ལྷ་ས་མི་དམངས་ཀུན་ཁྱབ་རླུང་འཕྲིན་ལས་ཁུངས་ཀྱིས་ཟླ་འདིའི་ཕྱི་ཚེས་གཅིག་ནས་མགོ་འཛུགས་ཀྱིས་བོད་རྒྱ་སྐད་རིགས་གཉིས་ཀྱི་ལམ་ནས་རླུང་འཕྲིན་གསར་བ་ཞིག་གཏོང་མགོ་ཚུགས་ཡོད་འདུག
གསར་ལམ་དུ་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༡ ཉིན་ནས་བཟུང་ལྷ་ས་མི་དམངས་ཀུན་ཁྱབ་རླུང་འཕྲིན་ལས་ཁུངས་ཀྱིས་རླུང་འཕྲིན་གསར་བ་ཞིག་དངོས་སུ་གཏོང་མགོ་ཚུགས་ཏེ། ཉིན་རེའི་ཞོགས་པའི་ཆུ་ཚོད་ ༧ དང་སྐར་མ་ ༥༠ ནས་དགོང་མོའི་ཆུ་ཚོད་ ༡༠ དང་སྐར་མ་ ༡༠ བསྡོམས་ཆུ་ཚོད ༡༤ དང་སྐར་མ་ ༢༠ རིང་། ལྷ་སའི་གསར་འགྱུར་དང་བོད་ལྗོངས་གསར་འགྱུར། རྒྱལ་ནང་གསར་འགྱུར། རྒྱལ་སྤྱིའི་གསར་འགྱུར་སོགས་ཡོད་འདུག་ལ། ལྷ་ས་རླུང་འཕྲིན་ཁང་རང་ཉིད་ཀྱིས་སྒྲིག་བཟོ་བྱས་པའི་བོད་ལྗོངས་ལྷན་འཛོམས་དང་ལྷ་སའི་སྐྱིད་ཆུ།འཕྲོད་བསྟེན་དང་བདེ་ཐང་།རོལ་དབྱངས།གནམ་གཤིས་སྔོན་བརྡ།རིག་རྩལ་གླིང་ག དཔལ་འབྱོར་འཕྲིན་གསར་བཅས་ལེ་ཚན་བཅུ་གཅིག་ལྷག་མཁོ་གཏོང་བྱ་འཆར་ཡོད་འདུག
ད་ལྟའི་ཆར་རླུང་འཕྲིན་ལས་ཁུངས་འདིའི་བརྡ་རྟགས་ལྷ་ས་གྲོང་ཁྱེར་གཙོས་ལྷ་སའི་ཁོངས་གཏོགས་ཀྱི་རྫོང་བདུན་དང་ཁུལ་གཅིག་བཅས་སུ་གཏོང་གིན་ཡོད་འདུག
བོད་ལྗོངས་ལྷན་འཛོམས་ཞེས་པའི་ཚིག་འདིི་སྙན་ཀྱང་ལྷ་ས་རླུང་འཕྲིན་གསར་པ་གཏོང་མགོ་ཚུགས་པར་དེ་ཡག་སྡུག་གང་ཡིན་མིན་ལྟ་རྒྱུུ་རེད།
བོད་ལྗོངས་ལྷན་འཛོམས་ཞེས་པའི་ཚིག་འདི་སྙན་པོ་ཞིག་བྱུང༌།
རླུང་འཕྲིན་གསར་བ་གཏོང་མགོ་ཚུགས་པ་ཡིན་དང་། རྗུན་གཏམ་གསར་པ་གཏོང་འགོ་འཚུགས་པ་རེད། གཞི་ནས་བལྟ་རྒྱུ་རེད།
ཁ་བྲལ་ཁ་བྲལ་ཟེར་ནས། རྣ་བ་བཙོ་རྒྱུ་རེད།
ད་དངོས་གནས་བོད་པའི་རྒྱལ་ཁ་ཞིག་ཐོབ་ཀྱིན་འདུག་ ལོ་འདི་ནས་བཟུང་ང་ཚོའི་ཆོལ་ཁ་གསུམ་ལ་བོད་སྐད་ཀྱི་ལམ་ནས་གསར་འགྱུར་ཞིག་ཐོས་ཀྱི་ཡོད་པ་རེད་་རྒྱ་ནག་རང་གིས་ཡང་ད་ཞིག་ནས་བོད་ཡིག་ལ་རིན་ཐང་ཞིག་བཞག་གི་འདུག་ག་ ཡིན་ཡང་དགོན་སྡེ་ཁག་གི་ནང་ད་དུང་ཡང་ཆོས་ལུགས་དད་པ་རང་མོས་ཞེས་པའིཚིག་སྙན་མོའི་འོག་ལུས་པ་ལས་སློབ་བསམ་དང་རིག་གནས་སོགས་ཡར་རྒྱས་གཏོང་བཞིན་མེད་པ་འདྲ་པོ་ཞིག་འདུག་ དྲ་གྲོགས་ཚོ་ ད་ང་ཚོའི་བོད་ཀྱི་དོན་དེ་གང་འདྲ་ཞིག་ལ་ངོ་བོར་འགྱུར་གྱིན་འདུག་ ངས་བལྟ་ན་ཅུང་ཙམ་ཡག་པོ་ཞིག་གི་ངོ་བོར་འགྱུར་བ་མཐོང་གིན་འདུག་ ཁྱོད་རང་ཚོའི་གང་འདྲ་ཞིག་མཐོང་གིན་ཡོད་ན་ང་ལ་གསུང་རོགས་གནང་།།
ལྷ་ས་རླུང་འཕྲིན་གསར་བ་དེ་ཡག་པོ་ཞིག་ལ་ངོས་འཛིན་བྱེད་ཀྱི་ཡིན། བརྟ་རྟགས་དེ་ཁྱབ་ཆེ་རུ་བཏང་སྟེ་བོད་ཡོངས་རྫོགས་ཁྱབ་ཐུབ་ཐབས་བྱེད་དགོས། ང་ཚོ་བོད་པའི་ཁུག་ཀྱོག་ལུང་ཀྱོག་གི་ཡུལ་སྐད་ཕྱོགས་རེ་བ་དེ་ཚོ་མེད་པ་བཟོས་ཏེ་བོད་དབུས་གཙང་སྐད་ཡིག་རིན་པོ་ཆེ་འདི་ཡོངས་ཁྱབས་སུ་འགྲོ་ཐབས་བྱེད་དགོས་སོ།