༼བག་ཆགས་དོང་སྤྲུགས་༽སོགས་ཀྱི་རྩོམ་ཡིག་མང་པོ་བྲིས་རྗེས། ཞོགས་དུང་ཟེར་བ་ཞིག་བོད་མི་མང་གིས་ཤེས་པར་གྱུར་ཅིང༌། དེ་འང་མཆེ་བ་དང༌། རྭ་ཅོ་ཡོད་པ་ལྟ་བུ་འཇིགས་སུ་རུང་བ་ཞིག་གི་རྣམ་པས་ཤེས་ཡོད། ཡིན་ནའང༌། དོན་ངོ་མས་ཞོགས་དུང་དྲག་ཤལ་གྱི་ཉམས་དང་ལྡན་པའི་དེ་ལྟའི་བདུད་པོ་ཞིག་རེད་དམ། གལ་སྲིད་ཡིན་ན། བདུད་པོ་དེས་བདུད་ཀྱི་བྱེད་ལས་ཅི་ཞིག་བསྟན་སོང༌། འདི་ནི་ཞོགས་དུང་བདུད་དུ་གླེང་མཁན་ཚོར་ལྷགས་པའི་དྲི་བ་རེད་ལ། དྲི་བ་དེས་ཁོང་ཚོར་ན་ཟུག་གཏོང་གི་ཡོད།
སྤྱིར་བཏང༌། བདུད་དང་འདྲེ། ལྷ་ཟེར་བ་འདི་རིགས་དོན་དངོས་ཡོད་མེད་ཀྱི་རྩོད་པ་ཆེ་ཞིང༌། མིའི་རིགས་ལ་ཡོད་པའི་ཀུན་སློང་བསྐྱེད་མཁན་ནི། ཆོས་ལུགས་པ་ཚོ་རེད་ཅེས་བཤད་ཆོག་པ་འདྲ། ཆོས་ལུགས་པ་ནི་ལྷ་འདྲེ་གདོན་རིགས་ཀྱི་འགྲོ་འདུག་སྤྱོད་པ་མི་ཚོར་ངག་གིས་གསལ་བཤད་བསྐྱོན་མཁན་ཡིན་པ་མ་ཟད། ཁོང་ཚོས་ལྷ་འདྲེ་གདོན་ཐེའུ་ལ་ཁ་ལོ་ཡང་བསྒྱུར་ཐུབ་རབས་བཤད། དེའི་ཕྱིར། ཞོགས་དུང་གདོན་དུ་མཐོང་ཞིང༌། མི་མང་མང་ཚོགས་ལ་ཐོག་མའི་གདོན་གྱི་རྣམ་རྟོག་བསྐྱེད་མཁན་ཡང་བོད་ཀྱི་ཆོས་ལུགས་པ་ཚོ་ཡིན་པར་གྱུར་ཡོད།
ཁོང་ཚོས་ཞོགས་དུང་གདོན་རེད། གདོན་འདིས་བརྒྱད་ཁྲི་བཞི་སྟོང་གི་ཆོས་ཀྱི་ཕུང་པོར་རྒོལ་གྱི་འདུག དམ་པའི་ཆོས་ལ་རྒོལ་བ་དང་དམོད་རྒྱུ་ལྟ་ཅི། དེ་ཚུལ་ཡིད་ལ་འཆར་བ་ཙམ་གྱི་མི་ཡང་བདུད་རེད་ཅེས་བཤད་ཡོད། ཆོས་ལུགས་པ་འདི་རིགས་ཀྱི་བཤད་སྟངས་འགྲིག་མིན་དང༌། ཞོགས་དུང་གིས་ཆོས་ལ་དམའ་འབེབས་བྱས་ཡོད་མེད་ངས་མི་ཤེས། ངས་ཤེས་པ་ནི་ཁོང་གིས་མི་རིགས་ཀྱི་ཉམ་ཐག་པའི་གནས་སྟངས་སེམས་ཀྱིས་མ་བཟོད་པར། དེ་ལ་བསམ་བློ་ཡང་ཡང་བཏང། དབྱེ་ཞིབ་རིམ་པར་བྱས་པའི་རྙེད་དོན་དེ། ཁ་ཁོག་པས་མ་གསང་བ་དང༌། བློ་སྒྱུ་མས་མ་སྐུམ་པར་བོད་མི་རིགས་ལ་སྐད་གསེང་མཐོན་པོས་བསྒྲགས་པ་རེད། དེ་འདྲ་ཡིན་དུས། ཁོང་འཆུགས་ནས་དམྱལ་བར་ལྷུང་ཡང༌། མི་རིགས་ཀྱི་ཆེད་དུ་འཆུགས་ནས་དམྱལ་བར་ལྷུང་བ་གསལ་པོ་རེད། དེ་འདྲ་ཡིན་དུས། ཞོགས་དུང་གིས་ཕ་བསད་ཀྱང་རུང༌། མར་རྡུང་ཡང་འགྲིག བོད་མི་རིགས་ཀྱི་ཆེད་དུ་རྡུང་ཞིང་བསད་པ་ཡིན་ཕྱིན། རང་གི་མི་རིགས་ལ་དགའ་མཁན་ཞིག་ཡིན་ན། ཞོགས་དུང་ལ་དགའ་ཁོ་ཐག་ཡིན་ནི་རེད་ལ། ངའང་དེ་བཞིན་ཡིན། མ་གཞི་ནས། ང་འདྲ་བོར་མཚོན་ནའང༌། བོད་བརྒྱུད་ནང་བསྟན་འདིར་སེམས་ཀྱི་མཐིལ་ནས་དགའ་ཞེན་ཆེ་ཞིང༌། བསྐལ་བ་ནས་བསྐལ་བར་སྐྱབས་ལས་འདོར་བ་མེད་པའི་གསོལ་བ་སྨོན་ལམ་འདེབས་མཁན་ཞིག་ཡིན།
ཡིན་ནའང༌། ང་ལ་མི་ཞིག་གིས། ཁྱོད་ཀྱིས་མི་རིགས་དང་ཆོས་ལུགས་གཉིས་ལས་གཅིག་དེ་འདམས་ལེན་གྱིས། ཅིག་ཤོས་མེད་པར་གཏོང་གི་ཡིན་ཟེར་ན། ངས་ནི་དོགས་པ་ཐེ་ཚོམ་ཅི་གང་མེད་པར། རང་གི་མི་རིགས་སྐྱོབ་ངེས་ཡིན། ངའི་བསམ་པར། མི་རིགས་དང་ཆོས་ལུགས་གྱི་འབྲེལ་བ་དེ་བྱ་དེ་དང་སྒོང་ངའི་འབྲེལ་བར་མཐོང་གི་ཡོད་པས་ཡིན། བྱ་དེ་མ་ཤི་ན་སྒོང་ང་ཡོད་པ་དེ་ཚང་མས་ཤེས་རྒྱུ་རེད།
གང་ལྟར། ཞོགས་དུང་གི་ལྟ་བ་དང་ལག་ལེན་དེ་ཡག་རུང་སྡུག་རུང༌། བག་ཆགས་རྙིང་རུལ་གྱི་དབང་བཙན་པོས། བོད་མི་རིགས་ཀྱི་མིག་ལམ་དུ་ཁོང་བདུད་ལ་བསྒྱུརབ་དང༌། བདུད་དུ་སྙམ་པ་ནས་བོད་མི་རིགས་ཀྱིས་ཁོང་འཇུས་པ་རེད། འཇུས་ནས་དྲང་བདེན་མ་ཡིན་པའི་སེམས་ཀྱི་ཁྲིམས་རར་བཅུག་སྟེ་མནར་གཅོད་ཀྱང་གང་འཚམ་གཏོང་ཐུབ་ཡོད། མ་གཞི་ནས་བོད་མིས་བོད་མི་འཇུས་ཏེ་ཁྲིམས་ར་འདིར་བཅུག་པ་ནི་ཞོགས་དུང་གཅིག་པུ་མིན་པར། ཞོགས་དུང་སོགས་བོད་མི་རིགས་ཀྱི་ནམ་མཁའ་འདེགས་པའི་ཀ་བ་ལྟ་བུ་མང་པོ་མང་པོ་ཞིག་ཡོད།
འདིར་ལྟར། བོད་མི་རིགས་ཀྱིས་ཞོགས་དུང་འཇུས་ནས་ལོ་ངོ་གང་འཚམ་འགོར་ནའང༌། བོད་ཀྱི་བཙོན་ཁང་གིས་ཞོགས་དུང་འཆམ་ལ་ཕབ་ཐུབ་རྒྱུ་ལྟ་ཞོག ཞོགས་དུང་གི་སྨྱུག་རྩེ་སྔར་ལས་ཇེ་རྣོར་གྱུར། ཞོགས་དུང་གི་སྤོབས་པ་རི་བཞིན་ཇེ་མཐོར་སོང༌། ཞོགས་དུང་བོད་ཀྱིས་བཙོན་དུ་བཀག་ཡང༌། ཞོགས་དུང་སྡང་ས་དང་ཞོགས་དུང་གི་གཤེ་ས་དེ་བོད་མིན་པར་གྱུར། ཞོགས་དུང་བཙོན་གྱི་ཕྱི་ནང་གང་ནས་བསྡད་ཀྱང༌། ཁོའི་བསམ་རྒྱུ་དང་བཤད་རྒྱུ་ནི་རང་གི་མི་རིགས་ཡིན། མི་རིགས་ལ་ཕན་རྒྱུ་ཞིག་ཡྀན་དུས། ཁོང་བཙོན་ལ་འཇིགས་རྒྱུ་ལྟ་ཅི། སྲོག་ཀྱང་འདོར་ཐུབ་པ་འདྲ།
ཞོགས་དུང་བོད་ཀྱི་བཙོན་དུ་ཡོད་སྒང་དེར། བོད་དུ་ཞི་རྒོལ་ཆེན་མོ་བྱུང༌། ཞི་རྒོལ་ཆེན་མོས་ཞོགས་དུང་ལ་ཚོར་སྣང་མི་འདྲ་བ་གསུམ་སྤྲད་ཅིང༌། དེ་འབྲེལ་གྱི་རྩོམ་ཡིག་རིང་པོ་ཞིག་བྲིས་ཏེ་དཔར་དུ་བསྐྲུན་པ་དང༌། རྩོམ་གྱི་མིང་ལ་༼གནམ་ས་གོ་འབྱེད་༽བཏགས། དེབ་དེ་དཔར་བསྐྲུན་འགྲེམས་སྤེལ་གྱི་རྗེས། བོད་ཀྱི་བཙོན་ཁང་དུ་མྱངས་བཞིན་པའི་ཞོགས་དུང་སླར་ཡང་རྒྱ་ཡིས་འཇུས་པ་དང༌། འདི་ནི་ཁོང་གི་མི་ཚེའི་བཙོན་འཇུག་གཉིས་པ་དེ་ཡིན། ད་ལྟ་ཁོང་རྒྱལ་ཁབ་གཉིས་ཀྱི་ཉེས་ཅན་པ་དང༌། བཙོན་ཁང་གཉིས་ཀྱི་བཙོན་མར་གྱུར་ཡོད། ཞོགས་དུང་བཙོན་འཇུག་གི་བརྒྱུད་རིམ་ལ་བལྟས་ཡོང་དུས། རྒྱ་བོད་གཉིས་ཀྱི་བཙོན་དུ་ཚུད་ལུགས་ལ་འདྲ་དང་མི་འདྲ་སའི་དོན་དག་འདི་འདྲ་ཁ་ཤས་ཤིག་ཡོད་པ་ཡིན། གཅིག་དེ་བཙོན་འཇུག་གི་ལོ་དུས་མི་གཅིག་པ་དང༌། བཙོན་དུ་འཇུག་མཁན་ནི་བོད་རྒྱ་གཉིས་ཏེ། དེ་འང་མི་གཅིག ད་དུང་བཙོན་ཁང་མི་གཅིག་ལ། མནར་གཅོད་གཏོང་ལུགས་ཀྱང་ཁ་ཁ་རེད། ཡིན་ནའང༌། ཞོགས་དུང་བཙོན་དུ་འཇུག་དགོས་པའི་རྒྱུ་མཚན་དེ་གཅིག་པ་ཡིན། དེ་ནི་ཁ་གསལ་པོས་བཤད་ན། ཁོང་ཉིད་བོད་མི་རིགས་ལ་དགའ་ཞེན་ཆེ་བས་རེད་དོ།།
གསར་བརྗེ་བྱེད་པ་ནི་ཆོས་ངོ་མ་ཡིན།
གཅེས་འཛིན་གདོན་གྱིས་མྱོས་ཆེ་སྟེ།།
རྒྱལ་ཁབ་མགོ་འབུལ་ལུས་འབུལ་བྱས།།
གཞན་སར་གླ་ཆ་བཏང་ལ་བསྡད།།
འཕྱ་སྨོད་ཡུལ་དུ་མ་གྱུར་ཏམ།།
ཆོས་ཤོག་བསམ་དང་བྱ་སྤྱོད་དག།།
འབོད་སྐུལ་བྱེད་མཁན་ཞོགས་ཁའི་དུང་།།
ཡང་ཡང་བུས་པ་མང་དྲགས་ནས།།
དཀའ་ངལ་དུས་སུ་སྐྱོབ་མཁན་དཀོན།།
བསོད་ནམས་མར་ངོས་ཟླ་ལ་འགྲན།།
ཕྱི་འཇམ་ནང་རྩུབ་ལུག་གི་གྲོགས།།
ཉིན་བཞིན་བདོ་བས་གདོང་དམར་བོད།།
རྩམ་སྐྱ་རླུང་གིས་སྤུར་བའི་སྤུན།།
དོན་དངོས་རྒྱལ་གཅེས་གོ་བ་འཛོལ།།
ཞི་དྲག་འཐབ་ཀྱིན་མ་སོང་ན།།
རང་མཆུ་རང་གིས་བསྡམས་མིན་ནམ།།
མ་འོངས་བདེ་སྐྱིད་འཚོལ་སྙེགས་རེམས།།
ཞེས་ཀྱང་ངག་ལས་དབང་མེད་དུ་ཤོར།།
དུས་བབས་བྱེའུ་ཚང་ལ་ཞུ་རྒྱུ་ནི། ད་ཁྱོད་ཚོའི་བྱེའུ་ཚང་གིས་ཕྱོགས་ཞེན་དང་ལུང་མཚན་གྱི་རྫུན་གཏམ་དག་ག་དུས་མཚམས་བཞག་གོ།
སྐུ་ཞབས་ཞོགས་དུང་དང་ཐེའུ་རང་གཉིས་མྱུར་དུ་གློད་གྲོལ་ཡོང་བས་སྨོན་འདུན་ཞུ་གི་ཡིན
མི་རིགས་ལ་ཞེན་ཁོག་དང་ལ་རྒྱ་ཅན་གྱི་སྐུ་ཞབས་ཞོགས་དུང་ལགས། ངས་དུས་ནམ་ཡང་ཁྱེད་རང་བརྗེད་མི་སྲིད། ཁྱེད་རང་དང་མཉམ་དུ་སྐུ་ཞབས་དོན་འགྲུབ་རྒྱལ་ཡང་དྲན་བཞིན་ཡོད། ཁྱེད་རང་ཚོས་བོད་ཀྱི་གཞོན་སྐྱེས་ཤེས་ཡོན་ཅན་རྣམས་ཀྱི་སེམས་ལ་ལ་རྒྱ་དང་བོད་མི་རིགས་ཀྱི་ཞེན་ཁོག་གི་བག་ཆགས་གསར་བ་ཞིག་སྐྲུན་བཞིན་ང་ཚོའི་བོད་མི་རིགས་འདི་རྒྱུན་རིང་ཡུན་གནས་ཐུབ་ཐབས་སུ་གཞུང་ལམ་ཞིག་གསར་གཏོད་བྱེད་བཞིན་པར་བསྔགས་བརྗོད་དང་རྗེས་སུ་ཡི་རང་ཡོད། ཐུགས་རྗེ་ཆེ། །
ང་ནི་སྐུ་ཞབས་ལྷ་ལུང་རྒྱལ་ལ་ཧང་སང་ནས་བསྡད་ཡོད།་ད་དུང་ཁོང་གི་བསམ་ཚུལ་དེ་བས་ཀྱང་ཧང་སང་དགོས་པ་འདུག་་་བཙན་བྱོལ་གྱི་རྭ་བ་ཆུང་ཆུང་དེའི་ནང་ཞོགས་དུང་དང་འདྲ་བའི་མི་ཞིག་མེད་བསམ་ཡོད།་སྟབས་ཉེས་པ་ཞིག་ལ་ཁ་སང་དེ་རིང་བཙན་བྱོལ་ཁྲོད་ཞོགས་དུང་གི་ལྟ་ཚུལ་བཟུང་མཁན་ཡོད་པ་ཤེས་སོང།མི་དེ་དག་ཡང་སྙིང་ཞོགས་དུང་དངོས་རྫུན་གང་ཡིན་བཤད་ཚོད་མ་ཐེབས་ཀྱང།ཤེས་རིག་གི་ཀླད་པ་ཡོངས་སུ་མ་སྨིན་མཁན་ཞིག་ཡིན་པ་ངོས་འཛིན་བྱེད་ཆོག
ངས་ཞོགས་དུང་གི་མི་རིགས་རིང་ལུགས་ཀྱི་ལ་ཞེན་ལ་གུས་བརྩི་བྱེད་བཞིན་ཡོད་ལ།་བསྟོད་དབྱངས་ཀྱང་ཕུལ་མྱོང་ཡོད།དེའི་ཆ་ནས་ཁོང་ནི་བོད་མི་རིགས་ཀྱི་སྲོག་རྩའི་གྲུབ་ཆ་ཆུང་ཆུང་ཞིག་རེད།
བོད་ཀྱི་ནང་ཆོས་ནི་འཛམ་གླིང་ཞི་བདེ་སྒོ་འབྱེད་པའི་ལྡེ་མིག་གཅིག་པུ་དེ་ཡིན།དེ་མེད་ན་འཛམ་གླིང་ཞི་བདེ་དང་སེམས་ཅན་སྡུག་བསྔལ་ལས་གྲོལ་བ་ཡོང་རེ་མི་སྲིད་པ་ཞིག་ཡིན།གལ་སྲིད་ས་ཡ་དྲུག་ལས་མེད་པའི་བོད་མི་རིགས་འདི་ཉམ་ནས་རྩ་མེད་དུ་འགྲོ་ཡང་ནང་ཆོས་ཀྱི་ཉི་འོད་འཛམ་གླིང་ནང་ཁྱབ་པ་ཞིག་བྱུང་ན་བོད་མི་རིགས་ཀྱི་མངོན་འདོད་གྲུབ་པ་རེད་ལ།༸གོང་ས་མཆོག་དགོངས་གཞི་མཐར་ཐུག་ཡང་གྲུབ་སོང་བ་རེད།དེར་བརྟེན་ཟམ་གདོང་པཎ་ཆེན་གྱིས་བོད་མི་རིགས་ཉམ་ཡང་ནང་བསྟན་ཆོས་ལུགས་མ་ཉམ་ན་འགྲིགས་ཞེས་གསུངས་པར་གོ་རྒྱུ་ཆེན་པོ་ཡོད།་
སྐད་ཆ་མང་པོ་བརྗོད་མི་དགོས་པ་ཚིག་སྡོམ་འདི་ལ་དགོངས་པ་བཞེས་ཐུབ་པ་ཞིག་བྱུངན་ལྷ་ལུང་རྒྱལ་སོགས་ཁྱེད་ཅག་གིས་་ནང་བསྟན་ཆོས་ལུགས་ལས་བོད་མི་རིགས་གདམས་དགོས་པ་དང།་ཆོས་དང་མི་རིགས་གཉིས་བྱ་སྒོང་གི་འབྲེལ་བ་ལྟར་བྱ་དེ་མེད་ན་སྒང་ང་མེད་ཅེས་ཟེར་བའི་ལོག་ལྟ་རྣམས་ག་ལེར་སང་ཐུབ་པའི་རེ་བ་བྱེད་ཆོག
ཞོགས་དུང་དམིགས་སུ་བཀར་ནས་གླེང་སློང་བྱེད་དགོས་དོན་ནི། ཁོང་གི་ལྟ་བ་ལངས་ཕྱོགས་མི་རིགས་ཀྱི་ཕྱོགས་སུ་བཞེངས་ཤིང་། ངོས་འཛིན་ཐག་གཅོད་རང་ཚུགས་ཀྱི་ཐོག་ནས་ཡོད་པས་དང་། གཞན་ཡང་། ཁོང་གི་ནུས་པའི་མི་རིགས་ཤིག་གཉིད་ལས་དཀྲོགས་ཤིང་། མི་རིགས་དེའི་གནས་སྟངས་གང་ཞིག་ཏུ་སོང་ཡོད་མེད་གསལ་སྟོན་བྱས་པས་དང་། ད་དུང་། ཁོང་གི་དཔྱོད་ཤེས་ཀྱི་ལམ་ཁ་ཞིག་བཏོན་ཅིང་། དེ་ཡང་དུས་བབ་དང་གནས་སྟངས་ལ་འཚམ་པས་དང་། ལྷག་པར་དུ། ཁོང་གི་ལར་ཞེན་རྣམ་དག་མི་རིགས་ལ་བཅིངས་ཤིང་། མི་རིགས་དེའི་མདུན་ཆེད་རང་ཉིད་བཙོན་ཁང་ནང་དུ་ཚུད་པས་དང་། དེ་ལས་ཀྱང་། ཁོང་གི་ཞི་རྒོལ་གྱི་རྒྱ་གཞུང་ཉེས་ཅན་དུ་བསྒྱུར་ཅིང་། གྲུབ་འབྲས་ཡོངས་སུ་ཁྱབ་པས་ན་དེ་ལྟར་གླེང་སློང་བྱས་པ་ཞིག་རེད།
ཞོགས་དུང་དམིགས་སུ་བཀར་ནས་གླེང་དོན་ག་རེ་ཡིན་ནམ།
https://tibettimes.net/wordpress/blogs.php?id=40
ཞོགས་དུང་སྐོར་མི་བཤད། མི་མང་ཞིག་གི་ཞོགས་དུང་གི་རྒྱུ་ཁྱི་ལབ་ཀྱིན་འདུག གང་ལྟར་ཡང་ངའི་སེམས་ནང་ན་ཞོགས་དུང་ནི་བོད་ཀྱི་བསམ་བློ་བ་ཞིག་ཏུ་ངོས་འཛིན་རྒྱུ་དེ་རེད། ཁོས་སྐད་ཆ་བཤད་ཚུལ་ཡོད་ཚུལ་ལ་ཡིད་ཆེས་མེད་ཀྱང་ཁོང་གིས་བྲིས་གནས་ལུགས་ཅན་གྱི་ཚིག་དག་ཁས་མ་བླངས་རང་བླངས་རེད།
ཞོགས་དུང་ནི་ལྷ་འདྲེ་ཅི་ཡིན་རུང་མི་རིགས་ལ་ལ་རྒྱ་ཅན་ཞིག་རེད་འདུག་པས་རྟག་ཏུ་སེམས་ལ་གུས་ཞབས་དང་ལ་རྒྱ་ཅན་པོ་ཁོང་མྱུར་དུ་རང་ཁྱིམ་དུ་ལོག་ཐུབ་པའི་སྨོན་ལམ་རྒྱབ་བཞིན་ཡོད།
ངས་ནི་ཞོགས་དུང་སྡུག་པོ་ཞིག་རེད་ནམ་ཡང་བསམ་མྱོང་མེད་ལ་ལབ་མྱོང་ཡང་མེད།
གྲོགས་པོ་ཚོ་་་་་ཞོགས་དུང་ལགས་ཀྱིས་ཆོས་ཁས་ལེན་དང་མི་ལེན་ཁོ་རང་སྒེར་གྱི་བསམ་བློ་གཏོང་ཕྱོགས་ཤིག་རེད། ཁོ་ལ་མི་རིགས་ཀྱི་ཞེན་ཁོག་དང་ལ་རྒྱ་ཆེན་པོ་ཡོད་ཙང་ཆོས་ལ་སྐྱོན་དུ་མཐོང་བ་ཡིན་པ་འདྲ།
གཞན་ཆོས་ཀྱིས་ཁོའི་ལྟོ་གོས་ལ་ཀྱོང་རྒུད་བཏང་བའམ་ཁོ་ལ་གནོད་སྐྱོན་བྱས་ཡོད་རྒྱུ་མ་རེད། དེ་འདྲ་སོང་ཙང་ཁོང་མི་རིགས་ཀྱི་ལ་རྒྱ་ལ་རྒྱབ་སྐྱོར་མཐའ་གཅིག་ཏུ་བྱེད་དགོས།
ཆོས་ཁས་མ་བླང་བ་ཙམ་གྱི་བོད་དོན་བོར་ཨེ་འགྲོ་སྙམ།
ང་ནི་ལྷ་ལུང་རྒྱལ་ཁོང་ཞོགས་དུང་ལ་དགའ་བ་དང་དུང་བ་ཇི་བཞིན་ལྷ་ལུང་རྒྱལ་ལ་དགའ་མཁན་ཞིག་དང་ཡིད་ཆེས་ཡོད་མཁན་ཞིག་ཡིན། ཁོས་དེ་རིང་ཞོགས་དུང་ལས་འཕྲོས་ཏེ་ཁོང་གི་ལྟ་བ་ཡང་དག་ཅིག་གསལ་འདོན་བྱས་ཡོད་པ་ནི། མི་རིགས་དང་ཆོས་ལུགས་གཉིས་ཀྱི་གཅིག་ཤོས་བདམས་དགོས་ཚེ། ངས་ནི་སྣང་བ་རྣམ་རྟོག་གང་ཡང་མེད་པའི་སྒོས་མི་རིགས་བདམས་ཀྱི་ཡིན་ཟེར་བ་དེ་རེད། ངས་སྔོན་མ་ནས་ཁོང་ལ་འདི་འདྲའི་རྣོ་མངར་ལྡན་པའི་ལྟ་བ་ཞིག་དང་བསམ་ཚུལ་ཡོད་པར་ཡིད་ཆེས་བྱེད་ཀྱི་ཡོད། དེ་རིང་ཁོང་གིས་འདི་ལྟར་སེམས་ཀྱི་ན་ཟུག་ཕྱིར་བཏོན་པའི་དགོས་པ་དང་རྒྱུ་མཚན་ཡང་། མཐར་གཏུགས་ན་མི་རིགས་ཀྱི་ཆེད་དུ་ཡིན་པ་དེའོ།། འདི་འདྲའི་ལེགས་རྩོམ་རེ་དུས་དང་རྣམ་པ་ཀུན་ཏུ་ང་ཚོའི་ཀློག་པ་པོའི་མིག་ལམ་དུ་བཤམས་པའི་རེ་བ་ཡོད། ཁ་བྲོ། བཀྲིས།
ཨའོ་སི་ཁྲི་ལི་ཡར་གནས་སྡོད་པ་ཞིག་གིས་ཞོགས་གདུང་ལགས་ཀྱི་ནང་མི་ཞོར་འཚོ་བའི་རོགས་སྐྱོར་ཆེད་ཞལ་འདེབས་གློང་བཞིན་ཡོད་པའི་གནས་ཚུལ་ཞིག་འདུག་།་་་དེ་དོན་ཐོག་ཏུ་འཁེལ་བའི་སྨོན་འདུན་ཞུ།
ཨེ་མ་ཧོ།
ཞོགས་དུང་རང་དོན་བཞག་ནས་དོན་ཆེན་སྒྲུབ།
ཐལ་རང་ལ་སོགས་དེ་བཞིན་དོན་ཆེན་སྒྲུབ།
དེ་ནི་བོད་ཡིག་ཤེས་པའི་ལག་རྗེས་ཡིན།
དེ་ལས་ལྡོག་ཏེ་མཁས་དབང་འདི་བཞིན་ཡོད།
ཧོར་གཙང་འཇིགས་མེད་ཧོར་ཏེ་འཐེན་ནས་ཨ་རི་སླེབས།
ལྷ་མོ་སྐྱབས་ནི་སྐྱབས་འཇུག་ཞུ་ནས་ཡུ་རོབ་འབྱོར།
ཀུན་མཐར་དོན་འགྲུབ་མི་རྐུན་བྱེད་ནས་རྒྱ་གར་བཞུགས།
ལུང་རིགས་རྒྱལ་གྱི་ཁོང་གསུམ་ཉིན་ལྟར་སྲུང་སྐྱོབས་བྱ།
གླུ་གར་བྱམས་ནི་ཨ་མདོ་མི་ལ་ཁམས་པའི་སེམས།
ཟླ་བ་ཚེ་རིང་མགོ་གཉིས་འོག་ནས་དབུས་གཙང་ཕྱོགས།
སྒྲོལ་དཀར་སྐྱབས་ནི་གཞུང་ཞབས་མེད་ཀྱང་གོ་གནས་མཐོ།
དེ་ཚོ་ཕྱག་ལས་རང་དོན་སྤྱི་དོན་གང་ལ་བཞག།།
གང་འདོད་འདོད་གསུངས་རོགས་གནང་་་་་་རང་དབང་རེད་་་་་
མི་རིགས་ལ་དགའ་ཞེན་ཡོད་པའི་ཅི་ཞིག་ཕན་་་་དཔེར་ན་ཞོགས་དུང་ལྟ་བུ་རེད། མེས་བོ་ཚོའི་རྐང་བའི་འཐེན་བཞིན་དུས་རབ་ཀྱི་རྗེས་སུ་གོམ་ལྡིང་བྱས་སོང་། ཕན་ནུས་ཅི་ཡང་མ་ཐོན་པའི་ཁར་ཁ་རྡུང་མང་དག་ཞིག་གིས་མགོ་འབུར་ཐུབ་མ་སོང་། ད་ཁོའི་གནམ་ས་གོ་འབྱེད་ལ་རེ་བཅོལ་བྱས་ཡོད་ཚོད་རེད
ཞོགས་དུང་ལ་བོད་ཞེན་མི་འདུག་ཟེར་མཁན་ཡོད་དམ། མེད་ན་བོད་པ་སྤྱི་བྱིང་ལ་རྒྱ་གཞུང་དང་འདྲ་བའི་ནག་ཉེས་མ་བཀལ་ན་བཟང་། བརྒྱ་ལ་འགའ་རེ་ཡོད་དུ་ཆུག་ཀྱང་དེས་བོད་སྤྱིའི་ངོ་བོ་མཚོན་མི་ཐུབ། སངས་རྒྱས་ཀྱི་བསྟན་པ་ལ་དད་རྒྱུ་ཞིག་དང་ཞོགས་དུང་གི་ལྟ་བ་ལ་གཅེས་རྒྱུ་ཞིག་ཨེ་ཡོད། བདག་མེད་ཀྱི་ལྟ་བ་འདི་སངས་རྒྱས་ཀྱི་དགོངས་པ་མཐར་ཐུག་པ་ཡིན་བཞིན་དུ། བདག་ཡོད་པར་ལྟ་བའི་ཞོགས་དུང་གི་ལྟ་བ་འདི་ད་དུང་བཟང་རབས་བཤད་ན། རྩམ་པ་འགམ་རྒྱུ་དང་ཕུ་རྒྱག་རྒྱུ་གཉིས་དུས་གཅིག་ཏུ་ཡོང་དཀའ་རྒྱུ་རེད། ཁྱོད་ཀྱིས་ཞོགས་དུང་གི་དགོངས་པ་འཁྲོལ་མེད་པ་འདྲ།
ད་་ཆོག་གི་ད་ཆོག་་གི་་ ཕྱོགས་དུང་མྱི་རེད། བོད་གཞན་པ་བཟུང་བ་དང་་བསད་པ་ཚང་མ་མྱི་རེད། མྱི་ཚང་མ་འདྲ་འདྲ་རེད་ཟེར་མཁན་ཡང་ཕྱོགས་དུང་ཁོ་རེད། ཕྱོགས་དུང་ཁོས་མང་གཙོ་དང་རང་དབང་བཤད་གི་ཡིན་ན་མི་མང་གི་འདོད་པ་དང་དད་མོས་ལ་བརྩི་འཇོག་བྱེད་དགོས་པ་རེད། མི་མང་ཤོས་ཀྱི་བསམ་ཚུལ་སྤྱི་དོན་ནམ་སྤྱི་ཁྲིམས་ཆགས་པ་རེད། སྒེར་གཅིག་གི་ལྟ་བ་མང་པོའི་མགོར་འཇོག་གི་ཡིན་ཟེར་ན་ཏང་དམར་རང་རེད། མི་མང་གིས་ངོ་རྒོལ་ཡོང་གི་རེད། དེ་མང་གཙོ་རེད། གནམ་ས་གོ་འབྱེད་ཟེར་བ་དེའི་་ནང་ན་༢༠༠༨ ལོའི་ཞི་རྒོལ་སྐོར་རགས་བཤད་བྱས་དང་ལྷན་ན་ནང་བསྟན་ལ་ཟ་ཟུར་ནས་ངན་སྨྲས་བྱས་ཡོད་པ་དེ་ལས་གཞན་ཅིང་མེད་ཁ། ད་དུང་བོད་རྒྱ་ཁུངས་ཡིན་པར་ཡང་བསྒྲུབས་འདུག་ག དེ་ལས་ཡུལ་ཤུལ་རྒུད་སྐྱོབས་ལ་རོགས་སྐྱོར་བཤད་བཞིན་པའི་བརྙན་པར་དང་པར།ད་དུང་ཟིན་ཐོ་སོགས་ཕྱོགས་བསྒྲིགས་དང་དཔར་འགྲེམས་བྱེད་ཐུབ་ན་ཡག་པོ་རེད། ད་དུང་གལ་ཆེ་བ་ཞིག་ནི་བོད་རྒྱ་ཆེ་མི་དམངས་ཀྱི་གཏོང་ཕོད་ཞལ་འདེབས་གྲངས་ཀ་ཕྱོགས་བསྒྲིགས་བྱེད་ཐུབ་ན་ཧ་ཅང་ཡག་པོ་རེད།
རེད་རེད་ངོ་མ་ཡག་པོ་བྲིས་འདུག མུ་འཐུད་ནས་འབྲི་རོགས་གནོང་། འདི་ངས་རེ་བ་ཡིན་ འདི་ནི་བོད་པ་ཚང་གིས་ཆེད་དུ་ཡིན།
ངས་བལྟས་ན་ད་བར་ཞོགས་དུང་དེ་ཉིད་བོད་མི་རིགས་ལ་དགའ་ཞེན་མེད་མཁན་ཞིག་རེད་ཅེས་ཤོད་མཁན་ཞིག་ཡོད་པ་གོ་མ་སོང་ལ་མཐོང་ཡང་མ་སོང། འོན་ཀྱང་ཞོགས་དུང་གིས་ཆོས་ལ་དགག་པ་བརྒྱབ་འདུག་ཟེར་ནས་གཤེ་གཤེ་གཏོང་མཁན་ཡོད་པ་གོ་མྱོང་ཡོད།
ཐུགས་རྗེ་གཟིགས།ཚིག་སྡེབ་དང་ཡིག་ནོར་ལ་གཟབ་རོགས།
རང་གིས་ཅི་ཡང་མི་ཤེས་བ་དེར་བསམ་བློ་བཏང་ན་མིའི་སྐད་ཆར་དཔྱད་པ་བྱེད་མི་ཐུབ་མོད་སེམས་ལ་གང་ཤར་བ་དེ་དྲང་མོར་བཤད་ན་མི་ཚང་མས་མཁས་རྟགས་སྟོན་འདོད་པ་ཙམ་ལས་འཚོ་བ་དངོས་ལ་རྒྱུས་ལོན་ཅི་ཡང་བྱས་མི་འདུག རྩོམ་ཡིག་འདིའང་དེའི་གཅིག་རེད། དགའ་ན་དེ་ཡིན་ལ་མ་དགའ་ནའང་དེ་ཡིན།
མི་རིགས་འདིལ་སྲོག་ལྟར་གཅེས་བའི་དཔའ་བོ་ཞོགས་དུང་ལགས་ཁྱེད་ཉིད་གང་དུ་ཡོད་ཀྱང་ང་ཚོ་མཉམ་དུ་ཡོད།
རེད། ངོ་མ་རེད། ཀླད་རྙིང་མང་པོ་ཞིག་དགའ་གི་ཡོད་ན་ཐང། ཞབས་འདྲེན་རེད། ད་ནི་ཁྱེད་ཚོ་བློ་བདེ་སོང་ངམ
ཁོང་ཉིད་བོད་མི་རིགས་ལ་དགའ་ཞེན་ཆེ་བ་ངས་ཤེས་སོ།