁུངས། དམངས་འཐུས་ཚོགས་ཆེན་རྒྱུན་ལས་ཁང་། མི་དམངས་ཁྲིམས་ཁང་སོགས་ལ་ཞུ་གཏུགས་ཡེ་གེ་འབུལ་བ།
གང་ཡིན་ཞེ་ན། ཤེས་ཡོན་པའི་རྒྱ་ནག་གཞུང་ལ་སྙན་ཞུ་ཕལ་བ་དེས། མ་མཐར་ཡང་ཞོགས་དུང་ཁོང་ལ་ཤེས་ཡོན་པའི་སྡེ་ན་དོ་སྣང་ཡོད་པ་གསལ་བོར་སྟོན་ཐུབ་པ་དང་། སྟབས་ལེགས་ན་རྐྱེན་དེ་ལས་གློད་ཀྱང་སྲིད།
གཉིས།
ཁོང་གི་གཉེན་ཉེ་འབྲེལ་ཚོ་ལ་གཞིས་པ་བོད་མི་ཚོས་དངོས་ཤུགས་བརྒྱུད་གསུམ་ནས་རོགས་རམ་དང་རོགས་དངུལ་སྤྲོད་པ། ཁོང་ཚོར་སེམས་གསོ། ཁྲིམས་རྩོད་པ་ཞུ་རྒྱུར་རོགས་རམ་བྱེད་པ། ཁོང་ཚོ་དང་མཉམ་དུ་མི་སྐོར་ཁག་བྱས་ཏེ་རེ་མོས་ཀྱིས་བཀག་ཉར་ཁང་ལ་འཚམས་འདྲི་དང་། མཚོ་སྔོན་གྱི་འབྲེལ་ཡོད་ལས་ཁུངས་ཁག་ལ་གློད་གྲོལ་རེ་ཞུར་འགྲོ་བ།
གསུམ།
མི་མང་གིས་ཀྱང་གོང་གསལ་འབྲེལ་ཡོད་ལས་ཁུངས་དག་ལ་ཁ་པར་དང་འཕྲིན་ཡིག་བརྒྱུད་ནས་གློད་གྲོལ་རེ་འབོད་བྱེད་པ། དྲ་རྒྱ་དང་མི་ཁ་ནས་གླེང་སློང་ཤུགས་ཆེར་བྱེད་པ།
རྒྱུ་མཚན་ནི་རྒྱ་ནག་ནང་ཁུལ་གྱི་ཤེས་ཡོན་པ་སོགས་གསང་བའི་འཛིན་བཟུང་བྱས་པའི་ཚེ། མི་མང་གིས་དོ་སྣང་དང་གླེང་སློང་ཤུགས་ཆེར་བྱས་ཏེ་གློད་གྲོལ་བྱུང་བ་ཡོད་སྲིད་པས། གཞུང་དེ་ལ་མི་མང་གིས་སུན་གཙེས་གཏོང་པའི་ཐབས་འདི་རང་རེས་ཀྱང་བསྟེན་དགོས།
བཞི།
རྒྱ་རིགས་ཤེས་ཡོན་པ་དྲང་བདེན་སྐྱོང་མི་དག་ལ་འབྲེལ་བ་བྱས་ཏེ་ཁོང་ཚོར་ཞོགས་དུང་གློད་ཐབས་ལ་རོགས་རམ་ཞུ་བ་དང་། རྒྱ་ཡིག་གི་དྲ་རྒྱ་ལྟ་བུའི་འཕྲིན་ལམ་ནས་ཁོང་གི་སྐོར་གླེང་སློང་ཚད་ཇེ་ཆེར་གཏོང་བར་རེ་སྐུལ།
གཉིས་པ།
བཙན་བྱོལ་བོད་མིས་སྒྲུབ་དགོས་པའི་དོན་ཚན་ཁག་ནི།
གཅིག
ཐད་ཀར་ངོ་རྒོལ་སྐད་འབོད་མི་བྱེད་པར་བརྒྱུད་ནས་གློད་ཐབས་བྱ་བ་ལ། དཔེར་ན། རྒྱལ་ཁབ་སོ་སོའི་གཞུང་དང་གཞུང་ཚབ་ཁང་ལ་ཡིག་ཐོག་ནས་ སྐུ་ཞབས་ཞོགས་དུང་གློད་གྲོལ་ཡོང་བར་རེ་འབོད་བྱེད་པ་སྟེ། རྒྱལ་ཁབ་དེ་ཚོས་སྐུ་ཞབས་ཁོང་གློད་ཐབས་ལ་རང་གི་གཞུང་ཚབ་བརྒྱུད་ནས་རྒྱ་ནག་དབུས་དང་མཚོ་སྔོན་ས་གནས་སྲིད་གཞུང་ལ་ཁ་པར་གཏོང་བ།
གཉིས།
བོད་དོན་རྒྱབ་སྐྱོར་ཚོགས་པ་ཁག་ཕུད་པའི་རྒྱལ་སྤྱིའི་གཞུང་འབྲེལ་མིན་པའི་ཚོགས་པ་དང་། རྒྱ་ནག་ནག་ཏུ་ཡོད་པའི་རྒྱལ་སྤྱིའི་གསར་འགྱུར་བརྒྱུད་ལམ་ཁག་ལ་སྙན་ཞུ་ཕུལ་ནས། ཚོགས་པ་དེ་ཚོས་རྒྱ་ནག་གཞུང་ལ་ཐད་ཀར་དང་རྒྱལ་ཁབ་ཁག་ན་ཡོད་པའི་རྒྱ་ནག་གཞུང་ཚབ་ཁང་སོ་སོར་གློད་གྲོལ་ཆེད་དུ་ཁ་པར་དང་འཕྲིན་གཏོང་བར་རེ་སྐུལ།
གསུམ།
བདེ་འཇགས་ཀྱི་ལམ་ཁ་རྙེད་ན་བརྒྱུད་ནས་སྐུ་ཞབས་ཞོགས་དུང་གི་ནང་མིར་རོགས་དངུལ་སྤྲོད་པ།
གསུམ་པ།
བཙན་བྱོལ་བོད་མི་ཚོས་གཟབ་དགོས་པའི་དོན་ཚན་ནི། སྐུ་ཞབས་ཞོགས་དུང་གི་ནང་མིར་ཁ་པར་བརྒྱུད་ནས་འབྲེལ་བ་བྱ་སྐབས། ཁོང་ཚོའི་བདེ་འཇགས་ལ་འགན་འཁུར་དགོས་པ། བོད་དོན་རྒྱབ་སྐྱོར་ཚོགས་པ་ཁག་དང་། ཨེ་ཤུ་ཡ་རང་དབང་རླུང་འཕྲིན་ཁང་། ཨ་རི་རླུང་འཕྲིན་ཁང་སོགས་ཀྱིས་ཁོང་གི་མི་ཚོར་བཅར་འདྲི་བྱས་པ་ལས་རག་པའི་གནས་ཚུལ་རྣམས་ཀུན་ཀྱི་ཐོག་མར་རང་རང་གི་གསར་འགྱུར་བརྒྱུད་ལམ་དུ་འགོད་པར བརྩོན་ལེན་གྱི་ཕྱིར་དུ་སྒྲོག་མི་རུང་། གོང་གསལ་བོད་དོན་ལ་དམིགས་ནས་བཙུགས་པའི་བརྒྱུད་ལམ་དེ་ཚོས་བོད་ནང་གི་མི་ལ་བཅར་འདྲི་སོགས་བྱས་ཏེ་གནས་ཚུལ་རག་ནའང་། ཐོག་མར་འཛམ་གླིང་ན་རྒྱུག་ཆེ་ཤོས་ཀྱི་གསར་ལམ་དུ་འགོད་ཐབས་ལ་བརྩོན་པ་དང་། དེ་ནས་ གསར་ལམ་གྲགས་ཅན་གཞན་དག་ལས་ཚུར་དྲངས་ཏེ་གསར་འགྱུར་གཉིས་པའི་ཚུལ་དུ་བསྒྲགས་ན་ལེགས། རྒྱུ་མཚན་གང་ཡིན་ཟེར་ན། སྐུ་ཞབས་ཞོགས་དུང་ལྟ་བུའི་རྒྱ་གཞུང་གི་ལས་བྱེད་ཡིན་པའི་བོད་མིའི་སྐོར་གྱི་གནས་ཚུལ་དེ་རྒྱལ་སྤྱིའི་གསར་ལམ་ཆེ་ཤོས་ཤིག་ནས་ཆེས་ཐོག་མའི་གསར་འགྱུར་དུ་འགོད་ཐུབ་ན། གཅིག་ནས་ཁྱབ་ཚད་ཆེ་བ་དང་། གཉིས་ནས་རྒྱ་ནག་གཞུང་གིས་ཀྱང་གཟུར་གནས་ཀྱི་གསར་ལམ་དག་ལས་ཐོན་པའི་གསར་འགྱུར་ལ་མཐོང་ཚུལ་མི་འདྲ་བ་འཛིན་པ་ཡིན། དེ་མིན་གསར་ལམ་ཆུང་རིགས་ནས་བསྒྲགས་ཟིན་ན་གཟུར་གནས་ཆེ་ཤོས་ཁག་གིས་གནས་ཚུལ་བསྒྲགས་ཟིན་པ་མི་འགོད་པ་དང་། བོད་དོན་ལ་དམིགས་སུ་བཙུགས་པའི་གསར་ལམ་དང་ཚོགས་པ་ཁག་གིས་བདེན་པ་བསྒྲགས་ཀྱང་། རྒྱ་ནག་གཞུང་གིས་དེ་དག་ནི་ཀྲུང་གོར་སྡང་བའི་ཚོགས་པར་བགྲངས་ནས་དགག་རྐྱང་བྱེད་པ་དང་། ད་དུང་རྒྱུ་མེད་རྣམ་རྟོག་གིས་བཀག་ཉར་དུ་ཡོད་པའི་མི་དེ་ལ་ཉེས་པ་འགེལ་བའི་རྒྱུར་ཡང་འགྲོ་སྲིད།
གཉིས།
གོང་གསལ་སྒྲུབ་འོས་པ་དག་སྔོན་ལ་མ་སོང་བའི་གནས་སྐབས་དེ་ལ། བཙན་བྱོལ་བ་ཚོས་སྐུ་ཞབས་ཞོགས་དུང་གི་སྐོར་ལ་ངོ་རྒོལ་སོགས་དངོས་བསྟན་གྱི་ལས་འགུལ་རིགས་རེ་ཞིག་མ་བྱས་ན་ལེགས། དེ་མིན་གཞིས་པ་བོད་མི་ཚོས་སྐུ་ཞབས་ཁོང་ཉེས་མེད་དུ་བསྒྲུབས་ནས་གློད་ཐབས་བྱེད་པ་ལ་གནོད་སྲིད།
མཐར་སྐུ་ཞབས་ཞོགས་དུང་གི་ལུས་སེམས་ལ་སྡུག་བསྔལ་མེད་པར་མྱུར་དུ་གྲོལ་བའི་སྨོན་འདུན་དང་། ཁོང་གི་ནང་མི་ཚོར་སེམས་གསོའི་འཚམས་འདྲི་དང་བཅས།
ཚེ་རིང་རྡོ་རྗེ་ནས།
༢༠༡༠ལོའི་ཕྱི་ཟླ༥ཚེས༢ཉིན་བྲིས།
འོ་དགོངས་དག་ཞུ་ཡིག་ནོར་ཤོར་བ་དེ་ཚོ་ང་ལ་ཡོན་ཏན་མེད་པས་འབྲིས་བུ་རེད།ཡིན་ནའང་གཞན་ལ་ཕན་མི་ཐོག་པའི་ཁྱབ་བསྒྲགས་ཞིག་ལ་དོན་ལ་དེ་འདྲ་མ་བྱས་ན་བཟང་།དམག་མི་དང་ཁོང་ཚོགཅིག་པ་རེད།ང་ཚོའི་ཁོང་ཚོའི་ཆེད་དུ་ལས་འགུལ་རེ་སྦེལ་ན་བཟང་ཕྱོགས་ལ་བསམ་ཤེས་མི་བྱེད་པ་མ་ཟད་མི་ཁོ་རང་ལ་དེ་ལས་བསམ་ཤེས་མ་བྱས་ན་རྒྱལ་སྤྱིའི་ཐོག་དམག་ལ་ལྟ་སྟིང་དང་གཅིག་མཚུངས་ཆག་པ་རེད།དམག་མི་ལ་མི་སུ་ཡིན་ན་འངཁོང་གི་མི་ཚེ་དང་རང་དབང་འཚོལ་ཕྱོགས་ལ་བསམ་ཤེས་བྱེད་མྱོང་མེད།དེ་ཡང་ནོར་བ་ཞིག་ལས་མ་འདས།
ངོ་མ་བདེན་པ་རེད། བསམ་ཚུལ་ཡག་པོ་བྲིས་འདུག ཚང་མས་བསམ་བློ་ཡག་པོ་གཏོང་རོགས་ཞུ། ཕན་མི་ཐོག་ན་གནོད་མ་བྱེད།
སྐབས་འདི་དང་འབྲེལ་བ་དེ་ཙམ་མེད་པ་ཞིག་སྟེ། བོད་པའི་གཞས་པ་གྲགས་ཅན་བཀྲས་ཆུང་ལགས་ནས་གཙོ་ཁྲིད་བྱས་པའི་བོད་པའི་ལོ་རྒྱུས་སྟེང་གི་བོད་རིགས་བྱིས་པའི་གླུ་གཞས་ཆེད་བསྒྲིགས་འོད་སྡེར་སེམས་གཞས་ཞེས་པ་དེ་མི་འགྱངས་པར་བྱང་ཨ་རིའི་བོད་རིགས་འདུས་སྡོད་ས་ཁུལ་གྱིས་གཙོས་པའི་སྤྱི་ཚོགས་སྟེང་འགྲེམ་སྤེལ་དང་སྐོར་སྐྱོད་བྱེད་རྒྱུ་རེད། གནས་ཚུལ་གསལ་བོ་གཤམ་གྱི་དྲ་རྒྱ་ལས་ཤེས་ཐུབ།
http://www.semshae.org
ཅི་ཡང་མ་བཤད་པར་བསྡད་ན་ནི་བརྩན་བྱོལ་གཞུང་དམང་གཉིས་ནས་གང་ཡང་བྱས་མ་སོང་ཞེས་སྐྱོན་བརྗོད་བྱེད་གི་རེད་ལ། བྱས་བྱས་བཏང་བཏང་ཤད་ན་ཡང་ཁོང་ལ་གནོད་བསྐྱལ་བ་རེད་ལབ་གི་རེད། ད་གང་ཞིག་བྱེད་དགོས་པ་ཡིན་ནམ།
ཡ་ཐ། ངུ་མཁན་མཐོང་བས་ངུ་རྙིང་བྲོ། གོད་མཁན་མཐོང་ན་འགོད་རྙིང་བྲོ་ཟེར་བ་ལྟར། གནས་བབས་ཅི་ཡང་མ་རྟོགས་པ་འུར་བཤད་ལུང་པ་གང་བྱས་ཀྱང་དེ་ལ་ཡང་རྒྱབ་སྐྱོར་དང་མོས་མཐུན་ཡོད་རབ་དང་རྒྱུ་མཚན་ཀྱང་མང་དག་དྲངས་བཞིན་འདུག། འུར་བཤད་བྱ་མི་རུང་བའི་རྒྱུ་མཚན་བཤད་ན་དེ་ཡང་རྒྱབ་བསྐྱོར་ཡོད་ལུགས་ལུང་པ་གང་བཤད་ཡོང་དུས་དངོས་ནས་གང་ལ་ཆ་འཇོག་དགོས་སམ། དངོས་གནས་གང་ལ་རྒྱབ་བསྐྱོར་ཡོད་དམ། ཙ་མ་སིང་། དུས་རབ་ཀྱི་སྨྱུག་འཛིན་པ་རྣམས་ཌ་མ་རུ་སྤུན་ཟླ་རང་རེད།
བསྟན་འཇམ་གྱིས་བཤད་པ་ཤིན་ཏུ་བདེན།
དེ་སྔོན་བོད་ནང་དུ་ཡོད་པའི་ངའི་གྲོགས་པོ་ཞིག་གིས་དེའི་སྐོར་བཤད་སོང་། སྔོན་མ་ཞིག་ལ་ཁོང་འདི་ནས་ཕར་བོད་ལ་ལོག་སྐབས་བལ་བོད་ས་མཚམས་སུ་ཅུང་རྙོག་གྲ་བྱུང་སོང་ཟེར། རྙོག་གྲ་དེ་བྱུང་མ་ཐག་ཨེ་ཤ་ཡ་རང་དབང་རླུང་འཕྲིན་ཁང་གི་གསར་འགོད་པ་ཀླུ་འབུམ་བཀྲ་ཤིས་ཀྱིས་ཁོང་གི་མིང་དང་ལོ་རྒྱུས་བཅས་པ་རླུང་འཕྲིན་ནང་དུ་བསྒྲགས་པས་རྙོག་གྲ་ཆེ་རུ་བཏང་ནས་ཅི་བྱ་ཏོལ་མེད་དེ་འདྲ་ཆགས་སོང་ཟེར། མ་གཞི་གསར་འགོད་པའི་ཀུན་སློང་ལ་ལྷད་ཡོད་ཀྱི་མ་རེད་དེ་ནམ་རྒྱུན་ནས་གནས་ཚུལ་བརྒྱུད་ལམ་ཁག་ཏུ་གཏོང་དུས་བསམ་གཞིག་མང་པོ་ཞིག་མ་བྱས་ན་འགྲིག་གི་ཡོད་ས་མ་རེད།
ད་དུང་ད་ལོ་བོད་ནང་གི་སློབ་གྲྭ་ག་གེ་མོ་ཞིག་ཏུ་ཆབ་སྲིད་ཀྱི་གནས་ཚུལ་ཅུང་ཞིག་ལྷག་སྐབས་དང་ཐོག་དམ་དྲག་དེ་ཙམ་མེད་ཀྱང་། བཙན་བྱོལ་ནང་གི་གསར་འགྱུར་བརྒྱུད་ལམ་ཁག་ཅིག་ཏུ་ཕྱིར་བསྒྲགས་བྱས་པས་སློབ་གྲྭའི་ནང་དུ་དཀའ་ངལ་ཆེ་རུ་བཏང་སོང་ཞེས་དངོས་སུ་མཐོང་ཐོས་བྱུང་བ་འགྲེལ་བརྗོད་བྱས་བྱུང་།
ང་ཚོ་འདིར་རང་དབང་ལུང་པའི་ནང་དུ་གང་བཤད་བཤད་ཡིན་སྙམ་ནས་གང་བྱུང་སྦིར་གྲགས་བྱེད་རྒྱུ་མི་འདུག ལྷག་པར་དུ་བོད་ནང་གི་གནས་ཚུལ་དག་བརྒུུད་ལམ་ཁག་ནས་བསྒྲགས་སྟངས་ཐད་བསམ་བློ་གཏོང་དགོས་ཀྱི་འདུག་གོ།།
དོན་དག་ཆུང་ཆུང་ཐད་ལན་འདེབས་བྱེད་རྒྱུར་དགའ་བོ་མེད། སྐུ་ཞབས་བསྟན་འཛིན་འཇམ་དབྱངས་ཀྱིས་བཤད་པ་དེ་ཡང་རྒྱུ་མཚན་ལྡན་པ་ཞིག་རེད། འོན་ཀྱང་ངས་རྩོམ་ཐུང་དེས་ཞོགས་དུང་ལ་གནོད་སྐྱེལ་བར་ངོས་འཛིན་བྱས་ན་དེ་ངས་ཀྱང་ངོས་ལེན་བྱེད་ཐུབ་ཀྱི་མི་འདུག ཞོགས་དུང་གི་ཆེད་དུའང་ངོས་ལེན་བྱེད་ཐུབ་ཀྱི་མི་འདུག
ངས་རྒྱ་གཞུང་གིས་རྒྱལ་ཁབ་རང་ཉིད་ཀྱི་རྩ་ཁྲིམས་དང་འགལ་བའི་གནས་ཚུལ་ལ་ཞོགས་དུང་གིས་དབྱེ་ཞིབ་བྱས་པ་ཞིག་བརྗོད་ཡོད་པ་ལས་ཞོགས་དུང་གིས་ཁྲིམས་འགལ་ཞིག་བྱས་ཡོད་པ་དངོས་ཤུགས་གང་ནས་བརྗོད་མེད་ལ་བརྗོད་རྒྱུ་ཡང་མེད་པ་རེད།
དོན་དམ་དུ་ཞོགས་དུང་འཛིན་བཟུང་བྱེད་པའི་ཉིན་ནས་རྒྱ་ནག་གིས་དུས་རྒྱུན་ཉེས་འགེལ་བྱེད་པའི་སྐད་ཆ་སྟེ། རྒྱལ་ཁབ་ཁ་བྲལ་གྱི་བྱ་གཞག་དང་འབྲེལ་ཚུལ་ཉེས་འཛུགས་བྱས་འདུག
དོན་དམ་དུ་ཞོགས་དུང་གིས་རྒྱལ་ཁབ་ཀྱི་རྩ་ཁྲིམས་སྲུང་སྐྱོབས་དང་རྩ་ཁྲིམས་དང་མཐུན་པའི་སྐད་ཆ་བཤད་པ་དེ་རྒྱལ་ཁབ་སྲུང་སྐྱོབ་ལས་ཁ་བྲལ་གྱི་གནད་དོན་མིན་པ་ཁྲིམས་ལུགས་ཀྱི་རྒྱུན་ཤེས་ཡོད་མཁན་ཚང་མས་ཤེས་ཀྱི་རེད། འོན་ཀྱང་མ་ཉེས་ཁ་གཡོགས་དང། ཉེས་འཛུགས་བྱེད་ཁག་འཇོག་བྱེད་ས་ཞིག་དགོས་པ་ནི་རྒྱུ་གཞུང་གི་རྒྱུན་སྤྱོད་རེད།
དེ་ནས་ངས་ཞོགས་དུང་ལ་བསྟོད་སྨད་གང་ཡང་བྱས་མེད། ང་ཚོས་སྤྱི་ཚོགས་འདིར་བསྟོད་སྨད་གང་ཞིག་དང་མ་འབྲེལ་བའི་བསམ་ཚུལ་བཤད་ན་འགྲོ་རྒྱུགས་མེད་པ་ངས་ཤེས་ཀྱི་ཡོད། འོན་ཀྱང་ངས་བསྟོད་སྨད་གཉིས་ཀྱི་བར་ན་ད་དུང་དབྱེ་ཞིབ་ཀྱི་བཤད་བྱེད་སའི་ས་མིག་ཆུང
དོན་དག་ཆུང་ཆུང་ཐད་ལན་འདེབས་བྱེད་རྒྱུར་དགའ་བོ་མེད། སྐུ་ཞབས་བསྟན་འཛིན་འཇམ་དབྱངས་ཀྱིས་བཤད་པ་དེ་ཡང་རྒྱུ་མཚན་ལྡན་པ་ཞིག་རེད། འོན་ཀྱང་ངས་རྩོམ་ཐུང་དེས་ཞོགས་དུང་ལ་གནོད་སྐྱེལ་བར་ངོས་འཛིན་བྱས་ན་དེ་ངས་ཀྱང་ངོས་ལེན་བྱེད་ཐུབ་ཀྱི་མི་འདུག ཞོགས་དུང་གི་ཆེད་དུའང་ངོས་ལེན་བྱེད་ཐུབ་ཀྱི་མི་འདུག
ངས་རྒྱ་གཞུང་གིས་རྒྱལ་ཁབ་རང་ཉིད་ཀྱི་རྩ་ཁྲིམས་དང་འགལ་བའི་གནས་ཚུལ་ལ་ཞོགས་དུང་གིས་དབྱེ་ཞིབ་བྱས་པ་ཞིག་བརྗོད་ཡོད་པ་ལས་ཞོགས་དུང་གིས་ཁྲིམས་འགལ་ཞིག་བྱས་ཡོད་པ་དངོས་ཤུགས་གང་ནས་བརྗོད་མེད་ལ་བརྗོད་རྒྱུ་ཡང་མེད་པ་རེད།
དོན་དམ་དུ་ཞོགས་དུང་འཛིན་བཟུང་བྱེད་པའི་ཉིན་ནས་རྒྱ་ནག་གིས་དུས་རྒྱུན་ཉེས་འགེལ་བྱེད་པའི་སྐད་ཆ་སྟེ། རྒྱལ་ཁབ་ཁ་བྲལ་གྱི་བྱ་གཞག་དང་འབྲེལ་ཚུལ་ཉེས་འཛུགས་བྱས་འདུག
དོན་དམ་དུ་ཞོགས་དུང་གིས་རྒྱལ་ཁབ་ཀྱི་རྩ་ཁྲིམས་སྲུང་སྐྱོབས་དང་རྩ་ཁྲིམས་དང་མཐུན་པའི་སྐད་ཆ་བཤད་པ་དེ་རྒྱལ་ཁབ་སྲུང་སྐྱོབ་ལས་ཁ་བྲལ་གྱི་གནད་དོན་མིན་པ་ཁྲིམས་ལུགས་ཀྱི་རྒྱུན་ཤེས་ཡོད་མཁན་ཚང་མས་ཤེས་ཀྱི་རེད། འོན་ཀྱང་མ་ཉེས་ཁ་གཡོགས་དང། ཉེས་འཛུགས་བྱེད་ཁག་འཇོག་བྱེད་ས་ཞིག་དགོས་པ་ནི་རྒྱུ་གཞུང་གི་རྒྱུན་སྤྱོད་རེད།
དེ་ནས་ངས་ཞོགས་དུང་ལ་བསྟོད་སྨད་གང་ཡང་བྱས་མེད། ང་ཚོས་སྤྱི་ཚོགས་འདིར་བསྟོད་སྨད་གང་ཞིག་དང་མ་འབྲེལ་བའི་བསམ་ཚུལ་བཤད་ན་འགྲོ་རྒྱུགས་མེད་པ་ངས་ཤེས་ཀྱི་ཡོད། འོན་ཀྱང་ངས་བསྟོད་སྨད་གཉིས་ཀྱི་བར་ན་ད་དུང་དབྱེ་ཞིབ་ཀྱི་བཤད་བྱེད་སའི་ས་མིག་ཆུང་ཆུང་ཞིག་ཀྱང་ལོས་ཡོད་སྙམ་ཡོད།
ངོ་མ་གནས་ལུགས་འདུག
རྩོམ་འབྲི་བ་པོ་དང་མཆན་འདེབས་པ་པོ་ཀུན་གྱིས་བཤད་པའི་སྐད་ཆ་གནས་ལུགས་འདུག
ངས་ཁ་སྔོན་ནས་སྐུ་ཞབས་ཞོགས་དུང་གི་སྐོར་ལ་བོད་ཀྱི་གཏམ་དཔེ་ཞིག་དང་སྦྱར་ནས་་་་་་རྟ་ལ་ཡང་བ་དང་སྒ་ལ་བཟོ་བའི་་་་་འགྲེལ་བཤད་ཅུང་ཙམ་ཞིག་བརྒྱབ་ཡོད།
ང་ཚོས་འདི་ནས་ཆབ་སྲིད་འཁྲབ་སྟོན་བྱེད་ཕྱིར་གང་བྱུང་མང་བྱུང་བཤད་དེ་སྲིད་དོན་འཁྲབ་གཞི་རྩོམ་བཞིན་པ་དེ་དག དཔེར་ན། རླུང་རྟ་ཆགས་པའི་པཎ་ཆེན་ཁོང་དང་། དོན་གྲུབ་དབང་ཆེན། སྤྱུལ་སྐུ་བསྟན་འཛིན་བདེ་ལེགས། ད་ཐེངས་ཞོགས་དུང་སོགས་ཀྱི་དཔའ་བློ་ཁོག་གི་མཚན་སྙན་མེ་ལྕེ་དགུང་དུ་སྤར་ཏེ་གུང་ཁྲན་ཏང་གི་ཁྲོ་བོའི་མེ་ལྕེའི་རྣོ་དབལ་དེ་ཆེས་ཆེར་འབར་ཏེ་ཡང་སྙིང་ང་ཚོས་ཕྱི་ལོག་ནས་རླུང་ཡན་གྱིས་འབུད་དེ་བཙོན་དུ་ལུས་པའི་གཞི་ལུས་བོད་རིགས་ཚོའི་ཚེ་སྲོག་ཉིན་རེ་ནས་ཉིན་རེར་བཞུར་བཞིན་རྫོགས་ལ་གཏོང་གི་ཡོད།
མདོར་བསྡུས་ནས་བཤད་ན་དེས་རྒྱ་ནག་དང་། བོད་མི་རིགས། སྤྱི་ཚོགས། སྐད་ཡིག རིག་གཞུང་། དཔལ་འབྱོར། ཆབ་སྲིད། ཁོར་ཡུག ཐ་ན་ཁོང་ཚོ་རང་ཉིད་དང་ཁོང་ཚོ་དང་འབྲེལ་བའི་མི་སྒེར་བཅས་ཀྱི་མི་ཚེའི་མདུན་ལམ་ལའང་གནོད་པ་ལས་ཕན་པ་ཞིག་རྩ་བ་ནས་མེད།
བསྟན་འཇམ་ལགས་ཁྱེད་གཅིག་པོའི་བསམ་བློ་འདི་འཁོར་བ་དེ་དྲ་གྲོགས་མང་ཆེ་བ་ཞིག་ལ་བསམ་ཤེས་བྱེད་དགོས་པའི་བསྡོམས་ཚིག་ཞིག་རེད།ང་ཚོའི་ཨ་གསར་དང་ཁྱབ་སྲིད་གཉིས་མི་འདྲ་བ་ཤེས་དགོས་རེད།ཁྱབ་བསྒྲགས་བྱེད་སྟིང་ལ་བསམ་ཤེས་བྱས་ན།ཁོང་ལ་ཕན་ངེས་རེད།ནག་ཉེས་ཡོད་སྟིང་དང་དཔའ་པོ་ཡིན་སྟིང་བསྒྲགས་བྱས་བ་ཡིན་ན་དེ་ཙམ་ཕན་མི་ཐུབ་པ་མ་ཟད་གནོད་དུ་འགྲོ་བ་ཤེས་དགོས་པ་གལ་ཆེ།
བསྟན་འཇམ་ལགས་ཁྱེད་གྱི་བཤད་དེ་ཚོ་དོན་དངོས་རེད།འོན་ཀྱང་ང་ཚོའི་སྤྱི་ཚོགས་ནང་དགོས་དབང་འགའ་ཞིག་གི་ཆེད་དུ་གཞན་གྱི་མི་ཚེའི་རིན་ཐེང་ལ་བསམ་ཤེས་བྱེད་དགོས་པའི་གོམ་གཤེས་མེད་པ་དེ་ང་ཚོ་བོད་པ་ཚང་གི་ཞན་ཆ་ཞིག་ལ་རྩིས་ཆོག
ཁྱབ་སྲིད་ཀྱི་ནག་ཉེས་ཆེ་རུ་གཏོང་དགོས་ན་ལས་དོན་བསྒྲུབ་སྟིང་འདི་ཚོ་ཕལ་ཁྱེར་ནོར་མེད་པ་འདྲ།ཁོ་རང་ཉིད་ལ་བསམ་བློ་དང་མ་འོང་བར་བསམ་བློ་གཏང་ན་དེ་ཚོ་དངོས་གནས་ནོར་འཁྲིད་རེད་ཟེར་ཐུབ།
འདི་ནི་སྙིང་གཏམ་རང་རེད། ཐུགས་རྗེ་ཆེ་ཞུ།
དེ་མ་རེད། ཕྱོགས་བཞི་མཚམས་བརྒྱད་ནས་ཞོགས་དུང་གླེང་བ་འདིས་དགྱ་ནག་ལ་ཅི་བྱ་བརྟོལ་མེད་ཅིག་བཟོ་ཡི་འདུག་་བསམ། དཔེར་ན་བླ་བྲང་གི་ཨ་ཁུ་འཇིགས་མེད་ལྟ་བུ་རེད། ཁོང་གིས་ཀྱང་མི་ཞིག་གི་ཁོག་ལ་ཤར་ན་ཁ་ལ་ཐོན་མི་ཐུབ་པའི་སྐད་ཆ་དེ་འདྲ་གསུང་ཡོད་པ་རེད། དེ་ཡང་ཕྱི་ཕྱོགས་ནས་ཁྱབ་བསྒྲགས་དང་གླེང་སློང་ཤུགས་ཆེར་བྱས་སྟབས། ཁོང་མི་གློད་རང་གློད་ཆགས་པ་རེད། ང་ཚོས་ཞོགས་དུང་གི་ཐད་ནས་ཀྱང་དེ་ལྟ་བུ་ཞིག་བཟོ་ཐུབ་ན་ཡག་པོ་རེད། ནོར་ཡོད་ན་དགོངས་དག