ཨེ་ཇིབ་ཡིག་འགྲུལ་ལྷན་ཁང་ནི་ལ་ཊིན་ཡིག་གཟུགས་ལས་གཞན་པའི་ཨ་རབ་ཀྱི་ཡིག་གཟུགས་ནང་དྲ་རྒྱའི་ཁ་བྱང་ཆ་ཚང་བཟོ་ཐུབ་ཡོད་པའི་དྲ་ཚིགས་ཐོག་མ་དེ་ཆགས་ཡོད་འདུག
ཕྱི་ཚེས་ ༦ ཉིན་བདུན་རེའི་རྩིས་འཁོར་དྲ་བ་ཞེས་པའི་ཐོག་གནས་ཚུལ་སྤེལ་བ་ལྟར་ན། ཨེ་ཇིབ་ཡིག་འགྲུལ་ལྷན་ཁང་ནི་ལ་ཊིན་ཡིག་གཟུགས་ལས་གཞན་པའི་ཨ་རབ་ཀྱི་ཡིག་གཟུགས་ནང་དྲ་རྒྱའི་ཁ་བྱང་ཆ་ཚང་བཟོ་ཐུབ་ཡོད་པའི་དྲ་ཚིགས་ཐོག་མ་དེ་ཆགས་ཡོད་ལ། ཕྱི་ལོ་ ༡༩༨༠ ལོ་ནས་བཟུང་ Internet domain name དྲ་རྒྱ་ཁ་བྱང་གི་འབྲི་སྟངས་དེར་ཆེས་ཐོག་མའི་འགྱུར་ལྡོག་ཆེན་པོ་ཞིག་བྱུང་ཡོད་པར་མ་ཟད། དེས་རྒྱ་ནག་དང་། ཤར་དང་དབུས་ཤར་ཨེ་ཤ་ཡའི་ཡུལ་གྲུ་ཁག་ཏུ་རང་དབང་གི་དྲ་ཚིགས་བེད་སྤྱོད་བྱ་ཐུབ་པའི་རེ་བ་བརྒྱབ་ཡོད་ཀྱང་ས་ཁུལ་དེ་དག་ཏུ་ཡུན་རིང་མ་ཕྱིན་པར་ལམ་ལྷོང་བྱུང་ཡོད་མི་འདུག ད་ལྟ་ཨེ་ཇིབ་དང་སོ་ཌི་ཨ་རབ་བྷེ་ཡ། ཨ་རབ་མནའ་འབྲེལ་རྒྱལ་ཁབ་སོགས་ནི་རང་གི་རྒྱལ་ཁབ་ལ་ཨང་རྟགས་ཡོད་ཐོག་ཨ་རབ་ཀྱི་ཡིག་གཟུགས་ཐོག་དྲ་ཚུགས་ཀྱི་ཁ་བྱང་ཐད་ཀར་བེད་སྤྱོད་ཐུབ་པའི་རྒྱལ་ཁབ་ཐོག་མ་གསུམ་དེ་ཆགས་འདུག་ལ། རྒྱ་ནག་དང་ཐའེ་ལན་ཌི། ཐམ་མེ་སོགས་ཀྱི་ཡིག་གཟུགས་ནང་དུའང་ཐད་ཀར་དྲ་རྒྱ་བེད་སྤྱོད་ཐུབ་ཐབས་སུ་འབད་བརྩོན་གནང་བཞིན་ཡོད་འདུག དེའི་སྟབས་ཀྱིས་འཛམ་གླིང་རྒྱལ་ཁབ་ ༢༠ ཙམ་གྱིས་རྒྱལ་སྤྱིའི་དྲ་བྱང་འབྲི་སྟངས་གཞིར་བཟུང་སྟེ་སྐད་ཡིག་ ༡༡ ནང་དྲ་ཚིགས་བེད་སྤྱོད་བྱ་རྒྱུར་ ICANN ཚོགས་པར་རེ་སྐུལ་ཞུས་ཡོད་པ་རེད།
ད་ལྟའི་བར་དུ་ལ་ཊིན་ལས་གཞན་པའི་དྲ་ཚིགས་ཐད་ཀར་བེད་སྤྱོད་གཏོང་ཐུབ་མཁན་འཛམ་གླིང་ཐོག་རྒྱལ་ཁབ་ཉུང་ཤས་ལས་མེད་ཐོག གང་ཡོད་པ་དེ་ཚོས་ཀྱང་ཨང་རྟགས་དེ་ངེས་པར་དུ་ལ་ཊིན་གྱི་ཡིག་གཟུགས་བེད་སྤྱོད་བྱེད་དགོས་བྱུང་ཡོད། ཨང་རྟགས་གསར་པ་གསུམ་ཡོད་པའི་དྲ་ཚིགས་ཁ་བྱང་དེ་ཨ་རབ་ཀྱི་ཡིག་གཟུགས་ནང་གཡས་ནས་གཡོན་ཕྱོགས་སུ་འབྲི་དགོས་ཀྱི་ཡོད། ICANN ཚོགས་པས་རྒྱལ་སྤྱིའི་ཐུན་མོང་ཐོག་སྤྱོད་པའི་དྲ་བྱང་འབྲི་སྟངས་ཤེས་རྟོགས་ཐུབ་ཀྱི་ཡོད་ཀྱང་གློག་ཀླད་ཚང་མས་ལས་ཀ་ཏག་ཏག་བྱེད་ཐུབ་པའི་ངེས་པ་མེད་ཅེས་ཉེན་བརྡ་ཡང་བཏང་ཡོད་འདུག
བོད་ཡིག་ཡར་རྒྱས་འགྲོ་དང་འགྲོ་གཞིན་པའི་སྐབས་འདིར་ད་དུང་བོད་ཡིག་ལ་དཀའ་ངལ་འཕྲད་ཀྱིན་ཡོད་པར་དངོས་ཡོད་གནས་ཚུལ་རེད། ཡིན་ན་ཡང་འདི་ལ་བོད་གཞུང་གི་ངོས་ནས་སློབ་ཚན་དང་སློབ་གྲྭའི་རྒན་ལ་འགྱུར་བ་མ་གགཏོང་གི་བར་ད་དུང་མི་མཐུད་ནས་དཀའ་ངལ་འཕྲ་རྒྱུ་ཉག་ཅིག་རེད།
སྐར་མ་རྡོ་རྗེ་ལགས་ཀྱི་དྲི་བ་དེར་ངའི་ངོས་ནས་ལན་ཞིག་རྒྱག་ཁུལ་བྱས་ན།
བོད་ཡིག་ནང་ལ་བེད་སྤྱོད་ཐུབ་མིན་ལ་བོད་གཞུང་སློབ་གྲྭ་ཁག་དང་གཞོན་སྐྱེས་ཁག་ལ་རག་ལུས་ཡོད་
རྒྱལ་ཁབ་གཞན་དང་འདྲ་བར་ང་ཚོའི་བོད་ཡིག་དེ་ཡང་དེའི་ཕྱོགས་སུ་སྐྱོད་རྒྱུར་གཞོན་སྐྱེས་ཤེས་ཡོན་ཅན་དང་བོད་གཞུང་གྱི་ངོས་ནས་ཀྱང་བསམ་བློ་ཞིག་གཏང་དགོས་གལ་ཤིན་ཏུ་ནས་ཆེ། དེ་མིན་བློ་བཟང་སྨོན་ལམ་ལགས་སུ་ཡང་དེའི་ཐད་དགོངས་ཚུལ་ཅི་ཡོད་དང་དེ་འདྲའི་ལས་གཞི་ཞིག་དེ་ལྟའི་ཆར་སྤེལ་རན་མིན་གྱི་ཐད་བཀའ་སློབ་ཡོད་པ་མཁྱེན། །
ང་ཚོ་བོད་ཀྱི་ཡིག་གཟུགས་དེ་དག་དེ་ལྟ་བུ་དྲ་རྒྱའི་སྟེང་བེད་སྤྱོད་ཐུབ་པ་བྱུང་ན་ངེད་ཅག་རྩ་ཆེན་གྱི་བོད་ཡིག་དེ་རང་བཞིན་དུ་ཡར་རྒྱས་སུ་འགྲོ་བ་ཨ་ལ་ལ་རེད། དེར་བརྟེན་གཞུང་དང་ཚོགས་པ་ཁག་སུ་ཡིན་རུང་ཤུགས་སྣོན་རྒྱག་རྒྱུ་རེ་བ་རྒྱལ་ཆེ་ཞུ།
བོད་ཡིག་ནང་ལ་བེད་སྤྱོད་ཐུབ་མིན་ལ་བཟོ་རྩལ་རག་ལས་སམ། འགྲོ་སོང་ལ་རག་ལག་ལས།
དེ་ལྟ་བུ་བོད་ཡིག་ནང་བེད་སྤྱོད་ཐུབ་པ་བཟོ་ཐུབ་ན་ཅི་མ་རུང་ཨང། ཡང་སྐུ་གཞོགས་སྨོན་ལམ་ལགས་དང་དྲ་རྒྱའི་མཁས་དབང་རྣམས་དྲན་བྱུང་ལ། བོད་ཡིག་གི་ལས་དབང་ཡར་རྒྱས་གཏོང་ཐབས་ཡག་ཤོས་གཅིག་རེད་དྲན་བྱུང།