རྒྱ་ནག་གི་དབུས་བརྙན་འཕྲིན་ཁང་ལ་མེ་སྐྱོན་ཤོར་བའི་དོན་རྐྱེན་འོག་ནས་མི་ ༢༠ ལ་བཙོན་འཇུག་ཁྲིམས་ཐག་བཅད་ཡོད་འདུག
ཞིན་ཧྭ་གསར་ཁང་གིས་སྤེལ་བ་ལྟར་ན། ཕྱི་ཚེས་ ༡༡ ཉིན་རྒྱ་ནག་གཞུང་གིས་ལོ་སྔོན་མར་རྒྱ་ནག་དབུས་བརྙན་འཕྲིན་ལས་ཁུངས་ལ་མེ་སྐྱོན་ཤོར་བའི་དོན་རྐྱེན་དང་འབྲེལ་ཏེ་མི་ ༢༠ ལ་ལོ་ ༧ བར་གྱི་བཙོན་འཇུག་ཁྲིམས་ཐག་བཅད་ཡོད་པ་རེད། དབུས་བརྙན་འཕྲིན་ཁང་གི་ཨར་ལས་འཛུགས་སྐྲུན་གྱི་མགོ་བ་ཞུའོ་ཝེ་ཟེར་བ་ཞིག་ལ་ཁྲིམས་ཐག་ལྕི་ཤོས་ཕོག་སྟེ་ལོ་ ༧ བདུན་གྱི་བཙོན་འཇུག་ཁྲིམས་ཐག་བཅད་ཡོད་པ་དང་། གཞན་པ་ ༡༩ པོ་ལ་ལོ་ ༣ ནས་ལོ་ ༦ དང་ཕྱེད་ཀའི་བར་གྱི་བཙོན་འཇུག་ཁྲིམས་ཐག་བཅད་ཡོད་པ་རེད། ཁོང་ཚོར་ཁྲིམས་ཐག་གཅོད་མཁན་ནི་པེ་ཅིན་འབྲིང་རིམ་མི་དམངས་ཁྲིམས་ཁང་གཉིས་པ་རེད།
ལོ་སྔོན་མའི་ཕྱི་ཟླ་ ༢ པའི་ཚེས་ ༩ ཉིན་རྒྱ་ནག་དབུས་བརྙན་འཕྲིན་ཁང་ལ་མེ་སྐྱོན་བྱུང་སྐབས་མེ་གསོད་པ་གཅིག་རྐྱེན་འདས་སུ་གྱུར་བ་དང་། གཞན་པ་ ༨ རྨས་ཡོད་འདུག
